कपालेश्वर माहात्म्य

श्लोक 1 (skanda.5.79.1)

श्रीरुद्र उवाच। कपालेश्वरसंज्ञं च ह्यष्टमं विद्धि पार्वति। यस्य दर्शनमात्रेण ब्रह्महत्या प्रणश्यति

śrīrudra uvāca| kapāleśvarasaṁjñaṁ ca hyaṣṭamaṁ viddhi pārvati| yasya darśanamātreṇa brahmahatyā praṇaśyati

श्रीरुद्र बोले — हे पार्वती, आठवें को कपालेश्वर नाम से जानो; जिसके दर्शनमात्र से ब्रह्महत्या नष्ट हो जाती है।

श्लोक 2 (skanda.5.79.2)

पुरा वैवस्वते कल्पे त्रेताकाले समागते। महाकालवने दिव्ये यजे पैतामहे प्रिये

purā vaivasvate kalpe tretākāle samāgate| mahākālavane divye yaje paitāmahe priye

पूर्वकाल में वैवस्वत कल्प में, त्रेतायुग के आने पर, हे प्रिये, दिव्य महाकालवन में पितामह के यज्ञ में —

श्लोक 3 (skanda.5.79.3)

उपविष्टेषु विप्रेषु हूयमाने हुताशने। वेषं कापालिकं कृत्वा गतोऽहं तत्र संसदि

upaviṣṭeṣu vipreṣu hūyamāne hutāśane| veṣaṁ kāpālikaṁ kṛtvā gato'haṁ tatra saṁsadi

— जब विप्रगण बैठे थे और अग्नि में हवन हो रहा था, तब मैं कापालिक का वेश धारण कर उस सभा में गया।

श्लोक 4 (skanda.5.79.4)

जीर्णकंथावृतो देवि मुंडः खट्वांगधारकः। चिताभस्मविलिप्तांगो विकृतो विकृताननः। कपालं च करे कृत्वा कपालकृतभूषणः

jīrṇakaṁthāvṛto devi muṁḍaḥ khaṭvāṁgadhārakaḥ| citābhasmaviliptāṁgo vikṛto vikṛtānanaḥ| kapālaṁ ca kare kṛtvā kapālakṛtabhūṣaṇaḥ

हे देवी, जीर्ण गुदड़ी ओढ़े, मुंडित सिर, हाथ में खट्वांग लिए, चिता की राख से पुते अंगों वाला, विकृत रूप और विकृत मुख वाला, हाथ में कपाल लिए और कपाल से ही भूषित —

श्लोक 5 (skanda.5.79.5)

ब्राह्मणाश्च ततः क्रुद्धा दृष्ट्वा मां जाल्मरूपिणम्। कपालधारिणं सर्वे धिक्छब्दैश्च जगर्हिरे

brāhmaṇāśca tataḥ kruddhā dṛṣṭvā māṁ jālmarūpiṇam| kapāladhāriṇaṁ sarve dhikchabdaiśca jagarhire

— तब उन ब्राह्मणों ने मुझे नीच रूप वाला, कपालधारी देखकर क्रुद्ध होकर सबने धिक्कार के शब्दों से मेरी निंदा की।

श्लोक 6 (skanda.5.79.6)

असकृत्पापपापेति गच्छगच्छ विडंबिताः। कथं च होमः क्रियते प्राप्ते कापालिके पुरः

asakṛtpāpapāpeti gacchagaccha viḍaṁbitāḥ| kathaṁ ca homaḥ kriyate prāpte kāpālike puraḥ

"पापी, पापी!" कहकर बार-बार तिरस्कृत करते हुए वे बोले, "जाओ, जाओ! कापालिक के सामने आ जाने पर होम कैसे किया जाए?"

