तीर्थयात्रा विधान वर्णन

श्लोक 1 (skanda.7.28.1)

देव्युवाच। इत्याश्चर्यमिदं देव त्वत्तः सर्वं मया श्रुतम्। महिमानं महेशस्य विस्तरेण समुद्भवम्। सांप्रतं सोमनाथस्य यथावद्वक्तुमर्हसि

devyuvāca| ityāścaryamidaṁ deva tvattaḥ sarvaṁ mayā śrutam| mahimānaṁ maheśasya vistareṇa samudbhavam| sāṁprataṁ somanāthasya yathāvadvaktumarhasi

देवी ने कहा—हे देव! इस प्रकार यह सब आश्चर्यजनक वृत्तांत, महेश की महिमा और उनका विस्तारपूर्वक प्राकट्य, मैंने आपसे सुना। अब सोमनाथ के विषय में यथावत् कहने योग्य हैं।

श्लोक 2 (skanda.7.28.2)

विधिना केन दृश्योसौ यात्रा कार्या कथं नृभिः। कस्मिन्काले महादेव नियमाश्चैव कीदृशाः

vidhinā kena dṛśyosau yātrā kāryā kathaṁ nṛbhiḥ| kasminkāle mahādeva niyamāścaiva kīdṛśāḥ

किस विधि से उनका दर्शन हो? मनुष्यों द्वारा यात्रा किस प्रकार की जानी चाहिए? हे महादेव! किस काल में, और कैसे नियम होने चाहिए?

श्लोक 3 (skanda.7.28.3)

ईश्वर उवाच। हेमन्ते शिशिरे वापि वसन्ते वाथ भामिनि। यदा च जायते चित्तं वित्तं वा पर्व वा भवेत्

īśvara uvāca| hemante śiśire vāpi vasante vātha bhāmini| yadā ca jāyate cittaṁ vittaṁ vā parva vā bhavet

ईश्वर ने कहा—हे भामिनि! हेमंत में, शिशिर में अथवा वसंत में—जब भी मन में भाव जागे, अथवा धन उपलब्ध हो, अथवा पर्व का अवसर आए—

श्लोक 4 (skanda.7.28.4)

तदैव यात्रा कर्त्तव्या भावस्तत्रैव कारणम्। कृत्वा तु नियमं कंचित्स्वगृहे वरवर्णिनि

tadaiva yātrā karttavyā bhāvastatraiva kāraṇam| kṛtvā tu niyamaṁ kaṁcitsvagṛhe varavarṇini

—तभी यात्रा करनी चाहिए; भाव ही उसका वास्तविक कारण है। हे वरवर्णिनि! अपने घर में कुछ नियम धारण करके—

श्लोक 5 (skanda.7.28.5)

प्रणम्य मनसा रुद्रं कृत्वा श्राद्धं यथाविधि। स्थानं प्रदक्षिणं कृत्वा वाग्यतः सुसमाहितः

praṇamya manasā rudraṁ kṛtvā śrāddhaṁ yathāvidhi| sthānaṁ pradakṣiṇaṁ kṛtvā vāgyataḥ susamāhitaḥ

—मन से रुद्र को प्रणाम करके, यथाविधि श्राद्ध करके, स्थान की प्रदक्षिणा करके, वाणी को संयमित रखते हुए, सुसमाहित होकर—

श्लोक 6 (skanda.7.28.6)

नियतो नियताहारो गच्छेच्चैव ततः पथि। कामक्रोधौ परित्यज्य लोभमोहौ तथैव च

niyato niyatāhāro gaccheccaiva tataḥ pathi| kāmakrodhau parityajya lobhamohau tathaiva ca

—संयमित होकर, नियमित आहार के साथ, मार्ग में चलना चाहिए; काम और क्रोध का, तथा लोभ और मोह का भी परित्याग करके—

श्लोक 7 (skanda.7.28.7)

ईर्ष्यामत्सरलौल्यं च यात्रा कार्या ततो नृभिः। तीर्थानुगमनं पुण्यं यज्ञेभ्योऽपि विशिष्यते

īrṣyāmatsaralaulyaṁ ca yātrā kāryā tato nṛbhiḥ| tīrthānugamanaṁ puṇyaṁ yajñebhyo'pi viśiṣyate

—और ईर्ष्या, द्वेष तथा चंचलता का त्याग करके मनुष्यों को यात्रा करनी चाहिए। तीर्थों की यात्रा यज्ञों से भी बढ़कर पुण्यदायक है।

श्लोक 8 (skanda.7.28.8)

अग्निष्टोमादियज्ञैश्च इष्ट्वा विपुलदक्षिणैः। तत्तत्फलमवाप्नोति तीर्थानुगमनेन यत्

agniṣṭomādiyajñaiśca iṣṭvā vipuladakṣiṇaiḥ| tattatphalamavāpnoti tīrthānugamanena yat

अग्निष्टोम आदि यज्ञ, विपुल दक्षिणा सहित करने से जो फल प्राप्त होता है, वही फल तीर्थयात्रा से प्राप्त हो जाता है।

श्लोक 9 (skanda.7.28.9)

कलेर्युगं महाघोरं प्राप्य पापसमन्वितम्। नान्येनाऽस्मिन्नुपायेन धर्म्मः स्वर्गश्च लभ्यते। विना यात्रां महादेवि सोमेशस्य न संशयः

kaleryugaṁ mahāghoraṁ prāpya pāpasamanvitam| nānyenā'sminnupāyena dharmmaḥ svargaśca labhyate| vinā yātrāṁ mahādevi someśasya na saṁśayaḥ

अत्यंत घोर, पापयुक्त कलियुग को प्राप्त होकर, इस युग में किसी अन्य उपाय से धर्म और स्वर्ग प्राप्त नहीं होते। हे महादेवि! सोमेश की यात्रा के बिना यह असंभव है, इसमें कोई संशय नहीं।

श्लोक 10 (skanda.7.28.10)

ये कुर्वंति नरा यात्रां शुचिश्रद्धासमन्विताः। कलौ युगे कृतार्थास्ते ये त्वन्ये ते निरर्थकाः

ye kurvaṁti narā yātrāṁ śuciśraddhāsamanvitāḥ| kalau yuge kṛtārthāste ye tvanye te nirarthakāḥ

जो मनुष्य शुद्ध होकर श्रद्धा सहित यात्रा करते हैं, वे कलियुग में कृतार्थ होते हैं; जो अन्य ऐसा नहीं करते, वे निरर्थक ही रह जाते हैं।

श्लोक 11 (skanda.7.28.11)

यथामहोदधेस्तुल्यो न चान्योऽस्ति जलाशयः। तथा प्राभासिकात्क्षेत्रात्समं तीर्थं न विद्यते

yathāmahodadhestulyo na cānyo'sti jalāśayaḥ| tathā prābhāsikātkṣetrātsamaṁ tīrthaṁ na vidyate

जिस प्रकार महासागर के समान कोई अन्य जलाशय नहीं है, उसी प्रकार प्राभासिक क्षेत्र के समान कोई तीर्थ विद्यमान नहीं है।

श्लोक 12 (skanda.7.28.12)

अनुपोष्य त्रिरात्राणि तीर्थान्यनभिगम्य च। अदत्त्वा कांचनं गाश्च दरिद्रोनाम जायते

anupoṣya trirātrāṇi tīrthānyanabhigamya ca| adattvā kāṁcanaṁ gāśca daridronāma jāyate

जो तीन रात्रि तक उपवास नहीं करता, तीर्थों में नहीं जाता, तथा सुवर्ण और गौओं का दान नहीं करता, वह (अगले जन्म में) दरिद्र नामक प्राणी बनकर उत्पन्न होता है।

श्लोक 13 (skanda.7.28.13)

यन्यगम्यानि तीर्थानि दुर्गाणि विषमाणि च। मनसा तानि गम्यानि सर्वतीर्थगतीप्सुना

yanyagamyāni tīrthāni durgāṇi viṣamāṇi ca| manasā tāni gamyāni sarvatīrthagatīpsunā

जो तीर्थ दुर्गम, विषम और पहुँच से परे हैं, उन्हें सम्पूर्ण तीर्थों की प्राप्ति की इच्छा रखने वाले को कम से कम मन से ही जाना चाहिए।

श्लोक 14 (skanda.7.28.14)

यस्य हस्तौ च पादौ च मनश्चैव सुसंयतम्। विद्या तपश्च कीर्तिश्च स तीर्थफलमश्नुते

yasya hastau ca pādau ca manaścaiva susaṁyatam| vidyā tapaśca kīrtiśca sa tīrthaphalamaśnute

जिसके हाथ, पैर और मन भलीभाँति संयमित हैं, तथा जिसके पास विद्या, तप और कीर्ति है, वह तीर्थ का फल प्राप्त करता है।

श्लोक 15 (skanda.7.28.15)

नियतो नियताहारः स्नान। जाप्यपरायणः। व्रतोपवासनिरतः स तीर्थफलमश्नुते

niyato niyatāhāraḥ snāna| jāpyaparāyaṇaḥ| vratopavāsanirataḥ sa tīrthaphalamaśnute

संयमित, नियमित आहार वाला, स्नान और जप में तत्पर, व्रत-उपवास में निरत मनुष्य ही तीर्थ का फल प्राप्त करता है।

श्लोक 16 (skanda.7.28.16)

अक्रोधनश्च देवेशि सत्यशीलो दृढव्रतः। आत्मोपमश्च भूतेषु स तीर्थफलमश्नुते

akrodhanaśca deveśi satyaśīlo dṛḍhavrataḥ| ātmopamaśca bhūteṣu sa tīrthaphalamaśnute

हे देवेशि! जो क्रोधरहित, सत्यशील, दृढ़व्रती है, तथा सभी प्राणियों को अपने समान मानता है, वह तीर्थ का फल प्राप्त करता है।

