सपिंडीकरण विधि का वर्णन

श्लोक 1 (skanda.6.225.1)

आनर्त उवाच एकोद्दिष्टविधिं ब्रूहि मम त्वं वदतां वर पार्वणं तु यथा प्रोक्तं विस्तरेण महामते

ānarta uvāca ekoddiṣṭavidhiṁ brūhi mama tvaṁ vadatāṁ vara pārvaṇaṁ tu yathā proktaṁ vistareṇa mahāmate

अनर्त ने कहा — हे वक्ताओं में श्रेष्ठ! जैसे आपने पार्वण श्राद्ध विस्तार से बताया, वैसे ही मुझे एकोद्दिष्ट विधि भी बताइए, हे महामते।

श्लोक 2 (skanda.6.225.2)

भर्तृयज्ञ उवाच त्रीणि संचयनादर्वाक्तानि त्वं शृणु सांप्रतम् यस्मिन्स्थाने भवेन्मृत्युस्तत्र श्राद्धं तु कारयेत्

bhartṛyajña uvāca trīṇi saṁcayanādarvāktāni tvaṁ śṛṇu sāṁpratam yasminsthāne bhavenmṛtyustatra śrāddhaṁ tu kārayet

भर्तृयज्ञ ने कहा — अब अस्थि-संचयन से पूर्व होने वाले तीन श्राद्धों को सुनो। जिस स्थान पर मृत्यु हुई हो, वहाँ पहले श्राद्ध कराना चाहिए।

श्लोक 3 (skanda.6.225.3)

एकोद्दिष्टं ततो मार्गे विश्रामो यत्र कारितः ततः संचयनस्थाने तृतीयं श्राद्धमिष्यते

ekoddiṣṭaṁ tato mārge viśrāmo yatra kāritaḥ tataḥ saṁcayanasthāne tṛtīyaṁ śrāddhamiṣyate

फिर मार्ग में, जहाँ विश्राम किया गया हो, वहाँ एकोद्दिष्ट [श्राद्ध किया जाता है]; फिर अस्थि-संचयन के स्थान पर तीसरा श्राद्ध विहित है।

श्लोक 4 (skanda.6.225.4)

प्रथमेऽह्नि द्वितीयेह्नि पञ्चमे सप्तमे तथा नवमे दशमे चैव नव श्राद्धानि तानि च

prathame'hni dvitīyehni pañcame saptame tathā navame daśame caiva nava śrāddhāni tāni ca

पहले दिन, दूसरे दिन, तथा पाँचवें, सातवें, नवें और दसवें दिन — ये सब मिलाकर नौ श्राद्ध होते हैं।

श्लोक 5 (skanda.6.225.5)

वैतरिण्याश्च संप्राप्तौ प्रेतस्तृप्तिमवाप्नुयात् एकोद्दिष्टं दैवहीनमेकार्घैकपवित्रकम्

vaitariṇyāśca saṁprāptau pretastṛptimavāpnuyāt ekoddiṣṭaṁ daivahīnamekārghaikapavitrakam

वैतरणी नदी को प्राप्त होने पर प्रेत तृप्ति प्राप्त करता है। एकोद्दिष्ट श्राद्ध देवपूजा से रहित, एक ही अर्घ्य-पात्र तथा एक ही पवित्री वाला होता है।

श्लोक 6 (skanda.6.225.6)

आवाहनपरित्यक्तं कार्यं पार्थिवसत्तम तृप्तिप्रश्नस्तथा कार्यः स्वदितं च सकृत्ततः

āvāhanaparityaktaṁ kāryaṁ pārthivasattama tṛptipraśnastathā kāryaḥ svaditaṁ ca sakṛttataḥ

हे राजश्रेष्ठ! यह आवाहन के बिना करना चाहिए; तृप्ति का प्रश्न भी पूछा जाना चाहिए, तथा 'स्वदितम्' शब्द केवल एक बार कहा जाना चाहिए।

श्लोक 7 (skanda.6.225.7)

अभिरम्यतामिति मन्त्रेण ब्राह्मणस्य विसर्जनम् अच्छिन्नाग्रमभिन्नाग्रं कुर्याद्दर्भतृणद्वयम् पवित्रं तद्विजानीयादेकोद्दिष्टे विधीयते

abhiramyatāmiti mantreṇa brāhmaṇasya visarjanam acchinnāgramabhinnāgraṁ kuryāddarbhatṛṇadvayam pavitraṁ tadvijānīyādekoddiṣṭe vidhīyate

