सोमेश्वरप्रतिष्ठामाहात्म्यवर्णनम्

श्लोक 1 (skanda.7.23.1)

ईश्वर उवाच। ततः शांतमना भूत्वा चंद्रमा विस्मयान्वितः। शंभुभक्त्या परीतात्मा प्रभासक्षेत्रमास्थितः

īśvara uvāca| tataḥ śāṁtamanā bhūtvā caṁdramā vismayānvitaḥ| śaṁbhubhaktyā parītātmā prabhāsakṣetramāsthitaḥ

ईश्वर ने कहा—तत्पश्चात् शांतचित्त होकर, विस्मय से भरे हुए, शंभु की भक्ति से व्याप्त अंतरात्मा वाले चंद्रमा प्रभासक्षेत्र में स्थित हुए।

श्लोक 2 (skanda.7.23.2)

पूर्वोक्तं यत्तु देवेन स तथा कृतवान्विभुः। गत्वा सागरमध्ये तु गृहीत्वा लिंगमुत्तमम्

pūrvoktaṁ yattu devena sa tathā kṛtavānvibhuḥ| gatvā sāgaramadhye tu gṛhītvā liṁgamuttamam

देव द्वारा जो पूर्व में कहा गया था, वह विभु ने वैसा ही किया; समुद्र के मध्य जाकर उन्होंने उत्तम लिंग को ग्रहण किया।

श्लोक 3 (skanda.7.23.3)

विश्वकर्म्माणमाहूय सहितं परिचारकैः। आदिदेश स्वयं सोमस्त्वष्टारं देवशिल्पिनम्

viśvakarmmāṇamāhūya sahitaṁ paricārakaiḥ| ādideśa svayaṁ somastvaṣṭāraṁ devaśilpinam

अपने परिचारकों सहित विश्वकर्मा को बुलाकर सोम ने स्वयं देवशिल्पी त्वष्टा को आदेश दिया—

श्लोक 4 (skanda.7.23.4)

चंद्र उवाच। विश्वकर्मन्निदं लिंगं मम दत्तं तु शंभुना। गृहाण त्वं महाबाहो युक्तस्थाने निवेशय

caṁdra uvāca| viśvakarmannidaṁ liṁgaṁ mama dattaṁ tu śaṁbhunā| gṛhāṇa tvaṁ mahābāho yuktasthāne niveśaya

चंद्र ने कहा—हे विश्वकर्मन्! यह लिंग मुझे शंभु द्वारा प्रदान किया गया है; हे महाबाहो! तुम इसे ग्रहण करो और उचित स्थान पर स्थापित करो।

श्लोक 5 (skanda.7.23.5)

रक्षस्व तावद्गन्तास्मि स्वकीयं भवनं विभो। यज्ञार्थमानयिष्यामि यज्ञोपकरणानि च

rakṣasva tāvadgantāsmi svakīyaṁ bhavanaṁ vibho| yajñārthamānayiṣyāmi yajñopakaraṇāni ca

तब तक इसकी रक्षा करो, मैं अपने भवन को जाता हूँ, हे विभो! मैं यज्ञ के लिए यज्ञोपकरण लेकर आऊँगा।

श्लोक 6 (skanda.7.23.6)

ईश्वर उवाच। इत्युक्त्वा च तदा चंद्रश्चंद्र लोकं जगाम ह। गत्वा तत्र महादेवि चंद्रलोकंमहाप्रभम्

īśvara uvāca| ityuktvā ca tadā caṁdraścaṁdra lokaṁ jagāma ha| gatvā tatra mahādevi caṁdralokaṁmahāprabham

ईश्वर ने कहा—ऐसा कहकर तब चंद्रमा चंद्रलोक को गए। वहाँ जाकर, हे महादेवी! उस महाप्रभावशाली चंद्रलोक में—

श्लोक 7 (skanda.7.23.7)

कोटियोजनविस्तीर्णं सदामृतमयं शुभम्। तत्राहूय महादेवि प्रतीहारं सुमेधसम्

koṭiyojanavistīrṇaṁ sadāmṛtamayaṁ śubham| tatrāhūya mahādevi pratīhāraṁ sumedhasam

—जो एक करोड़ योजन विस्तीर्ण, सदा अमृतमय और शुभ है—वहाँ, हे महादेवी! उन्होंने सुबुद्धिमान् प्रतीहार को बुलाया,

श्लोक 8 (skanda.7.23.8)

मंत्रिणं हेमगर्भांगं बृहस्पतिसमं धिया। यज्ञोपस्करसंभारं सर्वमादाय सत्वराः

maṁtriṇaṁ hemagarbhāṁgaṁ bṛhaspatisamaṁ dhiyā| yajñopaskarasaṁbhāraṁ sarvamādāya satvarāḥ

अपने मंत्री हेमगर्भांग को, जो बुद्धि में बृहस्पति के समान था—"यज्ञ के सभी उपकरण शीघ्र लेकर,

श्लोक 9 (skanda.7.23.9)

प्रभासक्षेत्रं गच्छंतु ममादेशपरायणाः। साग्निभिर्ब्राह्मणैः सार्द्धं गच्छंतु क्षेत्रमुत्तमम्

prabhāsakṣetraṁ gacchaṁtu mamādeśaparāyaṇāḥ| sāgnibhirbrāhmaṇaiḥ sārddhaṁ gacchaṁtu kṣetramuttamam

मेरी आज्ञा के परायण होकर प्रभासक्षेत्र को जाओ; अग्निधारी ब्राह्मणों सहित उस उत्तम क्षेत्र में जाओ।

श्लोक 10 (skanda.7.23.10)

शीघ्रं संपाद्यतां सर्वं यथा यज्ञः प्रवर्तते। सर्वेषामेव विप्राणां चंद्रलोकनिवासिनाम्

śīghraṁ saṁpādyatāṁ sarvaṁ yathā yajñaḥ pravartate| sarveṣāmeva viprāṇāṁ caṁdralokanivāsinām

शीघ्र सब कुछ इस प्रकार व्यवस्थित करो कि यज्ञ सुचारु रूप से चले—चंद्रलोक-निवासी समस्त ब्राह्मणों के लिए,

श्लोक 11 (skanda.7.23.11)

पृथक्पृथग्विमानं तु देयं तेषां महाधनम्। गवां च दशलक्षाणां सवत्सानां पयोमुचाम्

pṛthakpṛthagvimānaṁ tu deyaṁ teṣāṁ mahādhanam| gavāṁ ca daśalakṣāṇāṁ savatsānāṁ payomucām

प्रत्येक को पृथक्-पृथक् विमान तथा महाधन दिया जाए; तथा दस लाख दुधारू गौएँ, बछड़ों सहित,

श्लोक 12 (skanda.7.23.12)

हेमभारैर्भूषितानां कामधेनूपमत्विषाम्। अश्वानां श्यामकर्णानां सपादं लक्षमेव च

hemabhārairbhūṣitānāṁ kāmadhenūpamatviṣām| aśvānāṁ śyāmakarṇānāṁ sapādaṁ lakṣameva ca

सुवर्ण के भार से सुशोभित, कामधेनु के समान कांतिमान्; तथा सवा लाख श्यामकर्ण (काले कानों वाले) अश्व,

श्लोक 13 (skanda.7.23.13)

दंतिनामयुतं चैव घंटाभरणशोभितम्। सहस्राणि च चत्वारि रथानां वातरंहसाम्

daṁtināmayutaṁ caiva ghaṁṭābharaṇaśobhitam| sahasrāṇi ca catvāri rathānāṁ vātaraṁhasām

दस हजार हाथी, घंटाओं के आभूषण से सुशोभित; तथा चार हजार वायुवेग वाले रथ,

श्लोक 14 (skanda.7.23.14)

लक्षं तु करभाणां च मणिमाणिक्यसंयुतम्। सैन्यानां कोटिरेका तु चतुरंगबलान्विता

lakṣaṁ tu karabhāṇāṁ ca maṇimāṇikyasaṁyutam| sainyānāṁ koṭirekā tu caturaṁgabalānvitā

एक लाख ऊँट, मणि-माणिक्यों से युक्त; तथा चतुरंगिणी सेना वाली एक करोड़ सेना,

श्लोक 15 (skanda.7.23.15)

अग्निशौचानि वस्त्राणि ब्राह्मणार्थं तथैव च। विभूषणानि दिव्यानि ऋत्विगर्थं शुभानि च

agniśaucāni vastrāṇi brāhmaṇārthaṁ tathaiva ca| vibhūṣaṇāni divyāni ṛtvigarthaṁ śubhāni ca

अग्नि-पवित्र वस्त्र ब्राह्मणों के लिए, तथा ऋत्विजों के लिए दिव्य और शुभ आभूषण,

श्लोक 16 (skanda.7.23.16)

नानाभक्ष्याणि भोज्यानि पानानि विविधानि च। लक्षं कर्मकराणां तु दासीनां लक्षमेव च

nānābhakṣyāṇi bhojyāni pānāni vividhāni ca| lakṣaṁ karmakarāṇāṁ tu dāsīnāṁ lakṣameva ca

नाना प्रकार के खाद्य-भोज्य पदार्थ और विविध पेय; एक लाख कर्मकर तथा एक लाख दासियाँ भी—

श्लोक 17 (skanda.7.23.17)

दारुवंशावधि प्रोक्तं यत्किंचित्स्वं मदाज्ञया। अन्यद्यद्ब्राह्मणा ब्रूयुस्तत्सर्वं तत्र नीयताम्

dāruvaṁśāvadhi proktaṁ yatkiṁcitsvaṁ madājñayā| anyadyadbrāhmaṇā brūyustatsarvaṁ tatra nīyatām

—मेरी आज्ञा से जो भी मेरा अपना धन काठ-बांस तक कहा गया, तथा अन्य जो भी ब्राह्मण कहें, वह सब वहाँ ले जाया जाए।

श्लोक 18 (skanda.7.23.18)

देवानां दानवानां तु यक्षगंधर्वरक्ष साम्। सप्तद्वीपक्षितीशानां सप्तपातालवासिनाम्

devānāṁ dānavānāṁ tu yakṣagaṁdharvarakṣa sām| saptadvīpakṣitīśānāṁ saptapātālavāsinām

