कुटुंबेश्वर माहात्म्य

श्लोक 1 (skanda.5.85.1)

श्रीमहादेव उवाच। कुटुंबेश्वरसंज्ञं तु देवं विद्धि चतुर्दशम्। यस्य दर्शनमात्रेण गोत्रवृद्धिश्च जायते

śrīmahādeva uvāca| kuṭuṁbeśvarasaṁjñaṁ tu devaṁ viddhi caturdaśam| yasya darśanamātreṇa gotravṛddhiśca jāyate

श्रीमहादेव बोले — कुटुंबेश्वर नामक देव को चौदहवाँ जानो; जिसके दर्शनमात्र से गोत्र (कुल) की वृद्धि होती है।

श्लोक 2 (skanda.5.85.2)

यदा देवासुरैः पूर्वं मथितः क्षीरसागरः। तदा च निर्गतं देवि दुर्द्धरं दुःसहं विषम्

yadā devāsuraiḥ pūrvaṁ mathitaḥ kṣīrasāgaraḥ| tadā ca nirgataṁ devi durddharaṁ duḥsahaṁ viṣam

पूर्वकाल में जब देवों और असुरों ने क्षीरसागर मंथन किया, तब हे देवी, दुर्धर, दुःसह विष उत्पन्न हुआ —

श्लोक 3 (skanda.5.85.3)

कालकूटमयं रौद्रं विषं ज्वालाविभीषणम्। दह्यते च जगत्तेन सदेवासुरमानुषम्

kālakūṭamayaṁ raudraṁ viṣaṁ jvālāvibhīṣaṇam| dahyate ca jagattena sadevāsuramānuṣam

— कालकूट नामक भयंकर, ज्वालाओं से विकराल विष, जिससे देव, असुर और मनुष्य सहित सारा जगत जलने लगा।

श्लोक 4 (skanda.5.85.4)

ततो देवगणाः सर्वे सासुरा यक्षराक्षसाः। विषज्वालातिभीताश्च मामेव शरणं गताः

tato devagaṇāḥ sarve sāsurā yakṣarākṣasāḥ| viṣajvālātibhītāśca māmeva śaraṇaṁ gatāḥ

तब सब देवगण, असुरों, यक्षों और राक्षसों सहित, विष की ज्वाला से अत्यंत भयभीत होकर मेरी ही शरण में आए।

श्लोक 5 (skanda.5.85.5)

स्तुतोहं विविधैः स्तोत्रैरिदमुक्तं वरानने। अमृतार्थे कृतो यत्नः संप्राप्तं मरणं विभो

stutohaṁ vividhaiḥ stotrairidamuktaṁ varānane| amṛtārthe kṛto yatnaḥ saṁprāptaṁ maraṇaṁ vibho

मुझे नाना स्तोत्रों से स्तुति करते हुए, हे वरानने, उन्होंने कहा — "हे विभो, अमृत के लिए यत्न किया गया था, किंतु मृत्यु ही प्राप्त हुई।"

श्लोक 6 (skanda.5.85.6)

अन्यथा चिंतितं कार्यं दैवेन कृतमन्यथा। अतिमथितुमारब्धे लोभाद्वै क्षीरसागरम्

anyathā ciṁtitaṁ kāryaṁ daivena kṛtamanyathā| atimathitumārabdhe lobhādvai kṣīrasāgaram

"जो कार्य अन्यथा सोचा गया था, दैव ने उसे अन्यथा ही कर दिया; लोभवश हमने क्षीरसागर का अत्यधिक मंथन आरंभ किया —"

श्लोक 7 (skanda.5.85.7)

उत्पन्नं कालकूटं तु येन दग्धं चराचरम्। ततोऽस्माकं भयं जातं कालकूटोद्भवं प्रभो

utpannaṁ kālakūṭaṁ tu yena dagdhaṁ carācaram| tato'smākaṁ bhayaṁ jātaṁ kālakūṭodbhavaṁ prabho

