वृषभध्वजेश्वरमाहात्म्यवर्णनम्

श्लोक 1 (skanda.7.220.1)

ईश्वर उवाच। ततो गच्छेन्महादेवि देवं त्रैलोक्यपूजितम्। वृषध्वजेश्वरं नाम स्थितं दक्षिणतस्तथा

īśvara uvāca| tato gacchenmahādevi devaṁ trailokyapūjitam| vṛṣadhvajeśvaraṁ nāma sthitaṁ dakṣiṇatastathā

ईश्वर ने कहा—हे महादेवि, तत्पश्चात् त्रिलोक-पूजित देव वृषध्वजेश्वर नामक लिंग के पास जाना चाहिए, जो दक्षिण दिशा में स्थित है।

श्लोक 2 (skanda.7.220.2)

यत्तदक्षरमव्यक्तं परं यस्मान्न विद्यते। योगगम्यमनाद्यंतं वृषभध्वज संमितम्

yattadakṣaramavyaktaṁ paraṁ yasmānna vidyate| yogagamyamanādyaṁtaṁ vṛṣabhadhvaja saṁmitam

जो वह अक्षर और अव्यक्त तत्त्व है, जिससे परे कुछ भी नहीं है, जो योग से ही प्राप्त होने योग्य है, तथा आदि-अन्त से रहित है—वही वृषभध्वज के रूप में विद्यमान है।

श्लोक 3 (skanda.7.220.3)

सर्वाश्चर्यमयं देवि बुद्धिग्राह्यं निरामयम्। विश्वतः पाणिपादं च विश्वतोऽक्षिशिरोमुखम्

sarvāścaryamayaṁ devi buddhigrāhyaṁ nirāmayam| viśvataḥ pāṇipādaṁ ca viśvato'kṣiśiromukham

हे देवि, यह सर्वत्र आश्चर्यमय, केवल बुद्धि द्वारा ग्राह्य, तथा रोगरहित है; इसके हाथ-पैर सब ओर हैं, और नेत्र, सिर और मुख भी सब ओर हैं।

श्लोक 4 (skanda.7.220.4)

तं च देवं चिरं स्थाणुं वृषभध्वजसंज्ञितम्। पृथुर्मरुच्च भरतः शशबिन्दुर्गयः शिबिः

taṁ ca devaṁ ciraṁ sthāṇuṁ vṛṣabhadhvajasaṁjñitam| pṛthurmaruca ca bharataḥ śaśabindurgayaḥ śibiḥ

उस चिरस्थायी, अचल देव को, जो वृषभध्वज नाम से जाना जाता है—पृथु, मरुत्त, भरत, शशबिन्दु, गय, तथा शिबि—

श्लोक 5 (skanda.7.220.5)

रामोंऽबरीषो मांधाता दिलीपोऽथ भगीरथः। सुहोत्रो रंतिदेवश्च ययातिः सगरस्तथा

rāmo'ṁbarīṣo māṁdhātā dilīpo'tha bhagīrathaḥ| suhotro raṁtidevaśca yayātiḥ sagarastathā

राम, अम्बरीष, मान्धाता, दिलीप, भगीरथ, सुहोत्र, रन्तिदेव, ययाति, तथा सगर—

श्लोक 6 (skanda.7.220.6)

षोडशैते नृपा धन्याः प्रभासं क्षेत्रमाश्रिताः। वृषध्वजेशमाराध्य यज्ञैरिष्ट्वा दिवं गताः

ṣoḍaśaite nṛpā dhanyāḥ prabhāsaṁ kṣetramāśritāḥ| vṛṣadhvajeśamārādhya yajñairiṣṭvā divaṁ gatāḥ

ये सोलह धन्य राजा प्रभासक्षेत्र का आश्रय लेकर, वृषध्वजेश्वर की आराधना कर, यज्ञों से यज्ञ करके स्वर्ग को प्राप्त हुए।

श्लोक 7 (skanda.7.220.7)