देवताओं, दानवों, यक्ष-गंधर्व-राक्षसों की, सप्तद्वीपों के अधिपतियों की, तथा सातों पातालों के निवासियों की,

श्लोक 19 (skanda.7.23.19)

नानानृपसहस्राणां घोषणा क्रियतां मुहुः। सर्वेषां घोषणा कार्या प्रभासागमनं प्रति

nānānṛpasahasrāṇāṁ ghoṣaṇā kriyatāṁ muhuḥ| sarveṣāṁ ghoṣaṇā kāryā prabhāsāgamanaṁ prati

तथा नाना प्रकार के सहस्रों राजाओं की बार-बार घोषणा की जाए। प्रभास में आगमन के लिए सबकी घोषणा करनी चाहिए।"

श्लोक 20 (skanda.7.23.20)

इत्युक्त्वा मंत्रिणं तत्र चंद्रमास्त्वरयाऽन्वितः। ब्रह्मलोकं स गतवान्यज्ञार्थं ब्रह्मणोंतिकम्

ityuktvā maṁtriṇaṁ tatra caṁdramāstvarayā'nvitaḥ| brahmalokaṁ sa gatavānyajñārthaṁ brahmaṇoṁtikam

मंत्री को यह कहकर चंद्रमा त्वरा से युक्त होकर, यज्ञ के लिए ब्रह्मा के समीप ब्रह्मलोक को गए।

श्लोक 21 (skanda.7.23.21)

सोऽपि चंद्रमसो मंत्री हेमगर्भो महाप्रभः। सोमाज्ञां शिरसा कृत्वा यज्ञसंभारसंभृतः

so'pi caṁdramaso maṁtrī hemagarbho mahāprabhaḥ| somājñāṁ śirasā kṛtvā yajñasaṁbhārasaṁbhṛtaḥ

चंद्रमा के वह मंत्री महाप्रभावशाली हेमगर्भ, सोम की आज्ञा को शिरोधार्य करके, यज्ञ-सामग्री एकत्र करके,

श्लोक 22 (skanda.7.23.22)

प्रभासं क्षेत्रमागत्य यज्ञार्थं यत्नवानभूत्। तथैव चाह्वयांचक्रे भूर्भुवःस्वर्निवासिनः

prabhāsaṁ kṣetramāgatya yajñārthaṁ yatnavānabhūt| tathaiva cāhvayāṁcakre bhūrbhuvaḥsvarnivāsinaḥ

प्रभासक्षेत्र में आकर यज्ञ के लिए प्रयत्नशील हुआ; तथा उसी प्रकार भूः, भुवः, स्वः के निवासियों को बुलाया।

श्लोक 23 (skanda.7.23.23)

श्रुत्वा तु घोषणां सर्वे शीघ्रं तत्र समाययुः। रवियोजनपर्यंतं क्षेत्रमालोक्य तत्र तत्

śrutvā tu ghoṣaṇāṁ sarve śīghraṁ tatra samāyayuḥ| raviyojanaparyaṁtaṁ kṣetramālokya tatra tat

घोषणा सुनकर सब वहाँ शीघ्र आ पहुँचे; सूर्य-योजन पर्यंत उस क्षेत्र को देखकर वहाँ—

श्लोक 24 (skanda.7.23.24)

ब्राह्मणांश्च समाहूय सोमाध्यक्षं उवाच तान्। यज्ञांगं सर्वमानीतं मया सोमाज्ञया द्विजाः। अनंतरं तु यत्कृत्यं भवद्भिस्तद्विधीयताम्

brāhmaṇāṁśca samāhūya somādhyakṣaṁ uvāca tān| yajñāṁgaṁ sarvamānītaṁ mayā somājñayā dvijāḥ| anaṁtaraṁ tu yatkṛtyaṁ bhavadbhistadvidhīyatām

—ब्राह्मणों को बुलाकर सोम के अध्यक्ष ने उनसे कहा—"हे द्विजो! सोम की आज्ञा से मैंने यज्ञ की सारी सामग्री ला दी है; अब जो कुछ करना हो, वह आप ही करें।"

श्लोक 25 (skanda.7.23.25)

इत्युक्ता ब्राह्मणाः सर्वे तपोनिर्धूतकल्मषाः। तत्रैव ददृशुः सर्वे त्वष्टारं देवशिल्पिनम्

ityuktā brāhmaṇāḥ sarve taponirdhūtakalmaṣāḥ| tatraiva dadṛśuḥ sarve tvaṣṭāraṁ devaśilpinam

ऐसा कहे जाने पर, तप से पापरहित हुए वे सभी ब्राह्मण, वहीं देवशिल्पी त्वष्टा को देखने लगे।

श्लोक 26 (skanda.7.23.26)

तं दृष्ट्वा तु द्विजाः सर्वे लिंगं दृष्ट्वा समीपतः। कथमेतदिति प्रोचुर्विश्वकर्मन्ब्रवीहि नः। कस्मादत्र स्थितस्त्वं वै शिल्पिकोटिसमन्वितः

taṁ dṛṣṭvā tu dvijāḥ sarve liṁgaṁ dṛṣṭvā samīpataḥ| kathametaditi procurviśvakarmanbravīhi naḥ| kasmādatra sthitastvaṁ vai śilpikoṭisamanvitaḥ

उसे और समीप ही उस लिंग को देखकर सभी द्विजों ने कहा—"यह कैसे हुआ? हे विश्वकर्मन्! हमें बताओ, तुम करोड़ों शिल्पियों सहित यहाँ किसलिए स्थित हो?"

श्लोक 27 (skanda.7.23.27)

विश्वकर्म्मोवाच। अहं सोमनियुक्तस्तु युक्तोऽस्मि लिंगरक्षणे। तदाज्ञापालने यत्नः क्रियतेऽतो मया द्विजाः

viśvakarmmovāca| ahaṁ somaniyuktastu yukto'smi liṁgarakṣaṇe| tadājñāpālane yatnaḥ kriyate'to mayā dvijāḥ

विश्वकर्मा ने कहा—मैं सोम द्वारा नियुक्त होकर लिंग की रक्षा में लगा हूँ। हे द्विजो! उसी आज्ञा के पालन में मेरे द्वारा यह प्रयत्न किया जा रहा है।

श्लोक 28 (skanda.7.23.28)

ईश्वर उवाच। एवं श्रुत्वा यदा विप्रा ज्ञात्वा सर्वं तु कारणम्। चरिता यज्ञकार्यार्थं ततश्चक्रुरुप क्रमम्

īśvara uvāca| evaṁ śrutvā yadā viprā jñātvā sarvaṁ tu kāraṇam| caritā yajñakāryārthaṁ tataścakrurupa kramam

ईश्वर ने कहा—इस प्रकार सुनकर जब विप्रों ने संपूर्ण कारण जान लिया, तब यज्ञ-कार्य के लिए विचार करके उन्होंने कार्य आरंभ किया।

श्लोक 29 (skanda.7.23.29)

तत्र योजनपर्यंतं देवानां यजनं शुभम्। तद्देवयजनं कृत्वा पत्नीशालां च चक्रिरे

tatra yojanaparyaṁtaṁ devānāṁ yajanaṁ śubham| taddevayajanaṁ kṛtvā patnīśālāṁ ca cakrire

वहाँ एक योजन पर्यंत देवताओं के लिए शुभ यजनस्थान बनाया; वह देवयजन बनाकर उन्होंने पत्नीशाला भी बनाई।

श्लोक 30 (skanda.7.23.30)

हविर्द्धानं सदश्चैव उत्तरा वेदिरेव च। ब्रह्मणः सदनाग्नीध्रीत्येवं स्थानानि चक्रिरे

havirddhānaṁ sadaścaiva uttarā vedireva ca| brahmaṇaḥ sadanāgnīdhrītyevaṁ sthānāni cakrire

हविर्धान, सदस्, उत्तरवेदी; तथा ब्रह्मा का आसन और आग्नीध्र—इस प्रकार सभी स्थान बनाए।

श्लोक 31 (skanda.7.23.31)

तत्र योजनपर्यंतं यज्ञयूपांश्च मंडपान्। विश्वकर्मा चकाराशु कुंडानि विविधानि च

tatra yojanaparyaṁtaṁ yajñayūpāṁśca maṁḍapān| viśvakarmā cakārāśu kuṁḍāni vividhāni ca

वहाँ एक योजन पर्यंत यज्ञ-यूप तथा मंडप, विश्वकर्मा ने शीघ्र ही नाना प्रकार के कुंड भी बना दिए।

श्लोक 32 (skanda.7.23.32)

सहस्रसंख्यया तत्र कुण्डानां मंडपावधि। तत्र ते ब्राह्मणाः सर्वे प्रतिष्ठायज्ञकोविदाः

sahasrasaṁkhyayā tatra kuṇḍānāṁ maṁḍapāvadhi| tatra te brāhmaṇāḥ sarve pratiṣṭhāyajñakovidāḥ

वहाँ मंडप-पर्यंत सहस्रों की संख्या में कुंड बने; वहाँ प्रतिष्ठा-यज्ञ में कुशल वे सभी ब्राह्मण,

श्लोक 33 (skanda.7.23.33)

नानाभरणरत्नैश्च ब्राह्मणाः समलंकृताः। चक्रुः सर्वे यथन्यायं शास्त्रं दृष्ट्वा पुनःपुनः

nānābharaṇaratnaiśca brāhmaṇāḥ samalaṁkṛtāḥ| cakruḥ sarve yathanyāyaṁ śāstraṁ dṛṣṭvā punaḥpunaḥ

नाना आभूषणों और रत्नों से अलंकृत होकर, शास्त्र को बार-बार देखकर सभी कुछ यथाविधि करने लगे।

श्लोक 34 (skanda.7.23.34)

वृक्षांस्तथौषधीर्दिव्या समित्पुष्पकुशादिकान्। होमद्रव्यादिकं सर्व माज्यं प्राज्यं नवं पयः

vṛkṣāṁstathauṣadhīrdivyā samitpuṣpakuśādikān| homadravyādikaṁ sarva mājyaṁ prājyaṁ navaṁ payaḥ