श्लोक 7 (skanda.5.79.7)

अकपालानि शौचानि इति वेदेषु गीयते। यज्ञवेदिर्न तेर्हा तु मनुष्यास्थि धरस्य वै

akapālāni śaucāni iti vedeṣu gīyate| yajñavedirna terhā tu manuṣyāsthi dharasya vai

"वेदों में गाया गया है कि पवित्रता कपाल-रहित होने में है; मनुष्य की हड्डी धारण करने वाले के लिए यज्ञवेदी नहीं है।"

श्लोक 8 (skanda.5.79.8)

मया प्रोक्तास्तु ते विप्राः श्रूयतां द्विजसत्तमाः। यूयं कारुणिकाः सर्वे परदुःखेन दुःखिताः

mayā proktāstu te viprāḥ śrūyatāṁ dvijasattamāḥ| yūyaṁ kāruṇikāḥ sarve paraduḥkhena duḥkhitāḥ

तब मैंने उन विप्रों से कहा — "सुनो, हे श्रेष्ठ द्विजो! तुम सब करुणावान हो, दूसरों के दुःख से दुःखी होते हो।"

श्लोक 9 (skanda.5.79.9)

कर्त्तव्या च दया सद्भिः सर्वदा सर्वदेहिनाम्। सर्वेषामेव जंतूनां मित्रं ब्राह्मण उच्यते

karttavyā ca dayā sadbhiḥ sarvadā sarvadehinām| sarveṣāmeva jaṁtūnāṁ mitraṁ brāhmaṇa ucyate

"सज्जनों को सदा सब देहधारियों पर दया करनी चाहिए; सब प्राणियों का मित्र ब्राह्मण ही कहा जाता है।"

श्लोक 10 (skanda.5.79.10)

अहं कापालिको विप्रो भस्मभूषितविग्रहः। कापालव्रतमास्थाय चरामि पृथिवीतले

ahaṁ kāpāliko vipro bhasmabhūṣitavigrahaḥ| kāpālavratamāsthāya carāmi pṛthivītale

"मैं एक कापालिक ब्राह्मण हूँ, भस्म से भूषित शरीर वाला; कापाल-व्रत धारण कर मैं पृथ्वी पर विचरण करता हूँ।"

श्लोक 11 (skanda.5.79.11)

आराधयामि सततं महादेवं जगत्पतिम्। ब्रह्महत्याविनाशाय व्रतं द्वादशवार्षिकम्

ārādhayāmi satataṁ mahādevaṁ jagatpatim| brahmahatyāvināśāya vrataṁ dvādaśavārṣikam

"मैं निरंतर जगत्पति महादेव की आराधना करता हूँ, ब्रह्महत्या के नाश के लिए बारह वर्षों का व्रत धारण किए हुए।"

श्लोक 12 (skanda.5.79.12)

अघघ्नं विश्रुतं लोके प्रारब्धं हि मया द्विजाः। प्रायश्चित्तनिमित्तं तु शुद्धो यास्यामि सद्गतिम्

aghaghnaṁ viśrutaṁ loke prārabdhaṁ hi mayā dvijāḥ| prāyaścittanimittaṁ tu śuddho yāsyāmi sadgatim

"हे द्विजो, लोक में विख्यात यह पाप-नाशक व्रत मैंने आरम्भ किया है; प्रायश्चित्त के निमित्त शुद्ध होकर मैं सद्गति को जाऊँगा।"

श्लोक 13 (skanda.5.79.13)

मदीयं वचनं श्रुत्वा तैः प्रोक्तं द्विजसत्तमैः। अतीव पापिष्ठतरो यो ह्येवं भाषसेऽधम

madīyaṁ vacanaṁ śrutvā taiḥ proktaṁ dvijasattamaiḥ| atīva pāpiṣṭhataro yo hyevaṁ bhāṣase'dhama

मेरा वचन सुनकर उन श्रेष्ठ द्विजों ने कहा — "हे अधम, जो इस प्रकार बोलता है, वह अत्यंत पापिष्ठतर है।"

श्लोक 14 (skanda.5.79.14)

कपालैर्भूषितो निंद्यो विशेषेण तु विप्रहः। नाकारितो महादेवो दक्षयज्ञमहोत्सवे

kapālairbhūṣito niṁdyo viśeṣeṇa tu viprahaḥ| nākārito mahādevo dakṣayajñamahotsave

"कपालों से भूषित निंद्य ब्राह्मणघाती, दक्ष के महायज्ञोत्सव में महादेव को तो आमंत्रित ही नहीं किया गया था।"

श्लोक 15 (skanda.5.79.15)

