समुद्र की अपेयता का कारण वर्णन

श्लोक 1 (skanda.7.29.1)

ईश्वर उवाच। अग्नितीर्थं ततो गच्छेत्सागरस्य तटे शुभे। यत्राऽसौ वाडवो मुक्तः सरस्वत्या वरानने

īśvara uvāca| agnitīrthaṁ tato gacchetsāgarasya taṭe śubhe| yatrā'sau vāḍavo muktaḥ sarasvatyā varānane

ईश्वर ने कहा—हे वरानने! फिर समुद्र के तट पर स्थित उस शुभ अग्नितीर्थ में जाना चाहिए, जहाँ सरस्वती द्वारा वह वाडवाग्नि छोड़ी गई थी।

श्लोक 2 (skanda.7.29.2)

दक्षिणे सोमनाथस्य सर्वपापप्रणाशनम्। तीर्थं त्रैलोक्यविख्यातं पद्मकं नाम नामतः

dakṣiṇe somanāthasya sarvapāpapraṇāśanam| tīrthaṁ trailokyavikhyātaṁ padmakaṁ nāma nāmataḥ

सोमनाथ के दक्षिण में सर्वपापनाशक, त्रैलोक्यविख्यात, पद्मक नामक तीर्थ है।

श्लोक 3 (skanda.7.29.3)

धन्वंतरशते प्रोक्तं सोमेशाज्जलमध्यगम्। कुण्डं पापहरं प्रोक्तं शतहस्तप्रमाणतः। तत्र स्नानं प्रकुर्वीत विगाह्य निधिमंभसाम्

dhanvaṁtaraśate proktaṁ someśājjalamadhyagam| kuṇḍaṁ pāpaharaṁ proktaṁ śatahastapramāṇataḥ| tatra snānaṁ prakurvīta vigāhya nidhimaṁbhasām

सोमेश्वर से सौ धनुष की दूरी पर, जल के मध्य में स्थित, सौ हाथ के परिमाण वाला एक पापहारी कुंड कहा गया है। वहाँ उस जलनिधि में प्रवेश करके स्नान करना चाहिए।

श्लोक 4 (skanda.7.29.4)

आदौ कृत्वा तु वपनं सोमेश्वरसमीपतः। शंकरं मनसा ध्यायन्केशांस्तत्र परित्यजेत्। समुत्तार्य ततः केशान्भूयः स्नानं समाचरेत्

ādau kṛtvā tu vapanaṁ someśvarasamīpataḥ| śaṁkaraṁ manasā dhyāyankeśāṁstatra parityajet| samuttārya tataḥ keśānbhūyaḥ snānaṁ samācaret

पहले सोमेश्वर के समीप मुंडन कराकर, मन में शंकर का ध्यान करते हुए वहाँ अपने केश त्याग देने चाहिए। फिर केशों को (जल में) प्रवाहित करके पुनः स्नान करना चाहिए।

श्लोक 5 (skanda.7.29.5)

यत्किंचित्कुरुते पापं मनुष्यो वृत्तिकर्शितः। तदेव पर्वतसुते सर्वं केशेषु तिष्ठति

yatkiṁcitkurute pāpaṁ manuṣyo vṛttikarśitaḥ| tadeva parvatasute sarvaṁ keśeṣu tiṣṭhati

हे पर्वतसुते! जीविका के भार से क्षीण हुआ मनुष्य जो भी पाप करता है, वह सब उसके केशों में ही स्थित रहता है।

श्लोक 6 (skanda.7.29.6)

तस्मात्सर्वप्रयत्नेन केशांस्तत्र विनिक्षिपेत्। तदेव सोमनाथाग्रे कृत्वा तु द्विगुणं फलम्

tasmātsarvaprayatnena keśāṁstatra vinikṣipet| tadeva somanāthāgre kṛtvā tu dviguṇaṁ phalam

इसलिए पूर्ण प्रयत्न से वहाँ केशों को त्याग देना चाहिए। सोमनाथ के समक्ष यह करने पर फल दोगुना हो जाता है।

श्लोक 7 (skanda.7.29.7)

अग्नितीर्थसमीपस्थं कपर्द्दिद्वारमध्यगम्। तत्रैव द्विगुणं ज्ञेयमन्यत्रैकगुणं स्मृतम्

agnitīrthasamīpasthaṁ kaparddidvāramadhyagam| tatraiva dviguṇaṁ jñeyamanyatraikaguṇaṁ smṛtam

अग्नितीर्थ के समीप, कपर्दी (शिव) के द्वार के मध्य स्थित स्थान में ही यह फल दोगुना जानना चाहिए; अन्यत्र यह एक गुना ही स्मृत है।

श्लोक 8 (skanda.7.29.8)

क्षुरकर्म न शस्तं स्याद्योषितां तु वरानने। सभर्तृकाणां तत्रैव विधिं तासां शृणुष्व मे

kṣurakarma na śastaṁ syādyoṣitāṁ tu varānane| sabhartṛkāṇāṁ tatraiva vidhiṁ tāsāṁ śṛṇuṣva me

हे वरानने! सुहागिन स्त्रियों के लिए क्षुरकर्म (मुंडन) उचित नहीं है। उन्हीं के लिए विधान मुझसे सुनो।

श्लोक 9 (skanda.7.29.9)

सर्वान्केशान्समुद्धृत्य च्छेदयेदंगुलद्वयम्। ततो देवान्विधानेन तर्प्पयेत्पितृदेवताः

sarvānkeśānsamuddhṛtya cchedayedaṁguladvayam| tato devānvidhānena tarppayetpitṛdevatāḥ

सारे केशों को इकट्ठा करके उनमें से दो अंगुल काट देना चाहिए। फिर विधिपूर्वक देवताओं और पितृदेवताओं का तर्पण करना चाहिए।

श्लोक 10 (skanda.7.29.10)

मुण्डनं चोपवासश्च सर्वतीर्थेष्वयं विधिः

muṇḍanaṁ copavāsaśca sarvatīrtheṣvayaṁ vidhiḥ

मुंडन और उपवास—सभी तीर्थों में यही विधान है।

श्लोक 11 (skanda.7.29.11)

गंगायां भास्करे क्षेत्रे मातापित्रोर्गुरौ मृते। आधाने सोमपाने च वपनं सप्तसु स्मृतम्

gaṁgāyāṁ bhāskare kṣetre mātāpitrorgurau mṛte| ādhāne somapāne ca vapanaṁ saptasu smṛtam

गंगा में, सूर्यक्षेत्र में, माता-पिता या गुरु के निधन पर, गर्भाधान-संस्कार में और सोमपान में—इन सात अवसरों पर मुंडन स्मृत है।

श्लोक 12 (skanda.7.29.12)

अश्वमेधसहस्राणां सहस्रं यः समाचरेत्। नासौ तत्फलमाप्नोति वपनाद्यच्च लभ्यते

aśvamedhasahasrāṇāṁ sahasraṁ yaḥ samācaret| nāsau tatphalamāpnoti vapanādyacca labhyate

जो मनुष्य हजार-हजार अश्वमेध यज्ञ करे, वह भी वह फल प्राप्त नहीं करता जो मुंडन से प्राप्त होता है।

श्लोक 13 (skanda.7.29.13)

विना मन्त्रेण यस्तत्र देवि स्नानं समाचरेत्। समाप्नोति क्वचिच्छ्रेयो मुक्त्वैकं पर्ववासरम्

vinā mantreṇa yastatra devi snānaṁ samācaret| samāpnoti kvacicchreyo muktvaikaṁ parvavāsaram