श्लोक 17 (skanda.7.28.17)

कुरुक्षेत्रादितीर्थानि रथगम्यानि यानि तु। तान्येव ब्राह्मणो यायादानदोषो न तेषु वै

kurukṣetrāditīrthāni rathagamyāni yāni tu| tānyeva brāhmaṇo yāyādānadoṣo na teṣu vai

कुरुक्षेत्र आदि जो तीर्थ रथ से जाने योग्य हैं, वहाँ ब्राह्मण को उन्हीं मार्गों से जाना चाहिए; उनमें वाहन के प्रयोग में कोई दोष नहीं है।

श्लोक 18 (skanda.7.28.18)

ये साधवो धनोपेतास्तीर्थानां स्मरणे रताः। तीर्थे दानाच्च योगाच्च तेषामभ्यधिकं फलम्

ye sādhavo dhanopetāstīrthānāṁ smaraṇe ratāḥ| tīrthe dānācca yogācca teṣāmabhyadhikaṁ phalam

जो साधु पुरुष धनवान होकर भी तीर्थों के स्मरण में रत रहते हैं, तीर्थ में दान और योगाभ्यास से उनका फल और भी अधिक हो जाता है।

श्लोक 19 (skanda.7.28.19)

ये दरिद्रा धनैर्हीनास्तीर्थानुगमनेरताः। तेषां यज्ञफलावाप्तिर्विनापि धनसंचयैः

ye daridrā dhanairhīnāstīrthānugamaneratāḥ| teṣāṁ yajñaphalāvāptirvināpi dhanasaṁcayaiḥ

जो दरिद्र, धनहीन होकर भी तीर्थयात्रा में रत रहते हैं, उन्हें धन-संचय के बिना भी यज्ञ का फल प्राप्त होता है।

श्लोक 20 (skanda.7.28.20)

सर्वेषामेव वर्णानां सर्वाश्रमनिवासिनाम्। तीर्थं तु फलदं ज्ञेयं नात्र कार्या विचारणा

sarveṣāmeva varṇānāṁ sarvāśramanivāsinām| tīrthaṁ tu phaladaṁ jñeyaṁ nātra kāryā vicāraṇā

सभी वर्णों तथा सभी आश्रमों में रहने वालों के लिए तीर्थ फलदायक ही जानना चाहिए; इसमें कोई विचार-भेद नहीं करना चाहिए।

श्लोक 21 (skanda.7.28.21)

कार्यांतरेण यो गत्वा स्नानं तीर्थे समाचरेत्। न च यात्राफलं तस्य स्नानमात्रं फलं भवेत्

kāryāṁtareṇa yo gatvā snānaṁ tīrthe samācaret| na ca yātrāphalaṁ tasya snānamātraṁ phalaṁ bhavet

जो किसी अन्य कार्य से वहाँ जाकर तीर्थ में स्नान करता है, उसे यात्रा का फल नहीं मिलता—उसे केवल स्नान का ही फल प्राप्त होता है।

श्लोक 22 (skanda.7.28.22)

तीर्थानुगमनं पद्भ्यां तपःपरमिहोच्यते। तदेव कृत्वा यानेन स्नानमात्रफलं लभेत्

tīrthānugamanaṁ padbhyāṁ tapaḥparamihocyate| tadeva kṛtvā yānena snānamātraphalaṁ labhet

पैदल तीर्थ जाना यहाँ परम तप कहा गया है। वही कार्य यदि वाहन से किया जाए, तो केवल स्नान-मात्र का फल प्राप्त होता है।

श्लोक 23 (skanda.7.28.23)

यस्यान्यः कुरुते शक्त्या तीर्थयात्रां तथेश्वरि। स्वकीयद्रव्ययानाभ्यां फलं तस्य चतुर्गुणम्

yasyānyaḥ kurute śaktyā tīrthayātrāṁ tatheśvari| svakīyadravyayānābhyāṁ phalaṁ tasya caturguṇam

हे ईश्वरि! जो अपनी ही शक्ति से, अपने ही धन और अपने ही वाहन से तीर्थयात्रा करता है, उसका फल चौगुना होता है।

श्लोक 24 (skanda.7.28.24)

तीर्थानुगमनं कृत्वा भिक्षाहारा जितेंद्रियाः। प्राप्नुवंति महादेवि तीर्थे दशगुणं फलम्

tīrthānugamanaṁ kṛtvā bhikṣāhārā jiteṁdriyāḥ| prāpnuvaṁti mahādevi tīrthe daśaguṇaṁ phalam

हे महादेवि! जितेंद्रिय होकर भिक्षा पर निर्वाह करते हुए तीर्थयात्रा करने वालों को तीर्थ में दस गुना फल प्राप्त होता है।

श्लोक 25 (skanda.7.28.25)

छत्रोपानद्विहीनस्तु भिक्षाशी विजितेंद्रियः। महापातकजैर्घोरैर्विप्रः पापैः प्रमुच्यते

chatropānadvihīnastu bhikṣāśī vijiteṁdriyaḥ| mahāpātakajairghorairvipraḥ pāpaiḥ pramucyate

छाता और जूतों से रहित, भिक्षा पर निर्वाह करने वाला, जितेंद्रिय ब्राह्मण महापातकों से उत्पन्न भयंकर पापों से मुक्त हो जाता है।

श्लोक 26 (skanda.7.28.26)

न भैक्षं परपाकं तु न च भैक्ष्यं प्रतिग्रहम्। सोमपानसमं भैक्ष्यं तस्माद्भैक्षं समाचरेत्

na bhaikṣaṁ parapākaṁ tu na ca bhaikṣyaṁ pratigraham| somapānasamaṁ bhaikṣyaṁ tasmādbhaikṣaṁ samācaret

दूसरे के द्वारा पकाया गया भोजन भिक्षा नहीं है, और न ही भिक्षा किसी औपचारिक प्रतिग्रह के समान है। भिक्षा सोमपान के समान है; अतः भिक्षा का ही आचरण करना चाहिए।

श्लोक 27 (skanda.7.28.27)

लोकेऽस्मिन्द्विविधं तीर्थं स्वच्छ न्दैर्निर्म्मितं तथा। स्वयंभूतं प्रभासाद्यं निर्मितं दैवतैः कृतम्

loke'smindvividhaṁ tīrthaṁ svaccha ndairnirmmitaṁ tathā| svayaṁbhūtaṁ prabhāsādyaṁ nirmitaṁ daivataiḥ kṛtam

इस लोक में तीर्थ दो प्रकार के हैं—एक अपनी इच्छा से बनाया हुआ, और दूसरा स्वयंभू, जैसे प्रभास, जो देवताओं द्वारा प्रकट किया गया है।

श्लोक 28 (skanda.7.28.28)

स्वयंभूते महातीर्थे स्वभावे च महत्तरे। तस्मिंस्तीर्थे प्रतिगृह्य कृताः सर्वे प्रतिग्रहाः

svayaṁbhūte mahātīrthe svabhāve ca mahattare| tasmiṁstīrthe pratigṛhya kṛtāḥ sarve pratigrahāḥ

स्वयंभू महातीर्थ में, जो स्वभाव से ही महत्तर है, वहाँ किया गया हर प्रतिग्रह गुरुत्वपूर्ण माना जाता है।

श्लोक 29 (skanda.7.28.29)

प्रतिग्रहनिवृत्तस्य यात्रादशगुणं फलम्। तेन दत्तानि दानानि यज्ञैर्देवाः सुतर्पिताः

pratigrahanivṛttasya yātrādaśaguṇaṁ phalam| tena dattāni dānāni yajñairdevāḥ sutarpitāḥ

प्रतिग्रह से विरत रहने वाले को यात्रा का फल दस गुना प्राप्त होता है। उसके द्वारा दिए गए दानों से देवता यज्ञों के समान भलीभाँति तृप्त होते हैं।

श्लोक 30 (skanda.7.28.30)

येन क्षेत्रं समासाद्य निवृत्तिः परमा कृता। वस्तुलौल्याद्धि यः क्षेत्रे प्रतिग्रहरुचिस्तथा

yena kṣetraṁ samāsādya nivṛttiḥ paramā kṛtā| vastulaulyāddhi yaḥ kṣetre pratigraharucistathā

जिसने क्षेत्र में पहुँचकर परम विरक्ति धारण की, वह धन्य है; परंतु जो वस्तुओं के लोभ से क्षेत्र में प्रतिग्रह में रुचि रखता है—

श्लोक 31 (skanda.7.28.31)

नैव तस्य परोलोको नायं लोको दुरात्मनः। अथ चेत्प्रतिगृह्णाति ब्राह्मणो वृत्तिदुर्बलः। दशांशमर्जिताद्दद्यादेवं तत्र न हीयते

naiva tasya paroloko nāyaṁ loko durātmanaḥ| atha cetpratigṛhṇāti brāhmaṇo vṛttidurbalaḥ| daśāṁśamarjitāddadyādevaṁ tatra na hīyate

—उस दुरात्मा को न परलोक प्राप्त होता है और न ही यह लोक। यदि आजीविका से दुर्बल ब्राह्मण प्रतिग्रह ग्रहण करे भी, तो उसे अर्जित का दसवाँ भाग दान कर देना चाहिए; इस प्रकार उसकी कोई हानि नहीं होती।

श्लोक 32 (skanda.7.28.32)

विप्रवेषं समास्थाय शूद्रो भूत्वा प्रतिग्रहम्। तृणकाष्ठसमं वापि प्रतिगृह्य पतत्यधः

vipraveṣaṁ samāsthāya śūdro bhūtvā pratigraham| tṛṇakāṣṭhasamaṁ vāpi pratigṛhya patatyadhaḥ

