अनरकेश्वर की महिमा

श्लोक 1 (skanda.5.98.1)

श्रीमहादेव उवाच। सप्तविंशतिमं देव्यनरकेश्वरसंज्ञकम्। यस्य दर्शनमात्रेण स्वप्नेपि नरकः कुतः

śrīmahādeva uvāca| saptaviṁśatimaṁ devyanarakeśvarasaṁjñakam| yasya darśanamātreṇa svapnepi narakaḥ kutaḥ

श्रीमहादेव ने कहा — हे देवी! सत्ताईसवें देव अनरकेश्वर नाम से जाने जाते हैं, जिनके दर्शनमात्र से स्वप्न में भी नरक कहाँ रह सकता है!

श्लोक 2 (skanda.5.98.2)

पुरा कलियुगे देवि कल्पे वाराहसंज्ञके। कलुषं कालमासाद्य सत्ये च प्रलयं गते

purā kaliyuge devi kalpe vārāhasaṁjñake| kaluṣaṁ kālamāsādya satye ca pralayaṁ gate

पूर्वकाल में, हे देवी! वाराह कल्प के कलियुग में, कलुषित काल आने पर तथा सत्ययुग के प्रलयगत होने पर...

श्लोक 3 (skanda.5.98.3)

निर्मर्यादा निराधारा निरौका नास्तिका जनाः। वर्णाश्रमाश्च संजाता वंचयंति परस्परम्

nirmaryādā nirādhārā niraukā nāstikā janāḥ| varṇāśramāśca saṁjātā vaṁcayaṁti parasparam

...लोग मर्यादाहीन, निराधार, आश्रयहीन तथा नास्तिक हो गए; वर्णाश्रम में स्थित लोग भी परस्पर एक-दूसरे को छलने लगे।

श्लोक 4 (skanda.5.98.4)

नार्चयंति सुरान्विप्राः कर्म कुर्वंति कुत्सितम्। लोभमोहपरा भूत्वा कामासक्ताश्च मानवाः

nārcayaṁti surānviprāḥ karma kurvaṁti kutsitam| lobhamohaparā bhūtvā kāmāsaktāśca mānavāḥ

ब्राह्मण देवताओं की पूजा नहीं करते थे, निंदित कर्म करते थे; लोभ-मोह में लीन होकर मनुष्य कामासक्त हो गए।

श्लोक 5 (skanda.5.98.5)

वैरबद्धाश्च संजाताः परस्परवधे रताः। निवृत्तयज्ञस्वाध्यायपिंडोदकविवर्जिताः

vairabaddhāśca saṁjātāḥ parasparavadhe ratāḥ| nivṛttayajñasvādhyāyapiṁḍodakavivarjitāḥ

वे परस्पर वैरबद्ध होकर एक-दूसरे के वध में रत रहने लगे, यज्ञ-स्वाध्याय तथा पिंडोदक (श्राद्ध-तर्पण) से विमुख हो गए।

श्लोक 6 (skanda.5.98.6)

ब्राह्मणाः सर्वभक्ष्याश्च मृषावादपरायणाः। भूयिष्ठं कूटमानैश्च पण्यं विक्रीणते तदा

brāhmaṇāḥ sarvabhakṣyāśca mṛṣāvādaparāyaṇāḥ| bhūyiṣṭhaṁ kūṭamānaiśca paṇyaṁ vikrīṇate tadā

ब्राह्मण सर्वभक्षी तथा मिथ्यावादी हो गए; अधिकांशतः कूट-तौल से वस्तुएँ बेचने लगे।

श्लोक 7 (skanda.5.98.7)

दृश्यंते षोडशे वर्षे नराः पलितिनः प्रिये। आयुःक्षयो मनुष्याणां क्षिप्रमेव प्रपद्यते

dṛśyaṁte ṣoḍaśe varṣe narāḥ palitinaḥ priye| āyuḥkṣayo manuṣyāṇāṁ kṣiprameva prapadyate

हे प्रिये! सोलह वर्ष की आयु में ही मनुष्य पलित (श्वेतकेश) दिखाई देने लगे; मनुष्यों की आयु शीघ्र ही क्षीण होने लगी।

श्लोक 8 (skanda.5.98.8)

एवंविधाः समुद्भूता नरा नार्यश्च पातकैः। नरकेषु प्रपद्यंते क्रमात्पापानुसारतः

evaṁvidhāḥ samudbhūtā narā nāryaśca pātakaiḥ| narakeṣu prapadyaṁte kramātpāpānusārataḥ

इस प्रकार पापों से उत्पन्न ऐसे नर-नारी अपने-अपने पाप के अनुसार क्रमशः विभिन्न नरकों में गिरते हैं।

श्लोक 9 (skanda.5.98.9)

कुठारैर्भिन्नमूर्द्धानः क्रकचैः पाटिताः परे। अग्निवर्णैश्च संदंशैरुत्पाटितविलोचनाः

kuṭhārairbhinnamūrddhānaḥ krakacaiḥ pāṭitāḥ pare| agnivarṇaiśca saṁdaṁśairutpāṭitavilocanāḥ

कोई कुल्हाड़ियों से सिर विदीर्ण किए जाते हैं, कोई आरों से चीरे जाते हैं; अग्निवर्ण संडासियों से किन्हीं की आँखें उखाड़ी जाती हैं।

श्लोक 10 (skanda.5.98.10)

भिन्नाश्चायोमयैस्तीक्ष्णैरग्नितप्तैश्च कीलकैः। पीड्यंते शैलशिखरैश्चूर्ण्यंते क्रूरभूधरैः

bhinnāścāyomayaistīkṣṇairagnitaptaiśca kīlakaiḥ| pīḍyaṁte śailaśikharaiścūrṇyaṁte krūrabhūdharaiḥ

तीक्ष्ण अग्नितप्त लौह कीलों से भेदे जाते हैं, पर्वत-शिखरों से पीड़ित होते हैं, क्रूर शिलाओं से चूर्ण किए जाते हैं।

श्लोक 11 (skanda.5.98.11)

क्षिप्यंते तप्तकुण्डेषु दह्यंते वह्निराशिषु। अमेध्येऽधोमुखाश्चान्ये मर्द्दिता दंडपाणिना

kṣipyaṁte taptakuṇḍeṣu dahyaṁte vahnirāśiṣu| amedhye'dhomukhāścānye mardditā daṁḍapāṇinā

तप्त कुंडों में फेंके जाते हैं, अग्निराशियों में जलाए जाते हैं; अन्य लोग अधोमुख होकर अमेध्य (मल) में यमदंडधारियों द्वारा मर्दित किए जाते हैं।

श्लोक 12 (skanda.5.98.12)

लौहैश्च शृङ्खलैर्बद्धा ह्यधोवक्त्रैश्च लंबितैः। अंतरिक्षे परिक्षेपात्क्रंदंतोऽतीव दुःखिताः

lauhaiśca śṛṅkhalairbaddhā hyadhovaktraiśca laṁbitaiḥ| aṁtarikṣe parikṣepātkraṁdaṁto'tīva duḥkhitāḥ

