उग्रसेनेश्वरमाहात्म्यवर्णनम्

श्लोक 1 (skanda.7.129.1)

ईश्वर उवाच। ततो गच्छेन्महादेवि अक्षमालेश्वरं परम्। सागरार्कादीशकोणे पंचाशद्धनुषान्तरे

īśvara uvāca| tato gacchenmahādevi akṣamāleśvaraṁ param| sāgarārkādīśakoṇe paṁcāśaddhanuṣāntare

ईश्वर ने कहा—हे महादेवि, तत्पश्चात् परम अक्षमालेश्वर के पास जाना चाहिए, जो सागरादित्य से ईशान कोण में पचास धनुष की दूरी पर स्थित है।

श्लोक 2 (skanda.7.129.2)

संस्थितं पापशमनं युगलिंगं महाप्रभम्। अक्षमालेश्वरं नाम पुरा तस्य प्रकीर्तितम्। उग्रसेनेश्वरं नाम ख्यातं तस्यैव साम्प्रतम्

saṁsthitaṁ pāpaśamanaṁ yugaliṁgaṁ mahāprabham| akṣamāleśvaraṁ nāma purā tasya prakīrtitam| ugraseneśvaraṁ nāma khyātaṁ tasyaiva sāmpratam

वहाँ स्थित वह महाप्रभावशाली युगल लिंग पापशामक है; पूर्वकाल में उसका नाम अक्षमालेश्वर कहा गया था, और अब वर्तमान में वही उग्रसेनेश्वर नाम से विख्यात है।

श्लोक 3 (skanda.7.129.3)

देव्युवाच। अक्षमालेश्वरं नाम यत्पूर्वं समुदाहृतम्। कथं तदभवद्देव कथयस्व प्रसादतः

devyuvāca| akṣamāleśvaraṁ nāma yatpūrvaṁ samudāhṛtam| kathaṁ tadabhavaddeva kathayasva prasādataḥ

देवी ने कहा—हे देव, कृपा कर मुझे बताइए कि जो पूर्वकाल में अक्षमालेश्वर नाम कहा गया, वह कैसे पड़ा?

श्लोक 4 (skanda.7.129.4)

ईश्वर उवाच। आसीत्पुरा महादेवि सती चाधमयोनिजा। अक्षमालेति वै नाम्ना सतीधर्मपरायणा

īśvara uvāca| āsītpurā mahādevi satī cādhamayonijā| akṣamāleti vai nāmnā satīdharmaparāyaṇā

ईश्वर ने कहा—हे महादेवि, पूर्वकाल में एक साध्वी स्त्री थी, जो निम्न कुल में जन्मी थी और अक्षमाला नाम से जानी जाती थी, वह सती-धर्म में सदा तत्पर रहती थी।

श्लोक 5 (skanda.7.129.5)

कदाचित्समनुप्राप्ते दुर्भिक्षे कालपर्ययात्। ऋषयश्च महादेवि क्षुधाक्रान्ता विचेतसः

kadācitsamanuprāpte durbhikṣe kālaparyayāt| ṛṣayaśca mahādevi kṣudhākrāntā vicetasaḥ

किसी समय कालचक्र के फेर से भीषण दुर्भिक्ष आ पड़ा, और हे महादेवि, ऋषिगण भूख से पीड़ित होकर विचेतन-से हो गए।

श्लोक 6 (skanda.7.129.6)

सर्वे चान्नं परीप्संतो गताश्चण्डालवेश्मनि। ज्ञात्वान्नसंग्रहं तस्य प्रार्थयाञ्चक्रुरन्त्यजम्

sarve cānnaṁ parīpsanto gatāścaṇḍālaveśmani| jñātvānnasaṁgrahaṁ tasya prārthayāñcakrurantyajam

भोजन की इच्छा से सभी ऋषि एक चांडाल के घर गए; उसके पास अन्न का संग्रह जानकर उन्होंने उस अन्त्यज से प्रार्थना की।

श्लोक 7 (skanda.7.129.7)

