नारदादित्यमाहात्म्यवर्णनम्

श्लोक 1 (skanda.7.305.1)

ईश्वर उवाच। ततो गच्छेन्महादेवि तस्याः पूर्वेण संस्थितम्। नारदादित्यनामानं जरादारिद्र्यनाशनम्

īśvara uvāca| tato gacchenmahādevi tasyāḥ pūrveṇa saṁsthitam| nāradādityanāmānaṁ jarādāridryanāśanam

ईश्वर ने कहा—हे महादेवी, फिर उससे पूर्व में स्थित, नारदादित्य नाम वाले, जरा और दरिद्रता के नाशक को जाओ।

श्लोक 2 (skanda.7.305.2)

पश्चिमे मूलचंडीशाद्धनुषां च शतत्रये। आराध्य नारदो देवि भास्करं वारितस्करम्। जरा निर्मुक्तदेहस्तु तत्क्षणात्समपद्यत

paścime mūlacaṁḍīśāddhanuṣāṁ ca śatatraye| ārādhya nārado devi bhāskaraṁ vāritaskaram| jarā nirmuktadehastu tatkṣaṇātsamapadyata

मूलचण्डीश से पश्चिम में, तीन सौ धनुष की दूरी पर, हे देवी, जल के हरने वाले भास्कर की आराधना करके नारद का शरीर उसी क्षण जरा से मुक्त हो गया।

श्लोक 3 (skanda.7.305.3)

देव्युवाच। कथं जरामनुप्राप्तो नारदो मुनिपुंगवः। कथमाराधितः सूर्य एतन्मे वद शंकर

devyuvāca| kathaṁ jarāmanuprāpto nārado munipuṁgavaḥ| kathamārādhitaḥ sūrya etanme vada śaṁkara

देवी ने कहा—नारद मुनिपुंगव जरा को कैसे प्राप्त हुए? और सूर्य की आराधना कैसे की गई? हे शंकर, यह मुझे बताइए।

श्लोक 4 (skanda.7.305.4)

ईश्वर उवाच। यदा द्वारवतीं प्राप्तो नारदो मुनिपुंगवः। सर्वे दृष्टास्तदा तेन विष्णोः पुत्रा महाबलाः

īśvara uvāca| yadā dvāravatīṁ prāpto nārado munipuṁgavaḥ| sarve dṛṣṭāstadā tena viṣṇoḥ putrā mahābalāḥ

ईश्वर ने कहा—जब नारद मुनिपुंगव द्वारवती पहुँचे, तब उन्होंने विष्णु के महाबली पुत्रों को देखा,

श्लोक 5 (skanda.7.305.5)

तद्राजकुलमध्ये तु क्रीडमाना परस्परम्। आयांतं नारदं दृष्ट्वा सर्वे विनयसंयुताः

tadrājakulamadhye tu krīḍamānā parasparam| āyāṁtaṁ nāradaṁ dṛṣṭvā sarve vinayasaṁyutāḥ

उस राजकुल के बीच आपस में खेलते हुए; नारद को आते देखकर सब विनययुक्त होकर,

श्लोक 6 (skanda.7.305.6)

नमश्चक्रुर्यथान्यायं विना सांबं त्वरान्विताः। अविनीतं तु तं दृष्ट्वा कथयामास नारदः

namaścakruryathānyāyaṁ vinā sāṁbaṁ tvarānvitāḥ| avinītaṁ tu taṁ dṛṣṭvā kathayāmāsa nāradaḥ

यथोचित नमस्कार किया—सांब को छोड़कर, जो जल्दबाज़ था; उसे अविनीत देखकर नारद ने कहा—

श्लोक 7 (skanda.7.305.7)

शरीरमदमत्तोऽसि यस्मात्सांब हरेः सुत। अचिरेणैव कालेन शापं प्राप्स्यसि दारुणम्

śarīramadamatto'si yasmātsāṁba hareḥ suta| acireṇaiva kālena śāpaṁ prāpsyasi dāruṇam

