त्रिविष्टपेश्वर माहात्म्य

श्लोक 1 (skanda.5.78.1)

श्रीमहादेव उवाच। त्रिविष्टपेश्वरं देवि सप्तमं पर्वतात्मजे। यस्य दर्शनमात्रेण लभ्यते तत्त्रिविष्टपम्

śrīmahādeva uvāca| triviṣṭapeśvaraṁ devi saptamaṁ parvatātmaje| yasya darśanamātreṇa labhyate tattriviṣṭapam

श्रीमहादेव बोले — हे देवी, हे पर्वतात्मजे, सप्तम देव त्रिविष्टपेश्वर हैं; जिनके दर्शनमात्र से वह त्रिविष्टप (स्वर्ग) ही प्राप्त हो जाता है।

श्लोक 2 (skanda.5.78.2)

पुरा वाराहकल्पे तु देवर्षिर्नारदोऽमलः। त्रिविष्टपं गतो देवि द्रष्टुकामः शतक्रतुम्

purā vārāhakalpe tu devarṣirnārado'malaḥ| triviṣṭapaṁ gato devi draṣṭukāmaḥ śatakratum

पूर्वकाल में वाराह कल्प में निर्मल देवर्षि नारद, हे देवी, शतक्रतु (इंद्र) के दर्शन की इच्छा से त्रिविष्टप को गए।

श्लोक 3 (skanda.5.78.3)

तत्रोद्यानवने रम्ये कल्पवृक्षैर्विराजिते। सर्वत्र कुसुमामोदसुखस्पर्शानिलाकुले

tatrodyānavane ramye kalpavṛkṣairvirājite| sarvatra kusumāmodasukhasparśānilākule

वहाँ कल्पवृक्षों से सुशोभित रमणीय उद्यानवन में, जो सर्वत्र फूलों की सुगंध और सुखद स्पर्श वाली वायु से व्याप्त था —

श्लोक 4 (skanda.5.78.4)

वीणावेणुरवैर्घुष्टे देवगंधर्वसेविते। वज्रेंद्रनीलवैदूर्यचंद्रकांतादिदीपिते

vīṇāveṇuravairghuṣṭe devagaṁdharvasevite| vajreṁdranīlavaidūryacaṁdrakāṁtādidīpite

— वीणा-वेणु की ध्वनियों से गूँजता, देव-गंधर्वों से सेवित, वज्र, इंद्रनील, वैदूर्य, चंद्रकांत आदि से जगमगाता —

श्लोक 5 (skanda.5.78.5)

ब्रह्मलोकादिभिर्लोकैरनौपम्यगुणे शुभे। ददर्श तत्र देवेशमुपविष्टं शतक्रतुम्। स्तूयमानं मुदा देवैः सिद्धचारणकिन्नरैः

brahmalokādibhirlokairanaupamyaguṇe śubhe| dadarśa tatra deveśamupaviṣṭaṁ śatakratum| stūyamānaṁ mudā devaiḥ siddhacāraṇakinnaraiḥ

— ब्रह्मलोक आदि लोकों से भी अनुपम गुणों वाले उस शुभ स्थान में, उन्होंने वहाँ देवेश शतक्रतु को विराजमान देखा, जिनकी देव, सिद्ध, चारण और किन्नर हर्षपूर्वक स्तुति कर रहे थे।

श्लोक 6 (skanda.5.78.6)

पृष्टस्तु नारदो देवि वासवेन महामुनिः। कथयामास माहात्म्यं महाकालवनस्य च

pṛṣṭastu nārado devi vāsavena mahāmuniḥ| kathayāmāsa māhātmyaṁ mahākālavanasya ca

तब वासव द्वारा पूछे जाने पर, हे देवी, महामुनि नारद ने महाकालवन की महिमा सुनाई —

श्लोक 7 (skanda.5.78.7)

