स्वर्णज्वालेश्वर माहात्म्य

श्लोक 1 (skanda.5.77.1)

श्रीमहादेव उवाच। स्वर्णज्वालेश्वरं षष्ठं विद्धि चात्र यशस्विनि। यस्य दर्शनमात्रेण धनवानिह जायते

śrīmahādeva uvāca| svarṇajvāleśvaraṁ ṣaṣṭhaṁ viddhi cātra yaśasvini| yasya darśanamātreṇa dhanavāniha jāyate

श्रीमहादेव बोले — हे यशस्विनी, यहाँ छठे देव को स्वर्णज्वालेश्वर जानो; जिनके दर्शनमात्र से मनुष्य यहाँ धनवान हो जाता है।

श्लोक 2 (skanda.5.77.2)

पुरा सार्द्धं त्वया देवि क्रीडतो मम मंदिरे। जातं वर्षशतं दिव्यं सुरतैकरसस्य च

purā sārddhaṁ tvayā devi krīḍato mama maṁdire| jātaṁ varṣaśataṁ divyaṁ surataikarasasya ca

पूर्वकाल में, हे देवी, मेरे मंदिर में तुम्हारे साथ क्रीड़ा करते हुए सौ दिव्य वर्ष रतिरस में ही बीत गए।

श्लोक 3 (skanda.5.77.3)

देवैः सर्वैस्ततो वह्निः प्रेरितो मम संनिधौ। ततो वह्निः समायातस्त्रैलोक्यार्थे यशस्विनि

devaiḥ sarvaistato vahniḥ prerito mama saṁnidhau| tato vahniḥ samāyātastrailokyārthe yaśasvini

तब सब देवताओं ने अग्नि को मेरे समीप भेजा; तब त्रैलोक्य के हित के लिए, हे यशस्विनी, अग्नि वहाँ आए।

श्लोक 4 (skanda.5.77.4)

ततो वह्निमुखे क्षिप्तं वीर्यं स्वं क्रीडता मया। दह्यमानस्तदा तेन गंगां वह्निर्जगाम ह

tato vahnimukhe kṣiptaṁ vīryaṁ svaṁ krīḍatā mayā| dahyamānastadā tena gaṁgāṁ vahnirjagāma ha

तब क्रीड़ारत मुझसे मेरा वीर्य अग्नि के मुख में गिरा; उससे जलते हुए अग्नि तब गंगा की ओर चले गए।

श्लोक 5 (skanda.5.77.5)

तत्र गत्वा प्रचिक्षेप वीर्यमग्निः सुदुर्द्धरम्। तथापि दह्यते वह्निर्वीर्यशेषेण पार्वति

tatra gatvā pracikṣepa vīryamagniḥ sudurddharam| tathāpi dahyate vahnirvīryaśeṣeṇa pārvati

वहाँ जाकर अग्नि ने वह दुर्धर वीर्य फेंक दिया; फिर भी, हे पार्वती, वीर्य के शेष अंश से अग्नि जलते ही रहे।

श्लोक 6 (skanda.5.77.6)

जातं रम्यं ततो दिव्यं वीर्यशेषेण कांचनम्। ज्वलंतं चातितापेन दुःसहं दुर्द्धरं प्रिये

jātaṁ ramyaṁ tato divyaṁ vīryaśeṣeṇa kāṁcanam| jvalaṁtaṁ cātitāpena duḥsahaṁ durddharaṁ priye

तब उस वीर्यशेष से अत्यंत तेज से जलता हुआ, दुःसह, दुर्धर, रमणीय दिव्य स्वर्ण उत्पन्न हुआ, हे प्रिये।

श्लोक 7 (skanda.5.77.7)

अग्नेरपत्यं प्रथमं दृष्ट्वोत्पन्नं तु पार्वति। लोभाभिभूता असुराः सुरा गन्धर्वकिन्नराः

agnerapatyaṁ prathamaṁ dṛṣṭvotpannaṁ tu pārvati| lobhābhibhūtā asurāḥ surā gandharvakinnarāḥ

अग्नि की इस प्रथम संतान को उत्पन्न देखकर, हे पार्वती, लोभ से अभिभूत होकर असुर, देव, गंधर्व, किन्नर —

श्लोक 8 (skanda.5.77.8)

