च्यवनेश्वर माहात्म्य: मदासुर की उत्पत्ति

श्लोक 1 (skanda.7.282.1)

ईश्वर उवाच। ततः श्रुत्वा च शर्यातिर्वलभीस्थान संस्थितः। वयस्थं च्यवनं श्रुत्वा आनन्दोद्गतमानसः

īśvara uvāca| tataḥ śrutvā ca śaryātirvalabhīsthāna saṁsthitaḥ| vayasthaṁ cyavanaṁ śrutvā ānandodgatamānasaḥ

ईश्वर ने कहा—तब वलभी स्थान में रहने वाले शर्याति ने यह सुनकर कि च्यवन पुनः युवावस्था को प्राप्त हो गए हैं, उनका हृदय आनन्द से भर उठा।

श्लोक 2 (skanda.7.282.2)

प्रहृष्टः सेनया सार्द्धं स प्रायाद्भार्गवाश्रमम्। च्यवनं च सुकन्यां च हृष्टां देव सुतामिव

prahṛṣṭaḥ senayā sārddhaṁ sa prāyādbhārgavāśramam| cyavanaṁ ca sukanyāṁ ca hṛṣṭāṁ deva sutāmiva

वे अत्यन्त प्रसन्न होकर अपनी सेना सहित भार्गव के आश्रम की ओर चले, [यह देखने] कि च्यवन और देवकन्या के समान प्रसन्न सुकन्या कैसी हैं।

श्लोक 3 (skanda.7.282.3)

गतो महीपः शर्यातिः कृत्स्नानंदमहोदधिः। ऋषिणा सत्कृतस्तेन सभार्यः पृथिवीपतिः। तत्रोपविष्टः कल्याणीः कथाश्चक्रे महामनाः

gato mahīpaḥ śaryātiḥ kṛtsnānaṁdamahodadhiḥ| ṛṣiṇā satkṛtastena sabhāryaḥ pṛthivīpatiḥ| tatropaviṣṭaḥ kalyāṇīḥ kathāścakre mahāmanāḥ

राजा शर्याति वहाँ पहुँचे, मानो आनन्द के महासागर में डूब गए हों; उस ऋषि द्वारा सत्कृत होकर वे पृथ्वीपति अपनी पत्नी सहित वहाँ बैठे, और उस महामना ने कल्याणकारी बातें कीं।

श्लोक 4 (skanda.7.282.4)

अथैनं भार्गवो देवि ह्युवाच परिसांत्वयन्। याजयिष्यामि राजंस्त्वां संभारानुपकल्पय

athainaṁ bhārgavo devi hyuvāca parisāṁtvayan| yājayiṣyāmi rājaṁstvāṁ saṁbhārānupakalpaya

तब भार्गव ने, हे देवी, उन्हें सांत्वना देते हुए कहा—'हे राजन्, मैं आपके लिए यज्ञ कराऊँगा, आप सामग्री एकत्र कीजिए।'

श्लोक 5 (skanda.7.282.5)

ततः परमसंहृष्टः शर्यातिः पृथिवीपतिः। च्यवनस्य महादेवि तद्वाक्यं प्रत्यपूजयत्

tataḥ paramasaṁhṛṣṭaḥ śaryātiḥ pṛthivīpatiḥ| cyavanasya mahādevi tadvākyaṁ pratyapūjayat

तब अत्यन्त प्रसन्न होकर पृथ्वीपति शर्याति ने, हे महादेवी, च्यवन के उस वचन का आदरपूर्वक स्वागत किया।

श्लोक 6 (skanda.7.282.6)

प्रशस्तेऽहनि याज्ञीये सर्वकामसमृद्धिमत्। कारयामास शर्यातिर्यज्ञायतनमुत्तमम्

praśaste'hani yājñīye sarvakāmasamṛddhimat| kārayāmāsa śaryātiryajñāyatanamuttamam

यज्ञ के लिए शुभ दिन पर शर्याति ने सभी कामनाओं की समृद्धि से युक्त एक उत्तम यज्ञशाला बनवाई।

