मंकीश्वरमाहात्म्यवर्णनम्

श्लोक 1 (skanda.7.203.1)

ईश्वर उवाच। ततो गच्छेन्महादेवि मंकीश्वर महालयम्। रामेशादुत्तरे भागे देवमातुः समीपगम्

īśvara uvāca| tato gacchenmahādevi maṅkīśvaraṁ mahālayam| rāmeśāduttare bhāge devamātuḥ samīpagam

ईश्वर ने कहा—हे महादेवि, तदनन्तर उस महालय मंकीश्वर की ओर जाना चाहिए, जो रामेश्वर से उत्तर दिशा में, देवमाता के समीप स्थित है।

श्लोक 2 (skanda.7.203.2)

अर्कस्थलात्ततो याम्ये पूर्वतश्च कृतस्मरात्। लिंगं महाप्रभावं तु मंकिना स्थापितं पुरा

arkasthalāttato yāmye pūrvataśca kṛtasmarāt| liṅgaṁ mahāprabhāvaṁ tu maṅkinā sthāpitaṁ purā

वह अर्कस्थल से दक्षिण में तथा कृतस्मर से पूर्व में स्थित है; उस महाप्रभावशाली लिंग को पूर्वकाल में मंकि नामक ऋषि ने स्थापित किया था।

श्लोक 3 (skanda.7.203.3)

तं दृष्ट्वा मानवः सम्यगश्वमेधफलं लभेत्

taṁ dṛṣṭvā mānavaḥ samyagaśvamedhaphalaṁ labhet

उसका दर्शन कर मनुष्य पूर्णतः अश्वमेध यज्ञ का फल प्राप्त करता है।

श्लोक 4 (skanda.7.203.4)

देव्युवाच। कोऽसौ मंकिर्महादेव कथं लिंगं प्रतिष्ठितम्। किं प्रभावं च तल्लिंगमेतन्मे वद विस्तरात्

devyuvāca| ko'sau maṅkirmahādeva kathaṁ liṅgaṁ pratiṣṭhitam| kiṁ prabhāvaṁ ca talliṅgametanme vada vistarāt

देवी ने कहा—हे महादेव, वह मंकि कौन थे? वह लिंग किस प्रकार प्रतिष्ठित हुआ? उस लिंग का प्रभाव क्या है? यह मुझे विस्तार से बताइए।

श्लोक 5 (skanda.7.203.5)

ईश्वर उवाच। मंकिर्नामाभवत्पूर्वं कुब्जकायो द्विजोत्तमः। प्रभासं क्षेत्रमासाद्य तपस्तेपे महत्तमम्

īśvara uvāca| maṅkirnāmābhavatpūrvaṁ kubjakāyo dvijottamaḥ| prabhāsaṁ kṣetramāsādya tapastepe mahattamam

ईश्वर ने कहा—पूर्वकाल में मंकि नामक एक कुबड़े शरीर वाले श्रेष्ठ ब्राह्मण थे; उन्होंने प्रभास क्षेत्र में जाकर अत्यन्त महान तप किया।

श्लोक 6 (skanda.7.203.6)

प्रतिष्ठाप्य महादेवं शिवभक्तिपरायणः। न तुतोष हरस्तस्य वहुवर्षगणार्चितः

pratiṣṭhāpya mahādevaṁ śivabhaktiparāyaṇaḥ| na tutoṣa harastasya vahuvarṣagaṇārcitaḥ

शिवभक्ति में परायण होकर उसने महादेव की प्रतिष्ठा की; अनेक वर्षों तक पूजित होने पर भी हर उससे संतुष्ट नहीं हुए।

श्लोक 7 (skanda.7.203.7)

तस्यैवं तप्यमानस्य सिद्धिं प्राप्ता ह्यनेकशः। तत्राराध्य महादेवं स्वर्गलोकमितो गताः

tasyaivaṁ tapyamānasya siddhiṁ prāptā hyanekaśaḥ| tatrārādhya mahādevaṁ svargalokamito gatāḥ