हे देवि! जो मंत्र के बिना ही वहाँ स्नान करता है, वह पर्व-दिवस के अतिरिक्त कदाचित् ही कोई श्रेय प्राप्त करता है।

श्लोक 14 (skanda.7.29.14)

विना मंत्रं विना पर्व क्षुरकर्म विना नरैः। कुशाग्रेणापि देवेशि न स्प्रष्टव्यो महोदधिः

vinā maṁtraṁ vinā parva kṣurakarma vinā naraiḥ| kuśāgreṇāpi deveśi na spraṣṭavyo mahodadhiḥ

हे देवेशि! मंत्र के बिना, पर्व के बिना और क्षुरकर्म के बिना मनुष्यों को महासागर को कुशाग्र से भी नहीं छूना चाहिए।

श्लोक 15 (skanda.7.29.15)

एवं स्नात्वा विधानेन दत्त्वाऽर्घ्यं च महोदधौ। संपूज्य पुष्पगंधैश्च वस्त्रैः पुण्यानुलेपनैः

evaṁ snātvā vidhānena dattvā'rghyaṁ ca mahodadhau| saṁpūjya puṣpagaṁdhaiśca vastraiḥ puṇyānulepanaiḥ

इस प्रकार विधिपूर्वक स्नान करके, महासागर में अर्घ्य देकर, पुष्पों और गंध से, वस्त्रों और पवित्र अनुलेपनों से पूजा करके—

श्लोक 16 (skanda.7.29.16)

हिरण्मयं यथाशक्त्या निक्षिपेत्तत्र कंकणम्

hiraṇmayaṁ yathāśaktyā nikṣipettatra kaṁkaṇam

—यथाशक्ति एक सुवर्णमय कंकण वहाँ अर्पित करना चाहिए।

श्लोक 17 (skanda.7.29.17)

एवं कृत्वा विधानं तु स्पर्शयेल्लवणोदधिम्। मन्त्रेणानेन देवेशि ततः सांनिध्यतां व्रजेत्

evaṁ kṛtvā vidhānaṁ tu sparśayellavaṇodadhim| mantreṇānena deveśi tataḥ sāṁnidhyatāṁ vrajet

इस प्रकार विधान करके ही लवणसागर का स्पर्श करना चाहिए। हे देवेशि! इस मंत्र से ही उनकी सांनिध्यता प्राप्त होती है।

श्लोक 18 (skanda.7.29.18)

ॐ नमो विष्णुगुप्ताय विष्णुरूपाय ते नमः। सांनिध्ये भव देवेश सागरे लवणाम्भसि

oṁ namo viṣṇuguptāya viṣṇurūpāya te namaḥ| sāṁnidhye bhava deveśa sāgare lavaṇāmbhasi

"ॐ नमो विष्णुगुप्ताय, विष्णुरूपाय तुम्हें नमस्कार है। हे देवेश! इस लवणजल-युक्त सागर में साक्षात् उपस्थित होओ।"

श्लोक 19 (skanda.7.29.19)

अग्निश्च रेतो मृडया च देहो रेतोधा विष्णुरमृतस्य नाभिः। एतद्ब्रुवन्पार्वति सत्यवाक्यं ततोऽवगाहेत्तु पतिं नदीनाम्

agniśca reto mṛḍayā ca deho retodhā viṣṇuramṛtasya nābhiḥ| etadbruvanpārvati satyavākyaṁ tato'vagāhettu patiṁ nadīnām

"अग्नि ही रेत (बीज) है, और मृडानी (पार्वती) द्वारा देह प्राप्त होती है; विष्णु रेतोदाता तथा अमृत की नाभि हैं।" हे पार्वति! यह सत्यवचन कहकर फिर नदीपति (सागर) में अवगाहन करना चाहिए।

श्लोक 20 (skanda.7.29.20)

ॐ नमो रत्नगर्भाय मन्त्रेणानेन भामिनि। कंकणं प्रक्षिपेत्तत्र ततः स्नायाद्यदृच्छया

oṁ namo ratnagarbhāya mantreṇānena bhāmini| kaṁkaṇaṁ prakṣipettatra tataḥ snāyādyadṛcchayā

"ॐ नमो रत्नगर्भाय" इस मंत्र से, हे भामिनि, वहाँ कंकण अर्पित करना चाहिए, फिर स्वेच्छा से स्नान करना चाहिए।

श्लोक 21 (skanda.7.29.21)

ततश्च तर्पयेद्देवान्मनुष्यांश्च पितामहान्। तिलमिश्रेण तोयेन सम्यक्छ्रद्धासमन्वितः

tataśca tarpayeddevānmanuṣyāṁśca pitāmahān| tilamiśreṇa toyena samyakchraddhāsamanvitaḥ

फिर तिलमिश्रित जल से, पूर्ण श्रद्धा सहित, देवताओं, मनुष्यों और पितरों का तर्पण करना चाहिए।

श्लोक 22 (skanda.7.29.22)

आजन्मशतसाहस्रं यत्पापं कुरुते नरः। सकृत्स्नात्वा व्यपोहेत सागरे लवणाम्भसि

ājanmaśatasāhasraṁ yatpāpaṁ kurute naraḥ| sakṛtsnātvā vyapoheta sāgare lavaṇāmbhasi

मनुष्य जन्म-जन्मांतर में सौ हजार बार जो पाप करता है, उसे लवणसागर में एक बार स्नान करके भी दूर कर देता है।

श्लोक 23 (skanda.7.29.23)

वृषभस्तत्र दातव्यः प्रवृत्ते क्षुरकर्मणि। आत्मप्रकृतिदानं च पीतवस्त्रं तथैव च

vṛṣabhastatra dātavyaḥ pravṛtte kṣurakarmaṇi| ātmaprakṛtidānaṁ ca pītavastraṁ tathaiva ca

क्षुरकर्म हो जाने पर वहाँ बैल का दान करना चाहिए, तथा अपनी प्रकृति के अनुरूप वस्तुओं का दान और पीले वस्त्र का दान भी करना चाहिए।

श्लोक 24 (skanda.7.29.24)

अनेन विधिना तत्र सम्यक्स्नानं समाचरेत्। स्पर्शयेद्वाडवं तेजश्चान्यथा दोषभाग्भवेत्

anena vidhinā tatra samyaksnānaṁ samācaret| sparśayedvāḍavaṁ tejaścānyathā doṣabhāgbhavet

इस विधि से वहाँ भलीभाँति स्नान करके ही वाडवाग्नि के तेज का स्पर्श करना चाहिए; अन्यथा दोष का भागी होना पड़ता है।

श्लोक 25 (skanda.7.29.25)

वरः शापश्च तस्यायं पुरा दत्तो यथा द्विजैः

varaḥ śāpaśca tasyāyaṁ purā datto yathā dvijaiḥ

पूर्वकाल में ब्राह्मणों द्वारा उसे (सागर को) जो वर और शाप दिया गया था, वह इस प्रकार है।

श्लोक 26 (skanda.7.29.26)

देव्युवाच। कुत्र कुत्र महादेव जलस्नानाद्विशुध्यति। किमर्थं सागरे दोषः प्राप्यते कौतुकं महत्

devyuvāca| kutra kutra mahādeva jalasnānādviśudhyati| kimarthaṁ sāgare doṣaḥ prāpyate kautukaṁ mahat