वृक्ष, दिव्य औषधियाँ, समिधा, पुष्प, कुश आदि, तथा होम-द्रव्य, घृत, प्रचुर नवीन दूध—

श्लोक 35 (skanda.7.23.35)

तथान्यदपि यत्किंचिद्यज्ञोपकरणं स्मृतम्। वर्द्धनीकलशाद्यं च सर्वं हेममयं शुभम्

tathānyadapi yatkiṁcidyajñopakaraṇaṁ smṛtam| varddhanīkalaśādyaṁ ca sarvaṁ hemamayaṁ śubham

तथा अन्य भी जो कुछ यज्ञोपकरण स्मृत है, वर्धनी, कलश आदि—सब कुछ शुभ स्वर्णमय था।

श्लोक 36 (skanda.7.23.36)

चक्रुः सर्वं यथान्यायं प्रतिष्ठामखमादृताः। तत्र विप्रगणो हृष्टो भक्ष्यभोज्यादितर्पितः

cakruḥ sarvaṁ yathānyāyaṁ pratiṣṭhāmakhamādṛtāḥ| tatra vipragaṇo hṛṣṭo bhakṣyabhojyāditarpitaḥ

उन्होंने प्रतिष्ठा-यज्ञ में आदरपूर्वक यथान्याय सब कुछ किया; वहाँ ब्राह्मणों का समूह भक्ष्य-भोज्य आदि से तृप्त होकर हर्षित हुआ।

श्लोक 37 (skanda.7.23.37)

वेदध्वनितनिर्घोषैर्दिवं भूमिं च संस्पृशन्। सुशुभे मंडपस्तत्र पताकाभिरलंकृतः

vedadhvanitanirghoṣairdivaṁ bhūmiṁ ca saṁspṛśan| suśubhe maṁḍapastatra patākābhiralaṁkṛtaḥ

वेद-ध्वनि के घोष से आकाश और भूमि को स्पर्श करता हुआ, वह मंडप पताकाओं से अलंकृत होकर अत्यंत सुशोभित हुआ,

श्लोक 38 (skanda.7.23.38)

दिव्यसिंहासनोपेतो मुक्तादामपरिष्कृतः। दिव्यचन्दनमालाभिः कल्पपल्लवतोरणैः

divyasiṁhāsanopeto muktādāmapariṣkṛtaḥ| divyacandanamālābhiḥ kalpapallavatoraṇaiḥ

दिव्य सिंहासन से युक्त, मुक्ताहारों से सुसज्जित, दिव्य चंदन-मालाओं तथा कल्पवृक्ष के पल्लवों के तोरणों से,

श्लोक 39 (skanda.7.23.39)

दिव्यगन्ध सुगन्धाद्यैः स्वर्गस्थानमिवाभवत्। चतुर्दशविधस्तत्र भूतग्रामः समागतः

divyagandha sugandhādyaiḥ svargasthānamivābhavat| caturdaśavidhastatra bhūtagrāmaḥ samāgataḥ

दिव्य सुगंधों से युक्त होकर वह स्वर्ग-स्थान के समान हो गया। वहाँ चौदह प्रकार के भूत-समूह एकत्र हुए—

श्लोक 40 (skanda.7.23.40)

स्थावरः सर्पजातिश्च पक्षिजातिस्तथैव च। मृगसंज्ञश्चतुर्थश्च पश्वाख्यः पञ्चमः स्मृतः

sthāvaraḥ sarpajātiśca pakṣijātistathaiva ca| mṛgasaṁjñaścaturthaśca paśvākhyaḥ pañcamaḥ smṛtaḥ

स्थावर, सर्पजाति, तथा वैसे ही पक्षिजाति; चौथी मृगसंज्ञक, और पाँचवीं पशु नाम वाली स्मृत है,

श्लोक 41 (skanda.7.23.41)

षष्ठश्च मानुषः प्रोक्तः पैशाचः सप्तमः स्मृतः। अष्टमो राक्षसः प्रोक्तो नवमो यज्ञ एव च

ṣaṣṭhaśca mānuṣaḥ proktaḥ paiśācaḥ saptamaḥ smṛtaḥ| aṣṭamo rākṣasaḥ prokto navamo yajña eva ca

छठी मानुष कही गई, सातवीं पैशाच स्मृत है; आठवीं राक्षस कही गई, नवीं यज्ञ स्वरूप ही है,

श्लोक 42 (skanda.7.23.42)

गांधर्वशाक्रसौम्याश्च प्राजापत्यस्तथैव च। ब्राह्मश्चेति समाख्यातश्चतुर्दशविधो गणः

gāṁdharvaśākrasaumyāśca prājāpatyastathaiva ca| brāhmaśceti samākhyātaścaturdaśavidho gaṇaḥ

गांधर्व, शाक्र, सौम्य, तथा प्राजापत्य; और ब्राह्म—इस प्रकार चौदह प्रकार का गण कहा गया है।

श्लोक 43 (skanda.7.23.43)

विश्वेदेवास्तथा साध्या मरुतो वसवस्तथा। लोकपालास्तथाष्टौ च नक्षत्राणि ग्रहैः सह

viśvedevāstathā sādhyā maruto vasavastathā| lokapālāstathāṣṭau ca nakṣatrāṇi grahaiḥ saha

विश्वेदेव, तथा साध्य, मरुत् और वसु; तथा आठों लोकपाल, ग्रहों सहित नक्षत्र—

श्लोक 44 (skanda.7.23.44)

ब्रह्माण्डे देवता याश्च ताः सर्वास्तत्र चागताः। हृष्टाः प्रभासके क्षेत्रे प्रारब्धे यज्ञकर्म्मणि

brahmāṇḍe devatā yāśca tāḥ sarvāstatra cāgatāḥ| hṛṣṭāḥ prabhāsake kṣetre prārabdhe yajñakarmmaṇi

—ब्रह्मांड में जो भी देवता हैं, वे सब वहाँ आए, हर्षित होकर, प्रभासक्षेत्र में यज्ञकर्म के आरंभ होने पर।

श्लोक 45 (skanda.7.23.45)

घृतक्षीरवहा नद्यो दधिपायसकर्दमाः। पक्वान्नानां फलानां च राशयः पर्वतोपमाः

ghṛtakṣīravahā nadyo dadhipāyasakardamāḥ| pakvānnānāṁ phalānāṁ ca rāśayaḥ parvatopamāḥ

घृत और क्षीर की बहती हुई नदियाँ, दही और खीर के कीचड़ से युक्त; तथा पके अन्न और फलों की राशियाँ, पर्वतों के समान—

श्लोक 46 (skanda.7.23.46)

दृश्यन्ते विविधाकारास्तस्मिन्यज्ञमहोत्सवे। जगुस्तत्रैव गन्धर्वा ननृतुश्चाप्सरोगणाः

dṛśyante vividhākārāstasminyajñamahotsave| jagustatraiva gandharvā nanṛtuścāpsarogaṇāḥ

—उस महान् यज्ञोत्सव में नाना रूपों में दिखाई देती थीं। वहीं गंधर्व गाते थे और अप्सराओं के समूह नृत्य करते थे।

श्लोक 47 (skanda.7.23.47)

भक्ष्यभोज्यैश्च विविधैः कामपानादिभिस्तथा। तृप्ता देवाश्च मुनयो भूतग्रामाश्चतुर्दश

bhakṣyabhojyaiśca vividhaiḥ kāmapānādibhistathā| tṛptā devāśca munayo bhūtagrāmāścaturdaśa

नाना प्रकार के खाद्य-भोज्य पदार्थों तथा इच्छानुसार पेय आदि से देवता, मुनि तथा चौदहों भूत-समूह तृप्त हुए।

श्लोक 48 (skanda.7.23.48)

एवं संभारसहितं यज्ञांगं सर्वमेव हि। प्रगुणीकृत्य सचिवो मुक्त्वा तत्रैव रक्षकान्। सोमस्याह्वाननार्थं च ब्रह्मलोकं जगाम ह

evaṁ saṁbhārasahitaṁ yajñāṁgaṁ sarvameva hi| praguṇīkṛtya sacivo muktvā tatraiva rakṣakān| somasyāhvānanārthaṁ ca brahmalokaṁ jagāma ha

इस प्रकार सामग्री सहित यज्ञ की संपूर्ण व्यवस्था तैयार करके, मंत्री वहीं रक्षकों को छोड़कर, सोम को बुलाने के लिए ब्रह्मलोक को गया।

श्लोक 49 (skanda.7.23.49)

ईश्वर उवाच। स दृष्ट्वा ब्रह्मणः पार्श्वे स्थितं सोममहाप्रभम्। प्रणम्य दण्डवद्भूमौ सोमं ब्रह्माणमेव च

īśvara uvāca| sa dṛṣṭvā brahmaṇaḥ pārśve sthitaṁ somamahāprabham| praṇamya daṇḍavadbhūmau somaṁ brahmāṇameva ca

ईश्वर ने कहा—ब्रह्मा के समीप स्थित महाप्रभावशाली सोम को देखकर, उसने दंडवत् भूमि पर प्रणाम किया, सोम और ब्रह्मा दोनों को—

श्लोक 50 (skanda.7.23.50)

हेमगर्भ उवाच। कृतांजलिपुटो भूत्वा उवाच नतकंधरः। भगवन्भवदादेशाद्यज्ञांगं सर्वमेव हि

hemagarbha uvāca| kṛtāṁjalipuṭo bhūtvā uvāca natakaṁdharaḥ| bhagavanbhavadādeśādyajñāṁgaṁ sarvameva hi

हेमगर्भ ने कहा—हाथ जोड़कर, सिर झुकाए हुए उसने कहा—"हे भगवन्! आपके आदेश से यज्ञ की संपूर्ण सामग्री—

श्लोक 51 (skanda.7.23.51)

तत्र प्राभासिके क्षेत्रे मया ते प्रगुणीकृतम्। तत्र ब्रह्मर्षयः सर्वे तथा राजर्षयोऽपरे

tatra prābhāsike kṣetre mayā te praguṇīkṛtam| tatra brahmarṣayaḥ sarve tathā rājarṣayo'pare

—वहाँ प्रभासक्षेत्र में मेरे द्वारा तैयार कर दी गई है। वहाँ सभी ब्रह्मर्षि तथा अन्य राजर्षि भी,

