कुमारेश्वरमाहात्म्यवर्णनम्

श्लोक 1 (skanda.7.215.1)

ईश्वर उवाच। ततो गच्छेन्महादेवि कुमारेश्वरमुत्तमम्। मार्कण्डेश्वरतो देवि दक्षिणे नातिदूरतः। धनुर्विंशतिभिस्तत्र स्थितं स्वामिप्रतिष्ठितम्

īśvara uvāca| tato gacchenmahādevi kumāreśvaramuttamam| mārkaṇḍeśvarato devi dakṣiṇe nātidūrataḥ| dhanurviṁśatibhistatra sthitaṁ svāmipratiṣṭhitam

ईश्वर ने कहा—हे महादेवि, तत्पश्चात् उत्तम कुमारेश्वर के पास जाना चाहिए। हे देवि, यह मार्कण्डेश्वर से दक्षिण में, अधिक दूर नहीं, बीस धनुष की दूरी पर स्थित है, जिसे स्वामी (कार्तिकेय) ने प्रतिष्ठित किया था।

श्लोक 2 (skanda.7.215.2)

ततः कृत्वा तपो घोरं कार्त्तिकेयेन भाभिनि। परदारापहारोत्थपापानां नाशहेतवे

tataḥ kṛtvā tapo ghoraṁ kārttikeyena bhābhini| paradārāpahārotthapāpānāṁ nāśahetave

हे भामिनि, कार्तिकेय ने वहाँ घोर तपस्या की, परस्त्री-हरण से उत्पन्न पापों के नाश के लिए,

श्लोक 3 (skanda.7.215.3)

लिंगं स्थापितवांस्तत्र स मुक्तः किल्विषात्ततः। वैराग्याद्यौवनं त्यक्त्वा कौमारं पुनराददे

liṅgaṁ sthāpitavāṁstatra sa muktaḥ kilviṣāttataḥ| vairāgyādyauvanaṁ tyaktvā kaumāraṁ punarādade

और वहाँ लिंग की स्थापना की, जिससे वे उस पाप से मुक्त हो गए। वैराग्य के कारण उन्होंने यौवन त्याग कर पुनः कौमार्य अवस्था धारण कर ली।

श्लोक 4 (skanda.7.215.4)

पितॄन्हत्वा सुमाली च तमाराधितवान्पुरा। सोऽपि मुक्तोऽभवद्देवि पापात्पितृवधोद्भवात्

pitṝnhatvā sumālī ca tamārādhitavānpurā| so'pi mukto'bhavaddevi pāpātpitṛvadhodbhavāt

पूर्वकाल में पितरों की हत्या करके सुमाली ने भी उसकी आराधना की थी; हे देवि, वह भी पितृ-वध से उत्पन्न पाप से मुक्त हो गया।

श्लोक 5 (skanda.7.215.5)

कुमारेश्वरनामैतत्पूजितं वै सुरासुरैः। तस्याग्रतः कुमारस्य कूपस्तिष्ठति भामिनि

kumāreśvaranāmaitatpūjitaṁ vai surāsuraiḥ| tasyāgrataḥ kumārasya kūpastiṣṭhati bhāmini

यह लिंग कुमारेश्वर के नाम से जाना जाता है, और देवों तथा असुरों दोनों द्वारा पूजित है; हे भामिनि, उस कुमार के सम्मुख एक कूप स्थित है।

श्लोक 6 (skanda.7.215.6)

तत्र स्नात्वा पूजयेद्यः शूलिनं स्वामिपूजितम्। स मुक्तः पातकैः सर्वैर्गच्छेत्स्वामिपुरं महत्

tatra snātvā pūjayedyaḥ śūlinaṁ svāmipūjitam| sa muktaḥ pātakaiḥ sarvairgacchetsvāmipuraṁ mahat

जो वहाँ स्नान कर स्वामी द्वारा पूजित त्रिशूलधारी शिव की पूजा करता है, वह सभी पापों से मुक्त होकर स्वामी के महान् पुर को प्राप्त करता है।

श्लोक 7 (skanda.7.215.7)

शातकौंभमयं यस्तु ताम्रचूडं द्विजातये। दद्यात्स्वामिनमुद्दिश्य स तु यात्राफलं लभेत्

śātakauṁbhamayaṁ yastu tāmracūḍaṁ dvijātaye| dadyātsvāminamuddiśya sa tu yātrāphalaṁ labhet

जो स्वामी को लक्ष्य कर द्विज को सुवर्ण से निर्मित लाल-शिखा वाला मुर्गा दान करता है, वह तीर्थयात्रा का पूर्ण फल प्राप्त करता है।