यस्मिन्यज्ञे समायाता आदित्या वसवस्तथा। विश्वेदेवाश्च मरुतो गंधर्वाः किंनरास्तथा

yasminyajñe samāyātā ādityā vasavastathā| viśvedevāśca maruto gaṁdharvāḥ kiṁnarāstathā

"जिस यज्ञ में आदित्य, वसु, विश्वेदेव, मरुत, गंधर्व और किन्नर सब आए थे —"

श्लोक 16 (skanda.5.79.16)

ब्रह्मा विष्णुः सहस्राक्षो वरुणो वायुरेव च। धनदः सागरा नद्यः सरांसि सकलानि च

brahmā viṣṇuḥ sahasrākṣo varuṇo vāyureva ca| dhanadaḥ sāgarā nadyaḥ sarāṁsi sakalāni ca

"— ब्रह्मा, विष्णु, सहस्राक्ष इंद्र, वरुण, वायु, कुबेर, सागर, नदियाँ और सभी सरोवर —"

श्लोक 17 (skanda.5.79.17)

सुपर्णा गिरयो नागाः सर्वे चाकारिताः क्रतौ। सानुगास्ते सभार्याश्च ब्राह्मणा वेदपारगाः

suparṇā girayo nāgāḥ sarve cākāritāḥ kratau| sānugāste sabhāryāśca brāhmaṇā vedapāragāḥ

"— सुपर्ण, पर्वत, नाग — ये सब उस यज्ञ में आमंत्रित थे, अपने अनुचरों और पत्नियों सहित, और वेद-पारंगत ब्राह्मण भी।"

श्लोक 18 (skanda.5.79.18)

ब्रह्मर्षयो महाभागास्तथा देवर्षयोऽमलाः। एवमुक्त्वा महादेवं मानुषास्थिविभूषितम्

brahmarṣayo mahābhāgāstathā devarṣayo'malāḥ| evamuktvā mahādevaṁ mānuṣāsthivibhūṣitam

"— महाभाग ब्रह्मर्षि और निर्मल देवर्षि भी थे।" ऐसा कहकर, मानव-अस्थियों से विभूषित महादेव के विषय में —

श्लोक 19 (skanda.5.79.19)

अपवित्रमिति ज्ञात्वा कथं त्वं वक्तुमर्हसि। प्रवेशो दीयतां मह्यं विशेषेणासि ब्रह्महा

apavitramiti jñātvā kathaṁ tvaṁ vaktumarhasi| praveśo dīyatāṁ mahyaṁ viśeṣeṇāsi brahmahā

"— उन्हें अपवित्र जानकर तुम कैसे उनके पक्ष में बोलने योग्य हो? मुझे प्रवेश दिया जाए — विशेषतः तुम तो ब्रह्महा हो।"

श्लोक 20 (skanda.5.79.20)

इत्युक्तोऽहं यदा विप्रैर्मया प्रोक्तं वचस्तदा। प्रतीक्ष्यतां मुहूर्तं तु भुक्त्वा यास्याम्यहं पुनः

ityukto'haṁ yadā viprairmayā proktaṁ vacastadā| pratīkṣyatāṁ muhūrtaṁ tu bhuktvā yāsyāmyahaṁ punaḥ

जब उन विप्रों ने मुझसे ऐसा कहा, तब मैंने कहा — "एक मुहूर्त प्रतीक्षा करो; भोजन करके मैं फिर चला जाऊँगा।"

श्लोक 21 (skanda.5.79.21)

इत्युक्ते वचने देवि ताडितोऽहं भृशं तदा। लोष्ठैर्लगुडकैः पादैर्मुष्टिभिश्च पुनःपुनः

ityukte vacane devi tāḍito'haṁ bhṛśaṁ tadā| loṣṭhairlaguḍakaiḥ pādairmuṣṭibhiśca punaḥpunaḥ

हे देवी, यह कहते ही मुझे अत्यंत पीटा गया — बार-बार ढेलों से, लाठियों से, पैरों और मुक्कों से।

श्लोक 22 (skanda.5.79.22)

अथ प्रहस्य तत्क्षिप्त्वा तां वेदिं दर्भसंस्तृताम्। कपालदीपवन्नष्टो न ज्ञातोऽहं द्विजोत्तमैः

atha prahasya tatkṣiptvā tāṁ vediṁ darbhasaṁstṛtām| kapāladīpavannaṣṭo na jñāto'haṁ dvijottamaiḥ