महाकालवनं रम्यं सदानंदकरं शुभम्। सेव्यं पुण्यं पवित्रं च तीर्थानामुत्तमोत्तमम्

mahākālavanaṁ ramyaṁ sadānaṁdakaraṁ śubham| sevyaṁ puṇyaṁ pavitraṁ ca tīrthānāmuttamottamam

"महाकालवन रमणीय है, सदा आनंददायी और शुभ है; सेवनीय, पुण्यमय और पवित्र है, तीर्थों में उत्तमोत्तम है।"

श्लोक 8 (skanda.5.78.8)

पुण्यं पश्यंति ये लोका महाकालवनं शुभम्। ब्रह्महत्यादिकं पापं तेषां नश्यति निश्चितम्

puṇyaṁ paśyaṁti ye lokā mahākālavanaṁ śubham| brahmahatyādikaṁ pāpaṁ teṣāṁ naśyati niścitam

"जो लोग शुभ महाकालवन का दर्शन करते हैं, उनका ब्रह्महत्या आदि पाप निश्चित रूप से नष्ट हो जाता है।"

श्लोक 9 (skanda.5.78.9)

स्वयं तिष्ठति देवोऽत्र सर्वभूतगणैर्वृतः। तस्मात्तत्तीर्थमुख्यानां प्रवरं कथ्यते बुधैः

svayaṁ tiṣṭhati devo'tra sarvabhūtagaṇairvṛtaḥ| tasmāttattīrthamukhyānāṁ pravaraṁ kathyate budhaiḥ

"वहाँ स्वयं देव सर्वभूतगणों से घिरे हुए विराजते हैं; अतः विद्वानों द्वारा वह मुख्य तीर्थों में श्रेष्ठ कहा जाता है।"

श्लोक 10 (skanda.5.78.10)

पृथिव्यां नैमिषं पुण्यं सर्वपापप्रणाशनम्। तस्माद्दशगुणं प्रोक्तं पुष्करं तीर्थमुत्तमम्

pṛthivyāṁ naimiṣaṁ puṇyaṁ sarvapāpapraṇāśanam| tasmāddaśaguṇaṁ proktaṁ puṣkaraṁ tīrthamuttamam

"पृथ्वी पर नैमिष पुण्यमय है, सब पापों का नाश करने वाला; उससे दसगुना श्रेष्ठ पुष्कर तीर्थ कहा गया है।"

श्लोक 11 (skanda.5.78.11)

ततो दशगुणं प्रोक्तं प्रयागं सर्वकामिकम्। तस्माद्दशगुणं प्रोक्तं विख्यातममरेश्वरम्

tato daśaguṇaṁ proktaṁ prayāgaṁ sarvakāmikam| tasmāddaśaguṇaṁ proktaṁ vikhyātamamareśvaram

"उससे दसगुना कहा गया है सर्वकामप्रद प्रयाग; उससे दसगुना विख्यात अमरेश्वर कहा गया है।"

श्लोक 12 (skanda.5.78.12)

प्राची सरस्वती पुण्या तस्माद्दशगुणा स्मृता। तस्मादशगुणं प्रोक्तं गयाकूपं विशिष्यते

prācī sarasvatī puṇyā tasmāddaśaguṇā smṛtā| tasmādaśaguṇaṁ proktaṁ gayākūpaṁ viśiṣyate

"पुण्यमयी प्राची सरस्वती उससे दसगुना स्मरण की गई है; उससे दसगुना गयाकूप विशिष्ट है।"

श्लोक 13 (skanda.5.78.13)

तस्माद्दशगुणं देवि कुरुक्षेत्रं विशिष्यते। कुरुक्षेत्राद्दशगुणा पुण्या वाराणसी तथा

tasmāddaśaguṇaṁ devi kurukṣetraṁ viśiṣyate| kurukṣetrāddaśaguṇā puṇyā vārāṇasī tathā

"उससे दसगुना, हे देवी, कुरुक्षेत्र विशिष्ट है; कुरुक्षेत्र से दसगुना पुण्यमयी वाराणसी है।"

श्लोक 14 (skanda.5.78.14)

