दुःखान्तकारिणीतिलागौरीमाहात्म्यवर्णनम्

श्लोक 1 (skanda.7.135.1)

ईश्वर उवाच। तत्रैव संस्थितां पश्येद्देवीं दुःखांतकारिणीम्। शीतलेति पुरा ख्याता युगे द्वापरसंज्ञिते। कलौ पुनः समाख्यातां कलिदुःखान्तकारिणीम्

īśvara uvāca| tatraiva saṁsthitāṁ paśyeddevīṁ duḥkhāṁtakāriṇīm| śītaleti purā khyātā yuge dvāparasaṁjñite| kalau punaḥ samākhyātāṁ kaliduḥkhāntakāriṇīm

ईश्वर ने कहा—वहीं दुःखों का अंत करने वाली देवी का दर्शन करना चाहिए; द्वापर युग में वह शीतला नाम से विख्यात थीं, और कलियुग में पुनः 'कलिदुःखांतकारिणी' नाम से जानी जाती हैं।

श्लोक 2 (skanda.7.135.2)

शीतलं कुरुते देहं बालानां रोगवर्जितम्। पूजिता भक्तिभावेन तेन सा शीतला स्मृता

śītalaṁ kurute dehaṁ bālānāṁ rogavarjitam| pūjitā bhaktibhāvena tena sā śītalā smṛtā

वह बालकों के शरीर को रोगरहित तथा शीतल बना देती हैं; भक्तिभाव से पूजित होने के कारण वह शीतला के नाम से स्मृत हैं।

श्लोक 3 (skanda.7.135.3)

विस्फोटानां प्रशांत्यर्थं बालानां चैव कारणात्। मानेन मापितान्कृत्वा मसूरांस्तत्र कुट्टयेत्

visphoṭānāṁ praśāṁtyarthaṁ bālānāṁ caiva kāraṇāt| mānena māpitānkṛtvā masūrāṁstatra kuṭṭayet

बालकों के फफोलों की शांति के लिए, नाप से मापी हुई मसूर की दाल को वहाँ कूटना चाहिए।

श्लोक 4 (skanda.7.135.4)

शीतलापुरतो दत्त्वा बालाः सन्तु निरामयाः। विस्फोटचर्चिकादीनां वातादीनां शमो भवेत्

śītalāpurato dattvā bālāḥ santu nirāmayāḥ| visphoṭacarcikādīnāṁ vātādīnāṁ śamo bhavet

शीतला के समक्ष उसे अर्पित करने से बालक रोगरहित रहें; फफोले, चर्चिका आदि तथा वातज रोगों की शांति होती है।

श्लोक 5 (skanda.7.135.5)

श्राद्धं तत्रैव कुर्वीत ब्राह्मणांस्तत्र भोजयेत्

śrāddhaṁ tatraiva kurvīta brāhmaṇāṁstatra bhojayet

वहीं श्राद्ध करना चाहिए और वहीं ब्राह्मणों को भोजन कराना चाहिए।

श्लोक 6 (skanda.7.135.6)

कर्पूरं कुसुमं चैव मृगनाभिं सुचन्दनम्। पुष्पाणि च सुगन्धानि नैवेद्यं घृतपायसम्। निवेद्य देव्यै तत्सर्वं दंपत्योः परिधापयेत्

karpūraṁ kusumaṁ caiva mṛganābhiṁ sucandanam| puṣpāṇi ca sugandhāni naivedyaṁ ghṛtapāyasam| nivedya devyai tatsarvaṁ daṁpatyoḥ paridhāpayet

कपूर, पुष्प, कस्तूरी, उत्तम चंदन, सुगंधित फूल, तथा घी से बनी खीर का नैवेद्य — यह सब देवी को अर्पित कर, दंपति को पहनाना चाहिए।

श्लोक 7 (skanda.7.135.7)

नवम्यां शुक्लपक्षे तु मालां विल्वमयीं शुभाम्। भक्त्या निवेद्य तां देव्यै सर्वसिद्धिमवाप्नुयात्

navamyāṁ śuklapakṣe tu mālāṁ vilvamayīṁ śubhām| bhaktyā nivedya tāṁ devyai sarvasiddhimavāpnuyāt

शुक्ल पक्ष की नवमी को शुभ बिल्वपत्रों की माला भक्तिपूर्वक देवी को अर्पित कर, मनुष्य सब सिद्धियों को प्राप्त करता है।