यक्षाः साध्याः पिशाचाश्च मनुष्या राक्षसाः खगाः। अभ्यधावन्सुसंरब्धास्ते सुवर्णजिघृक्षवः

yakṣāḥ sādhyāḥ piśācāśca manuṣyā rākṣasāḥ khagāḥ| abhyadhāvansusaṁrabdhāste suvarṇajighṛkṣavaḥ

— यक्ष, साध्य, पिशाच, मनुष्य, राक्षस और पक्षी, सब अत्यंत उत्तेजित होकर सुवर्ण को पाने की इच्छा से दौड़ पड़े।

श्लोक 9 (skanda.5.77.9)

सुवर्णार्थे महान्नादो ममेदमिति जल्पताम्। अज्ञानात्संगरश्चैव संजातः प्राणहारकः

suvarṇārthe mahānnādo mamedamiti jalpatām| ajñānātsaṁgaraścaiva saṁjātaḥ prāṇahārakaḥ

सुवर्ण के लिए "यह मेरा है" कहते हुए महान कोलाहल मच गया; अज्ञानवश एक प्राणहारी संग्राम छिड़ गया।

श्लोक 10 (skanda.5.77.10)

अथावरणमुख्यानि नानाप्रहरणानि च। प्रगृह्याभ्यनदन्नादैर्देवैः सार्द्धं यशस्विनि

athāvaraṇamukhyāni nānāpraharaṇāni ca| pragṛhyābhyanadannādairdevaiḥ sārddhaṁ yaśasvini

तब उन्होंने ढालें और नाना प्रकार के शस्त्र उठाकर, हे यशस्विनी, देवताओं के साथ गर्जना करते हुए युद्ध किया।

श्लोक 11 (skanda.5.77.11)

असुरा असुरैः सार्द्धं मनुष्या मानुषैः सह। गन्धर्वाः सह गन्धर्वैः किंनरैः सह किंनराः

asurā asuraiḥ sārddhaṁ manuṣyā mānuṣaiḥ saha| gandharvāḥ saha gandharvaiḥ kiṁnaraiḥ saha kiṁnarāḥ

असुर असुरों से, मनुष्य मनुष्यों से, गंधर्व गंधर्वों से, किन्नर किन्नरों से —

श्लोक 12 (skanda.5.77.12)

भूतैः सार्द्धं च भूतानि राक्षसैः सह राक्षसाः। वेतालैः सह वेताला युद्धं चक्रुः सुदारुणम्

bhūtaiḥ sārddhaṁ ca bhūtāni rākṣasaiḥ saha rākṣasāḥ| vetālaiḥ saha vetālā yuddhaṁ cakruḥ sudāruṇam

— भूत भूतों से, राक्षस राक्षसों से, वेताल वेतालों से अत्यंत भीषण युद्ध करने लगे।

श्लोक 13 (skanda.5.77.13)

पुत्रस्तु पितरं द्वेष्टि पिता पुत्रं तथैव च। हंति भार्या स्वभर्तारं भर्ता च स्वां प्रियां तथा

putrastu pitaraṁ dveṣṭi pitā putraṁ tathaiva ca| haṁti bhāryā svabhartāraṁ bhartā ca svāṁ priyāṁ tathā

पुत्र पिता से द्वेष करने लगा और पिता भी पुत्र से वैसे ही; पत्नी अपने पति को मार डालती, और पति अपनी प्रिया को भी।

श्लोक 14 (skanda.5.77.14)

मातरं स्वसुतो हंति माता पुत्रं हिनस्ति च। ततो वैरविनिर्बंधः संजातः स्वर्णकारणात्

mātaraṁ svasuto haṁti mātā putraṁ hinasti ca| tato vairavinirbaṁdhaḥ saṁjātaḥ svarṇakāraṇāt

पुत्र अपनी माता को मार डालता और माता पुत्र को भी नष्ट करती; इस प्रकार सुवर्ण के कारण वैर की गाँठ बंध गई।

श्लोक 15 (skanda.5.77.15)

सुराणामसुराणां च सर्वं घोरतरं महत्। प्रासाश्च विपुलास्तीक्ष्णा न्यपतंत सहस्रशः। तोमराश्च सुतीक्ष्णाग्राः शस्त्राणि विविधानि च

surāṇāmasurāṇāṁ ca sarvaṁ ghorataraṁ mahat| prāsāśca vipulāstīkṣṇā nyapataṁta sahasraśaḥ| tomarāśca sutīkṣṇāgrāḥ śastrāṇi vividhāni ca