देवी ने कहा—हे महादेव! कहाँ-कहाँ जल में स्नान करने से मनुष्य शुद्ध होता है? समुद्र में विशेष रूप से दोष किस कारण प्राप्त हुआ? यह मेरे लिए महान् कौतूहल का विषय है।

श्लोक 27 (skanda.7.29.27)

यत्र गंगादयः सर्वा नद्यो विश्रांतिमागताः। यत्र विष्णुः स्वयं शेते यत्र लक्ष्मीः स्वयं स्थिता

yatra gaṁgādayaḥ sarvā nadyo viśrāṁtimāgatāḥ| yatra viṣṇuḥ svayaṁ śete yatra lakṣmīḥ svayaṁ sthitā

जहाँ गंगा आदि सभी नदियाँ विश्राम को प्राप्त होती हैं, जहाँ विष्णु स्वयं शयन करते हैं, जहाँ लक्ष्मी स्वयं निवास करती हैं—

श्लोक 28 (skanda.7.29.28)

किमर्थं वरशापं तु तस्य दत्तं द्विजैः पुरा। सर्वं विस्तरतो ब्रूहि महान्मे संशयोऽत्र वै

kimarthaṁ varaśāpaṁ tu tasya dattaṁ dvijaiḥ purā| sarvaṁ vistarato brūhi mahānme saṁśayo'tra vai

—उसे ब्राह्मणों ने पूर्वकाल में किस कारण वर और शाप दिया? यह सब विस्तार से कहिए; मुझे इस विषय में बड़ा संशय है।

श्लोक 29 (skanda.7.29.29)

ईश्वर उवाच। दीर्घसत्रं पुरा देवि प्रारब्धं सुरसत्तमैः। प्रभासं तीर्थमासाद्य सम्यक्छ्रद्धा समन्वितैः

īśvara uvāca| dīrghasatraṁ purā devi prārabdhaṁ surasattamaiḥ| prabhāsaṁ tīrthamāsādya samyakchraddhā samanvitaiḥ

ईश्वर ने कहा—हे देवि! पूर्वकाल में प्रभास तीर्थ में पहुँचकर, पूर्ण श्रद्धा से युक्त श्रेष्ठ देवों ने एक दीर्घ सत्र (यज्ञसत्र) आरंभ किया था।

श्लोक 30 (skanda.7.29.30)

ततः सत्रावसाने तु दत्त्वा दानमनेकधा। सर्वस्वं ब्राह्मणेन्द्राणां प्रभासक्षेत्रवासिनाम्

tataḥ satrāvasāne tu dattvā dānamanekadhā| sarvasvaṁ brāhmaṇendrāṇāṁ prabhāsakṣetravāsinām

फिर सत्र की समाप्ति पर, प्रभासक्षेत्र में निवास करने वाले श्रेष्ठ ब्राह्मणों को अनेक प्रकार से दान देकर, अपना सर्वस्व अर्पित कर दिया—

श्लोक 31 (skanda.7.29.31)

तावदन्ये द्विजास्तत्र दक्षिणार्थं समागताः। देशीयास्तत्र वास्तव्याः शतशोऽथ सहस्रशः

tāvadanye dvijāstatra dakṣiṇārthaṁ samāgatāḥ| deśīyāstatra vāstavyāḥ śataśo'tha sahasraśaḥ

—इतने में ही वहाँ निवास करने वाले उस देश के अन्य ब्राह्मण, दक्षिणा के लिए सैकड़ों-हजारों की संख्या में वहाँ आ पहुँचे।

श्लोक 32 (skanda.7.29.32)

प्रार्थनाभङ्गभीताश्च ततो देवाः सवासवाः। प्रणष्टास्तान्सुरान्दृष्ट्वा ब्राह्मणाश्चानुवव्रजुः

prārthanābhaṅgabhītāśca tato devāḥ savāsavāḥ| praṇaṣṭāstānsurāndṛṣṭvā brāhmaṇāścānuvavrajuḥ

तब वासव सहित देवगण, यह याचना पूरी न हो सकने के भय से, वहाँ से लुप्त हो गए। उन देवों को लुप्त होते देखकर ब्राह्मण उनके पीछे-पीछे चल पड़े।

श्लोक 33 (skanda.7.29.33)

खेचरत्वं पुरा देवि ह्यासीदग्रभुवां महत्। तेन यांति द्रुतं सर्वे यत्र यत्र सुरालयाः

khecaratvaṁ purā devi hyāsīdagrabhuvāṁ mahat| tena yāṁti drutaṁ sarve yatra yatra surālayāḥ

हे देवि! पूर्वकाल में अग्रज (ब्राह्मणों) को आकाशगमन की महान् शक्ति प्राप्त थी। उसी शक्ति से वे शीघ्र ही वहाँ-वहाँ पहुँच जाते थे, जहाँ-जहाँ देवताओं के निवासस्थान थे।

श्लोक 34 (skanda.7.29.34)

एवं सर्वत्रगामित्वं तेषां वीक्ष्य दिवौकसः। प्रविष्टाः सागरं भीता ऊचुर्वाक्यं च तं पुनः

evaṁ sarvatragāmitvaṁ teṣāṁ vīkṣya divaukasaḥ| praviṣṭāḥ sāgaraṁ bhītā ūcurvākyaṁ ca taṁ punaḥ

उनकी इस सर्वत्रगामिनी शक्ति को देखकर, भयभीत देवगण समुद्र में प्रविष्ट हो गए और उससे पुनः यह वचन कहा—

श्लोक 35 (skanda.7.29.35)

शरणं ते वयं प्राप्ता ब्राह्मणेभ्यो भयं गताः। नास्ति वित्तं च दानार्थं तस्माद्रक्ष महोदधे

śaraṇaṁ te vayaṁ prāptā brāhmaṇebhyo bhayaṁ gatāḥ| nāsti vittaṁ ca dānārthaṁ tasmādrakṣa mahodadhe

"हम तुम्हारी शरण में आए हैं, ब्राह्मणों से भयभीत होकर। हमारे पास देने के लिए धन नहीं बचा है; इसलिए हे महोदधे! हमारी रक्षा करो।"

श्लोक 36 (skanda.7.29.36)

एकतः क्रतवः सर्वे समाप्तवरदक्षिणाः। एकतो भयभीतस्य प्राणिनः प्राणरक्षणम्। विशेषतश्च देवानां रक्षणं बहुपुण्यदम्

ekataḥ kratavaḥ sarve samāptavaradakṣiṇāḥ| ekato bhayabhītasya prāṇinaḥ prāṇarakṣaṇam| viśeṣataśca devānāṁ rakṣaṇaṁ bahupuṇyadam

एक ओर वर और दक्षिणा सहित समस्त यज्ञ पूर्ण हो चुके थे, दूसरी ओर भयभीत प्राणी के प्राणों की रक्षा थी, और विशेषतः देवताओं की रक्षा अत्यंत पुण्यदायक होती है—(यह विचारकर समुद्र ने रक्षा करना स्वीकार किया)।

श्लोक 37 (skanda.7.29.37)

समुद्र उवाच। ब्राह्मणेभ्यो न भीः कार्या कथंचित्सुरसत्तमाः। अहं वो रक्षयिष्यामि प्रविशध्वं ममोदरे

samudra uvāca| brāhmaṇebhyo na bhīḥ kāryā kathaṁcitsurasattamāḥ| ahaṁ vo rakṣayiṣyāmi praviśadhvaṁ mamodare