लौह श्रृंखलाओं से बंधे, अधोमुख लटकाए हुए, आकाश में घुमाए जाते हुए, वे अत्यंत दुःखी होकर क्रंदन करते हैं।

श्लोक 13 (skanda.5.98.13)

कृमिभिर्भ्रमरैस्तीक्ष्णैर्दंशैश्च मशकैस्तथा। लोहतुंडैश्च विहगैर्निर्दयैर्भक्षिता नराः

kṛmibhirbhramaraistīkṣṇairdaṁśaiśca maśakaistathā| lohatuṁḍaiśca vihagairnirdayairbhakṣitā narāḥ

कृमियों से, तीक्ष्ण भ्रमरों तथा मशकों के दंश से, और लौह-चोंच वाले निर्दय पक्षियों से मनुष्य भक्षित होते हैं।

श्लोक 14 (skanda.5.98.14)

केचित्कृत्ताः प्रधावंति तोयार्थं च तृषातुराः। स्वमूत्रं पायिताश्चंडैः क्षुभिताश्चापि घातनैः

kecitkṛttāḥ pradhāvaṁti toyārthaṁ ca tṛṣāturāḥ| svamūtraṁ pāyitāścaṁḍaiḥ kṣubhitāścāpi ghātanaiḥ

कुछ, कटे हुए, प्यास से व्याकुल होकर जल की खोज में दौड़ते हैं; क्रूर यमदूत उन्हें उनका ही मूत्र पिलाते तथा प्रहारों से क्षुब्ध करते हैं।

श्लोक 15 (skanda.5.98.15)

यैश्चांगैः पतितं कर्म क्रियते पुरुषैर्भुवि। तेषां तान्येव चांगानि शोध्यंते यातनागतैः

yaiścāṁgaiḥ patitaṁ karma kriyate puruṣairbhuvi| teṣāṁ tānyeva cāṁgāni śodhyaṁte yātanāgataiḥ

पृथ्वी पर पुरुष जिन अंगों से पतित कर्म करते हैं, उन्हीं अंगों को यातनाग्रस्त होकर वहाँ शुद्ध किया जाता है।

श्लोक 16 (skanda.5.98.16)

ये पश्यंति गुरुं देवान्ब्राह्मणान्क्रुद्धचक्षुषा। दुष्टेन परदारांश्च वीक्षंते लोचनेन ये। तेषां नेत्राणि भिद्यंते कृष्यंते लोहशंकुभिः

ye paśyaṁti guruṁ devānbrāhmaṇānkruddhacakṣuṣā| duṣṭena paradārāṁśca vīkṣaṁte locanena ye| teṣāṁ netrāṇi bhidyaṁte kṛṣyaṁte lohaśaṁkubhiḥ

जो लोग गुरु, देवता तथा ब्राह्मणों को क्रुद्ध दृष्टि से देखते हैं, तथा जो दुष्ट दृष्टि से पराई स्त्रियों को देखते हैं — उनके नेत्र भेदे जाते हैं और लौह-शंकुओं से खींचे जाते हैं।

श्लोक 17 (skanda.5.98.17)

श्रवणौ च प्रपूर्यंते लौहेन शंकुना ततः। पुनश्च शस्त्रैः कृष्यंते पुनस्तप्तैश्च कीलकैः

śravaṇau ca prapūryaṁte lauhena śaṁkunā tataḥ| punaśca śastraiḥ kṛṣyaṁte punastaptaiśca kīlakaiḥ

फिर उनके कान लौह-शंकु से भर दिए जाते हैं; पुनः शस्त्रों से खींचे जाते हैं, फिर तप्त कीलों से भी।

श्लोक 18 (skanda.5.98.18)

लौहैर्वेगान्निखन्यंते यैः श्रुतं गुरुनिंदनम्। मित्राणां देवतानां च साध्वीनामथवा क्वचित्

lauhairvegānnikhanyaṁte yaiḥ śrutaṁ guruniṁdanam| mitrāṇāṁ devatānāṁ ca sādhvīnāmathavā kvacit

जिन्होंने कभी गुरु, मित्र, देवता अथवा साध्वी स्त्रियों की निंदा सुनी हो, उन्हें लौह-शंकुओं से वेगपूर्वक बींधा जाता है।

श्लोक 19 (skanda.5.98.19)

शतशः पाट्यते जिह्वा वह्निवर्णैरयोमुखैः। शंकुभि स्तीक्ष्णसूक्ष्माग्रैः पूर्यंते चानिलैः पुनः

śataśaḥ pāṭyate jihvā vahnivarṇairayomukhaiḥ| śaṁkubhi stīkṣṇasūkṣmāgraiḥ pūryaṁte cānilaiḥ punaḥ

उनकी जिह्वा अग्निवर्ण लौह-मुख वाले, तीक्ष्ण एवं सूक्ष्म अग्रभाग वाले सैकड़ों शंकुओं से बार-बार चीरी जाती है, तथा पुनः तीव्र वायु से भरी जाती है।

श्लोक 20 (skanda.5.98.20)

तद्वक्त्राणि बहून्वारान्येपवादरता नराः। ये गुरुं मातरं वापि पारुष्येण वदंति वै

tadvaktrāṇi bahūnvārānyepavādaratā narāḥ| ye guruṁ mātaraṁ vāpi pāruṣyeṇa vadaṁti vai

निंदा में रत रहने वाले तथा गुरु या माता से कठोर वचन बोलने वाले मनुष्यों के मुख को यह यातना बार-बार भोगनी पड़ती है।

श्लोक 21 (skanda.5.98.21)

ये निघ्नंति दुराचाराः सुरार्थायोपकल्पिते। आरामे पुष्पपत्राणि तेषामंगानि कृंतति

ye nighnaṁti durācārāḥ surārthāyopakalpite| ārāme puṣpapatrāṇi teṣāmaṁgāni kṛṁtati

जो दुराचारी देवार्थ बनाए गए उद्यान के पुष्प-पत्रों को तोड़ते हैं, वहाँ उनके अंग काटे जाते हैं।

श्लोक 22 (skanda.5.98.22)

यैरप्यालिंगिता नारी परस्य च दुरात्मभिः। तेषामयोमयी नारी वह्निवर्णा तु वक्षसि

yairapyāliṁgitā nārī parasya ca durātmabhiḥ| teṣāmayomayī nārī vahnivarṇā tu vakṣasi

जिन दुरात्माओं ने पराई स्त्री का आलिंगन किया हो, उनके वक्षस्थल पर अग्निवर्ण लौहमयी स्त्री की मूर्ति...