देवों और असुरों में सब कुछ अत्यंत घोर और भीषण हो गया; तीक्ष्ण, विशाल भाले हज़ारों की संख्या में गिरने लगे, तीक्ष्ण अग्रभाग वाले तोमर और नाना प्रकार के शस्त्र —

श्लोक 16 (skanda.5.77.16)

सुवर्णार्थे महादेवि वमंतो रुधिरं बहु

suvarṇārthe mahādevi vamaṁto rudhiraṁ bahu

— सुवर्ण के लिए, हे महादेवी, बहुत रक्त वमन करते हुए योद्धा गिरने लगे।

श्लोक 17 (skanda.5.77.17)

असिशक्तिगदाऋष्ट्यो निपेतुर्धरणीतले। छिन्नानि पट्टिशैश्चैव शिरांसि युधि दारुणैः

asiśaktigadāṛṣṭyo nipeturdharaṇītale| chinnāni paṭṭiśaiścaiva śirāṁsi yudhi dāruṇaiḥ

तलवारें, शक्तियाँ, गदाएँ, ऋष्टियाँ धरती पर गिरने लगीं; युद्ध में भीषण पट्टिशों से सिर कटकर गिरने लगे।

श्लोक 18 (skanda.5.77.18)

रुधिरेणावलिप्तांगा निहताश्च परस्परम्। अद्रीणामिव कूटानि धातुयुक्तानि शेरते

rudhireṇāvaliptāṁgā nihatāśca parasparam| adrīṇāmiva kūṭāni dhātuyuktāni śerate

रक्त से लिप्त अंगों वाले, परस्पर मारे गए वे योद्धा धातुओं से युक्त पर्वत-शिखरों के समान पड़े हुए थे।

श्लोक 19 (skanda.5.77.19)

हाहाकारः समभवद्भयकृच्च सहस्रशः। अन्योन्यं छिंदतां शस्त्रैः सुवर्णस्य च कारणात्

hāhākāraḥ samabhavadbhayakṛcca sahasraśaḥ| anyonyaṁ chiṁdatāṁ śastraiḥ suvarṇasya ca kāraṇāt

सुवर्ण के कारण एक-दूसरे को शस्त्रों से काटते हुए उनका हाहाकार सहस्रों गुना भयकारी हो उठा।

श्लोक 20 (skanda.5.77.20)

परिघैरायसैः पाशैर्वज्रकल्पैश्च मुष्टिभिः। निघ्नतां समरेऽन्योन्यं शब्दो दिवमिवास्पृशत्

parighairāyasaiḥ pāśairvajrakalpaiśca muṣṭibhiḥ| nighnatāṁ samare'nyonyaṁ śabdo divamivāspṛśat

लोहे के परिघों, पाशों, वज्र-सम मुष्टियों से युद्ध में एक-दूसरे को मारते हुए उनका शब्द मानो आकाश को छू रहा था।

श्लोक 21 (skanda.5.77.21)

छिंधिभिंधि प्रधाव त्वं पातयाधिसरेति च। अश्रूयन्त महाघोराः शब्दास्तत्र समंततः

chiṁdhibhiṁdhi pradhāva tvaṁ pātayādhisareti ca| aśrūyanta mahāghorāḥ śabdāstatra samaṁtataḥ

"काटो! भेदो! दौड़ो! गिराओ! पीछा करो!" — ऐसे अत्यंत घोर शब्द वहाँ चारों ओर सुनाई दे रहे थे।

श्लोक 22 (skanda.5.77.22)

एवं तु तुमुले युद्धे वर्त्तमाने महाभये। कंपिता धरणी देवि देवास्त्रस्ताः सवासवाः

evaṁ tu tumule yuddhe varttamāne mahābhaye| kaṁpitā dharaṇī devi devāstrastāḥ savāsavāḥ

इस प्रकार उस तुमुल, महाभयंकर युद्ध के होते हुए, हे देवी, धरती काँप उठी और वासव सहित देवता भयभीत हो गए।

श्लोक 23 (skanda.5.77.23)

क्षुभ्यंति स्म समुद्राश्च चेलुश्च धरणीधराः। तस्यार्थे पीडितं सर्वं सदेवासुरमानुषम्

kṣubhyaṁti sma samudrāśca celuśca dharaṇīdharāḥ| tasyārthe pīḍitaṁ sarvaṁ sadevāsuramānuṣam