तस्या दशगुणं श्रेष्ठं महाकालं विशिष्यते। महाकालवनं शक्र किल त्रैलोक्यभूषणम्

tasyā daśaguṇaṁ śreṣṭhaṁ mahākālaṁ viśiṣyate| mahākālavanaṁ śakra kila trailokyabhūṣaṇam

"उससे दसगुना श्रेष्ठ महाकाल विशिष्ट है; हे शक्र, महाकालवन सचमुच त्रैलोक्य का आभूषण है।"

श्लोक 15 (skanda.5.78.15)

षष्टिकोटिसहस्राणि षष्टिकोटिशतानि च। लिंगानि तत्र विद्यंते भुक्तिमुक्तिकराणि च

ṣaṣṭikoṭisahasrāṇi ṣaṣṭikoṭiśatāni ca| liṁgāni tatra vidyaṁte bhuktimuktikarāṇi ca

"साठ हज़ार करोड़ और साठ सौ करोड़ लिंग वहाँ विद्यमान हैं, जो भोग और मोक्ष देने वाले हैं।"

श्लोक 16 (skanda.5.78.16)

शक्तयो नव कोट्यस्तु तस्मिन्क्षेत्रे वसन्ति हि

śaktayo nava koṭyastu tasminkṣetre vasanti hi

"नौ करोड़ शक्तियाँ भी उस क्षेत्र में निवास करती हैं।"

श्लोक 17 (skanda.5.78.17)

कृमिकीटपतंगाश्च मृता यत्र ततः क्रतौ। यांति दिव्यैर्विमानैश्च रुद्रलोकं सनातनम्। माहात्म्यमद्भुतं श्रुत्वा नारदात्सुरसत्तमः

kṛmikīṭapataṁgāśca mṛtā yatra tataḥ kratau| yāṁti divyairvimānaiśca rudralokaṁ sanātanam| māhātmyamadbhutaṁ śrutvā nāradātsurasattamaḥ

"कीड़े-पतंगे भी जो वहाँ मरते हैं, वे उस यज्ञभूमि के प्रभाव से दिव्य विमानों द्वारा सनातन रुद्रलोक को जाते हैं।" नारद से यह अद्भुत माहात्म्य सुनकर देवश्रेष्ठ —

श्लोक 18 (skanda.5.78.18)

सर्वदेवगणैः सार्द्धमाजगाम त्वरान्वितः। वासवः श्रीमहाकालवनं हर्षसमन्वितः। दृष्ट्वा तथाविधं रम्यं महाकालवनं शुभम्। त्रिविष्टपादप्यधिकं प्रलयेऽप्यक्षयं स्मृतम्

sarvadevagaṇaiḥ sārddhamājagāma tvarānvitaḥ| vāsavaḥ śrīmahākālavanaṁ harṣasamanvitaḥ| dṛṣṭvā tathāvidhaṁ ramyaṁ mahākālavanaṁ śubham| triviṣṭapādapyadhikaṁ pralaye'pyakṣayaṁ smṛtam

— वासव सब देवगणों सहित हर्षपूर्वक तुरंत श्रीमहाकालवन की ओर आए। उस रमणीय, शुभ महाकालवन को देखकर, जो त्रिविष्टप से भी बढ़कर और प्रलय में भी अक्षय स्मरण किया गया है —

श्लोक 19 (skanda.5.78.19)

विचित्राणि च हर्म्याणि कांचनानि शुभानि च। प्रासादाः शतशो भौममणिविद्रुमभूषिताः

vicitrāṇi ca harmyāṇi kāṁcanāni śubhāni ca| prāsādāḥ śataśo bhaumamaṇividrumabhūṣitāḥ

— विचित्र, शुभ स्वर्णिम भवन, सैकड़ों प्रासाद भौम मणियों और मूँगों से सुशोभित —

श्लोक 20 (skanda.5.78.20)