श्लोक 52 (skanda.7.23.52)

त्वन्मार्गप्रेक्षकाः सर्वे सन्तिष्ठन्ते समाकुलाः। अनन्तरं तु यत्कृत्यं तद्भवान्कर्तुमर्हति

tvanmārgaprekṣakāḥ sarve santiṣṭhante samākulāḥ| anantaraṁ tu yatkṛtyaṁ tadbhavānkartumarhati

आपके मार्ग की प्रतीक्षा करते हुए व्याकुल होकर खड़े हैं। अब जो करना हो, वह आप ही करने योग्य हैं।"

श्लोक 53 (skanda.7.23.53)

ईश्वर उवाच। इत्युक्तस्तु तदा चन्द्रः समुद्रस्य सुतेन वै। प्रहस्योवाच ब्रह्माणं चन्द्रमा लोकसाक्षिणम्

īśvara uvāca| ityuktastu tadā candraḥ samudrasya sutena vai| prahasyovāca brahmāṇaṁ candramā lokasākṣiṇam

ईश्वर ने कहा—समुद्र-पुत्र (हेमगर्भ) द्वारा इस प्रकार कहे जाने पर, चंद्रमा ने हँसते हुए लोकसाक्षी ब्रह्मा से कहा—

श्लोक 54 (skanda.7.23.54)

भगवन्सर्वदेवेश ममानुग्रहकाम्यया। प्रतिष्ठायज्ञकामस्य ममातिथ्यं कुरु प्रभो

bhagavansarvadeveśa mamānugrahakāmyayā| pratiṣṭhāyajñakāmasya mamātithyaṁ kuru prabho

"हे भगवन्! हे सर्वदेवेश! मुझ पर अनुग्रह की कामना से, हे प्रभो! प्रतिष्ठा-यज्ञ की इच्छा रखने वाले मेरा अतिथ्य स्वीकार कीजिए।

श्लोक 55 (skanda.7.23.55)

अद्य मे सफलं जन्म सफलं च तपः प्रभो। देवत्वमद्य मे ब्रह्मंस्त्वत्प्रसादाद्भविष्यति

adya me saphalaṁ janma saphalaṁ ca tapaḥ prabho| devatvamadya me brahmaṁstvatprasādādbhaviṣyati

हे प्रभो! आज मेरा जन्म सफल हुआ, मेरा तप सफल हुआ; हे ब्रह्मन्! आपकी कृपा से आज मुझे देवत्व की प्राप्ति होगी।

श्लोक 56 (skanda.7.23.56)

मया च तपसोग्रेण प्राप्तं लिंगमुमापतेः। तत्प्रतिष्ठाविधिं सर्वं तद्भवान्कर्त्तुमर्हति

mayā ca tapasogreṇa prāptaṁ liṁgamumāpateḥ| tatpratiṣṭhāvidhiṁ sarvaṁ tadbhavānkarttumarhati

मैंने उग्र तप से उमापति का लिंग प्राप्त किया है; उसकी प्रतिष्ठा की संपूर्ण विधि अब आप ही करने योग्य हैं।"

श्लोक 57 (skanda.7.23.57)

ब्रह्मोवाच। अवश्यं तव कर्त्तास्मि प्रतिष्ठां शंकरात्मिकाम्। त्वदाराधनलिंगे तु सोमेशेऽतिविशेषतः

brahmovāca| avaśyaṁ tava karttāsmi pratiṣṭhāṁ śaṁkarātmikām| tvadārādhanaliṁge tu someśe'tiviśeṣataḥ

ब्रह्मा ने कहा—मैं अवश्य तुम्हारे लिए शंकर-स्वरूप प्रतिष्ठा करूँगा, और विशेष रूप से तुम्हारे आराधना-लिंग सोमेश के लिए—

श्लोक 58 (skanda.7.23.58)

ये केचिद्भवितारो वा अतीता ये निशाकराः। तेषां सोमान्वयानां च सर्वेषामाद्यदैवतम्

ye kecidbhavitāro vā atītā ye niśākarāḥ| teṣāṁ somānvayānāṁ ca sarveṣāmādyadaivatam

—जो भी निशाकर भविष्य में होंगे या भूतकाल में हो चुके हैं, उन सभी सोमवंशियों के लिए यह आद्य देवता है।

श्लोक 59 (skanda.7.23.59)

योऽसौ सोमेश्वरो देव आदौ भैरवनामभृत्। मन्वन्तरान्तरेऽतीते प्रतिष्ठेऽहं पुनःपुनः

yo'sau someśvaro deva ādau bhairavanāmabhṛt| manvantarāntare'tīte pratiṣṭhe'haṁ punaḥpunaḥ

वही सोमेश्वर देव, जो प्रारंभ में भैरव नाम धारण करते थे—मैं उन्हें प्रत्येक बीते हुए मन्वंतर में बार-बार प्रतिष्ठित करता आया हूँ।

श्लोक 60 (skanda.7.23.60)

यदा प्राभासिकं क्षेत्रे गतोऽहं चाष्टवार्षिकः। आहूतः पूर्वमिन्द्रेण भैरवस्य प्रतिष्ठिते

yadā prābhāsikaṁ kṣetre gato'haṁ cāṣṭavārṣikaḥ| āhūtaḥ pūrvamindreṇa bhairavasya pratiṣṭhite

जब मैं आठ वर्षीय बालरूप में प्रभासक्षेत्र गया था, तब पूर्वकाल में इंद्र द्वारा भैरव की प्रतिष्ठा के समय बुलाया गया था—

श्लोक 61 (skanda.7.23.61)

तत्प्रभृत्येव मे नाम बालरूपी निगद्यते। अन्येषु सर्वतीर्थेषु वृद्धरूपी वसाम्यहम्

tatprabhṛtyeva me nāma bālarūpī nigadyate| anyeṣu sarvatīrtheṣu vṛddharūpī vasāmyaham

—तब से ही मेरा नाम बालरूपी कहा जाता है। अन्य सभी तीर्थों में मैं वृद्धरूप में निवास करता हूँ।

श्लोक 62 (skanda.7.23.62)

प्रभासे तु पुनश्चंद्र बाल्याप्रभृति संवसे। ब्रह्माण्डे यानि तीर्थानि ब्राह्मणास्तेषु ये स्मृताः

prabhāse tu punaścaṁdra bālyāprabhṛti saṁvase| brahmāṇḍe yāni tīrthāni brāhmaṇāsteṣu ye smṛtāḥ

परंतु प्रभास में, हे चंद्र! मैं बाल्यकाल से ही पुनः निवास करता हूँ। ब्रह्मांड में जो भी तीर्थ हैं, और उनमें जो भी ब्राह्मण स्मृत हैं—

श्लोक 63 (skanda.7.23.63)

तेषामाद्यो निशानाथ प्रभासेऽहं व्यवस्थितः। कल्पेकल्पे निशानाथ मम नामांतरं भवेत्

teṣāmādyo niśānātha prabhāse'haṁ vyavasthitaḥ| kalpekalpe niśānātha mama nāmāṁtaraṁ bhavet

—उनमें प्रभास में स्थित मैं ही आद्य हूँ, हे निशानाथ! प्रत्येक कल्प में, हे निशानाथ! मेरा नाम बदल जाता है।

श्लोक 64 (skanda.7.23.64)

स्वयंभूः प्रथमे नाम द्वितीये पद्मभूः स्मृतः। तृतीये विश्वकर्त्तेति बालरूपी तुरीयके

svayaṁbhūḥ prathame nāma dvitīye padmabhūḥ smṛtaḥ| tṛtīye viśvakartteti bālarūpī turīyake

प्रथम कल्प में मेरा नाम स्वयंभू था, द्वितीय में पद्मभू स्मृत है; तृतीय में विश्वकर्ता, चतुर्थ में बालरूपी—

श्लोक 65 (skanda.7.23.65)

एषामेव परीवर्तो नाम्नां भावि पुनःपुनः। परार्द्धद्वयपर्यंतं प्रभासे संस्थितस्य मे

eṣāmeva parīvarto nāmnāṁ bhāvi punaḥpunaḥ| parārddhadvayaparyaṁtaṁ prabhāse saṁsthitasya me

—इन्हीं नामों का परिवर्तन बार-बार होता रहेगा, प्रभास में स्थित मेरे लिए, दोनों परार्धों के अंत तक।

श्लोक 66 (skanda.7.23.66)

आदिसोमेन तत्रैव शंभोर्नेत्रोद्भवेन वै। प्रभासे तु तपस्तप्त्वा प्रत्यक्षीकृतईश्वरः

ādisomena tatraiva śaṁbhornetrodbhavena vai| prabhāse tu tapastaptvā pratyakṣīkṛtaīśvaraḥ

शंभु के नेत्र से उत्पन्न उसी आदिसोम द्वारा वहीं प्रभास में तप करके ईश्वर को साक्षात् किया गया;

श्लोक 67 (skanda.7.23.67)

ततो ददौ वरं तुष्टः पूर्वचन्द्रस्य शूलधृक्। यस्मादाराधितोऽहं ते सोम भक्त्या चिरन्तनम्

tato dadau varaṁ tuṣṭaḥ pūrvacandrasya śūladhṛk| yasmādārādhito'haṁ te soma bhaktyā cirantanam

तब उस पूर्व चंद्र के लिए त्रिशूलधारी ने प्रसन्न होकर वर दिया—"हे सोम! चूँकि तुमने मुझे चिरकाल तक भक्ति से आराधा है,

श्लोक 68 (skanda.7.23.68)

तस्मात्सोमेशनामैवमस्मिँल्लिंगे भविष्यति। यावद्ब्रह्मा शतानन्दः प्रकृतौ न प्रलीयते

tasmātsomeśanāmaivamasmĩlliṁge bhaviṣyati| yāvadbrahmā śatānandaḥ prakṛtau na pralīyate

—इसलिए इस लिंग का नाम ही 'सोमेश' होगा, जब तक शतानंद नामक ब्रह्मा प्रकृति में लीन नहीं हो जाते।

श्लोक 69 (skanda.7.23.69)

