सागरादित्यमाहात्म्यवर्णनम्

श्लोक 1 (skanda.7.128.1)

ईश्वर उवाच। ततो गच्छेन्महादेवि सागरादित्यमुत्तमम्। भैरवेशात्पश्चिमतो रुद्रान्मृत्युञ्जयात्तथा

īśvara uvāca| tato gacchenmahādevi sāgarādityamuttamam| bhairaveśātpaścimato rudrānmṛtyuñjayāttathā

ईश्वर ने कहा—हे महादेवि, तत्पश्चात् उत्तम सागरादित्य के पास जाना चाहिए, जो भैरवेश से पश्चिम में तथा मृत्युंजय रुद्र से भी उसी दिशा में स्थित है।

श्लोक 2 (skanda.7.128.2)

कामेशाद्दक्षिणाग्नेये नातिदूरे व्यवस्थितम्। सर्वरोगप्रशमनं दारिद्र्यौघविघातकम्। प्रतिष्ठितं महादेवि सगरेण महात्मना

kāmeśāddakṣiṇāgneye nātidūre vyavasthitam| sarvarogapraśamanaṁ dāridryaughavighātakam| pratiṣṭhitaṁ mahādevi sagareṇa mahātmanā

कामेश्वर से दक्षिण-आग्नेय दिशा में न अधिक दूर स्थित, सर्वरोगशामक तथा दरिद्रता के समूह का नाश करने वाला वह देव, हे महादेवि, महात्मा राजा सगर द्वारा प्रतिष्ठित किया गया था।

श्लोक 3 (skanda.7.128.3)

षष्टिपुत्रसहस्राणि यः प्रापारातिसूदनः। सूर्यं तत्र समाराध्य सगरः पृथिवीपतिः

ṣaṣṭiputrasahasrāṇi yaḥ prāpārātisūdanaḥ| sūryaṁ tatra samārādhya sagaraḥ pṛthivīpatiḥ

वह शत्रुनाशक राजा सगर, जिसने साठ हजार पुत्र प्राप्त किए थे, वहाँ सूर्य की आराधना कर पृथ्वीपति बना।

श्लोक 4 (skanda.7.128.4)

य एष सागरो देवि योजनायतविस्तरः। आयतोऽशीतिसाहस्रं योजनानां प्रकीर्तितः

ya eṣa sāgaro devi yojanāyatavistaraḥ| āyato'śītisāhasraṁ yojanānāṁ prakīrtitaḥ

हे देवि, यह जो सागर है, जो योजनों में विस्तृत है, वह अस्सी हजार योजन लंबा कहा गया है।

श्लोक 5 (skanda.7.128.5)

अस्मिन्मन्वन्तरे क्षिप्तः सागरैश्च चतुर्दिशम्। तस्येदं कीर्तितं देवि नाम सागरसंज्ञितम्

asminmanvantare kṣiptaḥ sāgaraiśca caturdiśam| tasyedaṁ kīrtitaṁ devi nāma sāgarasaṁjñitam

इस मन्वन्तर में उन सगरपुत्रों द्वारा चारों दिशाओं में खोदा गया था; हे देवि, इसीलिए इसका यह नाम 'सागर' कहा गया है।

श्लोक 6 (skanda.7.128.6)

यस्याद्यापीह गायन्ति पुराणे प्रथितं यशः। तेनायं स्थापितो देवो भास्करो वारितस्करः

yasyādyāpīha gāyanti purāṇe prathitaṁ yaśaḥ| tenāyaṁ sthāpito devo bhāskaro vāritaskaraḥ

जिसका यश आज भी पुराणों में गाया जाता है, उसी सगर के द्वारा जल को रोकने वाला यह भास्कर देव स्थापित किया गया।

श्लोक 7 (skanda.7.128.7)

तं दृष्ट्वा न जडो नान्धो न दरिद्रो न दुःखितः। न चैवेष्टवियोगी स्यान्न रोगी नैव पापकृत्

taṁ dṛṣṭvā na jaḍo nāndho na daridro na duḥkhitaḥ| na caiveṣṭaviyogī syānna rogī naiva pāpakṛt

उसका दर्शन करके मनुष्य न तो जड़ रहता है, न अंधा, न दरिद्र, न दुःखी; न वह प्रियजनों से वियुक्त होता है, न रोगी होता है, न पापकर्म करने वाला बनता है।

श्लोक 8 (skanda.7.128.8)

माघे मासि महादेवि सिते पक्षे जितेन्द्रियः। षष्ठ्यामुपोषितो भूत्वा रात्रौ तस्याग्रतः स्वपेत्

māghe māsi mahādevi site pakṣe jitendriyaḥ| ṣaṣṭhyāmupoṣito bhūtvā rātrau tasyāgrataḥ svapet

हे महादेवि, माघ मास के शुक्ल पक्ष में, षष्ठी को उपवास कर, जितेन्द्रिय होकर रात्रि में उसके समक्ष सोना चाहिए।

श्लोक 9 (skanda.7.128.9)