वज्रेंद्रनीलरचिताः शुद्धस्फटिकसंनिभाः। तोरणानि विचित्राणि माणिक्यरचितानि च। दृष्ट्वा तथाविधं रम्यं महाकालवनोत्तमम्

vajreṁdranīlaracitāḥ śuddhasphaṭikasaṁnibhāḥ| toraṇāni vicitrāṇi māṇikyaracitāni ca| dṛṣṭvā tathāvidhaṁ ramyaṁ mahākālavanottamam

— वज्र और इंद्रनील से रचित, शुद्ध स्फटिक के समान, माणिक्य से बने विचित्र तोरण — इस प्रकार के रमणीय, उत्तम महाकालवन को देखकर —

श्लोक 21 (skanda.5.78.21)

नारदं प्रशशंसुस्ते सर्वे देवा मुदान्विताः। देवर्षीणां महाप्राज्ञा येनेयं कथिता कथा

nāradaṁ praśaśaṁsuste sarve devā mudānvitāḥ| devarṣīṇāṁ mahāprājñā yeneyaṁ kathitā kathā

— उन सब हर्षित देवताओं ने नारद की प्रशंसा की, जो देवर्षियों में महाप्राज्ञ हैं, जिन्होंने यह कथा सुनाई।

श्लोक 22 (skanda.5.78.22)

न कैलासं गमिष्यामो न च मेरुं तथाविधम्। न मंदरं गमिष्यामो न यास्यामस्त्रिविष्टपम्

na kailāsaṁ gamiṣyāmo na ca meruṁ tathāvidham| na maṁdaraṁ gamiṣyāmo na yāsyāmastriviṣṭapam

"अब हम न कैलास जाएँगे, न मेरु के समान अन्य स्थान को; न मंदर जाएँगे, न त्रिविष्टप को जाएँगे।"

श्लोक 23 (skanda.5.78.23)

एषामरावती श्रेष्ठा ह्येषा भोगवती शुभा। एषा पैतामहो लोको विष्णुलोकस्तथैव च

eṣāmarāvatī śreṣṭhā hyeṣā bhogavatī śubhā| eṣā paitāmaho loko viṣṇulokastathaiva ca

"यही श्रेष्ठ अमरावती है, यही शुभ भोगवती है; यही पितामह का लोक है, और यही विष्णुलोक भी है।"

श्लोक 24 (skanda.5.78.24)

एतस्मिन्नंतरे देवि शून्यं जातं त्रिविष्टपम्। ज्ञात्वा शून्यमथात्मानं चिंतयित्वा पुनःपुनः। गमनाय मतिं चक्रे कृत्वा देहमथात्मनः

etasminnaṁtare devi śūnyaṁ jātaṁ triviṣṭapam| jñātvā śūnyamathātmānaṁ ciṁtayitvā punaḥpunaḥ| gamanāya matiṁ cakre kṛtvā dehamathātmanaḥ

इसी बीच, हे देवी, त्रिविष्टप (स्वर्ग) शून्य हो गया; स्वयं को शून्य जानकर, बार-बार विचार कर, उसने अपना शरीर धारण कर वहाँ जाने का निश्चय किया।

श्लोक 25 (skanda.5.78.25)

त्यक्त्वा मां त्रिदशाः सर्वे महाकालवनं गताः। अहं तत्रैव यास्यामि यत्र ते त्रिदशा गताः

tyaktvā māṁ tridaśāḥ sarve mahākālavanaṁ gatāḥ| ahaṁ tatraiva yāsyāmi yatra te tridaśā gatāḥ

"मुझे छोड़कर सारे तैंतीस देवता महाकालवन गए हैं; मैं भी वहीं जाऊँगा जहाँ वे देवता गए हैं।"

श्लोक 26 (skanda.5.78.26)

इत्युक्त्वा तत्क्षणं प्राप्तो महाकालवनोत्तमे। कौतुकात्सोऽथ वै श्रेष्ठं तीर्थं तत्रापि भूतले। ददर्श रमणीयं तैर्देवैः परिवृतं तदा

ityuktvā tatkṣaṇaṁ prāpto mahākālavanottame| kautukātso'tha vai śreṣṭhaṁ tīrthaṁ tatrāpi bhūtale| dadarśa ramaṇīyaṁ tairdevaiḥ parivṛtaṁ tadā