ये केचिद्भवितारो वै रात्रिनाथा निशाकराः। ते मदाराधनं चात्र करिष्यंति पुनःपुनः

ye kecidbhavitāro vai rātrināthā niśākarāḥ| te madārādhanaṁ cātra kariṣyaṁti punaḥpunaḥ

जो भी रात्रिनाथ निशाकर भविष्य में होंगे, वे यहाँ मेरी आराधना बार-बार करेंगे।"

श्लोक 70 (skanda.7.23.70)

इत्युक्त्वा भगवाञ्छंभुस्तत्रैवांतरधीयत। तस्मिन्काले मया सोम आद्यं लिंगं प्रतिष्ठितम्

ityuktvā bhagavāñchaṁbhustatraivāṁtaradhīyata| tasminkāle mayā soma ādyaṁ liṁgaṁ pratiṣṭhitam

ऐसा कहकर भगवान् शंभु वहीं अंतर्धान हो गए। उस समय मेरे द्वारा सोम के लिए आद्य लिंग प्रतिष्ठित किया गया।

श्लोक 71 (skanda.7.23.71)

तदाप्रभृति सोमानां लक्षाणां द्वितयं गतम्। सहस्रद्वितयं चैव शतं चैकं षडुत्तरम्

tadāprabhṛti somānāṁ lakṣāṇāṁ dvitayaṁ gatam| sahasradvitayaṁ caiva śataṁ caikaṁ ṣaḍuttaram

तब से अब तक दो लाख चंद्र (वर्ष) बीत चुके हैं, तथा दो सहस्र और एक सौ छह और भी—

श्लोक 72 (skanda.7.23.72)

सप्तमस्त्वं महावाहो वर्त्तसे सोम सांप्रतम्। एतावन्त्येव लिंगानि प्रतिष्ठां प्रापितानि मे

saptamastvaṁ mahāvāho varttase soma sāṁpratam| etāvantyeva liṁgāni pratiṣṭhāṁ prāpitāni me

—हे महाबाहो! तुम अब सातवें सोम हो। इतने ही लिंग अब तक मेरे द्वारा प्रतिष्ठा को प्राप्त कराए गए हैं।

श्लोक 73 (skanda.7.23.73)

एष एवाधुना सोऽहं तदाराधनजं फलम्। प्रतिष्ठातास्मि भद्रं ते सोम कृत्य ममैव तत्

eṣa evādhunā so'haṁ tadārādhanajaṁ phalam| pratiṣṭhātāsmi bhadraṁ te soma kṛtya mamaiva tat

अब मैं ही वही हूँ, उस आराधना से उत्पन्न फल स्वरूप; हे सोम! तुम्हारा कल्याण हो, मैं ही प्रतिष्ठा करने वाला हूँगा—यह मेरा ही कर्तव्य है।"

श्लोक 74 (skanda.7.23.74)

ईश्वर उवाच। इत्युक्त्वा भगवान्ब्रह्मा वेदविद्यासमन्वितः। सर्वदेवमयो देवैः सहितस्तीर्थसंयुतः

īśvara uvāca| ityuktvā bhagavānbrahmā vedavidyāsamanvitaḥ| sarvadevamayo devaiḥ sahitastīrthasaṁyutaḥ

ईश्वर ने कहा—ऐसा कहकर वेदविद्या से युक्त, सर्वदेवमय भगवान् ब्रह्मा, देवताओं तथा तीर्थों सहित—

श्लोक 75 (skanda.7.23.75)

सनत्कुमारप्रमुखै र्योगीन्द्रैर्ऋषिभिः सह। बृहस्पतिं समाहूय पुरस्कृत्य पुरोधसम्

sanatkumārapramukhai ryogīndrairṛṣibhiḥ saha| bṛhaspatiṁ samāhūya puraskṛtya purodhasam

सनत्कुमार आदि योगींद्रों तथा ऋषियों सहित, बृहस्पति को बुलाकर पुरोहित के रूप में आगे रखकर,

श्लोक 76 (skanda.7.23.76)

हंसयानं समारुह्य कोटिब्रह्मर्षिभिः सह। आगतः सोमराजेन तदा ब्रह्मा जगत्पतिः

haṁsayānaṁ samāruhya koṭibrahmarṣibhiḥ saha| āgataḥ somarājena tadā brahmā jagatpatiḥ

हंसयान पर चढ़कर, करोड़ों ब्रह्मर्षियों सहित, सोमराज के साथ जगत्पति ब्रह्मा तब वहाँ आए,

श्लोक 77 (skanda.7.23.77)

प्राभासिके महातीर्थे यत्र दारुवनं स्मृतम्। ऋषितोया नदी यत्र महापातकनाशिनी

prābhāsike mahātīrthe yatra dāruvanaṁ smṛtam| ṛṣitoyā nadī yatra mahāpātakanāśinī

उस प्राभासिक महातीर्थ में, जहाँ दारुवन स्मृत है, जहाँ महापातकनाशिनी ऋषितोया नदी बहती है।

श्लोक 78 (skanda.7.23.78)

अस्मिंस्तीर्थे प्रभासे तु ब्रह्मभागः स उच्यते। त्रिदैवतमिदं क्षेत्रं मया ते कथितं प्रिये

asmiṁstīrthe prabhāse tu brahmabhāgaḥ sa ucyate| tridaivatamidaṁ kṣetraṁ mayā te kathitaṁ priye

इस प्रभास तीर्थ में वह स्थान 'ब्रह्मभाग' कहलाता है। हे प्रिये! यह त्रिदेवतामय क्षेत्र मैंने तुम्हें बताया।

श्लोक 79 (skanda.7.23.79)

तत्रागत्व चतुर्वक्त्रो ब्राह्मभागेऽतिनिर्मले। मुनीनाकारयामास उन्नत स्थानवासिनः

tatrāgatva caturvaktro brāhmabhāge'tinirmale| munīnākārayāmāsa unnata sthānavāsinaḥ

वहाँ जाकर चतुर्मुख ब्रह्मा ने उस अत्यंत निर्मल ब्राह्मभाग में उन्नत स्थान में निवास करने वाले मुनियों को बुलाया।

श्लोक 80 (skanda.7.23.80)

आयांतं वेधसं दृष्ट्वा देवर्षिगुरुसंयुतम्। ते सर्वे पूजयामासुः संस्तवैर्वेदसंमितैः

āyāṁtaṁ vedhasaṁ dṛṣṭvā devarṣigurusaṁyutam| te sarve pūjayāmāsuḥ saṁstavairvedasaṁmitaiḥ

देवर्षियों तथा गुरु सहित आते हुए विधाता को देखकर, वे सब वेद-सम्मित स्तुतियों से उनकी पूजा करने लगे।

श्लोक 81 (skanda.7.23.81)

अथोवाच द्विजान्सर्वान्ब्रह्मा लोकपितामहः। चिरमाराध्य सोमेन सोमेशं पापनाशनम्

athovāca dvijānsarvānbrahmā lokapitāmahaḥ| ciramārādhya somena someśaṁ pāpanāśanam

तब लोकपितामह ब्रह्मा ने सभी द्विजों से कहा—"सोम द्वारा चिरकाल तक आराधना किए गए पापनाशक सोमेश—

श्लोक 82 (skanda.7.23.82)

तस्मिन्प्रसन्ने सोमेन लब्धं लिङ्गमनुत्तमम्। प्रतिष्ठार्थं तु देवस्य आयाता द्विजसत्तमाः

tasminprasanne somena labdhaṁ liṅgamanuttamam| pratiṣṭhārthaṁ tu devasya āyātā dvijasattamāḥ

—उनके प्रसन्न होने पर सोम द्वारा यह अनुपम लिंग प्राप्त हुआ। हे श्रेष्ठ द्विजो! तुम सब देव की प्रतिष्ठा के लिए यहाँ आए हो।

श्लोक 83 (skanda.7.23.83)

यथा मया सदा कार्या प्रतिष्ठा शंकरात्मिका। भवद्भिः परिकार्या सा मम भागसमाश्रयैः

yathā mayā sadā kāryā pratiṣṭhā śaṁkarātmikā| bhavadbhiḥ parikāryā sā mama bhāgasamāśrayaiḥ

जैसे मेरे द्वारा सदा शंकर-स्वरूप प्रतिष्ठा की जाती रही है, वैसे ही मेरे भाग का आश्रय लेने वाले तुम लोगों द्वारा वह की जाए।

श्लोक 84 (skanda.7.23.84)

यतः कोपेन भवतां लिंगं प्रपतितं भुवि। प्रतिष्ठा तस्य कर्तव्या युष्माभिर्वै न संशयः

yataḥ kopena bhavatāṁ liṁgaṁ prapatitaṁ bhuvi| pratiṣṭhā tasya kartavyā yuṣmābhirvai na saṁśayaḥ

चूँकि तुम्हारे ही क्रोध से एक लिंग पृथ्वी पर गिरा था, इसलिए उसकी प्रतिष्ठा तुम्हारे द्वारा ही की जानी चाहिए, इसमें निःसंदेह है।"

श्लोक 85 (skanda.7.23.85)

ईश्वर उवाच। गृहीत्वाऽथ मुनीन्सर्वान्ब्रह्मा लोकपिता महः। आनीतः सोमराजेन तदा ब्रह्मा जगत्पतिः

īśvara uvāca| gṛhītvā'tha munīnsarvānbrahmā lokapitā mahaḥ| ānītaḥ somarājena tadā brahmā jagatpatiḥ

ईश्वर ने कहा—तब सभी मुनियों को साथ लेकर लोकपिता ब्रह्मा, सोमराज द्वारा वहाँ लाए गए, वे जगत्पति ब्रह्मा—

श्लोक 86 (skanda.7.23.86)

प्राभासिके महातीर्थे सावित्र्या सहितः प्रभुः। कारयामास कुण्डानां मण्डपानां शतंशतम्

prābhāsike mahātīrthe sāvitryā sahitaḥ prabhuḥ| kārayāmāsa kuṇḍānāṁ maṇḍapānāṁ śataṁśatam

—प्राभासिक महातीर्थ में, सावित्री सहित उस प्रभु ने सैकड़ों कुंड और मंडप बनवाए।

श्लोक 87 (skanda.7.23.87)