तब हँसकर, उस कुशों से बिछी वेदी पर अपना कपाल फेंककर, मैं दीपक की भाँति बुझ कर अंतर्धान हो गया; उन श्रेष्ठ द्विजों ने मुझे पहचाना नहीं।

श्लोक 23 (skanda.5.79.23)

मयि नष्टे कपालं तत्क्षिप्तं मंडपबाह्यतः। अथान्यत्तत्र संजातं तादृग्रूपं यशस्विनि

mayi naṣṭe kapālaṁ tatkṣiptaṁ maṁḍapabāhyataḥ| athānyattatra saṁjātaṁ tādṛgrūpaṁ yaśasvini

मेरे अंतर्धान होने पर वह कपाल मंडप के बाहर फेंक दिया गया; परंतु, हे यशस्विनी, वहाँ फिर उसी रूप का एक और कपाल उत्पन्न हो गया।

श्लोक 24 (skanda.5.79.24)

एवं शतसहस्राणि प्रयुतान्यर्बुदानि च। तत्र क्षिप्तानि जातानि ततस्ते विस्मयान्विताः

evaṁ śatasahasrāṇi prayutānyarbudāni ca| tatra kṣiptāni jātāni tataste vismayānvitāḥ

इस प्रकार सैकड़ों, हजारों, लाखों और करोड़ों कपाल वहाँ फेंके गए और फिर से उत्पन्न होते गए; तब वे विस्मित हो गए।

श्लोक 25 (skanda.5.79.25)

अथाहुर्ज्ञानिनः सर्वे नेदमन्यस्य चेष्टितम्। ऋते देवान्महादेवाद्गंगाचंद्रार्द्धशेखरात्

athāhurjñāninaḥ sarve nedamanyasya ceṣṭitam| ṛte devānmahādevādgaṁgācaṁdrārddhaśekharāt

तब सब ज्ञानी पुरुषों ने कहा — "यह किसी और की करतूत नहीं है, गंगा और अर्धचंद्र को शिखर पर धारण करने वाले महादेव के अतिरिक्त और किसी की नहीं।"

श्लोक 26 (skanda.5.79.26)

ततोऽहं विविधैः स्तोत्रैः स्तुतो विप्रैः पृथक्पृथक्। होमं चक्रुश्च ते वह्नौ मंत्रैश्च शतरुद्रियेः

tato'haṁ vividhaiḥ stotraiḥ stuto vipraiḥ pṛthakpṛthak| homaṁ cakruśca te vahnau maṁtraiśca śatarudriyeḥ

तब उन विप्रों ने अलग-अलग नाना प्रकार के स्तोत्रों से मेरी स्तुति की, और शतरुद्रीय मंत्रों से अग्नि में हवन किया।

श्लोक 27 (skanda.5.79.27)

अहं तुष्टस्तदा देवि द्विजानामनुकंपया। व्रियतां ब्राह्मणाः सर्वे वरं यन्मनसेप्सितम्

ahaṁ tuṣṭastadā devi dvijānāmanukaṁpayā| vriyatāṁ brāhmaṇāḥ sarve varaṁ yanmanasepsitam

तब मैं, हे देवी, उन द्विजों पर करुणावश प्रसन्न हुआ और कहा — "हे ब्राह्मणो, जो मन में इच्छित हो, वह वर मुझसे माँग लो।"

श्लोक 28 (skanda.5.79.28)

तदा ते ब्राह्मणाः प्रोचुर्यदज्ञानाद्वधस्तव। कृतस्तेन कृतास्माभिर्ब्रह्महत्या जगत्प्रभो

tadā te brāhmaṇāḥ procuryadajñānādvadhastava| kṛtastena kṛtāsmābhirbrahmahatyā jagatprabho

तब उन ब्राह्मणों ने कहा — "हे जगत्प्रभु, जिस अज्ञान से आपका वध किया गया, उससे हमारे द्वारा ब्रह्महत्या हुई है।"

श्लोक 29 (skanda.5.79.29)

ब्रह्महत्याविनाशाय प्रसादं कुरु नः प्रभो। वरयामो वरं ह्येनं नान्यं वरमभीप्सितम्

brahmahatyāvināśāya prasādaṁ kuru naḥ prabho| varayāmo varaṁ hyenaṁ nānyaṁ varamabhīpsitam

