कुशकादिलिंगचतुष्टयमाहात्म्यवर्णनम्

श्लोक 1 (skanda.7.173.1)

ततो गच्छेन्महादेवि लिंगानां च चतुष्टयम्। एकस्थानस्थितानां तु सावित्र्यास्तत्र पश्चिमे

tato gacchenmahādevi liṁgānāṁ ca catuṣṭayam| ekasthānasthitānāṁ tu sāvitryāstatra paścime

इसके पश्चात् हे महादेवि, एक ही स्थान पर स्थित चार लिंगों के समूह के पास जाना चाहिए, जो वहाँ सावित्री के पश्चिम में हैं।

श्लोक 2 (skanda.7.173.2)

लिंगानां द्वितयं पूर्वे पश्चिमे सम्मुखद्वयम्। कुशकेश्वरनामेति लिंगं वै प्रथमं स्मृतम्

liṁgānāṁ dvitayaṁ pūrve paścime sammukhadvayam| kuśakeśvaranāmeti liṁgaṁ vai prathamaṁ smṛtam

दो लिंग पूर्व में और दो आमने-सामने पश्चिम में हैं; इनमें प्रथम लिंग कुशकेश्वर नाम से स्मरण किया गया है।

श्लोक 3 (skanda.7.173.3)

गर्गेश्वरं द्वितीयं तु तृतीयं पुष्करेश्वरम्। मैत्रेयेश्वरनामेति चतुर्थं समुदाहृतम्

gargeśvaraṁ dvitīyaṁ tu tṛtīyaṁ puṣkareśvaram| maitreyeśvaranāmeti caturthaṁ samudāhṛtam

दूसरा गर्गेश्वर, तीसरा पुष्करेश्वर तथा चौथा मैत्रेयेश्वर नाम से कहा गया है।

श्लोक 4 (skanda.7.173.4)

एतानि यस्तु लिंगानि पश्येद्भक्त्या जितेन्द्रियः। स मुक्तः पातकैः सर्वैर्गच्छेच्छिवपुरं महत्

etāni yastu liṁgāni paśyedbhaktyā jitendriyaḥ| sa muktaḥ pātakaiḥ sarvairgacchecchivapuraṁ mahat

जो जितेन्द्रिय पुरुष भक्तिपूर्वक इन लिंगों का दर्शन करता है, वह समस्त पापों से मुक्त होकर महान् शिवपुर को जाता है।

श्लोक 5 (skanda.7.173.5)

शुक्लपक्षे चतुर्दश्यां वैशाखे तु विशेषतः। स्नानं कृत्वा प्रयत्नेन ब्राह्मणांस्तत्र भोजयेत्

śuklapakṣe caturdaśyāṁ vaiśākhe tu viśeṣataḥ| snānaṁ kṛtvā prayatnena brāhmaṇāṁstatra bhojayet

विशेषरूप से वैशाख मास के शुक्ल पक्ष की चतुर्दशी को यत्नपूर्वक स्नान कर वहाँ ब्राह्मणों को भोजन कराना चाहिए।

श्लोक 6 (skanda.7.173.6)

तेभ्यो दद्याद्यथाशक्त्या काञ्चनं वसनानि च। एवं कृते भवेद्यात्रा परिपूर्णा सुरेश्वरि

tebhyo dadyādyathāśaktyā kāñcanaṁ vasanāni ca| evaṁ kṛte bhavedyātrā paripūrṇā sureśvari

उन्हें यथाशक्ति स्वर्ण और वस्त्र देने चाहिए; हे सुरेश्वरि, ऐसा करने पर यात्रा परिपूर्ण होती है।