च्यवनादित्य एवं सूर्य अष्टोत्तरशत नाम माहात्म्य वर्णन

श्लोक 1 (skanda.7.279.1)

ईश्वर उवाच। ततो गच्छेन्महादेवि च्यवनार्कमनुत्तमम्। हिरण्यापूर्वभागस्थं च्यवनेन प्रतिष्ठितम्

īśvara uvāca| tato gacchenmahādevi cyavanārkamanuttamam| hiraṇyāpūrvabhāgasthaṁ cyavanena pratiṣṭhitam

ईश्वर ने कहा—हे महादेवी, फिर उस अत्यन्त उत्तम च्यवनार्क तीर्थ में जाना चाहिए, जो हिरण्या नदी के पूर्वी भाग में स्थित है और महर्षि च्यवन द्वारा प्रतिष्ठित किया गया है।

श्लोक 2 (skanda.7.279.2)

सर्वकामप्रदं नृणां पूजितं विधिवन्नरैः। सप्तम्यां च विधानेन यः स्तोष्यति रविं नरः

sarvakāmapradaṁ nṛṇāṁ pūjitaṁ vidhivannaraiḥ| saptamyāṁ ca vidhānena yaḥ stoṣyati raviṁ naraḥ

वह मनुष्यों की सभी कामनाओं को पूर्ण करने वाला है और लोगों द्वारा विधिपूर्वक पूजित है। जो मनुष्य सप्तमी को विधिपूर्वक सूर्य की स्तुति करता है,

श्लोक 3 (skanda.7.279.3)

अष्टोत्तरशतैर्नाम्नां सम्यक्छ्रद्धासमन्वितः। शृणु तानि महादेवि शुचिर्भूत्वा समाहितः

aṣṭottaraśatairnāmnāṁ samyakchraddhāsamanvitaḥ| śṛṇu tāni mahādevi śucirbhūtvā samāhitaḥ

वह सच्ची श्रद्धा के साथ उनके एक सौ आठ नामों का पाठ करे। हे महादेवी, पवित्र और एकाग्रचित्त होकर उन्हें सुनो।

श्लोक 4 (skanda.7.279.4)

क्षणं त्वं कुरु देवेशि सर्वं वक्ष्याम्यशेषतः। धौम्येन तु यथापूर्वं पार्थाय सुमहात्मने

kṣaṇaṁ tvaṁ kuru deveśi sarvaṁ vakṣyāmyaśeṣataḥ| dhaumyena tu yathāpūrvaṁ pārthāya sumahātmane

हे देवेशी, क्षणभर के लिए ध्यान दो, मैं सब कुछ पूर्ण रूप से कहूँगा, जैसे पहले धौम्य ने महात्मा पार्थ (युधिष्ठिर) से कहा था।

श्लोक 5 (skanda.7.279.5)

नामाष्टशतमाख्यातं तच्छृणुष्व महामते। सूर्योऽर्यमा भगस्त्वष्टा पूषाऽर्कः सविता रविः

nāmāṣṭaśatamākhyātaṁ tacchṛṇuṣva mahāmate| sūryo'ryamā bhagastvaṣṭā pūṣā'rkaḥ savitā raviḥ

वे एक सौ आठ नाम बताए गए हैं; हे महाबुद्धे, उन्हें सुनो—सूर्य, अर्यमा, भग, त्वष्टा, पूषा, अर्क, सविता, रवि,

श्लोक 6 (skanda.7.279.6)

गभस्तिमानजः कालो मृत्युर्द्धाता प्रभाकरः। पृथिव्यापश्च तेजश्च खं वायुश्च परायणः

gabhastimānajaḥ kālo mṛtyurddhātā prabhākaraḥ| pṛthivyāpaśca tejaśca khaṁ vāyuśca parāyaṇaḥ

गभस्तिमान्, अज, काल, मृत्यु, धाता, प्रभाकर, पृथ्वी, जल, तेज, आकाश और वायु—परम गति,

श्लोक 7 (skanda.7.279.7)

सोमो बृहस्पतिः शुक्रो बुधोंऽगारक एव च। इन्द्रो विवस्वान्दीप्तांशुः शुचिः सौरिः शनैश्चरः

somo bṛhaspatiḥ śukro budhoṁ'gāraka eva ca| indro vivasvāndīptāṁśuḥ śuciḥ sauriḥ śanaiścaraḥ

सोम, बृहस्पति, शुक्र, बुध और मंगल भी, इन्द्र, विवस्वान्, दीप्तांशु, शुचि, सौरि, शनैश्चर,

श्लोक 8 (skanda.7.279.8)

ब्रह्मा रुद्रश्च विष्णुश्च स्कन्दो वैश्रवणो यमः। वैद्युतो जाठरश्चाग्निरिंधनस्तेजसां पतिः

brahmā rudraśca viṣṇuśca skando vaiśravaṇo yamaḥ| vaidyuto jāṭharaścāgniriṁdhanastejasāṁ patiḥ

