मूलस्थान माहात्म्य वर्णन

श्लोक 1 (skanda.7.278.1)

ईश्वर उवाच। ततो गच्छेन्महादेवि शूलस्थानमिति श्रुतम्। देविकायास्तटे रम्ये भास्करं वारितस्करम्

īśvara uvāca| tato gacchenmahādevi śūlasthānamiti śrutam| devikāyāstaṭe ramye bhāskaraṁ vāritaskaram

ईश्वर ने कहा—हे महादेवी, फिर देविका नदी के रमणीय तट पर स्थित, चोर को रोकने वाले सूर्यदेव के स्थान, शूलस्थान नामक तीर्थ में जाना चाहिए।

श्लोक 2 (skanda.7.278.2)

यत्रातपत्तपो घोरं वाल्मीकिर्मुनिपुंगवः। वाल्मीकिनामा विप्रर्षिर्यत्र सिद्धो महामुनिः

yatrātapattapo ghoraṁ vālmīkirmunipuṁgavaḥ| vālmīkināmā viprarṣiryatra siddho mahāmuniḥ

जहाँ मुनिश्रेष्ठ वाल्मीकि ने घोर तपस्या की, और जहाँ वाल्मीकि नामक विप्रर्षि महामुनि सिद्ध हुए,

श्लोक 3 (skanda.7.278.3)

यत्र सप्तर्षयो मुष्टास्तेनैव मुनिना प्रिये। तस्यैव पश्चिमे भागे मरीचिप्रमुखा द्विजाः

yatra saptarṣayo muṣṭāstenaiva muninā priye| tasyaiva paścime bhāge marīcipramukhā dvijāḥ

जहाँ सप्तर्षि उसी मुनि के द्वारा लूटे गए थे, हे प्रिये; और उसी के पश्चिम भाग में मरीचि आदि द्विज निवास करते हैं।

श्लोक 4 (skanda.7.278.4)

देव्युवाच। कथं तु सिद्धो वाल्मीकिः कथं चौर्येऽकरोन्मनः। कथं सप्तर्षयो मुष्टा एतन्मे वद शंकर

devyuvāca| kathaṁ tu siddho vālmīkiḥ kathaṁ caurye'karonmanaḥ| kathaṁ saptarṣayo muṣṭā etanme vada śaṁkara

देवी ने कहा—वाल्मीकि किस प्रकार सिद्ध हुए? उन्होंने चोरी में मन कैसे लगाया? सप्तर्षि कैसे लूटे गए? हे शंकर, यह सब मुझे बताइए।

श्लोक 5 (skanda.7.278.5)

ईश्वर उवाच। आसीत्पूर्वं द्विजो देवि नाम्ना ख्यातः शमीमुखः। गार्हस्थ्ये वर्तमानस्य तस्य पुत्रो व्यजायत। वैशाख इति नाम्नाऽसौ रौद्रकर्मा व्यजायत

īśvara uvāca| āsītpūrvaṁ dvijo devi nāmnā khyātaḥ śamīmukhaḥ| gārhasthye vartamānasya tasya putro vyajāyata| vaiśākha iti nāmnā'sau raudrakarmā vyajāyata

ईश्वर ने कहा—हे देवी, पूर्वकाल में शमीमुख नाम से प्रसिद्ध एक ब्राह्मण था। गृहस्थ जीवन में रहते हुए उसके एक पुत्र उत्पन्न हुआ, जो वैशाख नाम से जाना गया और स्वभाव से क्रूर कर्म करने वाला हुआ।

श्लोक 6 (skanda.7.278.6)

मुक्त्वैकां गुरुशुश्रूषां नान्यत्किंचिदसौ द्विजः। अकरोच्छोभनं कर्म दिवाप्रभृति नित्यशः

muktvaikāṁ guruśuśrūṣāṁ nānyatkiṁcidasau dvijaḥ| akarocchobhanaṁ karma divāprabhṛti nityaśaḥ

गुरु-सेवा के अतिरिक्त वह ब्राह्मण और कोई भी शुभ कर्म नहीं करता था; प्रातःकाल से ही वह सदा ऐसा ही रहता था।

श्लोक 7 (skanda.7.278.7)

अथ कालेन महता पितरौ तस्य तौ प्रिये। वार्द्धक्यभावमापन्नौ भर्तव्यौ तस्य विह्वलौ

atha kālena mahatā pitarau tasya tau priye| vārddhakyabhāvamāpannau bhartavyau tasya vihvalau

तत्पश्चात् बहुत समय बीत जाने पर, हे प्रिये, उसके माता-पिता वृद्धावस्था को प्राप्त हुए, असहाय होकर उसी के द्वारा पालनीय हो गए।

श्लोक 8 (skanda.7.278.8)

स नित्यं पदवीं गत्वा मुष्ट्वा लोकान्स्वशक्तितः। द्रव्यमादाय पितरौ भार्यां चापि पुपोष च

sa nityaṁ padavīṁ gatvā muṣṭvā lokānsvaśaktitaḥ| dravyamādāya pitarau bhāryāṁ cāpi pupoṣa ca

वह प्रतिदिन मार्ग पर जाकर अपनी शक्ति के अनुसार लोगों को लूटता, और धन लेकर माता-पिता तथा पत्नी का भी पालन करता था।

श्लोक 9 (skanda.7.278.9)

कस्यचित्त्वथ कालस्य तेन मार्गेण गच्छतः। सप्तर्षींश्च तदापश्यत्तीर्थयात्रापरायणान्

kasyacittvatha kālasya tena mārgeṇa gacchataḥ| saptarṣīṁśca tadāpaśyattīrthayātrāparāyaṇān

एक बार उसी मार्ग से जाते हुए उसने सप्तर्षियों को देखा, जो तीर्थयात्रा में तत्पर थे।

श्लोक 10 (skanda.7.278.10)

तान्दृष्ट्वा यष्टिमुद्यम्य भर्त्सयन्प रुषाक्षरैः। वाक्यैरुवाच तान्सर्वांस्तिष्ठध्वमिति भूरिशः

tāndṛṣṭvā yaṣṭimudyamya bhartsayanpa ruṣākṣaraiḥ| vākyairuvāca tānsarvāṁstiṣṭhadhvamiti bhūriśaḥ

उन्हें देखकर उसने लाठी उठाकर कठोर शब्दों से धमकाते हुए उन सबसे बार-बार कहा, 'रुक जाओ!'