विबुद्धस्त्वथ सप्तम्यां भक्त्या भानुं समर्चयेत्। ब्राह्मणान्भोजयेद्भक्त्या वित्तशाठ्यं विवर्जयेत्

vibuddhastvatha saptamyāṁ bhaktyā bhānuṁ samarcayet| brāhmaṇānbhojayedbhaktyā vittaśāṭhyaṁ vivarjayet

फिर जागकर सप्तमी को भक्तिपूर्वक सूर्य की पूजा करे, भक्ति से ब्राह्मणों को भोजन कराए तथा धन में कंजूसी का त्याग करे।

श्लोक 10 (skanda.7.128.10)

सुतप्तेनेह तपसा यज्ञैर्वा बहुदक्षिणैः। तां गतिं न नरा यान्ति यां गताः सूर्यमाश्रिताः

sutaptenehatapasā yajñairvā bahudakṣiṇaiḥ| tāṁ gatiṁ na narā yānti yāṁ gatāḥ sūryamāśritāḥ

इस लोक में कठोर तप से अथवा बहुत दक्षिणा वाले यज्ञों से भी मनुष्य उस गति को नहीं पाते, जिसे सूर्य की शरण में गए हुए लोग पाते हैं।

श्लोक 11 (skanda.7.128.11)

भक्त्या तु पुरुषैः पूजा कृता दूर्वांकुरैरपि। भानुर्ददाति हि फलं सर्वयज्ञैः सुदुर्लभम्

bhaktyā tu puruṣaiḥ pūjā kṛtā dūrvāṁkurairapi| bhānurdadāti hi phalaṁ sarvayajñaiḥ sudurlabham

भक्तिपूर्वक पुरुषों द्वारा दूर्वांकुरों से भी की गई पूजा से सूर्य वह फल देते हैं जो सब यज्ञों से भी अत्यंत दुर्लभ है।

श्लोक 12 (skanda.7.128.12)

तस्मात्सर्वप्रयत्नेन सूर्यमेवाभिपूजयेत्। जनकादयो यथा सिद्धिं गता भानुं प्रपूज्य च

tasmātsarvaprayatnena sūryamevābhipūjayet| janakādayo yathā siddhiṁ gatā bhānuṁ prapūjya ca

अतः सब प्रकार के प्रयत्न से सूर्य की ही पूजा करनी चाहिए, जैसे जनक आदि राजा सूर्य की पूजा कर सिद्धि को प्राप्त हुए।

श्लोक 13 (skanda.7.128.13)

सर्वात्मा सर्वलोकेशो देवदेवः प्रजापतिः। सूर्य एव त्रिलोकस्य मूलं परमदैवतम्

sarvātmā sarvalokeśo devadevaḥ prajāpatiḥ| sūrya eva trilokasya mūlaṁ paramadaivatam

वे सर्वात्मा, सर्वलोकेश्वर, देवाधिदेव, प्रजापति हैं; सूर्य ही त्रिलोक का मूल और परम देवता हैं।

श्लोक 14 (skanda.7.128.14)

वसन्ते कपिलः सूर्यो ग्रीष्मे काञ्चनसप्रभः। श्वेतवर्णश्च वर्षासु पांडुः शरदि भास्करः

vasante kapilaḥ sūryo grīṣme kāñcanasaprabhaḥ| śvetavarṇaśca varṣāsu pāṇḍuḥ śaradi bhāskaraḥ

वसंत में सूर्य कपिल (भूरे) वर्ण के होते हैं, ग्रीष्म में स्वर्ण के समान कांतिमान, वर्षा ऋतु में श्वेत वर्ण के, तथा शरद में भास्कर पांडु वर्ण के होते हैं।

श्लोक 15 (skanda.7.128.15)

हेमन्ते ताम्रवर्णस्तु शिशिरे लोहितो रविः। एवं वर्णविशेषेण ध्यायेत्सूर्यं यथाक्रमम्

hemante tāmravarṇastu śiśire lohito raviḥ| evaṁ varṇaviśeṣeṇa dhyāyetsūryaṁ yathākramam

हेमंत में वे ताम्र वर्ण के होते हैं तथा शिशिर में रवि रक्त वर्ण के; इस प्रकार क्रमशः उन विशेष वर्णों के अनुसार सूर्य का ध्यान करना चाहिए।

श्लोक 16 (skanda.7.128.16)

पूजयित्वा विधानेन यतात्मा संयतेन्द्रियः। पठेन्नामसहस्रं तु सर्वपातकनाशनम्

pūjayitvā vidhānena yatātmā saṁyatendriyaḥ| paṭhennāmasahasraṁ tu sarvapātakanāśanam

विधिपूर्वक पूजा कर, संयमित मन और इन्द्रियों वाला व्यक्ति उस सर्वपापनाशक सहस्रनाम का पाठ करे।

श्लोक 17 (skanda.7.128.17)

देव्युवाच। नाम्नां सहस्रं मे ब्रूहि प्रसादाञ्छंकर प्रभो। तुल्यं नामसहस्रस्य किमप्यन्यत्प्रकीर्तय

devyuvāca| nāmnāṁ sahasraṁ me brūhi prasādāñchaṁkara prabho| tulyaṁ nāmasahasrasya kimapyanyatprakīrtaya