एकैके मण्डपे तत्र चक्रे सप्तदशर्त्विजः। गुरुणा प्रेरितो ब्रह्मा तत्र देवपुरोधसा

ekaike maṇḍape tatra cakre saptadaśartvijaḥ| guruṇā prerito brahmā tatra devapurodhasā

प्रत्येक मंडप में उन्होंने सत्रह ऋत्विज नियुक्त किए; वहाँ ब्रह्मा गुरु देवपुरोहित (बृहस्पति) द्वारा निर्देशित हुए।

श्लोक 88 (skanda.7.23.88)

पार्श्वे स्थितस्तदा ब्रह्मा विधानैर्वेद भाषितैः। दीक्षयामास सोमं तु रोहिण्या सहितं विभुम्

pārśve sthitastadā brahmā vidhānairveda bhāṣitaiḥ| dīkṣayāmāsa somaṁ tu rohiṇyā sahitaṁ vibhum

उनके समीप स्थित ब्रह्मा ने वेदोक्त विधानों से रोहिणी सहित विभु सोम को दीक्षा दी,

श्लोक 89 (skanda.7.23.89)

पत्नीं च रोहिणीं कृत्वा सर्वलक्षणसंयुताम्। मृगचर्मधरां देवीं क्षौमवस्त्रावगुंठिता म्

patnīṁ ca rohiṇīṁ kṛtvā sarvalakṣaṇasaṁyutām| mṛgacarmadharāṁ devīṁ kṣaumavastrāvaguṁṭhitā m

सर्वलक्षणसंपन्न रोहिणी को पत्नी बनाकर—मृगचर्म धारण किए, क्षौम वस्त्र से आवृत उस देवी को—

श्लोक 90 (skanda.7.23.90)

पत्नीशालां समानीता ऋत्विग्भिर्वेदपारगैः। चंद्रमा दीक्षया युक्त ऋषिगंधर्वसंस्तुतः

patnīśālāṁ samānītā ṛtvigbhirvedapāragaiḥ| caṁdramā dīkṣayā yukta ṛṣigaṁdharvasaṁstutaḥ

वेदपारंगत ऋत्विजों द्वारा पत्नीशाला में लाया गया; चंद्रमा दीक्षा से युक्त होकर ऋषि-गंधर्वों द्वारा स्तुत हुए,

श्लोक 91 (skanda.7.23.91)

औदुंबरेण दंडेन संवृतो मृगचर्मणा। अतीव तेजसा युक्तः शुशुभे सदसि स्थितः

auduṁbareṇa daṁḍena saṁvṛto mṛgacarmaṇā| atīva tejasā yuktaḥ śuśubhe sadasi sthitaḥ

औदुंबर दंड और मृगचर्म धारण किए हुए, अत्यंत तेजस्वी होकर सभा में स्थित शोभायमान हुए।

श्लोक 92 (skanda.7.23.92)

ततो ब्रह्मा महादेवि सर्वलोकपितामहः। ऋत्विजां वरणं चक्रे वेदोक्तविधिना तदा

tato brahmā mahādevi sarvalokapitāmahaḥ| ṛtvijāṁ varaṇaṁ cakre vedoktavidhinā tadā

तब सर्वलोकपितामह ब्रह्मा ने, हे महादेवी! वेदोक्त विधि से ऋत्विजों का वरण किया।

श्लोक 93 (skanda.7.23.93)

गुरुर्होता वृतस्तत्र वसिष्ठोऽध्वर्युरेव च। तत्रोद्गाता मरीचिस्तु ब्रह्मत्वे नारदः कृतः

gururhotā vṛtastatra vasiṣṭho'dhvaryureva ca| tatrodgātā marīcistu brahmatve nāradaḥ kṛtaḥ

वहाँ गुरु (बृहस्पति) होता के रूप में वृत हुए, वसिष्ठ अध्वर्यु हुए; मरीचि उद्गाता हुए, नारद ब्रह्मा (पद) पर नियुक्त हुए।

श्लोक 94 (skanda.7.23.94)

सनत्कुमारसंयुक्ताः सदस्यास्तत्र वै कृताः। वस्त्रैराभरणैर्युक्ता मुकुटैरंगुलीयकैः

sanatkumārasaṁyuktāḥ sadasyāstatra vai kṛtāḥ| vastrairābharaṇairyuktā mukuṭairaṁgulīyakaiḥ

सनत्कुमार सहित वहाँ सदस्य नियुक्त किए गए, वस्त्रों-आभूषणों, मुकुटों और अंगूठियों से युक्त—

श्लोक 95 (skanda.7.23.95)

भूषिता भूषणौघेन तस्मिन्यज्ञे तदर्त्विजः। चतुर्षु तज्ज्ञाश्चत्वार एवं ते षोडशर्त्विजः

bhūṣitā bhūṣaṇaughena tasminyajñe tadartvijaḥ| caturṣu tajjñāścatvāra evaṁ te ṣoḍaśartvijaḥ

उस यज्ञ के वे ऋत्विज आभूषणों के समूह से भूषित थे। चारों प्रधानों के लिए चार-चार सहायक तज्ज्ञ—इस प्रकार वे सोलह ऋत्विज हुए।

श्लोक 96 (skanda.7.23.96)

प्रस्तोता कश्यपस्तत्र प्रतिहर्ता तु गालवः। सुब्रह्मण्यस्तथा गर्गः सदस्यः पुलहः कृतः

prastotā kaśyapastatra pratihartā tu gālavaḥ| subrahmaṇyastathā gargaḥ sadasyaḥ pulahaḥ kṛtaḥ

वहाँ कश्यप प्रस्तोता हुए, गालव प्रतिहर्ता हुए; तथा गर्ग सुब्रह्मण्य हुए, पुलह सदस्य बनाए गए।

श्लोक 97 (skanda.7.23.97)

होता शुक्रः समाख्यातो नेष्टा क्रथ उदाहृतः। मैत्रावरुणो दुर्वासा ब्राह्मणाच्छंसी कौशिकः

hotā śukraḥ samākhyāto neṣṭā kratha udāhṛtaḥ| maitrāvaruṇo durvāsā brāhmaṇācchaṁsī kauśikaḥ

शुक्र होता कहे गए, क्रथ नेष्टा कहे गए; दुर्वासा मैत्रावरुण हुए, कौशिक ब्राह्मणाच्छंसी हुए।

श्लोक 98 (skanda.7.23.98)

अच्छावाकश्च शाकल्यो ग्रावस्थः क्रतुरेव च। प्रस्थाता प्रतिपूर्वो यः शालंकायन एव च

acchāvākaśca śākalyo grāvasthaḥ kratureva ca| prasthātā pratipūrvo yaḥ śālaṁkāyana eva ca

शाकल्य अच्छावाक हुए, क्रतु स्वयं ग्रावस्तुत् हुए; तथा शालंकायन प्रस्थाता और प्रतिप्रस्थाता हुए।

श्लोक 99 (skanda.7.23.99)

अग्नीध्रश्च मनुस्तत्र उन्नेता त्वंगिराः कृतः। एवमाद्यान्मण्डपेषु कृत्वा तानृत्विजः प्रभुः

agnīdhraśca manustatra unnetā tvaṁgirāḥ kṛtaḥ| evamādyānmaṇḍapeṣu kṛtvā tānṛtvijaḥ prabhuḥ

मनु वहाँ आग्नीध्र हुए, अंगिरा उन्नेता बनाए गए। इस प्रकार इन आदि ऋत्विजों को मंडपों में नियुक्त करके, वे प्रभु—

श्लोक 100 (skanda.7.23.100)

अन्येषु मण्डपेष्वेव प्रत्येकमृत्विजः कृताः। मण्डपानां शतेष्वेव कृत्वा कुण्डान्यकल्पयत्

anyeṣu maṇḍapeṣveva pratyekamṛtvijaḥ kṛtāḥ| maṇḍapānāṁ śateṣveva kṛtvā kuṇḍānyakalpayat

—अन्य मंडपों में भी प्रत्येक में ऋत्विज नियुक्त किए गए; सैकड़ों मंडपों में इस प्रकार कुंड तैयार करवाए।

श्लोक 101 (skanda.7.23.101)

एकैको मण्डपस्तत्र विंशहस्तप्रमाणतः। अस्त्रेणाशोध्य भूमिं तु पंचगव्येन प्रोक्ष्य च

ekaiko maṇḍapastatra viṁśahastapramāṇataḥ| astreṇāśodhya bhūmiṁ tu paṁcagavyena prokṣya ca

वहाँ प्रत्येक मंडप बीस हाथ के माप का था; अस्त्र-मंत्र से भूमि का शोधन करके, पंचगव्य से सींचकर,

श्लोक 102 (skanda.7.23.102)

चर्मणा चावगुंठ्यैव आलिख्यास्त्रेण पार्वति। उल्लिख्य प्रोक्षणं कृत्वा खातं कृत्वा विधानतः

carmaṇā cāvaguṁṭhyaiva ālikhyāstreṇa pārvati| ullikhya prokṣaṇaṁ kṛtvā khātaṁ kṛtvā vidhānataḥ

हे पार्वती! चर्म से आच्छादित करके, अस्त्र से रेखांकित करके, फिर उत्कीर्ण करके, प्रोक्षण करके, विधिपूर्वक खोदकर,

श्लोक 103 (skanda.7.23.103)

अष्टौ कुंडानि संकल्प्य तथैकमण्डपे प्रिये। लेपनं मण्डपे कृत्वा वज्राकरणमेव च

aṣṭau kuṁḍāni saṁkalpya tathaikamaṇḍape priye| lepanaṁ maṇḍape kṛtvā vajrākaraṇameva ca

हे प्रिये! प्रत्येक मंडप में आठ कुंडों का संकल्प करके, मंडप में लेपन करके, वज्राकार बनाकर,

श्लोक 104 (skanda.7.23.104)

चतुरस्रकार्मुकं च वर्तुलं कमलाकृति। पूर्वां दिशं समा रभ्य कृत्वा तानि प्रयत्नतः

caturasrakārmukaṁ ca vartulaṁ kamalākṛti| pūrvāṁ diśaṁ samā rabhya kṛtvā tāni prayatnataḥ

