दक्षयज्ञविध्वंसनम्

श्लोक 1 (skanda.7.199.1)

ईश्वर उवाच। ततो गच्छेन्महादेवि तस्य दक्षिणतः स्थितम्। सरस्वत्यास्तटे रम्ये देवं तत्र कृतस्मरम्

īśvara uvāca| tato gacchenmahādevi tasya dakṣiṇataḥ sthitam| sarasvatyāstaṭe ramye devaṁ tatra kṛtasmaram

ईश्वर ने कहा—हे महादेवि, तदनन्तर उसी महाप्रभास के दक्षिण में स्थित, सरस्वती के रमणीय तट पर स्थित उस कृतस्मर देव के पास जाना चाहिए।

श्लोक 2 (skanda.7.199.2)

स्वयंभूतं महादेवि सर्वपापप्रणाशनम्। तस्योत्पत्तिं प्रवक्ष्यामि यथा जातं महीतले

svayaṁbhūtaṁ mahādevi sarvapāpapraṇāśanam| tasyotpattiṁ pravakṣyāmi yathā jātaṁ mahītale

हे महादेवि, वह स्वयंभू है और समस्त पापों का नाशक है; अब मैं उसकी उत्पत्ति का वर्णन करूँगा, जिस प्रकार वह पृथ्वीतल पर प्रकट हुआ।

श्लोक 3 (skanda.7.199.3)

पुरा कामो मया दग्धो यदा तत्र वरानने। तदा रतिः समागम्य विललाप सुदुःखिता

purā kāmo mayā dagdho yadā tatra varānane| tadā ratiḥ samāgamya vilalāpa suduḥkhitā

हे वरानने, पूर्वकाल में जब मैंने वहाँ काम को भस्म कर दिया था, तब रति वहाँ आकर अत्यन्त दुःखित होकर विलाप करने लगी।

श्लोक 4 (skanda.7.199.4)

तां तु शोकातुरां दृष्ट्वा तत्राहं करुणान्वितः। अवोचं मा रुदिष्वेति तव भर्ता पुनः शुभे। समुत्थास्यति कालेन मत्प्रसादान्न संशयः

tāṁ tu śokāturāṁ dṛṣṭvā tatrāhaṁ karuṇānvitaḥ| avocaṁ mā rudiṣveti tava bhartā punaḥ śubhe| samutthāsyati kālena matprasādānna saṁśayaḥ

उसे शोकाकुल देखकर मुझे वहाँ करुणा हुई; मैंने कहा—रोओ मत, हे शुभे, तुम्हारा पति मेरी कृपा से समय आने पर पुनः उठ खड़ा होगा, इसमें कोई संशय नहीं।

श्लोक 5 (skanda.7.199.5)

देव्युवाच। किमर्थं स पुरा दग्धः कामदेवस्त्वया विभो। कथमाप पुनर्जन्म विस्तरात्कथयस्व मे

devyuvāca| kimarthaṁ sa purā dagdhaḥ kāmadevastvayā vibho| kathamāpa punarjanma vistarātkathayasva me

देवी ने कहा—हे विभो, आपने पूर्वकाल में कामदेव को किस कारण भस्म किया था? उसे पुनर्जन्म किस प्रकार प्राप्त हुआ? यह मुझे विस्तार से बताइए।

श्लोक 6 (skanda.7.199.6)

ईश्वर उवाच। दक्षः प्रजापतिः पूर्वं बभूव त्वत्पिता प्रिये। शतं सुतानां जज्ञेऽस्य गौरीणां दीर्घचक्षुषाम्

īśvara uvāca| dakṣaḥ prajāpatiḥ pūrvaṁ babhūva tvatpitā priye| śataṁ sutānāṁ jajñe'sya gaurīṇāṁ dīrghacakṣuṣām

ईश्वर ने कहा—हे प्रिये, पहले दक्ष प्रजापति तुम्हारे पिता हुए; उनकी सौ गौरवर्णा, दीर्घनेत्रा कन्याएँ उत्पन्न हुईं।

श्लोक 7 (skanda.7.199.7)

ददौ त्वां प्रथमं मह्यं सतीनामेति कीर्तिताम्। ददौ दश च धर्माय श्रद्धा मेधा धृतिः क्षमा

dadau tvāṁ prathamaṁ mahyaṁ satīnāmeti kīrtitām| dadau daśa ca dharmāya śraddhā medhā dhṛtiḥ kṣamā