'हे सांब, हरि-पुत्र, चूँकि तू शरीर के मद से उन्मत्त है, इसलिए शीघ्र ही तुझे भयंकर शाप प्राप्त होगा।'

श्लोक 8 (skanda.7.305.8)

सांब उवाच। नमस्कारेण किं कार्यमृषीणां च जितात्मनाम्। आशीर्वादेन तेषां च तपोहानिः प्रजायते

sāṁba uvāca| namaskāreṇa kiṁ kāryamṛṣīṇāṁ ca jitātmanām| āśīrvādena teṣāṁ ca tapohāniḥ prajāyate

सांब ने कहा—'जितात्मा ऋषियों के नमस्कार से क्या प्रयोजन? उनके आशीर्वाद से तो [उनके] तप की ही हानि होती है।'

श्लोक 9 (skanda.7.305.9)

मुनीनां यः स्वभावो हि त्वयि लेशो न नारद। विद्यते ब्रह्मणः पुत्र उच्यते किमतः परम्

munīnāṁ yaḥ svabhāvo hi tvayi leśo na nārada| vidyate brahmaṇaḥ putra ucyate kimataḥ param

'हे नारद, मुनियों का जो स्वभाव है, उसका लेशमात्र भी तुझमें नहीं है, हे ब्रह्मा के पुत्र; इससे अधिक क्या कहूँ?'

श्लोक 10 (skanda.7.305.10)

न कलत्रं न ते पुत्रा न च पौत्रप्रपौत्रकाः। न गृहं नैव च द्वारं न हि गावो न वत्सकाः

na kalatraṁ na te putrā na ca pautraprapautrakāḥ| na gṛhaṁ naiva ca dvāraṁ na hi gāvo na vatsakāḥ

'न तेरी पत्नी है, न पुत्र, न पौत्र-प्रपौत्र; न घर है, न द्वार; न गाय, न बछड़े।'

श्लोक 11 (skanda.7.305.11)

ब्रह्मणो मानसः पुत्रो ब्रह्मचर्ये व्यवस्थितः। अयुक्तं कुरुते नित्यं कस्मात्प्रकृतिरीदृशी

brahmaṇo mānasaḥ putro brahmacarye vyavasthitaḥ| ayuktaṁ kurute nityaṁ kasmātprakṛtirīdṛśī

'ब्रह्मा के मानस पुत्र, ब्रह्मचर्य में स्थित होकर, तू सदा अनुचित ही क्यों करता है? कैसा यह स्वभाव है?'

श्लोक 12 (skanda.7.305.12)

युद्धं विना न ते सौख्यं सौख्यं न कलहं विना। यादृशस्तादृशो वापि वाग्वादोऽपि सदा प्रियः

yuddhaṁ vinā na te saukhyaṁ saukhyaṁ na kalahaṁ vinā| yādṛśastādṛśo vāpi vāgvādo'pi sadā priyaḥ

'युद्ध के बिना तुझे सुख नहीं, और कलह के बिना सुख नहीं; जैसा-तैसा भी हो, वाद-विवाद भी तुझे सदा प्रिय है।'

श्लोक 13 (skanda.7.305.13)

स्नानं संध्या जपो होमस्तर्पणं पितृदेवयोः। नारदः कुरुते चान्यदन्यत्कुर्वंति ब्राह्मणाः

snānaṁ saṁdhyā japo homastarpaṇaṁ pitṛdevayoḥ| nāradaḥ kurute cānyadanyatkurvaṁti brāhmaṇāḥ

'स्नान, संध्या, जप, होम, पितरों और देवताओं का तर्पण—नारद कुछ और ही करता है, जबकि ब्राह्मण कुछ और करते हैं।'

श्लोक 14 (skanda.7.305.14)