इस प्रकार तप करते हुए उसके साथ अनेक अन्य लोगों ने भी वहाँ महादेव की आराधना कर सिद्धि प्राप्त की और स्वर्गलोक को चले गए।

श्लोक 8 (skanda.7.203.8)

ततो दुःखं समभवन्मंकेस्तत्र वरानने। कस्मान्मे भगवांस्तुष्टिं न गच्छति महेश्वरः

tato duḥkhaṁ samabhavanmaṅkestatra varānane| kasmānme bhagavāṁstuṣṭiṁ na gacchati maheśvaraḥ

तब, हे वरानने, वहाँ मंकि को दुःख हुआ—भगवान महेश्वर मुझसे संतुष्ट क्यों नहीं होते?

श्लोक 9 (skanda.7.203.9)

ततस्तीव्ररतिं चक्रे कृत्वा तीव्रनिवर्तनम्। एवं वृद्धत्वमापन्नो जपध्यानपरायणः

tatastīvraratiṁ cakre kṛtvā tīvranivartanam| evaṁ vṛddhatvamāpanno japadhyānaparāyaṇaḥ

तब उसने अपनी साधना में तीव्र अनुराग रखते हुए संसार से तीव्र निवृत्ति कर ली; इस प्रकार जप-ध्यान में लीन रहते हुए वह वृद्धावस्था को प्राप्त हुआ।

श्लोक 10 (skanda.7.203.10)

तस्य तुष्टो महादेवो वयसोऽन्ते वरं ददौ। परितुष्टोऽस्मि ते मंके ब्रूहि किं करवाणि ते

tasya tuṣṭo mahādevo vayaso'nte varaṁ dadau| parituṣṭo'smi te maṅke brūhi kiṁ karavāṇi te

अन्त में महादेव उससे प्रसन्न होकर वर देने लगे—हे मंके, मैं तुमसे संतुष्ट हूँ; बताओ, मैं तुम्हारे लिए क्या करूँ?

श्लोक 11 (skanda.7.203.11)

मंकिरुवाच। किं वरेण सुरश्रेष्ठ मम वृद्धस्य सांप्रतम्। किञ्चिन्मे परमं दुःखं स्थितस्यात्र परं प्रभो

maṅkiruvāca| kiṁ vareṇa suraśreṣṭha mama vṛddhasya sāṁpratam| kiñcinme paramaṁ duḥkhaṁ sthitasyātra paraṁ prabho

मंकि ने कहा—हे सुरश्रेष्ठ, अब वृद्ध हो चुके मुझे वर से क्या लाभ? हे प्रभो, यहाँ रहते हुए मुझे एक बड़ा दुःख है।

श्लोक 12 (skanda.7.203.12)

शिव उवाच। शृणु यत्कारणं तत्र तेषां तव तपस्विनाम्। व्रतचर्याप्तये विप्राः पूजयन्त्यधिकं हि ते

śiva uvāca| śṛṇu yatkāraṇaṁ tatra teṣāṁ tava tapasvinām| vratacaryāptaye viprāḥ pūjayantyadhikaṁ hi te

शिव ने कहा—सुनो, उसका कारण क्या है—वहाँ अन्य तपस्वी ब्राह्मण अपने व्रताचरण की सिद्धि के लिए मेरी अधिक पूजा करते हैं।

श्लोक 13 (skanda.7.203.13)

ते पुष्पाणि समानीय नानावर्णानि सर्वशः। वृक्षाणामतिगंधीनि न तेषां हर्षकारणम्

te puṣpāṇi samānīya nānāvarṇāni sarvaśaḥ| vṛkṣāṇāmatigaṁdhīni na teṣāṁ harṣakāraṇam

वे वृक्षों से नाना रंगों के तथा अत्यन्त सुगन्धित पुष्प लाकर पूजा करते हैं—यह उनका हर्ष का कारण नहीं, बल्कि मेरे लिए है।

श्लोक 14 (skanda.7.203.14)