श्लोक 23 (skanda.5.98.23)

स्थाप्यते वध्यते चापि प्रचंडैर्यमकिंकरैः। नार्यश्च पुरुषैस्तप्तैरालिंग्यंते ह्ययोमयैः

sthāpyate vadhyate cāpi pracaṁḍairyamakiṁkaraiḥ| nāryaśca puruṣaistaptairāliṁgyaṁte hyayomayaiḥ

...स्थापित की जाती है और प्रचंड यमकिंकरों द्वारा उन्हें मारा जाता है; तथा स्त्रियों को भी तप्त लौहमय पुरुषों का आलिंगन कराया जाता है।

श्लोक 24 (skanda.5.98.24)

तदा लोहमये गेहे ज्वलितानलसंस्तरे। निक्षिप्यंते नरैः सार्द्धमासाद्य कालसंक्षयम्

tadā lohamaye gehe jvalitānalasaṁstare| nikṣipyaṁte naraiḥ sārddhamāsādya kālasaṁkṣayam

तब कालक्षय होने पर उन्हें उन्हीं पुरुषों सहित, जलती अग्नि से बिछे लौहमय गृह में डाल दिया जाता है।

श्लोक 25 (skanda.5.98.25)

यावती वेदना देहे इह लोके प्रदृश्यते। नराणामंगपीडा वै तस्माच्छतगुणा भवेत्

yāvatī vedanā dehe iha loke pradṛśyate| narāṇāmaṁgapīḍā vai tasmācchataguṇā bhavet

इस लोक में देह में जितनी वेदना दिखाई देती है, वहाँ मनुष्यों के अंगों की पीड़ा उससे सौ गुनी होती है।

श्लोक 26 (skanda.5.98.26)

काकैश्च वृश्चिकैर्गृध्रैर्भक्ष्यंतेऽप्यपरे नराः। दह्यमाना विलपंति भ्रातस्तातेति चाकुलाः। वदंत्यसकृदुद्विग्ना न च शांतिं लभंति वै

kākaiśca vṛścikairgṛdhrairbhakṣyaṁte'pyapare narāḥ| dahyamānā vilapaṁti bhrātastāteti cākulāḥ| vadaṁtyasakṛdudvignā na ca śāṁtiṁ labhaṁti vai

कौओं, बिच्छुओं तथा गिद्धों द्वारा अन्य मनुष्य भक्षित होते हैं; जलते हुए वे 'हे भाई! हे तात!' कहकर विलाप करते हैं, बार-बार व्याकुल होकर पुकारते हैं, किंतु उन्हें शांति नहीं मिलती।

श्लोक 27 (skanda.5.98.27)

दुःखानि ते प्राप्नुवंति यान्यसह्यानि पार्वति। एवं ते यातनादुःखं प्राप्नुवंति सुनिश्चितम्। निमिर्नाम महाभागो यममार्गं ददर्श ह

duḥkhāni te prāpnuvaṁti yānyasahyāni pārvati| evaṁ te yātanāduḥkhaṁ prāpnuvaṁti suniścitam| nimirnāma mahābhāgo yamamārgaṁ dadarśa ha

हे पार्वती! वे असह्य दुःखों को प्राप्त होते हैं; इस प्रकार वे निश्चित रूप से यातना का दुःख भोगते हैं। महाभाग्यशाली निमि नामक राजा ने यमपथ को देखा।

श्लोक 28 (skanda.5.98.28)

रौद्रं भयानकं दुर्गं पूरितं पापकर्मभिः। तमसा संवृतं चैव केशशैवालशाद्वलम्

raudraṁ bhayānakaṁ durgaṁ pūritaṁ pāpakarmabhiḥ| tamasā saṁvṛtaṁ caiva keśaśaivālaśādvalam

वह रौद्र, भयानक, दुर्गम, पापकर्मियों से भरा हुआ, अंधकार से आच्छादित तथा केश-शैवाल की घास से युक्त था।

श्लोक 29 (skanda.5.98.29)

संपृक्तं पापकृद्गंधैर्मांसशोणितकर्द्दमैः। वह्निज्वालेन दीप्तेन समंतात्परिवारितम्

saṁpṛktaṁ pāpakṛdgaṁdhairmāṁsaśoṇitakarddamaiḥ| vahnijvālena dīptena samaṁtātparivāritam

पापियों की दुर्गंध से व्याप्त, मांस-रुधिर के कीचड़ से भरा, तथा चारों ओर से प्रज्वलित अग्निज्वालाओं से घिरा हुआ था।

श्लोक 30 (skanda.5.98.30)

अधोमुखैश्च कर्कोटैर्गृध्रैश्च समभिद्रुतम्। सूचीमुखैस्तथा प्रेतैविंध्यशैलोपमैर्वृतम्

adhomukhaiśca karkoṭairgṛdhraiśca samabhidrutam| sūcīmukhaistathā pretaiviṁdhyaśailopamairvṛtam

अधोमुख काकों तथा गिद्धों से व्याप्त, सूचीमुख प्रेतों से, विंध्य पर्वत के समान विशाल, चारों ओर से घिरा था।

श्लोक 31 (skanda.5.98.31)

वृक्षै रुधिरमांसैश्च छिन्नबाहूरुपाणिभिः। निकृत्तोदरहस्तैश्च तत्रतत्र प्रचारितैः

vṛkṣai rudhiramāṁsaiśca chinnabāhūrupāṇibhiḥ| nikṛttodarahastaiśca tatratatra pracāritaiḥ

कटी हुई भुजाओं, जंघाओं तथा हाथों वाले, रुधिर-मांस टपकाते वृक्षों से, तथा इधर-उधर विचरण करते कटे उदर-हस्त वालों से युक्त था।

श्लोक 32 (skanda.5.98.32)

वृतं कुणपदुर्गंधैरशिवं भोगवर्जितम्। असिपत्र वनं चैव समंतात्परिवारितम्

vṛtaṁ kuṇapadurgaṁdhairaśivaṁ bhogavarjitam| asipatra vanaṁ caiva samaṁtātparivāritam

शवों की दुर्गंध से घिरा, अशुभ, समस्त भोगों से रहित, तथा चारों ओर असिपत्रवन से घिरा हुआ था।

श्लोक 33 (skanda.5.98.33)

करंभवालुकाकीर्णमायसीश्च शिलाः पृथक्। ददर्श चापि देहोत्थयातनां पापकर्मणाम्

karaṁbhavālukākīrṇamāyasīśca śilāḥ pṛthak| dadarśa cāpi dehotthayātanāṁ pāpakarmaṇām

करंभ (मिश्रित) बालू से व्याप्त तथा भिन्न-भिन्न लौह-शिलाओं से युक्त उस स्थान में उसने पापकर्मियों की देहजनित यातना भी देखी।

श्लोक 34 (skanda.5.98.34)

स तं दुर्गंधमालक्ष्य पुरुषं तमुवाच ह। कियदध्वानमस्माभिर्गंतव्यमिदमब्रवीत्

sa taṁ durgaṁdhamālakṣya puruṣaṁ tamuvāca ha| kiyadadhvānamasmābhirgaṁtavyamidamabravīt

उस दुर्गंधयुक्त स्थान को देखकर उसने उस पुरुष (यमदूत) से कहा — 'अभी हमें कितनी दूर और जाना है?'