श्लोक 7 (skanda.7.282.7)

तत्रैव च्यवनो देवि याजयामास भार्गवम्। अद्भुतानि च तत्रासन्यानि तानि महेश्वरि

tatraiva cyavano devi yājayāmāsa bhārgavam| adbhutāni ca tatrāsanyāni tāni maheśvari

वहीं, हे देवी, च्यवन ने भार्गव विधि से यज्ञ कराया; और हे महेश्वरी, वहाँ अनेक अद्भुत घटनाएँ हुईं।

श्लोक 8 (skanda.7.282.8)

अगृह्णाच्च्यवनः सोममश्विनोर्देवयोस्तदा। तमिन्द्रो वारयामास मा गृहाण तयोर्ग्रहम्

agṛhṇāccyavanaḥ somamaśvinordevayostadā| tamindro vārayāmāsa mā gṛhāṇa tayorgraham

तब च्यवन ने दोनों अश्विनीकुमार देवताओं के लिए सोमपात्र ग्रहण किया। इन्द्र ने उन्हें रोका—'उन दोनों का सोमपात्र मत लो।'

श्लोक 9 (skanda.7.282.9)

इन्द्र उवाच। उभावेतौ न सोमार्हौ नासत्याविति मे मतिः। भिषजौ देवतानां हि कर्मणा तेन गर्हितौ

indra uvāca| ubhāvetau na somārhau nāsatyāviti me matiḥ| bhiṣajau devatānāṁ hi karmaṇā tena garhitau

इन्द्र ने कहा—'मेरी दृष्टि में वे दोनों नासत्य सोमपान के योग्य नहीं हैं; क्योंकि वे देवताओं के वैद्य हैं, इसी कर्म के कारण वे निन्दित हैं।'

श्लोक 10 (skanda.7.282.10)

च्यवन उवाच। माऽवमंस्था महात्मानौ रूपद्रविणवर्चसौ। यौ चक्रतुश्च मामद्य वृंदारकमिवाजरम्

cyavana uvāca| mā'vamaṁsthā mahātmānau rūpadraviṇavarcasau| yau cakratuśca māmadya vṛṁdārakamivājaram

च्यवन ने कहा—'रूप, धन और तेज से युक्त उन दोनों महात्माओं का अनादर मत करो, जिन्होंने आज ही मुझे एक देवता के समान अजर बना दिया।'

श्लोक 11 (skanda.7.282.11)

समत्वेनान्यदेवानां कथं वै नेक्षते भवान्। अश्विनावपि देवेन्द्र देवौ विद्धि परंतप

samatvenānyadevānāṁ kathaṁ vai nekṣate bhavān| aśvināvapi devendra devau viddhi paraṁtapa

'आप अन्य देवताओं के समान उन्हें समभाव से क्यों नहीं देखते? हे देवेन्द्र, हे परंतप, जान लीजिए कि अश्विनीकुमार भी देवता ही हैं।'

श्लोक 12 (skanda.7.282.12)

इन्द्र उवाच। चिकित्सकौ कर्मकरौ कामरूपसमन्वितौ। लोके चरंतौ मर्त्यानां कथं सोममिहार्हतः

indra uvāca| cikitsakau karmakarau kāmarūpasamanvitau| loke caraṁtau martyānāṁ kathaṁ somamihārhataḥ

इन्द्र ने कहा—'वे दोनों तो चिकित्सक हैं, सेवाकर्मी हैं, चाहे इच्छानुसार रूप धारण करने में समर्थ हों; मनुष्यों के बीच लोक में विचरण करने वाले वे यहाँ सोम के अधिकारी कैसे हो सकते हैं?'