ऐसा कहकर वह उसी क्षण उत्तम महाकालवन पहुँचा; कुतूहलवश उसने वहाँ भी पृथ्वीतल पर उस श्रेष्ठ, रमणीय तीर्थ को उन देवताओं से घिरा हुआ देखा।

श्लोक 27 (skanda.5.78.27)

एतस्मिन्नेव काले तु वागुवाचाशरीरिणी। भोभोस्त्रिविष्टपात्रैव स्वनाम्ना स्थापयस्व माम्। कर्कोटकस्य पूर्वे तु महामायाश्च दक्षिणे

etasminneva kāle tu vāguvācāśarīriṇī| bhobhostriviṣṭapātraiva svanāmnā sthāpayasva mām| karkoṭakasya pūrve tu mahāmāyāśca dakṣiṇe

इसी समय एक अशरीरी वाणी बोली — "अरे त्रिविष्टप! मुझे अपने ही नाम से यहाँ स्थापित करो — कर्कोटक के पूर्व में और महामाया के दक्षिण में।"

श्लोक 28 (skanda.5.78.28)

इत्युक्तो देवदेवेन हृष्टस्तद्गतचेतसा। स्वनाम्ना स्थापयामास देवं त्रिविष्टपेश्वरम्

ityukto devadevena hṛṣṭastadgatacetasā| svanāmnā sthāpayāmāsa devaṁ triviṣṭapeśvaram

देवदेव द्वारा ऐसा कहे जाने पर, प्रसन्न होकर, उसमें चित्त लगाकर, उसने उस देव को अपने ही नाम से त्रिविष्टपेश्वर के रूप में स्थापित किया।

श्लोक 29 (skanda.5.78.29)

पूजयित्वा शुभैः पुष्पैरुवाचेदं वरानने। अद्यप्रभृति भूर्लोको नाम्ना ख्यातिं गमिष्यति

pūjayitvā śubhaiḥ puṣpairuvācedaṁ varānane| adyaprabhṛti bhūrloko nāmnā khyātiṁ gamiṣyati

शुभ पुष्पों से पूजा कर उसने कहा, हे वरानने — "आज से भूर्लोक इसी नाम से विख्यात होगा।"

श्लोक 30 (skanda.5.78.30)

ये त्वां पश्यंति यत्नेन अपि दुष्कृतकारिणः। ते यास्यंति परं स्थानं दिव्यालंकारभूषिताः

ye tvāṁ paśyaṁti yatnena api duṣkṛtakāriṇaḥ| te yāsyaṁti paraṁ sthānaṁ divyālaṁkārabhūṣitāḥ

"जो प्रयत्नपूर्वक तुम्हारा दर्शन करते हैं, दुष्कर्मी होते हुए भी, वे दिव्य आभूषणों से सुशोभित होकर परम स्थान को जाएँगे।"

श्लोक 31 (skanda.5.78.31)

अष्टम्यां च चतुर्द्दश्यां संक्रांतौ वा विशेषतः। यः करिष्यति पूजां च भक्तियुक्तो हि मानवः

aṣṭamyāṁ ca caturddaśyāṁ saṁkrāṁtau vā viśeṣataḥ| yaḥ kariṣyati pūjāṁ ca bhaktiyukto hi mānavaḥ

"अष्टमी, चतुर्दशी अथवा विशेषतः संक्रांति को जो भक्तियुक्त मनुष्य पूजा करेगा —"

श्लोक 32 (skanda.5.78.32)

विमानवरमास्थाय कामगं रत्नभूषितम्। उदितादित्यसंकाशं मत्समीपे वसिष्यति

vimānavaramāsthāya kāmagaṁ ratnabhūṣitam| uditādityasaṁkāśaṁ matsamīpe vasiṣyati

"— वह उगते सूर्य के समान तेजस्वी, रत्नभूषित, इच्छानुसार गमन करने वाले उत्तम विमान पर बैठकर मेरे समीप निवास करेगा।"