"— और उससे कालकूट उत्पन्न हो गया, जिससे चराचर जगत जल रहा है; हे प्रभु, हमें कालकूट से उत्पन्न भय हुआ है।"

श्लोक 8 (skanda.5.85.8)

रक्षां कुरु जगन्नाथ शरणागतवत्सल। हितार्थं सर्वलोकानां यथा न प्रलयो भवेत्

rakṣāṁ kuru jagannātha śaraṇāgatavatsala| hitārthaṁ sarvalokānāṁ yathā na pralayo bhavet

"हे जगन्नाथ, शरणागतवत्सल, हमारी रक्षा कीजिए; सब लोकों के हित के लिए ऐसा करें कि प्रलय न हो।"

श्लोक 9 (skanda.5.85.9)

मया तेषां वचः श्रुत्वा त्रिदशानां यशस्विनि। मायूरं रूपमास्थाय देवानामनुकंपया। कंठे धृतं महारौद्रं कालकूटाह्वयं तदा

mayā teṣāṁ vacaḥ śrutvā tridaśānāṁ yaśasvini| māyūraṁ rūpamāsthāya devānāmanukaṁpayā| kaṁṭhe dhṛtaṁ mahāraudraṁ kālakūṭāhvayaṁ tadā

हे यशस्विनी, उन देवताओं का वचन सुनकर, देवताओं पर करुणा करके मयूर का रूप धारण कर मैंने उस महारौद्र कालकूट-नामक विष को कंठ में धारण किया।

श्लोक 10 (skanda.5.85.10)

त्वं भीता सहसा नष्टा रूपं दृष्ट्वा तु मामकम्। विषवृक्षमसेव्यं तु ततोऽहं दुःखितोऽभवम्

tvaṁ bhītā sahasā naṣṭā rūpaṁ dṛṣṭvā tu māmakam| viṣavṛkṣamasevyaṁ tu tato'haṁ duḥkhito'bhavam

तुम मेरे उस रूप को देखकर सहसा भयभीत होकर भाग गईं — मानो विष के वृक्ष के समान असेव्य होकर; तब मैं दुःखित हुआ।

श्लोक 11 (skanda.5.85.11)

नदीसंघसमायुक्ता गंगा दृष्टा च पार्श्वतः। सा च प्रोक्ता मया देवि सादरं स्तुतिपूर्वकम्

nadīsaṁghasamāyuktā gaṁgā dṛṣṭā ca pārśvataḥ| sā ca proktā mayā devi sādaraṁ stutipūrvakam

तब मैंने अपने निकट नदियों के समूह से युक्त गंगा को देखा; उससे मैंने आदरपूर्वक स्तुति करते हुए कहा —

श्लोक 12 (skanda.5.85.12)

कालकूटविषं गंगे वेगान्नय महोदधिम्। नान्या शक्ता समानेतुं त्वां विना लोकपावनि

kālakūṭaviṣaṁ gaṁge vegānnaya mahodadhim| nānyā śaktā samānetuṁ tvāṁ vinā lokapāvani

"हे गंगा, इस कालकूट विष को वेग से महासागर में ले जाओ; हे लोकपावनी, तुम्हारे बिना और कोई इसे ले जाने में समर्थ नहीं है।"

श्लोक 13 (skanda.5.85.13)

गंगोवाच। नास्ति मे भगवञ्छक्तिर्विवोढुं च जगत्पते। रौद्ररूपी च दुःसेव्यो दहत्येव न संशयः

gaṁgovāca| nāsti me bhagavañchaktirvivoḍhuṁ ca jagatpate| raudrarūpī ca duḥsevyo dahatyeva na saṁśayaḥ

गंगा ने कहा — "हे भगवन्, हे जगत्पते, इसे धारण करने की शक्ति मुझमें नहीं है; यह रौद्र-रूप और दुःसेव्य है, यह निश्चय ही दग्ध कर देगा।"

श्लोक 14 (skanda.5.85.14)