समुद्र ने कहा—"हे श्रेष्ठ देवो! ब्राह्मणों से किसी प्रकार भी भय मत करो। मैं तुम्हारी रक्षा करूँगा; मेरे उदर में प्रवेश करो।"

श्लोक 38 (skanda.7.29.38)

ततस्ते विबुधाः सर्वे तस्य वाक्येन हर्षिताः। प्रविष्टा गह्वरां कुक्षिं तस्यैव भय वर्ज्जिताः

tataste vibudhāḥ sarve tasya vākyena harṣitāḥ| praviṣṭā gahvarāṁ kukṣiṁ tasyaiva bhaya varjjitāḥ

तब वे समस्त देवगण उसके वचन से हर्षित होकर, निर्भय होकर उसके गहन उदर में प्रविष्ट हुए।

श्लोक 39 (skanda.7.29.39)

समुद्रोऽपि महत्कृत्वा निजरूपं च भूरिशः। जलजाञ्जीवसंघातान्धृत्वा तीरसमीपतः

samudro'pi mahatkṛtvā nijarūpaṁ ca bhūriśaḥ| jalajāñjīvasaṁghātāndhṛtvā tīrasamīpataḥ

समुद्र ने भी अपने रूप को अत्यंत विशाल बनाकर, तट के समीप जलचर प्राणियों के समूहों को एकत्र किया—

श्लोक 40 (skanda.7.29.40)

ततश्चक्र उपायं स ब्राह्मणानां निपातने। मत्स्यानामामिषं पक्त्वा महान्नेन च गोपितम्

tataścakra upāyaṁ sa brāhmaṇānāṁ nipātane| matsyānāmāmiṣaṁ paktvā mahānnena ca gopitam

—फिर उसने ब्राह्मणों को (आगे बढ़ने से) रोकने का एक उपाय रचा: मछलियों का मांस पकाकर उसे प्रचुर अन्न में छिपा दिया।

श्लोक 41 (skanda.7.29.41)

अथोवाच द्विजान्सर्वान्प्रणिपत्य कृतांजलिः। प्रसादः क्रियतां विप्रा मुहूर्त्तं मम सांप्रतम्

athovāca dvijānsarvānpraṇipatya kṛtāṁjaliḥ| prasādaḥ kriyatāṁ viprā muhūrttaṁ mama sāṁpratam

फिर उसने अंजलि जोड़कर, प्रणाम करके सभी ब्राह्मणों से कहा—"हे विप्रो! इस समय क्षणभर के लिए मुझ पर कृपा कीजिए।

श्लोक 42 (skanda.7.29.42)

आतिथ्यग्रहणादेव दीनस्य प्रणतस्य च। युष्मदर्थं मया सम्यगेतत्पाकं समावृतम्। क्रियतां भोजनं भूयो गंतव्यमनु नाकिनाम्

ātithyagrahaṇādeva dīnasya praṇatasya ca| yuṣmadarthaṁ mayā samyagetatpākaṁ samāvṛtam| kriyatāṁ bhojanaṁ bhūyo gaṁtavyamanu nākinām

—इस दीन, नत व्यक्ति के आतिथ्य को स्वीकार करते हुए—मैंने तुम्हारे लिए यह भोजन भलीभाँति तैयार किया है। इसे ग्रहण करो, फिर देवताओं का पीछा करते हुए आगे जाना।"

श्लोक 43 (skanda.7.29.43)

अथ ते ब्राह्मणा मत्वा समुद्रं श्रद्धयान्वितम्। बाढमित्येव तं प्रोच्य बुभुजुः स्वर्णभाजने

atha te brāhmaṇā matvā samudraṁ śraddhayānvitam| bāḍhamityeva taṁ procya bubhujuḥ svarṇabhājane

तब वे ब्राह्मण समुद्र को श्रद्धायुक्त मानकर, उससे "बहुत अच्छा" कहकर सुवर्ण-पात्रों में भोजन करने लगे।

श्लोक 44 (skanda.7.29.44)

न व्यजानंत तन्मांसं गुप्तं स्वादु क्षुधार्द्दिताः

na vyajānaṁta tanmāṁsaṁ guptaṁ svādu kṣudhārdditāḥ

भूख से पीड़ित होने के कारण उन्होंने उस छिपे हुए स्वादिष्ट मांस को पहचाना नहीं।

श्लोक 45 (skanda.7.29.45)

ततस्तृप्ताश्च ते विप्रा ब्राह्मणा विगतक्षुधः। आशीर्वादं ददुः सर्वे ब्राह्मणाः शंसित व्रताः

tatastṛptāśca te viprā brāhmaṇā vigatakṣudhaḥ| āśīrvādaṁ daduḥ sarve brāhmaṇāḥ śaṁsita vratāḥ

फिर तृप्त होकर, भूख से मुक्त हुए वे व्रतशील ब्राह्मण सभी ने उसे आशीर्वाद दिया।

श्लोक 46 (skanda.7.29.46)

भोजनांतो ब्राह्मणानां प्राणांतः क्षत्रजन्मनाम्। आशीविषाणां सर्पाणां कोपो ज्ञेयो मृतावधिः। प्रेरयामास देवान्वै गम्यतामित्युवाच तान्

bhojanāṁto brāhmaṇānāṁ prāṇāṁtaḥ kṣatrajanmanām| āśīviṣāṇāṁ sarpāṇāṁ kopo jñeyo mṛtāvadhiḥ| prerayāmāsa devānvai gamyatāmityuvāca tān

ब्राह्मणों का अंत भोजन से होता है, क्षत्रियों का अंत प्राणों के अंत से, विषैले सर्पों का क्रोध मृत्यु से ही शांत होना जाना जाता है—(इस बीच) उसने देवताओं को प्रेरित करते हुए कहा, "अब तुम जा सकते हो।"

श्लोक 47 (skanda.7.29.47)

ततो देवाः सगंधर्वा गच्छंतः शीघ्रगा वियत्। गच्छतस्तांस्ततो दृष्ट्वा ब्राह्मणास्तत्र वंदिता

tato devāḥ sagaṁdharvā gacchaṁtaḥ śīghragā viyat| gacchatastāṁstato dṛṣṭvā brāhmaṇāstatra vaṁditā

तब देवगण गंधर्वों सहित आकाश-मार्ग से तीव्र गति से चले गए। उन्हें जाते हुए देखकर, वहाँ सम्मानित हुए वे ब्राह्मण—

श्लोक 48 (skanda.7.29.48)

दक्षिणार्थं समुत्पेतुः सुरानुद्दिश्य पृष्ठतः

dakṣiṇārthaṁ samutpetuḥ surānuddiśya pṛṣṭhataḥ

—दक्षिणा के लिए देवताओं का पीछा करते हुए पुनः पीछे से उड़ पड़े।

श्लोक 49 (skanda.7.29.49)

ततः प्रपतिता भूमौ द्विजास्ते सहसा पुनः। अभक्ष्यभक्षणात्ते वै ब्राह्मणा मांसभक्षणात्

tataḥ prapatitā bhūmau dvijāste sahasā punaḥ| abhakṣyabhakṣaṇātte vai brāhmaṇā māṁsabhakṣaṇāt

तब वे ब्राह्मण सहसा फिर पृथ्वी पर गिर पड़े—क्योंकि अखाद्य भक्षण के कारण, अर्थात् मांस भक्षण के कारण, उन ब्राह्मणों की (आकाशगमन की शक्ति नष्ट हो गई)।

श्लोक 50 (skanda.7.29.50)