उसने पहले सतियों में अग्रगण्य के रूप में विख्यात तुम्हें मुझे दिया; तथा धर्म को दस कन्याएँ दीं—श्रद्धा, मेधा, धृति, क्षमा,

श्लोक 8 (skanda.7.199.8)

अनसूया शुचिर्लज्जा स्मृतिः शक्तिः श्रुतिस्तथा। द्वे भार्ये कामदेवाय रतिः प्रीतिस्तथैव च

anasūyā śucirlajjā smṛtiḥ śaktiḥ śrutistathā| dve bhārye kāmadevāya ratiḥ prītistathaiva ca

अनसूया, शुचि, लज्जा, स्मृति, शक्ति और श्रुति; तथा कामदेव को दो पत्नियाँ दीं—रति और प्रीति।

श्लोक 9 (skanda.7.199.9)

एकां स्वाहां ददौ वह्नेः पितॄणां च ततः स्वधाम्। सप्तविंशच्छशाङ्काय अश्विन्याद्याः प्रकीर्तिताः

ekāṁ svāhāṁ dadau vahneḥ pitṝṇāṁ ca tataḥ svadhām| saptaviṁśacchaśāṅkāya aśvinyādyāḥ prakīrtitāḥ

अग्नि को एक स्वाहा दी, तथा पितरों को स्वधा दी; चन्द्रमा को अश्विनी आदि सत्ताईस कन्याएँ कही गईं।

श्लोक 10 (skanda.7.199.10)

तवापि विदिता देवि रेवत्यन्तास्तथा जने। कश्यपाय ददौ देवि स तु कन्यास्त्रयोदश

tavāpi viditā devi revatyantāstathā jane| kaśyapāya dadau devi sa tu kanyāstrayodaśa

हे देवि, रेवती तक की वे कन्याएँ जगत् में तुम्हें भी ज्ञात हैं; हे देवि, उसने कश्यप को तेरह कन्याएँ दीं।

श्लोक 11 (skanda.7.199.11)

अदितिश्च दितिश्चैव विनता कद्रुरेव च। सिंहिका सुप्रभा चैव उलूकी या वरानने

aditiśca ditiścaiva vinatā kadrureva ca| siṁhikā suprabhā caiva ulūkī yā varānane

अदिति, दिति, विनता, कद्रू, सिंहिका, सुप्रभा और उलूकी—हे वरानने,

श्लोक 12 (skanda.7.199.12)

अनुविद्धा सिता चैव ईर्ष्या हिंसा तथा परा। माया निष्कृतिसंयुक्ता दक्षः पूर्वं महामतिः

anuviddhā sitā caiva īrṣyā hiṁsā tathā parā| māyā niṣkṛtisaṁyuktā dakṣaḥ pūrvaṁ mahāmatiḥ

अनुविद्धा, सिता, ईर्ष्या, हिंसा, तथा दूसरी माया और निष्कृति—ये सब पूर्वकाल में महामति दक्ष ने,

श्लोक 13 (skanda.7.199.13)

गौरी च सुप्रभा चैव वार्त्ता साध्वी सुमालिका। वरुणाय ददौ पञ्च तदाऽसौ पर्वतात्मजे

gaurī ca suprabhā caiva vārttā sādhvī sumālikā| varuṇāya dadau pañca tadā'sau parvatātmaje

हे पर्वतात्मजे, गौरी, सुप्रभा, वार्त्ता, साध्वी और सुमालिका—ये पाँच कन्याएँ उसने वरुण को दीं।

श्लोक 14 (skanda.7.199.14)

भद्रा च मदिरा चैव विद्या धन्या धना शुभा। ददौ पञ्च कुबेराय पत्न्यर्थं पर्वतात्मजे

bhadrā ca madirā caiva vidyā dhanyā dhanā śubhā| dadau pañca kuberāya patnyarthaṁ parvatātmaje

हे पर्वतात्मजे, भद्रा, मदिरा, विद्या, धन्या और धना—ये शुभ पाँच कन्याएँ उसने पत्नी के रूप में कुबेर को दीं।

श्लोक 15 (skanda.7.199.15)

जया च विजया चैव मधुस्पन्दा इरावती। सुप्रिया जनका कान्ता सुभद्रा धार्मिका शुभा

jayā ca vijayā caiva madhuspandā irāvatī| supriyā janakā kāntā subhadrā dhārmikā śubhā