ततस्तु यमुना प्रोक्ता न समर्था सरस्वती। अन्याश्च विविधा नद्यो मयाहूताः पृथ क्पृथक्

tatastu yamunā proktā na samarthā sarasvatī| anyāśca vividhā nadyo mayāhūtāḥ pṛtha kpṛthak

तब यमुना से कहा गया, फिर सरस्वती से — वे भी समर्थ नहीं हुईं; और अन्य नाना नदियों को भी मैंने अलग-अलग बुलाया।

श्लोक 15 (skanda.5.85.15)

अशक्तास्ताः समानेतुं कालकूटाह्वयं विषम्। तदाहूता मया देवि शिप्रा ब्रह्मसमुद्भवा

aśaktāstāḥ samānetuṁ kālakūṭāhvayaṁ viṣam| tadāhūtā mayā devi śiprā brahmasamudbhavā

वे सब कालकूट नामक विष को ले जाने में असमर्थ रहीं; तब मैंने, हे देवी, ब्रह्मा से उत्पन्न शिप्रा नदी को बुलाया।

श्लोक 16 (skanda.5.85.16)

शिप्रे पुत्रि ममादेशान्महाकाल वनं व्रज। गृहीत्वा कालकूटं तु पुरः कामेश्वरस्य हि

śipre putri mamādeśānmahākāla vanaṁ vraja| gṛhītvā kālakūṭaṁ tu puraḥ kāmeśvarasya hi

"हे पुत्री शिप्रा, मेरी आज्ञा से महाकालवन को जाओ, इस कालकूट को लेकर कामेश्वर के सम्मुख —"

श्लोक 17 (skanda.5.85.17)

विद्यते परमं लिंगं तस्मिंल्लिंगे नियोजय। मया प्रोक्ता तदा प्राह ब्रह्मणः परमा कला

vidyate paramaṁ liṁgaṁ tasmiṁlliṁge niyojaya| mayā proktā tadā prāha brahmaṇaḥ paramā kalā

"— वहाँ परम लिंग विद्यमान है, उसी लिंग में इसे नियोजित करो।" यह मेरे कहने पर, ब्रह्मा की परम कला (शिप्रा) ने कहा —

श्लोक 18 (skanda.5.85.18)

एषास्मि प्रस्थिता देव तव वाक्यादसंशयम्। दुःस्पर्शः कालकूटोऽयं नूनं मां भक्षयिष्यति

eṣāsmi prasthitā deva tava vākyādasaṁśayam| duḥsparśaḥ kālakūṭo'yaṁ nūnaṁ māṁ bhakṣayiṣyati

"हे देव, मैं आपके वचन से निश्चय ही प्रस्थान करती हूँ; परंतु यह दुःस्पर्श कालकूट निश्चय ही मुझे भस्म कर देगा।"

श्लोक 19 (skanda.5.85.19)

असेव्याहं भविष्यामि दुष्टसंपर्क योगतः। ततो मया पुनः प्रोक्ता शिप्रा पातकनाशिनी

asevyāhaṁ bhaviṣyāmi duṣṭasaṁparka yogataḥ| tato mayā punaḥ proktā śiprā pātakanāśinī

"इस दुष्ट संपर्क से मैं असेव्य हो जाऊँगी।" तब मैंने पापनाशिनी शिप्रा से पुनः कहा —

श्लोक 20 (skanda.5.85.20)

यानि तीर्थानि भूलोके पाताले यानि संति वै। स्वर्गलोके ह्यंतरिक्षे पुण्यानि चारुहासिनि

yāni tīrthāni bhūloke pātāle yāni saṁti vai| svargaloke hyaṁtarikṣe puṇyāni cāruhāsini

"हे चारुहासिनी, भूलोक में, पाताल में, स्वर्गलोक में तथा अंतरिक्ष में जो भी पुण्य तीर्थ हैं —"

श्लोक 21 (skanda.5.85.21)