श्लोक 13 (skanda.7.282.13)

ईश्वर उवाच। एतदेव यदा वाक्यमाम्रेडयति वासवः। अनादृत्य ततः शक्रं ग्रहं जग्राह भार्गवः

īśvara uvāca| etadeva yadā vākyamāmreḍayati vāsavaḥ| anādṛtya tataḥ śakraṁ grahaṁ jagrāha bhārgavaḥ

ईश्वर ने कहा—जब वासव (इन्द्र) बार-बार यही बात दोहराने लगे, तो भार्गव ने शक्र की उपेक्षा करके सोमपात्र ग्रहण कर लिया।

श्लोक 14 (skanda.7.282.14)

ग्रहीष्यंतं ततः सोममश्विनोः सत्तमं तदा। समीक्ष्य बलभिद्देव इदं वचनमब्रवीत्

grahīṣyaṁtaṁ tataḥ somamaśvinoḥ sattamaṁ tadā| samīkṣya balabhiddeva idaṁ vacanamabravīt

तब अश्विनीकुमारों के लिए उस श्रेष्ठ सोमपात्र को ग्रहण करते हुए देखकर बलभिद् देव (इन्द्र) ने यह वचन कहा,

श्लोक 15 (skanda.7.282.15)

आभ्यामर्थाय सोमं त्वं ग्रहीष्यसि यदि स्वयम्। वज्रं ते प्रहरिष्यामि घोररूपमनुत्तमम्

ābhyāmarthāya somaṁ tvaṁ grahīṣyasi yadi svayam| vajraṁ te prahariṣyāmi ghorarūpamanuttamam

'यदि तुम स्वयं इन दोनों के लिए सोम ग्रहण करोगे, तो मैं तुम पर अपना अत्यन्त भयंकर, अनुपम वज्र चलाऊँगा।'

श्लोक 16 (skanda.7.282.16)

एवमुक्तः स्वयमिन्द्रमभिवीक्ष्य स भार्गवः। जग्राह विधिवत्सोममश्विभ्यामुत्तमं ग्रहम्

evamuktaḥ svayamindramabhivīkṣya sa bhārgavaḥ| jagrāha vidhivatsomamaśvibhyāmuttamaṁ graham

इस प्रकार कहे जाने पर भी वे भार्गव इन्द्र की ओर स्वयं देखते हुए विधिपूर्वक अश्विनीकुमारों के लिए वह श्रेष्ठ सोमपात्र ग्रहण कर बैठे।

श्लोक 17 (skanda.7.282.17)

ततोऽस्मै प्राहरत्कोपाद्वज्रमिंद्रः शचीपतिः। तस्य प्रहरतो बाहुं स्तंभयामास भार्गवः

tato'smai prāharatkopādvajramiṁdraḥ śacīpatiḥ| tasya praharato bāhuṁ staṁbhayāmāsa bhārgavaḥ

तब शचीपति इन्द्र ने क्रोधवश उन पर वज्र का प्रहार किया; प्रहार करते हुए उनकी उस भुजा को भार्गव ने स्तंभित कर दिया।

श्लोक 18 (skanda.7.282.18)

स्तंभयित्वाथ च्यवनो जुहुवे मन्त्रतोऽनलम्। कृत्यार्थी सुमहातेजा देवं हिंसितुमुद्यतः

staṁbhayitvātha cyavano juhuve mantrato'nalam| kṛtyārthī sumahātejā devaṁ hiṁsitumudyataḥ

भुजा को स्तंभित करके अत्यन्त तेजस्वी च्यवन ने मन्त्रपूर्वक अग्नि में आहुति दी, कृत्या (अभिचार-सिद्ध प्राणी) की कामना से, उस देव (इन्द्र) को नष्ट करने के लिए उद्यत होकर।

श्लोक 19 (skanda.7.282.19)

तत्र कृत्योद्भवो यज्ञे मुनेस्तस्य तपोबलात्। मदोनाम महावीर्यो महाकायो महासुरः

tatra kṛtyodbhavo yajñe munestasya tapobalāt| madonāma mahāvīryo mahākāyo mahāsuraḥ

