सौभाग्येश्वरीमाहात्म्यवर्णनम्

श्लोक 1 (skanda.7.124.1)

ईश्वर उवाच। ततो गच्छेन्महादेवि गौरीं सौभाग्यदायिनीम्। पश्चिमे रावणेशस्य धनुषां पञ्चके स्थिताम्

īśvara uvāca| tato gacchenmahādevi gaurīṁ saubhāgyadāyinīm| paścime rāvaṇeśasya dhanuṣāṁ pañcake sthitām

ईश्वर ने कहा—हे महादेवि, तत्पश्चात् सौभाग्य देने वाली गौरी के पास जाना चाहिए, जो रावणेश्वर से पश्चिम दिशा में पाँच धनुष की दूरी पर स्थित हैं।

श्लोक 2 (skanda.7.124.2)

यत्रातप्यत्तपो घोरं स्वयं देवी ह्यरुंधती। सौभाग्यं कांक्षमाणा सा गौरीपूजापरायणा

yatrātapyattapo ghoraṁ svayaṁ devī hyaruṁdhatī| saubhāgyaṁ kāṁkṣamāṇā sā gaurīpūjāparāyaṇā

जहाँ स्वयं देवी अरुंधती ने सौभाग्य की कामना करते हुए, गौरी की पूजा में तत्पर रहकर घोर तप किया,

श्लोक 3 (skanda.7.124.3)

संप्राप्ता परमां सिद्धिं तस्या देव्याः प्रभावतः। तृतीयायां शुक्लपक्षे माघे मासि वरानने

saṁprāptā paramāṁ siddhiṁ tasyā devyāḥ prabhāvataḥ| tṛtīyāyāṁ śuklapakṣe māghe māsi varānane

और उस देवी के प्रभाव से परम सिद्धि प्राप्त की। हे वरानने, माघ मास के शुक्ल पक्ष की तृतीया को—

श्लोक 4 (skanda.7.124.4)

यस्तां पूजयते भक्त्या स सौभाग्यमवाप्नुयात्। अन्यजन्मनि देवेशि नात्र कार्या विचारणा

yastāṁ pūjayate bhaktyā sa saubhāgyamavāpnuyāt| anyajanmani deveśi nātra kāryā vicāraṇā

—जो भी उनकी भक्तिपूर्वक पूजा करता है, वह सौभाग्य प्राप्त करता है, यहाँ तक कि अगले जन्म में भी; हे देवेशि, इसमें कोई संदेह नहीं करना चाहिए।