"ब्रह्महत्या के नाश के लिए, हे प्रभु, हम पर प्रसन्न हों; हम यही वर माँगते हैं, कोई अन्य वर हमें अभीष्ट नहीं।"

श्लोक 30 (skanda.5.79.30)

द्विजानां च तदा तेषामग्रे कथितवानिदम्। यत्र राशिः कपालानां भवद्भिर्विहितो भुवि

dvijānāṁ ca tadā teṣāmagre kathitavānidam| yatra rāśiḥ kapālānāṁ bhavadbhirvihito bhuvi

तब मैंने उन द्विजों के समक्ष यह कहा — "जहाँ तुम लोगों ने पृथ्वी पर कपालों का यह ढेर बनाया है —"

श्लोक 31 (skanda.5.79.31)

अनादिलिंगं तत्रासीच्छन्नं कालविपर्यये। पश्यंतु विप्रास्तल्लिंगं ब्रह्महत्याविमोचनम्

anādiliṁgaṁ tatrāsīcchannaṁ kālaviparyaye| paśyaṁtu viprāstalliṁgaṁ brahmahatyāvimocanam

"— वहाँ एक अनादि लिंग काल के फेर में छिपा हुआ था; उस विप्रो, तुम लोग उस ब्रह्महत्या-मुक्तिदायक लिंग का दर्शन करो।"

श्लोक 32 (skanda.5.79.32)

कृता मयापि विप्रेंद्रा ब्रह्महत्या स्वयं पुरा। छिंदता ब्रह्मणः शीर्षं पञ्चमं तेजसोत्कटम्

kṛtā mayāpi vipreṁdrā brahmahatyā svayaṁ purā| chiṁdatā brahmaṇaḥ śīrṣaṁ pañcamaṁ tejasotkaṭam

"हे श्रेष्ठ विप्रो, पूर्वकाल में मैंने भी स्वयं ब्रह्मा के तेज से उत्कट पंचम शीश को काटकर ब्रह्महत्या की थी।"

श्लोक 33 (skanda.5.79.33)

ब्रह्महत्या ततो जाता ममातीव सुदुःसहा। कपालं च करे लग्नं तथा चातीव दुःसहम्

brahmahatyā tato jātā mamātīva suduḥsahā| kapālaṁ ca kare lagnaṁ tathā cātīva duḥsaham

"तब मुझे अत्यंत असह्य ब्रह्महत्या लगी, और वह कपाल भी मेरे हाथ से चिपक गया, जो अत्यंत असह्य था।"

श्लोक 34 (skanda.5.79.34)

दह्यमानस्ततश्चाहं व्याप्तो वै ब्रह्महत्यया। नाशाय सत्वरं तस्याः स्वार्थयात्रामहं गतः

dahyamānastataścāhaṁ vyāpto vai brahmahatyayā| nāśāya satvaraṁ tasyāḥ svārthayātrāmahaṁ gataḥ

"तब उस ब्रह्महत्या से व्याप्त होकर, जलते हुए, मैं उसके शीघ्र नाश के लिए स्वयं तीर्थयात्रा पर निकला।"

श्लोक 35 (skanda.5.79.35)

गतः सर्वेषु तीर्थेषु नैव मुक्तस्तु हत्यया। ततो दुःखी सुसंतप्तो नैव लेभे सुखं क्वचित

gataḥ sarveṣu tīrtheṣu naiva muktastu hatyayā| tato duḥkhī susaṁtapto naiva lebhe sukhaṁ kvacita

"मैं सब तीर्थों में गया, फिर भी उस हत्या से मुक्त नहीं हुआ; तब दुःखी और अति संतप्त होकर मुझे कहीं भी सुख नहीं मिला।"

श्लोक 36 (skanda.5.79.36)

एतस्मिन्नंतरे दैवी वागुवाचाशरीरिणी। गच्छावन्तीं स्वयं नाथ किमर्थं खिद्यते वृथा

etasminnaṁtare daivī vāguvācāśarīriṇī| gacchāvantīṁ svayaṁ nātha kimarthaṁ khidyate vṛthā

"इसी बीच एक दैवी अशरीरी वाणी बोली — 'हे नाथ, आप स्वयं अवंती को जाइए; व्यर्थ ही क्यों खेद करते हैं?'"

