वडवानल वंचन वृत्तांत वर्णन

श्लोक 1 (skanda.7.32.1)

ईश्वर उवाच। ततस्तेषु प्रयातेषु देवदेवेष्वसौ मुनिः। शतवर्षाणि तत्रस्थस्तपसे प्रस्थितो द्विजः

īśvara uvāca| tatasteṣu prayāteṣu devadeveṣvasau muniḥ| śatavarṣāṇi tatrasthastapase prasthito dvijaḥ

ईश्वर ने कहा—इसके बाद, जब वे देवाधिदेव चले गए, तब वह द्विज मुनि वहीं रहकर, सौ वर्षों तक तप करने के लिए प्रवृत्त हुआ।

श्लोक 2 (skanda.7.32.2)

आश्रमादुत्तरात्तस्माद्दिव्यां दिशमथोत्तराम्। सुभद्रापि महाभागा तस्य या परिचारिका

āśramāduttarāttasmāddivyāṁ diśamathottarām| subhadrāpi mahābhāgā tasya yā paricārikā

उस आश्रम के उत्तर में, दिव्य उत्तर दिशा में, महाभागा सुभद्रा भी थी, जो उसकी परिचारिका थी।

श्लोक 3 (skanda.7.32.3)

अस्त्रादानेऽसमर्था सा ऋषिं प्रोवाच भामिनी। नाहं नेतुं समर्थास्मि शस्त्राण्यालभ्य पाणिना

astrādāne'samarthā sā ṛṣiṁ provāca bhāminī| nāhaṁ netuṁ samarthāsmi śastrāṇyālabhya pāṇinā

अस्त्रों को उठाने में असमर्थ उस स्त्री ने ऋषि से कहा—"मैं इन शस्त्रों को हाथ से उठाकर ले जाने में समर्थ नहीं हूँ।"

श्लोक 4 (skanda.7.32.4)

जलेन सह तद्वीर्यं पीतवान्स ऋषिस्ततः। आत्मसंस्थानि सर्वाणि दिव्यान्यस्त्राण्यसौ मुनिः। कारयित्वोत्तरामाशां जगाम तपसां निधिः

jalena saha tadvīryaṁ pītavānsa ṛṣistataḥ| ātmasaṁsthāni sarvāṇi divyānyastrāṇyasau muniḥ| kārayitvottarāmāśāṁ jagāma tapasāṁ nidhiḥ

तब उस ऋषि ने उनके वीर्य (तेज) को जल सहित पी लिया। उस तपोनिधि मुनि ने उन सभी दिव्य अस्त्रों को अपने ही शरीर में समाहित करके उत्तर दिशा की ओर प्रस्थान किया।

श्लोक 5 (skanda.7.32.5)

गंगाधरं शुक्लतनुं सर्प्पैराकीर्णविग्रहम्। शिववत्सुखदं पुंसामपश्यत्स हिमाचलम्

gaṁgādharaṁ śuklatanuṁ sarppairākīrṇavigraham| śivavatsukhadaṁ puṁsāmapaśyatsa himācalam

उसने गंगा को धारण करने वाले, श्वेत शरीर वाले, सर्पों से आवृत शरीर वाले, तथा शिव के समान मनुष्यों को सुख देने वाले हिमालय पर्वत को देखा।

श्लोक 6 (skanda.7.32.6)

तथाश्रमं ददर्शोच्चैरश्वत्थैः परिपालितम्। चंद्रभागोपकंठस्थं समित्पुष्पकुशान्वितम्

tathāśramaṁ dadarśoccairaśvatthaiḥ paripālitam| caṁdrabhāgopakaṁṭhasthaṁ samitpuṣpakuśānvitam

उसी प्रकार उसने ऊँचे अश्वत्थ वृक्षों से रक्षित, चंद्रभागा नदी के तट पर स्थित, समिधा, पुष्प और कुश से युक्त एक आश्रम भी देखा।

श्लोक 7 (skanda.7.32.7)

स तस्मिन्मुनिशादूलो ह्यवसन्मुनिभिः सह। सुभद्रया च संयुक्तश्चंद्रश्चंद्रिकया यथा

sa tasminmuniśādūlo hyavasanmunibhiḥ saha| subhadrayā ca saṁyuktaścaṁdraścaṁdrikayā yathā

