क्षेमंकरेश्वरमाहात्म्यवर्णनम्

श्लोक 1 (skanda.7.127.1)

ईश्वर उवाच। ततो गच्छेन्महादेवि क्षेमेश्वरमनुत्तमम्। तस्मादुत्तरकोणस्थं कपालेशाग्निगोचरे

īśvara uvāca| tato gacchenmahādevi kṣemeśvaramanuttamam| tasmāduttarakoṇasthaṁ kapāleśāgnigocare

ईश्वर ने कहा—हे महादेवि, तत्पश्चात् अनुपम क्षेमेश्वर के पास जाना चाहिए, जो उससे उत्तर कोण में, कपालेश्वर की अग्निदिशा में स्थित है।

श्लोक 2 (skanda.7.127.2)

धनुषां पंचदशके कपालेश्वरतः स्थितम्। लिंगं महाप्रभावं हि सर्वपातकनाशनम्

dhanuṣāṁ paṁcadaśake kapāleśvarataḥ sthitam| liṁgaṁ mahāprabhāvaṁ hi sarvapātakanāśanam

कपालेश्वर से पंद्रह धनुष की दूरी पर स्थित वह लिंग अत्यंत प्रभावशाली और सर्वपापनाशक है।

श्लोक 3 (skanda.7.127.3)

क्षेममूर्तिः पुरा राजा बभूव स महाबलः। तेन तत्र तपस्तप्तं चिरकालं महात्मना

kṣemamūrtiḥ purā rājā babhūva sa mahābalaḥ| tena tatra tapastaptaṁ cirakālaṁ mahātmanā

पूर्वकाल में क्षेममूर्ति नाम के एक महाबली राजा हुए; उन महात्मा ने वहाँ दीर्घकाल तक तप किया।

श्लोक 4 (skanda.7.127.4)

ततः संस्थापितं लिंगं भक्त्या भावितचेतसा। तद्दृष्ट्वा क्षेममायाति कार्यं क्षेमेण सिद्ध्यति

tataḥ saṁsthāpitaṁ liṁgaṁ bhaktyā bhāvitacetasā| taddṛṣṭvā kṣemamāyāti kāryaṁ kṣemeṇa siddhyati

तब उसने भक्तिपूर्ण चित्त से वहाँ लिंग की स्थापना की; उसका दर्शन करने पर कल्याण होता है, और कार्य निर्विघ्न सिद्ध होता है।

श्लोक 5 (skanda.7.127.5)

सर्वकामसमृद्धात्मा भूयाज्जन्मनिजन्मनि। एवं क्षेमेश्वरं लिंगं ख्यातं पातकनाशनम्

sarvakāmasamṛddhātmā bhūyājjanmanijanmani| evaṁ kṣemeśvaraṁ liṁgaṁ khyātaṁ pātakanāśanam

मनुष्य जन्म-जन्मांतर में सर्व कामनाओं से समृद्ध हो जाता है; इस प्रकार यह क्षेमेश्वर लिंग पापनाशक के रूप में विख्यात है।

श्लोक 6 (skanda.7.127.6)

सर्वकामप्रदं नृणां श्रुतं सौभाग्यदायकम्। दर्शनेनापि तस्यापि गोशतस्य फलं स्मृतम्

sarvakāmapradaṁ nṛṇāṁ śrutaṁ saubhāgyadāyakam| darśanenāpi tasyāpi gośatasya phalaṁ smṛtam

यह पुरुषों की सभी कामनाओं को पूर्ण करने वाला तथा सौभाग्य देने वाला माना गया है; इसके दर्शन मात्र से भी सौ गायों के दान के समान फल कहा गया है।

श्लोक 7 (skanda.7.127.7)

तस्मात्क्षेत्रफलाकांक्षी नित्यं तल्लिंगमाश्रयेत्

tasmātkṣetraphalākāṁkṣī nityaṁ talliṁgamāśrayet

अतः क्षेत्र के फल की कामना करने वाले को सदा उस लिंग का आश्रय लेना चाहिए।