श्लोक 11 (skanda.7.278.11)

अथ ते मुनयः शांताः समलोष्टाश्मकांचनाः। समाः शत्रौ च मित्रे च रोषरागविवर्जिताः

atha te munayaḥ śāṁtāḥ samaloṣṭāśmakāṁcanāḥ| samāḥ śatrau ca mitre ca roṣarāgavivarjitāḥ

तब वे शान्त मुनि, जो मिट्टी के ढेले, पत्थर और सोने को समान मानते थे, शत्रु और मित्र में समभाव रखते थे, क्रोध और राग से रहित थे,

श्लोक 12 (skanda.7.278.12)

अस्माकं दर्शनं चास्य संभाष्यमृषिभिः सह। संजातं निष्फलं मा स्यादित्युवाचांगिरा वचः

asmākaṁ darśanaṁ cāsya saṁbhāṣyamṛṣibhiḥ saha| saṁjātaṁ niṣphalaṁ mā syādityuvācāṁgirā vacaḥ

[सोचने लगे कि] इसके साथ हमारी भेंट और वार्तालाप व्यर्थ न जाए—ऐसा अंगिरा ने कहा।

श्लोक 13 (skanda.7.278.13)

अंगिरा उवाच। भोभोस्तस्कर मे वाक्यं शृणुष्वावहितः क्षणात्। आत्मनस्तु हितार्थाय सत्यं चैव वदाम्यहम्। तव कः पोष्यवर्गोऽस्ति तच्च सर्वं वदस्व मे

aṁgirā uvāca| bhobhostaskara me vākyaṁ śṛṇuṣvāvahitaḥ kṣaṇāt| ātmanastu hitārthāya satyaṁ caiva vadāmyaham| tava kaḥ poṣyavargo'sti tacca sarvaṁ vadasva me

अंगिरा ने कहा—हे चोर, क्षणभर सावधान होकर मेरी बात सुनो; मैं तुम्हारे ही हित के लिए सत्य कहता हूँ। तुम्हारा पोष्य-वर्ग कौन है? वह सब मुझे बताओ।

श्लोक 14 (skanda.7.278.14)

तस्कर उवाच। स्यातां मे पितरौ वृद्धौ भार्यैकाऽपत्यवर्ज्जिता। एका दासी ह्यहं षष्ठो नान्यदस्त्यधिकं मुने

taskara uvāca| syātāṁ me pitarau vṛddhau bhāryaikā'patyavarjjitā| ekā dāsī hyahaṁ ṣaṣṭho nānyadastyadhikaṁ mune

चोर ने कहा—मेरे वृद्ध माता-पिता हैं, एक निःसंतान पत्नी है, एक दासी है, और छठा मैं स्वयं हूँ; हे मुनि, इससे अधिक और कुछ नहीं है।

श्लोक 15 (skanda.7.278.15)

अंगिरा उवाच। गत्वा पृच्छस्व तान्सर्वान्पुष्टान्पापार्जितैर्धनैः। अहं करोमि पापानि सर्वे यूयं तु भक्षकाः

aṁgirā uvāca| gatvā pṛcchasva tānsarvānpuṣṭānpāpārjitairdhanaiḥ| ahaṁ karomi pāpāni sarve yūyaṁ tu bhakṣakāḥ

अंगिरा ने कहा—जाकर उन सबसे पूछो, जो पाप से अर्जित धन से पुष्ट होते हैं—'पाप मैं करता हूँ, किन्तु भोगने वाले तो तुम सब हो।'

श्लोक 16 (skanda.7.278.16)

तत्पापं भविता कस्य कथयंत्विति मे लघु। तथैव गत्वा पप्रच्छ पितरौ तावथोचतुः

tatpāpaṁ bhavitā kasya kathayaṁtviti me laghu| tathaiva gatvā papraccha pitarau tāvathocatuḥ

'वह पाप किसका होगा, यह मुझे शीघ्र बताओ।' उसी प्रकार जाकर उसने माता-पिता से पूछा, तब उन दोनों ने उत्तर दिया।

श्लोक 17 (skanda.7.278.17)

मातापितरावूचतुः। एकः पापानि कुरुते फलं भुंक्ते महा जनः। भोक्तारो विप्रमुच्यंते कर्ता दोषेण लिप्यते

mātāpitarāvūcatuḥ| ekaḥ pāpāni kurute phalaṁ bhuṁkte mahā janaḥ| bhoktāro vipramucyaṁte kartā doṣeṇa lipyate

माता-पिता ने कहा—पाप एक करता है, फल बहुत लोग भोगते हैं; भोगने वाले तो मुक्त हो जाते हैं, किन्तु करने वाला ही दोष से लिप्त होता है।

श्लोक 18 (skanda.7.278.18)

यः करोत्यशुभं कर्म कुटुंबार्थं तु मंदधीः। आत्मा न वल्लभस्तस्य नूनं पुंसः सुपापिनः

yaḥ karotyaśubhaṁ karma kuṭuṁbārthaṁ tu maṁdadhīḥ| ātmā na vallabhastasya nūnaṁ puṁsaḥ supāpinaḥ

जो मन्दबुद्धि पुरुष कुटुम्ब के लिए अशुभ कर्म करता है, निश्चय ही वह अत्यन्त पापी पुरुष अपनी आत्मा से प्रेम नहीं करता।

श्लोक 19 (skanda.7.278.19)

ईश्वर उवाच। तयोः स वचनं श्रुत्वा पुनर्भीतमनास्तदा। तयोस्तु संनतिं कृत्वा पितरौ पुनरब्रवीत्

īśvara uvāca| tayoḥ sa vacanaṁ śrutvā punarbhītamanāstadā| tayostu saṁnatiṁ kṛtvā pitarau punarabravīt

ईश्वर ने कहा—उन दोनों की यह बात सुनकर वह पुनः भयभीत हो गया, और उन दोनों को प्रणाम करके माता-पिता से फिर बोला।

श्लोक 20 (skanda.7.278.20)