श्लोक 35 (skanda.5.98.35)

देशोऽयं कश्च देवानामेतदिच्छामि वेदितुम्। इत्युक्तो यमदूतस्तु दण्डहस्तोऽग्निसप्रभः। पुरतो दर्शयन्मार्गमित एहीत्युवाच ह

deśo'yaṁ kaśca devānāmetadicchāmi veditum| ityukto yamadūtastu daṇḍahasto'gnisaprabhaḥ| purato darśayanmārgamita ehītyuvāca ha

'यह कौन-सा प्रदेश है, किस देवता का है — यह मैं जानना चाहता हूँ।' ऐसा पूछे जाने पर, दंडधारी, अग्नि-सम तेजस्वी यमदूत ने मार्ग दिखाते हुए आगे कहा — 'इधर आइए।'

श्लोक 36 (skanda.5.98.36)

भूयः स राजा तं प्राह किंकरं विनयान्वितः। भो याम्यपुरुषाचक्ष्व किं मया दुष्कृतं कृतम्

bhūyaḥ sa rājā taṁ prāha kiṁkaraṁ vinayānvitaḥ| bho yāmyapuruṣācakṣva kiṁ mayā duṣkṛtaṁ kṛtam

राजा ने विनयपूर्वक पुनः उस किंकर से कहा — 'हे याम्य पुरुष! बताओ, मैंने ऐसा क्या दुष्कर्म किया है...'

श्लोक 37 (skanda.5.98.37)

येनेदं व्यसनं प्राप्तं मया च धार्मिकेण हि। निमिर्नामाहं विख्यातो जनकानामहं कुले

yenedaṁ vyasanaṁ prāptaṁ mayā ca dhārmikeṇa hi| nimirnāmāhaṁ vikhyāto janakānāmahaṁ kule

'...जिससे धर्मात्मा होते हुए भी मुझे यह विपत्ति प्राप्त हुई? मैं जनक-कुल में निमि नाम से विख्यात हूँ।'

श्लोक 38 (skanda.5.98.38)

जातो विदेहविषये सम्यग्मनुजपालकः। चातुर्वर्ण्यं च धर्मस्थं कृत्वा संरक्षितं मया

jāto videhaviṣaye samyagmanujapālakaḥ| cāturvarṇyaṁ ca dharmasthaṁ kṛtvā saṁrakṣitaṁ mayā

'विदेह देश में जन्मा, मैंने प्रजा का सम्यक् पालन किया; चारों वर्णों को धर्मस्थ रखकर मैंने उनकी रक्षा की।'

श्लोक 39 (skanda.5.98.39)

धर्मप्रधानकल्पेन मनुनात्र यथा पुरा। यज्ञैर्मयेष्टं बहुभिर्धर्मतः पालिता मही

dharmapradhānakalpena manunātra yathā purā| yajñairmayeṣṭaṁ bahubhirdharmataḥ pālitā mahī

'पूर्वकाल में मनु के समान धर्मप्रधान विधि से मैंने अनेक यज्ञ किए तथा धर्मपूर्वक पृथ्वी का पालन किया।'

श्लोक 40 (skanda.5.98.40)

नोत्सृष्टश्चैव संग्रामो नातिथिर्विमुखोऽभवत्। कृता स्पृहा च न मया परस्त्रीविभवादिषु

notsṛṣṭaścaiva saṁgrāmo nātithirvimukho'bhavat| kṛtā spṛhā ca na mayā parastrīvibhavādiṣu

'मैंने कभी युद्ध का परित्याग नहीं किया, न कोई अतिथि मुझसे विमुख लौटा; न मैंने कभी पराई स्त्री या पराए धन की इच्छा की।'

श्लोक 41 (skanda.5.98.41)

सोऽहं कथमिमं प्राप्तो नरकं भृशदारुणम्। इति पृष्टस्तदा तेन निमिना यमकिंकरः। उवाच प्रणतो भूत्वा क्रूरोऽपि प्रश्रितं वचः

so'haṁ kathamimaṁ prāpto narakaṁ bhṛśadāruṇam| iti pṛṣṭastadā tena niminā yamakiṁkaraḥ| uvāca praṇato bhūtvā krūro'pi praśritaṁ vacaḥ

'फिर मैं ऐसा होते हुए भी इस अत्यंत भीषण नरक को क्यों प्राप्त हुआ?' निमि द्वारा ऐसा पूछे जाने पर, क्रूर होते हुए भी वह यमकिंकर विनम्र होकर बोला।

श्लोक 42 (skanda.5.98.42)

पुरुष उवाच। महाराज यथात्थ त्वं तथैतन्नात्र संशयः। किन्तु स्वल्पं कृतं पापं भवंतं स्मारयामि तत्

puruṣa uvāca| mahārāja yathāttha tvaṁ tathaitannātra saṁśayaḥ| kintu svalpaṁ kṛtaṁ pāpaṁ bhavaṁtaṁ smārayāmi tat

उस पुरुष ने कहा — 'हे महाराज! जो आप कहते हैं, वह सत्य है, इसमें कोई संशय नहीं। किंतु आपसे एक छोटा-सा पाप हुआ था, वह मैं आपको स्मरण कराता हूँ।'

श्लोक 43 (skanda.5.98.43)

उक्ता या दक्षिणा श्राद्धे न दत्ता सा त्वया नृप। प्रमादाद्विस्मृता चैव तस्येदं कर्मणः फलम्

uktā yā dakṣiṇā śrāddhe na dattā sā tvayā nṛpa| pramādādvismṛtā caiva tasyedaṁ karmaṇaḥ phalam

'श्राद्ध में कही गई दक्षिणा जो आपने नहीं दी, हे नृप — प्रमादवश भूल गए थे — उसी कर्म का यह फल है।'

श्लोक 44 (skanda.5.98.44)

एतावदेव ते पापं नान्य त्किंचन विद्यते। वैदेहागच्छ पुण्यानामुपभोगाय पार्थिव

etāvadeva te pāpaṁ nānya tkiṁcana vidyate| vaidehāgaccha puṇyānāmupabhogāya pārthiva

'बस इतना ही आपका पाप है, अन्य कुछ भी नहीं। हे विदेह के राजा! अब अपने पुण्यों का उपभोग करने चलिए।'

श्लोक 45 (skanda.5.98.45)

एवं श्रुत्वा तु राजर्षिर्निमिर्दूतमथाब्रवीत्। यास्यामि देवानुचर यत्र मां त्वं हि नेष्यसि

evaṁ śrutvā tu rājarṣirnimirdūtamathābravīt| yāsyāmi devānucara yatra māṁ tvaṁ hi neṣyasi

यह सुनकर राजर्षि निमि ने दूत से कहा — 'हे देवानुचर! जहाँ तुम मुझे ले चलोगे, मैं वहीं चलूँगा।'

श्लोक 46 (skanda.5.98.46)

किंचित्पृच्छामि ते तत्त्वं यथावद्वक्तुमर्हसि। वज्रतुंडास्त्वमी काकाः पुंसां नयनहारिणः

kiṁcitpṛcchāmi te tattvaṁ yathāvadvaktumarhasi| vajratuṁḍāstvamī kākāḥ puṁsāṁ nayanahāriṇaḥ

'पर मैं तुमसे कुछ तत्त्व पूछता हूँ, यथावत् बताना — ये वज्रतुंड काक जो मनुष्यों के नेत्र हर लेते हैं...'