जो शूद्र, ब्राह्मण का वेश धारण करके प्रतिग्रह ग्रहण करता है, वह तृण अथवा काष्ठ के समान तुच्छ वस्तु भी ग्रहण करके अधोगति को प्राप्त होता है।

श्लोक 33 (skanda.7.28.33)

कुम्भीपाकादिकेष्वेवं महानरककोटिषु। यावदिंद्रसहस्राणि चतुर्द्दश वरानने

kumbhīpākādikeṣvevaṁ mahānarakakoṭiṣu| yāvadiṁdrasahasrāṇi caturddaśa varānane

हे वरानने! वह कुम्भीपाक आदि करोड़ों महानरकों में, चौदह हजार इंद्रों के काल-पर्यंत, पड़ा रहता है।

श्लोक 34 (skanda.7.28.34)

तस्मान्नैव प्रतिग्राह्यं किमन्यैर्ब्राह्मणैरपि। द्विप्रकारस्य तीर्थस्य कृतस्याप्यकृतस्य च

tasmānnaiva pratigrāhyaṁ kimanyairbrāhmaṇairapi| dviprakārasya tīrthasya kṛtasyāpyakṛtasya ca

इसलिए प्रतिग्रह ग्रहण ही नहीं करना चाहिए—फिर अन्य (अनधिकारी) ब्राह्मणों के द्वारा ग्रहण किए जाने की तो बात ही क्या! यह नियम दोनों प्रकार के तीर्थों के लिए है—मानव-निर्मित और अनिर्मित दोनों के लिए।

श्लोक 35 (skanda.7.28.35)

स्वकीयभावसंयुक्तः संपूर्णं फलमश्नुते। लभते षोडशांशं स यः परान्नेन गच्छति

svakīyabhāvasaṁyuktaḥ saṁpūrṇaṁ phalamaśnute| labhate ṣoḍaśāṁśaṁ sa yaḥ parānnena gacchati

अपने ही भाव से युक्त व्यक्ति सम्पूर्ण फल प्राप्त करता है। जो दूसरे के अन्न पर निर्भर होकर वहाँ जाता है, वह केवल सोलहवाँ भाग ही प्राप्त करता है।

श्लोक 36 (skanda.7.28.36)

अशक्तस्य तथांधस्य पंगोर्यायावरस्य च। विहितं कारणायानमच्छिद्रे ब्राह्मणे कुतः

aśaktasya tathāṁdhasya paṁgoryāyāvarasya ca| vihitaṁ kāraṇāyānamacchidre brāhmaṇe kutaḥ

असमर्थ, अंधे, लंगड़े और परिव्राजक साधु के लिए विशेष कारणवश वाहन का प्रयोग विहित है; किंतु किसी अंगहीनता से रहित ब्राह्मण के लिए यह कैसे उचित हो सकता है?

श्लोक 37 (skanda.7.28.37)

स्नानखादनपानैश्च वोढृभ्यस्तीर्थसेवकः। ददत्सकलमाप्नोति फलं तीर्थसमुद्भवम्

snānakhādanapānaiśca voḍhṛbhyastīrthasevakaḥ| dadatsakalamāpnoti phalaṁ tīrthasamudbhavam

जो तीर्थयात्री वाहकों (भार ढोने वालों) को स्नान, भोजन और जल प्रदान करता है, वह तीर्थ से उत्पन्न सम्पूर्ण फल प्राप्त करता है।

श्लोक 38 (skanda.7.28.38)

न षोडशांशं यत्नेन लब्धार्थं यदि यच्छति। पंचमांशमथो वापि दद्यात्तत्र द्विजातिषु

na ṣoḍaśāṁśaṁ yatnena labdhārthaṁ yadi yacchati| paṁcamāṁśamatho vāpi dadyāttatra dvijātiṣu

यदि प्रयत्न करने पर भी अर्जित का सोलहवाँ भाग न दे सके, तो वहाँ द्विजों को कम से कम पाँचवाँ भाग अवश्य देना चाहिए।

श्लोक 39 (skanda.7.28.39)

देवतानां गुरूणां च मातापित्रोश्च कामतः। पुण्यदः समवाप्नोति तदेवाष्टगुणं फलम्

devatānāṁ gurūṇāṁ ca mātāpitrośca kāmataḥ| puṇyadaḥ samavāpnoti tadevāṣṭaguṇaṁ phalam

देवताओं, गुरुओं तथा माता-पिता के निमित्त इच्छापूर्वक दान करने वाला पुण्यदाता उसी फल का आठ गुना प्राप्त करता है।

श्लोक 40 (skanda.7.28.40)

स्नानं दानं जपो होमः स्वाध्यायो देवतार्चनम्। पुण्यं देयं तु सर्वत्र नापुण्यं दीयते क्वचित्

snānaṁ dānaṁ japo homaḥ svādhyāyo devatārcanam| puṇyaṁ deyaṁ tu sarvatra nāpuṇyaṁ dīyate kvacit

स्नान, दान, जप, होम, स्वाध्याय और देवता-अर्चन—पुण्य सर्वत्र इनके द्वारा ही अर्पित करना चाहिए; अपुण्य कहीं भी अर्पित न किया जाए।

श्लोक 41 (skanda.7.28.41)

पितरं मातरं तीर्थे भ्रातरं सुहृदं गुरुम्। यमुद्दिश्य निमज्जेत द्वादशांशं लभेत सः

pitaraṁ mātaraṁ tīrthe bhrātaraṁ suhṛdaṁ gurum| yamuddiśya nimajjeta dvādaśāṁśaṁ labheta saḥ

जो तीर्थ में पिता, माता, भाई, मित्र या गुरु का नाम लेकर जल में डुबकी लगाता है, वह उनके लिए बारहवाँ भाग फल प्राप्त कराता है।

श्लोक 42 (skanda.7.28.42)

कुशैस्तु प्रतिमां कृत्वा तीर्थवारिषु मज्जयेत्। यमुद्दिश्य महादेवि अष्टभागं लभेत सः

kuśaistu pratimāṁ kṛtvā tīrthavāriṣu majjayet| yamuddiśya mahādevi aṣṭabhāgaṁ labheta saḥ

हे महादेवि! जो कुश से प्रतिमा बनाकर उसे तीर्थ के जल में डुबोता है, किसी का नाम लेकर, उसे उनके लिए आठवाँ भाग फल प्राप्त होता है।

श्लोक 43 (skanda.7.28.43)

महादानानि ये विप्रा गृह्णन्ति ज्ञानदुर्बलाः। वृक्षास्ते द्विजरूपेण जायंते ब्रह्मराक्षसाः

mahādānāni ye viprā gṛhṇanti jñānadurbalāḥ| vṛkṣāste dvijarūpeṇa jāyaṁte brahmarākṣasāḥ

जो अज्ञानी ब्राह्मण महादानों को ग्रहण करते हैं, वे वृक्ष बनकर उत्पन्न होते हैं और फिर द्विज-रूप में ब्रह्मराक्षस बनते हैं।

श्लोक 44 (skanda.7.28.44)

न वेदबलमाश्रित्य प्रतिग्रहरुचिर्भवेत्। अज्ञानाद्वा प्रमादाद्वा दहते कर्म नेतरत्

na vedabalamāśritya pratigraharucirbhavet| ajñānādvā pramādādvā dahate karma netarat

केवल वेद के बल का आश्रय लेकर प्रतिग्रह में रुचि नहीं रखनी चाहिए। अज्ञान से हो या प्रमाद से, वह (कृत्य) केवल उसी (पुण्य) कर्म को जला देता है, अन्य को नहीं।

श्लोक 45 (skanda.7.28.45)

चितिकाष्ठं तु वै स्पृष्ट्वा यज्ञयूपं तथैव च। वेदविक्रयिणं स्पृष्ट्वा स्नानमेव विधीयते

citikāṣṭhaṁ tu vai spṛṣṭvā yajñayūpaṁ tathaiva ca| vedavikrayiṇaṁ spṛṣṭvā snānameva vidhīyate

चिता की लकड़ी को, यज्ञ के यूप को, तथा वेद को बेचने वाले को स्पर्श करने पर केवल स्नान ही विहित है।

श्लोक 46 (skanda.7.28.46)

आदेशं पठते यस्तु आदेशं तु ददाति यः। द्वावेतौ पापकर्माणौ पातालतलवासिनौ

ādeśaṁ paṭhate yastu ādeśaṁ tu dadāti yaḥ| dvāvetau pāpakarmāṇau pātālatalavāsinau

जो उपदेश (वेद-शिक्षा) मूल्य लेकर पढ़ाता है, और जो उसका मूल्य चुकाता है—ये दोनों पापकर्मी पाताल में निवास करते हैं।

श्लोक 47 (skanda.7.28.47)

आदेशं पठते यस्तु संजिघृक्षुः प्रतिग्रहम्। तीर्थे चैव विशेषेण ब्रह्मघ्नः सैव नेतरः। स्थितो वै नृपतेर्द्वारि न कुर्याद्वेदविक्रयम्

ādeśaṁ paṭhate yastu saṁjighṛkṣuḥ pratigraham| tīrthe caiva viśeṣeṇa brahmaghnaḥ saiva netaraḥ| sthito vai nṛpaterdvāri na kuryādvedavikrayam

जो उपदेश देकर प्रतिग्रह पाने की इच्छा रखता है, विशेषतः तीर्थ में, वही ब्रह्महत्यारा है, अन्य कोई नहीं। राजा के द्वार पर खड़े होकर भी वेद का विक्रय नहीं करना चाहिए।

श्लोक 48 (skanda.7.28.48)