श्लोक 33 (skanda.5.78.33)

किं दानैर्विविधैर्दत्तैः किं यज्ञैर्विविधैः कृतैः। ते प्राप्स्यंति फलं सर्वं ये त्वां द्रक्ष्यंति भक्तितः

kiṁ dānairvividhairdattaiḥ kiṁ yajñairvividhaiḥ kṛtaiḥ| te prāpsyaṁti phalaṁ sarvaṁ ye tvāṁ drakṣyaṁti bhaktitaḥ

"नाना प्रकार के दिए गए दानों से क्या, नाना प्रकार के किए गए यज्ञों से क्या? जो भक्तिपूर्वक तुम्हारा दर्शन करेंगे, वे सब फल प्राप्त करेंगे।"

श्लोक 34 (skanda.5.78.34)

यंयं काममभिध्याय पूजयिष्यंति मानवाः। तत्तन्मनोरथप्राप्तिर्भविष्यति न संशयः

yaṁyaṁ kāmamabhidhyāya pūjayiṣyaṁti mānavāḥ| tattanmanorathaprāptirbhaviṣyati na saṁśayaḥ

"मनुष्य जिस-जिस कामना का चिंतन कर पूजा करेंगे, उस-उस मनोरथ की प्राप्ति होगी, इसमें संदेह नहीं।"

श्लोक 35 (skanda.5.78.35)

त्रिदशैश्च पुनः प्रोक्तं दृष्ट्वा मल्लिंगमुत्तमम्। त्रिविष्टपेन धन्येन स्थापितं देवमीश्वरम्

tridaśaiśca punaḥ proktaṁ dṛṣṭvā malliṁgamuttamam| triviṣṭapena dhanyena sthāpitaṁ devamīśvaram

फिर देवताओं ने मेरे इस उत्तम लिंग को देखकर कहा, जो धन्य त्रिविष्टप द्वारा स्थापित किया गया देव ईश्वर है —

श्लोक 36 (skanda.5.78.36)

पूजयिष्यंति ये धन्या देवं त्रिविष्टपेश्वरम्। तेषां वासोऽक्षयो दिव्यो भविष्यति त्रिविष्टपे

pūjayiṣyaṁti ye dhanyā devaṁ triviṣṭapeśvaram| teṣāṁ vāso'kṣayo divyo bhaviṣyati triviṣṭape

"— जो धन्य जन देव त्रिविष्टपेश्वर की पूजा करेंगे, उनका निवास त्रिविष्टप (स्वर्ग) में सदा अक्षय और दिव्य होगा।"

श्लोक 37 (skanda.5.78.37)

इत्युक्त्वा पूजयामास भूयो लिंगं त्रिविष्टपम्। सार्द्धं त्रिविष्टपेनैव पुनः स्थानं स्वकं गतः

ityuktvā pūjayāmāsa bhūyo liṁgaṁ triviṣṭapam| sārddhaṁ triviṣṭapenaiva punaḥ sthānaṁ svakaṁ gataḥ

ऐसा कहकर उसने पुनः लिंग त्रिविष्टप की पूजा की; और त्रिविष्टप सहित ही पुनः अपने स्थान को चला गया।

श्लोक 38 (skanda.5.78.38)

एष ते कथितो देवि प्रभावः पापनाशनः। श्रवणात्कीर्त्तनाद्वापि स्वर्गलोकोऽक्षयो भवेत्

eṣa te kathito devi prabhāvaḥ pāpanāśanaḥ| śravaṇātkīrttanādvāpi svargaloko'kṣayo bhavet

हे देवी, यह पापनाशक प्रभाव मैंने तुम्हें बताया; इसे सुनने या कीर्तन करने मात्र से स्वर्गलोक अक्षय हो जाता है।