'अभिरम्यताम्' मंत्र से ब्राह्मण को विदा करे। दो कुश-तृणों को, जिनके अग्रभाग न कटे हों न फटे हों, पवित्री बनाना चाहिए — यही एकोद्दिष्ट में विहित है।

श्लोक 8 (skanda.6.225.8)

सर्वत्रैव पितः प्रोक्तं पिता तर्पणकर्मणि पित्र्ये संकल्पकाले च पितुरक्षय्यदापने

sarvatraiva pitaḥ proktaṁ pitā tarpaṇakarmaṇi pitrye saṁkalpakāle ca piturakṣayyadāpane

तर्पण-कर्म में सर्वत्र 'पितः' [संबोधन] कहा गया है; संकल्प के समय 'पिता' [प्रथमा]; तथा पिता के लिए अक्षय दान में 'पितुः' [षष्ठी]।

श्लोक 9 (skanda.6.225.9)

गोत्रं स्वरांतं सर्वत्र गोत्रे तर्पणकर्मणि गोत्राय कल्पनविधौ गोत्रस्याक्षय्यदापने

gotraṁ svarāṁtaṁ sarvatra gotre tarpaṇakarmaṇi gotrāya kalpanavidhau gotrasyākṣayyadāpane

गोत्र के तर्पण-कर्म में सर्वत्र स्वरांत 'गोत्रम्' [द्वितीया]; गोत्र की कल्पना-विधि में 'गोत्राय' [चतुर्थी]; तथा गोत्र के अक्षय-दान में 'गोत्रस्य' [षष्ठी]।

श्लोक 10 (skanda.6.225.10)

शर्मन्नर्घ्यादिकर्तव्ये शर्मा तर्पणकर्मणि शर्मणे सस्यदाने च शर्मणोऽक्षय्यके विधौ

śarmannarghyādikartavye śarmā tarpaṇakarmaṇi śarmaṇe sasyadāne ca śarmaṇo'kṣayyake vidhau

अर्घ्य आदि देने में 'शर्मन्' [संबोधन]; तर्पण-कर्म में 'शर्मा' [प्रथमा]; अन्न-दान में 'शर्मणे' [चतुर्थी]; तथा अक्षय-विधि में 'शर्मणः' [षष्ठी]।

श्लोक 11 (skanda.6.225.11)

मातर्मात्रे तथा मातुरासने कल्पनेऽक्षये गोत्रे गोत्रायै गोत्रायाः प्रथमाद्या विभक्तयः

mātarmātre tathā māturāsane kalpane'kṣaye gotre gotrāyai gotrāyāḥ prathamādyā vibhaktayaḥ

आसन, कल्पना तथा अक्षय-विधि में क्रमशः 'मातः', 'मात्रे' तथा 'मातुः' [कहे जाएँ]; गोत्र के लिए भी 'गोत्रे', 'गोत्रायै', 'गोत्रायाः' — ये प्रथमा आदि विभक्तियाँ हैं।

श्लोक 12 (skanda.6.225.12)

देवि देव्यै तथा देव्या एवं मातुश्च कीर्तयेत् प्रथमा च चतुर्थी च षष्ठी स्याच्छ्राद्धसिद्धये

devi devyai tathā devyā evaṁ mātuśca kīrtayet prathamā ca caturthī ca ṣaṣṭhī syācchrāddhasiddhaye

माता के लिए इसी प्रकार 'देवि', 'देव्यै' तथा 'देव्याः' का उच्चारण करे। प्रथमा, चतुर्थी तथा षष्ठी विभक्तियाँ श्राद्ध की सिद्धि के लिए हैं।

श्लोक 13 (skanda.6.225.13)

विभक्तिरहितं श्राद्धं क्रियते वा विपर्ययात् अकृतं तद्विजानीयात्पितृणां नोपतिष्ठति

vibhaktirahitaṁ śrāddhaṁ kriyate vā viparyayāt akṛtaṁ tadvijānīyātpitṛṇāṁ nopatiṣṭhati

जो श्राद्ध विभक्ति के बिना, अथवा उलटी विभक्ति से किया जाए, उसे अकृत ही समझना चाहिए — वह पितरों तक नहीं पहुँचता।

श्लोक 14 (skanda.6.225.14)

तस्मात्सर्वप्रयत्नेन ब्राह्मणेन विजानता विभक्तिभिर्यथोक्ताभिः श्राद्धे कार्यो विधिः सदा

tasmātsarvaprayatnena brāhmaṇena vijānatā vibhaktibhiryathoktābhiḥ śrāddhe kāryo vidhiḥ sadā