हत्वा गावो वरं मांसं भक्षयीत द्विजाधमः। वरं जीवन्समं मत्स्यैर्न कुर्याद्वेदविक्रयम्। ब्रह्महत्यासमं पापं न भूतं न भविष्यति

hatvā gāvo varaṁ māṁsaṁ bhakṣayīta dvijādhamaḥ| varaṁ jīvansamaṁ matsyairna kuryādvedavikrayam| brahmahatyāsamaṁ pāpaṁ na bhūtaṁ na bhaviṣyati

निकृष्ट द्विज के लिए गौ को मारकर मांस खा लेना बेहतर है, मछलियों के समान जीवन बिताना भी बेहतर है, परंतु वेद का विक्रय नहीं करना चाहिए। ब्रह्महत्या के समान पाप न कभी हुआ है, न कभी होगा।

श्लोक 49 (skanda.7.28.49)

वरं कुर्याच्च तद्देवि न कुर्याद्वेदविक्रयम्। तीर्थे चैव विशेषेण महाक्षेत्रे तथैव च

varaṁ kuryācca taddevi na kuryādvedavikrayam| tīrthe caiva viśeṣeṇa mahākṣetre tathaiva ca

हे देवि! वह (अन्य लघु पाप) कर सकता है, परंतु वेद का विक्रय कभी नहीं करना चाहिए—विशेषतः तीर्थ में, और वैसे ही महाक्षेत्र में भी नहीं।

श्लोक 50 (skanda.7.28.50)

दीयमानं तु वै दानं यस्त्यजेत्तीर्थसेवकः। तीर्थं करोति तीर्थं च स पुनाति च पूर्वजान्

dīyamānaṁ tu vai dānaṁ yastyajettīrthasevakaḥ| tīrthaṁ karoti tīrthaṁ ca sa punāti ca pūrvajān

जो तीर्थयात्री दिए जाते हुए दान को अस्वीकार कर देता है, वह उस स्थान को (सच्चा) तीर्थ बनाता है, और तीर्थ तथा अपने पूर्वजों दोनों को पवित्र करता है।

श्लोक 51 (skanda.7.28.51)

यदन्यत्र कृतं पापं तीर्थे तद्याति लाघवम्। न तीर्थकृतमन्यत्र क्वचिदेव व्यपोहति

yadanyatra kṛtaṁ pāpaṁ tīrthe tadyāti lāghavam| na tīrthakṛtamanyatra kvacideva vyapohati

जो पाप अन्यत्र किया गया हो, वह तीर्थ में जाकर हल्का हो जाता है; किंतु तीर्थ में किया गया पाप अन्यत्र कहीं भी दूर नहीं होता।

श्लोक 52 (skanda.7.28.52)

तैलपात्रमिवात्मानं यो रक्षेत्तीर्थसेवकः। स तीर्थफलमस्कन्नं विप्रः प्राप्नोति संयतः

tailapātramivātmānaṁ yo rakṣettīrthasevakaḥ| sa tīrthaphalamaskannaṁ vipraḥ prāpnoti saṁyataḥ

जो तीर्थयात्री अपने आपको तेल से भरे पात्र के समान (बिना एक बूँद गिराए) सुरक्षित रखता है, वह संयमी ब्राह्मण तीर्थ का अखंडित फल प्राप्त करता है।

श्लोक 53 (skanda.7.28.53)

यस्ययस्यात्ति पक्वान्नमल्पं वा यदि वा बहु। तीर्थगस्तस्य तस्यार्धं स्नातस्य विनियच्छति

yasyayasyātti pakvānnamalpaṁ vā yadi vā bahu| tīrthagastasya tasyārdhaṁ snātasya viniyacchati

जो व्यक्ति जिस किसी का पका हुआ अन्न खाता है, चाहे थोड़ा हो या अधिक, तीर्थ में स्नान करने वाला उसका आधा फल उसी को समर्पित कर देता है।

श्लोक 54 (skanda.7.28.54)

यो न क्लिष्टोपि भिक्षेत ब्राह्मण स्तीर्थसेवकः। सत्यवादी समाधिस्थः स तीर्थस्योपकारकः

yo na kliṣṭopi bhikṣeta brāhmaṇa stīrthasevakaḥ| satyavādī samādhisthaḥ sa tīrthasyopakārakaḥ

जो तीर्थयात्री ब्राह्मण कष्ट में होते हुए भी भिक्षा नहीं माँगता, जो सत्यवादी और समाधिस्थ है, वह तीर्थ का उपकारक है।

श्लोक 55 (skanda.7.28.55)

कृते युगे पुष्कराणि त्रेतायां नैमिषं तथा। द्वापरे तु कुरुक्षेत्रं प्राभासिकं कलौयुगे

kṛte yuge puṣkarāṇi tretāyāṁ naimiṣaṁ tathā| dvāpare tu kurukṣetraṁ prābhāsikaṁ kalauyuge

कृतयुग में पुष्कर, त्रेतायुग में नैमिष, द्वापर में कुरुक्षेत्र, तथा कलियुग में प्राभासिक क्षेत्र (सर्वश्रेष्ठ है)।

श्लोक 56 (skanda.7.28.56)

तिष्ठेद्युगसहस्रंतुपादेनैकेन यः पुमान्। प्रभासयात्रामेको वा समं भवति वा न वा

tiṣṭhedyugasahasraṁtupādenaikena yaḥ pumān| prabhāsayātrāmeko vā samaṁ bhavati vā na vā

जो मनुष्य एक पैर पर एक हजार युगों तक खड़ा रहे, वह एक बार की गई प्रभास-यात्रा के समान होता है अथवा नहीं—(यह भी अपने आप में एक तुलना है)।

श्लोक 57 (skanda.7.28.57)

एतत्क्षेत्रं समागत्य मध्यभागे वरानने। यानानि तु परित्यज्य भाव्यं पादचरैर्नरैः

etatkṣetraṁ samāgatya madhyabhāge varānane| yānāni tu parityajya bhāvyaṁ pādacarairnaraiḥ

हे वरानने! इस क्षेत्र के मध्यभाग में पहुँचकर, वाहनों का त्याग करके मनुष्यों को पैदल ही चलना चाहिए।

श्लोक 58 (skanda.7.28.58)

लुठित्वा लोठनीं तत्र लुठिता यत्र देवताः। ततो नृत्यन्हसन्गायन्भूत्वा कार्पटिका कृतिः। गच्छेत्सोमेश्वरं देवं दृष्ट्वा चादौ कपर्द्दिनम्

luṭhitvā loṭhanīṁ tatra luṭhitā yatra devatāḥ| tato nṛtyanhasangāyanbhūtvā kārpaṭikā kṛtiḥ| gacchetsomeśvaraṁ devaṁ dṛṣṭvā cādau kaparddinam

जहाँ देवताओं ने स्वयं भूमि पर लोटन किया है, वहाँ लोटन करके, फिर नृत्य करते, हँसते, गाते हुए, कार्पटिक (विनम्र यात्री) के समान बनकर, पहले कपर्दी (शिव) के दर्शन करके सोमेश्वर देव के पास जाना चाहिए।

श्लोक 59 (skanda.7.28.59)

ईदृशं पुरुषं दृष्ट्वा स्थितं सोमेश्वरोन्मुखम्। नित्यं तुष्यंति पितरो गर्जंति च पिता महाः

īdṛśaṁ puruṣaṁ dṛṣṭvā sthitaṁ someśvaronmukham| nityaṁ tuṣyaṁti pitaro garjaṁti ca pitā mahāḥ

ऐसे व्यक्ति को सोमेश्वर की ओर मुख करके खड़ा देखकर, पितर सदा प्रसन्न होते हैं और पितामह गण गर्जना करते हैं (हर्ष से)।

श्लोक 60 (skanda.7.28.60)

अस्माकं वंशजो देवं प्रस्थितस्तारणाय नः। गत्वा सोमेश्वरं देवि कुर्याद्वपनमादितः

asmākaṁ vaṁśajo devaṁ prasthitastāraṇāya naḥ| gatvā someśvaraṁ devi kuryādvapanamāditaḥ

"हमारे कुल का यह वंशज हमारे उद्धार के लिए प्रभु की ओर चल पड़ा है।" हे देवि! सोमेश्वर के पास जाकर पहले मुंडन-संस्कार करना चाहिए।

श्लोक 61 (skanda.7.28.61)

तीर्थोपवासः कर्त्तव्यो यथावद्वै निबोध मे। नास्ति गंगासमं तीर्थं नास्ति क्रतुसमा गतिः

tīrthopavāsaḥ karttavyo yathāvadvai nibodha me| nāsti gaṁgāsamaṁ tīrthaṁ nāsti kratusamā gatiḥ

तीर्थ में उपवास यथाविधि करना चाहिए; इसे भलीभाँति समझो। गंगा के समान कोई तीर्थ नहीं है, यज्ञ के समान कोई गति नहीं है—

श्लोक 62 (skanda.7.28.62)

गायत्रीसदृशं जाप्यं होमो व्याहृतिभिः समः। अंतर्जले तथा नास्ति पापघ्नमघमर्षणात्

gāyatrīsadṛśaṁ jāpyaṁ homo vyāhṛtibhiḥ samaḥ| aṁtarjale tathā nāsti pāpaghnamaghamarṣaṇāt

—गायत्री के समान कोई जप नहीं है, व्याहृतियों सहित किए गए होम के समान कोई होम नहीं है, और जल में डूबकर किए गए अघमर्षण-पाठ के समान पापनाशक कुछ भी नहीं है।

श्लोक 63 (skanda.7.28.63)

अहिंसासदृशं पुण्यं दानात्संचयनं परम्। तपश्चानशनान्नास्ति तथा तीर्थनिषेवणात्

ahiṁsāsadṛśaṁ puṇyaṁ dānātsaṁcayanaṁ param| tapaścānaśanānnāsti tathā tīrthaniṣevaṇāt

अहिंसा के समान पुण्य नहीं है, दान से बढ़कर कोई संचय नहीं है, और उपवास एवं तीर्थसेवन के समान कोई तप नहीं है।