श्लोक 47 (skanda.5.98.47)

पुनः पुनश्च नेत्राणि तद्वत्तेषां भवंति हि। किं कृतं कर्म दूतेंद्र कथयैतज्जुगुप्सितम्

punaḥ punaśca netrāṇi tadvatteṣāṁ bhavaṁti hi| kiṁ kṛtaṁ karma dūteṁdra kathayaitajjugupsitam

'...और उनके नेत्र बार-बार वैसे ही उत्पन्न हो जाते हैं — यह किस कर्म के फलस्वरूप है, हे दूतेंद्र! यह घृणित वृत्तांत मुझे बताओ।'

श्लोक 48 (skanda.5.98.48)

हरंत्येषां तथा जिह्वां जायमानां पुनर्नवाम्। करपत्रेण पाट्यंते कस्मादेते सुदुःखिताः

haraṁtyeṣāṁ tathā jihvāṁ jāyamānāṁ punarnavām| karapatreṇa pāṭyaṁte kasmādete suduḥkhitāḥ

'उनकी जिह्वा भी हर ली जाती है, जो पुनः-पुनः नई उत्पन्न होती है, और करपत्र से चीरी जाती है — ये इतने दुःखी क्यों हैं?'

श्लोक 49 (skanda.5.98.49)

किमेते नष्टचित्ताश्च तुद्यंतेऽहर्निशं नराः। एताश्चान्याश्च दृश्यंते यातनाः पापकर्मिणाम्। कियत्कालं भविष्यंति तन्ममोद्दे शतो वद

kimete naṣṭacittāśca tudyaṁte'harniśaṁ narāḥ| etāścānyāśca dṛśyaṁte yātanāḥ pāpakarmiṇām| kiyatkālaṁ bhaviṣyaṁti tanmamodde śato vada

'क्यों ये विक्षिप्तचित्त मनुष्य रात-दिन पीड़ित होते हैं? पापकर्मियों की ये तथा अन्य यातनाएँ दिखाई देती हैं — ये कब तक रहेंगी, यह भी संक्षेप में मुझे बताओ।'

श्लोक 50 (skanda.5.98.50)

पुरुष उवाच। यन्मां पृच्छसि भूपाल पापकर्मफलोदयम्। तत्तेहं संप्रवक्ष्यामि संक्षेपेण यथातथम्

puruṣa uvāca| yanmāṁ pṛcchasi bhūpāla pāpakarmaphalodayam| tattehaṁ saṁpravakṣyāmi saṁkṣepeṇa yathātatham

पुरुष ने कहा — 'हे भूपाल! आप मुझसे पापकर्म के फल की उत्पत्ति के विषय में पूछते हैं; वह मैं आपको संक्षेप में यथावत् कहता हूँ।'

श्लोक 51 (skanda.5.98.51)

पुण्या पुण्ये हि पुरुषः पर्यायेण समश्नुते। भुंजतश्च क्षयं याति पुण्यं पापमथापि वा

puṇyā puṇye hi puruṣaḥ paryāyeṇa samaśnute| bhuṁjataśca kṣayaṁ yāti puṇyaṁ pāpamathāpi vā

'मनुष्य पुण्य और पाप को क्रमशः बारी-बारी भोगता है; भोगते-भोगते पुण्य हो अथवा पाप, वह क्षीण होता जाता है।'

श्लोक 52 (skanda.5.98.52)

न तु भोगादृते पुण्यं पापं कर्म च मानवः। परित्यजति राजेन्द्र सत्यमेतदुदाहृतम्

na tu bhogādṛte puṇyaṁ pāpaṁ karma ca mānavaḥ| parityajati rājendra satyametadudāhṛtam

'किंतु भोग के बिना, हे राजेंद्र! मनुष्य न तो पुण्य और न पाप कर्म को त्याग सकता है — यह सत्य कहा गया है।'

श्लोक 53 (skanda.5.98.53)

एवमेते महापापा यातनाभिरहर्निशम्। क्षपयंति महाघोरं नरकांतरवर्त्तिनः

evamete mahāpāpā yātanābhiraharniśam| kṣapayaṁti mahāghoraṁ narakāṁtaravarttinaḥ

इस प्रकार ये महापापी, नरक के भीतर रहते हुए, रात-दिन यातनाओं से अपने महाघोर पापों को क्षीण करते हैं।

श्लोक 54 (skanda.5.98.54)

देवत्वेऽथ मनुष्यत्वे तिर्यक्त्वेऽथ शुभाशुभम्। पुण्यपापोद्भवं भुंक्ते सुखदुःखं न संशयः

devatve'tha manuṣyatve tiryaktve'tha śubhāśubham| puṇyapāpodbhavaṁ bhuṁkte sukhaduḥkhaṁ na saṁśayaḥ

देवत्व में, मनुष्यत्व में अथवा तिर्यक् योनि में, शुभ अथवा अशुभ, पुण्य-पाप से उत्पन्न सुख-दुःख को निःसंशय भोगना ही पड़ता है।

श्लोक 55 (skanda.5.98.55)

एतदुद्देशतो राजन्भवता कथितं मया। स्वकर्मफलमोक्षाणां पुण्यानां पापिनां तथा

etaduddeśato rājanbhavatā kathitaṁ mayā| svakarmaphalamokṣāṇāṁ puṇyānāṁ pāpināṁ tathā

हे राजन्! यह मैंने आपको संक्षेप में बताया — पुण्यवानों तथा पापियों के अपने-अपने कर्मफल से मुक्ति का विषय।

श्लोक 56 (skanda.5.98.56)

तदेह्यन्यत्र गच्छावि यथा दृष्टं त्वयाधुना। ततस्तमग्रतः कृत्वा स राजा गंतुमुद्यतः

tadehyanyatra gacchāvi yathā dṛṣṭaṁ tvayādhunā| tatastamagrataḥ kṛtvā sa rājā gaṁtumudyataḥ

'अब आइए, अन्यत्र चलें, जैसा आपने अभी देखा।' तब उस दूत को आगे करके राजा चलने को उद्यत हुए।

श्लोक 57 (skanda.5.98.57)

तदा हि सर्वैरुद्घुष्टं यातना स्थायिभिर्नृभिः। प्रसादं कुरु भूपेति तिष्ठ तावन्मुहूर्त्तकम्। त्वदंगसंगी पवनो देहान्ह्लादयते हि नः

tadā hi sarvairudghuṣṭaṁ yātanā sthāyibhirnṛbhiḥ| prasādaṁ kuru bhūpeti tiṣṭha tāvanmuhūrttakam| tvadaṁgasaṁgī pavano dehānhlādayate hi naḥ

उस समय वहाँ ठहरे हुए यातनाभोगी सभी मनुष्यों ने पुकार कर कहा — 'हे राजन्! कृपा कीजिए, कुछ क्षण और ठहरिए; आपके अंगों को छूकर आने वाली वायु हमारी देह को शीतल कर रही है।'

श्लोक 58 (skanda.5.98.58)

परितापं च गात्रेभ्यः पीडा बाधाश्च कृत्स्नशः। अपहंति नरव्याघ्र कृपां कुरु महीपते

paritāpaṁ ca gātrebhyaḥ pīḍā bādhāśca kṛtsnaśaḥ| apahaṁti naravyāghra kṛpāṁ kuru mahīpate

'यह हमारे अंगों की जलन, पीड़ा तथा समस्त बाधाओं को दूर कर रही है, हे नरव्याघ्र! कृपा कीजिए, हे महीपते!'