भोभोऽन्त्यज महाबुद्धे रक्षास्मानन्नदानतः। प्राणसंदेहमापन्नान्कृशांगान्क्षुत्प्रपीडितान्

bhobho'ntyaja mahābuddhe rakṣāsmānannadānataḥ| prāṇasaṁdehamāpannānkṛśāṁgānkṣutprapīḍitān

हे अन्त्यज, हे महाबुद्धिमान्, अन्नदान से हमारी रक्षा करो; हम प्राणसंकट में पड़े, क्षीणकाय तथा भूख से पीड़ित हैं।

श्लोक 8 (skanda.7.129.8)

अहो धन्योऽसि पूज्योऽसि न त्वमन्त्यज उच्यसे। यदस्मिन्प्रलये याते स्थितं धान्यं गृहे तव

aho dhanyo'si pūjyo'si na tvamantyaja ucyase| yadasminpralaye yāte sthitaṁ dhānyaṁ gṛhe tava

अहो, तुम धन्य हो, तुम पूज्य हो, तुम्हें अन्त्यज नहीं कहा जाना चाहिए; क्योंकि इस भीषण अकाल में भी तुम्हारे घर में धान्य विद्यमान है।

श्लोक 9 (skanda.7.129.9)

अनावृष्टिहते देशे सस्ये च प्रलयं गते। एकं यो भोजयेद्विप्रं कोटिर्भवति भोजिता

anāvṛṣṭihate deśe sasye ca pralayaṁ gate| ekaṁ yo bhojayedvipraṁ koṭirbhavati bhojitā

जब देश अनावृष्टि से पीड़ित हो और फसलें नष्ट हो गई हों, उस समय जो एक भी ब्राह्मण को भोजन कराता है, वह मानो करोड़ों को भोजन कराने के समान है।

श्लोक 10 (skanda.7.129.10)

अन्त्यज उवाच। अहो आश्चर्यमतुलं यदेतद्दृश्यतेऽधुना। यदेतन्मद्गृहं प्राप्ता ऋषयश्चान्नकांक्षिणः

antyaja uvāca| aho āścaryamatulaṁ yadetaddṛśyate'dhunā| yadetanmadgṛhaṁ prāptā ṛṣayaścānnakāṁkṣiṇaḥ

अन्त्यज ने कहा—अहो, यह अतुलनीय आश्चर्य है जो अभी देखने को मिल रहा है, कि ऋषिगण अन्न की कामना से मेरे घर आए हैं।

श्लोक 11 (skanda.7.129.11)

शूद्रान्नमपि नादेयं ब्राह्मणैः किमुतान्त्यजात्

śūdrānnamapi nādeyaṁ brāhmaṇaiḥ kimutāntyajāt

शूद्र का अन्न भी ब्राह्मणों के लिए ग्रहण करने योग्य नहीं माना जाता, फिर अन्त्यज के अन्न की तो बात ही क्या!

श्लोक 12 (skanda.7.129.12)

आमं वा यदि वा पक्वं शूद्रान्नं यस्तु भक्षति। स भवेच्छूकरो ग्राम्यस्तस्य वा जायते कुले

āmaṁ vā yadi vā pakvaṁ śūdrānnaṁ yastu bhakṣati| sa bhavecchūkaro grāmyastasya vā jāyate kule

जो भी शूद्र का अन्न, चाहे कच्चा हो या पका हो, खाता है, वह ग्राम्य शूकर बनता है, अथवा उसी के कुल में जन्म लेता है।

श्लोक 13 (skanda.7.129.13)

अमृतं बाह्मणस्यान्नं क्षत्रियान्नं पयः स्मृतम्। वैश्यान्नमन्नमित्याहुः शूद्रान्नं रुधिरं स्मृतम्

amṛtaṁ brāhmaṇasyānnaṁ kṣatriyānnaṁ payaḥ smṛtam| vaiśyānnamannamityāhuḥ śūdrānnaṁ rudhiraṁ smṛtam

ब्राह्मण का अन्न अमृत के समान माना गया है, क्षत्रिय का अन्न दूध के समान कहा गया है, वैश्य का अन्न साधारण अन्न कहा जाता है, तथा शूद्र का अन्न रक्त के समान माना गया है।