तानि सर्वाणि सेवार्थमागत्य मम वाक्यतः। आज्ञां तव करिष्यंति गच्छ पुत्रि ममाज्ञया

tāni sarvāṇi sevārthamāgatya mama vākyataḥ| ājñāṁ tava kariṣyaṁti gaccha putri mamājñayā

"— वे सब मेरे वचन से आकर तुम्हारी सेवा करेंगे और तुम्हारी आज्ञा का पालन करेंगे; जाओ, हे पुत्री, मेरी आज्ञा से।"

श्लोक 22 (skanda.5.85.22)

एवमुक्ता तदा शिप्रा गृहीत्वा कालकूटकम्। समायाता वरारोहे यत्र लिंगमनुत्तमम्

evamuktā tadā śiprā gṛhītvā kālakūṭakam| samāyātā varārohe yatra liṁgamanuttamam

इस प्रकार कहे जाने पर शिप्रा उस कालकूट को लेकर, हे वरारोहे, उस स्थान पर आई जहाँ वह अनुत्तम लिंग था।

श्लोक 23 (skanda.5.85.23)

तद्विषं कालकूटाह्वं निक्षिप्तं लिंगमूर्द्धनि। विषलिंगस्ततो जातो दृष्टो मृत्युप्रदायकः

tadviṣaṁ kālakūṭāhvaṁ nikṣiptaṁ liṁgamūrddhani| viṣaliṁgastato jāto dṛṣṭo mṛtyupradāyakaḥ

उस कालकूट-नामक विष को लिंग के शीर्ष पर रख दिया गया; तब वह विषलिंग हो गया, जिसका दर्शन मृत्यु देने वाला था।

श्लोक 24 (skanda.5.85.24)

पशुः पक्षी नरो वापि यो हि पश्यति तं शिवम्। म्रियते स तदा देवि तस्य देवस्य दर्शनात्

paśuḥ pakṣī naro vāpi yo hi paśyati taṁ śivam| mriyate sa tadā devi tasya devasya darśanāt

पशु हो, पक्षी हो या मनुष्य — जो भी उस शिव को देखता था, वह उस देव के दर्शन से तत्क्षण मर जाता था।

श्लोक 25 (skanda.5.85.25)

तीर्थयात्रां ततः कर्तुं तत्रायातांस्तपोधनाः। तं च देवं ततो दृष्ट्वा मृताः सर्वे च तत्क्षणात्

tīrthayātrāṁ tataḥ kartuṁ tatrāyātāṁstapodhanāḥ| taṁ ca devaṁ tato dṛṣṭvā mṛtāḥ sarve ca tatkṣaṇāt

तीर्थयात्रा करने आए हुए तपोधन वहाँ आए, और उस देव को देखते ही सब तत्क्षण मर गए।

श्लोक 26 (skanda.5.85.26)

ततो हाहाकृतं देवि त्रैलोक्यं सचराचरम्। हाहाकारं महच्छ्रुत्वा मया ते द्विजसत्तमाः। संजीविताश्च वै सर्वे दृष्टिपातेन पार्वति

tato hāhākṛtaṁ devi trailokyaṁ sacarācaram| hāhākāraṁ mahacchrutvā mayā te dvijasattamāḥ| saṁjīvitāśca vai sarve dṛṣṭipātena pārvati

तब हे देवी, चराचर सहित त्रैलोक्य में हाहाकार मच गया; उस महान हाहाकार को सुनकर, हे पार्वती, मैंने उन श्रेष्ठ द्विजों को अपनी दृष्टि मात्र से पुनर्जीवित कर दिया।

श्लोक 27 (skanda.5.85.27)

तुष्टुवुः प्रणता विप्रा मामतो विविधैः स्तवैः। मया प्रोक्तास्तु ते विप्रा वृणुध्वं वरमुत्तमम्

tuṣṭuvuḥ praṇatā viprā māmato vividhaiḥ stavaiḥ| mayā proktāstu te viprā vṛṇudhvaṁ varamuttamam

