महालयेश्वर की महिमा

श्लोक 1 (skanda.5.95.1)

ईश्वर उवाच। महालयं महाभागे चतुर्विंशतिकं शुभम्। ब्रह्मादिस्तंबपर्यंतं त्रैलोक्यं सचरा चरम्

īśvara uvāca| mahālayaṁ mahābhāge caturviṁśatikaṁ śubham| brahmādistaṁbaparyaṁtaṁ trailokyaṁ sacarā caram

ईश्वर ने कहा — हे महाभागे! चौबीसवें शुभ देव महालय हैं, जिनमें ब्रह्मा से लेकर तिनके तक का, चराचर सहित सम्पूर्ण त्रिलोक समाया हुआ है।

श्लोक 2 (skanda.5.95.2)

उत्पादितं धृतं व्याप्तं त्वया देव मया श्रुतम्। त्वयैकेन विशुद्धेन सर्वगेन महात्मना

utpāditaṁ dhṛtaṁ vyāptaṁ tvayā deva mayā śrutam| tvayaikena viśuddhena sarvagena mahātmanā

हे देव! आपके द्वारा ही यह सब उत्पन्न, धारण और व्याप्त किया गया है, यह मैंने सुना है; आप अकेले ही विशुद्ध, सर्वव्यापी, महात्मा हैं।

श्लोक 3 (skanda.5.95.3)

अत्यर्थं मुनयः सर्वे मुदिता मौनिनो ऽव्ययाः। वदंति कारणं चास्य त्रैलोक्यस्य महेश्वर

atyarthaṁ munayaḥ sarve muditā maunino 'vyayāḥ| vadaṁti kāraṇaṁ cāsya trailokyasya maheśvara

हे महेश्वर! सभी मुनि, अत्यंत प्रसन्न, मौन तथा अव्यय, इस त्रैलोक्य का कारण आपको ही बताते हैं।

श्लोक 4 (skanda.5.95.4)

त्वया सर्वमिदं सृष्टं त्रैलोक्यं भूर्भुवादिकम्। उत्पाद्यमानमुत्पन्नं प्रलीयच्च सहस्रशः

tvayā sarvamidaṁ sṛṣṭaṁ trailokyaṁ bhūrbhuvādikam| utpādyamānamutpannaṁ pralīyacca sahasraśaḥ

आपके द्वारा ही यह सम्पूर्ण भूः-भुवः आदि त्रैलोक्य रचा गया, जो हजारों बार उत्पन्न होता, उत्पन्न होकर रहता, और लीन होता है।

श्लोक 5 (skanda.5.95.5)

देवदानवगंधर्वमुनिचारणभोगिनाम्। उत्पत्तिस्थितिसंहारास्त्वया दृष्टा मुहुर्मुहुः

devadānavagaṁdharvamunicāraṇabhoginām| utpattisthitisaṁhārāstvayā dṛṣṭā muhurmuhuḥ

देवों, दानवों, गंधर्वों, मुनियों, चारणों तथा सर्पों की उत्पत्ति, स्थिति और संहार आपके द्वारा बार-बार देखे गए हैं।

श्लोक 6 (skanda.5.95.6)

जगच्चराचरं देव कुत्र स्थित्वासृजस्य लम्। लीलया संहरस्येतत्प्रसादाद्वक्तुमर्हसि

jagaccarācaraṁ deva kutra sthitvāsṛjasya lam| līlayā saṁharasyetatprasādādvaktumarhasi

'हे देव! कहाँ स्थित होकर आप इस चराचर जगत की रचना करते हैं? और लीलामात्र से इसका संहार करते हैं — कृपया यह बताने योग्य हैं आप।'

श्लोक 7 (skanda.5.95.7)

कोऽसौ महालयो रौद्रग्रहरूपी व्यवस्थितः। यस्मिन्धृतं त्वया सर्वं त्रैलोक्यं भूर्भुवादिकम्

ko'sau mahālayo raudragraharūpī vyavasthitaḥ| yasmindhṛtaṁ tvayā sarvaṁ trailokyaṁ bhūrbhuvādikam

'यह रौद्र-ग्रह-रूप में स्थित महालय कौन है, जिसमें आपके द्वारा यह सम्पूर्ण भूः-भुवः आदि त्रैलोक्य धारण किया गया है?'

श्लोक 8 (skanda.5.95.8)

इति पृष्टस्त्वया देवि मया ते कथितं पुरा। इदानीं कथयिष्यामि शृणुष्वैकाग्रमानसा

iti pṛṣṭastvayā devi mayā te kathitaṁ purā| idānīṁ kathayiṣyāmi śṛṇuṣvaikāgramānasā

हे देवी! इस प्रकार तुमसे पूछा गया, और मैंने पूर्वकाल में तुम्हें यह बताया था; अब पुनः बताता हूँ, एकाग्रचित्त होकर सुनो।

श्लोक 9 (skanda.5.95.9)

