लोकपालेश्वर माहात्म्य

श्लोक 1 (skanda.5.83.1)

श्रीहर उवाच। द्वादशं विद्धि देवेशि लोकपालेश्वरं शिवम्। यस्य दर्शनमात्रेण सर्वपापैः प्रमुच्यते

śrīhara uvāca| dvādaśaṁ viddhi deveśi lokapāleśvaraṁ śivam| yasya darśanamātreṇa sarvapāpaiḥ pramucyate

श्रीहर बोले — हे देवेशी, बारहवें शिव को लोकपालेश्वर जानो; जिसके दर्शनमात्र से मनुष्य सब पापों से मुक्त हो जाता है।

श्लोक 2 (skanda.5.83.2)

पुरा दैत्यगणा देवि प्रादुर्भूताः सहस्रशः। हिरण्यकशिपोर्वक्षःस्थलादतिपराक्रमाः

purā daityagaṇā devi prādurbhūtāḥ sahasraśaḥ| hiraṇyakaśiporvakṣaḥsthalādatiparākramāḥ

पूर्वकाल में, हे देवी, हिरण्यकशिपु के वक्षस्थल से हज़ारों की संख्या में अत्यंत पराक्रमी दैत्यगण उत्पन्न हुए।

श्लोक 3 (skanda.5.83.3)

तैरियं वसुधा व्याप्ता सशैलवनकानना। विध्वस्ताः स्वाश्रमाः सर्वे यज्ञा विध्वंसितास्तथा

tairiyaṁ vasudhā vyāptā saśailavanakānanā| vidhvastāḥ svāśramāḥ sarve yajñā vidhvaṁsitāstathā

उन्होंने पर्वत, वन और कानन सहित सारी पृथ्वी को व्याप्त कर लिया; सब आश्रम उजाड़ दिए गए और यज्ञ भी विध्वंस कर दिए गए।

श्लोक 4 (skanda.5.83.4)

ब्राह्मणा भक्षिताश्चैव वेद वेदांगपारगाः। पूरितान्यग्निकुण्डानि पांसुना मधुना तथा

brāhmaṇā bhakṣitāścaiva veda vedāṁgapāragāḥ| pūritānyagnikuṇḍāni pāṁsunā madhunā tathā

वेद-वेदांगों के पारंगत ब्राह्मणों को भी खा लिया गया; अग्निकुंडों को धूल और मधु से भर दिया गया।

श्लोक 5 (skanda.5.83.5)

विध्वस्ताः कलशाः सर्वे मृद्भांडादि च चूर्णितम्। निःस्वाध्यायवषट्कारा स्वधास्वाहाविवर्जिता

vidhvastāḥ kalaśāḥ sarve mṛdbhāṁḍādi ca cūrṇitam| niḥsvādhyāyavaṣaṭkārā svadhāsvāhāvivarjitā

सब कलश तोड़ दिए गए और मिट्टी के बर्तन आदि चूर-चूर कर दिए गए; स्वाध्याय, वषट्कार, स्वधा और स्वाहा — सब रहित हो गई पृथ्वी।

श्लोक 6 (skanda.5.83.6)

कृता च धरणी देवि नष्टयज्ञोत्सवाभवत्। लोकपालास्ततो भीता माधवं शरणं गताः

kṛtā ca dharaṇī devi naṣṭayajñotsavābhavat| lokapālāstato bhītā mādhavaṁ śaraṇaṁ gatāḥ

पृथ्वी इस दशा को पहुँचा दी गई, हे देवी, और यज्ञोत्सव नष्ट हो गया; तब भयभीत लोकपाल माधव की शरण में गए।

श्लोक 7 (skanda.5.83.7)

ऊचुः प्रांजलयः सर्वे क्षुधार्ता दुःखिताः कृताः। वयं ग्लानिं गता देव यज्ञभागं विना कृताः

ūcuḥ prāṁjalayaḥ sarve kṣudhārtā duḥkhitāḥ kṛtāḥ| vayaṁ glāniṁ gatā deva yajñabhāgaṁ vinā kṛtāḥ