तब उन विप्रों ने झुककर नाना स्तवों से मेरी स्तुति की; मैंने उनसे कहा — "हे विप्रो, कोई उत्तम वर माँगो।"

श्लोक 28 (skanda.5.85.28)

तैरुक्तं प्रणतैर्देवि लोकानां च हितार्थतः। संम्रियंते प्रजा देव लिंगेनानेन शंकर

tairuktaṁ praṇatairdevi lokānāṁ ca hitārthataḥ| saṁmriyaṁte prajā deva liṁgenānena śaṁkara

उन झुके हुए विप्रों ने कहा — "हे शंकर देव, सब लोकों के हित के लिए हम कहते हैं — इस लिंग के कारण प्रजा मरती है।"

श्लोक 29 (skanda.5.85.29)

ताः संरक्ष जगन्नाथ ह्येषोऽस्माकं वरः प्रभो। प्रतिज्ञातं मया देवि लोकानामनुकंपया

tāḥ saṁrakṣa jagannātha hyeṣo'smākaṁ varaḥ prabho| pratijñātaṁ mayā devi lokānāmanukaṁpayā

"हे जगन्नाथ, उनकी रक्षा कीजिए, हे प्रभु, यही हमारा वर है।" तब मैंने, हे देवी, लोकों पर करुणा करके प्रतिज्ञा की —

श्लोक 30 (skanda.5.85.30)

क्षेमारोग्यकरं लिंगं भविष्यति न संशयः। कायावरोहणाद्विप्राः स्वयमत्रागमिष्यति

kṣemārogyakaraṁ liṁgaṁ bhaviṣyati na saṁśayaḥ| kāyāvarohaṇādviprāḥ svayamatrāgamiṣyati

"यह लिंग निश्चय ही क्षेम और आरोग्य देने वाला होगा; हे विप्रो, कायावरोहण से (लकुलीश) स्वयं यहाँ आएँगे।"

श्लोक 31 (skanda.5.85.31)

लकुलीशस्तदा चायं देवः स्पृश्यो भविष्यति। वृद्धिकारी कुटुम्बस्य भविष्यति न संशयः

lakulīśastadā cāyaṁ devaḥ spṛśyo bhaviṣyati| vṛddhikārī kuṭumbasya bhaviṣyati na saṁśayaḥ

"तब यह देव लकुलीश द्वारा स्पर्श किया जाने योग्य होगा; और यह निश्चय ही कुटुंब की वृद्धि करने वाला होगा।"

श्लोक 32 (skanda.5.85.32)

कुटुंबेश्वर इति नाम्ना लोके ख्यातिं गमिष्यति। इत्युक्तास्ते मया विप्रास्तत्रैव तपसि स्थिताः

kuṭuṁbeśvara iti nāmnā loke khyātiṁ gamiṣyati| ityuktāste mayā viprāstatraiva tapasi sthitāḥ

"वह लोक में कुटुंबेश्वर नाम से विख्यात होगा।" ऐसा कहकर मैंने उन विप्रों को वहीं तपस्या में स्थित कर दिया।

श्लोक 33 (skanda.5.85.33)

लकुलीशोऽथ तल्लिंगमारुरोह ममाज्ञया। जनयन्विस्मयं लोके कीर्तिं जनपदे तथा

lakulīśo'tha talliṁgamāruroha mamājñayā| janayanvismayaṁ loke kīrtiṁ janapade tathā

तब लकुलीश ने मेरी आज्ञा से उस लिंग पर आरोहण किया, लोक में विस्मय और जनपद में कीर्ति उत्पन्न करते हुए।

श्लोक 34 (skanda.5.85.34)

कुटुम्बेश्वरसंज्ञं तु ये पश्यंति यशस्विनि। तेषां कुले तु वृद्धिः स्यात्कुटुंबस्य न संशयः

kuṭumbeśvarasaṁjñaṁ tu ye paśyaṁti yaśasvini| teṣāṁ kule tu vṛddhiḥ syātkuṭuṁbasya na saṁśayaḥ