पृथिव्यादीनि भूतानि महाकालवने प्रिये। धृतानि प्रलयस्यांते एकोद्देशे महालये

pṛthivyādīni bhūtāni mahākālavane priye| dhṛtāni pralayasyāṁte ekoddeśe mahālaye

हे प्रिये! पृथ्वी आदि तत्त्व महाकालवन में, प्रलय के अंत में, एक ही स्थान — महालय — में धारण किए जाते हैं।

श्लोक 10 (skanda.5.95.10)

ब्रह्मलोकादिभिर्लोकैरनौपम्यगुणं शुभम्। स्थानं महालयं तत्र ममानंदकरं परम्

brahmalokādibhirlokairanaupamyaguṇaṁ śubham| sthānaṁ mahālayaṁ tatra mamānaṁdakaraṁ param

वहाँ ब्रह्मलोक आदि लोकों से भी अनुपम गुण वाला, शुभ, मुझे परम आनंद देने वाला स्थान महालय है।

श्लोक 11 (skanda.5.95.11)

परं ब्रह्ममयं लिंगं तत्र तिष्ठति सर्वदा। तस्य लिंगस्य मध्ये तु धृतं कृत्स्नं चराचरम्

paraṁ brahmamayaṁ liṁgaṁ tatra tiṣṭhati sarvadā| tasya liṁgasya madhye tu dhṛtaṁ kṛtsnaṁ carācaram

वहाँ सदा वह परम ब्रह्ममय लिंग स्थित रहता है; उस लिंग के भीतर ही सम्पूर्ण चराचर सृष्टि धारण की गई है।

श्लोक 12 (skanda.5.95.12)

तत्र ब्रह्मादयो देवा विष्णुस्तत्रैव संस्थितः। लिंगस्याभ्यंतरे देवि सर्वमेवाधितिष्ठति। तस्माल्लिंगात्समुत्पन्नो महानात्मा महामतिः

tatra brahmādayo devā viṣṇustatraiva saṁsthitaḥ| liṁgasyābhyaṁtare devi sarvamevādhitiṣṭhati| tasmālliṁgātsamutpanno mahānātmā mahāmatiḥ

वहाँ ब्रह्मा आदि देवगण और विष्णु भी स्थित हैं; हे देवी! उस लिंग के भीतर ही सब कुछ अधिष्ठित है। उसी लिंग से महान बुद्धिशाली महानात्मा (महत्तत्त्व) उत्पन्न हुआ।

श्लोक 13 (skanda.5.95.13)

भूतादिश्चाप्यहंकारो विष्णुः शंभुश्च पार्वति। बुद्धिः प्रज्ञा धृतिः ख्यातिः स्मृतिर्लज्जा सरस्वती

bhūtādiścāpyahaṁkāro viṣṇuḥ śaṁbhuśca pārvati| buddhiḥ prajñā dhṛtiḥ khyātiḥ smṛtirlajjā sarasvatī

हे पार्वती! भूतादि, अहंकार, विष्णु और शंभु भी उसी से उत्पन्न हुए; तथा बुद्धि, प्रज्ञा, धृति, ख्याति, स्मृति, लज्जा और सरस्वती भी।

श्लोक 14 (skanda.5.95.14)

सर्वतः पाणिपादं तत्सर्वतोऽक्षिशिरोमुखम्। सर्वतः श्रुतिमल्लोके सर्वमावृत्य तिष्ठति

sarvataḥ pāṇipādaṁ tatsarvato'kṣiśiromukham| sarvataḥ śrutimalloke sarvamāvṛtya tiṣṭhati

वह सर्वत्र हाथ-पैर वाला, सर्वत्र नेत्र-सिर-मुख वाला, संसार में सर्वत्र कानों वाला है — वह सब कुछ को आवृत करके स्थित है।

श्लोक 15 (skanda.5.95.15)

अस्माद्भूतानि लिंगानि महाभूतानि पञ्च वै। पृथिवी वायुराकाशमापो ज्योतिः प्रलीयते

asmādbhūtāni liṁgāni mahābhūtāni pañca vai| pṛthivī vāyurākāśamāpo jyotiḥ pralīyate

इससे भूत-लिंग, पाँच महाभूत — पृथ्वी, वायु, आकाश, जल और तेज — उत्पन्न होकर पुनः इसी में लीन हो जाते हैं।

श्लोक 16 (skanda.5.95.16)

स्थलमापस्तथाकाशं जन्म चापि चतुर्विधम्। अण्डजोद्भिज्जं च सस्वेदं जरायुजमथापि वा

sthalamāpastathākāśaṁ janma cāpi caturvidham| aṇḍajodbhijjaṁ ca sasvedaṁ jarāyujamathāpi vā

स्थल, जल तथा आकाश, और इसी प्रकार चार प्रकार के जन्म — अंडज, उद्भिज्ज, स्वेदज तथा जरायुज।

श्लोक 17 (skanda.5.95.17)

चतुर्द्धा जन्मचिह्नं यल्लिंगेस्मिन्नेव लक्ष्यते। तपः कर्म च पुण्यं च व्रतं दानं तथैव च

caturddhā janmacihnaṁ yalliṁgesminneva lakṣyate| tapaḥ karma ca puṇyaṁ ca vrataṁ dānaṁ tathaiva ca