चतुष्कोण, धनुषाकार, वर्तुल, कमलाकार—पूर्व दिशा से समान रूप से आरंभ करके, उन्हें प्रयत्नपूर्वक बनाकर,

श्लोक 105 (skanda.7.23.105)

चतुःकोणसमायुक्तं पूर्वे कुण्डं निवेश्य तु। भगाकृति तथाऽऽग्नेय्यां दक्षिणे धनुराकृति

catuḥkoṇasamāyuktaṁ pūrve kuṇḍaṁ niveśya tu| bhagākṛti tathā''gneyyāṁ dakṣiṇe dhanurākṛti

पूर्व में चतुष्कोण कुंड स्थापित करके; आग्नेय में योनि-आकार, दक्षिण में धनुषाकार;

श्लोक 106 (skanda.7.23.106)

नैर्ऋत्ये तु त्रिकोणं वै वर्तुलं पश्चिमेन तु। षट्कोणं चैव वायव्ये पद्माकारं तथोत्तरे

nairṛtye tu trikoṇaṁ vai vartulaṁ paścimena tu| ṣaṭkoṇaṁ caiva vāyavye padmākāraṁ tathottare

नैर्ऋत्य में त्रिकोण, पश्चिम में वर्तुल; वायव्य में षट्कोण, तथा उत्तर में पद्माकार;

श्लोक 107 (skanda.7.23.107)

ऐशान्यामष्टकोणं तु मध्ये चैकं विधा नतः। प्रत्येकं मण्डपं शुभ्रं स्तम्भैः षोडशभिर्युतम्

aiśānyāmaṣṭakoṇaṁ tu madhye caikaṁ vidhā nataḥ| pratyekaṁ maṇḍapaṁ śubhraṁ stambhaiḥ ṣoḍaśabhiryutam

ईशान में अष्टकोण, और मध्य में एक विधिपूर्वक—प्रत्येक शुभ्र मंडप सोलह स्तंभों से युक्त,

श्लोक 108 (skanda.7.23.108)

ध्वजैः सतोरणैर्युक्तं चक्रे ब्रह्मा विधानतः। न्यग्रोधं पूर्वतो न्यस्य दक्षे चोदुंबरं तथा

dhvajaiḥ satoraṇairyuktaṁ cakre brahmā vidhānataḥ| nyagrodhaṁ pūrvato nyasya dakṣe coduṁbaraṁ tathā

ध्वजों और तोरणों से युक्त, ब्रह्मा ने विधिपूर्वक बनाया। पूर्व में न्यग्रोध (वट), दक्षिण में उदुंबर,

श्लोक 109 (skanda.7.23.109)

अश्वत्थं पश्चिमे चैव पलाशं चोत्तरे क्रमात्। बाहुदंडप्रमाणेन ध्वजांस्तत्र निवेश्य वै

aśvatthaṁ paścime caiva palāśaṁ cottare kramāt| bāhudaṁḍapramāṇena dhvajāṁstatra niveśya vai

पश्चिम में अश्वत्थ, तथा उत्तर में पलाश—क्रमशः स्थापित करके, बाहु-दंड के माप से ध्वजाएँ स्थापित कर,

श्लोक 110 (skanda.7.23.110)

ऐन्द्र्यादौ पीतवर्णादि पताका परिकल्पिताः। ततो ब्रह्मा ह्यग्निकुंडे चाग्निस्थापनमारभत्

aindryādau pītavarṇādi patākā parikalpitāḥ| tato brahmā hyagnikuṁḍe cāgnisthāpanamārabhat

इंद्र दिशा से आरंभ कर पीत वर्ण आदि की पताकाएँ लगाई गईं। तब ब्रह्मा ने अग्निकुंड में अग्नि-स्थापन आरंभ किया।

श्लोक 111 (skanda.7.23.111)

स्वस्थाने ब्राह्मणांश्चैव जाप्ये चैव न्ययोजयत्। श्रीसूक्तं पावमानं च सदा चैव च वाजिनम्

svasthāne brāhmaṇāṁścaiva jāpye caiva nyayojayat| śrīsūktaṁ pāvamānaṁ ca sadā caiva ca vājinam

उन्होंने ब्राह्मणों को अपने-अपने स्थान पर जप में नियुक्त किया—श्रीसूक्त, पावमान, तथा सदा वाजिन सूक्त;

श्लोक 112 (skanda.7.23.112)

वृषाकपिं तथैन्द्रं च बह्वृचः पूर्वतोऽजपन्। रुद्रान्पुरुषसूक्तं च क्रोकाध्यायं च वैक्रियम्

vṛṣākapiṁ tathaindraṁ ca bahvṛcaḥ pūrvato'japan| rudrānpuruṣasūktaṁ ca krokādhyāyaṁ ca vaikriyam

ऋग्वेदी ब्राह्मणों ने पूर्व दिशा में वृषाकपि और ऐंद्र सूक्तों का जप किया; रुद्र सूक्त, पुरुषसूक्त, क्रोकाध्याय तथा वैक्रित—

श्लोक 113 (skanda.7.23.113)

ब्राह्मणं पैत्र्यमैंद्रं च जपेरन्यजुषो यमे। देवव्रतं वामदेव्यं ज्येष्ठं साम रथंतरम्

brāhmaṇaṁ paitryamaiṁdraṁ ca japeranyajuṣo yame| devavrataṁ vāmadevyaṁ jyeṣṭhaṁ sāma rathaṁtaram

यजुर्वेद के ब्राह्मण, पैत्र्य तथा ऐंद्र मंत्रों का जप दक्षिण में करते थे; देवव्रत, वामदेव्य, ज्येष्ठ साम, रथंतर—

श्लोक 114 (skanda.7.23.114)

भेरुंडानि च सामानि च्छंदोगः पश्चिमेऽजपत्। अथर्वाथर्वशिरसं स्कम्भस्तंभमथर्वणम्

bheruṁḍāni ca sāmāni cchaṁdogaḥ paścime'japat| atharvātharvaśirasaṁ skambhastaṁbhamatharvaṇam

—तथा भेरुंड सामों का जप छंदोगी ब्राह्मणों ने पश्चिम में किया; अथर्व-सूक्त, अथर्वशिरस्, स्कंभ-स्तंभ अथर्वण मंत्र—

श्लोक 115 (skanda.7.23.115)

नीलरुद्रमथर्वाणमथर्वा चोत्तरेऽजपत्। गर्भाधानादिकं सर्वं ततोऽग्नेरकरोद्विभुः

nīlarudramatharvāṇamatharvā cottare'japat| garbhādhānādikaṁ sarvaṁ tato'gnerakarodvibhuḥ

—नीलरुद्र तथा अथर्वण मंत्रों का जप अथर्ववेदी ब्राह्मण ने उत्तर में किया। तत्पश्चात् उन विभु ने अग्नि के लिए गर्भाधान आदि सभी कर्म किए।

श्लोक 116 (skanda.7.23.116)

पूर्णाहुतिं ततो दत्त्वा स्नानकर्म तथाऽरभत्। पंचपल्लवसंयुक्तं मृत्तिकाभिः समन्वितम्

pūrṇāhutiṁ tato dattvā snānakarma tathā'rabhat| paṁcapallavasaṁyuktaṁ mṛttikābhiḥ samanvitam

तत्पश्चात् पूर्णाहुति देकर उन्होंने स्नान-कर्म आरंभ किया—पंच पल्लवों तथा मृत्तिकाओं से युक्त,

श्लोक 117 (skanda.7.23.117)

कषायैः पंचगव्यैश्च पंचामृतफलैस्तथा। तीर्थोदकैः समेतं तु मंत्रैः स्नानमथारभत्

kaṣāyaiḥ paṁcagavyaiśca paṁcāmṛtaphalaistathā| tīrthodakaiḥ sametaṁ tu maṁtraiḥ snānamathārabhat

कषायों, पंचगव्य तथा पंचामृत-फलों से युक्त, तीर्थ-जल से समन्वित—मंत्रों सहित स्नान आरंभ किया।

श्लोक 118 (skanda.7.23.118)

नेत्राण्युत्पाद्य देवस्य कृत्वा च तिलकक्रियाम्। पृथिव्यां यानि तीर्थानि पाताले च विशेषतः

netrāṇyutpādya devasya kṛtvā ca tilakakriyām| pṛthivyāṁ yāni tīrthāni pātāle ca viśeṣataḥ

देव के नेत्रों को उत्पन्न करके तथा तिलक-क्रिया करके—पृथ्वी पर जो भी तीर्थ हैं, विशेषतः पाताल में भी,

श्लोक 119 (skanda.7.23.119)

स्वर्ग लोके च यान्येव तत्र तान्याययुस्तदा। एतस्मिन्नन्तरे ब्रह्मा देवानां पश्यतां तदा

svarga loke ca yānyeva tatra tānyāyayustadā| etasminnantare brahmā devānāṁ paśyatāṁ tadā

तथा स्वर्गलोक में जो भी हैं, वे सब वहाँ आ गए। इसी बीच, देवताओं के देखते-देखते ब्रह्मा—

श्लोक 120 (skanda.7.23.120)

भूमिं भित्त्वा विवेशाथ तत्र लिंगमपश्यत। स्पर्शाख्यं तं तु संछाद्य मधुना दर्भमूलकैः

bhūmiṁ bhittvā viveśātha tatra liṁgamapaśyata| sparśākhyaṁ taṁ tu saṁchādya madhunā darbhamūlakaiḥ

—भूमि को भेदकर उसमें प्रविष्ट हुए और वहाँ लिंग को देखा; स्पर्श नामक उस लिंग को मधु और दर्भ-मूल से ढककर,

श्लोक 121 (skanda.7.23.121)

तत्र ब्रह्मशिलां न्यस्य तस्या ऊर्ध्वं महाप्रभम्। लिंगं प्रतिष्ठयामास कृत्वा निश्चलमा त्मवान्

tatra brahmaśilāṁ nyasya tasyā ūrdhvaṁ mahāprabham| liṁgaṁ pratiṣṭhayāmāsa kṛtvā niścalamā tmavān

वहाँ ब्रह्मशिला रखकर, उसके ऊपर महाप्रभावशाली उस लिंग को, उस आत्मवान् ने निश्चल करके प्रतिष्ठित किया।