समुद्र क्षुब्ध हो उठे और पर्वत हिलने लगे; उसके कारण सारा जगत, देव-असुर-मनुष्यों सहित, पीड़ित हो गया।

श्लोक 24 (skanda.5.77.24)

ऋषयो वालखिल्याद्या देवाः शक्रपुरोगमाः। बृहस्पतिं पुरस्कृत्य ब्रह्मलोकं गताः स्त्रियः

ṛṣayo vālakhilyādyā devāḥ śakrapurogamāḥ| bṛhaspatiṁ puraskṛtya brahmalokaṁ gatāḥ striyaḥ

वालखिल्य आदि ऋषि और शक्र आदि देवता, बृहस्पति को आगे कर, अपनी स्त्रियों सहित ब्रह्मलोक को गए।

श्लोक 25 (skanda.5.77.25)

सोच्छ्वासा कथयामासुर्जर्जरीकृतमस्तकाः। वृत्तांतं विस्तरात्सर्वं लोकत्रयविनाशनम्

socchvāsā kathayāmāsurjarjarīkṛtamastakāḥ| vṛttāṁtaṁ vistarātsarvaṁ lokatrayavināśanam

हाँफते हुए, सिर बुरी तरह चोटिल, उन्होंने त्रिलोक-विनाशकारी सारा वृत्तांत विस्तार से सुनाया।

श्लोक 26 (skanda.5.77.26)

तच्छ्रुत्वा वचनं तेषां ब्रह्मा लोकपितामहः। चिंतयित्वा च तैः सार्द्धमाजगाम ममांतिकम्

tacchrutvā vacanaṁ teṣāṁ brahmā lokapitāmahaḥ| ciṁtayitvā ca taiḥ sārddhamājagāma mamāṁtikam

उनका यह वचन सुनकर लोकपितामह ब्रह्मा, विचार कर, उनके साथ मेरे पास आए।

श्लोक 27 (skanda.5.77.27)

मया पृष्टास्तु ते सर्वे केनैते जर्जरीकृताः। शस्त्रास्त्रैः पीडिताः केन कस्माद्वो भयमागतम्

mayā pṛṣṭāstu te sarve kenaite jarjarīkṛtāḥ| śastrāstraiḥ pīḍitāḥ kena kasmādvo bhayamāgatam

मैंने उन सबसे पूछा — "किसने तुम्हें इस प्रकार जर्जर किया? किसने शस्त्रास्त्रों से पीड़ित किया? यह भय तुम्हें किससे प्राप्त हुआ?"

श्लोक 28 (skanda.5.77.28)

कश्चासौ दानवो दुष्टो येन वै पीडिता भृशम्। तत्सर्वं कथितं देवि ममाग्रे भयविह्वलैः

kaścāsau dānavo duṣṭo yena vai pīḍitā bhṛśam| tatsarvaṁ kathitaṁ devi mamāgre bhayavihvalaiḥ

"वह कौन दुष्ट दानव है जिसने तुम्हें इतना पीड़ित किया?" — यह सब, हे देवी, भयविह्वल उन देवताओं ने मेरे सामने कह सुनाया।

श्लोक 29 (skanda.5.77.29)

ते मामूचुस्तदा देवा ब्रह्माद्या भयकारणम्

te māmūcustadā devā brahmādyā bhayakāraṇam

तब ब्रह्मा आदि देवताओं ने मुझे भय का कारण बताया —

श्लोक 30 (skanda.5.77.30)

लोभात्सर्वे विनष्टाः स्म सुवर्णस्य च कारणात्। पीडितं च जगत्सर्वं सदेवासुरमानुषम्

lobhātsarve vinaṣṭāḥ sma suvarṇasya ca kāraṇāt| pīḍitaṁ ca jagatsarvaṁ sadevāsuramānuṣam

"लोभ से और सुवर्ण के कारण हम सब नष्ट हो गए हैं; देव-असुर-मनुष्यों सहित सारा जगत पीड़ित हो गया है।"

श्लोक 31 (skanda.5.77.31)

इति तेषां वचः श्रुत्वा मया ज्ञातं वरानने। तस्यार्थे कलहो घोरः संजातो हि परस्परम्

iti teṣāṁ vacaḥ śrutvā mayā jñātaṁ varānane| tasyārthe kalaho ghoraḥ saṁjāto hi parasparam