जन्म के ये चार चिह्न इसी लिंग में दृष्टिगोचर होते हैं; तप, कर्म, पुण्य, व्रत और दान भी इसी प्रकार।

श्लोक 18 (skanda.5.95.18)

रजःसत्त्वं तमोभावस्तस्माल्लिंगाच्च जायते। तस्मिंस्तच्छ्रूयते सत्यं ज्योतिर्ब्रह्म सनातनम्

rajaḥsattvaṁ tamobhāvastasmālliṁgācca jāyate| tasmiṁstacchrūyate satyaṁ jyotirbrahma sanātanam

रजस्, सत्त्व और तमोभाव भी उसी लिंग से उत्पन्न होते हैं; उसी में वह सनातन सत्य ज्योतिर्ब्रह्म सुनाई देता है।

श्लोक 19 (skanda.5.95.19)

अव्यक्तकारणं सूक्ष्मं यत्तत्सदसदात्मकम्। यस्मात्पितामहो जज्ञे प्रभुरेकः प्रजापतिः

avyaktakāraṇaṁ sūkṣmaṁ yattatsadasadātmakam| yasmātpitāmaho jajñe prabhurekaḥ prajāpatiḥ

वह सूक्ष्म अव्यक्त कारण, जो सत्-असत् स्वरूप है, जिससे एकमात्र प्रभु प्रजापति ब्रह्मा उत्पन्न हुए।

श्लोक 20 (skanda.5.95.20)

विश्वेदेवास्तथादित्या वसवोऽथाश्विनावपि। यक्षाः साध्याः पिशाचाश्च गुह्यकाः पितर स्तथा

viśvedevāstathādityā vasavo'thāśvināvapi| yakṣāḥ sādhyāḥ piśācāśca guhyakāḥ pitara stathā

विश्वेदेव, इसी प्रकार आदित्यगण, वसुगण तथा दोनों अश्विनीकुमार; यक्ष, साध्य, पिशाच, गुह्यक तथा पितरगण भी।

श्लोक 21 (skanda.5.95.21)

आपो द्यौः पृथिवी वायुरंतरिक्षं दिशस्तथा। संवत्सरर्तवो मासाः पक्षाहोरात्रयस्तथा

āpo dyauḥ pṛthivī vāyuraṁtarikṣaṁ diśastathā| saṁvatsarartavo māsāḥ pakṣāhorātrayastathā

जल, आकाश, पृथ्वी, वायु, अंतरिक्ष तथा दिशाएँ; संवत्सर, ऋतुएँ, मास, पक्ष तथा अहोरात्र भी।

श्लोक 22 (skanda.5.95.22)

यच्चान्यदपि तत्सर्वं संभूतं लोक साक्षिकम्। यदिदं दृश्यते किंचित्तस्यांते च प्रलीयते

yaccānyadapi tatsarvaṁ saṁbhūtaṁ loka sākṣikam| yadidaṁ dṛśyate kiṁcittasyāṁte ca pralīyate

और जो कुछ भी और है, वह सब भी, लोक-साक्षी होकर उत्पन्न हुआ है; जो कुछ भी यहाँ दिखाई देता है, वह अंत में उसी में लीन हो जाता है।

श्लोक 23 (skanda.5.95.23)

अतो महालयोनाम विख्यातो भुवनत्रये। मुक्तीश्वरस्य देवस्य दक्षिणे संव्यव स्थितः

ato mahālayonāma vikhyāto bhuvanatraye| muktīśvarasya devasya dakṣiṇe saṁvyava sthitaḥ

इसीलिए यह तीनों लोकों में महालय नाम से विख्यात है; यह मुक्तीश्वर देव के दक्षिण भाग में स्थित है।

श्लोक 24 (skanda.5.95.24)

यः पूजयति तल्लिंगं रुद्रमूर्त्या महालयम्। त्रैलोक्यविजयी नित्यं कीर्त्तिमान्स नरो भवेत्

yaḥ pūjayati talliṁgaṁ rudramūrtyā mahālayam| trailokyavijayī nityaṁ kīrttimānsa naro bhavet

जो रुद्र-मूर्ति में उस महालय लिंग की पूजा करता है, वह मनुष्य सदा त्रैलोक्य-विजयी और कीर्तिमान होता है।

श्लोक 25 (skanda.5.95.25)

महालयेश्वरे पुण्ये पूजिते परमेश्वरे। भक्त्या परमया चैव सर्वे देवाः सुपूजिताः। भवंतीह महाभागे यतस्तैरपि पूज्यते

mahālayeśvare puṇye pūjite parameśvare| bhaktyā paramayā caiva sarve devāḥ supūjitāḥ| bhavaṁtīha mahābhāge yatastairapi pūjyate

हे महाभागे! जब पुण्यमय महालयेश्वर परमेश्वर की परम भक्ति से पूजा की जाती है, तो समस्त देवगण भी यहाँ सम्यक् पूजित हो जाते हैं, क्योंकि उनके द्वारा भी वे ही पूजे जाते हैं।