श्लोक 59 (skanda.5.98.59)

एतच्छ्रुत्वा वचस्तेषां तं याम्यपुरुषं नृपः। पप्रच्छ कथमेतेषामाह्लादो मयि तिष्ठति

etacchrutvā vacasteṣāṁ taṁ yāmyapuruṣaṁ nṛpaḥ| papraccha kathameteṣāmāhlādo mayi tiṣṭhati

उनके ये वचन सुनकर राजा ने उस याम्य पुरुष से पूछा — 'इनका आह्लाद मुझमें कैसे स्थित है?'

श्लोक 60 (skanda.5.98.60)

किं मया कर्म तत्पुण्यं मर्त्यलोके महत्कृतम्। प्रह्लादजननी दृष्टिर्यस्येयं तदुदीर्यताम्

kiṁ mayā karma tatpuṇyaṁ martyaloke mahatkṛtam| prahlādajananī dṛṣṭiryasyeyaṁ tadudīryatām

'मैंने मृत्युलोक में ऐसा कौन-सा महान् पुण्य किया है, जिसकी दृष्टि (प्रभाव) आह्लादजनक है — यह मुझे बताओ।'

श्लोक 61 (skanda.5.98.61)

पुरुष उवाच। त्वया दृष्टो महाकाले विख्यातोऽनरकेश्वरः। आश्विनस्य चतुर्दश्यां तस्येदं फलमीदृशम्

puruṣa uvāca| tvayā dṛṣṭo mahākāle vikhyāto'narakeśvaraḥ| āśvinasya caturdaśyāṁ tasyedaṁ phalamīdṛśam

पुरुष ने कहा — 'आपने महाकाल में विख्यात अनरकेश्वर का आश्विन मास की चतुर्दशी को दर्शन किया था — यह उसी का फल है।'

श्लोक 62 (skanda.5.98.62)

ततस्तद्गात्रसंसर्गी पवनो ह्लाददायकः। पापकर्मकृतां राजन्यातना न प्रबाधते

tatastadgātrasaṁsargī pavano hlādadāyakaḥ| pāpakarmakṛtāṁ rājanyātanā na prabādhate

'इसीलिए आपके अंगों का स्पर्श पाई हुई वायु आह्लाददायिनी हो गई है; और हे राजन्! पापकर्मियों की यातना उस समय बाधित नहीं होती।'

श्लोक 63 (skanda.5.98.63)

।। राजोवाच ।।। यदि मत्संनिधाने सा यातना न प्रबाधते। ततो भद्रमुखात्राहं स्थास्ये स्थाणुरिवाचलः

|| rājovāca ||| yadi matsaṁnidhāne sā yātanā na prabādhate| tato bhadramukhātrāhaṁ sthāsye sthāṇurivācalaḥ

राजा ने कहा — 'यदि मेरे समीप रहने से इनकी यातना बाधित नहीं होती, तो हे भद्रमुख! मैं यहीं स्थाणु के समान अचल खड़ा रहूँगा।'

श्लोक 64 (skanda.5.98.64)

पुरुष उवाच। एहि राजेंद्र गच्छावो निजपुण्यसमार्जितान्। भुंक्ष्व भोगान्न यास्येतां यातनां पापकर्मणाम्

puruṣa uvāca| ehi rājeṁdra gacchāvo nijapuṇyasamārjitān| bhuṁkṣva bhogānna yāsyetāṁ yātanāṁ pāpakarmaṇām

पुरुष ने कहा — 'आइए, हे राजेंद्र! चलें, अपने पुण्य से अर्जित भोगों को भोगिए; आपको पापकर्मियों की इस यातना को नहीं भोगना है।'

श्लोक 65 (skanda.5.98.65)

।। राजोवाच ।।। न स्वर्गे ब्रह्मलोके वा तत्सुखं प्राप्यते नरैः। यदार्त्तजंतुं निर्वाणमानेतुमिति मे मतिः

|| rājovāca ||| na svarge brahmaloke vā tatsukhaṁ prāpyate naraiḥ| yadārttajaṁtuṁ nirvāṇamānetumiti me matiḥ

राजा ने कहा — 'पीड़ित प्राणी को शांति तक पहुँचाने में जो सुख है, वह स्वर्ग अथवा ब्रह्मलोक में भी मनुष्यों को प्राप्त नहीं होता — ऐसा मेरा मत है।'

श्लोक 66 (skanda.5.98.66)

तस्मान्न तावद्यास्यामि यावदेते सुदुःखिताः। मत्संनिधानात्सुखिनो भवंतु नरकौकसः

tasmānna tāvadyāsyāmi yāvadete suduḥkhitāḥ| matsaṁnidhānātsukhino bhavaṁtu narakaukasaḥ

'इसलिए जब तक ये अत्यंत दुःखी प्राणी हैं, तब तक मैं नहीं जाऊँगा; मेरी उपस्थिति से नरकवासी सुखी हो जाएँ।'

श्लोक 67 (skanda.5.98.67)

प्राप्स्यंते ते यदि सुखं बहवो दुःखिते मयि। किं तु प्राप्तं मया सर्वं तस्मात्त्वं व्रज मा चिरम्

prāpsyaṁte te yadi sukhaṁ bahavo duḥkhite mayi| kiṁ tu prāptaṁ mayā sarvaṁ tasmāttvaṁ vraja mā ciram

'यदि मेरे दुःखी रहते हुए भी ये अनेक सुख पा रहे हैं, तो मानो मुझे सब कुछ प्राप्त हो गया। अतः तुम शीघ्र जाओ।'

श्लोक 68 (skanda.5.98.68)

पुरुष उवाच। एष धर्मश्च शक्रश्च त्वां नेतुं समुपागतौ। अवश्यमस्माद्गंतव्यं तस्मात्पार्थिव गम्यताम्

puruṣa uvāca| eṣa dharmaśca śakraśca tvāṁ netuṁ samupāgatau| avaśyamasmādgaṁtavyaṁ tasmātpārthiva gamyatām

पुरुष ने कहा — 'ये धर्म और इंद्र स्वयं आपको लेने आए हैं; यहाँ से जाना अवश्यंभावी है, अतः हे राजन्! चलिए।'

श्लोक 69 (skanda.5.98.69)

एतस्मिन्नंतरे धर्मः शक्रेण सहितोब्रवीत्। निमे परमधर्मज्ञ प्रीता देवगणास्तव

etasminnaṁtare dharmaḥ śakreṇa sahitobravīt| nime paramadharmajña prītā devagaṇāstava

इसी बीच धर्म ने इंद्र सहित कहा — 'हे निमि! हे परमधर्मज्ञ! देवगण आपसे प्रसन्न हैं।'

श्लोक 70 (skanda.5.98.70)

एह्येहि पुरुषव्याघ्र कृतमेतावता प्रभो। सिद्धिः प्राप्ता त्वया राजँल्लोकाश्चाप्यक्षयान्विताः

ehyehi puruṣavyāghra kṛtametāvatā prabho| siddhiḥ prāptā tvayā rāja~llokāścāpyakṣayānvitāḥ