श्लोक 37 (skanda.5.79.37)

महाकालवनं पुण्यं त्वया नाथ विनिर्मितम्। कपालकरसंस्थानं रुद्रमद्भुतदर्शनम्। न जानासि कथं क्षेत्रं महापातकनाशनम्

mahākālavanaṁ puṇyaṁ tvayā nātha vinirmitam| kapālakarasaṁsthānaṁ rudramadbhutadarśanam| na jānāsi kathaṁ kṣetraṁ mahāpātakanāśanam

"'हे नाथ, पुण्यमय महाकालवन आपने ही रचा है; वहाँ हाथ में कपाल लिए अद्भुत दर्शन वाला रुद्र-स्वरूप विद्यमान है। आप कैसे नहीं जानते कि वह क्षेत्र महापातकों का नाशक है?'"

श्लोक 38 (skanda.5.79.38)

तस्मिन्क्षेत्रे महल्लिंगं गजरूपस्य संनिधौ। विद्यते पश्य देवेश ब्रह्महत्या प्रणश्यति

tasminkṣetre mahalliṁgaṁ gajarūpasya saṁnidhau| vidyate paśya deveśa brahmahatyā praṇaśyati

"'उस क्षेत्र में, गजरूप (गणेश) के समीप एक महान लिंग विद्यमान है; हे देवेश, उसे देखिए, उससे ब्रह्महत्या नष्ट हो जाती है।'"

श्लोक 39 (skanda.5.79.39)

ततोऽहमागतस्तूर्ण वाक्यं श्रुत्वा तदोत्तमम्। महल्लिंगं मया दृष्टं कपालकरसंस्थितम्

tato'hamāgatastūrṇa vākyaṁ śrutvā tadottamam| mahalliṁgaṁ mayā dṛṣṭaṁ kapālakarasaṁsthitam

उस उत्तम वचन को सुनकर मैं तत्क्षण वहाँ आया; और मैंने उस महान लिंग को देखा, जो कपाल हस्त में लिए हुए था।

श्लोक 40 (skanda.5.79.40)

मम हस्तात्तदा विप्राः कपालमपतद्भुवि। कपालेश्वरदेवोऽयमिति नाम मया कृतम्

mama hastāttadā viprāḥ kapālamapatadbhuvi| kapāleśvaradevo'yamiti nāma mayā kṛtam

हे विप्रो, तब मेरे हाथ से वह कपाल पृथ्वी पर गिर पड़ा; और मैंने इसका नाम कपालेश्वरदेव रखा।

श्लोक 41 (skanda.5.79.41)

पश्यंतु विप्रास्तं देवं कपालेश्वरसंज्ञ कम्। यस्य दर्शनमात्रेण निष्कलंका भविष्यथ

paśyaṁtu viprāstaṁ devaṁ kapāleśvarasaṁjña kam| yasya darśanamātreṇa niṣkalaṁkā bhaviṣyatha

हे विप्रो, तुम उस कपालेश्वर नामक देव का दर्शन करो; जिसके दर्शनमात्र से तुम निष्कलंक हो जाओगे।

श्लोक 42 (skanda.5.79.42)

लिंगं दृष्टं तदा तैस्तु कपालैर्बहुभिवृतम्। कृतार्थास्ते तदा जातास्तस्य लिंगस्य दर्शनात्

liṁgaṁ dṛṣṭaṁ tadā taistu kapālairbahubhivṛtam| kṛtārthāste tadā jātāstasya liṁgasya darśanāt

तब उन्होंने अनेक कपालों से घिरे उस लिंग का दर्शन किया; और उस लिंग के दर्शन से वे कृतार्थ हो गए।

श्लोक 43 (skanda.5.79.43)

अतोऽसौ भुवि विख्यातः कपालेश्वरसंज्ञकः। येऽर्चयन्ति महादेवि कपालेश्वरसंज्ञकम्

ato'sau bhuvi vikhyātaḥ kapāleśvarasaṁjñakaḥ| ye'rcayanti mahādevi kapāleśvarasaṁjñakam