श्लोक 64 (skanda.7.28.64)

तीर्थोपवासाद्देवेशि अधिकं नास्ति किञ्चन। पापानां चोपशमनं सतामीप्सितकारकम्

tīrthopavāsāddeveśi adhikaṁ nāsti kiñcana| pāpānāṁ copaśamanaṁ satāmīpsitakārakam

हे देवेशि! तीर्थ में उपवास से बढ़कर कुछ भी नहीं है; यह पापों का शमन करने वाला और सज्जनों की अभीष्ट कामना पूर्ण करने वाला है।

श्लोक 65 (skanda.7.28.65)

उपवासो विनिर्द्दिष्टो विशेषाद्देवताश्रये। ब्राह्मणस्य त्वनशनं तपः परमिहोच्यते

upavāso vinirddiṣṭo viśeṣāddevatāśraye| brāhmaṇasya tvanaśanaṁ tapaḥ paramihocyate

उपवास विशेष रूप से देवता के आश्रय में विहित है। ब्राह्मण के लिए तो अन्न-त्याग ही यहाँ परम तप कहा गया है।

श्लोक 66 (skanda.7.28.66)

षष्ठकालाशनं शूद्रे तपः प्रोक्तं परं बुधैः। वर्णसंकरजातानां दिनमेकं प्रकीर्तितम्

ṣaṣṭhakālāśanaṁ śūdre tapaḥ proktaṁ paraṁ budhaiḥ| varṇasaṁkarajātānāṁ dinamekaṁ prakīrtitam

शूद्र के लिए छठे समय में भोजन करना विद्वानों द्वारा परम तप कहा गया है। वर्णसंकर जातियों के लिए एक दिन का उपवास कीर्तित है।

श्लोक 67 (skanda.7.28.67)

षष्ठकालात्परं शूद्रस्तपः कुर्याद्यथा क्वचित्। राष्ट्रहानिस्तदा ज्ञेया राज्ञश्चोपद्रवो महान्

ṣaṣṭhakālātparaṁ śūdrastapaḥ kuryādyathā kvacit| rāṣṭrahānistadā jñeyā rājñaścopadravo mahān

यदि शूद्र छठे समय की सीमा से अधिक तप करे, तो इससे राष्ट्र की हानि और राजा पर महान् उपद्रव समझना चाहिए।

श्लोक 68 (skanda.7.28.68)

शूद्रस्तु षष्ठकालाशी यथाशक्त्या तपश्चरेत्। न दर्भानुद्धरेच्छूद्रो न पिबेत्कापिलं पयः

śūdrastu ṣaṣṭhakālāśī yathāśaktyā tapaścaret| na darbhānuddharecchūdro na pibetkāpilaṁ payaḥ

शूद्र, छठे समय भोजन करते हुए, यथाशक्ति तप करे। शूद्र को कुश नहीं उखाड़नी चाहिए और न ही तपे हुए (कपिला) गाय का दूध पीना चाहिए।

श्लोक 69 (skanda.7.28.69)

मध्यपत्रे न भुञ्जीत ब्रह्मवृक्षस्य भामिनि। नोच्चरेत्प्रणवं मंत्रं पुरोडाशं न भक्षयेत्

madhyapatre na bhuñjīta brahmavṛkṣasya bhāmini| noccaretpraṇavaṁ maṁtraṁ puroḍāśaṁ na bhakṣayet

हे भामिनि! उसे ब्रह्मवृक्ष (पवित्र वृक्ष) के मध्य पत्र में भोजन नहीं करना चाहिए। उसे प्रणव मंत्र का उच्चारण नहीं करना चाहिए और न ही पुरोडाश खाना चाहिए।

श्लोक 70 (skanda.7.28.70)

न शिखां नोपवीतं च नोच्च रेत्संस्कृतां गिरम्। न पठेद्वेदवचनं त्रैरात्रं न हि सेवयेत्

na śikhāṁ nopavītaṁ ca nocca retsaṁskṛtāṁ giram| na paṭhedvedavacanaṁ trairātraṁ na hi sevayet

उसे शिखा और यज्ञोपवीत धारण नहीं करने चाहिए, संस्कृत भाषा का उच्चारण नहीं करना चाहिए, वेद-वचन नहीं पढ़ने चाहिए, और त्रिरात्र-व्रत का पालन नहीं करना चाहिए।

श्लोक 71 (skanda.7.28.71)

नमस्कारेण शूद्रस्य क्रियासिद्धिर्भवेद्ध्रुवम्। निषिद्धाचरणं कुर्वन्पितृभिः सह मज्जति

namaskāreṇa śūdrasya kriyāsiddhirbhaveddhruvam| niṣiddhācaraṇaṁ kurvanpitṛbhiḥ saha majjati

शूद्र के लिए केवल नमस्कार से ही क्रिया की सिद्धि निश्चित रूप से हो जाती है। निषिद्ध आचरण करने वाला अपने पितरों सहित डूब जाता है।

श्लोक 72 (skanda.7.28.72)

येनैकादशसंख्यानि यंत्रितानींद्रियाणि वै। स तीर्थफलमाप्नोति नरोऽन्यः क्लेशभाग्भवेत्

yenaikādaśasaṁkhyāni yaṁtritānīṁdriyāṇi vai| sa tīrthaphalamāpnoti naro'nyaḥ kleśabhāgbhavet

जिसने अपनी ग्यारह इंद्रियों को संयमित कर लिया है, वही तीर्थ का फल प्राप्त करता है; अन्य मनुष्य केवल क्लेश का ही भागी होता है।

श्लोक 73 (skanda.7.28.73)

यच्च तीर्थे पितृश्राद्धं स्नानं तत्र समाचरेत्। हितकारी च भूतेभ्यः सोऽश्नीयात्तीर्थजं फलम्

yacca tīrthe pitṛśrāddhaṁ snānaṁ tatra samācaret| hitakārī ca bhūtebhyaḥ so'śnīyāttīrthajaṁ phalam

जो तीर्थ में पितृ-श्राद्ध करता है, वहाँ स्नान करता है, तथा जो सभी प्राणियों का हितकारी है, वह तीर्थ से उत्पन्न फल का उपभोग करता है।

श्लोक 74 (skanda.7.28.74)

धर्मध्वजी सदा लुब्धः परदाररतो हि यः। करोति तीर्थगमनं स नरः पातकी भवेत्

dharmadhvajī sadā lubdhaḥ paradārarato hi yaḥ| karoti tīrthagamanaṁ sa naraḥ pātakī bhavet

जो सदा धर्म की ध्वजा फहराने वाला, लोभी और परस्त्री-आसक्त है, यदि वह तीर्थयात्रा करता है, तो वह मनुष्य पापी ही बना रहता है।

श्लोक 75 (skanda.7.28.75)

एवं ज्ञात्वा महादेवि यात्रां कुर्याद्यथाविधि। तीर्थोपवासं कृत्वादौ श्रद्धायुक्तो दृढव्रतः

evaṁ jñātvā mahādevi yātrāṁ kuryādyathāvidhi| tīrthopavāsaṁ kṛtvādau śraddhāyukto dṛḍhavrataḥ

हे महादेवि! यह जानकर मनुष्य को यथाविधि यात्रा करनी चाहिए—पहले तीर्थ में उपवास करके, श्रद्धायुक्त और दृढ़व्रती होकर—

श्लोक 76 (skanda.7.28.76)

भोजनं नैव कुर्वीत यदी च्छेद्धितमात्मनः। परान्नं नैव भुञ्जीत तद्दिने ब्राह्मणः क्वचित्

bhojanaṁ naiva kurvīta yadī ccheddhitamātmanaḥ| parānnaṁ naiva bhuñjīta taddine brāhmaṇaḥ kvacit

—यदि अपना हित चाहता हो, तो उसे बिल्कुल भोजन नहीं करना चाहिए। ब्राह्मण को उस दिन कभी भी दूसरे का अन्न नहीं खाना चाहिए।

श्लोक 77 (skanda.7.28.77)

हस्त्यश्वरथयानानि भूमिगोकांचनादिकम्। सर्वं तत्परिगृह्णीयाद्भोजनं न समाचरेत्

hastyaśvarathayānāni bhūmigokāṁcanādikam| sarvaṁ tatparigṛhṇīyādbhojanaṁ na samācaret

हाथी, घोड़े, रथ, वाहन, भूमि, गौ, सुवर्ण आदि सब कुछ ग्रहण किया जा सकता है, किंतु भोजन ग्रहण नहीं करना चाहिए।

श्लोक 78 (skanda.7.28.78)

आमाच्छतगुणं पुण्यं भुञ्जतो ददतोऽपि वा। तीर्थोपवासं कुर्वीत तस्मात्तत्र वरानने

āmācchataguṇaṁ puṇyaṁ bhuñjato dadato'pi vā| tīrthopavāsaṁ kurvīta tasmāttatra varānane

हे वरानने! कच्चे अन्न (के दान) का पुण्य, पके अन्न को खाने अथवा देने वाले से भी सौ गुना है। इसलिए वहाँ तीर्थ में उपवास ही करना चाहिए।

श्लोक 79 (skanda.7.28.79)

व्रती च तीर्थयात्री च विधवा च विशेषतः। परान्नभोजने देवि यस्यान्नं तस्य तत्फलम्

vratī ca tīrthayātrī ca vidhavā ca viśeṣataḥ| parānnabhojane devi yasyānnaṁ tasya tatphalam

व्रती के लिए, तीर्थयात्री के लिए, और विशेषतः विधवा के लिए—हे देवि! दूसरे के अन्न के भोजन में, वह फल उसी का होता है जिसका वह अन्न था।

श्लोक 80 (skanda.7.28.80)