श्लोक 122 (skanda.7.23.122)

स्थित्वा च परमे तत्त्वे मंत्रन्यासमथाकरोत्। एवं लिंगं प्रतिष्ठाप्य तत्र ब्रह्मा जगद्गुरुः। पूजयामास विधिना वेदोक्तैर्मंत्र विस्तरैः

sthitvā ca parame tattve maṁtranyāsamathākarot| evaṁ liṁgaṁ pratiṣṭhāpya tatra brahmā jagadguruḥ| pūjayāmāsa vidhinā vedoktairmaṁtra vistaraiḥ

परम तत्त्व में स्थित होकर उन्होंने मंत्र-न्यास किया। इस प्रकार लिंग की प्रतिष्ठा करके, वहाँ जगद्गुरु ब्रह्मा ने वेदोक्त विस्तृत मंत्रों द्वारा विधिपूर्वक पूजा की।

श्लोक 123 (skanda.7.23.123)

मन्त्रन्यासे कृते तत्र ब्रह्मणा लोककर्तॄणा। तत्र विप्रगणो हृष्टो जयशब्दादिमंगलैः। निर्धूमश्चाभवद्वह्निः सूर्यकोटिसमप्रभः

mantranyāse kṛte tatra brahmaṇā lokakartṝṇā| tatra vipragaṇo hṛṣṭo jayaśabdādimaṁgalaiḥ| nirdhūmaścābhavadvahniḥ sūryakoṭisamaprabhaḥ

लोककर्ता ब्रह्मा द्वारा वहाँ मंत्र-न्यास किए जाने पर, वहाँ ब्राह्मणों का समूह जय-जयकार आदि मंगल-ध्वनियों से हर्षित हुआ, और अग्नि धूमरहित होकर करोड़ों सूर्यों के समान प्रभावान् हो गई।

श्लोक 124 (skanda.7.23.124)

देवदुन्दुभयो नेदुः प्रसन्नाश्च दिगीश्वराः। पुष्पवृष्टिः पपातोच्चैस्तस्मिन्यज्ञमहोत्सवे

devadundubhayo neduḥ prasannāśca digīśvarāḥ| puṣpavṛṣṭiḥ papātoccaistasminyajñamahotsave

देवताओं के दुंदुभि बज उठे, दिक्पाल प्रसन्न हुए; उस महान् यज्ञोत्सव में ऊँचे से पुष्पों की वर्षा होने लगी।

श्लोक 125 (skanda.7.23.125)

प्रतिष्ठाप्य ततो लिंगं श्रीसोमेशं पितामहः। दापयामास विप्रेभ्यो भूरिशो यज्ञदक्षिणाम्

pratiṣṭhāpya tato liṁgaṁ śrīsomeśaṁ pitāmahaḥ| dāpayāmāsa viprebhyo bhūriśo yajñadakṣiṇām

इस प्रकार श्रीसोमेश लिंग की प्रतिष्ठा करके, पितामह ने ब्राह्मणों को प्रचुर यज्ञदक्षिणा दिलवाई।

श्लोक 126 (skanda.7.23.126)

सनत्कुमारप्रमुखैराद्यैर्ब्रह्मर्षिभिर्वृतः। दक्षिणामददात्सोमस्त्रीँल्लोकान्ब्रह्मणे पुरा

sanatkumārapramukhairādyairbrahmarṣibhirvṛtaḥ| dakṣiṇāmadadātsomastrī̃llokānbrahmaṇe purā

सनत्कुमार आदि आद्य ब्रह्मर्षियों से घिरे हुए सोम ने पूर्वकाल में ब्रह्मा को तीनों लोक ही दक्षिणा में दिए।

श्लोक 127 (skanda.7.23.127)

तेभ्यो ब्रह्मर्षिमुख्येभ्यः सदस्येभ्यस्तथैव च। ददौ हिरण्यं रत्नानि कोटिशो भूरिदक्षिणाः

tebhyo brahmarṣimukhyebhyaḥ sadasyebhyastathaiva ca| dadau hiraṇyaṁ ratnāni koṭiśo bhūridakṣiṇāḥ

उन प्रमुख ब्रह्मर्षियों तथा सदस्यों को भी उसने करोड़ों की संख्या में स्वर्ण और रत्न, प्रचुर दक्षिणा के रूप में दिए।

श्लोक 128 (skanda.7.23.128)

सोभिषिक्तो महातेजाः सर्वैर्ब्रह्मर्षिभिस्ततः। त्रीँल्लोकान्भावयामास स्वभासा भासतां वरः

sobhiṣikto mahātejāḥ sarvairbrahmarṣibhistataḥ| trī̃llokānbhāvayāmāsa svabhāsā bhāsatāṁ varaḥ

तब सभी ब्रह्मर्षियों द्वारा अभिषिक्त वह महातेजस्वी, प्रकाशमानों में श्रेष्ठ, अपने प्रकाश से तीनों लोकों को पुष्ट करने लगा।

श्लोक 129 (skanda.7.23.129)

तं सिनी च कुहूश्चैव द्युतिः पुष्टिः प्रभा वसुः। कीर्त्तिर्धृतिश्च लक्ष्मीश्च नव देव्यः सिषेविरे

taṁ sinī ca kuhūścaiva dyutiḥ puṣṭiḥ prabhā vasuḥ| kīrttirdhṛtiśca lakṣmīśca nava devyaḥ siṣevire

सिनीवाली, कुहू, द्युति, पुष्टि, प्रभा, वसु, कीर्ति, धृति और लक्ष्मी—इन नौ देवियों ने उनकी सेवा की।

श्लोक 130 (skanda.7.23.130)

प्राप्यावभृथमव्यग्रः कृत्वा माहेश्वरं मखम्। कृतार्थः परिपूर्णश्च संबभूव निशापतिः

prāpyāvabhṛthamavyagraḥ kṛtvā māheśvaraṁ makham| kṛtārthaḥ paripūrṇaśca saṁbabhūva niśāpatiḥ

अवभृथ स्नान को प्राप्त कर, निश्चिंत होकर, माहेश्वर यज्ञ को संपन्न करके, निशापति कृतार्थ और परिपूर्ण हो गए।

श्लोक 131 (skanda.7.23.131)

ततस्तस्मै ददौ राज्यं प्राज्यं ब्रह्मा पितामहः। बीजौषधीनां विप्राणामवन्नानां च वरानने

tatastasmai dadau rājyaṁ prājyaṁ brahmā pitāmahaḥ| bījauṣadhīnāṁ viprāṇāmavannānāṁ ca varānane

तत्पश्चात् पितामह ब्रह्मा ने उन्हें, हे वरानने! बीज-औषधियों, ब्राह्मणों तथा अन्न का विशाल राज्य प्रदान किया।

श्लोक 132 (skanda.7.23.132)

तस्मिन्यज्ञे समाजग्मुर्ये केचित्पृथिवीश्वराः। तेषां राज्यं धनं भोगान्ददौ स्वर्गं तथाऽक्षयम्

tasminyajñe samājagmurye kecitpṛthivīśvarāḥ| teṣāṁ rājyaṁ dhanaṁ bhogāndadau svargaṁ tathā'kṣayam

उस यज्ञ में जो भी पृथ्वी के राजा एकत्र हुए, उन्हें उन्होंने राज्य, धन, भोग तथा अक्षय स्वर्ग प्रदान किया।

श्लोक 133 (skanda.7.23.133)

ब्राह्मणान्भोजयामास स्वयमेवौषधीपतिः। ददौ सर्वं तदा तेषां प्रभासक्षेत्रवासिनाम्

brāhmaṇānbhojayāmāsa svayamevauṣadhīpatiḥ| dadau sarvaṁ tadā teṣāṁ prabhāsakṣetravāsinām

औषधियों के स्वामी (चंद्रमा) ने स्वयं ब्राह्मणों को भोजन कराया; उन्होंने प्रभासक्षेत्र-निवासियों को उस समय सब कुछ दे दिया।

श्लोक 134 (skanda.7.23.134)

हिरण्यादीन्यदाच्चैव महादानानि षोडश। यो यदर्थयते तत्र सामान्यः प्राकृतो जनः। निजकर्मानुसारेण स लेभे च तदेव हि

hiraṇyādīnyadāccaiva mahādānāni ṣoḍaśa| yo yadarthayate tatra sāmānyaḥ prākṛto janaḥ| nijakarmānusāreṇa sa lebhe ca tadeva hi

उन्होंने स्वर्ण आदि सोलह महादान दिए। वहाँ जो भी सामान्य साधारण जन जो कुछ चाहता था, वह अपने-अपने कर्मानुसार वही प्राप्त करता था।

श्लोक 135 (skanda.7.23.135)

एवं समर्थिते यज्ञे सर्वे देवाः सवासवाः। स्थापयित्वा तु लिंगानि जग्मुः सर्वे यथागतम्

evaṁ samarthite yajñe sarve devāḥ savāsavāḥ| sthāpayitvā tu liṁgāni jagmuḥ sarve yathāgatam

इस प्रकार यज्ञ के संपन्न होने पर, वासव सहित सभी देवता, लिंगों की स्थापना करके, जैसे आए थे वैसे ही चले गए।

श्लोक 136 (skanda.7.23.136)

चन्द्रमास्तु पुनर्देवि ब्रह्मणा सहितो विभुः। लिंगमाराधयामास प्रभासे पापनाशने

candramāstu punardevi brahmaṇā sahito vibhuḥ| liṁgamārādhayāmāsa prabhāse pāpanāśane

परंतु हे देवी! चंद्रमा ने ब्रह्मा सहित पुनः पापनाशक प्रभास में उस लिंग की आराधना की।

श्लोक 137 (skanda.7.23.137)

त्रिकालं पूजयामास धूपमाल्यानुलेपनैः। तं प्रणम्य च देवेशि स्तौति नित्यं निशापतिः

trikālaṁ pūjayāmāsa dhūpamālyānulepanaiḥ| taṁ praṇamya ca deveśi stauti nityaṁ niśāpatiḥ

वे धूप, माला और अनुलेपन से त्रिकाल पूजा करते हैं; हे देवेशि! उन्हें प्रणाम करके निशापति सदा उनकी स्तुति करते हैं।