निष्कृतिं तां परिज्ञाय समुद्रस्य रुषान्विताः। ददुः शापं महादेवि रौद्रं रौद्रवपुर्द्धराः

niṣkṛtiṁ tāṁ parijñāya samudrasya ruṣānvitāḥ| daduḥ śāpaṁ mahādevi raudraṁ raudravapurddharāḥ

समुद्र की उस युक्ति को जानकर, क्रोध से भरे हुए, हे महादेवि, वे भयंकर रौद्ररूप धारण करके शाप देने लगे।

श्लोक 51 (skanda.7.29.51)

यस्मादभक्ष्यं मांसं वै ब्राह्मणानां परं स्मृतम्। त्वयोपहृतमस्माकं सुगुप्तं भक्ष्यसंयुतम्

yasmādabhakṣyaṁ māṁsaṁ vai brāhmaṇānāṁ paraṁ smṛtam| tvayopahṛtamasmākaṁ suguptaṁ bhakṣyasaṁyutam

"चूँकि ब्राह्मणों के लिए मांस पूर्णतः अभक्ष्य कहा गया है, और तुमने वह हमें भलीभाँति छिपाकर, भोज्य पदार्थों में मिलाकर परोस दिया—

श्लोक 52 (skanda.7.29.52)

एकतः सर्वमांसानि मत्स्यमांसं तथैकतः। एकतः सर्वपापानि परदारास्तथैकतः

ekataḥ sarvamāṁsāni matsyamāṁsaṁ tathaikataḥ| ekataḥ sarvapāpāni paradārāstathaikataḥ

—एक ओर सभी प्रकार के मांस हैं और दूसरी ओर मत्स्य-मांस है (जो सबसे निकृष्ट है); एक ओर सभी पाप हैं और दूसरी ओर परस्त्री-गमन है (जो सबसे बड़ा पाप है)—

श्लोक 53 (skanda.7.29.53)

एवं वयं विजानन्तो यदि मांसस्य दूषणम्। तथापि वंचिताः सर्वे अपरीक्षितकारिणः

evaṁ vayaṁ vijānanto yadi māṁsasya dūṣaṇam| tathāpi vaṁcitāḥ sarve aparīkṣitakāriṇaḥ

—इस प्रकार मांस के दूषण को जानते हुए भी हम सब बिना परीक्षा किए धोखा खा गए।

श्लोक 54 (skanda.7.29.54)

यस्मात्पापमते क्रूरं त्वया वै वञ्चिता वयम्। मांसस्य भक्षणात्तस्मादपेयस्त्वं भविष्यसि

yasmātpāpamate krūraṁ tvayā vai vañcitā vayam| māṁsasya bhakṣaṇāttasmādapeyastvaṁ bhaviṣyasi

हे क्रूर पापबुद्धि! चूँकि तुमने मांस-भक्षण द्वारा हमें धोखा दिया है, इसलिए तुम अपेय (न पीने योग्य) हो जाओगे।

श्लोक 55 (skanda.7.29.55)

अस्पृश्यस्त्वं द्विजेंद्राणामन्येषां च नृणां भुवि। तवोदकेन ये मर्त्त्याः करिष्यंति कुबुद्धयः

aspṛśyastvaṁ dvijeṁdrāṇāmanyeṣāṁ ca nṛṇāṁ bhuvi| tavodakena ye marttyāḥ kariṣyaṁti kubuddhayaḥ

तुम श्रेष्ठ ब्राह्मणों और पृथ्वी के अन्य मनुष्यों के लिए अस्पृश्य हो जाओगे। जो मूर्ख मनुष्य तुम्हारे जल से कर्म करेंगे—

श्लोक 56 (skanda.7.29.56)

स्नानं ते नरकं घोरं प्रयास्यंति न संशयः। कृतघ्नानां च ये लोका ये लोकाः पापकर्मिणाम्

snānaṁ te narakaṁ ghoraṁ prayāsyaṁti na saṁśayaḥ| kṛtaghnānāṁ ca ye lokā ye lokāḥ pāpakarmiṇām

—वे स्नान करके निःसंदेह घोर नरक को प्राप्त होंगे—कृतघ्नों तथा पापकर्मियों को जो लोक प्राप्त होते हैं—

श्लोक 57 (skanda.7.29.57)

तांस्तवोदक संस्पर्शाल्लप्स्यंते मानवा भुवि

tāṁstavodaka saṁsparśāllapsyaṁte mānavā bhuvi

—वे ही लोक पृथ्वी पर मनुष्य तुम्हारे जल के स्पर्श मात्र से प्राप्त कर लेंगे।"

श्लोक 58 (skanda.7.29.58)

ईश्वर उवाच। एवं शप्तः समुद्रस्तैर्ब्राह्मणैर्वरवर्णिनि। ततो वर्षसहस्रं तु ह्यस्पृश्यः संबभूव ह

īśvara uvāca| evaṁ śaptaḥ samudrastairbrāhmaṇairvaravarṇini| tato varṣasahasraṁ tu hyaspṛśyaḥ saṁbabhūva ha

ईश्वर ने कहा—हे वरवर्णिनि! इस प्रकार उन ब्राह्मणों द्वारा शापित समुद्र तब एक हजार वर्षों तक अस्पृश्य बना रहा।

श्लोक 59 (skanda.7.29.59)

ततस्त्रासाकुलो भूत्वा सर्वांस्तानिदमब्रवीत्। देवकार्यमिदं विप्रा मया कृतमबुद्धिना

tatastrāsākulo bhūtvā sarvāṁstānidamabravīt| devakāryamidaṁ viprā mayā kṛtamabuddhinā

तब भय से व्याकुल होकर उसने उन सबसे कहा—"हे विप्रो! मैंने अबुद्धिवश यह देवकार्य किया था।

श्लोक 60 (skanda.7.29.60)

बुभूषता परं धर्मं शरणागतसंभवम्। कामात्क्रोधाद्भयाल्लोभाद्यस्त्यजेच्छरणागतम्

bubhūṣatā paraṁ dharmaṁ śaraṇāgatasaṁbhavam| kāmātkrodhādbhayāllobhādyastyajeccharaṇāgatam

—शरणागत की रक्षा से उत्पन्न होने वाले परम धर्म की इच्छा से (मैंने ऐसा किया)। जो कोई काम, क्रोध, भय अथवा लोभ के वशीभूत होकर शरणागत को त्याग देता है—

श्लोक 61 (skanda.7.29.61)

सत्याद्वापि स विज्ञेयो महापातककारकः। युष्मद्भीत्या समायाताः स्वर्गिणः शरणं मम

satyādvāpi sa vijñeyo mahāpātakakārakaḥ| yuṣmadbhītyā samāyātāḥ svargiṇaḥ śaraṇaṁ mama

—अथवा सत्य के नाम पर भी ऐसा करे, वह महापातकी जाना जाता है। तुम लोगों से भयभीत होकर स्वर्गवासी देवता मेरी शरण में आए थे।

श्लोक 62 (skanda.7.29.62)

ते मया रक्षिताः सम्यग्यथाशक्त्या ह्युपायतः। शोषयिष्येऽहमात्मानं यस्माच्छप्तः प्रकोपतः

te mayā rakṣitāḥ samyagyathāśaktyā hyupāyataḥ| śoṣayiṣye'hamātmānaṁ yasmācchaptaḥ prakopataḥ

उनकी मैंने अपनी शक्ति और उपाय के अनुसार भलीभाँति रक्षा की। अब जबकि मैं क्रोधवश शापित हो चुका हूँ, मैं स्वयं को सुखा डालूँगा—