कौमारेण तु गर्विष्ठो यस्मान्मां शापयिष्यसि। तस्मात्त्वमपि विप्रर्षे जरायुक्तो भविष्यसि

kaumāreṇa tu garviṣṭho yasmānmāṁ śāpayiṣyasi| tasmāttvamapi viprarṣe jarāyukto bhaviṣyasi

'चूँकि बचकाने घमंड से गर्वित होकर तू मुझे शाप देगा, इसलिए हे विप्रर्षि, तू भी जरा से युक्त हो जाएगा।'

श्लोक 15 (skanda.7.305.15)

एवं शप्तस्तदा देवि नारदो मुनिपुंगवः। एकान्ते निर्मले स्थाने कंटकास्थिविवर्जिते

evaṁ śaptastadā devi nārado munipuṁgavaḥ| ekānte nirmale sthāne kaṁṭakāsthivivarjite

हे देवी, इस प्रकार शापित होकर नारद मुनिपुंगव एकांत, निर्मल, कंटक और अस्थि से रहित स्थान में,

श्लोक 16 (skanda.7.305.16)

कृष्णाजिनपरिच्छिन्ने ह्युपविष्टो वरासने। ऋषितोया तटे रम्ये प्रतिष्ठाप्य महामुनिः

kṛṣṇājinaparicchinne hyupaviṣṭo varāsane| ṛṣitoyā taṭe ramye pratiṣṭhāpya mahāmuniḥ

कृष्णमृगचर्म से आच्छादित उत्तम आसन पर बैठकर, ऋषितोया के रम्य तट पर उस महामुनि ने—

श्लोक 17 (skanda.7.305.17)

सूर्यस्य प्रतिमां रम्यां सर्वदारिद्र्यनाशिनीम्। तुष्टाव विविधैः स्तोत्रैरादित्यं तिमिरापहम्

sūryasya pratimāṁ ramyāṁ sarvadāridryanāśinīm| tuṣṭāva vividhaiḥ stotrairādityaṁ timirāpaham

सूर्य की रमणीय, समस्त दरिद्रता की नाशक प्रतिमा स्थापित की, और अंधकार के हरने वाले आदित्य की विविध स्तोत्रों से स्तुति की—

श्लोक 18 (skanda.7.305.18)

नमस्त ऋक्स्वरूपाय साम्नां धामग ते नमः। ज्ञानैकरूपदेहाय निर्धूततमसे नमः

namasta ṛksvarūpāya sāmnāṁ dhāmaga te namaḥ| jñānaikarūpadehāya nirdhūtatamase namaḥ

'ऋक्स्वरूप को नमस्कार है, सामों के धाम में रहने वाले को नमस्कार; ज्ञान के एकमात्र रूप देह वाले, अंधकाररहित को नमस्कार।'

श्लोक 19 (skanda.7.305.19)

शुद्धज्योतिःस्वरूपाय निर्मूर्तायामलात्मने। वरिष्ठाय वरेण्याय सर्वस्मै परमात्मने

śuddhajyotiḥsvarūpāya nirmūrtāyāmalātmane| variṣṭhāya vareṇyāya sarvasmai paramātmane

'शुद्ध ज्योतिःस्वरूप, निराकार, निर्मल आत्मा वाले; श्रेष्ठतम, वरणीय, सबके परमात्मा को नमस्कार।'

श्लोक 20 (skanda.7.305.20)

नमोऽखिलजगद्व्यापिस्वरूपानंदमूर्तये। सर्वकारणपूताय निष्ठायै ज्ञानचेतसाम्

namo'khilajagadvyāpisvarūpānaṁdamūrtaye| sarvakāraṇapūtāya niṣṭhāyai jñānacetasām

'समस्त जगत में व्याप्त स्वरूप वाले, आनंदमूर्ति को नमस्कार; सब कारणों में पवित्र, ज्ञानी चित्तों के आश्रय को नमस्कार।'

श्लोक 21 (skanda.7.305.21)