श्लोक 14 (skanda.7.129.14)

शूद्रान्नं शूद्रसंपर्कं शूद्रेण च सहासनम्। शूद्रादन्नागमश्चैव ज्वलंतमपि पातयेत्

śūdrānnaṁ śūdrasaṁparkaṁ śūdreṇa ca sahāsanam| śūdrādannāgamaścaiva jvalaṁtamapi pātayet

शूद्र का अन्न, शूद्र का संसर्ग, शूद्र के साथ एक आसन पर बैठना, तथा शूद्र से अन्न प्राप्त करना — यह सब प्रज्वलित तेजस्वी व्यक्ति को भी पतित कर सकता है।

श्लोक 15 (skanda.7.129.15)

अग्निहोत्री तु यो विप्रः शूद्रान्नान्न निवर्तते। एते तस्य प्रणश्यंति आत्मा ब्रह्म त्रयोऽग्नयः

agnihotrī tu yo vipraḥ śūdrānnānna nivartate| ete tasya praṇaśyaṁti ātmā brahma trayo'gnayaḥ

जो अग्निहोत्री ब्राह्मण शूद्र के अन्न से विरत नहीं होता, उसके ये सब — आत्मा, ब्रह्मतेज तथा तीनों अग्नियाँ — नष्ट हो जाते हैं।

श्लोक 16 (skanda.7.129.16)

शूद्रान्नेनोदरस्थेन ब्राह्मणो म्रियते यदि। षण्मासाभ्यन्तरे विप्रः पिशाचः सोऽभिजायते

śūdrānnenodarasthena brāhmaṇo mriyate yadi| ṣaṇmāsābhyantare vipraḥ piśācaḥ so'bhijāyate

यदि किसी ब्राह्मण के पेट में शूद्र का अन्न स्थित रहते हुए वह मर जाता है, तो वह ब्राह्मण छह महीने के भीतर पिशाच बनकर जन्म लेता है।

श्लोक 17 (skanda.7.129.17)

शूद्रान्नेन द्विजो यस्तु अग्निहोत्रं जुहोति च। चण्डालो जायते प्रेत्य शूद्राच्चैवेह दैवतः

śūdrānnena dvijo yastu agnihotraṁ juhoti ca| caṇḍālo jāyate pretya śūdrāccaiveha daivataḥ

जो द्विज शूद्र के अन्न से अग्निहोत्र करता है, वह मरणोपरांत चांडाल के रूप में जन्म लेता है, यद्यपि इस लोक में वह शूद्र से भी श्रेष्ठ देवतुल्य समझा जाता रहा हो।

श्लोक 18 (skanda.7.129.18)

यस्तु भुञ्जति शूद्रान्नं मासमेकं निरन्तरम्। इह जन्मनि शूद्रत्वं मृतः शूद्रोऽभिजायते

yastu bhuñjati śūdrānnaṁ māsamekaṁ nirantaram| iha janmani śūdratvaṁ mṛtaḥ śūdro'bhijāyate

जो निरंतर एक महीने तक शूद्र का अन्न खाता है, वह इसी जन्म में शूद्रत्व को प्राप्त हो जाता है, और मरने पर शूद्र के रूप में जन्म लेता है।

श्लोक 19 (skanda.7.129.19)

राजान्नं तेज आदत्ते शूद्रान्नं ब्रह्मवर्चसम्। आयुः सुवर्णकारान्नं यशश्चर्मावकर्तिनः

rājānnaṁ teja ādatte śūdrānnaṁ brahmavarcasam| āyuḥ suvarṇakārānnaṁ yaśaścarmāvakartinaḥ

राजा का अन्न तेज को हर लेता है, शूद्र का अन्न ब्रह्मतेज को हर लेता है; सुनार का अन्न आयु को, तथा चर्मकार का अन्न यश को हर लेता है।

श्लोक 20 (skanda.7.129.20)