विधवा चैव या नारी तस्या यात्राविधिं ब्रुवे। कुंकुमं चन्दनं चैव तांबूलं च स्रजस्तथा

vidhavā caiva yā nārī tasyā yātrāvidhiṁ bruve| kuṁkumaṁ candanaṁ caiva tāṁbūlaṁ ca srajastathā

अब मैं विधवा स्त्री के लिए यात्रा-विधान बताता हूँ: कुंकुम, चंदन, ताम्बूल तथा माला—

श्लोक 81 (skanda.7.28.81)

रक्तवस्त्राणि सर्वाणि शय्या प्रास्तरणानि च। अशिष्टैः सह संभाषो द्विवारं भोजनं तथा

raktavastrāṇi sarvāṇi śayyā prāstaraṇāni ca| aśiṣṭaiḥ saha saṁbhāṣo dvivāraṁ bhojanaṁ tathā

—सभी लाल वस्त्र, शय्या और बिछौने, अशिष्ट जनों से बातचीत, तथा दिन में दो बार भोजन करना—

श्लोक 82 (skanda.7.28.82)

पुंसां प्रदर्शनं चैव हास्यं तमसि वर्जयेत्। सशब्दोपानहौ चैव नृत्यं गतिं च वर्जयेत्

puṁsāṁ pradarśanaṁ caiva hāsyaṁ tamasi varjayet| saśabdopānahau caiva nṛtyaṁ gatiṁ ca varjayet

—पुरुषों को दिखाना और अंधकार में हँसना—इन सबका त्याग करना चाहिए। शब्द करने वाले जूते, नृत्य और (चंचल) गति का भी त्याग करना चाहिए।

श्लोक 83 (skanda.7.28.83)

धारणं चैव केशानामंजनं च विलेपनम्। असतीजनसंसर्गं पांडित्यं च परित्यजेत्

dhāraṇaṁ caiva keśānāmaṁjanaṁ ca vilepanam| asatījanasaṁsargaṁ pāṁḍityaṁ ca parityajet

केशों को सँवारना, अंजन और (सुगंधित) लेप, दुष्ट जनों का संग, तथा पांडित्य-प्रदर्शन—इन सबका त्याग करना चाहिए।

श्लोक 84 (skanda.7.28.84)

नित्यं स्नानं च कुर्वीत श्वेतवस्त्राणि धारयेत्। यतिश्च ब्रह्मचारी च विधवा च विशेषतः

nityaṁ snānaṁ ca kurvīta śvetavastrāṇi dhārayet| yatiśca brahmacārī ca vidhavā ca viśeṣataḥ

उसे नित्य स्नान करना चाहिए और श्वेत वस्त्र धारण करने चाहिए—यह विशेष रूप से यति, ब्रह्मचारी और विधवा के लिए है।

श्लोक 85 (skanda.7.28.85)

तांबूलं मधु मांसं च सुरापानसमं विदुः। एतेषां वर्ज्जनाद्देवि सम्यग्यात्राफलं लभेत्

tāṁbūlaṁ madhu māṁsaṁ ca surāpānasamaṁ viduḥ| eteṣāṁ varjjanāddevi samyagyātrāphalaṁ labhet

ताम्बूल, मधु और मांस को सुरापान के समान समझा जाता है। हे देवि! इनके त्याग से ही सम्पूर्ण यात्रा-फल प्राप्त होता है।

श्लोक 86 (skanda.7.28.86)

देव्युवाच। तपांसि कानि कथ्यन्ते क्षेत्रे प्राभा सिके नरैः। कानि दानानि दीयन्ते केषु तीर्थेषु वा कथम्

devyuvāca| tapāṁsi kāni kathyante kṣetre prābhā sike naraiḥ| kāni dānāni dīyante keṣu tīrtheṣu vā katham

देवी ने कहा—प्राभासिक क्षेत्र में मनुष्यों के लिए कौन-कौन से तप कहे गए हैं? कौन-कौन से दान, किन तीर्थों में, किस प्रकार दिए जाते हैं?

श्लोक 87 (skanda.7.28.87)

ईश्वर उवाच। तपः परं कृतयुगे त्रेतायां ज्ञानमिष्यते। द्वापरे यजनं धन्यं दानमेकं कलौ युगे

īśvara uvāca| tapaḥ paraṁ kṛtayuge tretāyāṁ jñānamiṣyate| dvāpare yajanaṁ dhanyaṁ dānamekaṁ kalau yuge

ईश्वर ने कहा—कृतयुग में तप परम है, त्रेतायुग में ज्ञान अभीष्ट है, द्वापर में यजन धन्य है, और कलियुग में केवल दान ही (विहित) है।

श्लोक 88 (skanda.7.28.88)

तपस्तप्यन्ति मुनयः कृच्छ्रचान्द्रायणादिकम्। गत्वा प्राभासिकं क्षेत्रं लोकाश्चान्ये कृते युगे

tapastapyanti munayaḥ kṛcchracāndrāyaṇādikam| gatvā prābhāsikaṁ kṣetraṁ lokāścānye kṛte yuge

कृतयुग में मुनि तथा अन्य लोग प्राभासिक क्षेत्र में जाकर कृच्छ्र, चांद्रायण आदि तप का आचरण करते हैं।

श्लोक 89 (skanda.7.28.89)

कलौ दानानि दीयन्ते ब्राह्मणेभ्यो यथाविधि। प्रभासं क्षेत्रमासाद्य तपसां प्राप्यते फलम्

kalau dānāni dīyante brāhmaṇebhyo yathāvidhi| prabhāsaṁ kṣetramāsādya tapasāṁ prāpyate phalam

कलियुग में यथाविधि ब्राह्मणों को दान दिए जाते हैं। प्रभास क्षेत्र में पहुँचकर तपों का फल (दान मात्र से) प्राप्त हो जाता है।

श्लोक 90 (skanda.7.28.90)

तुलापुरुषब्रह्माण्डपृथिवीकल्पपादपाः। हिरण्य कामधेनुश्च गजवाजिरथास्तथा

tulāpuruṣabrahmāṇḍapṛthivīkalpapādapāḥ| hiraṇya kāmadhenuśca gajavājirathāstathā

तुलापुरुष, ब्रह्मांड, पृथ्वी, कल्पवृक्ष, सुवर्ण, कामधेनु, तथा हाथी, घोड़ा और रथ (के दान)—

श्लोक 91 (skanda.7.28.91)

रत्नधेनुहिरण्याश्वसप्तसागर एव च। महाभूतघटो विश्वचक्रकल्पलताभिधः

ratnadhenuhiraṇyāśvasaptasāgara eva ca| mahābhūtaghaṭo viśvacakrakalpalatābhidhaḥ

—रत्नधेनु, हिरण्याश्व, सप्तसागर, महाभूतघट, तथा विश्वचक्र और कल्पलता नामक (दान भी हैं)—

श्लोक 92 (skanda.7.28.92)

प्रभासे नृपतिर्दद्या न्महादानानि षोडश। धान्यरत्नगुडस्वर्णतिलकार्पासशर्कराः

prabhāse nṛpatirdadyā nmahādānāni ṣoḍaśa| dhānyaratnaguḍasvarṇatilakārpāsaśarkarāḥ

—प्रभास में राजा को ये सोलह महादान देने चाहिए। धान्य, रत्न, गुड़, सुवर्ण, तिल, कपास और शक्कर—

श्लोक 93 (skanda.7.28.93)

सर्पिर्लवणरूप्याख्या दशैते पर्वताः स्मृताः। गुडाज्यदधिमध्वंबुसलिल क्षीरशर्कराः। रत्नाख्याश्च स्वरूपेण दशैता धेनवो मताः

sarpirlavaṇarūpyākhyā daśaite parvatāḥ smṛtāḥ| guḍājyadadhimadhvaṁbusalila kṣīraśarkarāḥ| ratnākhyāśca svarūpeṇa daśaitā dhenavo matāḥ

—घी, नमक और चाँदी—इन दस को 'पर्वत' कहा गया है। गुड़, घी, दही, मधु, जल, फिर जल, दूध, शक्कर तथा रत्न—अपने स्वरूप में ये दस 'धेनु' मानी गई हैं।

श्लोक 94 (skanda.7.28.94)

तेषामेकतमं दानं तीर्थेतीर्थे पृथक्पृथक्। प्रदेयान्येकवारं वा सरस्वत्यब्धि संगमे

teṣāmekatamaṁ dānaṁ tīrthetīrthe pṛthakpṛthak| pradeyānyekavāraṁ vā sarasvatyabdhi saṁgame

इनमें से एक-एक दान प्रत्येक तीर्थ में पृथक्-पृथक् देना चाहिए, अथवा सरस्वती-सागर संगम में एक ही बार में सभी दे देने चाहिए।

श्लोक 95 (skanda.7.28.95)

सर्वस्वं चातिविदुषे गृहं वा सपरिच्छदम्। बह्वल्पमपि विप्रेभ्यो दातव्यं प्रियमेलके

sarvasvaṁ cātividuṣe gṛhaṁ vā saparicchadam| bahvalpamapi viprebhyo dātavyaṁ priyamelake

अत्यंत विद्वान को अपना सर्वस्व, अथवा सामग्री सहित घर देना चाहिए; अन्य ब्राह्मणों को, स्नेहपूर्ण सभा में, थोड़ा या अधिक जो भी हो, अवश्य देना चाहिए।

श्लोक 96 (skanda.7.28.96)

यत्र तीर्थे लभेल्लिंगं तीर्थं च विमलोदकम्। तत्राग्निकार्यं कृत्वादौ विशिष्टं दानमिष्यते

yatra tīrthe labhelliṁgaṁ tīrthaṁ ca vimalodakam| tatrāgnikāryaṁ kṛtvādau viśiṣṭaṁ dānamiṣyate