युवाभ्यां हितमेवाहं यत्करोम्यशुभं क्वचित्। तस्यांशं भुज्यते किंचिद्युवाभ्यां वा न वोच्यताम्

yuvābhyāṁ hitamevāhaṁ yatkaromyaśubhaṁ kvacit| tasyāṁśaṁ bhujyate kiṁcidyuvābhyāṁ vā na vocyatām

'मैं जो कभी अशुभ कर्म करता हूँ, वह तुम दोनों के हित के लिए ही करता हूँ; क्या उसका कुछ अंश तुम दोनों भोगोगे, या नहीं—यह बताओ।'

श्लोक 21 (skanda.7.278.21)

पितरावूचतुः। पूर्वे वयसि पुत्र त्वमावाभ्यां पाल्य एव हि। उत्तरे तु वयं पाल्याः सम्यक्पुत्र त्वया पुनः

pitarāvūcatuḥ| pūrve vayasi putra tvamāvābhyāṁ pālya eva hi| uttare tu vayaṁ pālyāḥ samyakputra tvayā punaḥ

माता-पिता ने कहा—हे पुत्र, पूर्वावस्था में तुम हमारे द्वारा पालने योग्य थे; अब उत्तरावस्था में हम भलीभाँति तुम्हारे द्वारा पालने योग्य हैं, हे पुत्र।

श्लोक 22 (skanda.7.278.22)

इतरेतरधर्मोऽयं निर्दिष्टः पद्मयोनिना। आवाभ्यां यत्कृतं कर्म युष्मदर्थं शुभाशुभम्। भोक्ष्यामो वयमेवेह तत्सर्वं नात्र संशयः

itaretaradharmo'yaṁ nirdiṣṭaḥ padmayoninā| āvābhyāṁ yatkṛtaṁ karma yuṣmadarthaṁ śubhāśubham| bhokṣyāmo vayameveha tatsarvaṁ nātra saṁśayaḥ

यह परस्पर का धर्म पद्मयोनि ब्रह्मा ने निर्धारित किया है। हमने तुम्हारे लिए जो भी शुभ-अशुभ कर्म किया है, उसका फल हम स्वयं ही भोगेंगे, इसमें संशय नहीं।

श्लोक 23 (skanda.7.278.23)

अथ त्वमपि यद्वत्स प्रकरोषि शुभाशुभम्। भोक्ष्यसे सकलं तद्वत्स्वयं नान्यः परत्र च

atha tvamapi yadvatsa prakaroṣi śubhāśubham| bhokṣyase sakalaṁ tadvatsvayaṁ nānyaḥ paratra ca

किन्तु हे वत्स, अब तुम स्वयं जो भी शुभ-अशुभ कर्म करोगे, उस सबका फल परलोक में तुम्हें ही अकेले भोगना होगा, किसी और को नहीं।

श्लोक 24 (skanda.7.278.24)

अवश्यं स्वयमश्नाति कृतं कर्म शुभाशुभम्। तस्मान्नरेण कर्तव्यं शुभं कर्म विपश्चिता

avaśyaṁ svayamaśnāti kṛtaṁ karma śubhāśubham| tasmānnareṇa kartavyaṁ śubhaṁ karma vipaścitā

किए हुए शुभ-अशुभ कर्म का फल मनुष्य को अवश्य ही स्वयं भोगना पड़ता है; इसीलिए बुद्धिमान पुरुष को सदा शुभ कर्म ही करना चाहिए।

श्लोक 25 (skanda.7.278.25)

चौर्यं वाथ कृषिं वाथ कुसीदं वाथ पुत्रक। वाणिज्यमथवा प्रेष्यं कृत्वाऽस्माकं च भोजनम्। अहर्निशं त्वया देयं न दोषोऽस्मासु पुत्रक

cauryaṁ vātha kṛṣiṁ vātha kusīdaṁ vātha putraka| vāṇijyamathavā preṣyaṁ kṛtvā'smākaṁ ca bhojanam| aharniśaṁ tvayā deyaṁ na doṣo'smāsu putraka

हे पुत्र, चोरी से, या खेती से, या ब्याज पर धन देने से, या व्यापार से, अथवा सेवा-कर्म से कमाकर हमारा भोजन तुम दिन-रात देते रहो; उसमें हमें कोई दोष नहीं लगेगा, हे पुत्र।

श्लोक 26 (skanda.7.278.26)

ताभ्यां तद्वचनं श्रुत्वा ततो भार्यामभाषत । तदेव वाक्यं साऽवोचद्यत्प्रोक्तं गुरुभिः पुरा। ततो वैराग्यमापन्नो वैशाखो मुनिसत्तमः

tābhyāṁ tadvacanaṁ śrutvā tato bhāryāmabhāṣata | tadeva vākyaṁ sā'vocadyatproktaṁ gurubhiḥ purā| tato vairāgyamāpanno vaiśākho munisattamaḥ

उन दोनों की यह बात सुनकर उसने फिर अपनी पत्नी से पूछा; उसने भी वही बात कही जो पहले माता-पिता ने कही थी। तब मुनिश्रेष्ठ वैशाख को वैराग्य उत्पन्न हुआ।

श्लोक 27 (skanda.7.278.27)

गर्हयन्नेवमात्मानं भूयोभूयः सुदुःखितः। धिङ्मां दुष्कृतकर्माणं पापकर्मरतं सदा

garhayannevamātmānaṁ bhūyobhūyaḥ suduḥkhitaḥ| dhiṅmāṁ duṣkṛtakarmāṇaṁ pāpakarmarataṁ sadā

बार-बार अपनी निन्दा करते हुए वह अत्यन्त दुःखी हो गया—'धिक्कार है मुझ दुष्कर्मी को, जो सदा पापकर्म में ही रत रहा।'

श्लोक 28 (skanda.7.278.28)

विवेकेन परित्यक्तं सत्संगेन विवर्जितम्। यः करोति नरः पापं न सेवयति पंडितान्। न चात्मा वल्लभस्तस्य एतन्मे वर्तते हृदि

vivekena parityaktaṁ satsaṁgena vivarjitam| yaḥ karoti naraḥ pāpaṁ na sevayati paṁḍitān| na cātmā vallabhastasya etanme vartate hṛdi