कारुकान्नं प्रजा हन्ति बलं निर्णेजकस्य च। गणान्नं गणिकान्नं च लोकेभ्यः परिकृन्तति

kārukānnaṁ prajā hanti balaṁ nirṇejakasya ca| gaṇānnaṁ gaṇikānnaṁ ca lokebhyaḥ parikṛntati

कारीगर का अन्न संतान को नष्ट करता है, तथा धोबी का अन्न बल को नष्ट करता है; समूह-भोज का अन्न तथा वेश्या का अन्न व्यक्ति को इस लोक से काट देता है।

श्लोक 21 (skanda.7.129.21)

पूयं चिकित्सकस्यान्नं पुंश्चल्याश्चान्नमिन्द्रियम्। विष्ठा वार्धुषिकस्यान्नं शस्त्रविक्रयिणो मलम्

pūyaṁ cikitsakasyānnaṁ puṁścalyāścānnamindriyam| viṣṭhā vārdhuṣikasyānnaṁ śastravikrayiṇo malam

वैद्य का अन्न मवाद के समान है, वेश्या का अन्न वीर्य के समान है; ब्याजखोर का अन्न विष्ठा के समान है, तथा शस्त्र बेचने वाले का अन्न मल के समान है।

श्लोक 22 (skanda.7.129.22)

सहस्रकृत्वस्त्वेतेषामन्ने यद्भक्षिते भवेत्। तदेकवारं भुक्तेन कन्याविक्रयिणो भवेत्

sahasrakṛtvastveteṣāmanne yadbhakṣite bhavet| tadekavāraṁ bhuktena kanyāvikrayiṇo bhavet

इन सबका अन्न हजार बार खाने से जो पाप होता है, वही पाप एक बार कन्या बेचने वाले का अन्न खाने से हो जाता है।

श्लोक 23 (skanda.7.129.23)

सहस्रकृत्वस्तस्यैव भुक्तेऽन्ने यत्फलं भवेत्। तदन्त्यजानामन्नेन सकृद्भुक्तेन वै भवेत्

sahasrakṛtvastasyaiva bhukte'nne yatphalaṁ bhavet| tadantyajānāmannena sakṛdbhuktena vai bhavet

उसी कन्याविक्रेता का अन्न हजार बार खाने से जो फल होता है, वही फल अन्त्यजों का अन्न मात्र एक बार खाने से हो जाता है।

श्लोक 24 (skanda.7.129.24)

तत्कथं मम विप्रेन्द्राश्चंडालस्याधमात्मनः। धर्ममेवं विजानन्तो नूनमन्नं जिहीर्षथ

tatkathaṁ mama viprendrāścaṁḍālasyādhamātmanaḥ| dharmamevaṁ vijānanto nūnamannaṁ jihīrṣatha

तो फिर हे श्रेष्ठ विप्रगण, तुम धर्म को इस प्रकार जानते हुए भी मुझ अधम चांडाल का अन्न लेना क्यों चाहते हो?

श्लोक 25 (skanda.7.129.25)

ऋषय ऊचुः। जीवितात्ययमापन्नो योऽन्नमाद्रियते ततः। आकाश इव पंकेन न स पापेन लिप्यते

ṛṣaya ūcuḥ| jīvitātyayamāpanno yo'nnamādriyate tataḥ| ākāśa iva paṁkena na sa pāpena lipyate

ऋषियों ने कहा—जो व्यक्ति प्राण संकट में पड़कर अन्न ग्रहण करता है, वह पाप से उसी प्रकार लिप्त नहीं होता जैसे आकाश कीचड़ से लिप्त नहीं होता।

श्लोक 26 (skanda.7.129.26)

अजीगर्तः सुतं हंतुमुपसर्पन्बुभुक्षितः। न चालिप्यत पापेन क्षुत्प्रतीघातमाचरन्

ajīgartaḥ sutaṁ haṁtumupasarpanbubhukṣitaḥ| na cālipyata pāpena kṣutpratīghātamācaran

भूख से व्याकुल होकर अजीगर्त ने अपने पुत्र को मारने के लिए आगे बढ़ा, फिर भी क्षुधा को दूर करने के उस कर्म से वह पाप से लिप्त नहीं हुआ।