उनका यह वचन सुनकर, हे वरानने, मुझे यह ज्ञात हुआ कि उसी के कारण उन सबमें यह घोर कलह उत्पन्न हुआ है —

श्लोक 32 (skanda.5.77.32)

लोकत्रयविनाशश्च सहसा येन वै कृतः। यमुद्दिश्य त्यजेत्प्राणांस्तमाहुर्ब्रह्मघातकम्

lokatrayavināśaśca sahasā yena vai kṛtaḥ| yamuddiśya tyajetprāṇāṁstamāhurbrahmaghātakam

— और जिसके कारण अकस्मात त्रिलोक का विनाश हुआ, जो कोई उसी के निमित्त प्राण त्याग दे, उसे ब्रह्मघातक कहा जाएगा।

श्लोक 33 (skanda.5.77.33)

ब्रह्महा वह्निपुत्रस्तु यमुद्दिश्य मृतो जनः। शरीरं शबलं चैव सविकारं भविष्यति

brahmahā vahniputrastu yamuddiśya mṛto janaḥ| śarīraṁ śabalaṁ caiva savikāraṁ bhaviṣyati

जो मनुष्य अग्निपुत्र (सुवर्ण) के निमित्त मृत्यु को प्राप्त होगा, वह ब्रह्महत्यारा होगा; उसका शरीर विकृत और चित्तीदार हो जाएगा।

श्लोक 34 (skanda.5.77.34)

धातवो हि भविष्यंति तस्य देहे न संशयः। लक्ष्यते दुःखमतुलं छेददाहादिघर्षणम्

dhātavo hi bhaviṣyaṁti tasya dehe na saṁśayaḥ| lakṣyate duḥkhamatulaṁ chedadāhādigharṣaṇam

उसके शरीर में धातुएँ विकृत हो जाएँगी, इसमें संदेह नहीं; उसे छेदन, दाहन आदि से अतुल दुःख भोगना पड़ेगा।

श्लोक 35 (skanda.5.77.35)

एतस्मिन्नंतरे वह्निर्दृष्ट्वा पुत्रस्य चेष्टितम्। ज्ञात्वा क्रोधं मदीयं तु भीतो वै पुत्रकारणात्

etasminnaṁtare vahnirdṛṣṭvā putrasya ceṣṭitam| jñātvā krodhaṁ madīyaṁ tu bhīto vai putrakāraṇāt

इसी बीच अग्नि, अपने पुत्र की करतूत देखकर और मेरा क्रोध जानकर, पुत्र के कारण भयभीत हो गए।

श्लोक 36 (skanda.5.77.36)

आजगाम सुवर्णेन सार्द्धं देवि ममांतिकम्। प्रसादितोऽहं पुत्रार्थे वह्निना हि वरानने

ājagāma suvarṇena sārddhaṁ devi mamāṁtikam| prasādito'haṁ putrārthe vahninā hi varānane

वे सुवर्ण को साथ लेकर, हे देवी, मेरे पास आए; हे वरानने, अग्नि ने पुत्र के लिए मुझे प्रसन्न किया —

श्लोक 37 (skanda.5.77.37)

रक्षणीयस्त्वया देव पुत्रोयं तव शंकर। भाण्डागारे स्वकीये तु क्रियतां परमेश्वर

rakṣaṇīyastvayā deva putroyaṁ tava śaṁkara| bhāṇḍāgāre svakīye tu kriyatāṁ parameśvara

"हे देव, यह आपका पुत्र आपके द्वारा रक्षणीय है; हे परमेश्वर, इसे अपने ही भांडार में रखिए —"

श्लोक 38 (skanda.5.77.38)

त्वयि तुष्टे महादेव प्राप्योऽयं नात्र संशयः। इच्छया दीयतां देवि यस्य कस्य जनस्य च

tvayi tuṣṭe mahādeva prāpyo'yaṁ nātra saṁśayaḥ| icchayā dīyatāṁ devi yasya kasya janasya ca

"— हे महादेव, आपके प्रसन्न होने पर यह अवश्य प्राप्त होगा, इसमें संदेह नहीं; हे देवी, इसे इच्छानुसार जिस किसी भी जन को दिया जाए।"

श्लोक 39 (skanda.5.77.39)

इति तस्य वचः श्रुत्वा पितृदेवमुखस्य च। तथेति च प्रतिज्ञातं मया लोभाद्यशस्विनि

iti tasya vacaḥ śrutvā pitṛdevamukhasya ca| tatheti ca pratijñātaṁ mayā lobhādyaśasvini