'जो मनुष्य विवेक से त्यक्त और सत्संग से रहित होकर पाप करता है, जो विद्वानों की सेवा नहीं करता, वह अपनी आत्मा से प्रेम नहीं करता—यह बात अब मेरे हृदय में बैठ गई है।'

श्लोक 29 (skanda.7.278.29)

एवं विकल्पहृदयो गत्वा स ऋषिसन्निधौ। उवाच श्लक्ष्णया वाचा गम्यतामिति सादरम्

evaṁ vikalpahṛdayo gatvā sa ṛṣisannidhau| uvāca ślakṣṇayā vācā gamyatāmiti sādaram

इस प्रकार संशययुक्त हृदय से वह ऋषियों के समीप गया और मधुर वाणी में आदरपूर्वक बोला, 'अब आप प्रस्थान करें।'

श्लोक 30 (skanda.7.278.30)

वृसी प्रगृह्यतामेषा तथैव च कमण्डलुः। वल्कलानि च चीराणि मृगचर्माण्यशेषतः

vṛsī pragṛhyatāmeṣā tathaiva ca kamaṇḍaluḥ| valkalāni ca cīrāṇi mṛgacarmāṇyaśeṣataḥ

'यह आसन (वृसी) ग्रहण कीजिए, और इसी प्रकार कमण्डलु भी; वल्कल-वस्त्र, चीर-वस्त्र, तथा सारे मृगचर्म भी ले लीजिए।'

श्लोक 31 (skanda.7.278.31)

क्षम्यतामपराधो मे दीनस्य कृपणस्य च। सत्संगेन वियुक्तस्य मूर्खस्य मुनिसत्तमाः

kṣamyatāmaparādho me dīnasya kṛpaṇasya ca| satsaṁgena viyuktasya mūrkhasya munisattamāḥ

'हे मुनिश्रेष्ठो, सत्संग से वियुक्त इस दीन, दरिद्र और मूर्ख के अपराध को क्षमा कीजिए।'

श्लोक 32 (skanda.7.278.32)

अद्यप्रभृति निवृत्तः कर्मणोऽस्याहमेव च। रौद्रस्य सुनृशंसस्य साधुभिर्गर्हितस्य च। तस्मात्कथयतास्माकं निवृत्तिं चास्य कर्मणः

adyaprabhṛti nivṛttaḥ karmaṇo'syāhameva ca| raudrasya sunṛśaṁsasya sādhubhirgarhitasya ca| tasmātkathayatāsmākaṁ nivṛttiṁ cāsya karmaṇaḥ

'आज से मैं इस भयंकर, अत्यन्त क्रूर और सज्जनों द्वारा निन्दित कर्म से निवृत्त होता हूँ। अतः मुझे इस कर्म से निवृत्ति का उपाय बताइए,

श्लोक 33 (skanda.7.278.33)

येन युष्मत्प्रसादेन पापान्मोक्षमहं व्रजे। उपवासोऽथ मन्त्रो वा नियमो वाथ संयमः

yena yuṣmatprasādena pāpānmokṣamahaṁ vraje| upavāso'tha mantro vā niyamo vātha saṁyamaḥ

'जिससे आपकी कृपा से मैं पाप से मुक्ति पा सकूँ—चाहे वह उपवास हो, मन्त्र हो, नियम हो, या संयम हो।'

श्लोक 34 (skanda.7.278.34)

ऋषय ऊचुः। साधु पृष्टं त्वया वत्स तत्त्वमेकमनाः शृणु। संगृह्य कीर्तयिष्यामस्त्वयाऽऽख्येयं न कस्यचित्

ṛṣaya ūcuḥ| sādhu pṛṣṭaṁ tvayā vatsa tattvamekamanāḥ śṛṇu| saṁgṛhya kīrtayiṣyāmastvayā''khyeyaṁ na kasyacit

ऋषियों ने कहा—हे वत्स, तुमने भली प्रकार पूछा है; अब एकाग्रचित्त होकर वह तत्त्व सुनो। हम मिलकर वह बताएँगे, पर तुम्हें यह किसी और को नहीं बताना चाहिए।

श्लोक 35 (skanda.7.278.35)

तेन जप्तेन पापत्मन्मोक्षं प्राप्स्यसि निश्चितम्। झाटघोटस्त्वया कीर्त्त्यो मन्त्रोऽयं चतुरक्षरः

tena japtena pāpatmanmokṣaṁ prāpsyasi niścitam| jhāṭaghoṭastvayā kīrttyo mantro'yaṁ caturakṣaraḥ

उसका जप करने से, हे पापात्मा, तुम निश्चय ही मुक्ति प्राप्त करोगे। यह चार अक्षरों वाला मन्त्र 'झाटघोट' तुम्हें जपना है।

श्लोक 36 (skanda.7.278.36)

सर्वपापहरो नृणां स्वर्गमोक्षफलप्रदः। स तदैवं हि तैः प्रोक्तो वैशाखो मुनिपुंगवैः। तस्थौ जाप्यपरो नित्यं गतास्ते मुनिपुंगवाः

sarvapāpaharo nṛṇāṁ svargamokṣaphalapradaḥ| sa tadaivaṁ hi taiḥ prokto vaiśākho munipuṁgavaiḥ| tasthau jāpyaparo nityaṁ gatāste munipuṁgavāḥ

यह मनुष्यों के सभी पापों को हरने वाला और स्वर्ग तथा मोक्ष का फल देने वाला है। उन मुनिश्रेष्ठों द्वारा इस प्रकार कहे जाने पर वैशाख उस जप में सदा तत्पर रहा, और वे मुनिश्रेष्ठ वहाँ से चले गए।

श्लोक 37 (skanda.7.278.37)

तस्यैवं जपतो देवि देविकायास्तटे शुभे। अनिशं गुरु भक्तस्य समाधिः समपद्यत

tasyaivaṁ japato devi devikāyāstaṭe śubhe| aniśaṁ guru bhaktasya samādhiḥ samapadyata

हे देवी, इस प्रकार जप करते हुए, गुरु के प्रति अनन्य भक्ति रखने वाले उसे देविका के शुभ तट पर निरन्तर समाधि प्राप्त हो गई।

श्लोक 38 (skanda.7.278.38)