वहाँ उस मुनि के तपोबल से उस यज्ञ में कृत्या से उत्पन्न, अत्यन्त बलशाली और विशालकाय, मद नामक एक महान असुर प्रकट हुआ।

श्लोक 20 (skanda.7.282.20)

शरीरं यस्य निर्देष्टुमशक्यं च सुरासुरैः। तस्य प्रमाणं वपुषा न तुल्यमिह विद्यते

śarīraṁ yasya nirdeṣṭumaśakyaṁ ca surāsuraiḥ| tasya pramāṇaṁ vapuṣā na tulyamiha vidyate

जिसका शरीर देवताओं और असुरों द्वारा भी वर्णन करना असंभव था; उसके शरीर के बराबर इस संसार में और कुछ नहीं था।

श्लोक 21 (skanda.7.282.21)

तस्यास्यं चाभवेद्घोरं दंष्ट्रा दुर्दर्शनं महत्। हनुरेकः स्थितस्तस्य भूमावेको दिवं गतः

tasyāsyaṁ cābhavedghoraṁ daṁṣṭrā durdarśanaṁ mahat| hanurekaḥ sthitastasya bhūmāveko divaṁ gataḥ

उसका मुख भयंकर था, बड़े-बड़े दाँतों वाला और देखने में अत्यन्त दुर्दर्शनीय था; उसका एक जबड़ा पृथ्वी पर टिका था तो दूसरा आकाश तक पहुँचा हुआ था।

श्लोक 22 (skanda.7.282.22)

चतस्रश्चापि ता दंष्ट्रा योजनानां शतंशतम्। इतरे त्वस्य दशना बभूबुर्दशयोजनाः

catasraścāpi tā daṁṣṭrā yojanānāṁ śataṁśatam| itare tvasya daśanā babhūburdaśayojanāḥ

उसके वे चार दाँत प्रत्येक सौ-सौ योजन लम्बे थे, और उसके अन्य दाँत दस-दस योजन के थे।

श्लोक 23 (skanda.7.282.23)

प्राकारसदृशाकारा मूलाग्रसमदर्शनाः। नाम्ना पर्वतसंकाशाश्चायुतायुतयोजनाः

prākārasadṛśākārā mūlāgrasamadarśanāḥ| nāmnā parvatasaṁkāśāścāyutāyutayojanāḥ

वे प्राकार (किले की दीवार) के समान आकार वाले, मूल से अग्रभाग तक समान दिखने वाले, वस्तुतः पर्वतों के समान और अयुत-अयुत (करोड़ों) योजन विस्तार वाले थे।

श्लोक 24 (skanda.7.282.24)

नेत्रे रविशशिप्रख्ये भ्रुवावंतकसन्निभे। लेलिहज्जिह्वया वक्त्रं विद्युच्चलितलोलया। व्यात्ताननो घोरदृष्टिर्ग्रसन्निव जगद्बलात्

netre raviśaśiprakhye bhruvāvaṁtakasannibhe| lelihajjihvayā vaktraṁ vidyuccalitalolayā| vyāttānano ghoradṛṣṭirgrasanniva jagadbalāt

उसके दोनों नेत्र सूर्य और चन्द्रमा के समान थे, भौहें यमराज के समान भयंकर थीं; बिजली के समान चंचल जिह्वा से चाटता हुआ, फैला हुआ मुख, भयंकर दृष्टि से मानो बलपूर्वक सम्पूर्ण जगत को निगलता हुआ,

श्लोक 25 (skanda.7.282.25)

स भक्षयिष्यन्संक्रुद्धः शतक्रतुमुपाद्रवत्। महता घोरनादेन लोकाञ्छब्देन छादयन्

sa bhakṣayiṣyansaṁkruddhaḥ śatakratumupādravat| mahatā ghoranādena lokāñchabdena chādayan

वह क्रोध से भरा हुआ, उसे निगलने के लिए इन्द्र (शतक्रतु) की ओर झपटा, और अपने भयंकर गर्जन की ध्वनि से समस्त लोकों को आच्छादित करता गया।