पिता देव अग्नि के मुख से यह वचन सुनकर, हे यशस्विनी, मैंने उत्कट स्नेहवश "तथास्तु" कहकर प्रतिज्ञा की।

श्लोक 40 (skanda.5.77.40)

स्नेहान्मया वह्निपुत्र उत्संगे च कृतस्तदा। स्नेहाद्वै चुंबितो मूर्ध्नि परिष्वक्तः पुनःपुनः

snehānmayā vahniputra utsaṁge ca kṛtastadā| snehādvai cuṁbito mūrdhni pariṣvaktaḥ punaḥpunaḥ

तब मैंने स्नेह से अग्निपुत्र को अपनी गोद में ले लिया; स्नेह से उसके सिर को चूमा और बार-बार आलिंगन किया।

श्लोक 41 (skanda.5.77.41)

ददामि ते महाभाग वरं वरय शोभनम्। परितुष्टोऽस्मि वै कामं यथेष्टं समवाप्नुहि

dadāmi te mahābhāga varaṁ varaya śobhanam| parituṣṭo'smi vai kāmaṁ yatheṣṭaṁ samavāpnuhi

"हे महाभाग, मैं तुझे वर देता हूँ, कोई शुभ वर माँग; मैं अत्यंत प्रसन्न हूँ, अपनी इच्छानुसार वर प्राप्त कर।"

श्लोक 42 (skanda.5.77.42)

अहमाज्ञापयामि त्वां श्रेयश्चैवमवाप्स्यसि। ममाभीष्टकरं स्थानं विद्यते पृथिवीतले

ahamājñāpayāmi tvāṁ śreyaścaivamavāpsyasi| mamābhīṣṭakaraṁ sthānaṁ vidyate pṛthivītale

"मैं तुझे आज्ञा देता हूँ, इससे तुझे कल्याण प्राप्त होगा। पृथ्वीतल पर मुझे अत्यंत प्रिय एक स्थान है —"

श्लोक 43 (skanda.5.77.43)

अक्षयं प्रलये पुत्र महाकालवनं शुभम्। तत्रैव विद्यते लिंगं कर्कोटकस्य दक्षिणे

akṣayaṁ pralaye putra mahākālavanaṁ śubham| tatraiva vidyate liṁgaṁ karkoṭakasya dakṣiṇe

"— हे पुत्र, प्रलय में भी अक्षय, शुभ महाकालवन। वहीं, कर्कोटक के दक्षिण में, एक लिंग विद्यमान है —"

श्लोक 44 (skanda.5.77.44)

महापापहरं पुत्र दर्शनाद्दीप्तिदायकम्। तस्य दर्शनमात्रेण कृतकृत्यो भविष्यसि

mahāpāpaharaṁ putra darśanāddīptidāyakam| tasya darśanamātreṇa kṛtakṛtyo bhaviṣyasi

"— हे पुत्र, महापापों का हरण करने वाला, दर्शनमात्र से दीप्ति देने वाला। उसके दर्शनमात्र से तू कृतकृत्य हो जाएगा।"

श्लोक 45 (skanda.5.77.45)

पुण्यश्चैव पवित्रेण दुर्लभश्च भविष्यति। अकुलीनः कुलीनस्तु समलो निर्मलो नरः

puṇyaścaiva pavitreṇa durlabhaśca bhaviṣyati| akulīnaḥ kulīnastu samalo nirmalo naraḥ

"पवित्रता से मनुष्य पुण्यवान और दुर्लभ हो जाएगा; अकुलीन कुलीन बन जाएगा, मलिन निर्मल हो जाएगा —"

श्लोक 46 (skanda.5.77.46)

विरूपो रूपवांश्चैव त्वत्प्रसादाद्भविष्यति। दानानि परिपूर्णानि व्रतानि नियमास्तथा

virūpo rūpavāṁścaiva tvatprasādādbhaviṣyati| dānāni paripūrṇāni vratāni niyamāstathā

"— विरूप रूपवान हो जाएगा, तेरी कृपा से। दान पूर्ण फल देने वाले होंगे, तथा व्रत और नियम भी —"

श्लोक 47 (skanda.5.77.47)