क्षुत्पिपासा तदा नष्टा शुद्धिमायात्कलेवरम्

kṣutpipāsā tadā naṣṭā śuddhimāyātkalevaram

तब उसकी भूख-प्यास नष्ट हो गई और उसका शरीर शुद्धि को प्राप्त हो गया।

श्लोक 39 (skanda.7.278.39)

मंत्रे तीर्थे द्विजे देवे दैवज्ञे भेषजे गुरौ। यादृशी भाव ना यस्य सिद्धिर्भवति तादृशी

maṁtre tīrthe dvije deve daivajñe bheṣaje gurau| yādṛśī bhāva nā yasya siddhirbhavati tādṛśī

मन्त्र में, तीर्थ में, ब्राह्मण में, देवता में, ज्योतिषी में, औषधि में और गुरु में—जिसकी जैसी भावना होती है, उसे वैसी ही सिद्धि प्राप्त होती है।

श्लोक 40 (skanda.7.278.40)

निर्मलोऽयं स्वभावेन परमात्मा यथा हितः। उपाधिसंगमासाद्य विकारं स्फटिको यथा

nirmalo'yaṁ svabhāvena paramātmā yathā hitaḥ| upādhisaṁgamāsādya vikāraṁ sphaṭiko yathā

यह [आत्मा] स्वभाव से निर्मल है और परमात्मा के समान हितकारी है; परन्तु उपाधि का संग पाकर वह वैसे ही विकार को प्राप्त हो जाता है, जैसे स्फटिक [समीप रखी वस्तु के रंग को धारण कर लेता है]।

श्लोक 41 (skanda.7.278.41)

यथा च भ्रमरी वंध्या लब्ध्वा जीवमणुं क्वचित्। स्वस्थाने स्थाप्य तं ध्यायेद्भ्रमरी ध्यानसंयुता

yathā ca bhramarī vaṁdhyā labdhvā jīvamaṇuṁ kvacit| svasthāne sthāpya taṁ dhyāyedbhramarī dhyānasaṁyutā

और जैसे कोई भ्रमरी कहीं किसी छोटे जीव को पाकर उसे अपने स्थान में रखकर, ध्यानमग्न होकर उसी का ध्यान करती है,

श्लोक 42 (skanda.7.278.42)

स तु तद्ध्यानसंवृद्धो जीवो भवति तादृशः। अन्ययोन्युद्भवो वापि तथा निदर्शनं सताम्

sa tu taddhyānasaṁvṛddho jīvo bhavati tādṛśaḥ| anyayonyudbhavo vāpi tathā nidarśanaṁ satām

उस ध्यान से पुष्ट होकर वह जीव, चाहे वह अन्य योनि से उत्पन्न हुआ हो, वैसा ही बन जाता है—यह सत्पुरुषों के लिए एक दृष्टान्त है।

श्लोक 43 (skanda.7.278.43)

आदिष्टो गुरुणा यश्च विकल्पं यदि गच्छति। नासौ सिद्धिमवाप्नोति मंदभाग्यो यथा निधिम्

ādiṣṭo guruṇā yaśca vikalpaṁ yadi gacchati| nāsau siddhimavāpnoti maṁdabhāgyo yathā nidhim

किन्तु जो गुरु से आदेश पाकर भी संशय में पड़ जाता है, वह उस अभागे पुरुष के समान सिद्धि नहीं पाता, जैसे कोई निधि को पाकर भी खो दे।

श्लोक 44 (skanda.7.278.44)

एवं वर्षसहस्राणि समतीतानि भूरिशः। तस्य जाप्यपरस्यैव अमृतत्वं गतस्य च

evaṁ varṣasahasrāṇi samatītāni bhūriśaḥ| tasya jāpyaparasyaiva amṛtatvaṁ gatasya ca

इस प्रकार जप में तत्पर रहने वाले और अमरत्व को प्राप्त उस [वैशाख] के अनेक सहस्र वर्ष इसी प्रकार बीत गए।

श्लोक 45 (skanda.7.278.45)

ततः कालक्रमेणैव वल्मीकेन स वेष्टितः। येनासौ सर्वतो व्याप्तो न च तं स बुबोध वै

tataḥ kālakrameṇaiva valmīkena sa veṣṭitaḥ| yenāsau sarvato vyāpto na ca taṁ sa bubodha vai

तत्पश्चात् कालक्रम से वह बाँबी (वल्मीक) से चारों ओर इस प्रकार ढक गया कि उसे स्वयं भी इसका पता न चला।

श्लोक 46 (skanda.7.278.46)

कस्यचित्त्वथकालस्य मुनयस्ते समागताः। तं प्रदेशं तु संप्रेक्ष्य सहाय्यमितरेतरम्। ऊचुः परस्परं सर्वे दत्त्वा चैव करैः करम्

kasyacittvathakālasya munayaste samāgatāḥ| taṁ pradeśaṁ tu saṁprekṣya sahāyyamitaretaram| ūcuḥ parasparaṁ sarve dattvā caiva karaiḥ karam

कुछ काल पश्चात् वे मुनि फिर वहाँ आए; उस स्थान को देखकर सब एक-दूसरे का हाथ थामे परस्पर कहने लगे,

श्लोक 47 (skanda.7.278.47)

ऋषय ऊचुः। अत्रासौ तस्करः प्राप्तो वैशाखो दारुणाकृतिः। येन सर्वे वयं मुष्टा अस्मि न्स्थाने समागताः

ṛṣaya ūcuḥ| atrāsau taskaraḥ prāpto vaiśākho dāruṇākṛtiḥ| yena sarve vayaṁ muṣṭā asmi nsthāne samāgatāḥ

ऋषियों ने कहा—'यहीं वह भयंकर रूप वाला चोर वैशाख हमें मिला था, जिसने हम सबको इसी स्थान पर लूट लिया था।'

श्लोक 48 (skanda.7.278.48)

एवं संजल्पमानास्ते शुश्रुवुः शब्दमुत्तमम्। वल्मीकमध्यतो व्यक्तं ततस्ते कौतुकान्विताः

evaṁ saṁjalpamānāste śuśruvuḥ śabdamuttamam| valmīkamadhyato vyaktaṁ tataste kautukānvitāḥ