श्लोक 63 (skanda.7.29.63)

भवद्भिर्नोत्सहे स्थातुं जनस्पर्शविनाकृतः। एवमुक्त्वा ततो देवि समुद्रः सरितांपतिः। आत्मानं शोषयामास दुःखेन महता स्थितः

bhavadbhirnotsahe sthātuṁ janasparśavinākṛtaḥ| evamuktvā tato devi samudraḥ saritāṁpatiḥ| ātmānaṁ śoṣayāmāsa duḥkhena mahatā sthitaḥ

—क्योंकि तुम लोगों द्वारा जनस्पर्श से वंचित होकर मैं टिकने का साहस नहीं रखता।" हे देवि! ऐसा कहकर नदियों के स्वामी समुद्र महान् दुःख में डूबे हुए अपने आप को सुखाने लगे।

श्लोक 64 (skanda.7.29.64)

ततो देवगणाः सर्वे स्थलाकारं महार्णवम्। शनैःशनैः प्रपश्यंतो भयेन महताऽन्विताः

tato devagaṇāḥ sarve sthalākāraṁ mahārṇavam| śanaiḥśanaiḥ prapaśyaṁto bhayena mahatā'nvitāḥ

तब समस्त देवगण, उस महासागर को धीरे-धीरे स्थल का रूप धारण करते देखकर, अत्यंत भयभीत हो गए।

श्लोक 65 (skanda.7.29.65)

ऊचुर्गत्वा तु लोकेशं देवदेवं पितामहम्। अस्मत्कृते द्विजैः शप्तः सागरो ब्राह्मणोत्तमैः

ūcurgatvā tu lokeśaṁ devadevaṁ pitāmaham| asmatkṛte dvijaiḥ śaptaḥ sāgaro brāhmaṇottamaiḥ

वे लोकेश देवाधिदेव पितामह के पास जाकर बोले—"हमारे लिए श्रेष्ठ ब्राह्मणों ने समुद्र को शाप दे दिया है।

श्लोक 66 (skanda.7.29.66)

स शोषयति चात्मानं दुःखेन महतान्वितः। समुद्राज्जलमादाय प्रवर्षंति बलाहकाः

sa śoṣayati cātmānaṁ duḥkhena mahatānvitaḥ| samudrājjalamādāya pravarṣaṁti balāhakāḥ

—वह अत्यंत दुःखी होकर स्वयं को सुखा रहा है। (किंतु विचार कीजिए—) मेघ समुद्र से जल लेकर वर्षा करते हैं—

श्लोक 67 (skanda.7.29.67)

ततः संजायते सस्यं सस्याद्यज्ञा भवंति च। यज्ञैः संजायते तृप्तिः सर्वेषां त्रिदिवौकसाम्

tataḥ saṁjāyate sasyaṁ sasyādyajñā bhavaṁti ca| yajñaiḥ saṁjāyate tṛptiḥ sarveṣāṁ tridivaukasām

—उससे फसल उत्पन्न होती है, फसल से यज्ञ होते हैं, यज्ञों से स्वर्गवासी समस्त देवताओं की तृप्ति होती है।

श्लोक 68 (skanda.7.29.68)

एवं तस्य विनाशेन नाशोऽस्माकं भविष्यति। तस्मात्त्वं रक्ष तं गत्वा यथा शोषं न गच्छति

evaṁ tasya vināśena nāśo'smākaṁ bhaviṣyati| tasmāttvaṁ rakṣa taṁ gatvā yathā śoṣaṁ na gacchati

इस प्रकार उसके विनाश से हमारा भी विनाश हो जाएगा। इसलिए आप जाकर उसकी रक्षा कीजिए, जिससे वह सूखने न पाए।

श्लोक 69 (skanda.7.29.69)

यथा तुष्यंति विप्रास्ते तथा नीतिर्विधीयताम्

yathā tuṣyaṁti viprāste tathā nītirvidhīyatām

जिस प्रकार वे ब्राह्मण संतुष्ट हों, वैसी नीति विहित कीजिए।"

श्लोक 70 (skanda.7.29.70)

देवानां वचनाद्ब्रह्मा गत्वा सागरसन्निधौ। समुद्रार्थे ययाचे तान्ब्राह्मणान्क्षेत्रवासिनः

devānāṁ vacanādbrahmā gatvā sāgarasannidhau| samudrārthe yayāce tānbrāhmaṇānkṣetravāsinaḥ

देवताओं के वचन से ब्रह्मा समुद्र के समीप जाकर, उन क्षेत्रवासी ब्राह्मणों से समुद्र के लिए याचना करने लगे।

श्लोक 71 (skanda.7.29.71)

ब्रह्मोवाच। प्रसादः क्रियतामस्य सागरस्य द्विजोत्तमाः। यथा पवित्रतां याति मद्वाक्यात्क्रियतां तथा

brahmovāca| prasādaḥ kriyatāmasya sāgarasya dvijottamāḥ| yathā pavitratāṁ yāti madvākyātkriyatāṁ tathā

ब्रह्मा ने कहा—"हे श्रेष्ठ द्विजो! इस समुद्र पर कृपा कीजिए। मेरे वचन से ऐसा कीजिए कि यह पुनः पवित्रता को प्राप्त हो जाए।

श्लोक 72 (skanda.7.29.72)

प्रदास्यति स युष्मभ्यं रत्नानि विविधानि च

pradāsyati sa yuṣmabhyaṁ ratnāni vividhāni ca

—यह तुम्हें विविध प्रकार के रत्न देगा।

श्लोक 73 (skanda.7.29.73)

यूयं भविष्यथात्यंतं भूमिदेवा इति क्षितौ। नाम्ना मद्वचनान्नूनं सत्यमेतन्मयोदितम्

yūyaṁ bhaviṣyathātyaṁtaṁ bhūmidevā iti kṣitau| nāmnā madvacanānnūnaṁ satyametanmayoditam

—और तुम पृथ्वी पर सदा के लिए "भूदेव" नाम से जाने जाओगे। यह मेरा वचन निश्चित रूप से सत्य होगा।"

श्लोक 74 (skanda.7.29.74)

ब्राह्मणा ऊचुः। नान्यथा कर्तुमिच्छामस्तव वाक्यं जगत्पते। न च मिथ्याऽऽत्मनो वाक्यं प्रमाणं चात्र वै भवान्

brāhmaṇā ūcuḥ| nānyathā kartumicchāmastava vākyaṁ jagatpate| na ca mithyā''tmano vākyaṁ pramāṇaṁ cātra vai bhavān

ब्राह्मणों ने कहा—"हे जगत्पते! हम आपकी बात के विपरीत करना नहीं चाहते; और हमारा भी वचन मिथ्या नहीं हो सकता। इस विषय में आप ही प्रमाण हैं।

श्लोक 75 (skanda.7.29.75)

तन्नो वाक्यात्सुरश्रेष्ठ हितं वा यदि वाहितम्। परं स्याज्जगतां श्रेयः सर्वेषां च दिवौकसाम्। तथा कुरु जगन्नाथ अस्माकं हितकारणम्

tanno vākyātsuraśreṣṭha hitaṁ vā yadi vāhitam| paraṁ syājjagatāṁ śreyaḥ sarveṣāṁ ca divaukasām| tathā kuru jagannātha asmākaṁ hitakāraṇam