यज्ञाश्चैवोपवासाश्च तीर्थं पिंडादिकं त्वया। सुसंपूर्णा भविष्यंति तव दानेन सुव्रत

yajñāścaivopavāsāśca tīrthaṁ piṁḍādikaṁ tvayā| susaṁpūrṇā bhaviṣyaṁti tava dānena suvrata

"— यज्ञ, उपवास, तीर्थ, पिंडदान आदि, हे सुव्रत, तेरे दान से पूर्ण फलदायी हो जाएँगे।"

श्लोक 48 (skanda.5.77.48)

सर्वेषां चैव रत्नानामाधिपत्यं करिष्यसि। प्रियाभीष्टो हि देवानां लोकानां च भविष्यसि

sarveṣāṁ caiva ratnānāmādhipatyaṁ kariṣyasi| priyābhīṣṭo hi devānāṁ lokānāṁ ca bhaviṣyasi

"तू सब रत्नों का आधिपत्य प्राप्त करेगा; देवताओं और सब लोकों का प्रिय एवं अभीष्ट बनेगा।"

श्लोक 49 (skanda.5.77.49)

इत्युक्तोऽसौ महादेवि दिव्यरूपो वरानने। ज्वालामालावृतः पुण्यो निर्मलो हि बभूव ह

ityukto'sau mahādevi divyarūpo varānane| jvālāmālāvṛtaḥ puṇyo nirmalo hi babhūva ha

इस प्रकार कहे जाने पर, हे महादेवी, हे वरानने, वह दिव्य रूप धारण कर ज्वाला-मालाओं से आवृत, पवित्र और निर्मल हो गया।

श्लोक 50 (skanda.5.77.50)

लिंगेनोक्तः सुवर्णस्तु दिष्ट्यादिष्ट्येति कांचनम्। अद्यप्रभृति नाम्ना वै ख्यातिं यास्यसि भूतले

liṁgenoktaḥ suvarṇastu diṣṭyādiṣṭyeti kāṁcanam| adyaprabhṛti nāmnā vai khyātiṁ yāsyasi bhūtale

लिंग ने सुवर्ण से कहा — "सौभाग्य है, सौभाग्य है, हे कांचन! आज से तू अपने ही नाम से पृथ्वी पर विख्यात होगा —"

श्लोक 51 (skanda.5.77.51)

स्थातव्यं मत्समीपे तु वह्निपुत्र त्वया सदा। अक्षया भविता कीर्त्तिस्त्वदीया भुवनत्रये

sthātavyaṁ matsamīpe tu vahniputra tvayā sadā| akṣayā bhavitā kīrttistvadīyā bhuvanatraye

"— हे अग्निपुत्र, तुझे सदा मेरे समीप ही रहना होगा; तेरी कीर्ति त्रिभुवन में अक्षय होगी।"

श्लोक 52 (skanda.5.77.52)

इत्युक्तो देवि लिंगेन वह्निपुत्रोऽतिनिर्मलः। ज्वालावृततनुर्जातः सूर्यकोटिसमप्रभः

ityukto devi liṁgena vahniputro'tinirmalaḥ| jvālāvṛtatanurjātaḥ sūryakoṭisamaprabhaḥ

लिंग द्वारा ऐसा कहे जाने पर, हे देवी, वह अत्यंत निर्मल अग्निपुत्र ज्वालाओं से आवृत शरीर वाला, करोड़ों सूर्यों के समान तेजस्वी हो गया।

श्लोक 53 (skanda.5.77.53)

दीप्तिर्लब्धा सुवर्णेन ज्वालामालाकुला तदा। अतो देवि सुविख्यातः स्वर्णज्वालेश्वरः शिवः

dīptirlabdhā suvarṇena jvālāmālākulā tadā| ato devi suvikhyātaḥ svarṇajvāleśvaraḥ śivaḥ

तब सुवर्ण को ज्वाला-मालाओं से युक्त दीप्ति प्राप्त हुई; अतः, हे देवी, शिव स्वर्णज्वालेश्वर के नाम से सुविख्यात हुए।

श्लोक 54 (skanda.5.77.54)

यस्तमर्चयते भक्त्या स्वर्णज्वालेश्वरं शिवम्। तस्य संजायते देवि विजयो राज्यमूर्जितम्। ऐश्वर्यं दानशक्तिश्च पुत्रपौत्रमनंतकम्

yastamarcayate bhaktyā svarṇajvāleśvaraṁ śivam| tasya saṁjāyate devi vijayo rājyamūrjitam| aiśvaryaṁ dānaśaktiśca putrapautramanaṁtakam