श्लोक 27 (skanda.7.129.27)

भारद्वाजः क्षुधार्तस्तु सपुत्रो विजने वने। बह्वीर्गा उपजग्राह बृहज्ज्योतिर्महामनाः

bhāradvājaḥ kṣudhārtastu saputro vijane vane| bahvīrgā upajagrāha bṛhajjyotirmahāmanāḥ

भूख से पीड़ित भारद्वाज महामना बृहज्ज्योति अपने पुत्र के साथ निर्जन वन में अनेक गायों को ले गए।

श्लोक 28 (skanda.7.129.28)

क्षुधार्तो गीतमभ्यागाद्विश्वामित्रः श्वजाघनीम्। चण्डालहस्तादादाय धर्माधर्मविचक्षणः

kṣudhārto gītamabhyāgādviśvāmitraḥ śvajāghanīm| caṇḍālahastādādāya dharmādharmavicakṣaṇaḥ

भूख से व्याकुल विश्वामित्र, जो धर्म-अधर्म के विशेषज्ञ थे, चांडाल के हाथ से कुत्ते की जंघा लेकर उसकी ओर बढ़े।

श्लोक 29 (skanda.7.129.29)

श्वमांसमिच्छन्नर्तौ तु धर्मान्न च्ययते स्म सः। प्राणानां परिरक्षार्थं वामदेवो न लिप्तवान्

śvamāṁsamicchannartau tu dharmānna cyayate sma saḥ| prāṇānāṁ parirakṣārthaṁ vāmadevo na liptavān

उचित ऋतु न होने पर भी कुत्ते के मांस की इच्छा करते हुए वे धर्म से च्युत नहीं हुए; प्राणों की रक्षा के लिए वामदेव भी उस पाप से लिप्त नहीं हुए।

श्लोक 30 (skanda.7.129.30)

एवं ज्ञात्वा धर्मबुद्धे सांप्रतं मा विचारय। ददस्वान्नं ददस्वान्नमस्माकमिह याचताम्

evaṁ jñātvā dharmabuddhe sāṁprataṁ mā vicāraya| dadasvānnaṁ dadasvānnamasmākamiha yācatām

हे धर्मबुद्धे, यह जानकर अब और विचार मत करो; हम यहाँ याचना कर रहे हैं, हमें अन्न दो, अन्न दो।

श्लोक 31 (skanda.7.129.31)

चंडाल उवाच। यद्येवं भवतां कार्यमिदमंगीकृतं धुवम्। तदियं मत्सुता कन्या भवद्भिः परिगृह्यताम्

caṁḍāla uvāca| yadyevaṁ bhavatāṁ kāryamidamaṁgīkṛtaṁ dhuvam| tadiyaṁ matsutā kanyā bhavadbhiḥ parigṛhyatām

चांडाल ने कहा—यदि यह आपका निश्चित कार्य है और आप इसे स्वीकार कर चुके हैं, तो मेरी यह पुत्री कन्या आप लोगों द्वारा ग्रहण की जाए।

श्लोक 32 (skanda.7.129.32)

भवतां योग्रणीर्ज्येष्ठः स चेमामुद्वहेद्ध्रुवम्। दास्ये वर्षाशनं पश्चादीप्सितं भवतां द्विजाः

bhavatāṁ yograṇīrjyeṣṭhaḥ sa cemāmudvaheddhruvam| dāsye varṣāśanaṁ paścādīpsitaṁ bhavatāṁ dvijāḥ

आप लोगों में जो अग्रणी और ज्येष्ठ है, वही निश्चय ही इसका पाणिग्रहण करे; हे द्विजो, इसके बाद मैं आपको वर्षभर का इच्छित भोजन दूँगा।

श्लोक 33 (skanda.7.129.33)

ईश्वर उवाच। इत्युक्ता ऋषयो देवि लज्जयाऽऽनतकन्धराः। प्रत्यालोच्य यथान्यायं वसिष्ठं समनूद्वहन्