त्वं पुनः कुब्जरूपश्च यज्ञपूजापरायणः। न च प्राप्नोषि वृक्षाणां शाखाग्राण्यतियत्नवान्

tvaṁ punaḥ kubjarūpaśca yajñapūjāparāyaṇaḥ| na ca prāpnoṣi vṛkṣāṇāṁ śākhāgrāṇyatiyatnavān

किन्तु तुम कुब्ज शरीर वाले होने के कारण, यद्यपि यज्ञ-पूजा में तत्पर हो, फिर भी अत्यन्त प्रयत्न करने पर भी वृक्षों की ऊँची शाखाओं के अग्रभाग तक नहीं पहुँच पाते।

श्लोक 15 (skanda.7.203.15)

एकेनापि प्रदत्तेन पुष्पेण द्विजसत्तम। भक्त्या शिरसि लिंगस्य लभ्यते याज्ञिकं फलम्

ekenāpi pradattena puṣpeṇa dvijasattama| bhaktyā śirasi liṅgasya labhyate yājñikaṁ phalam

हे द्विजश्रेष्ठ, भक्तिपूर्वक लिंग के शिर पर चढ़ाए गए एक ही पुष्प से यज्ञ का फल प्राप्त हो जाता है।

श्लोक 16 (skanda.7.203.16)

लिंगस्य दक्षिणे ब्रह्मा स्वयमेव व्यवस्थितः। वामे च भगवान्विष्णुर्मध्येहं वै प्रतिष्ठितः

liṅgasya dakṣiṇe brahmā svayameva vyavasthitaḥ| vāme ca bhagavānviṣṇurmadhyehaṁ vai pratiṣṭhitaḥ

लिंग के दक्षिण भाग में स्वयं ब्रह्मा स्थित हैं, वाम भाग में भगवान विष्णु हैं, और मध्य में स्वयं मैं प्रतिष्ठित हूँ।

श्लोक 17 (skanda.7.203.17)

त्रयोऽपि पूजितास्तेन येन लिंगं प्रपूजितम्

trayo'pi pūjitāstena yena liṅgaṁ prapūjitam

जिसने भी उस लिंग का पूजन किया है, उसने मानो हम तीनों का ही पूजन कर लिया है।

श्लोक 18 (skanda.7.203.18)

बिल्वपत्रं शमीपत्रं करवीरं च मालतीम्। उन्मत्तकं चम्पकं च सद्यः प्रीतिकरं भवेत्

bilvapatraṁ śamīpatraṁ karavīraṁ ca mālatīm| unmattakaṁ campakaṁ ca sadyaḥ prītikaraṁ bhavet

बिल्वपत्र, शमीपत्र, कनेर, मालती, धतूरा तथा चम्पक—ये तत्काल मुझे प्रसन्न करने वाले हैं।

श्लोक 19 (skanda.7.203.19)

चंपकाशोककह्लारैः करवीरैस्तथा मम। पूजेष्टा द्विजशार्दूल ये चान्ये वहुगंधिनः। एतैर्हि पूजितो नित्यं शीघ्रं तुष्टिं प्रयाम्यहम्

campakāśokakahlāraiḥ karavīraistathā mama| pūjeṣṭā dvijaśārdūla ye cānye vahugaṁdhinaḥ| etairhi pūjito nityaṁ śīghraṁ tuṣṭiṁ prayāmyaham

हे द्विजशार्दूल, चम्पक, अशोक, कह्लार, कनेर तथा अन्य सुगन्धित पुष्पों से की गई पूजा मुझे प्रिय है; इनसे नित्य पूजित होकर मैं शीघ्र ही संतुष्ट हो जाता हूँ।

श्लोक 20 (skanda.7.203.20)

ब्राह्मण उवाच। यदि तुष्टोऽसि मे देव यदि देयो वरो मम। इहागत्य नरः स्नात्वा यो जलेनापि सिञ्चति

brāhmaṇa uvāca| yadi tuṣṭo'si me deva yadi deyo varo mama| ihāgatya naraḥ snātvā yo jalenāpi siñcati