जो भक्तिपूर्वक उस शुभ स्वर्णज्वालेश्वर शिव की अर्चना करता है, उसे, हे देवी, विजय, समृद्ध राज्य, ऐश्वर्य, दानशक्ति और अनंत पुत्र-पौत्र प्राप्त होते हैं।

श्लोक 55 (skanda.5.77.55)

ज्ञानतोऽज्ञानतो वापि यत्पापं कुरुते नरः। तत्क्षालयति देहोत्थं दर्शनान्नात्र संशयः

jñānato'jñānato vāpi yatpāpaṁ kurute naraḥ| tatkṣālayati dehotthaṁ darśanānnātra saṁśayaḥ

मनुष्य जो भी पाप जानते या अनजाने करता है, शरीर से उत्पन्न वह पाप दर्शनमात्र से धुल जाता है, इसमें संदेह नहीं।

श्लोक 56 (skanda.5.77.56)

यत्फलं पिंडदानेन गयायां लभते नरः। तत्फलं द्विगुणं प्रोक्तं पूजया नात्र संशयः

yatphalaṁ piṁḍadānena gayāyāṁ labhate naraḥ| tatphalaṁ dviguṇaṁ proktaṁ pūjayā nātra saṁśayaḥ

गया में पिंडदान से मनुष्य जो फल पाता है, यहाँ पूजा से उससे दुगुना फल कहा गया है, इसमें संदेह नहीं।

श्लोक 57 (skanda.5.77.57)

गायत्र्याः शतसाहस्रैः सम्यग्जप्तैश्च यत्फलम्। तत्फलं समवाप्नोति स्वर्णज्वालेश्वरस्तुतेः

gāyatryāḥ śatasāhasraiḥ samyagjaptaiśca yatphalam| tatphalaṁ samavāpnoti svarṇajvāleśvarastuteḥ

गायत्री के एक लाख सम्यक जप से जो फल मिलता है, वही फल स्वर्णज्वालेश्वर की स्तुति से प्राप्त होता है।

श्लोक 58 (skanda.5.77.58)

यत्पुण्यं सर्वदानेन दत्तेन विधिपूर्वकम्। तत्फलं समवाप्नोति कीर्तनान्नात्र संशयः

yatpuṇyaṁ sarvadānena dattena vidhipūrvakam| tatphalaṁ samavāpnoti kīrtanānnātra saṁśayaḥ

विधिपूर्वक दिए गए सब दानों से जो पुण्य होता है, वही फल कीर्तन मात्र से प्राप्त होता है, इसमें संदेह नहीं।

श्लोक 59 (skanda.5.77.59)

पूजयंति चतुर्दश्यां स्वर्णज्वालेश्वरं तु ये। पूज्यंते ते सदा लक्ष्म्या पूरयंत्या मनोरथान्

pūjayaṁti caturdaśyāṁ svarṇajvāleśvaraṁ tu ye| pūjyaṁte te sadā lakṣmyā pūrayaṁtyā manorathān

जो चतुर्दशी को स्वर्णज्वालेश्वर की पूजा करते हैं, उनकी सदा लक्ष्मी द्वारा पूजा होती है, जो उनके मनोरथ पूर्ण करती है।

श्लोक 60 (skanda.5.77.60)

रक्षितं त्रिदशैर्देवि गणैर्नानाविधैस्तथा। लिंगं कश्चिन्न जानाति मम मायाविमोहितः

rakṣitaṁ tridaśairdevi gaṇairnānāvidhaistathā| liṁgaṁ kaścinna jānāti mama māyāvimohitaḥ

हे देवी, यह लिंग तैंतीस देवताओं और नाना प्रकार के गणों द्वारा रक्षित है; मेरी माया से मोहित होकर इसे कोई नहीं जानता।

श्लोक 61 (skanda.5.77.61)

मम प्रसादात्तद्देवि दृश्यते लिंगमुत्तमम्। एतत्ते कथितं सम्यगन्यच्छृणु वरानने

mama prasādāttaddevi dṛśyate liṁgamuttamam| etatte kathitaṁ samyaganyacchṛṇu varānane

मेरी कृपा से ही, हे देवी, वह उत्तम लिंग दिखाई देता है। यह मैंने तुम्हें भलीभाँति बताया; अब अगला सुनो, हे वरानने।