—अतः हे सुरश्रेष्ठ! हमारे वचन से चाहे हित हो या अहित, वह समस्त लोकों और सभी देवताओं का परम कल्याण ही हो। हे जगन्नाथ! वैसा ही कीजिए जो हमारे लिए हितकारी हो।"

श्लोक 76 (skanda.7.29.76)

अथोवाच नदीनाथं ब्रह्मा लोकपितामहः। मा शोषय त्वमात्मानं हितं वाक्यं शृणुष्व मे

athovāca nadīnāthaṁ brahmā lokapitāmahaḥ| mā śoṣaya tvamātmānaṁ hitaṁ vākyaṁ śṛṇuṣva me

तब लोकपितामह ब्रह्मा ने नदीपति (समुद्र) से कहा—"तुम अपने आप को मत सुखाओ; मेरा हितकारी वचन सुनो।

श्लोक 77 (skanda.7.29.77)

नान्यथा शक्यते कर्त्तुं द्विजानां वचनं हि तत्। ब्राह्मणाः कुपिता नूनं भस्मीकुर्युः स्वतेजसा

nānyathā śakyate karttuṁ dvijānāṁ vacanaṁ hi tat| brāhmaṇāḥ kupitā nūnaṁ bhasmīkuryuḥ svatejasā

—ब्राह्मणों के उस वचन को अन्यथा करना संभव नहीं है। क्रोधित होने पर ब्राह्मण अपने ही तेज से निश्चय ही (किसी को) भस्म कर सकते हैं।

श्लोक 78 (skanda.7.29.78)

देवान्कुर्युरदेवांश्च तस्मात्तान्नैव कोपयेत्। यस्मादेव तव स्पर्शस्त्रिधा मेध्यो भविष्यति

devānkuryuradevāṁśca tasmāttānnaiva kopayet| yasmādeva tava sparśastridhā medhyo bhaviṣyati

—वे देवताओं को भी अदेव बना सकते हैं; इसलिए उन्हें कभी क्रोधित नहीं करना चाहिए। इसीलिए तुम्हारा स्पर्श तीन प्रकार से पवित्र होगा—

श्लोक 79 (skanda.7.29.79)

पर्वकाले च संप्राप्ते नदीनां च समागमे। सेतुबंधे तथा सिंधौ तीर्थेष्वन्येषु संयुतः

parvakāle ca saṁprāpte nadīnāṁ ca samāgame| setubaṁdhe tathā siṁdhau tīrtheṣvanyeṣu saṁyutaḥ

—पर्वकाल के आने पर, नदियों के संगम में, सेतुबंध में, तथा समुद्र में अन्य तीर्थों से युक्त स्थान में—

श्लोक 80 (skanda.7.29.80)

इत्येवमादिसर्वेषु मध्येऽन्यत्र न कर्मणि। यत्फलं सर्वतीर्थेषु सर्वयज्ञेषु यत्फलम्। तत्फलं तव तोयस्य स्पर्शादेव भविष्यति

ityevamādisarveṣu madhye'nyatra na karmaṇi| yatphalaṁ sarvatīrtheṣu sarvayajñeṣu yatphalam| tatphalaṁ tava toyasya sparśādeva bhaviṣyati

—इन सब अवसरों पर, अन्यत्र सामान्य कर्म में नहीं। सभी तीर्थों में जो फल है, सभी यज्ञों में जो फल है, वह फल तुम्हारे जल के स्पर्श मात्र से प्राप्त होगा।

श्लोक 81 (skanda.7.29.81)

गयाश्राद्धे तु यत्पुण्यं गोग्रहे मरणेन च। तत्फलं तव तोयस्य स्पर्शादेव भविष्यति

gayāśrāddhe tu yatpuṇyaṁ gograhe maraṇena ca| tatphalaṁ tava toyasya sparśādeva bhaviṣyati

गया में श्राद्ध करने से जो पुण्य होता है, अथवा ग्रहण के समय मृत्यु होने से जो पुण्य होता है—वह फल तुम्हारे जल के स्पर्श मात्र से प्राप्त होगा।

श्लोक 82 (skanda.7.29.82)

अपेयस्त्वं तथा भावि स्वादमात्रेण केवलम्। गंडूषमपि पीतं च तोयस्याशुभनाशनम्

apeyastvaṁ tathā bhāvi svādamātreṇa kevalam| gaṁḍūṣamapi pītaṁ ca toyasyāśubhanāśanam

केवल स्वाद की दृष्टि से ही तुम अपेय रहोगे; परंतु (विधिपूर्वक) पिया गया तुम्हारा एक गंडूष जल भी अशुभ का नाश करने वाला होगा।

श्लोक 83 (skanda.7.29.83)

भविष्यति नृणां लोके तव सौख्यविवर्द्धनम्। पितॄणां तव तोयेन यः करिष्यति तर्पणम्। पूर्वोक्तेन विधानेन तस्य पुण्यफलं शृणु

bhaviṣyati nṛṇāṁ loke tava saukhyavivarddhanam| pitṝṇāṁ tava toyena yaḥ kariṣyati tarpaṇam| pūrvoktena vidhānena tasya puṇyaphalaṁ śṛṇu

यह मनुष्यों के लिए सुख बढ़ाने वाला होगा। जो तुम्हारे जल से, पूर्वोक्त विधि के अनुसार, पितरों का तर्पण करेगा, उसका पुण्यफल सुनो—

श्लोक 84 (skanda.7.29.84)

यावत्त्वं तिष्ठसे लोके यावच्चद्रार्कतारकाः। तवोदकामृतैस्तृप्तास्तावत्स्थास्यंति पूर्वजाः

yāvattvaṁ tiṣṭhase loke yāvaccadrārkatārakāḥ| tavodakāmṛtaistṛptāstāvatsthāsyaṁti pūrvajāḥ

जब तक तुम संसार में रहोगे, जब तक चंद्रमा, सूर्य और तारे रहेंगे, तब तक तुम्हारे जल के अमृत से तृप्त होकर उसके पूर्वज बने रहेंगे।

श्लोक 85 (skanda.7.29.85)

माघे मासि च यः स्नायान्नैरंतर्येण भावितः। पौंडरीकफलं तस्य दिवसेदिवसे भवेत्

māghe māsi ca yaḥ snāyānnairaṁtaryeṇa bhāvitaḥ| pauṁḍarīkaphalaṁ tasya divasedivase bhavet

जो माघ मास में निरंतर श्रद्धापूर्वक स्नान करता है, उसे प्रतिदिन पौंडरीक (यज्ञ के समान) फल प्राप्त होता है।

श्लोक 86 (skanda.7.29.86)

यात्रायामथवान्यत्र पर्वकाले शशिग्रहे। अत्र स्नास्यति यः सम्यक्सागरे लवणांभसि। अश्वमेधसहस्रस्य फलं प्राप्स्यति मानवः

yātrāyāmathavānyatra parvakāle śaśigrahe| atra snāsyati yaḥ samyaksāgare lavaṇāṁbhasi| aśvamedhasahasrasya phalaṁ prāpsyati mānavaḥ

यात्रा के समय अथवा अन्यत्र, पर्वकाल में या ग्रहण के समय, जो कोई इस लवणसागर में भलीभाँति स्नान करेगा, वह मनुष्य सहस्र अश्वमेध यज्ञों का फल प्राप्त करेगा।

श्लोक 87 (skanda.7.29.87)

श्रीसोमेशसमुद्रस्य अंतरे ये मृता नराः। पापिनोऽपि गमिष्यंति स्वर्गं निर्धूतकल्मषाः