देवी ने कहा—हे प्रभो शंकर, कृपा कर मुझे वह सहस्रनाम कहिए; अथवा उस सहस्रनाम के समान कोई और लघु स्तोत्र हो तो वह भी बताइए।

श्लोक 18 (skanda.7.128.18)

ईश्वर उवाच। अलं नामसहस्रेण पठस्वैवं शुभं स्तवम्। यानि गुह्यानि नामानि पवित्राणि शुभानि च। तानि ते कीर्तयिष्यामि प्रयत्नादवधारय

īśvara uvāca| alaṁ nāmasahasreṇa paṭhasvaivaṁ śubhaṁ stavam| yāni guhyāni nāmāni pavitrāṇi śubhāni ca| tāni te kīrtayiṣyāmi prayatnādavadhāraya

ईश्वर ने कहा—सहस्रनाम से भी काम चल जाएगा, इस प्रकार तुम यह शुभ स्तोत्र पढ़ो; जो गुह्य, पवित्र तथा शुभ नाम हैं, मैं उन्हें तुम्हें कहूंगा, सावधानी से ग्रहण करो।

श्लोक 19 (skanda.7.128.19)

विकर्तनो विवस्वांश्च मार्तण्डो भास्करो रविः। लोकप्रकाशकः श्रीमाँल्लोकचक्षुर्ग्रहेश्वरः

vikartano vivasvāṁśca mārtaṇḍo bhāskaro raviḥ| lokaprakāśakaḥ śrīmāṁllokacakṣurgraheśvaraḥ

विकर्तन, विवस्वान्, मार्तण्ड, भास्कर, रवि, लोकप्रकाशक, श्रीमान्, लोकों की आँख, ग्रहों के स्वामी—

श्लोक 20 (skanda.7.128.20)

लोकसाक्षी त्रिलोकेशः कर्त्ता हर्त्ता तमिस्रहा। तपनस्तापनश्चैव शुचिः सप्ताश्ववाहनः

lokasākṣī trilokeśaḥ karttā harttā tamisrahā| tapanastāpanaścaiva śuciḥ saptāśvavāhanaḥ

लोकों का साक्षी, त्रिलोकेश्वर, सृष्टिकर्ता, संहारकर्ता, अंधकार का नाशक, तपन, तापन, पवित्र, सात अश्वों की सवारी करने वाला—

श्लोक 21 (skanda.7.128.21)

गभस्तिहस्तो ब्रह्मा च सर्वदेवनमस्कृतः। एकविंशतिरित्येष स्तव इष्टो महात्मनः

gabhastihasto brahmā ca sarvadevanamaskṛtaḥ| ekaviṁśatirityeṣa stava iṣṭo mahātmanaḥ

रश्मियों को हाथों समान रखने वाला, ब्रह्मा-स्वरूप, सब देवों द्वारा नमस्कृत — इस प्रकार यह इक्कीस नामों वाला स्तोत्र उस महात्मा सूर्य को प्रिय है।

श्लोक 22 (skanda.7.128.22)

शरीरारोग्यदश्चैव धनवृद्धियशस्करः। स्तवराज इति ख्यातस्त्रिषु लोकेषु विश्रुतः

śarīrārogyadaścaiva dhanavṛddhiyaśaskaraḥ| stavarāja iti khyātastriṣu lokeṣu viśrutaḥ

यह शरीर को स्वस्थ रखने वाला, धन में वृद्धि करने वाला तथा यश देने वाला है; तीनों लोकों में यह 'स्तवराज' के नाम से विख्यात है।

श्लोक 23 (skanda.7.128.23)

यश्चानेन महादेवि द्वे संध्येऽस्तमनोदये। स्तौत्यर्कं प्रयतो भूत्वा सर्वपापैः प्रमुच्यते। सर्वकामसमृद्धात्मा सूर्यलोकं स गच्छति

yaścānena mahādevi dve saṁdhye'stamanodaye| stautyarkaṁ prayato bhūtvā sarvapāpaiḥ pramucyate| sarvakāmasamṛddhātmā sūryalokaṁ sa gacchati

हे महादेवि, जो भी इस स्तोत्र से दोनों संध्याओं में, अस्ताचल तथा उदयाचल के समय, पवित्र होकर सूर्य की स्तुति करता है, वह सब पापों से मुक्त हो जाता है और सर्व कामनाओं से समृद्ध होकर सूर्यलोक को जाता है।

श्लोक 24 (skanda.7.128.24)

इत्येवं कथितं देवि माहात्म्यं सागरार्कजम्। श्रुतं दुःखौघशमनं महापातकनाशनम्

ityevaṁ kathitaṁ devi māhātmyaṁ sāgarārkajam| śrutaṁ duḥkhaughaśamanaṁ mahāpātakanāśanam

हे देवि, इस प्रकार सागरादित्य का यह माहात्म्य कहा गया, जिसे सुनने मात्र से दुःखों के समूह का शमन तथा महापापों का नाश होता है।