जया, विजया, मधुस्पन्दा, इरावती, सुप्रिया, जनका, कान्ता, सुभद्रा, धार्मिका और शुभा—

श्लोक 16 (skanda.7.199.16)

रुद्राणां प्रददौ कन्या दशानां धर्मवित्तदा। प्रभावती सुभद्रा च विमला निर्मलाऽनृता

rudrāṇāṁ pradadau kanyā daśānāṁ dharmavittadā| prabhāvatī subhadrā ca vimalā nirmalā'nṛtā

इन दस कन्याओं को धर्मज्ञ दक्ष ने दस रुद्रों को दिया; प्रभावती, सुभद्रा, विमला, निर्मला, अनृता,

श्लोक 17 (skanda.7.199.17)

तीव्रा दक्षारुणा विद्या धारपाला च वर्चसा। आदित्यानां ददौ दक्षः कन्याद्वादशकं प्रिये

tīvrā dakṣāruṇā vidyā dhārapālā ca varcasā| ādityānāṁ dadau dakṣaḥ kanyādvādaśakaṁ priye

तीव्रा, दक्षारुणा, विद्या, धारपाला और वर्चसा—हे प्रिये, इन बारह कन्याओं को दक्ष ने आदित्यों को दिया।

श्लोक 18 (skanda.7.199.18)

योगनिद्राभिभूतस्य संसर्पा सरमा गुहा। माला चंपा तथा ज्योत्स्ना स विश्वेभ्यश्च एव च

yoganidrābhibhūtasya saṁsarpā saramā guhā| mālā campā tathā jyotsnā sa viśvebhyaśca eva ca

संसर्पा, सरमा, गुहा, माला, चंपा और ज्योत्स्ना—इन कन्याओं को विश्वेदेवों को दिया,

श्लोक 19 (skanda.7.199.19)

अश्विभ्यां द्वे तथा कन्ये सुवेषा भूषणा शुभा। एका कन्या तथा वायोर्दत्ता एताः प्रकीर्तिताः

aśvibhyāṁ dve tathā kanye suveṣā bhūṣaṇā śubhā| ekā kanyā tathā vāyordattā etāḥ prakīrtitāḥ

अश्विनीकुमारों को दो कन्याएँ—सुवेषा और शुभ भूषणा दीं; तथा वायु को एक कन्या दी—ये सब कही गईं।

श्लोक 20 (skanda.7.199.20)

सावित्रीं ब्रह्मणे प्रादाल्लक्ष्मीं विष्णोर्महात्मनः। कस्यचित्त्वथ कालस्य स ईजे दक्षिणावता

sāvitrīṁ brahmaṇe prādāllakṣmīṁ viṣṇormahātmanaḥ| kasyacittvatha kālasya sa īje dakṣiṇāvatā

सावित्री को ब्रह्मा को दिया और लक्ष्मी को महात्मा विष्णु को दिया। फिर किसी समय दक्ष ने दक्षिणा-युक्त यज्ञ किया।

श्लोक 21 (skanda.7.199.21)

यज्ञेन पर्वतसुते हिमवन्ते महागिरौ। यज्ञवाटो ह्यभूत्तस्य सर्वकामसमृद्धिमान्

yajñena parvatasute himavante mahāgirau| yajñavāṭo hyabhūttasya sarvakāmasamṛddhimān

हे पर्वतसुते, यह यज्ञ महागिरि हिमवान् पर हुआ; उसका यज्ञस्थल समस्त कामनाओं से समृद्ध था।

श्लोक 22 (skanda.7.199.22)

तस्मिन्यज्ञे समायाता आदित्या वसव स्तथा। विश्वेदेवाश्च मरुतो लोकपालाश्च सर्वशः

tasminyajñe samāyātā ādityā vasava stathā| viśvedevāśca maruto lokapālāśca sarvaśaḥ

उस यज्ञ में आदित्यगण, वसुगण, विश्वेदेव, मरुद्गण और समस्त लोकपाल एकत्रित हुए।

श्लोक 23 (skanda.7.199.23)

ब्रह्मा विष्णुः सहस्राक्षो वारुणो यम एव च। धनदश्च कुमारश्च तथा नद्यश्च सागराः

brahmā viṣṇuḥ sahasrākṣo vāruṇo yama eva ca| dhanadaśca kumāraśca tathā nadyaśca sāgarāḥ