'आइए, आइए, हे पुरुषव्याघ्र! इतना ही पर्याप्त है, हे प्रभो! आपने सिद्धि प्राप्त कर ली है, हे राजन्! और साथ ही अक्षय लोक भी।'

श्लोक 71 (skanda.5.98.71)

न च मन्युस्त्वया कार्यः शृणु मे वचनं विभो। अवश्यं नरकस्तावद्द्रष्टव्यः सर्वराजभिः

na ca manyustvayā kāryaḥ śṛṇu me vacanaṁ vibho| avaśyaṁ narakastāvaddraṣṭavyaḥ sarvarājabhiḥ

'आपको दुःखी नहीं होना चाहिए; मेरा वचन सुनिए, हे विभो! सभी राजाओं को अवश्य ही नरक देखना पड़ता है।'

श्लोक 72 (skanda.5.98.72)

नयामि त्वामहं स्वर्गं त्वया सम्यगुपासितः। विमानवरमारुह्य विमलं चाद्य गम्यताम्

nayāmi tvāmahaṁ svargaṁ tvayā samyagupāsitaḥ| vimānavaramāruhya vimalaṁ cādya gamyatām

'आपकी सम्यक् उपासना से प्रसन्न होकर मैं आपको स्वर्ग ले चलता हूँ; इस श्रेष्ठ, निर्मल विमान पर आरूढ़ होकर आज ही चलिए।'

श्लोक 73 (skanda.5.98.73)

।। निमिरुवाच ।।। नरके मानवा धर्म पीड्यंतेऽत्र सहस्रशः। त्राहीति वार्त्तां क्रंदंतो मामतो न व्रजाम्यहम्

|| nimiruvāca ||| narake mānavā dharma pīḍyaṁte'tra sahasraśaḥ| trāhīti vārttāṁ kraṁdaṁto māmato na vrajāmyaham

निमि ने कहा — 'हे धर्म! यहाँ नरक में सहस्रों मनुष्य पीड़ित हो रहे हैं, वे त्राहि-त्राहि पुकारते हुए मुझसे कह रहे हैं — इसलिए मैं नहीं जाऊँगा।'

श्लोक 74 (skanda.5.98.74)

इन्द्र उवाच। कर्मणा नरके प्राप्तिरेषां च पापकर्मणाम्। स्वर्गे त्वयापि गंतव्यं नृप पुण्येन कर्मणा

indra uvāca| karmaṇā narake prāptireṣāṁ ca pāpakarmaṇām| svarge tvayāpi gaṁtavyaṁ nṛpa puṇyena karmaṇā

इंद्र ने कहा — 'इन पापकर्मियों को अपने ही कर्म से नरक-प्राप्ति हुई है; और हे राजन्! अपने पुण्यकर्म से आपको भी स्वर्ग जाना ही होगा।'

श्लोक 75 (skanda.5.98.75)

।। राजोवाच ।।। परिजानासि धर्मज्ञ त्वं वा शक्र शचीपते। विशिष्टं मम किं पुण्यं शुभं तद्वक्तुमर्हसि

|| rājovāca ||| parijānāsi dharmajña tvaṁ vā śakra śacīpate| viśiṣṭaṁ mama kiṁ puṇyaṁ śubhaṁ tadvaktumarhasi

राजा ने कहा — 'हे धर्मज्ञ! आप जानते हैं, अथवा हे शचीपते इंद्र! आप भी जानते हैं — मेरा वह कौन-सा विशिष्ट शुभ पुण्य है, यह मुझे बताइए।'

श्लोक 76 (skanda.5.98.76)

धर्म उवाच। आश्विनस्य तु मासस्य कृष्णपक्षे चतुर्दशी। तस्यां त्वया महाबाहो महाकालवनोत्तमे। दृष्टो देवः सुविख्यातः स्वर्गदोऽनरकेश्वरः

dharma uvāca| āśvinasya tu māsasya kṛṣṇapakṣe caturdaśī| tasyāṁ tvayā mahābāho mahākālavanottame| dṛṣṭo devaḥ suvikhyātaḥ svargado'narakeśvaraḥ

धर्म ने कहा — 'आश्विन मास की कृष्णपक्ष चतुर्दशी को, हे महाबाहो! आपने महाकालवन के उत्तम स्थान में सुविख्यात, स्वर्गप्रद अनरकेश्वर देव का दर्शन किया था।'

श्लोक 77 (skanda.5.98.77)

तद्विशिष्टं च ते पुण्यं तस्य संख्या न विद्यते। स्वकर्मोपार्जितं पुण्यं भुंक्ष्व राजन्यथासुखम्। एते नारकिकाः सर्वे क्षपयंतु स्वकर्मजाम्

tadviśiṣṭaṁ ca te puṇyaṁ tasya saṁkhyā na vidyate| svakarmopārjitaṁ puṇyaṁ bhuṁkṣva rājanyathāsukham| ete nārakikāḥ sarve kṣapayaṁtu svakarmajām

'वही आपका विशिष्ट पुण्य है, जिसकी गणना नहीं की जा सकती। हे राजन्! अपने कर्मार्जित पुण्य का यथेच्छ उपभोग कीजिए; ये सभी नारकीजन अपने-अपने कर्मजनित फल को क्षीण करें।'

श्लोक 78 (skanda.5.98.78)

।। राजोवाच ।।। कथं स्पृहां करिष्यंति सत्संगेषु च मानवाः। यदि मत्संनिधावेषामुत्कर्षो नोपजायते

|| rājovāca ||| kathaṁ spṛhāṁ kariṣyaṁti satsaṁgeṣu ca mānavāḥ| yadi matsaṁnidhāveṣāmutkarṣo nopajāyate

राजा ने कहा — 'यदि मेरे निकट रहने पर भी इन्हें कोई राहत प्राप्त न हो, तो मनुष्य सत्संग की इच्छा ही क्यों करेंगे?'

श्लोक 79 (skanda.5.98.79)

तस्माद्यत्सुकृतं किंचिद्विशिष्टतरमस्ति वै। तेन मुच्यंतु नरकात्पापिनो यातनागताः

tasmādyatsukṛtaṁ kiṁcidviśiṣṭataramasti vai| tena mucyaṁtu narakātpāpino yātanāgatāḥ

'अतः मेरा जो कुछ विशिष्ट सुकृत है, उसी से नरकवासी ये पापी यातना से मुक्त हो जाएँ।'

श्लोक 80 (skanda.5.98.80)

धर्म उवाच। राजंस्त्वया कृतं पूर्वेऽनरकेश्वरदर्शनम्। तदुत्पन्नस्य पुण्यस्य कलामेभ्यः प्रयच्छ वै

dharma uvāca| rājaṁstvayā kṛtaṁ pūrve'narakeśvaradarśanam| tadutpannasya puṇyasya kalāmebhyaḥ prayaccha vai

धर्म ने कहा — 'हे राजन्! पूर्व में आपके द्वारा किए गए अनरकेश्वर-दर्शन से उत्पन्न पुण्य का एक अंश इन्हें प्रदान कीजिए।'

श्लोक 81 (skanda.5.98.81)