इस प्रकार बातें करते हुए उन्होंने बाँबी के भीतर से एक स्पष्ट, उत्तम ध्वनि सुनी; तब वे कौतूहल से भर गए।

श्लोक 49 (skanda.7.278.49)

अखनंस्तत्र वल्मीकं कुशीभिः पर्वतोपमम्

akhanaṁstatra valmīkaṁ kuśībhiḥ parvatopamam

उन्होंने वहाँ कुशों से उस पर्वत के समान विशाल बाँबी को खोद डाला।

श्लोक 50 (skanda.7.278.50)

अथ ते ददृशुस्तत्र विशाखं मुनिसत्तमाः। जपंतमसकृन्मत्रं तमेव चतुरक्षरम्

atha te dadṛśustatra viśākhaṁ munisattamāḥ| japaṁtamasakṛnmatraṁ tameva caturakṣaram

तब उन मुनिश्रेष्ठों ने वहाँ वैशाख को देखा, जो उसी चार अक्षरों वाले मन्त्र का निरन्तर जप कर रहा था।

श्लोक 51 (skanda.7.278.51)

तं समाधिगतं ज्ञात्वा भेषजैर्योगसंमतैः। ममर्दुः सर्वतो विप्रास्तत्र सुप्ततनौ भृशम्

taṁ samādhigataṁ jñātvā bheṣajairyogasaṁmataiḥ| mamarduḥ sarvato viprāstatra suptatanau bhṛśam

उसे समाधि में लीन जानकर ब्राह्मणों ने योगसम्मत औषधियों से उसके गहरी नींद में पड़े शरीर को चारों ओर से भलीभाँति मला।

श्लोक 52 (skanda.7.278.52)

ततोऽब्रवीदृष्रीन्सर्वान्स्वमर्थं गृह्यतां द्विजाः। युष्मदीयं गृहीतं यत्पा पेनाकृतबुद्धिना

tato'bravīdṛṣrīnsarvānsvamarthaṁ gṛhyatāṁ dvijāḥ| yuṣmadīyaṁ gṛhītaṁ yatpā penākṛtabuddhinā

तब उसने सभी ऋषियों से कहा—'हे द्विजो, अपना धन ले लीजिए; जो कुछ पाप-दूषित बुद्धि से मैंने आपका लिया था, वह सब आपका ही है।'

श्लोक 53 (skanda.7.278.53)

गम्यतां तीर्थयात्रायां सर्वे मुक्ता मया द्विजाः। वाच्यौ मे पितरौ गत्वा तथा भार्या द्विजोत्तमाः

gamyatāṁ tīrthayātrāyāṁ sarve muktā mayā dvijāḥ| vācyau me pitarau gatvā tathā bhāryā dvijottamāḥ

'हे द्विजो, आप सब तीर्थयात्रा पर जाएँ, मैंने आप सबको मुक्त कर दिया है। जाकर मेरे माता-पिता और मेरी पत्नी को भी यह बता दीजिए, हे श्रेष्ठ द्विजो।'

श्लोक 54 (skanda.7.278.54)

सर्व संगपरित्यक्तो विशाखः समपद्यत। दर्शनं कांक्षते नैव भवद्भिस्तु यथा पुरा

sarva saṁgaparityakto viśākhaḥ samapadyata| darśanaṁ kāṁkṣate naiva bhavadbhistu yathā purā

इस प्रकार सर्वसंगरहित वैशाख हो गया; वह पहले की भाँति अब लोगों के दर्शन की इच्छा नहीं रखता था।

श्लोक 55 (skanda.7.278.55)

ऋषय ऊचुः। बहुवर्षाण्यतीतानि तवात्र वसतो मुने। सर्वे ते निधनं प्राप्ता ये चान्ये ते कुटुंबिनः

ṛṣaya ūcuḥ| bahuvarṣāṇyatītāni tavātra vasato mune| sarve te nidhanaṁ prāptā ye cānye te kuṭuṁbinaḥ

ऋषियों ने कहा—हे मुनि, यहाँ निवास करते हुए तुम्हें अनेक वर्ष बीत चुके हैं; तुम्हारे सभी परिजन और अन्य कुटुम्बी भी मृत्यु को प्राप्त हो चुके हैं।

श्लोक 56 (skanda.7.278.56)

वयं चिरात्समायाताः स्थानेऽस्मिन्मुनिसत्तमाः। स त्वं सिद्धिमनुप्राप्तो मंत्रादस्मादसंशयम्

vayaṁ cirātsamāyātāḥ sthāne'sminmunisattamāḥ| sa tvaṁ siddhimanuprāpto maṁtrādasmādasaṁśayam

हे मुनिश्रेष्ठ, हम लोग बहुत समय बाद इस स्थान पर आए हैं। तुमने निःसंदेह इस मन्त्र से सिद्धि प्राप्त कर ली है।

श्लोक 57 (skanda.7.278.57)

यस्मात्त्वं मंत्रमेकाग्रो ध्यायन्वल्मीकमाश्रितः। तस्माद्वाल्मीकिनामा त्वं भविष्यसि महीतले

yasmāttvaṁ maṁtramekāgro dhyāyanvalmīkamāśritaḥ| tasmādvālmīkināmā tvaṁ bhaviṣyasi mahītale

चूँकि तुमने एकाग्रचित्त होकर इस मन्त्र का ध्यान करते हुए वल्मीक (बाँबी) का आश्रय लिया, इसीलिए तुम पृथ्वी पर वाल्मीकि नाम से प्रसिद्ध होगे।

श्लोक 58 (skanda.7.278.58)

स्वच्छंदा भारती देवी जिह्वाग्रे ते भविष्यति। कृत्वा रामायणं काव्यं ततो मोक्षं गमिष्यसि

svacchaṁdā bhāratī devī jihvāgre te bhaviṣyati| kṛtvā rāmāyaṇaṁ kāvyaṁ tato mokṣaṁ gamiṣyasi

स्वच्छन्द भारती देवी (सरस्वती) तुम्हारी जिह्वा के अग्रभाग पर सदा विराजेंगी; रामायण नामक काव्य की रचना करके तत्पश्चात् तुम मोक्ष को प्राप्त होगे।

श्लोक 59 (skanda.7.278.59)