ब्रह्मा, विष्णु, सहस्राक्ष (इन्द्र), वरुण, यम, कुबेर, कुमार (कार्तिकेय), तथा नदियाँ और सागर भी वहाँ आए।

श्लोक 24 (skanda.7.199.24)

वाप्यः कूपास्तथा चैव तडागाः पल्वलानि च। सुपर्णश्चाथ ये नागाः सर्वे मूर्ता व्यवस्थिताः

vāpyaḥ kūpāstathā caiva taḍāgāḥ palvalāni ca| suparṇaścātha ye nāgāḥ sarve mūrtā vyavasthitāḥ

बावड़ियाँ, कूप, तालाब और छोटे जलाशय भी वहाँ आए; गरुड़ और नागगण भी सब मूर्तिमान होकर वहाँ उपस्थित हुए।

श्लोक 25 (skanda.7.199.25)

दानवाप्सरसश्चैव यक्षाः किन्नरगुह्यकाः। सानुगास्ते सभार्याश्च वेदवेदांगपारगाः

dānavāpsarasaścaiva yakṣāḥ kinnaraguhyakāḥ| sānugāste sabhāryāśca vedavedāṁgapāragāḥ

दानव, अप्सराएँ, यक्ष, किन्नर, गुह्यक—ये सब अपने अनुचरों और पत्नियों सहित तथा वेद-वेदांगपारंगत होकर वहाँ उपस्थित हुए।

श्लोक 26 (skanda.7.199.26)

महर्षयो महाभागास्तथा देवर्षयश्च ये। ते भार्यासहितास्तत्र वसंति च वरानने

maharṣayo mahābhāgāstathā devarṣayaśca ye| te bhāryāsahitāstatra vasaṁti ca varānane

जो महर्षि, महाभाग और देवर्षि थे, वे सब अपनी पत्नियों सहित वहाँ निवास करने लगे, हे वरानने।

श्लोक 27 (skanda.7.199.27)

कपालमालाभरणश्चिताभस्म बिभर्ति यः। अपवित्रतया शंभुर्नाहूतस्तु तथाविधः

kapālamālābharaṇaścitābhasma bibharti yaḥ| apavitratayā śaṁbhurnāhūtastu tathāvidhaḥ

किन्तु जो कपालों की माला धारण करते हैं और चिता की भस्म शरीर पर लगाए रहते हैं, वे शंभु—इस प्रकार के होने के कारण अपवित्र मानकर आमन्त्रित नहीं किए गए।

श्लोक 28 (skanda.7.199.28)

यतस्ततः समायाताः कैलासे पर्वतोत्तमे। अश्विन्याद्या भगिन्यस्तास्त्वां प्रतीदं वचोऽबुवन्

yatastataḥ samāyātāḥ kailāse parvatottame| aśvinyādyā bhaginyastāstvāṁ pratīdaṁ vaco'buvan

इसलिए वहाँ-वहाँ से आकर, कैलास पर्वत पर स्थित होकर, अश्विनी आदि उन बहिनों ने तुमसे यह वचन कहा—

श्लोक 29 (skanda.7.199.29)

किं तुष्टेव च कल्याणि तिष्ठसि त्वं सुमध्यमे। वयं च प्रस्थिताः सर्वाः पितुर्यज्ञे सभर्तृकाः

kiṁ tuṣṭeva ca kalyāṇi tiṣṭhasi tvaṁ sumadhyame| vayaṁ ca prasthitāḥ sarvāḥ pituryajñe sabhartṛkāḥ

हे कल्याणि, हे सुमध्यमे, तुम मानो संतुष्ट होकर यहाँ क्यों बैठी हो? हम सब पति सहित पिता के यज्ञ में जा रही हैं।

श्लोक 30 (skanda.7.199.30)

वयमाकारितास्तेन सुताः सर्वा यशस्विनि। न त्वामाहूतवान्दक्षस्त्रपते शंकराद्यतः

vayamākāritāstena sutāḥ sarvā yaśasvini| na tvāmāhūtavāndakṣastrapate śaṅkarādyataḥ

हे यशस्विनि, हम सब पुत्रियों को उसने बुलाया है; किन्तु शंकर के कारण, हे लज्जायुक्त, दक्ष ने तुम्हें आमन्त्रित नहीं किया।

श्लोक 31 (skanda.7.199.31)

तासां वचनमाकर्ण्य सती प्राह क्रुधान्विता। हा धिग्दक्ष दुराचार किं वदिष्ये महेश्वरम्

tāsāṁ vacanamākarṇya satī prāha krudhānvitā| hā dhigdakṣa durācāra kiṁ vadiṣye maheśvaram

उनके वचन सुनकर सती क्रोधित होकर बोली—हा! धिक्कार है दुराचारी दक्ष को! अब मैं महेश्वर से क्या कहूँगी?