क्षुधा से पीड़ित और दुःखी होकर, सब हाथ जोड़कर बोले — "हे देव, हम यज्ञभाग से वंचित होकर क्लांत हो गए हैं।"

श्लोक 8 (skanda.5.83.8)

वयं त्रातास्त्वया पूर्वं नमुचेर्वृषपर्वणः। हिरण्यकशिपो रौद्रान्नरकाच्च मुरोस्तथा। तथा रक्ष सुरश्रेष्ठ भयं नः समुपस्थितम्

vayaṁ trātāstvayā pūrvaṁ namucervṛṣaparvaṇaḥ| hiraṇyakaśipo raudrānnarakācca murostathā| tathā rakṣa suraśreṣṭha bhayaṁ naḥ samupasthitam

"हमें पूर्वकाल में आपने नमुचि, वृषपर्वा, भयंकर हिरण्यकशिपु, नरकासुर और मुर से बचाया था; हे सुरश्रेष्ठ, वैसे ही अब भी रक्षा कीजिए — हमारे ऊपर भय आ पड़ा है।"

श्लोक 9 (skanda.5.83.9)

तेषां तद्वचनं श्रुत्वा शंखचक्रगदाधरः। जगाम स ततो दैत्याः प्रविष्टा वरुणालयम्

teṣāṁ tadvacanaṁ śrutvā śaṁkhacakragadādharaḥ| jagāma sa tato daityāḥ praviṣṭā varuṇālayam

उनका यह वचन सुनकर शंख-चक्र-गदाधारी विष्णु वहाँ गए; तब वे दैत्य वरुण के आलय में जा घुसे।

श्लोक 10 (skanda.5.83.10)

ते निष्क्रम्य ततो रात्रौ निघ्नंति द्विजसत्तमान्। तापसान्दीक्षितान्देवि धर्मव्रतपरायणान्

te niṣkramya tato rātrau nighnaṁti dvijasattamān| tāpasāndīkṣitāndevi dharmavrataparāyaṇān

फिर रात्रि में निकलकर वे श्रेष्ठ द्विजों को, तपस्वियों को, दीक्षितों को, तथा धर्मव्रतपरायण जनों को, हे देवी, मार डालते थे।

श्लोक 11 (skanda.5.83.11)

अथ स्वर्गं गताः कांते जितः शक्रो मरुत्पतिः। तथैव दक्षिणामाशां धर्मराजो जितस्ततः

atha svargaṁ gatāḥ kāṁte jitaḥ śakro marutpatiḥ| tathaiva dakṣiṇāmāśāṁ dharmarājo jitastataḥ

फिर वे स्वर्ग को गए, हे कांते, और मरुतों के स्वामी इंद्र को जीत लिया; उसी प्रकार दक्षिण दिशा में धर्मराज (यम) को भी जीत लिया।

श्लोक 12 (skanda.5.83.12)

गत्वाथ पश्चिमामाशां जलराजो विनिर्जितः। उत्तरे धनदो देवि तैर्दैत्यैः स विनिर्जितः

gatvātha paścimāmāśāṁ jalarājo vinirjitaḥ| uttare dhanado devi tairdaityaiḥ sa vinirjitaḥ

फिर पश्चिम दिशा में जाकर वरुण (जलराज) को भी पराजित किया; और उत्तर में कुबेर को भी, हे देवी, उन दैत्यों ने पराजित कर दिया।

श्लोक 13 (skanda.5.83.13)

ततस्ते व्याकुला जाता विष्णुं शरणमागताः। उपायः कथितो देवि देवेभ्यो विष्णुना तदा

tataste vyākulā jātā viṣṇuṁ śaraṇamāgatāḥ| upāyaḥ kathito devi devebhyo viṣṇunā tadā

तब व्याकुल होकर वे विष्णु की शरण में आए; तब विष्णु ने देवताओं को उपाय बताया, हे देवी।

श्लोक 14 (skanda.5.83.14)