विशाख उवाच। गृह्यतां द्विजशार्दूलाः प्रसन्ना गुरुदक्षिणाम्। येनाहमनृणो भूत्वा करोमि सुमहत्तपः

viśākha uvāca| gṛhyatāṁ dvijaśārdūlāḥ prasannā gurudakṣiṇām| yenāhamanṛṇo bhūtvā karomi sumahattapaḥ

वैशाख ने कहा—हे द्विजश्रेष्ठो, प्रसन्न होकर मुझसे गुरुदक्षिणा स्वीकार कीजिए, जिससे ऋणमुक्त होकर मैं महान तपस्या कर सकूँ।

श्लोक 60 (skanda.7.278.60)

ऋषय ऊचुः। एषा नो दक्षिणा विप्र यस्त्वं सिद्धिमुपागतः। सर्वकामसमृद्धात्मा कृतकृत्या वयं मुने

ṛṣaya ūcuḥ| eṣā no dakṣiṇā vipra yastvaṁ siddhimupāgataḥ| sarvakāmasamṛddhātmā kṛtakṛtyā vayaṁ mune

ऋषियों ने कहा—हे विप्र, तुम्हारा सिद्धि को प्राप्त हो जाना ही हमारे लिए दक्षिणा है। हे मुनि, हम सब कामनाओं से समृद्धचित्त और कृतकृत्य हो गए हैं।

श्लोक 61 (skanda.7.278.61)

वरं वरय भूयस्त्वं यस्ते मनसि वर्तते

varaṁ varaya bhūyastvaṁ yaste manasi vartate

जो भी तुम्हारे मन में हो, वह वर फिर से माँग लो।

श्लोक 62 (skanda.7.278.62)

वाल्मीकिरुवाच। भवंतो यदि तुष्टा मे यदि देयो वरो मम। कथ्यतां तर्हि मे शीघ्रं को देवो ह्यत्र संस्थितः। देविकायास्तटे रम्ये सर्वकामफलप्रदः

vālmīkiruvāca| bhavaṁto yadi tuṣṭā me yadi deyo varo mama| kathyatāṁ tarhi me śīghraṁ ko devo hyatra saṁsthitaḥ| devikāyāstaṭe ramye sarvakāmaphalapradaḥ

वाल्मीकि ने कहा—यदि आप मुझसे प्रसन्न हैं, और यदि मुझे कोई वर देना चाहते हैं, तो शीघ्र बताइए—देविका के इस रमणीय तट पर, सभी कामनाओं का फल देने वाला कौन देवता स्थित है?

श्लोक 63 (skanda.7.278.63)

ऋषय ऊचुः। शृणुष्वैकमना विप्र यो देवश्चात्र संस्थितः। पश्य निंबमिमं विप्र बहुशाखाप्रविस्तरम्

ṛṣaya ūcuḥ| śṛṇuṣvaikamanā vipra yo devaścātra saṁsthitaḥ| paśya niṁbamimaṁ vipra bahuśākhāpravistaram

ऋषियों ने कहा—हे विप्र, एकाग्रचित्त होकर सुनो कि यहाँ कौन देवता स्थित हैं। हे विप्र, बहुत शाखाओं से फैले इस नीम के वृक्ष को देखो।

श्लोक 64 (skanda.7.278.64)

अस्य मूले स्थितः सूर्य्यः कल्पादौ ब्रह्मणोंऽशजः। तमाराधय यत्तेसावस्य स्थानस्य देवता

asya mūle sthitaḥ sūryyaḥ kalpādau brahmaṇoṁ'śajaḥ| tamārādhaya yattesāvasya sthānasya devatā

इसकी जड़ में कल्प के आरम्भ में ब्रह्मा के अंश से उत्पन्न सूर्यदेव स्थित हैं। उन्हीं की आराधना करो, क्योंकि वे ही इस स्थान के अधिष्ठाता देवता हैं।

श्लोक 65 (skanda.7.278.65)

सूर्यक्षेत्रं समाख्यातमिदं गव्यूतिमात्रकम्। अत्र स्थाने स्थिता येपि तेषां स्वर्गो ध्रुवं भवेत्

sūryakṣetraṁ samākhyātamidaṁ gavyūtimātrakam| atra sthāne sthitā yepi teṣāṁ svargo dhruvaṁ bhavet

एक गव्यूति (लगभग दो कोस) तक फैला यह क्षेत्र सूर्यक्षेत्र के नाम से जाना जाता है। इस स्थान में जो भी निवास करते हैं, उन्हें निश्चय ही स्वर्ग प्राप्त होता है।

श्लोक 66 (skanda.7.278.66)

अद्यप्रभृति विप्रेन्द्र मूलस्थानमिति श्रुतम्। स्थानं सूर्यस्य विप्रेन्द्र कार्या चात्र त्वया स्थितिः

adyaprabhṛti viprendra mūlasthānamiti śrutam| sthānaṁ sūryasya viprendra kāryā cātra tvayā sthitiḥ

हे विप्रेन्द्र, आज से यह सूर्य का स्थान 'मूलस्थान' के नाम से जाना जाएगा; हे विप्रेन्द्र, तुम्हें यहीं निवास करना चाहिए।

श्लोक 67 (skanda.7.278.67)

अद्यप्रभृति विप्रेंद्र तीर्थमेतन्महीतले। गमिष्यति परां ख्यातिं देविकातटमाश्रितम्

adyaprabhṛti vipreṁdra tīrthametanmahītale| gamiṣyati parāṁ khyātiṁ devikātaṭamāśritam

हे विप्रेन्द्र, आज से पृथ्वी पर देविका के तट पर स्थित यह तीर्थ परम कीर्ति को प्राप्त होगा।

श्लोक 68 (skanda.7.278.68)

वयं मुष्टा यतो विप्र मूलस्थाने पुरा स्थिताः। मूलस्थानेति वै नाम लोके ख्यातिं गमिष्यति

vayaṁ muṣṭā yato vipra mūlasthāne purā sthitāḥ| mūlasthāneti vai nāma loke khyātiṁ gamiṣyati

हे विप्र, चूँकि हम पहले इसी मूलस्थान में खड़े होकर लूटे गए थे, इसीलिए 'मूलस्थान' नाम ही लोक में प्रसिद्ध होगा।

श्लोक 69 (skanda.7.278.69)