श्लोक 32 (skanda.7.199.32)

कथं संदर्शये वक्त्रमित्युक्त्वाऽऽत्मानमात्मना। विससर्ज तपोयोगात्सस्मारान्यन्न किञ्चन

kathaṁ saṁdarśaye vaktramityuktvātmānamātmanā| visasarja tapoyogātsasmārānyanna kiñcana

मैं कैसे उन्हें अपना मुख दिखाऊँगी?—ऐसा कहकर उसने तप-योग के द्वारा अपने आप को स्वयं त्याग दिया, बिना कुछ और स्मरण किए।

श्लोक 33 (skanda.7.199.33)

अथ दृष्ट्वा महादेवः सतीं प्राणैर्विना स्थिताम्। अवमानात्तथाऽऽत्मानं त्यक्त्वा मत्वा कपालिनम्

atha dṛṣṭvā mahādevaḥ satīṁ prāṇairvinā sthitām| avamānāttathātmānaṁ tyaktvā matvā kapālinam

फिर सती को प्राणरहित पड़ी देखकर महादेव ने जान लिया कि उसने अपमान के कारण अपने शरीर को त्याग दिया है, कपाली (शिव) का ही स्मरण करते हुए।

श्लोक 34 (skanda.7.199.34)

गणान्संप्रेषयामास यज्ञविध्वंसनाय च। ते गताश्च गणा रौद्राः शतशोऽथ सहस्रशः

gaṇānsaṁpreṣayāmāsa yajñavidhvaṁsanāya ca| te gatāśca gaṇā raudrāḥ śataśo'tha sahasraśaḥ

उसने अपने गणों को यज्ञ के विध्वंस हेतु भेजा; वे रौद्र गण सैकड़ों और हजारों की संख्या में वहाँ गए।

श्लोक 35 (skanda.7.199.35)

विकृता विकृताकारा असंख्याता महाबलाः। रुद्रेण प्रेरितान्दृष्ट्वा वीरभद्रपुरोगमान्

vikṛtā vikṛtākārā asaṁkhyātā mahābalāḥ| rudreṇa preritāndṛṣṭvā vīrabhadrapurogamān

विकृत और असंख्य भयंकर आकार वाले वे महाबली गण रुद्र द्वारा प्रेरित होकर वीरभद्र को आगे किए हुए वहाँ पहुँचे।

श्लोक 36 (skanda.7.199.36)

ततो देवगणाः सर्वे वसवः सह भास्करैः। विश्वेदेवाश्च साध्याश्च धनुर्हस्ता महाबलाः

tato devagaṇāḥ sarve vasavaḥ saha bhāskaraiḥ| viśvedevāśca sādhyāśca dhanurhastā mahābalāḥ

तब समस्त देवगण, वसुगण, आदित्यगण, विश्वेदेव और साध्यगण, जो अत्यन्त बलवान थे, धनुष हाथ में लेकर तैयार हुए।

श्लोक 37 (skanda.7.199.37)

युद्धाय च विनिष्क्रान्ता मुञ्चन्तः सायकाञ्छितान्। ते समेत्य ततोऽन्योन्यं प्रमथा विबुधैः सह

yuddhāya ca viniṣkrāntā muñcantaḥ sāyakāñchitān| te sametya tato'nyonyaṁ pramathā vibudhaiḥ saha

वे युद्ध के लिए निकल पड़े और तीक्ष्ण बाणों की वर्षा करने लगे; वे प्रमथगण और देवगण परस्पर भिड़ गए।

श्लोक 38 (skanda.7.199.38)

मुमुचुः शरवर्षाणि वारिधारां यथा घनाः। तेषां हस्ती गणेनाथ शूलेन हृदि भेदितः

mumucuḥ śaravarṣāṇi vāridhārāṁ yathā ghanāḥ| teṣāṁ hastī gaṇenātha śūlena hṛdi bheditaḥ

