इंद्रद्युम्नेश्वर माहात्म्य

श्लोक 1 (skanda.5.86.1)

श्रीमहादेव उवाच। इंद्रद्युम्नेश्वरं विद्धि शिवं पंचदशं प्रिये। यस्य दर्शनमात्रेण यशः कीर्तिश्च जायते

śrīmahādeva uvāca| iṁdradyumneśvaraṁ viddhi śivaṁ paṁcadaśaṁ priye| yasya darśanamātreṇa yaśaḥ kīrtiśca jāyate

श्रीमहादेव बोले — हे प्रिये, पंद्रहवें शिव को इंद्रद्युम्नेश्वर जानो; जिसके दर्शनमात्र से यश और कीर्ति प्राप्त होती है।

श्लोक 2 (skanda.5.86.2)

आसीद्राजा पुरा देवि इंद्रद्युम्नो महीपतिः। येनेयं रक्षिता पृथ्वी पिता पुत्रमिवौरसम्

āsīdrājā purā devi iṁdradyumno mahīpatiḥ| yeneyaṁ rakṣitā pṛthvī pitā putramivaurasam

हे देवी, पूर्वकाल में इंद्रद्युम्न नामक राजा था, जिसने इस पृथ्वी की रक्षा वैसे ही की जैसे पिता अपने पुत्र की करता है।

श्लोक 3 (skanda.5.86.3)

दृष्ट्वा सोऽथ बहून्यज्ञान्भूमौ प्रचुरदक्षिणान्। गतः स्वर्गं महात्मा वै सर्वकामफलप्रदम्

dṛṣṭvā so'tha bahūnyajñānbhūmau pracuradakṣiṇān| gataḥ svargaṁ mahātmā vai sarvakāmaphalapradam

पृथ्वी पर प्रचुर दक्षिणा वाले अनेक यज्ञ संपन्न कर वह महात्मा सब कामनाओं का फल देने वाले स्वर्ग को गया।

श्लोक 4 (skanda.5.86.4)

स चाथ प्रत्युतः स्वर्गान्नष्टकीर्तिर्यदा क्षितौ। पपात भूमौ सहसा गतपुण्यो नरा धिपः। पतितश्चिंतयामास भ्रशं शोकपरिप्लुतः

sa cātha pratyutaḥ svargānnaṣṭakīrtiryadā kṣitau| papāta bhūmau sahasā gatapuṇyo narā dhipaḥ| patitaściṁtayāmāsa bhraśaṁ śokapariplutaḥ

फिर जब उसकी कीर्ति पृथ्वी पर नष्ट हो गई, तब वह स्वर्ग से लौटाया गया; पुण्य-क्षीण वह राजा सहसा पृथ्वी पर गिर पड़ा। गिरते ही, शोक में डूबा हुआ वह भ्रष्ट होकर विचार करने लगा —

श्लोक 5 (skanda.5.86.5)

कृतस्य कर्मणस्त्वत्र भुज्यते यत्फलं दिवि। न चान्यत्क्रियते तद्यद्भूतलस्थेन भुज्यते

kṛtasya karmaṇastvatra bhujyate yatphalaṁ divi| na cānyatkriyate tadyadbhūtalasthena bhujyate

"जो कर्म यहाँ (पृथ्वी पर) किया जाता है, उसका फल स्वर्ग में भोगा जाता है; परंतु जो पृथ्वीस्थ रहकर भोगा जाता है, वह अन्य कुछ नहीं किया जाता।"

श्लोक 6 (skanda.5.86.6)

सोऽत्र दोषो मतस्तस्यामतस्तत्पतनं च यत्। पतनात्तु महद्दुःखं परितापश्च जायते

so'tra doṣo matastasyāmatastatpatanaṁ ca yat| patanāttu mahadduḥkhaṁ paritāpaśca jāyate

"यही दोष माना गया है — यही उसका पतन है; और पतन से महान दुःख तथा संताप उत्पन्न होता है।"

श्लोक 7 (skanda.5.86.7)

स्वर्गभाजो भवंतीह यावत्कीर्तिश्च जायते। दिवं स्पृशति भूमिं च शब्दः पुण्यस्य कर्मणः। यावत्स शब्दो भवति तावत्पुरुष उच्यते

svargabhājo bhavaṁtīha yāvatkīrtiśca jāyate| divaṁ spṛśati bhūmiṁ ca śabdaḥ puṇyasya karmaṇaḥ| yāvatsa śabdo bhavati tāvatpuruṣa ucyate

"मनुष्य तभी तक स्वर्ग का भागी रहता है जब तक उसकी कीर्ति बनी रहती है; पुण्य कर्म की ख्याति स्वर्ग और पृथ्वी दोनों को स्पर्श करती है — जब तक वह ख्याति बनी रहती है, तभी तक वह पुरुष कहलाता है।"