ब्रह्मा, रुद्र, विष्णु, स्कन्द, वैश्रवण, यम, वैद्युत, जाठर अग्नि, इन्धन, तेजों के स्वामी,

श्लोक 9 (skanda.7.279.9)

धर्मध्वजो वेदकर्त्ता वेदांगो वेदवाहनः। कृतं त्रेता द्वापरश्च कलिः सर्वामराश्रयः

dharmadhvajo vedakarttā vedāṁgo vedavāhanaḥ| kṛtaṁ tretā dvāparaśca kaliḥ sarvāmarāśrayaḥ

धर्मध्वज, वेदकर्ता, वेदांग, वेदवाहन, कृत, त्रेता, द्वापर और कलि—समस्त देवताओं के आश्रय,

श्लोक 10 (skanda.7.279.10)

कलाकाष्ठामुहूर्त्ताश्च पक्षा मासा अहर्निशाः। संवत्सरकरोऽश्वस्थः कालचक्रो विभावसुः

kalākāṣṭhāmuhūrttāśca pakṣā māsā aharniśāḥ| saṁvatsarakaro'śvasthaḥ kālacakro vibhāvasuḥ

कला, काष्ठा, मुहूर्त, पक्ष, मास, अहोरात्र, संवत्सर के कर्ता, अश्व पर स्थित, कालचक्र, विभावसु,

श्लोक 11 (skanda.7.279.11)

पुरुषः शाश्वतो योगी व्यक्ताव्यक्तः सनातनः। लोकाध्यक्षः प्रजाध्यक्षो विश्वकर्मा तमोनुदः

puruṣaḥ śāśvato yogī vyaktāvyaktaḥ sanātanaḥ| lokādhyakṣaḥ prajādhyakṣo viśvakarmā tamonudaḥ

पुरुष, शाश्वत, योगी, व्यक्ताव्यक्त, सनातन, लोकों के अध्यक्ष, प्रजाओं के अध्यक्ष, विश्वकर्मा, तमोनुद,

श्लोक 12 (skanda.7.279.12)

वरुणः सागरोंशुश्च जीवन्तो जीवनोऽरिहा। भूताश्रयो भूतपतिः सर्वभूतनिषेवितः

varuṇaḥ sāgaroṁśuśca jīvanto jīvano'rihā| bhūtāśrayo bhūtapatiḥ sarvabhūtaniṣevitaḥ

वरुण, सागर, अंशु, जीवन्त, जीवन, शत्रुनाशक, भूतों के आश्रय, भूतपति, सब भूतों द्वारा सेवित,

श्लोक 13 (skanda.7.279.13)

स्रष्टा संवर्त्तको वह्निः सर्वस्यादिकरोऽमलः। अनंतः कपिलो भानुः कामदः सर्वतोमुखः

sraṣṭā saṁvarttako vahniḥ sarvasyādikaro'malaḥ| anaṁtaḥ kapilo bhānuḥ kāmadaḥ sarvatomukhaḥ

स्रष्टा, संवर्तक, वह्नि, सबके आदि-कर्ता, निर्मल, अनन्त, कपिल, भानु, कामद, सब ओर मुख वाले,

श्लोक 14 (skanda.7.279.14)

जयो विषादो वरदः सर्वधातुनिषेवितः। समः सुवर्णो भूतादिः शीघ्रगः प्राणधारकः

jayo viṣādo varadaḥ sarvadhātuniṣevitaḥ| samaḥ suvarṇo bhūtādiḥ śīghragaḥ prāṇadhārakaḥ

जय, विषाद-नाशक, वरद, सब धातुओं द्वारा सेवित, सम, सुवर्ण, भूतादि, शीघ्रगामी, प्राणों को धारण करने वाले,

श्लोक 15 (skanda.7.279.15)

धन्वंतरिर्धूमकेतुरादिदेवोऽदितेः सुतः। द्वादशात्माऽरविंदाक्षः पिता माता पितामहः

dhanvaṁtarirdhūmaketurādidevo'diteḥ sutaḥ| dvādaśātmā'raviṁdākṣaḥ pitā mātā pitāmahaḥ

धन्वन्तरि, धूमकेतु, आदिदेव, अदिति के पुत्र, द्वादशात्मा, कमल के समान नेत्रों वाले, पिता, माता, पितामह,

श्लोक 16 (skanda.7.279.16)

स्वर्गद्वारं प्रजाद्वारं मोक्षद्वारं त्रिविष्टपम्। देहकर्त्ता प्रशांतात्मा विश्वात्मा विश्वतोमुखः। चराचरात्मा सूक्ष्मात्मा मैत्रेण वपुषाऽन्वितः

svargadvāraṁ prajādvāraṁ mokṣadvāraṁ triviṣṭapam| dehakarttā praśāṁtātmā viśvātmā viśvatomukhaḥ| carācarātmā sūkṣmātmā maitreṇa vapuṣā'nvitaḥ