जैसे मेघ जलधारा बरसाते हैं, वैसे ही उन्होंने बाणों की वर्षा की; उनके हाथी को उस गण ने त्रिशूल से हृदय में बींध दिया।

श्लोक 39 (skanda.7.199.39)

स तु तेन प्रहारेण विसंज्ञो निषसाद ह। अथ मुष्ट्या हतः कुम्भे नाग ऐरावणस्तदा

sa tu tena prahāreṇa visaṁjño niṣasāda ha| atha muṣṭyā hataḥ kumbhe nāga airāvaṇastadā

उस प्रहार से वह मूर्च्छित होकर बैठ गया; फिर मुष्टि-प्रहार से ऐरावत नागराज का सिर घायल हो गया।

श्लोक 40 (skanda.7.199.40)

सहसा स हतस्तेन वारणो भैरवान्रवान्। विनदञ्जवमास्थाय यज्ञवाटमुपाद्रवत्

sahasā sa hatastena vāraṇo bhairavānravān| vinadañjavamāsthāya yajñavāṭamupādravat

उस प्रहार से आहत वह गजराज भयंकर चीत्कार करता हुआ तीव्र गति से यज्ञस्थल की ओर दौड़ पड़ा।

श्लोक 41 (skanda.7.199.41)

विश्वेदेवा निरुच्छ्वासाः कृता रौद्रैर्महाशरैः। चकर्ष स धनुष्येण वसुमान्बलवतरः

viśvedevā niruchvāsāḥ kṛtā raudrairmahāśaraiḥ| cakarṣa sa dhanuṣyeṇa vasumānbalavataraḥ

रुद्र के महान बाणों से विश्वेदेव निःश्वासरहित हो गए; वह अत्यन्त बलवान वसुमान् धनुष खींचता रहा।

श्लोक 42 (skanda.7.199.42)

निस्तेजसस्तदादित्याः कृतास्तेन रणाजिरे। एतस्मिन्नन्तरे देवाः कृतास्तेन पराङ्मुखाः

nistejasastadādityāḥ kṛtāstena raṇājire| etasminnantare devāḥ kṛtāstena parāṅmukhāḥ

उसने युद्धभूमि में आदित्यों को तेजहीन कर दिया; इस बीच उसने देवताओं को भी विमुख कर दिया।

श्लोक 43 (skanda.7.199.43)

ततस्ते शरणं जग्मुर्विष्णुं तत्र च संस्थितम्। ततः कोपसमाविष्टो विष्णुर्देवान्सवासवान्

tataste śaraṇaṁ jagmurviṣṇuṁ tatra ca saṁsthitam| tataḥ kopasamāviṣṭo viṣṇurdevānsavāsavān

तब वे विष्णु की शरण में गए, जो वहीं उपस्थित थे; तब क्रोध से भरे विष्णु ने इन्द्र सहित समस्त देवताओं को—

श्लोक 44 (skanda.7.199.44)

दृष्ट्वा विद्रावितान्सर्वान्मुमोचाशु सुदर्शनम्। तमापतन्तं वेगेन विष्णोश्चक्रं सुदर्शनम्

dṛṣṭvā vidrāvitānsarvānmumocāśu sudarśanam| tamāpatantaṁ vegena viṣṇoścakraṁ sudarśanam

सबको भगाया हुआ देखकर, तुरन्त सुदर्शन चक्र छोड़ा; विष्णु के उस सुदर्शन चक्र को वेगपूर्वक आते हुए देखकर—

श्लोक 45 (skanda.7.199.45)

प्रसार्य वक्त्रं सहसा उदरस्थं चकार ह। तस्मिंश्चक्रे तदा ग्रस्ते अमोघे पर्वतात्मजे

prasārya vaktraṁ sahasā udarasthaṁ cakāra ha| tasmiṁścakre tadā graste amoghe parvatātmaje

उसने मुख फैलाकर सहसा उसे अपने उदर में समा लिया; हे पर्वतात्मजे, उस अमोघ चक्र के इस प्रकार ग्रस लिए जाने पर—

श्लोक 46 (skanda.7.199.46)