जिस तीर्थ में लिंग तथा स्वच्छ जल का तीर्थ प्राप्त हो, वहाँ पहले अग्नि-कार्य करके विशेष दान करना चाहिए।

श्लोक 97 (skanda.7.28.97)

तर्पणं पितृदेवानां श्राद्धं दानं सदक्षिणम्। तीर्थेतीर्थे च गोदानं नियतः प्रकृतो विधिः

tarpaṇaṁ pitṛdevānāṁ śrāddhaṁ dānaṁ sadakṣiṇam| tīrthetīrthe ca godānaṁ niyataḥ prakṛto vidhiḥ

पितृदेवताओं का तर्पण, श्राद्ध, दक्षिणा सहित दान, तथा प्रत्येक तीर्थ में गौ-दान—यही नियत, प्रकृत विधि है।

श्लोक 98 (skanda.7.28.98)

विशिष्टख्यातलिंगेषु वृषदानं विधीयते। स्नानं विलेपनं पूजां देवतानां समाचरेत्

viśiṣṭakhyātaliṁgeṣu vṛṣadānaṁ vidhīyate| snānaṁ vilepanaṁ pūjāṁ devatānāṁ samācaret

विशेष रूप से विख्यात लिंगों के समक्ष बैल का दान विहित है। स्नान, विलेपन और देवताओं की पूजा करनी चाहिए।

श्लोक 99 (skanda.7.28.99)

जगतीं चार्चयेद्भक्त्या तथा चैवोपलेपयेत्। प्रासादं धवलं सौधं कारयेज्जीर्णमुद्धरेत्

jagatīṁ cārcayedbhaktyā tathā caivopalepayet| prāsādaṁ dhavalaṁ saudhaṁ kārayejjīrṇamuddharet

भक्तिपूर्वक जगती (वेदी) का पूजन करना चाहिए और उसे लेपित भी करना चाहिए। श्वेत प्रासाद बनवाना चाहिए और जो जीर्ण हो, उसका जीर्णोद्धार करना चाहिए।

श्लोक 100 (skanda.7.28.100)

पुष्पवाटीं स्नानकूपं निर्मलं कारयेद्व्रती। ब्राह्मणानां भूरिदानं देवपूजाकराय च

puṣpavāṭīṁ snānakūpaṁ nirmalaṁ kārayedvratī| brāhmaṇānāṁ bhūridānaṁ devapūjākarāya ca

व्रती को पुष्पवाटिका और स्वच्छ स्नान-कूप बनवाने चाहिए, तथा देवपूजा के निमित्त ब्राह्मणों को प्रचुर दान देना चाहिए।

श्लोक 101 (skanda.7.28.101)

सर्वत्र देवयात्रायां विधिरेष प्रवर्त्तते। तीर्थमभ्युद्धरेज्जीर्णं मार्जयेत्कथयेत्फलम्

sarvatra devayātrāyāṁ vidhireṣa pravarttate| tīrthamabhyuddharejjīrṇaṁ mārjayetkathayetphalam

देवयात्रा में सर्वत्र यही विधान प्रवृत्त है। जीर्ण तीर्थ का जीर्णोद्धार करना चाहिए, उसे स्वच्छ करना चाहिए और उसके फल का वर्णन करना चाहिए।

श्लोक 102 (skanda.7.28.102)

प्रसिद्धे च महादानं मध्यमे चैव मध्यमम्। गोदानं सर्वतीर्थेषु सुवर्णमथ निष्क्रयः। हिरण्यदानं सर्वेषां दानानामेव निष्कृतिः

prasiddhe ca mahādānaṁ madhyame caiva madhyamam| godānaṁ sarvatīrtheṣu suvarṇamatha niṣkrayaḥ| hiraṇyadānaṁ sarveṣāṁ dānānāmeva niṣkṛtiḥ

प्रसिद्ध तीर्थ में महादान, मध्यम तीर्थ में मध्यम दान देना चाहिए। सभी तीर्थों में गौ-दान होता है, सुवर्ण उसका प्रतिनिधि है; सुवर्ण-दान सभी दानों का निष्कृति (पूर्णता) है।

श्लोक 103 (skanda.7.28.103)

एवं कृत्वा नरो भक्त्या लभते जन्मनः फलम्। तीर्थेषु दानं वक्ष्यामि येषु यद्दीयते तिथौ

evaṁ kṛtvā naro bhaktyā labhate janmanaḥ phalam| tīrtheṣu dānaṁ vakṣyāmi yeṣu yaddīyate tithau

इस प्रकार भक्तिपूर्वक करने से मनुष्य अपने जन्म का फल प्राप्त करता है। अब मैं तीर्थों में दिए जाने वाले दान बताऊँगा—किस तिथि को क्या देना चाहिए।

श्लोक 104 (skanda.7.28.104)

प्रभासे प्रतिपद्दानं दातव्यं कांचनं शुभम्। द्वितीयायां तथा वस्त्रं तृतीयायां च मेदिनीम्

prabhāse pratipaddānaṁ dātavyaṁ kāṁcanaṁ śubham| dvitīyāyāṁ tathā vastraṁ tṛtīyāyāṁ ca medinīm

प्रभास में प्रतिपदा को शुभ सुवर्ण देना चाहिए, द्वितीया को वस्त्र, तथा तृतीया को भूमि देनी चाहिए।

श्लोक 105 (skanda.7.28.105)

चतुर्थ्यां दापयेद्धान्यं पंचम्यां कपिलां तथा। षष्ठ्यामश्वं च सप्तम्यां महिषीं तत्र दापयेत्

caturthyāṁ dāpayeddhānyaṁ paṁcamyāṁ kapilāṁ tathā| ṣaṣṭhyāmaśvaṁ ca saptamyāṁ mahiṣīṁ tatra dāpayet

चतुर्थी को धान्य दिलवाना चाहिए, पंचमी को कपिला गाय, षष्ठी को घोड़ा, और सप्तमी को भैंस वहाँ दान करानी चाहिए।

श्लोक 106 (skanda.7.28.106)

अष्टम्यां वृषभं दत्त्वा नीलं लक्षणसंयुतम्। नवम्यां तु गृहं दद्याच्चक्रं शंखं गदां तथा

aṣṭamyāṁ vṛṣabhaṁ dattvā nīlaṁ lakṣaṇasaṁyutam| navamyāṁ tu gṛhaṁ dadyāccakraṁ śaṁkhaṁ gadāṁ tathā

अष्टमी को शुभ लक्षणों से युक्त काला बैल देकर, नवमी को घर, तथा चक्र, शंख और गदा भी देने चाहिए।

श्लोक 107 (skanda.7.28.107)

दशम्यां सर्वगंधांश्च एकादश्यां च मौक्तिकम्। द्वादश्यां सुव्रतेन्नाद्यं प्रवालं विधिवत्तथा

daśamyāṁ sarvagaṁdhāṁśca ekādaśyāṁ ca mauktikam| dvādaśyāṁ suvratennādyaṁ pravālaṁ vidhivattathā

दशमी को सभी प्रकार की सुगंध, एकादशी को मोती, द्वादशी को सुव्रती को अन्न, तथा विधिपूर्वक मूँगा भी देना चाहिए।

श्लोक 108 (skanda.7.28.108)

स्त्रियो देयास्त्रयोदश्यां भूतायां ज्ञानदो भवेत्। अमावास्यामनुप्राप्य सर्वदानानि दापयेत्

striyo deyāstrayodaśyāṁ bhūtāyāṁ jñānado bhavet| amāvāsyāmanuprāpya sarvadānāni dāpayet

त्रयोदशी को स्त्रियों के योग्य वस्तुएँ देनी चाहिए; (चतुर्दशी को) ज्ञानदाता बनना चाहिए। अमावस्या को पहुँचकर सभी प्रकार के दान करा देने चाहिए।

श्लोक 109 (skanda.7.28.109)

एवं दानं प्रदत्त्वा तु दश कृत्वः फलं लभेत्

evaṁ dānaṁ pradattvā tu daśa kṛtvaḥ phalaṁ labhet

इस प्रकार दान देकर मनुष्य दस गुना फल प्राप्त करता है।

श्लोक 110 (skanda.7.28.110)

देव्युवाच। भक्तिदानविहीना ये प्रभासं क्षेत्रमागताः। स्नानमन्त्रविहीनाश्च वद तेषां तु किं फलम्

devyuvāca| bhaktidānavihīnā ye prabhāsaṁ kṣetramāgatāḥ| snānamantravihīnāśca vada teṣāṁ tu kiṁ phalam

देवी ने कहा—जो लोग भक्ति और दान से रहित होकर प्रभास क्षेत्र में आते हैं, तथा स्नान के मंत्रों से भी रहित होते हैं, बताइए उनका क्या फल होता है?