स्वर्ग का द्वार, प्रजा का द्वार, मोक्ष का द्वार, त्रिविष्टप (स्वर्ग), देह के कर्ता, प्रशान्तचित्त, विश्वात्मा, सब ओर मुख वाले, चराचर के आत्मा, सूक्ष्म आत्मा, मैत्रीपूर्ण स्वरूप से युक्त।

श्लोक 17 (skanda.7.279.17)

एतद्वै कीर्तनीयस्य सूर्यस्यामिततेजसः। नाम्नामष्टोत्तरशतं प्रोक्तं शक्रेण धीमता

etadvai kīrtanīyasya sūryasyāmitatejasaḥ| nāmnāmaṣṭottaraśataṁ proktaṁ śakreṇa dhīmatā

यह अमित तेज वाले, स्तुति के योग्य सूर्य के एक सौ आठ नामों का वर्णन है, जिसे बुद्धिमान इन्द्र ने कहा था।

श्लोक 18 (skanda.7.279.18)

शक्राच्च नारदः प्राप्तो धौम्यस्तु तदनन्तरम्। धौम्याद्युधिष्ठिरः प्राप्य सर्वान्कामानवाप्तवान्

śakrācca nāradaḥ prāpto dhaumyastu tadanantaram| dhaumyādyudhiṣṭhiraḥ prāpya sarvānkāmānavāptavān

इन्द्र से नारद ने इसे प्राप्त किया, और उनके बाद धौम्य ने; धौम्य से प्राप्त करके युधिष्ठिर ने अपनी सभी कामनाएँ प्राप्त कीं।

श्लोक 19 (skanda.7.279.19)

एतानि कीर्तनीयस्य सूर्यस्यामिततेजसः। नामानि यः पठेन्नित्यं सर्वान्कामानवाप्नुयात्

etāni kīrtanīyasya sūryasyāmitatejasaḥ| nāmāni yaḥ paṭhennityaṁ sarvānkāmānavāpnuyāt

जो कोई भी अमित तेज वाले, स्तुति के योग्य सूर्य के इन नामों का नित्य पाठ करता है, वह अपनी सभी कामनाओं को प्राप्त कर लेता है।

श्लोक 20 (skanda.7.279.20)

सुरपितृमनुजयक्षसेवितमसुरनिशाचरसिद्धवंदितम्। वरकनकहुताशनप्रभं त्वमपि नम हिताय भास्करम्

surapitṛmanujayakṣasevitamasuraniśācarasiddhavaṁditam| varakanakahutāśanaprabhaṁ tvamapi nama hitāya bhāskaram

देवता, पितर, मनुष्य और यक्षों द्वारा सेवित, असुरों, राक्षसों और सिद्धों द्वारा वन्दित, उत्तम सुवर्ण और अग्नि के समान कान्ति वाले उन भास्कर को, हे साधक, अपने कल्याण के लिए तुम भी नमस्कार करो।

श्लोक 21 (skanda.7.279.21)

सूर्योदये यस्तु समाहितः पठेत्स पुत्रलाभं धनरत्नसंचयान्। लभेत जातिस्मरतां सदा नरः स्मृतिं च मेधां च स विंदते पुमान्

sūryodaye yastu samāhitaḥ paṭhetsa putralābhaṁ dhanaratnasaṁcayān| labheta jātismaratāṁ sadā naraḥ smṛtiṁ ca medhāṁ ca sa viṁdate pumān

जो एकाग्रचित्त होकर सूर्योदय के समय इसका पाठ करता है, वह पुत्र-लाभ तथा धन-रत्न के संचय को प्राप्त करता है; वह मनुष्य सदा पूर्वजन्म का स्मरण करने वाला होता है और स्मृति तथा बुद्धि को भी प्राप्त करता है।

श्लोक 22 (skanda.7.279.22)

इमं स्तवं देववरस्य यो नरः प्रकीर्त्तयेच्छुद्धमनाः समाहितः। स मुच्यते शोकदवाग्निसाराल्लभेत कामान्मनसा यथेप्सितान्

imaṁ stavaṁ devavarasya yo naraḥ prakīrttayecchuddhamanāḥ samāhitaḥ| sa mucyate śokadavāgnisārāllabheta kāmānmanasā yathepsitān

जो शुद्धचित्त और एकाग्र मनुष्य श्रेष्ठ देवता के इस स्तोत्र का कीर्तन करता है, वह शोकरूपी दावाग्नि के सार से मुक्त हो जाता है और मन से चाही हुई कामनाओं को प्राप्त कर लेता है।