इसलिए जानने वाले ब्राह्मण को सब प्रयत्नों से, बताई गई विभक्तियों के साथ ही, श्राद्ध की विधि सदा करनी चाहिए।

श्लोक 15 (skanda.6.225.15)

ततः सपिंडीकरणं वत्सरादूर्ध्वतः स्थितम् वृद्धिर्वाऽऽगामिनी चेत्स्यात्तदार्वागपि कारयेत्

tataḥ sapiṁḍīkaraṇaṁ vatsarādūrdhvataḥ sthitam vṛddhirvā''gāminī cetsyāttadārvāgapi kārayet

इसके पश्चात् सपिंडीकरण एक वर्ष बीतने पर होना निश्चित है; किंतु यदि कोई वृद्धि-कार्य [शुभ अवसर] निकट हो, तो इससे पहले भी करा सकते हैं।

श्लोक 16 (skanda.6.225.16)

पार्वणोक्तविधानेन त्रिदैवत्यमदैविकम् प्रेतमुद्दिश्य कर्तव्यमेकोद्दिष्टं च पार्थिव

pārvaṇoktavidhānena tridaivatyamadaivikam pretamuddiśya kartavyamekoddiṣṭaṁ ca pārthiva

हे राजन्! पार्वण-विधि के अनुसार ही, किंतु देव-पूजा रहित, प्रेत के निमित्त सपिंडीकरण तथा एकोद्दिष्ट दोनों साथ करना चाहिए।

श्लोक 17 (skanda.6.225.17)

एकेनैव तु पाकेन मम चैतन्मतं स्मृतम् अर्घपात्रं समादाय यत्प्रेतार्थं प्रकल्पितम्

ekenaiva tu pākena mama caitanmataṁ smṛtam arghapātraṁ samādāya yatpretārthaṁ prakalpitam

मेरा मत यह है कि यह एक ही पाक से किया जाए। प्रेत के लिए तैयार किए गए अर्घ्य-पात्र को लेकर —

श्लोक 18 (skanda.6.225.18)

पितृपात्रेषु त्रिष्वेव त्रिधा तच्च परिक्षिपेत् एवं पिंडं त्रिधा कृत्वा पितृपिंडेषु च त्रिषु

pitṛpātreṣu triṣveva tridhā tacca parikṣipet evaṁ piṁḍaṁ tridhā kṛtvā pitṛpiṁḍeṣu ca triṣu

— उसे तीन भागों में विभाजित करके तीनों पितृ-पात्रों में डाल दे; इसी प्रकार पिंड को भी तीन भागों में करके तीनों पितृ-पिंडों में मिला दे।

श्लोक 19 (skanda.6.225.19)

ये समानेति मन्त्राभ्यां न स्यात्प्रेतस्ततः परम् अवनेजनं ततः कृत्वा पितृपूर्वं यथाक्रमम्

ye samāneti mantrābhyāṁ na syātpretastataḥ param avanejanaṁ tataḥ kṛtvā pitṛpūrvaṁ yathākramam

'ये समानाः' आदि दोनों मंत्रों से वह अब प्रेत नहीं रह जाता। फिर पितरों को पहले रखते हुए, क्रमशः अवनेजन [धोने की क्रिया] करके —

श्लोक 20 (skanda.6.225.20)

गन्धधूपादिकं सर्वं पुनरेव प्रदापयेत् पितृपूर्वं समुच्चार्य वर्जयेच्च चतुर्थकम्

gandhadhūpādikaṁ sarvaṁ punareva pradāpayet pitṛpūrvaṁ samuccārya varjayecca caturthakam

— गंध, धूप आदि सब कुछ पुनः अर्पित करे, पहले पितरों का उच्चारण करते हुए; अब चौथा [पृथक् प्रेत-भाग] छोड़ देना चाहिए।

श्लोक 21 (skanda.6.225.21)

केचिच्चतुर्थं कुर्वंति प्रेतं च स्वपितुस्ततः पितुः पूर्वं भवेच्छ्राद्धं परं नैतन्मतं मम

keciccaturthaṁ kurvaṁti pretaṁ ca svapitustataḥ pituḥ pūrvaṁ bhavecchrāddhaṁ paraṁ naitanmataṁ mama

कुछ लोग [अपने] पिता के बाद प्रेत के लिए एक चौथा भाग बनाते हैं, जिससे पिता का श्राद्ध पहले होता है — किंतु यह मेरा मत नहीं है।

श्लोक 22 (skanda.6.225.22)

