यमेश्वरमाहात्म्यवर्णनम्

श्लोक 1 (skanda.7.146.1)

ईश्वर उवाच। ततो गच्छेन्महादेवि धर्मराजप्रतिष्ठितम्। यमेश्वरं महादेवं तस्यैवोत्तरतः स्थितम्

īśvara uvāca| tato gacchenmahādevi dharmarājapratiṣṭhitam| yameśvaraṁ mahādevaṁ tasyaivottarataḥ sthitam

ईश्वर ने कहा—हे महादेवि, तदनन्तर धर्मराज द्वारा प्रतिष्ठित यमेश्वर महादेव के पास जाना चाहिए, जो उसी स्थान के उत्तर में स्थित हैं।

श्लोक 2 (skanda.7.146.2)

यदा शप्तो धर्मराजश्छायया वरवर्णिनि। तदा तस्यापतत्पादः स च दुःखान्वितोऽभवत्

yadā śapto dharmarājaśchāyayā varavarṇini| tadā tasyāpatatpādaḥ sa ca duḥkhānvito'bhavat

हे वरवर्णिनि, जब धर्मराज छाया द्वारा शापित हुए, तब उनका पैर गिर पड़ा और वे दुःख से युक्त हो गये।

श्लोक 3 (skanda.7.146.3)

ततः प्राभासिके क्षेत्रे तपस्तेपे महातपाः। स्थापयामास लिंगं तु तत्र देवस्य शूलिनः

tataḥ prābhāsike kṣetre tapastepe mahātapāḥ| sthāpayāmāsa liṁgaṁ tu tatra devasya śūlinaḥ

तब उस महातपस्वी ने प्राभासिक क्षेत्र में तप किया और वहाँ त्रिशूलधारी देव का लिंग स्थापित किया।

श्लोक 4 (skanda.7.146.4)

तस्य तुष्टो महादेवस्ततः प्रत्यक्षतां गतः। अब्रवीद्धर्म भद्रं ते वरं वरय चेप्सितम्

tasya tuṣṭo mahādevastataḥ pratyakṣatāṁ gataḥ| abravīddharma bhadraṁ te varaṁ varaya cepsitam

उससे प्रसन्न होकर महादेव तब प्रत्यक्ष हुए और बोले—हे धर्म, तुम्हारा कल्याण हो, अभीष्ट वर माँगो।

श्लोक 5 (skanda.7.146.5)

तदाऽब्रवीद्धर्मराजः पादः प्रपतितो मम। प्रसादात्तव देवेश जायतां पुनरेव हि

tadā'bravīddharmarājaḥ pādaḥ prapatito mama| prasādāttava deveśa jāyatāṁ punareva hi

तब धर्मराज ने कहा—मेरा पैर गिर पड़ा है; हे देवेश, आपकी कृपा से वह पुनः उत्पन्न हो जाए।

श्लोक 6 (skanda.7.146.6)

एतल्लिंगं सुरश्रेष्ठ यन्मया निर्मितं तव। एतद्ये भक्तिसंयुक्ताः पश्यंति प्राणिनो भुवि

etalliṁgaṁ suraśreṣṭha yanmayā nirmitaṁ tava| etadye bhaktisaṁyuktāḥ paśyaṁti prāṇino bhuvi

हे देवश्रेष्ठ, आपका यह जो लिंग मेरे द्वारा निर्मित किया गया है, भूतल पर भक्तियुक्त होकर जो प्राणी इसका दर्शन करते हैं,

श्लोक 7 (skanda.7.146.7)

तेषां तव प्रसादेन भूयात्पापविमोक्षणम्

teṣāṁ tava prasādena bhūyātpāpavimokṣaṇam

उनके लिए आपकी कृपा से पापों से मुक्ति हो जाए।

श्लोक 8 (skanda.7.146.8)

एवं भविष्यतीत्युक्ता ह्यन्तर्धानं गतो हरः। यमोऽपि लब्धपादस्तु पुनरेव दिवं ययौ

evaṁ bhaviṣyatītyuktā hyantardhānaṁ gato haraḥ| yamo'pi labdhapādastu punareva divaṁ yayau

'ऐसा ही होगा' यह कहकर हर अन्तर्धान हो गये; और पैर पुनः प्राप्त कर यम भी फिर से स्वर्गलोक को चले गये।

श्लोक 9 (skanda.7.146.9)

तस्मिन्दृष्टे सुरश्रेष्ठ यमलोकसमुद्भवम्। न भयं विद्यते नृणामपि दुष्कृतकारिणाम्

tasmindṛṣṭe suraśreṣṭha yamalokasamudbhavam| na bhayaṁ vidyate nṛṇāmapi duṣkṛtakāriṇām

हे देवश्रेष्ठ, उस लिंग का दर्शन होने पर मनुष्यों को, दुष्कर्म करने वालों को भी, यमलोक से उत्पन्न होने वाला भय नहीं रहता।

श्लोक 10 (skanda.7.146.10)

भ्रातृद्वितीयासंयोगे स्नात्वा पुष्करिणीजले। यमेश्वरसमीपस्थो यमेशमवलोकयेत्

bhrātṛdvitīyāsaṁyoge snātvā puṣkariṇījale| yameśvarasamīpastho yameśamavalokayet

भ्रातृद्वितीया के संयोग में पुष्करिणी के जल में स्नान करके यमेश्वर के समीप खड़े होकर यमेश का अवलोकन करना चाहिए।

श्लोक 11 (skanda.7.146.11)

तिलपात्रं प्रदातव्यं दीपं गाः कांचनादिकम्। यमदेवं समुद्दिश्य मुच्यते सर्वपातकैः

tilapātraṁ pradātavyaṁ dīpaṁ gāḥ kāṁcanādikam| yamadevaṁ samuddiśya mucyate sarvapātakaiḥ

तिल का पात्र, दीपक, गौएँ, सुवर्ण आदि यमदेव के उद्देश्य से देने चाहिए; इससे मनुष्य समस्त पापों से मुक्त हो जाता है।