चुकोप भगवान्विष्णुः शार्ङ्गहस्तोऽभ्यधावत। स हत्वा दशभिस्तीक्ष्णैर्नंदिं भृङ्गिं शतेन च

cukopa bhagavānviṣṇuḥ śārṅgahasto'bhyadhāvat| sa hatvā daśabhistīkṣṇairnaṁdiṁ bhṛṅgiṁ śatena ca

भगवान विष्णु क्रुद्ध हो उठे और शार्ङ्ग धनुष हाथ में लेकर दौड़ पड़े; उन्होंने दस तीक्ष्ण बाणों से नन्दी को तथा सौ बाणों से भृंगी को आहत किया।

श्लोक 47 (skanda.7.199.47)

महाकालं सहस्रेण ह्ययुतेन गणाधिपम्। बाणानामयुतैर्भित्त्वा वीरभद्रमुपाद्रवत्

mahākālaṁ sahasreṇa hyayutena gaṇādhipam| bāṇānāmayutairbhittvā vīrabhadramupādravat

महाकाल को एक सहस्र बाणों से तथा गणाधिप को दस सहस्र बाणों से बींधकर, वे दस सहस्र बाणों से वीरभद्र पर टूट पड़े।

श्लोक 48 (skanda.7.199.48)

तं हत्वा गदया विष्णुर्विह्वलं रुधिरोक्षितम्। गृहीत्वा पादयोर्भूमौ निजघानातिरोषितः

taṁ hatvā gadayā viṣṇurvihvalaṁ rudhirokṣitam| gṛhītvā pādayorbhūmau nijaghānātiroṣitaḥ

गदा से प्रहार कर विष्णु ने उसे रक्त से लथपथ और मूर्छित कर दिया, फिर अत्यन्त रुष्ट होकर उसके पैर पकड़कर उसे भूमि पर पटक दिया।

श्लोक 49 (skanda.7.199.49)

हन्यमानस्य तस्याथ भूमौ चक्रं सुदर्शनम्। रुधिरोद्गारसंयुक्तं प्रहारमकरोन्न तु

hanyamānasya tasyātha bhūmau cakraṁ sudarśanam| rudhirodgārasaṁyuktaṁ prahāramakaronna tu

इस प्रकार भूमि पर प्रहार सहते हुए, रक्तवमन करते हुए उस पर सुदर्शन चक्र ने फिर कोई और प्रहार नहीं किया।

श्लोक 50 (skanda.7.199.50)

रुद्रलब्धवरो देवि वीरभद्रो गणेश्वरः। यन्न पञ्चत्वमापन्नो गदया पीडितोऽपि सः

rudralabdhavaro devi vīrabhadro gaṇeśvaraḥ| yanna pañcatvamāpanno gadayā pīḍito'pi saḥ

हे देवि, वीरभद्र गणेश्वर को रुद्र से वरदान प्राप्त था, इसीलिए गदा से पीड़ित होकर भी वह मृत्यु को प्राप्त नहीं हुआ।

श्लोक 51 (skanda.7.199.51)

पतितं वीक्ष्य तं सर्वे विष्णुतेजोबलार्दिताः। विद्रुताः सर्वतो याता यत्र देवो महेश्वरः

patitaṁ vīkṣya taṁ sarve viṣṇutejobalārditāḥ| vidrutāḥ sarvato yātā yatra devo maheśvaraḥ

उसे गिरा हुआ देखकर विष्णु के तेज और बल से पीड़ित सभी गण भाग खड़े हुए और सब दिशाओं से वहाँ पहुँचे, जहाँ देव महेश्वर थे।

श्लोक 52 (skanda.7.199.52)

तस्मै सर्वं तथा वृत्तं समाचख्युः पराभवम्। विक्रमं वीरभद्रस्य ततः क्रुद्धो महेश्वरः

tasmai sarvaṁ tathā vṛttaṁ samācakhyuḥ parābhavam| vikramaṁ vīrabhadrasya tataḥ kruddho maheśvaraḥ

उन्होंने उसे सारी घटना और अपनी पराजय बताई, साथ ही वीरभद्र के पराक्रम का भी वर्णन किया; तब महेश्वर क्रुद्ध हो उठे।

श्लोक 53 (skanda.7.199.53)

प्रगृह्य सहसा शूलं प्रस्थितः स्वगणैः सह। यज्ञवाटं तु दक्षस्य पराभवभवं ततः। विक्रमन्वीरभद्रेण यत्र विष्णुः स्वयं स्थितः

pragṛhya sahasā śūlaṁ prasthitaḥ svagaṇaiḥ saha| yajñavāṭaṁ tu dakṣasya parābhavabhavaṁ tataḥ| vikramanvīrabhadreṇa yatra viṣṇuḥ svayaṁ sthitaḥ