अत्र ये मानवा भक्त्या स्नानं सूर्यस्य संगमे। उत्तरे तु करिष्यंति ते यास्यंति त्रिविष्टपम्

atra ye mānavā bhaktyā snānaṁ sūryasya saṁgame| uttare tu kariṣyaṁti te yāsyaṁti triviṣṭapam

यहाँ जो लोग भक्तिपूर्वक उत्तरायण में सूर्य के संगम पर स्नान करेंगे, वे स्वर्गलोक को प्राप्त होंगे।

श्लोक 70 (skanda.7.278.70)

तर्पणं तिलमिश्रेण जलेन द्विजसत्तमाः। गयाश्राद्धसमा तुष्टिः पितॄणां च भविष्यति

tarpaṇaṁ tilamiśreṇa jalena dvijasattamāḥ| gayāśrāddhasamā tuṣṭiḥ pitṝṇāṁ ca bhaviṣyati

हे श्रेष्ठ द्विजो, तिलमिश्रित जल से तर्पण करने पर पितरों को गया-श्राद्ध के समान तृप्ति प्राप्त होगी।

श्लोक 71 (skanda.7.278.71)

अत्र ये मानवा भक्त्या श्राद्धं दास्यंति सत्तमाः। शाकमूलफलैर्वापि सम्यक्छ्रद्धासमन्विताः

atra ye mānavā bhaktyā śrāddhaṁ dāsyaṁti sattamāḥ| śākamūlaphalairvāpi samyakchraddhāsamanvitāḥ

हे श्रेष्ठजनो, यहाँ जो मनुष्य भक्तिपूर्वक श्राद्ध देंगे—चाहे शाक, मूल और फल से ही सही, पर सच्ची श्रद्धा के साथ—

श्लोक 72 (skanda.7.278.72)

तेषां यास्यंति पितरो मोक्षं नैवात्र संशयः

teṣāṁ yāsyaṁti pitaro mokṣaṁ naivātra saṁśayaḥ

उनके पितर मोक्ष को प्राप्त होंगे, इसमें कोई संशय नहीं है।

श्लोक 73 (skanda.7.278.73)

अपि कीटपतंगा ये पक्षिणः पशवो मृगाः। तृषार्ता जलसंस्पर्शाद्यास्यंति परमां गतिम्

api kīṭapataṁgā ye pakṣiṇaḥ paśavo mṛgāḥ| tṛṣārtā jalasaṁsparśādyāsyaṁti paramāṁ gatim

यहाँ तक कि कीट-पतंग, पक्षी, पशु और मृग भी, प्यास से व्याकुल होकर इस जल के स्पर्श मात्र से परम गति को प्राप्त होंगे।

श्लोक 74 (skanda.7.278.74)

वयमेव सदात्रस्थाः श्रावणे मासि सत्तम। पौर्णमास्यां भविष्यामस्तव स्नेहादसंशयम्

vayameva sadātrasthāḥ śrāvaṇe māsi sattama| paurṇamāsyāṁ bhaviṣyāmastava snehādasaṁśayam

हे श्रेष्ठ, हम स्वयं भी सदा यहाँ रहेंगे; श्रावण मास की पूर्णिमा को तुम्हारे स्नेहवश हम निश्चय ही यहाँ उपस्थित रहेंगे।

श्लोक 75 (skanda.7.278.75)

तस्मिन्नहनि यस्तोयैः पितॄन्संतर्पयिष्यति। तस्याष्टादशकुष्ठानि क्षयं यास्यंति तत्क्षणात्

tasminnahani yastoyaiḥ pitṝnsaṁtarpayiṣyati| tasyāṣṭādaśakuṣṭhāni kṣayaṁ yāsyaṁti tatkṣaṇāt

उस दिन जो जल से पितरों को तृप्त करेगा, उसके अठारह प्रकार के कुष्ठ रोग उसी क्षण नष्ट हो जाएँगे।

श्लोक 76 (skanda.7.278.76)

कपालोदुम्बराख्येंद्रमण्डलाख्यविचर्चिकाः। ऋष्यचर्मैककिटिभसिध्मालसविपादिकाः

kapālodumbarākhyeṁdramaṇḍalākhyavicarcikāḥ| ṛṣyacarmaikakiṭibhasidhmālasavipādikāḥ

कपाल, उदुम्बर, इन्द्रमण्डल, विचर्चिका, ऋष्यचर्म, एककिटिभ, सिध्म, अलस और विपादिका—

श्लोक 77 (skanda.7.278.77)

दद्रुसिता रुचिस्फोटं पुण्डरीकं सकाकणम्। पामा चर्मदलं चेति कुष्ठान्यष्टादशैव तु

dadrusitā rucisphoṭaṁ puṇḍarīkaṁ sakākaṇam| pāmā carmadalaṁ ceti kuṣṭhānyaṣṭādaśaiva tu

दद्रु, सिता, रुचिस्फोट, पुण्डरीक, काकण, पामा और चर्मदल—ये अठारह प्रकार के कुष्ठ रोग हैं।

श्लोक 78 (skanda.7.278.78)

गमिष्यंति न संदेह इत्युक्त्वांतर्दधुश्च ते। ऋषिः सिषेवे च रविं चक्रे रामायणं ततः

gamiṣyaṁti na saṁdeha ityuktvāṁtardadhuśca te| ṛṣiḥ siṣeve ca raviṁ cakre rāmāyaṇaṁ tataḥ

'ये सब नष्ट हो जाएँगे, इसमें संशय नहीं'—ऐसा कहकर वे अन्तर्धान हो गए। तब उस मुनि ने सूर्य की उपासना की और तत्पश्चात् रामायण की रचना की।

श्लोक 79 (skanda.7.278.79)

तस्मात्पश्येच्च तं देवं सर्वयज्ञफलप्रदम्। शृणुयाच्च कथां चैनां सर्वपातकनाशिनीम्

tasmātpaśyecca taṁ devaṁ sarvayajñaphalapradam| śṛṇuyācca kathāṁ caināṁ sarvapātakanāśinīm

इसलिए मनुष्य को चाहिए कि सभी यज्ञों का फल देने वाले उस देवता के दर्शन करे, और समस्त पापों का नाश करने वाली इस कथा को भी सुने।