नमः सर्वस्वरूपाय प्रकाशालक्ष्यरूपिणे। भास्कराय नमस्तुभ्यं तथा दिनकृते नमः

namaḥ sarvasvarūpāya prakāśālakṣyarūpiṇe| bhāskarāya namastubhyaṁ tathā dinakṛte namaḥ

'सर्वस्वरूप, प्रकाश से जिसका रूप लक्षित होता है, उसे नमस्कार; हे भास्कर, आपको नमस्कार; हे दिनकर, आपको नमस्कार।'

श्लोक 22 (skanda.7.305.22)

ईश्वर उवाच। एवं संस्तुवतस्तस्य पुरतस्तस्य चेतसा। प्रादुर्बभूव देवेशि जगच्चक्षुः सनातनः। उवाच परमं प्रीतो नारदं मुनिपुंगवम्

īśvara uvāca| evaṁ saṁstuvatastasya puratastasya cetasā| prādurbabhūva deveśi jagaccakṣuḥ sanātanaḥ| uvāca paramaṁ prīto nāradaṁ munipuṁgavam

ईश्वर ने कहा—इस प्रकार उसके स्तुति करते रहने पर, उसके हृदय की भक्ति से उसके सामने, हे देवेशी, जगत के सनातन नेत्र प्रकट हुए, और अत्यंत प्रसन्न होकर उन्होंने नारद मुनिपुंगव से कहा—

श्लोक 23 (skanda.7.305.23)

सूर्य उवाच। वरं वरय विप्रर्षे यस्ते मनसि वर्तते। तुष्टोऽहं तव दास्यामि यद्यपि स्यात्सुदुर्लभम्

sūrya uvāca| varaṁ varaya viprarṣe yaste manasi vartate| tuṣṭo'haṁ tava dāsyāmi yadyapi syātsudurlabham

सूर्य ने कहा—'हे विप्रर्षि, जो तेरे मन में हो, वह वर माँग; मैं प्रसन्न हूँ, यद्यपि वह अत्यंत दुर्लभ हो, मैं तुझे दूँगा।'

श्लोक 24 (skanda.7.305.24)

नारद उवाच। कुमार वयसा युक्तो जरायुक्तकलेवरः। प्रसादात्स्यां हि ते देव यदि तुष्टो दिवाकर

nārada uvāca| kumāra vayasā yukto jarāyuktakalevaraḥ| prasādātsyāṁ hi te deva yadi tuṣṭo divākara

नारद ने कहा—'हे देव, आपकी कृपा से, यदि आप प्रसन्न हैं, हे दिवाकर, मैं कुमार वय से युक्त, जरारहित शरीर वाला हो जाऊँ।'

श्लोक 25 (skanda.7.305.25)

सप्तम्यां रविवारेण यस्त्वां पश्यति मानवः। तस्य रोगभयं माऽस्तु प्रसादात्तिमिरापह

saptamyāṁ ravivāreṇa yastvāṁ paśyati mānavaḥ| tasya rogabhayaṁ mā'stu prasādāttimirāpaha

'जो मनुष्य रविवार को सप्तमी के दिन आपका दर्शन करे, हे तिमिरापह, आपकी कृपा से उसे रोग का भय न हो।'

श्लोक 26 (skanda.7.305.26)

ईश्वर उवाच। एवं भविष्यतीत्युक्त्वा ह्यन्तर्धानं गतो रविः। इत्येतत्कथितं देवि माहात्म्यं सकलं तव। नारदादित्यदेवस्य सर्वपातकनाशनम्

īśvara uvāca| evaṁ bhaviṣyatītyuktvā hyantardhānaṁ gato raviḥ| ityetatkathitaṁ devi māhātmyaṁ sakalaṁ tava| nāradādityadevasya sarvapātakanāśanam

ईश्वर ने कहा—'ऐसा ही होगा,' यह कहकर सूर्य अंतर्धान हो गए। हे देवी, इस प्रकार नारदादित्य देव का यह संपूर्ण, समस्त पातकों का नाशक माहात्म्य तुम्हें बताया गया।