īśvara uvāca| ityuktā ṛṣayo devi lajjayā'ānatakandharāḥ| pratyālocya yathānyāyaṁ vasiṣṭhaṁ samanūdvahan

ईश्वर ने कहा—हे देवि, यह सुनकर ऋषिगण लज्जा से सिर झुकाए हुए विचार कर, यथोचित न्याय से वसिष्ठ का विवाह उससे करा दिया।

श्लोक 34 (skanda.7.129.34)

वसिष्ठोऽपि समाख्याय आपद्धर्मं महामनाः। कालस्यानन्तरप्रेक्षी प्रोद्ववाहाऽन्त्यजाङ्गनाम्। अक्षमालेति वै नाम्नीं प्रसिद्धा भुवनत्रये

vasiṣṭho'pi samākhyāya āpaddharmaṁ mahāmanāḥ| kālasyānantaraprekṣī prodvavāhā'ntyajāṅganām| akṣamāleti vai nāmnīṁ prasiddhā bhuvanatraye

महामना वसिष्ठ ने भी आपद्धर्म का प्रतिपादन कर, कालचक्र की गति को समझते हुए, उस अन्त्यज कन्या से विवाह किया, जो तीनों लोकों में अक्षमाला नाम से प्रसिद्ध थी।

श्लोक 35 (skanda.7.129.35)

यदा स्वकीयतेजोभिरर्कबिंबमरुन्धत। अरुंधती तदा जाता देवदानववंदिता

yadā svakīyatejobhirarkabiṁbamarundhata| aruṁdhatī tadā jātā devadānavavaṁditā

जब उसने अपने ही तेज से सूर्यमंडल को भी रोक दिया, तब वह अरुंधती नाम से प्रसिद्ध हुई, जो देवों और दानवों दोनों द्वारा वंदित है।

श्लोक 36 (skanda.7.129.36)

यादृशेन तु भर्त्रा स्त्री संयुज्येत यथाविधि। सा तादृगेव भवति समुद्रेणेव निम्नगा

yādṛśena tu bhartrā strī saṁyujyeta yathāvidhi| sā tādṛgeva bhavati samudreṇeva nimnagā

जिस प्रकार के पति से विवाहित स्त्री यथाविधि संयुक्त होती है, वह उसी के समान हो जाती है, जैसे नदी समुद्र में मिलकर उसी के समान हो जाती है।

श्लोक 37 (skanda.7.129.37)

अक्षमाला वसिष्ठेन संयुक्ताऽधमयोनिजा। शार्ङ्गीव मन्दपालेन जगाम ह्यर्हणीयताम्

akṣamālā vasiṣṭhena saṁyuktā'dhamayonijā| śārṅgīva mandapālena jagāma hyarhaṇīyatām

निम्न कुल में जन्मी अक्षमाला भी वसिष्ठ से संयुक्त होकर, जैसे मन्दपाल से जुड़कर शार्ङ्गी पूज्यता को प्राप्त हुई थी, वैसे ही पूज्यता को प्राप्त हुई।

श्लोक 38 (skanda.7.129.38)

एवं कालक्रमेणैव प्रभासं क्षेत्रमागताः। सप्तर्षयो महात्मानो ह्यरुंधत्या समन्विताः

evaṁ kālakrameṇaiva prabhāsaṁ kṣetramāgatāḥ| saptarṣayo mahātmāno hyaruṁdhatyā samanvitāḥ

इस प्रकार कालक्रम से ही महात्मा सप्तर्षि अरुंधती सहित प्रभास क्षेत्र में आए।

श्लोक 39 (skanda.7.129.39)

तीर्थानि प्रेषयामासुः सर्वसिद्धिप्रदानि ताम्

tīrthāni preṣayāmāsuḥ sarvasiddhipradāni tām

उन सर्वसिद्धिप्रद तीर्थों में उन्होंने उसे भेजा।

श्लोक 40 (skanda.7.129.40)

एषामन्वेषमाणानां तव देवी ह्यरुंधती। अपश्यल्लिंगमेकं तु वृक्षजालांतरे स्थितम्

eṣāmanveṣamāṇānāṁ tava devī hyaruṁdhatī| apaśyalliṁgamekaṁ tu vṛkṣajālāṁtare sthitam