हे यशस्विनी, जो लोग कुटुंबेश्वर नामक देव का दर्शन करते हैं, उनके कुल और कुटुंब की निश्चय ही वृद्धि होती है।

श्लोक 35 (skanda.5.85.35)

आश्विनासितपंचम्यां दर्श नं यः करिष्यति। बहुपुत्रो बहुधनो भविष्यति न संशयः

āśvināsitapaṁcamyāṁ darśa naṁ yaḥ kariṣyati| bahuputro bahudhano bhaviṣyati na saṁśayaḥ

जो आश्विन कृष्ण पंचमी को दर्शन करता है, वह बहुपुत्र और बहुधन युक्त होगा, इसमें संदेह नहीं।

श्लोक 36 (skanda.5.85.36)

महतीं श्रियमाप्नोति रोगैश्चापि प्रमुच्यते। सर्वकामसमृद्धोऽसौ मम लोके स मोदते

mahatīṁ śriyamāpnoti rogaiścāpi pramucyate| sarvakāmasamṛddho'sau mama loke sa modate

वह महान श्री को प्राप्त होता है और रोगों से भी मुक्त हो जाता है; सब कामनाओं से समृद्ध होकर वह मेरे लोक में आनंद भोगता है।

श्लोक 37 (skanda.5.85.37)

दर्शनं ये करिष्यंति स्पर्शनं यजनं तथा। ते सर्वे कामसंपूर्णाः प्रयांति मम मंदिरम्

darśanaṁ ye kariṣyaṁti sparśanaṁ yajanaṁ tathā| te sarve kāmasaṁpūrṇāḥ prayāṁti mama maṁdiram

जो दर्शन, स्पर्शन और पूजन करते हैं, वे सब कामनाओं से पूर्ण होकर मेरे भवन को जाते हैं।

श्लोक 38 (skanda.5.85.38)

समीपे तु सरिच्छिप्रा वापीकूपेन संयुता। यस्या दर्शनमात्रेण नरः पापात्प्रमुच्यते

samīpe tu saricchiprā vāpīkūpena saṁyutā| yasyā darśanamātreṇa naraḥ pāpātpramucyate

समीप में शिप्रा नदी बावड़ी और कुएँ सहित बहती है; जिसके दर्शनमात्र से मनुष्य पाप से मुक्त हो जाता है।

श्लोक 39 (skanda.5.85.39)

सोमवारेर्कवारे च स्नात्वा तस्यां समाहितः। अष्टम्यां वा चतुर्दश्यां यः पश्येत्कुटुंबेश्वरम्

somavārerkavāre ca snātvā tasyāṁ samāhitaḥ| aṣṭamyāṁ vā caturdaśyāṁ yaḥ paśyetkuṭuṁbeśvaram

सोमवार को या रविवार को उसमें स्नान कर, समाहित होकर, अष्टमी या चतुर्दशी को जो कुटुंबेश्वर का दर्शन करता है —

श्लोक 40 (skanda.5.85.40)

राजसूयसहस्रस्य वाजपेयशतस्य च। फलं स लभते देवि सत्यमेतन्मयोदितम्

rājasūyasahasrasya vājapeyaśatasya ca| phalaṁ sa labhate devi satyametanmayoditam

— वह हज़ार राजसूय यज्ञों और सौ वाजपेय यज्ञों का फल प्राप्त करता है; हे देवी, यह सत्य है, मैंने ही कहा है।

श्लोक 41 (skanda.5.85.41)

एष ते कथितो देवि प्रभावः पापनाशनः। कुटुंबेश्वरदेवस्य त्विंद्रद्युम्नेश्वरं शृणु

eṣa te kathito devi prabhāvaḥ pāpanāśanaḥ| kuṭuṁbeśvaradevasya tviṁdradyumneśvaraṁ śṛṇu

हे देवी, यह मैंने तुम्हें कुटुंबेश्वर देव का पापनाशक प्रभाव बताया; अब इंद्रद्युम्नेश्वर के विषय में सुनो।