śrīsomeśasamudrasya aṁtare ye mṛtā narāḥ| pāpino'pi gamiṣyaṁti svargaṁ nirdhūtakalmaṣāḥ

श्री सोमेश्वर और समुद्र के मध्य जो मनुष्य मरते हैं, वे पापी होते हुए भी अपने पापों से मुक्त होकर स्वर्ग को जाएँगे।

श्लोक 88 (skanda.7.29.88)

एवं भविष्यति सदा तव मद्वचनाद्विभो। प्रयच्छस्व द्विजेंद्राणां रत्नानि विविधानि च

evaṁ bhaviṣyati sadā tava madvacanādvibho| prayacchasva dvijeṁdrāṇāṁ ratnāni vividhāni ca

हे विभो! मेरे वचन से यह सदा ऐसा ही होता रहेगा। अब तुम श्रेष्ठ ब्राह्मणों को विविध प्रकार के रत्न प्रदान करो।

श्लोक 89 (skanda.7.29.89)

तेन तुष्टा वरं भूयः प्रदास्यंति तवेप्सितम्

tena tuṣṭā varaṁ bhūyaḥ pradāsyaṁti tavepsitam

उससे संतुष्ट होकर वे भी तुम्हें तुम्हारी अभीष्ट वर प्रदान करेंगे।

श्लोक 90 (skanda.7.29.90)

ईश्वर उवाच। पितामहवचः श्रुत्वा बाढमित्येव सागरः। ब्राह्मणेभ्यः सुरत्नानि ददौ श्रद्धा समन्वितः

īśvara uvāca| pitāmahavacaḥ śrutvā bāḍhamityeva sāgaraḥ| brāhmaṇebhyaḥ suratnāni dadau śraddhā samanvitaḥ

ईश्वर ने कहा—पितामह के वचन सुनकर समुद्र ने "बहुत अच्छा" कहा, और श्रद्धापूर्वक ब्राह्मणों को उत्तम रत्न प्रदान किए।

श्लोक 91 (skanda.7.29.91)

ब्राह्मणैर्ब्रह्मणो वाक्यमशेषं समनुष्ठितम्। क्षुरकर्म तथा कृत्वा स्नानं सर्वेऽपि चक्रिरे

brāhmaṇairbrahmaṇo vākyamaśeṣaṁ samanuṣṭhitam| kṣurakarma tathā kṛtvā snānaṁ sarve'pi cakrire

ब्राह्मणों ने ब्रह्मा के वचन का पूरी तरह पालन किया; क्षुरकर्म करके उन सबने भी स्नान किया।

श्लोक 92 (skanda.7.29.92)

एवं पवित्रतां प्राप्तस्तीर्थत्वं लव णोदधिः। तस्य मध्ये महादेवि लिंगानां पंचकोटयः

evaṁ pavitratāṁ prāptastīrthatvaṁ lava ṇodadhiḥ| tasya madhye mahādevi liṁgānāṁ paṁcakoṭayaḥ

इस प्रकार लवणसागर ने पवित्रता और तीर्थत्व को प्राप्त किया। हे महादेवि! उसके भीतर पचास करोड़ लिंग हैं।

श्लोक 93 (skanda.7.29.93)

अस्मिन्मन्वंतरे देवि अदृश्याः सागरे कृताः। अग्निकुण्डं च तत्रैव तथान्यत्पद्मकं सरः

asminmanvaṁtare devi adṛśyāḥ sāgare kṛtāḥ| agnikuṇḍaṁ ca tatraiva tathānyatpadmakaṁ saraḥ

हे देवि! इस मन्वंतर में वे समुद्र के भीतर अदृश्य कर दिए गए हैं। वहीं अग्निकुंड है, और वहीं एक और पद्मक नामक सरोवर भी है।

श्लोक 94 (skanda.7.29.94)

मध्ये तु प्रावृतं सर्वमस्मिन्मन्वंतरे प्रिये। चक्रमैनाकयोर्मध्ये दिशि दक्षिणमुच्यते

madhye tu prāvṛtaṁ sarvamasminmanvaṁtare priye| cakramainākayormadhye diśi dakṣiṇamucyate

हे प्रिये! इस मन्वंतर में मध्य का सब कुछ आवृत (छिपा) है। यह चक्र और ऐनाक के मध्य, दक्षिण दिशा में कहा गया है।

श्लोक 95 (skanda.7.29.95)

शातकुम्भमये कुम्भे धनुषायुतविस्तृते। तत्र कुंभस्य मध्यस्थो वडवानलसंज्ञितः

śātakumbhamaye kumbhe dhanuṣāyutavistṛte| tatra kuṁbhasya madhyastho vaḍavānalasaṁjñitaḥ

दस हजार धनुष विस्तार वाले उस सुवर्णमय कुंभ में, उस कुंभ के मध्य में वडवानल नामक (अग्नि) स्थित है।

श्लोक 96 (skanda.7.29.96)

सूचीवक्त्रो महाकायः स जलं पिबते सदा। एतदंतरमासाद्य अग्नितीर्थं प्रचक्षते

sūcīvaktro mahākāyaḥ sa jalaṁ pibate sadā| etadaṁtaramāsādya agnitīrthaṁ pracakṣate

सूई के समान मुख वाला, विशाल शरीर वाला वह सदा जल पीता रहता है। इस अंतर्भाग को प्राप्त कर लोग इसे अग्नितीर्थ कहते हैं।

श्लोक 97 (skanda.7.29.97)

तस्य मध्ये महासारं वाडवं यत्र वै मुखम्। श्रीसोमेशाद्दक्षिणतो धन्वंतरशतावधि। उत्तरान्मानसात्पूर्वं यावदेव कृतस्मरम्

tasya madhye mahāsāraṁ vāḍavaṁ yatra vai mukham| śrīsomeśāddakṣiṇato dhanvaṁtaraśatāvadhi| uttarānmānasātpūrvaṁ yāvadeva kṛtasmaram

उसके मध्य में वह महासार स्थान है, जहाँ वाडवाग्नि का मुख है—श्री सोमेश्वर से दक्षिण में सौ धनुष तक, और उत्तर में मानस से लेकर पूर्व में कृतस्मर तक।

श्लोक 98 (skanda.7.29.98)

एतद्गोप्यं वरारोहे न देयं यस्य कस्यचित्। ब्रह्मघ्नोपि विशुध्येत श्रुत्वैतन्नात्र संशयः

etadgopyaṁ varārohe na deyaṁ yasya kasyacit| brahmaghnopi viśudhyeta śrutvaitannātra saṁśayaḥ

हे वरारोहे! यह गोपनीय है, किसी को भी नहीं बताना चाहिए। इसे सुन लेने मात्र से ब्रह्महत्यारा भी शुद्ध हो जाता है—इसमें कोई संशय नहीं।

श्लोक 99 (skanda.7.29.99)

एवं शापो वरो दत्तः सागरस्य यथा द्विजैः। पूर्वं रुष्टैस्ततस्तुष्टैस्तत्सर्वं कथितं मया

evaṁ śāpo varo dattaḥ sāgarasya yathā dvijaiḥ| pūrvaṁ ruṣṭaistatastuṣṭaistatsarvaṁ kathitaṁ mayā

इस प्रकार पहले क्रोधित और फिर संतुष्ट हुए ब्राह्मणों द्वारा समुद्र को जो शाप और वर दिया गया था, वह सब मैंने तुम्हें कह दिया।