तत्पुण्यस्य प्रभावेण मोक्ष्यंते नरकादिमे। तथा कृते ततस्तेन विमुक्ता नरकाच्च ते

tatpuṇyasya prabhāveṇa mokṣyaṁte narakādime| tathā kṛte tatastena vimuktā narakācca te

उस पुण्य के प्रभाव से ये नरकवासी मुक्त हो जाएँगे। ऐसा किए जाने पर वे उसी पुण्य से नरक से मुक्त हो गए।

श्लोक 82 (skanda.5.98.82)

ततोऽब्रवीद्धर्मराजो निमिं शक्रसमन्वितः। एवं श्रेष्ठतरं स्थानं त्वया प्राप्तं महीपते

tato'bravīddharmarājo nimiṁ śakrasamanvitaḥ| evaṁ śreṣṭhataraṁ sthānaṁ tvayā prāptaṁ mahīpate

तब इंद्र सहित धर्मराज ने निमि से कहा — 'इस प्रकार, हे महीपते! आपने और भी श्रेष्ठ स्थान प्राप्त कर लिया है।'

श्लोक 83 (skanda.5.98.83)

एतांश्च नारकान्पश्य विमुक्तान्पापकर्मणः। ततोऽपतत्पुष्पवृष्टिस्तस्योपरि महीपतेः

etāṁśca nārakānpaśya vimuktānpāpakarmaṇaḥ| tato'patatpuṣpavṛṣṭistasyopari mahīpateḥ

'इन नारकीजनों को देखिए, जो पापकर्म से मुक्त हो गए हैं।' तत्पश्चात् उस राजा के ऊपर पुष्पवृष्टि होने लगी।

श्लोक 84 (skanda.5.98.84)

विमानं चाधिरोप्यैनं स्वर्लोकमनयद्धरिः। येये तत्राभवन्पापा यातनाभ्यः परिच्युताः

vimānaṁ cādhiropyainaṁ svarlokamanayaddhariḥ| yeye tatrābhavanpāpā yātanābhyaḥ paricyutāḥ

विष्णु ने उन्हें विमान पर आरूढ़ कराकर स्वर्गलोक को ले गए; और जो-जो पापी वहाँ थे, वे यातनाओं से मुक्त होकर...

श्लोक 85 (skanda.5.98.85)

प्रभावात्तस्य देवस्य स्वर्गलोकं गताः प्रिये। अतो देवः सुविख्यातः सदेवोऽनरकेश्वरः

prabhāvāttasya devasya svargalokaṁ gatāḥ priye| ato devaḥ suvikhyātaḥ sadevo'narakeśvaraḥ

...उस देव के प्रभाव से स्वर्गलोक को प्राप्त हुए, हे प्रिये! इसीलिए यह देव सदेव अनरकेश्वर नाम से सुविख्यात हैं।

श्लोक 86 (skanda.5.98.86)

स्तुतो देवगणैः सर्वैर्नरकादवतारकः। जातः स एव सुकृती कुलं तेनैव पावितम्

stuto devagaṇaiḥ sarvairnarakādavatārakaḥ| jātaḥ sa eva sukṛtī kulaṁ tenaiva pāvitam

नरक से उद्धार करने वाले इस देव की सभी देवगणों ने स्तुति की; वही व्यक्ति सुकृती होता है, उसी से उसका कुल पवित्र होता है।

श्लोक 87 (skanda.5.98.87)

यः पश्यति नरो नित्यं देवं चानरकेश्वरम्। तेषां विलीयते पापं पूर्वजन्मशतोद्भवम्

yaḥ paśyati naro nityaṁ devaṁ cānarakeśvaram| teṣāṁ vilīyate pāpaṁ pūrvajanmaśatodbhavam

जो मनुष्य नित्य अनरकेश्वर देव का दर्शन करता है, उसके सैकड़ों पूर्वजन्मों के पाप विलीन हो जाते हैं।

श्लोक 88 (skanda.5.98.88)

येनुमोदंति देवस्य दर्शनं पर्वतात्मजे। तेऽपि पापविनिर्मुक्ताः प्रयांति मम मंदिरे

yenumodaṁti devasya darśanaṁ parvatātmaje| te'pi pāpavinirmuktāḥ prayāṁti mama maṁdire

हे पर्वतात्मजे! जो लोग किसी अन्य के देव-दर्शन में हर्ष व्यक्त करते हैं, वे भी पापमुक्त होकर मेरे मंदिर को प्राप्त होते हैं।

श्लोक 89 (skanda.5.98.89)

समतीतं भविष्यच्च कुलानामयुतं नरः। मम लोकं नयत्याशु तस्य लिंगस्य दर्शनात्

samatītaṁ bhaviṣyacca kulānāmayutaṁ naraḥ| mama lokaṁ nayatyāśu tasya liṁgasya darśanāt

उस लिंग के दर्शन से मनुष्य अपने कुल की अतीत और भावी दस हजार पीढ़ियों को शीघ्र ही मेरे लोक में ले जाता है।

श्लोक 90 (skanda.5.98.90)

शिवयोगसमायुक्ता कृष्णा या च चतुर्दशी। सा प्रोक्ता वल्लभा तस्य सर्वपापप्रणाशिनी

śivayogasamāyuktā kṛṣṇā yā ca caturdaśī| sā proktā vallabhā tasya sarvapāpapraṇāśinī

शिव-योग से युक्त जो कृष्णपक्ष की चतुर्दशी है, वह उन्हें अत्यंत प्रिय कही गई है, जो समस्त पापों का नाश करने वाली है।

श्लोक 91 (skanda.5.98.91)

ये चायान्ति नरास्तस्यां देवं चानरकेश्वरम्। उपोष्य पापैर्मुच्यंते ते नराः शतजन्मजैः

ye cāyānti narāstasyāṁ devaṁ cānarakeśvaram| upoṣya pāpairmucyaṁte te narāḥ śatajanmajaiḥ

जो मनुष्य उस तिथि को अनरकेश्वर देव के समक्ष आते हैं और उपवास करके उनका दर्शन करते हैं, वे सौ जन्मों के संचित पापों से मुक्त हो जाते हैं।

श्लोक 92 (skanda.5.98.92)

कर्मणा मनसा वाचा यत्पापं समुपार्जितम्। तत्क्षालयति देवोसौ तिथौ तस्यां समर्चितः

karmaṇā manasā vācā yatpāpaṁ samupārjitam| tatkṣālayati devosau tithau tasyāṁ samarcitaḥ

कर्म, मन तथा वाणी से जो भी पाप संचित हुआ हो, उस तिथि को पूजित होने पर यह देव उसे धो देते हैं।

श्लोक 93 (skanda.5.98.93)

एष ते कथितो देवि प्रभावः पापनाशनः। जटेश्वरस्य देवस्य शृणु माहात्म्यमुत्तमम्

eṣa te kathito devi prabhāvaḥ pāpanāśanaḥ| jaṭeśvarasya devasya śṛṇu māhātmyamuttamam

यह तुम्हें, हे देवी! पापनाशक प्रभाव बताया गया; अब जटेश्वर देव की परम महिमा सुनो।