कोटीश्वरमाहात्म्यवर्णनम्

श्लोक 1 (skanda.7.104.1)

ईश्वर उवाच। ततो गच्छेन्महादेवि कोटीश्वरमनुत्तमम्। तस्मादुत्तरतो देवि कोटीशमिति विश्रुतम्॥

īśvara uvāca| tato gacchenmahādevi koṭīśvaramanuttamam| tasmāduttarato devi koṭīśamiti viśrutam||

ईश्वर ने कहा—हे महादेवि, उसके पश्चात् अनुपम कोटीश्वर तीर्थ की ओर जाना चाहिए, जो हे देवि, उससे उत्तर दिशा में कोटीश नाम से विख्यात है।

श्लोक 2 (skanda.7.104.2)

पापघ्नं सर्वजंतूनां पशुपाशविमोक्षदम्। पुरा पाशुपता देवि कपालेश्वरसंनिधौ॥

pāpaghnaṁ sarvajaṁtūnāṁ paśupāśavimokṣadam| purā pāśupatā devi kapāleśvarasaṁnidhau||

यह सभी प्राणियों के पाप का नाशक तथा पशुपाश से मुक्ति देने वाला है। हे देवि, पूर्वकाल में पाशुपत योगी कपालेश्वर के समीप—

श्लोक 3 (skanda.7.104.3)

तपः कुर्वंति विपुलं भस्मोद्धूलितविग्रहाः। जटामुकुटसंयुक्ता मुंजमेखलधारिणः॥

tapaḥ kurvaṁti vipulaṁ bhasmoddhūlitavigrahāḥ| jaṭāmukuṭasaṁyuktā muṁjamekhaladhāriṇaḥ||

अपने शरीर पर भस्म रमाये हुए, जटाओं के मुकुट से युक्त तथा मूँज की मेखला धारण किये हुए, महान् तपस्या करते थे।

श्लोक 4 (skanda.7.104.4)

शांताः सर्वे जितक्रोधा ब्राह्मणाः शिवयोगिनः। तपः कुर्वंति तत्रस्था व्याप्य क्षेत्रं चतुर्द्दिशम्॥

śāṁtāḥ sarve jitakrodhā brāhmaṇāḥ śivayoginaḥ| tapaḥ kurvaṁti tatrasthā vyāpya kṣetraṁ caturddiśam||

वे सभी शान्त, क्रोध पर विजय पाये हुए, शिवयोगी ब्राह्मण वहाँ स्थित होकर क्षेत्र को चारों दिशाओं में व्याप्त करके तपस्या करते थे।

श्लोक 5 (skanda.7.104.5)

कोटिसंख्या महादेवि मन्त्रजाप्यपरायणाः। सम्यक्संस्थाप्य ते लिंगं कपालेशसमीपगम्॥

koṭisaṁkhyā mahādevi mantrajāpyaparāyaṇāḥ| samyaksaṁsthāpya te liṁgaṁ kapāleśasamīpagam||

हे महादेवि, वे करोड़ों की संख्या में मन्त्र-जप में तत्पर थे। उन्होंने कपालेश्वर के समीप एक लिंग की भलीभाँति स्थापना की।

श्लोक 6 (skanda.7.104.6)

ततस्ते पूजयांचक्रुस्तल्लिंगं भक्तिसंयुताः। ततस्तुष्टो महादेवो मुक्तिं तेषां ददौ हरः॥

tataste pūjayāṁcakrustalliṁgaṁ bhaktisaṁyutāḥ| tatastuṣṭo mahādevo muktiṁ teṣāṁ dadau haraḥ||

तत्पश्चात् उन्होंने भक्तिपूर्वक उस लिंग की पूजा की। इससे प्रसन्न होकर महादेव हर ने उन्हें मुक्ति प्रदान की।

श्लोक 7 (skanda.7.104.7)

ऋषयः कोटिसंख्यातास्तस्मिन्सिद्धा यतः प्रिये। तेन कोटीश्वरं लिंगं नाम्ना ख्यातं धरातले॥

ṛṣayaḥ koṭisaṁkhyātāstasminsiddhā yataḥ priye| tena koṭīśvaraṁ liṁgaṁ nāmnā khyātaṁ dharātale||

हे प्रिये, चूँकि करोड़ों की संख्या में ऋषि वहाँ सिद्ध हुए, इसलिए वह लिंग पृथ्वी पर कोटीश्वर नाम से विख्यात हुआ।

श्लोक 8 (skanda.7.104.8)

यस्तं पूजयते भक्त्या कोटीश्वरमनामयम्। स कोटिमन्त्रजाप्यस्य फलं प्राप्स्यति मानवः॥

yastaṁ pūjayate bhaktyā koṭīśvaramanāmayam| sa koṭimantrajāpyasya phalaṁ prāpsyati mānavaḥ||

जो मनुष्य भक्तिपूर्वक उस निर्दोष कोटीश्वर की पूजा करता है, वह करोड़ों मन्त्र-जप के फल को प्राप्त करता है।

श्लोक 9 (skanda.7.104.9)

हिरण्यं तत्र दातव्यं ब्राह्मणे वेदपारगे। कोटिहोमफलं तस्य सम्यग्यात्राफलं भवेत्॥

hiraṇyaṁ tatra dātavyaṁ brāhmaṇe vedapārage| koṭihomaphalaṁ tasya samyagyātrāphalaṁ bhavet||

वहाँ वेदपारगामी ब्राह्मण को स्वर्ण-दान करना चाहिए; उसे करोड़ों होमों के फल के समान सम्पूर्ण यात्रा का फल प्राप्त होता है।