श्लोक 111 (skanda.7.28.111)

ईश्वर उवाच। सधना निर्द्धना वापि समंत्रा मंत्रवर्जिताः। प्रभासे निधनं प्राप्ताः सर्वे यांति शिवालयम्

īśvara uvāca| sadhanā nirddhanā vāpi samaṁtrā maṁtravarjitāḥ| prabhāse nidhanaṁ prāptāḥ sarve yāṁti śivālayam

ईश्वर ने कहा—धनवान हो या निर्धन, मंत्र जानने वाला हो या मंत्रहीन—प्रभास में मृत्यु को प्राप्त होने वाले सभी शिवालय (शिवलोक) को जाते हैं।

श्लोक 112 (skanda.7.28.112)

ये मंत्रहीनाः पुरुषा धर्महीनाश्च ये मृताः। तेषामेकं विमानं तु ददामि सुमहत्प्रिये

ye maṁtrahīnāḥ puruṣā dharmahīnāśca ye mṛtāḥ| teṣāmekaṁ vimānaṁ tu dadāmi sumahatpriye

हे प्रिये! जो मनुष्य मंत्रहीन और धर्महीन होकर मरते हैं, उन्हें भी मैं एक अत्यंत महान् विमान प्रदान करता हूँ।

श्लोक 113 (skanda.7.28.113)

स्नानदानानुरूप्येण प्राप्नुवंति परं पदम्। केचित्स्नानप्रभावेन केचिद्दानेन मानवाः

snānadānānurūpyeṇa prāpnuvaṁti paraṁ padam| kecitsnānaprabhāvena keciddānena mānavāḥ

स्नान और दान के अनुरूप मनुष्य परम पद को प्राप्त करते हैं—कोई स्नान के प्रभाव से, कोई दान से—

श्लोक 114 (skanda.7.28.114)

केचिल्लिंगप्रणामेन केचिल्लिंगार्च्चनेन च। केचिद्ध्यानप्रभावेन केचिद्योगप्रभावतः

kecilliṁgapraṇāmena kecilliṁgārccanena ca| keciddhyānaprabhāvena kecidyogaprabhāvataḥ

—कोई लिंग-प्रणाम से, कोई लिंग-पूजन से, कोई ध्यान के प्रभाव से, कोई योग के प्रभाव से—

श्लोक 115 (skanda.7.28.115)

केचिन्मं त्रस्य जाप्येन केचिच्च तपसा शुभे। तीर्थे संन्यसनैः केचित्केचिद्भक्त्यनुसारतः

kecinmaṁ trasya jāpyena kecicca tapasā śubhe| tīrthe saṁnyasanaiḥ kecitkecidbhaktyanusārataḥ

—कोई मंत्र-जप से, हे शुभे! कोई तप से, कोई तीर्थ में संन्यास से, और कोई केवल अपनी भक्ति के अनुसार।

श्लोक 116 (skanda.7.28.116)

एते चान्ये च बहव उत्तमाधममध्यमाः। सर्वे शिवपुरं यांति विमानैः सूर्यसंनिभैः

ete cānye ca bahava uttamādhamamadhyamāḥ| sarve śivapuraṁ yāṁti vimānaiḥ sūryasaṁnibhaiḥ

ये सब और अन्य भी अनेक—उत्तम, अधम अथवा मध्यम—सभी सूर्य के समान तेजस्वी विमानों में बैठकर शिवपुर को जाते हैं।

श्लोक 117 (skanda.7.28.117)

त्रिशूलांकितहस्ताश्च सर्वे च वृषवाहनाः। दिव्याप्सरोगणाकीर्णाः क्रीडंते मत्प्रभावतः

triśūlāṁkitahastāśca sarve ca vṛṣavāhanāḥ| divyāpsarogaṇākīrṇāḥ krīḍaṁte matprabhāvataḥ

हाथों में त्रिशूल धारण किए हुए, सभी बैल पर सवार, दिव्य अप्सरा-गणों से घिरे हुए, वे मेरी शक्ति से क्रीड़ा करते हैं।

श्लोक 118 (skanda.7.28.118)

एवं भक्त्यनुसारेण ददामि फलमव्ययम्। अलेपकं प्रभासं तु धर्माधर्मैर्न लिप्यते

evaṁ bhaktyanusāreṇa dadāmi phalamavyayam| alepakaṁ prabhāsaṁ tu dharmādharmairna lipyate

इस प्रकार भक्ति के अनुसार मैं अविनाशी फल प्रदान करता हूँ। प्रभास सदा निर्लेप रहता है—यह धर्म और अधर्म से लिप्त नहीं होता।

श्लोक 119 (skanda.7.28.119)

धर्मं चरंत्यधर्मं वा शिवं यांति न संशयः

dharmaṁ caraṁtyadharmaṁ vā śivaṁ yāṁti na saṁśayaḥ

चाहे कोई वहाँ धर्म का आचरण करे या अधर्म का, वह शिव को ही प्राप्त होता है—इसमें कोई संशय नहीं।

श्लोक 120 (skanda.7.28.120)

जन्मप्रभृति यो देवि नरो नेत्रविवर्जितः। मम क्षेत्रे मृतः सोऽपि रुद्रलोके महीयते

janmaprabhṛti yo devi naro netravivarjitaḥ| mama kṣetre mṛtaḥ so'pi rudraloke mahīyate

हे देवि! जो मनुष्य जन्म से ही नेत्रहीन है, यदि वह मेरे क्षेत्र में मरता है, तो वह भी रुद्रलोक में महिमामंडित होता है।

श्लोक 121 (skanda.7.28.121)

जन्मप्रभृति यो देवि श्रवणाभ्यां विवर्जितः। प्रभासे निधनं प्राप्तः स भवेन्मत्परिग्रहः

janmaprabhṛti yo devi śravaṇābhyāṁ vivarjitaḥ| prabhāse nidhanaṁ prāptaḥ sa bhavenmatparigrahaḥ

हे देवि! जो मनुष्य जन्म से ही बहरा है, यदि वह प्रभास में मृत्यु को प्राप्त होता है, तो वह मेरे परिवार में सम्मिलित हो जाता है।

श्लोक 122 (skanda.7.28.122)

अथातः संप्रवक्ष्यामि तीर्थानां स्पर्शने विधिम्। मन्त्रेण मंत्रितं तीर्थं भवेत्संनिहितं तथा

athātaḥ saṁpravakṣyāmi tīrthānāṁ sparśane vidhim| mantreṇa maṁtritaṁ tīrthaṁ bhavetsaṁnihitaṁ tathā

अब मैं तीर्थों को स्पर्श करने की विधि कहूँगा। मंत्र से मंत्रित तीर्थ उसी प्रकार सांनिध्य को प्राप्त हो जाता है।

श्लोक 123 (skanda.7.28.123)

प्रथमं चालभेत्तीर्थं प्रणवेन जलं शुचि। अवगाह्य ततः स्नायादध्यात्ममन्त्रयोगतः

prathamaṁ cālabhettīrthaṁ praṇavena jalaṁ śuci| avagāhya tataḥ snāyādadhyātmamantrayogataḥ

पहले प्रणव से पवित्र जल का स्पर्श करते हुए तीर्थ को नमन करे; फिर उसमें उतरकर अध्यात्म-मंत्र-योग से स्नान करे।

श्लोक 124 (skanda.7.28.124)

ओंनमो देवदेवाय शितिकण्ठाय दंडिने। रुद्राय वामहस्ताय चक्रिणे वेधसे नमः

oṁnamo devadevāya śitikaṇṭhāya daṁḍine| rudrāya vāmahastāya cakriṇe vedhase namaḥ

"ॐ नमो देवदेवाय शितिकण्ठाय दंडिने। रुद्राय वामहस्ताय चक्रिणे वेधसे नमः॥"

श्लोक 125 (skanda.7.28.125)

सरस्वती च सावित्री वेदमाता विभावरी। संनिधानं कुरुष्वात्र तीर्थे पाप प्रणाशिनि। सर्वेषामेव तीर्थानां मंत्र एष उदाहृतः

sarasvatī ca sāvitrī vedamātā vibhāvarī| saṁnidhānaṁ kuruṣvātra tīrthe pāpa praṇāśini| sarveṣāmeva tīrthānāṁ maṁtra eṣa udāhṛtaḥ

"हे सरस्वती, सावित्री, वेदमाता, विभावरी! हे पाप का नाश करने वाली! इस तीर्थ में साक्षात् उपस्थित होओ।" यही मंत्र सभी तीर्थों के लिए कहा गया है।

श्लोक 126 (skanda.7.28.126)

इत्युच्चार्य नमस्कृत्वा स्नानं कुर्याद्यथाविधि। उपवासं ततः कुर्यात्तस्मिन्नहनि सुव्रते

ityuccārya namaskṛtvā snānaṁ kuryādyathāvidhi| upavāsaṁ tataḥ kuryāttasminnahani suvrate

इस प्रकार उच्चारण करके, नमस्कार करके, विधिपूर्वक स्नान करना चाहिए। फिर उस दिन सुव्रती को उपवास करना चाहिए।

श्लोक 127 (skanda.7.28.127)

सा तिथिर्वर्षमेकं तु उपोष्या भक्तितत्परैः

sā tithirvarṣamekaṁ tu upoṣyā bhaktitatparaiḥ

उस तिथि का भक्तिपरायण मनुष्यों को एक वर्ष तक उपवास करना चाहिए।

श्लोक 128 (skanda.7.28.128)

देव्युवाच। कस्मिंस्तीर्थे नरैः पूर्वं प्रभासक्षेत्रमागतैः। स्नानं कार्यं महादेवि तन्मे विस्तरतो वद

devyuvāca| kasmiṁstīrthe naraiḥ pūrvaṁ prabhāsakṣetramāgataiḥ| snānaṁ kāryaṁ mahādevi tanme vistarato vada

देवी ने कहा—प्राभासिक क्षेत्र में पहले आए हुए मनुष्यों को किस तीर्थ में स्नान करना चाहिए? हे महादेव! यह मुझे विस्तार से बताइए।

श्लोक 129 (skanda.7.28.129)

ईश्वर उवाच। हंत ते संप्रवक्ष्यामि आद्यं तीर्थं महाप्रभम्। पूर्वं यत्र नरैः स्नानं क्रियते तच्छृषुष्व मे

īśvara uvāca| haṁta te saṁpravakṣyāmi ādyaṁ tīrthaṁ mahāprabham| pūrvaṁ yatra naraiḥ snānaṁ kriyate tacchṛṣuṣva me

ईश्वर ने कहा—अच्छा, मैं तुम्हें प्रथम, अत्यंत तेजस्वी तीर्थ के विषय में बताता हूँ, जहाँ मनुष्य सबसे पहले स्नान करते हैं; वह मुझसे सुनो।