तब से यह पृथ्वी पर कपालेश्वर नाम से विख्यात हुआ; हे महादेवी, जो लोग कपालेश्वर नामक देव की पूजा करते हैं —

श्लोक 44 (skanda.5.79.44)

कृतपुण्या नरा देवि ते यांति परमं पदम्। कृत्वापि पातकं घोरं ब्रह्महत्यादिकं नरः

kṛtapuṇyā narā devi te yāṁti paramaṁ padam| kṛtvāpi pātakaṁ ghoraṁ brahmahatyādikaṁ naraḥ

— वे पुण्यशाली मनुष्य परम पद को प्राप्त होते हैं, हे देवी; ब्रह्महत्या आदि घोर पाप करके भी मनुष्य —

श्लोक 45 (skanda.5.79.45)

तत्पापं विलयं याति लिंगस्यास्य च दर्शनात्। कर्मणा मनसा वाचा यत्पापं समुपार्जितम्। तत्क्षपयति देवोऽयं चतुर्द्दश्यां समर्चितः

tatpāpaṁ vilayaṁ yāti liṁgasyāsya ca darśanāt| karmaṇā manasā vācā yatpāpaṁ samupārjitam| tatkṣapayati devo'yaṁ caturddaśyāṁ samarcitaḥ

— उसका वह पाप इस लिंग के दर्शन से नष्ट हो जाता है; कर्म, मन और वाणी से जो पाप अर्जित किया गया हो, उसे यह देव चतुर्दशी को पूजित होकर क्षीण कर देता है।

श्लोक 46 (skanda.5.79.46)

प्रसंगादपि ये पूजां करिष्यंति वरानने। तेऽपि कामानवाप्स्यंति यांश्च कांश्चित्सुदुर्लभान्। ऐश्वर्यधर्ममतुलं दीर्घमायुररोगताम्

prasaṁgādapi ye pūjāṁ kariṣyaṁti varānane| te'pi kāmānavāpsyaṁti yāṁśca kāṁścitsudurlabhān| aiśvaryadharmamatulaṁ dīrghamāyurarogatām

हे वरानने, जो केवल प्रसंगवश भी पूजा करेंगे, वे भी अत्यंत दुर्लभ कामनाओं को प्राप्त करेंगे — अतुल ऐश्वर्य-धर्म, दीर्घायु और आरोग्य।

श्लोक 47 (skanda.5.79.47)

निःसपत्नत्वमतुलं यच्चान्यत्तदवाप्नुयात्। अतीव पापिनो ये च क्रूरकर्मरता नराः

niḥsapatnatvamatulaṁ yaccānyattadavāpnuyāt| atīva pāpino ye ca krūrakarmaratā narāḥ

— निरुपम शत्रुहीनता तथा जो कुछ और अभीष्ट हो, वह सब प्राप्त होगा। जो मनुष्य अत्यंत पापी और क्रूर कर्मों में रत हैं —

श्लोक 48 (skanda.5.79.48)

विपाप्मानो भविष्यंति गणेशाश्च मम प्रिये। नियमेन प्रपश्यंति ये देवं वत्सरं प्रिये। ते पश्यंति तनुं त्यक्त्वा मदीयं भवनं प्रियम्

vipāpmāno bhaviṣyaṁti gaṇeśāśca mama priye| niyamena prapaśyaṁti ye devaṁ vatsaraṁ priye| te paśyaṁti tanuṁ tyaktvā madīyaṁ bhavanaṁ priyam

— वे भी, हे प्रिये, पापरहित होकर मेरे गणों में से हो जाएँगे। जो नियमपूर्वक एक वर्ष तक इस देव का दर्शन करते हैं, हे प्रिये, वे देह त्यागकर मेरे प्रिय भवन का दर्शन पाते हैं।

श्लोक 49 (skanda.5.79.49)

एष ते कथितो देवि प्रभावः पापनाशनः। कपालेश्वरदेवस्य स्वर्गद्वारेश्वरं शृणु

eṣa te kathito devi prabhāvaḥ pāpanāśanaḥ| kapāleśvaradevasya svargadvāreśvaraṁ śṛṇu

हे देवी, यह मैंने तुम्हें कपालेश्वर देव का पापनाशक प्रभाव बताया; अब स्वर्गद्वारेश्वर के विषय में सुनो।