उन सप्तर्षियों के अन्वेषण करते हुए, हे देवि, वह अरुंधती एक लिंग को वृक्षों के झुरमुट में स्थित देखा।

श्लोक 41 (skanda.7.129.41)

तं दृष्ट्वा देवदेवेशमेवं जातिस्मराऽभवत्। पूर्वस्मिञ्जन्मनि मया रजोभावांतरस्थया

taṁ dṛṣṭvā devadeveśamevaṁ jātismarā'bhavat| pūrvasmiñjanmani mayā rajobhāvāṁtarasthayā

उस देवाधिदेव को देखकर वह पूर्वजन्म का स्मरण करने वाली हो गई, और सोचने लगी—पूर्वजन्म में रजोगुणी भाव में स्थित मैंने—

श्लोक 42 (skanda.7.129.42)

अज्ञानभावाद्देवेशो नूनं चात्रार्चितः शिवः। तस्मात्कर्मफलं प्राप्तमन्त्यजत्वं द्विजन्मना

ajñānabhāvāddeveśo nūnaṁ cātrārcitaḥ śivaḥ| tasmātkarmaphalaṁ prāptamantyajatvaṁ dvijanmanā

—अज्ञान के कारण मैंने यहीं इस देवेश शिव की अर्चना की थी; उसी कर्म के फलस्वरूप द्विजजन्म होते हुए भी मुझे अन्त्यजत्व प्राप्त हुआ।

श्लोक 43 (skanda.7.129.43)

कस्तेन सदृशो देवः शंभुना भुवनत्रये। राज्यं नियमिनामेवं यो रुष्टोऽपि प्रयच्छति

kastena sadṛśo devaḥ śambhunā bhuvanatraye| rājyaṁ niyamimāmevaṁ yo ruṣṭo'pi prayacchati

उस शंभु के समान त्रिभुवन में कौन देवता है, जो रुष्ट होने पर भी नियमपरायण भक्तों को राज्य प्रदान कर देते हैं?

श्लोक 44 (skanda.7.129.44)

इति संचिंत्य मनसा तत्रैव निरताऽभवत्। पूजयामास तल्लिंगं दिव्याब्दानां शतं प्रिये

iti saṁciṁtya manasā tatraiva niratā'bhavat| pūjayāmāsa talliṁgaṁ divyābdānāṁ śataṁ priye

यह मन में विचारकर वह वहीं तत्पर हो गई; हे प्रिये, उसने सौ दिव्य वर्षों तक उस लिंग की पूजा की।

श्लोक 45 (skanda.7.129.45)

एवं तस्य प्रभावेन दृश्यते गगनांतरे। अरुंधती सती ह्येषा दृष्टा दुष्कृतनाशिनी

evaṁ tasya prabhāvena dṛśyate gaganāṁtare| aruṁdhatī satī hyeṣā dṛṣṭā duṣkṛtanāśinī

इस प्रकार उसी के प्रभाव से यह सती अरुंधती आकाश के मध्य में दिखाई देती है, जिसका दर्शन दुष्कर्मों का नाश करने वाला है।

श्लोक 46 (skanda.7.129.46)

अक्षमालेश्वरस्त्वेवं यथावत्कथितस्तव। ततस्तु द्वापरस्यान्ते कलौ संध्यांशके गते

akṣamāleśvarastvevaṁ yathāvatkathitastava| tatastu dvāparasyānte kalau saṁdhyāṁśake gate

इस प्रकार अक्षमालेश्वर का यह वृत्तांत तुम्हें यथावत् कह दिया गया। तत्पश्चात् द्वापर के अंत में और कलियुग की संध्यांश के आने पर—

श्लोक 47 (skanda.7.129.47)

अंधासुरसुतश्चासीदुग्रसेन इति श्रुतः। स प्रभासं समासाद्य पुत्रार्थं लिंगमेयिवान्

andhāsurasutaścāsīdugrasena iti śrutaḥ| sa prabhāsaṁ samāsādya putrārthaṁ liṁgameyivān