श्लोक 8 (skanda.5.86.8)

अकीर्तिः कीर्त्यते यस्य लोके भूतस्य कस्यचित्। स पतत्यधमाँल्लोकान्यावच्छब्दोऽस्य कीर्त्तितः

akīrtiḥ kīrtyate yasya loke bhūtasya kasyacit| sa patatyadhamā~llokānyāvacchabdo'sya kīrttitaḥ

"जिस किसी प्राणी की अपकीर्ति ही लोक में गाई जाती है, वह अधम लोकों में गिरता है, जब तक उसकी वह अपयश-कथा कही जाती रहती है।"

श्लोक 9 (skanda.5.86.9)

तस्मात्कल्याणवृत्तः स्यादन्यथा पतनं भुवि। विधाय वृत्तं पापिष्ठं कीर्तिमेवाभिवर्द्धयेत्

tasmātkalyāṇavṛttaḥ syādanyathā patanaṁ bhuvi| vidhāya vṛttaṁ pāpiṣṭhaṁ kīrtimevābhivarddhayet

"इसलिए मनुष्य कल्याणकारी आचरण वाला होना चाहिए, अन्यथा पृथ्वी पर पतन होता है; पापिष्ठ आचरण करके भी मनुष्य को केवल कीर्ति ही बढ़ानी चाहिए।"

श्लोक 10 (skanda.5.86.10)

अत्यंतं श्लाघयाम्यत्र कीर्त्तिं स्वर्गकरां पराम्। देवैरपि हि सा कीर्तिः कांक्ष्यते परमा यतः

atyaṁtaṁ ślāghayāmyatra kīrttiṁ svargakarāṁ parām| devairapi hi sā kīrtiḥ kāṁkṣyate paramā yataḥ

"मैं यहाँ स्वर्ग देने वाली उस परम कीर्ति की अत्यंत प्रशंसा करता हूँ, क्योंकि वह परम कीर्ति देवताओं द्वारा भी वांछनीय है।"

श्लोक 11 (skanda.5.86.11)

यावत्कीर्त्तिर्मनुष्याणां वर्त्तते भुवि चाक्षया। तेजः पुंजेन युक्तानि शरीराणि भवंति हि

yāvatkīrttirmanuṣyāṇāṁ varttate bhuvi cākṣayā| tejaḥ puṁjena yuktāni śarīrāṇi bhavaṁti hi

"जब तक मनुष्यों की कीर्ति पृथ्वी पर अक्षय रहती है, तब तक उनके शरीर तेज के पुंज से युक्त रहते हैं।"

श्लोक 12 (skanda.5.86.12)

न स्वेदो न च दौर्गंध्यं पुरीषं मूत्रमेव वा। तेषां निर्वचनं राजा विधाता च त्रिविष्टपे। उह्यंते ते विमानैश्च नानाभरणभूषिताः

na svedo na ca daurgaṁdhyaṁ purīṣaṁ mūtrameva vā| teṣāṁ nirvacanaṁ rājā vidhātā ca triviṣṭape| uhyaṁte te vimānaiśca nānābharaṇabhūṣitāḥ

"उनमें न पसीना होता है, न दुर्गंध, न मल-मूत्र। ऐसा राजा और विधाता स्वर्ग में इस प्रकार वर्णित हैं, और वे नाना आभूषणों से विभूषित होकर विमानों द्वारा ले जाए जाते हैं।"

श्लोक 13 (skanda.5.86.13)

एवं विमृश्य नृपतिरिंद्रद्युम्नो वरानने। स्वर्गकामो जगामाथ हिमवंतं नगोत्तमम्

evaṁ vimṛśya nṛpatiriṁdradyumno varānane| svargakāmo jagāmātha himavaṁtaṁ nagottamam

हे वरानने, इस प्रकार विचार कर राजा इंद्रद्युम्न, स्वर्ग की कामना से पर्वतश्रेष्ठ हिमालय को गया।

श्लोक 14 (skanda.5.86.14)

यत्र तेपे तपस्तीव्रं मार्कण्डेयो महामुनिः। दृष्ट्वा प्रणम्य शिरसा साष्टांगं च पुनःपुनः। पप्रच्छ विनयोपेतस्तमृषिं शंसितव्रतम्

yatra tepe tapastīvraṁ mārkaṇḍeyo mahāmuniḥ| dṛṣṭvā praṇamya śirasā sāṣṭāṁgaṁ ca punaḥpunaḥ| papraccha vinayopetastamṛṣiṁ śaṁsitavratam