सपिण्डीकरणादूर्ध्वमेकोद्दिष्टं न कारयेत् क्षयाहं च परित्यज्य शस्त्राहत चतुर्दशीम्

sapiṇḍīkaraṇādūrdhvamekoddiṣṭaṁ na kārayet kṣayāhaṁ ca parityajya śastrāhata caturdaśīm

सपिंडीकरण के पश्चात् एकोद्दिष्ट श्राद्ध नहीं कराना चाहिए — केवल क्षय-तिथि [मृत्यु-तिथि] तथा शस्त्रहतों की चतुर्दशी को छोड़कर।

श्लोक 23 (skanda.6.225.23)

यः सपिण्डीकृतं प्रेतं पृथक्पिण्डे नियोजयेत् अकृतं तद्विजानीयात्पितृहा चोपजायते

yaḥ sapiṇḍīkṛtaṁ pretaṁ pṛthakpiṇḍe niyojayet akṛtaṁ tadvijānīyātpitṛhā copajāyate

जो सपिंडीकृत हो चुके प्रेत को पुनः पृथक् पिंड में नियुक्त करता है, उस कर्म को अकृत ही समझना चाहिए, और वह [कर्ता] पितृघाती हो जाता है।

श्लोक 24 (skanda.6.225.24)

पिता यस्य तु निर्वृत्तो जीवते च पितामहः पितुः स नाम संकीर्त्य कीर्तयेत्प्रपितामहम्

pitā yasya tu nirvṛtto jīvate ca pitāmahaḥ pituḥ sa nāma saṁkīrtya kīrtayetprapitāmaham

जिसका पिता मर चुका हो और पितामह जीवित हों, वह पिता का नाम लेकर [उनके स्थान पर] प्रपितामह का नाम लेना चाहिए।

श्लोक 25 (skanda.6.225.25)

पितामहस्तु प्रत्यक्षं भुक्त्वा गृह्णाति पिण्डकम् पितामहक्षयाहे च पार्वणं श्राद्धमिष्यते

pitāmahastu pratyakṣaṁ bhuktvā gṛhṇāti piṇḍakam pitāmahakṣayāhe ca pārvaṇaṁ śrāddhamiṣyate

पितामह स्वयं प्रत्यक्ष भोजन करके ही उस पिंड को [अपने रूप में] ग्रहण करते हैं। पितामह की मृत्यु-तिथि पर पार्वण श्राद्ध विहित है।

श्लोक 26 (skanda.6.225.26)

जनकं स्वं परित्यज्य कथंचिन्नास्य दीयते तस्याकृतेन श्राद्धेन न स्वल्पं पितृतो भयम्

janakaṁ svaṁ parityajya kathaṁcinnāsya dīyate tasyākṛtena śrāddhena na svalpaṁ pitṛto bhayam

अपने पिता को किसी भी प्रकार छोड़कर [श्राद्ध] नहीं देना चाहिए; उनका श्राद्ध न करने से पितरों से थोड़ा भी भय नहीं, बल्कि बड़ा भय होता है।

श्लोक 27 (skanda.6.225.27)

अमावास्यासु सर्वासु मृते पितरि पार्वणम् नभस्यापरपक्षस्य मध्ये चैतदुदाहृतम्

amāvāsyāsu sarvāsu mṛte pitari pārvaṇam nabhasyāparapakṣasya madhye caitadudāhṛtam

पिता की मृत्यु होने पर सभी अमावस्याओं को पार्वण श्राद्ध करना चाहिए; तथा यह विशेष रूप से भाद्रपद के कृष्ण पक्ष के मध्य में कहा गया है।

श्लोक 28 (skanda.6.225.28)

यावत्सपिंडता नैव न तावच्छ्राद्धमाचरेत्

yāvatsapiṁḍatā naiva na tāvacchrāddhamācaret

जब तक सपिंडता न हो जाए, तब तक [सामान्य पार्वण] श्राद्ध नहीं करना चाहिए।

श्लोक 29 (skanda.6.225.29)

जनके मृत्युमापन्ने श्राद्धपक्षे समागते पितामहादेः कर्तव्यं श्राद्धं यन्नैकपिंडता

janake mṛtyumāpanne śrāddhapakṣe samāgate pitāmahādeḥ kartavyaṁ śrāddhaṁ yannaikapiṁḍatā

पिता की मृत्यु हो जाने पर, यदि श्राद्ध-पक्ष आ जाए, तो पितामह आदि का श्राद्ध [भी] करना चाहिए, क्योंकि अभी तक [पिता की] एकपिंडता नहीं हुई है।