सत्यं वच्मि हितं वच्मि सारं वच्मि पुनःपुनः। असारे दग्धसंसारे सारं तत्र शिवार्चनम्

satyaṁ vacmi hitaṁ vacmi sāraṁ vacmi punaḥpunaḥ| asāre dagdhasaṁsāre sāraṁ tatra śivārcanam

मैं सत्य कहता हूँ, हित कहता हूँ, बार-बार सार की बात कहता हूँ—इस निःसार, दग्ध संसार में शिव की अर्चना ही सार है।

श्लोक 8 (skanda.7.220.8)

पुनर्जन्म पुनर्मृत्युः पुनः क्लेशः पुनर्जरा। अहरहर्घटीन्यायो न कदाचिदपीदृशः

punarjanma punarmṛtyuḥ punaḥ kleśaḥ punarjarā| aharaharghaṭīnyāyo na kadācidapīdṛśaḥ

बार-बार जन्म, बार-बार मृत्यु, बार-बार क्लेश, बार-बार जरा—यह प्रतिदिन घट-यन्त्र के समान चक्र चलता रहता है, इससे मुक्ति कभी नहीं मिलती।

श्लोक 9 (skanda.7.220.9)

तदा श्वेतस्य संसारग्रन्थेरत्यन्तदुर्भिदः। परं निर्मूलविच्छेदि क्रियतां तद्भवार्चनम्

tadā śvetasya saṁsāragrantheratyantadurbhidaḥ| paraṁ nirmūlavicchedi kriyatāṁ tadbhavārcanam

इस अत्यन्त दुर्भेद्य संसार-ग्रन्थि को समूल नष्ट करने का सर्वोत्तम उपाय शिव की अर्चना ही है; अतः उनकी आराधना करो।

श्लोक 10 (skanda.7.220.10)

तस्य चिन्तामणिर्गेहे तस्य कल्पद्रुमः कुले। कुबेरः किंकरस्तस्य भक्तिर्यस्य शिवे स्थिता

tasya cintāmaṇirgehe tasya kalpadrumaḥ kule| kuberaḥ kiṁkarastasya bhaktiryasya śive sthitā

जिसकी भक्ति शिव में स्थित है, उसके घर में मानो चिन्तामणि हो, उसके कुल में मानो कल्पवृक्ष हो, और कुबेर मानो उसका सेवक हो।

श्लोक 11 (skanda.7.220.11)

सेयं लक्ष्मीः पुरा पुंसां सेयं भक्तिः समीहिता। सेयं श्रेयस्करी मूर्तिर्भक्तिर्या वृषभध्वजे

seyaṁ lakṣmīḥ purā puṁsāṁ seyaṁ bhaktiḥ samīhitā| seyaṁ śreyaskarī mūrtirbhaktiryā vṛṣabhadhvaje

वही सच्ची लक्ष्मी है, वही मनुष्यों की सच्ची अभिलषित भक्ति है, और वृषभध्वज के प्रति जो भक्ति है, वही श्रेयस्कर मूर्ति है।

श्लोक 12 (skanda.7.220.12)

पुष्पैः पंचभिरप्यत्र पूजयित्वा महेश्वरम्। दशानामश्वमेधानां फलं प्राप्नोति मानवः

puṣpaiḥ paṁcabhirapyatra pūjayitvā maheśvaram| daśānāmaśvamedhānāṁ phalaṁ prāpnoti mānavaḥ

यहाँ केवल पाँच पुष्पों से भी महेश्वर की पूजा करके मनुष्य दस अश्वमेध यज्ञों का फल प्राप्त करता है।

श्लोक 13 (skanda.7.220.13)

वृषभस्तत्र दातव्यो वृषभध्वज संनिधौ। सर्वपातकनाशार्थं सम्यग्यात्राफलेप्सुभिः

vṛṣabhastatra dātavyo vṛṣabhadhvaja saṁnidhau| sarvapātakanāśārthaṁ samyagyātrāphalepsubhiḥ

जो लोग सभी पापों के नाश तथा तीर्थयात्रा के सम्पूर्ण फल की इच्छा रखते हैं, उन्हें वृषभध्वज के समीप एक बैल दान करना चाहिए।