जहाँ महामुनि मार्कंडेय तीव्र तप कर रहे थे; उन्हें देखकर बार-बार साष्टांग शिर झुकाकर प्रणाम कर, विनयपूर्वक उसने उस दृढ़व्रत ऋषि से पूछा —

श्लोक 15 (skanda.5.86.15)

विदितास्तव धर्मज्ञ देवदानवराक्षसाः। राजवंशाश्च विविधा ऋषिवंशाश्च शाश्वताः

viditāstava dharmajña devadānavarākṣasāḥ| rājavaṁśāśca vividhā ṛṣivaṁśāśca śāśvatāḥ

"हे धर्मज्ञ, आपको देव, दानव, राक्षस, नाना राजवंश और शाश्वत ऋषिवंश — सब ज्ञात हैं।"

श्लोक 16 (skanda.5.86.16)

न तेऽस्त्यविदितं किञ्चिदस्मिँल्लोके द्विजोत्तम। एतदिच्छाम्यहं श्रोतुं तत्त्वेन कथ्यतां त्वया

na te'styaviditaṁ kiñcidasmi~lloke dvijottama| etadicchāmyahaṁ śrotuṁ tattvena kathyatāṁ tvayā

"हे द्विजोत्तम, इस लोक में आपके लिए कुछ भी अज्ञात नहीं है; मैं यह जानना चाहता हूँ, आप मुझे तत्त्व से बताइए —"

श्लोक 17 (skanda.5.86.17)

कथं कीर्त्तिर्ध्रुवा लोके जायते किं तपःफलात्। मार्कण्डेय उवाच। हंत ते कथयिष्यामि यतः कीर्तिं समीहसे

kathaṁ kīrttirdhruvā loke jāyate kiṁ tapaḥphalāt| mārkaṇḍeya uvāca| haṁta te kathayiṣyāmi yataḥ kīrtiṁ samīhase

"— लोक में अटल कीर्ति कैसे प्राप्त होती है, किस तप के फल से?" मार्कंडेय बोले — "अच्छा, मैं तुम्हें बताता हूँ, क्योंकि तुम कीर्ति की इच्छा रखते हो।"

श्लोक 18 (skanda.5.86.18)

यावत्कीर्तिर्भूमिसंस्था तावद्वस सुरैः सह। तद्गच्छ शीघ्रं धर्मज्ञ महाकालवनोत्तमम्

yāvatkīrtirbhūmisaṁsthā tāvadvasa suraiḥ saha| tadgaccha śīghraṁ dharmajña mahākālavanottamam

"जब तक कीर्ति पृथ्वी पर स्थित रहती है, तब तक तुम देवताओं के साथ निवास करते हो; इसलिए, हे धर्मज्ञ, शीघ्र उत्तम महाकालवन को जाओ।"

श्लोक 19 (skanda.5.86.19)

कल्कलेश्वरदेवस्य समीपे वाम भागतः। लिंगं पापहरं तत्र समाराधय यत्नतः

kalkaleśvaradevasya samīpe vāma bhāgataḥ| liṁgaṁ pāpaharaṁ tatra samārādhaya yatnataḥ

"वहाँ कल्कलेश्वर देव के समीप, बाईं ओर, पापहर लिंग है; उसकी यत्नपूर्वक आराधना करो।"

श्लोक 20 (skanda.5.86.20)

तस्याभ्यर्चनमात्रेण लप्स्यसे कीर्तिमुत्तमाम्। स्वर्गं सनातनं चैव यत्सुरैरपि दुर्ल्लभम्

tasyābhyarcanamātreṇa lapsyase kīrtimuttamām| svargaṁ sanātanaṁ caiva yatsurairapi durllabham

"उसकी पूजा मात्र से तुम उत्तम कीर्ति प्राप्त करोगे, और सनातन स्वर्ग भी, जो देवताओं के लिए भी दुर्लभ है।"

श्लोक 21 (skanda.5.86.21)

गत्वा स पूजयामास तल्लिंगं कीर्तितं त्विदम्। ततो देवाः सगन्धर्वाः प्रशस्य च मुदान्विताः

gatvā sa pūjayāmāsa talliṁgaṁ kīrtitaṁ tvidam| tato devāḥ sagandharvāḥ praśasya ca mudānvitāḥ

वहाँ जाकर उसने उस कहे गए लिंग की पूजा की; तब गंधर्वों सहित देवगण प्रशंसा करते हुए हर्षित हुए —

श्लोक 22 (skanda.5.86.22)

अन्तरिक्षे विमानस्था प्रोचुर्वाचं नराधिपम्। त्वत्कीर्त्तिर्निर्मला जाता लिंगस्यास्य समर्चनात्

antarikṣe vimānasthā procurvācaṁ narādhipam| tvatkīrttirnirmalā jātā liṁgasyāsya samarcanāt