महाकालवनं गत्वा देवा भक्त्या समाहिताः। आराधयत सर्वेशं शंकरं लोकशंकरम्। भवतां भविता सिद्धिस्तत्र तस्य प्रसादतः

mahākālavanaṁ gatvā devā bhaktyā samāhitāḥ| ārādhayata sarveśaṁ śaṁkaraṁ lokaśaṁkaram| bhavatāṁ bhavitā siddhistatra tasya prasādataḥ

"हे देवो, महाकालवन को जाकर, भक्तिपूर्वक समाहित होकर लोककल्याणकारी सर्वेश शंकर की आराधना करो; वहाँ उनकी कृपा से तुम्हें सिद्धि प्राप्त होगी।"

श्लोक 15 (skanda.5.83.15)

इति तस्य वचः श्रुत्वा कृष्णस्यामिततेजसः। प्रस्थिता लोकपालास्ते महाकालवने शुभे

iti tasya vacaḥ śrutvā kṛṣṇasyāmitatejasaḥ| prasthitā lokapālāste mahākālavane śubhe

अपरिमित तेजस्वी कृष्ण (विष्णु) का यह वचन सुनकर, वे लोकपाल शुभ महाकालवन की ओर प्रस्थान कर गए।

श्लोक 16 (skanda.5.83.16)

तावत्तत्रैव संरुद्धा दैत्यैः शस्त्रधरैस्तदा। भूयो नष्टाश्च संप्राप्ता यत्र देवो जनार्दनः

tāvattatraiva saṁruddhā daityaiḥ śastradharaistadā| bhūyo naṣṭāśca saṁprāptā yatra devo janārdanaḥ

किंतु वहीं शस्त्रधारी दैत्यों द्वारा वे रोक दिए गए, और पुनः पराजित होकर वे वहाँ पहुँचे जहाँ देव जनार्दन थे।

श्लोक 17 (skanda.5.83.17)

कथयामासुरत्युग्रं यथा रुद्धं जगत्त्रयम्। नारायणेन ते प्रोक्ता लोकपालाः पुनः पुनः

kathayāmāsuratyugraṁ yathā ruddhaṁ jagattrayam| nārāyaṇena te proktā lokapālāḥ punaḥ punaḥ

उन्होंने बताया कि किस भयंकर प्रकार से त्रैलोक्य अवरुद्ध हो गया है; तब नारायण ने उन लोकपालों से बार-बार कहा —

श्लोक 18 (skanda.5.83.18)

यूयं व्रतधरा भूत्वा कपालैश्च विभूषिताः। खट्वांगधारिणः शांताः पंचमुद्राविभूषिताः

yūyaṁ vratadharā bhūtvā kapālaiśca vibhūṣitāḥ| khaṭvāṁgadhāriṇaḥ śāṁtāḥ paṁcamudrāvibhūṣitāḥ

"— व्रतधारी होकर, कपालों से विभूषित, खट्वांगधारी, शांत और पाँच मुद्राओं से विभूषित होकर —"

श्लोक 19 (skanda.5.83.19)

भस्मभूषितसर्वांगाः क्षुद्रघंटाविराजिताः। महाव्रतधरा भूत्वा महाकालवनो त्तमम्। गच्छध्वं ब्रह्मणा सार्द्धं पादबद्धैश्च नूपुरैः

bhasmabhūṣitasarvāṁgāḥ kṣudraghaṁṭāvirājitāḥ| mahāvratadharā bhūtvā mahākālavano ttamam| gacchadhvaṁ brahmaṇā sārddhaṁ pādabaddhaiśca nūpuraiḥ

"— भस्म से समस्त अंगों को भूषित कर, छोटी घंटियों से सुशोभित होकर, महाव्रतधारी बनकर, पैरों में नूपुर बाँधकर, ब्रह्मा के साथ उत्तम महाकालवन को जाओ।"

श्लोक 20 (skanda.5.83.20)