ब्राह्मण ने कहा—हे देव, यदि आप मुझसे प्रसन्न हैं और यदि मुझे वर देना चाहते हैं, तो जो मनुष्य यहाँ आकर स्नान कर मात्र जल से भी सिंचन करे—

श्लोक 21 (skanda.7.203.21)

लिंगमेतद्धि सर्वासां पूजानां फलमाप्नुयात्। अद्यप्रभृति ये वृक्षा दैविकाः पार्थिवाश्च ये। तेषां सान्निध्यमत्रास्तु प्रसादात्तव शंकर

liṅgametaddhi sarvāsāṁ pūjānāṁ phalamāpnuyāt| adyaprabhṛti ye vṛkṣā daivikāḥ pārthivāśca ye| teṣāṁ sānnidhyamatrāstu prasādāttava śaṅkara

—इस लिंग की पूजा से सम्पूर्ण पूजाओं का फल प्राप्त करे। तथा, हे शंकर, आपकी कृपा से आज से लेकर जो भी दिव्य और सांसारिक वृक्ष हैं, उन सबकी उपस्थिति यहाँ बनी रहे।

श्लोक 22 (skanda.7.203.22)

भगवानुवाच। सलिलेनापि यः पूजामस्मिँल्लिंगे विधास्यति। तस्य पूजाफलं सर्वं भविष्यति द्विजोत्तम

bhagavānuvāca| salilenāpi yaḥ pūjāmasmilliṅge vidhāsyati| tasya pūjāphalaṁ sarvaṁ bhaviṣyati dvijottama

भगवान ने कहा—हे द्विजोत्तम, जो कोई भी इस लिंग की पूजा केवल जल से भी करेगा, उसे समस्त पूजाओं का फल प्राप्त होगा।

श्लोक 23 (skanda.7.203.23)

वृक्षाणामत्रसान्निध्यं सर्वेषां च भविष्यति। अद्यप्रभृति नाम्नैतन्नागस्थानं भविष्यति

vṛkṣāṇāmatrasānnidhyaṁ sarveṣāṁ ca bhaviṣyati| adyaprabhṛti nāmnaitannāgasthānaṁ bhaviṣyati

यहाँ समस्त वृक्षों की उपस्थिति बनी रहेगी। आज से यह स्थान नागस्थान नाम से जाना जाएगा।

श्लोक 24 (skanda.7.203.24)

यतस्तु सर्वनागानां सांनिध्यमत्र संस्थितम्। त्वमपि द्विजशार्दूल प्रयास्यसि ममान्तिकम्

yatastu sarvanāgānāṁ sānnidhyamatra saṁsthitam| tvamapi dvijaśārdūla prayāsyasi mamāntikam

क्योंकि यहाँ समस्त नागों की उपस्थिति स्थापित रहेगी। हे द्विजशार्दूल, तुम भी अब मेरे समीप जाओगे।

श्लोक 25 (skanda.7.203.25)

एवमुक्त्वा तु भगवांस्तत्रैवान्तरधीयत। मंकिस्तु देहमुत्सज्य शिवलोकं ततो गतः

evamuktvā tu bhagavāṁstatraivāntaradhīyata| maṅkistu dehamutsajya śivalokaṁ tato gataḥ

यह कहकर भगवान वहीं अन्तर्धान हो गए; और मंकि भी अपना शरीर त्यागकर शिवलोक को चले गए।

श्लोक 26 (skanda.7.203.26)

इत्येवं कथितं देवि मंकीशोद्भवमुत्तमम्। श्रुतं हरति पापानि सम्यक्छ्रद्धासमन्वितैः

ityevaṁ kathitaṁ devi maṅkīśodbhavamuttamam| śrutaṁ harati pāpāni samyakśraddhāsamanvitaiḥ

हे देवि, इस प्रकार मंकीश्वर की उत्तम उत्पत्ति-कथा कही गई; जो श्रद्धायुक्त होकर इसे सम्यक् रूप से सुनते हैं, उनके पाप हर जाती है।