— आकाश में विमानों पर स्थित होकर उस राजा से बोले — "इस लिंग के सम्यक पूजन से तुम्हारी कीर्ति निर्मल हो गई है।"

श्लोक 23 (skanda.5.86.23)

अद्यप्रभृति राजेंद्र लिंगं त्वन्नाम नामतः। ख्यातिं यास्यति लोकेऽस्मिन्निंद्रद्युम्नेति निश्चितम्

adyaprabhṛti rājeṁdra liṁgaṁ tvannāma nāmataḥ| khyātiṁ yāsyati loke'sminniṁdradyumneti niścitam

"हे राजेंद्र, आज से यह लिंग तुम्हारे ही नाम से इस लोक में इंद्रद्युम्न के नाम से निश्चय ही विख्यात होगा।"

श्लोक 24 (skanda.5.86.24)

इन्द्रद्युम्नेश्वरं देवं पूजयिष्यंति ये नराः। सर्वपापविनिर्मुक्ता विमानैः सर्वकामिकैः

indradyumneśvaraṁ devaṁ pūjayiṣyaṁti ye narāḥ| sarvapāpavinirmuktā vimānaiḥ sarvakāmikaiḥ

जो मनुष्य देव इंद्रद्युम्नेश्वर की पूजा करेंगे, वे सब पापों से मुक्त होकर सर्वकामप्रद विमानों द्वारा —

श्लोक 25 (skanda.5.86.25)

स्वर्गं यास्यंति ते हृष्टाः स्तूयमानाः सुरर्षिभिः। किंचिच्च दुर्लभं लोके तेषां नैव भविष्यति

svargaṁ yāsyaṁti te hṛṣṭāḥ stūyamānāḥ surarṣibhiḥ| kiṁcicca durlabhaṁ loke teṣāṁ naiva bhaviṣyati

— प्रसन्नतापूर्वक स्वर्ग को जाएँगे, देवर्षियों द्वारा स्तुति किए जाते हुए; उनके लिए लोक में कुछ भी दुर्लभ नहीं रहेगा।

श्लोक 26 (skanda.5.86.26)

दर्शनं ये करिष्यंति लोभाद्वापि प्रसंगतः। तेषां कीर्तिर्यशः पुण्यं धर्मश्चैवं भविष्यति

darśanaṁ ye kariṣyaṁti lobhādvāpi prasaṁgataḥ| teṣāṁ kīrtiryaśaḥ puṇyaṁ dharmaścaivaṁ bhaviṣyati

जो लोभवश या प्रसंगवश भी दर्शन करेंगे, उनकी भी कीर्ति, यश, पुण्य और धर्म इसी प्रकार बढ़ेंगे।

श्लोक 27 (skanda.5.86.27)

न स्वर्गात्पतनं तेषां यावदिंद्राश्चतुर्द्दश। ये च पूजां करिष्यंति चतुर्दश्यां विशेषतः। ते कुलं तारयिष्यंति मातृकं पैतृकं सदा

na svargātpatanaṁ teṣāṁ yāvadiṁdrāścaturddaśa| ye ca pūjāṁ kariṣyaṁti caturdaśyāṁ viśeṣataḥ| te kulaṁ tārayiṣyaṁti mātṛkaṁ paitṛkaṁ sadā

उनका स्वर्ग से पतन चौदह इंद्रों के काल तक नहीं होगा; और जो विशेषतः चतुर्दशी को पूजा करेंगे, वे अपने मातृ और पितृ कुल का सदा उद्धार करेंगे।

श्लोक 28 (skanda.5.86.28)

इत्युक्ता त्रिदशाः सर्वे लिंगं संपूज्य यत्नतः। इंद्रद्युम्नेन सहिताः पुनः स्वर्गं गताः प्रिये

ityuktā tridaśāḥ sarve liṁgaṁ saṁpūjya yatnataḥ| iṁdradyumnena sahitāḥ punaḥ svargaṁ gatāḥ priye

यह कहकर सब देवता, उस लिंग की भलीभाँति पूजा कर, इंद्रद्युम्न सहित पुनः स्वर्ग को गए, हे प्रिये।

श्लोक 29 (skanda.5.86.29)

एष ते कथितो देवि प्रभावः पापनाशनः। इन्द्रद्युम्नेशदेवस्य श्रूयतामपरः प्रिये

eṣa te kathito devi prabhāvaḥ pāpanāśanaḥ| indradyumneśadevasya śrūyatāmaparaḥ priye

हे देवी, यह मैंने तुम्हें देव इंद्रद्युम्नेश्वर का पापनाशक प्रभाव बताया; अब दूसरे के विषय में सुनो, हे प्रिये।