अथ ते लोकपालाश्च श्रुत्वा कृष्णस्य भाषितम्। समायाता महादेवि कृत्वा कापालिकं वपुः

atha te lokapālāśca śrutvā kṛṣṇasya bhāṣitam| samāyātā mahādevi kṛtvā kāpālikaṁ vapuḥ

तब उन लोकपालों ने कृष्ण का वचन सुनकर, कापालिक वेश धारण कर, हे महादेवी, वहाँ प्रवेश किया।

श्लोक 21 (skanda.5.83.21)

तत्र दृष्टं महल्लिंगं तेजसां राशिमद्भुतम्। स्तुतं च विविधैः स्तोत्रैर्लोकपालैः पुनःपुनः

tatra dṛṣṭaṁ mahalliṁgaṁ tejasāṁ rāśimadbhutam| stutaṁ ca vividhaiḥ stotrairlokapālaiḥ punaḥpunaḥ

वहाँ उन्होंने तेज की अद्भुत राशि वाले महान लिंग का दर्शन किया, और लोकपालों ने बार-बार नाना स्तोत्रों से उसकी स्तुति की।

श्लोक 22 (skanda.5.83.22)

ततस्तु तस्य लिंगस्य वह्निज्वाला विनिःसृता। यया ते दानवाः सर्वे दग्धा भस्मत्वमागताः

tatastu tasya liṁgasya vahnijvālā viniḥsṛtā| yayā te dānavāḥ sarve dagdhā bhasmatvamāgatāḥ

तब उस लिंग से अग्नि की ज्वाला निकली, जिससे वे सब दानव जलकर भस्म हो गए।

श्लोक 23 (skanda.5.83.23)

ज्ञात्वा लिंगस्य माहात्म्यं नाम चक्रुः समाहिताः। सेवितं लोकपालैस्तु लिंगं तेजोमयं परम्। लोकपालेश्वरोनाम ख्यातिं यास्यति भूतले

jñātvā liṁgasya māhātmyaṁ nāma cakruḥ samāhitāḥ| sevitaṁ lokapālaistu liṁgaṁ tejomayaṁ param| lokapāleśvaronāma khyātiṁ yāsyati bhūtale

उस लिंग की महिमा जानकर, समाहित होकर उन्होंने उसका नाम रखा; लोकपालों द्वारा सेवित वह परम तेजोमय लिंग पृथ्वी पर लोकपालेश्वर नाम से विख्यात हुआ।

श्लोक 24 (skanda.5.83.24)

इत्युक्त्वा त्रिदशाः सर्वे लोकपालैः समावृताः। स्वस्वस्थानं गता दिव्यं यथापूर्वं मुदान्विताः

ityuktvā tridaśāḥ sarve lokapālaiḥ samāvṛtāḥ| svasvasthānaṁ gatā divyaṁ yathāpūrvaṁ mudānvitāḥ

यह कहकर लोकपालों से घिरे हुए सब देवता प्रसन्नतापूर्वक पूर्ववत् अपने-अपने दिव्य स्थान को चले गए।

श्लोक 25 (skanda.5.83.25)

ये पश्यंति नरा देवि लोकपालेश्वरं शिवम्। समृद्धिभिः सुसंपन्ना भवेयुर्जन्मजन्मसु

ye paśyaṁti narā devi lokapāleśvaraṁ śivam| samṛddhibhiḥ susaṁpannā bhaveyurjanmajanmasu

हे देवी, जो मनुष्य शिव लोकपालेश्वर का दर्शन करते हैं, वे जन्म-जन्म में समृद्धियों से संपन्न होते हैं।

श्लोक 26 (skanda.5.83.26)

न दारिद्र्यं न च व्याधिर्नाकालमरणं तथा। ऐश्वर्यं चातुलं तेषां जायते दर्शनात्सदा

na dāridryaṁ na ca vyādhirnākālamaraṇaṁ tathā| aiśvaryaṁ cātulaṁ teṣāṁ jāyate darśanātsadā

उनके लिए न दरिद्रता, न व्याधि, न अकाल मृत्यु होती है; उन्हें सदा उसके दर्शन से अतुल ऐश्वर्य प्राप्त होता है।