अंधासुर का पुत्र उग्रसेन नाम से विख्यात हुआ; उसने प्रभास क्षेत्र में जाकर पुत्रप्राप्ति के हेतु उस लिंग को प्राप्त किया।

श्लोक 48 (skanda.7.129.48)

अक्षमालेश्वरं नाम ज्ञात्वा माहात्म्यमद्भुतम्। समाराध्य महादेवं नव वर्षाणि पंच च। संप्राप्तवांस्तदा पुत्रं कंसासुरमिति श्रुतम्

akṣamāleśvaraṁ nāma jñātvā māhātmyamadbhutam| samārādhya mahādevaṁ nava varṣāṇi paṁca ca| saṁprāptavāṁstadā putraṁ kaṁsāsuramiti śrutam

अक्षमालेश्वर नामक उस लिंग का अद्भुत माहात्म्य जानकर, उसने चौदह वर्षों तक महादेव की आराधना की; तब उसे कंसासुर नाम से विख्यात पुत्र की प्राप्ति हुई।

श्लोक 49 (skanda.7.129.49)

तत्कालान्तरमारभ्य उग्रसेनेश्वरोऽभवत्। पापघ्नं सर्वजंतूनां दर्शनात्स्पर्शनादपि

tatkālāntaramārabhya ugraseneśvaro'bhavat| pāpaghnaṁ sarvajaṁtūnāṁ darśanātsparśanādapi

उस समय से लेकर यह लिंग उग्रसेनेश्वर नाम से जाना जाने लगा; यह सभी जीवों के लिए दर्शन तथा स्पर्श मात्र से भी पापनाशक है।

श्लोक 50 (skanda.7.129.50)

ब्रह्महत्या सुरापानं स्तेयं गुर्वंगनागमः। महान्ति पातकान्याहुर्नश्यंति तस्य दर्शनात्

brahmahatyā surāpānaṁ steyaṁ gurvaṁganāgamaḥ| mahānti pātakānyāhurnaśyaṁti tasya darśanāt

ब्रह्महत्या, सुरापान, चोरी, तथा गुरुपत्नीगमन — ये जो महापातक कहे गए हैं, वे सब उसके दर्शन मात्र से नष्ट हो जाते हैं।

श्लोक 51 (skanda.7.129.51)

तत्रैव ऋषिपञ्चम्यां प्राप्ते भाद्रपदे शुभे। अक्षमालेश्वरं पूज्य मुच्यते नारकाद्भयात्

tatraiva ṛṣipañcamyāṁ prāpte bhādrapade śubhe| akṣamāleśvaraṁ pūjya mucyate nārakādbhayāt

भाद्रपद मास की शुभ ऋषिपंचमी को वहीं जाकर अक्षमालेश्वर की पूजा करने से मनुष्य नरक के भय से मुक्त हो जाता है।

श्लोक 52 (skanda.7.129.52)

गोप्रदानं प्रशंसंति तत्रान्नमुदकं तथा। सर्वपापविनाशाय प्रेत्यानंतसुखाय च

gopradānaṁ praśaṁsaṁti tatrānnamudakaṁ tathā| sarvapāpavināśāya pretyānaṁtasukhāya ca

वहाँ गोदान, अन्नदान तथा जलदान की भी प्रशंसा की गई है, जो सर्वपापों के नाश तथा मृत्यु के पश्चात् अनंत सुख की प्राप्ति के लिए होते हैं।

श्लोक 53 (skanda.7.129.53)

इति ते कथितं देवि ह्यक्षमालेश्वरोद्भवम्। माहात्म्यं पापशमनं श्रुतं दुःखनिबर्हणम्

iti te kathitaṁ devi hyakṣamāleśvarodbhavam| māhātmyaṁ pāpaśamanaṁ śrutaṁ duḥkhanibarhaṇam

हे देवि, इस प्रकार तुम्हें अक्षमालेश्वर की उत्पत्ति का यह पापशामक माहात्म्य कहा गया, जिसके श्रवण मात्र से दुःखों का निवारण होता है।