तुरन्त त्रिशूल उठाकर वे अपने गणों सहित उस दक्ष के यज्ञस्थल की ओर चल पड़े, जो पराभव का कारण बना था, जहाँ वीरभद्र के साथ पराक्रम करते हुए विष्णु स्वयं उपस्थित थे।

श्लोक 54 (skanda.7.199.54)

तमायान्तं समालोक्य कोपयुक्तं महेश्वरम्। संग्रामे सोऽजयं मत्वा तत्रैवान्तरधीयत

tamāyāntaṁ samālokya kopayuktaṁ maheśvaram| saṁgrāme so'jayaṁ matvā tatraivāntaradhīyata

उस क्रोधयुक्त महेश्वर को आते देखकर, संग्राम में उन्हें अजेय मानकर, वह (विष्णु) वहीं से अन्तर्धान हो गए।

श्लोक 55 (skanda.7.199.55)

मरुद्भिः सार्धमिन्द्रोऽपि वसुभिः सह किन्नरैः। शिवः क्रोधपरीतात्मा ततश्चादर्शनं गतः

marudbhiḥ sārdhamindro'pi vasubhiḥ saha kinnaraiḥ| śivaḥ krodhaparītātmā tataścādarśanaṁ gataḥ

मरुद्गणों, वसुओं और किन्नरों के साथ इन्द्र भी क्रोध से आविष्ट शिव को देखकर वहाँ से अन्तर्धान हो गए।

श्लोक 56 (skanda.7.199.56)

केवलं ब्राह्मणास्तत्र स्थिताः सदसि भामिनि। ते दृष्ट्वा शंकरं प्राप्तं कोपसंरक्तलोचनम्

kevalaṁ brāhmaṇāstatra sthitāḥ sadasi bhāmini| te dṛṣṭvā śaṅkaraṁ prāptaṁ kopasaṁraktalocanam

हे भामिनि, केवल ब्राह्मणगण ही उस सभा में बैठे रहे; उन्होंने क्रोध से लाल हुए नेत्रों वाले शंकर को वहाँ आया हुआ देखा।

श्लोक 57 (skanda.7.199.57)

होमं चक्रुस्ततो भीता रुद्रमंत्रैः समंततः। अन्ये त्राससमायुक्ताः पलायंते दिशो दश

homaṁ cakrustato bhītā rudramaṁtraiḥ samaṁtataḥ| anye trāsasamāyuktāḥ palāyaṁte diśo daśa

तब भयभीत होकर उन्होंने चारों ओर रुद्र-मन्त्रों से हवन किया; अन्य लोग भयभीत होकर दसों दिशाओं में भाग गए।

श्लोक 58 (skanda.7.199.58)

अथागत्य महादेवो दृष्ट्वा तान्ब्राह्मणोत्तमान्। अपश्यमानो विबुधांस्तत्र यज्ञं जघान सः

athāgatya mahādevo dṛṣṭvā tānbrāhmaṇottamān| apaśyamāno vibudhāṁstatra yajñaṁ jaghāna saḥ

तब महादेव वहाँ आकर उन श्रेष्ठ ब्राह्मणों को देखकर, किन्तु देवताओं को न देखकर, वहाँ उस यज्ञ का ही विध्वंस कर दिया।

श्लोक 59 (skanda.7.199.59)

स च मृगवपुर्भूत्वा प्रणष्टः शिवभीतितः। पृष्ठतस्तु धनुष्पाणिर्जगाम भगवाञ्छिवः। अद्यापि दृश्यते व्योम्नि तारारूपो महेश्वरि

sa ca mṛgavapurbhūtvā praṇaṣṭaḥ śivabhītitaḥ| pṛṣṭhatastu dhanuṣpāṇirjagāma bhagavāñchivaḥ| adyāpi dṛśyate vyomni tārārūpo maheśvari

वह यज्ञ मृग का शरीर धारण कर शिव के भय से भाग गया, और भगवान शिव धनुष हाथ में लिए उसके पीछे-पीछे गए; हे महेश्वरि, आज भी वह आकाश में तारों के रूप में दिखाई देता है।