श्लोक 27 (skanda.5.83.27)

यो यमुद्दिश्य वै कामं दर्शनं तु करिष्यति। तस्य तज्जायते सर्वं मृतस्य परमा गतिः

yo yamuddiśya vai kāmaṁ darśanaṁ tu kariṣyati| tasya tajjāyate sarvaṁ mṛtasya paramā gatiḥ

जो जिस कामना को उद्दिष्ट कर दर्शन करता है, उसकी वह सारी कामना पूर्ण होती है, और मृत्यु पर परम गति प्राप्त होती है।

श्लोक 28 (skanda.5.83.28)

अश्वमेधस्य यज्ञस्य सम्यगिष्टस्य यत्फलम्। तत्फलं लभते देवि लोकपाले श्वरार्चनात्

aśvamedhasya yajñasya samyagiṣṭasya yatphalam| tatphalaṁ labhate devi lokapāle śvarārcanāt

अश्वमेध यज्ञ को भलीभाँति संपन्न करने से जो फल मिलता है, हे देवी, वही फल लोकपालेश्वर की पूजा से प्राप्त होता है।

श्लोक 29 (skanda.5.83.29)

प्रसंगेनापि यः पश्येल्लोकपालेश्वरं शिवम्। मोदते स्वर्गलोके स लोकपालैः समं सदा

prasaṁgenāpi yaḥ paśyellokapāleśvaraṁ śivam| modate svargaloke sa lokapālaiḥ samaṁ sadā

जो प्रसंगवश भी शिव लोकपालेश्वर का दर्शन करता है, वह स्वर्गलोक में लोकपालों के साथ सदा आनंद भोगता है।

श्लोक 30 (skanda.5.83.30)

संक्रांतौ सोमवारे च चतुर्दश्यां विशेषतः। ये पश्यंति नरा भक्त्या ह्यष्टम्यामयनद्वये

saṁkrāṁtau somavāre ca caturdaśyāṁ viśeṣataḥ| ye paśyaṁti narā bhaktyā hyaṣṭamyāmayanadvaye

जो मनुष्य संक्रांति को, सोमवार को, विशेषतः चतुर्दशी को, तथा दोनों अयनों की अष्टमी को भक्तिपूर्वक दर्शन करते हैं —

श्लोक 31 (skanda.5.83.31)

ते दुर्द्धर्षा भवंतीह शत्रूणां संगरे तथा। मृता यांति विमानेन शक्रलोकं सुदुर्लभम्

te durddharṣā bhavaṁtīha śatrūṇāṁ saṁgare tathā| mṛtā yāṁti vimānena śakralokaṁ sudurlabham

— वे युद्ध में शत्रुओं के लिए दुर्जेय हो जाते हैं; मृत्यु के पश्चात विमान द्वारा दुर्लभ इंद्रलोक को जाते हैं।

श्लोक 32 (skanda.5.83.32)

क्रमेण वारुणं लोकं धनदस्य यथासुखम्। पुनः पैतामहं यांति लोकं देवैः सुदुर्लभम्

krameṇa vāruṇaṁ lokaṁ dhanadasya yathāsukham| punaḥ paitāmahaṁ yāṁti lokaṁ devaiḥ sudurlabham

फिर क्रमशः वरुण के लोक को, फिर सुखपूर्वक कुबेर के लोक को, और फिर देवताओं के लिए भी दुर्लभ ब्रह्मलोक को जाते हैं।

श्लोक 33 (skanda.5.83.33)

एष ते कथितो देवि प्रभावः पापनाशनः। दुर्लभः परमो गुह्यं कामेश्वरमथो शृणु

eṣa te kathito devi prabhāvaḥ pāpanāśanaḥ| durlabhaḥ paramo guhyaṁ kāmeśvaramatho śṛṇu

हे देवी, यह मैंने तुम्हें दुर्लभ, परम गुह्य पापनाशक प्रभाव बताया; अब कामेश्वर के विषय में सुनो।