वह मुनिश्रेष्ठ वहाँ अन्य मुनियों के साथ रहने लगा, और सुभद्रा से युक्त वह ऐसा था जैसे चंद्रमा चंद्रिका (चाँदनी) से युक्त हो।

श्लोक 8 (skanda.7.32.8)

एकदा वसतस्तस्य सुभद्रा परिचारिका। स्नानार्थं यातुमारब्धा चतुर्थेऽह्नि रजस्वला

ekadā vasatastasya subhadrā paricārikā| snānārthaṁ yātumārabdhā caturthe'hni rajasvalā

एक बार, वहाँ रहते हुए, परिचारिका सुभद्रा, रजस्वला होने के चौथे दिन, स्नान के लिए जाने लगी।

श्लोक 9 (skanda.7.32.9)

व्रजन्त्या च तया दृष्टं कौपीनाच्छादनं पुनः। परित्यक्तं विदित्वैवं दैवयोगाद्गृहाण सा

vrajantyā ca tayā dṛṣṭaṁ kaupīnācchādanaṁ punaḥ| parityaktaṁ viditvaivaṁ daivayogādgṛhāṇa sā

जाते हुए उसने एक कौपीन (लंगोटी) पड़ी हुई देखी; उसे त्यक्त जानकर, दैवयोग से उसने उसे उठा लिया।

श्लोक 10 (skanda.7.32.10)

परिधाय पुनः सा तु कौपीनं रेतसायुतम्। एकांते स्नातुमारब्धा जलाभ्याशे यथासुखम्

paridhāya punaḥ sā tu kaupīnaṁ retasāyutam| ekāṁte snātumārabdhā jalābhyāśe yathāsukham

वह वीर्य से युक्त कौपीन को पुनः धारण करके, एकांत में, जल के समीप सुखपूर्वक स्नान करने लगी।

श्लोक 11 (skanda.7.32.11)

ततो देवी यथाकाममकस्माद्वीक्षते हि सा। स्वोदरस्थं समुत्पन्नं गर्भं गुरुभरालसा

tato devī yathākāmamakasmādvīkṣate hi sā| svodarasthaṁ samutpannaṁ garbhaṁ gurubharālasā

इसके बाद उस देवी ने अचानक, अपनी इच्छा के विरुद्ध, अपने उदर में उत्पन्न गर्भ को देखा, और भारी बोझ से आलस्ययुक्त हो गई।

श्लोक 12 (skanda.7.32.12)

शोचयित्वात्मनात्मानमगर्भाहमिहागता। तत्केन मन्दभागिन्या ममैवं दूषणं कृतम्

śocayitvātmanātmānamagarbhāhamihāgatā| tatkena mandabhāginyā mamaivaṁ dūṣaṇaṁ kṛtam

अपने आप पर शोक करते हुए (उसने सोचा)—"मैं यहाँ गर्भरहित होकर आई थी; तो मंदभागिनी मुझ पर यह दोष किसने लगाया?"

श्लोक 13 (skanda.7.32.13)

लज्जाभिभूता सा तत्र प्रविश्याश्वत्थवाटिकाम्। तत्र तं सुषुवे गर्भमविज्ञाय कुतो ह्ययम्

lajjābhibhūtā sā tatra praviśyāśvatthavāṭikām| tatra taṁ suṣuve garbhamavijñāya kuto hyayam

लज्जा से अभिभूत होकर वह वहीं एक अश्वत्थ-वाटिका में प्रविष्ट हुई, और यह न जानते हुए कि वह गर्भ कहाँ से आया, उसने वहीं उसे जन्म दिया।

श्लोक 14 (skanda.7.32.14)

पुनरेव हि सा स्नात्वा अविज्ञायात्मदुष्कृतम्। शापं दातुं समारब्धा गर्भकर्त्तरि दुःसहम्

punareva hi sā snātvā avijñāyātmaduṣkṛtam| śāpaṁ dātuṁ samārabdhā garbhakarttari duḥsaham

अपने दुष्कृत्य को न जानते हुए, पुनः स्नान करके, उसने गर्भ के कर्ता को असहनीय शाप देना प्रारंभ किया।

श्लोक 15 (skanda.7.32.15)

ज्ञानाद्वा यदि वाज्ञानाद्येनेयं दूषणा कृता। सोऽद्यैव पंचतां यातु यद्यहं स्यां पतिव्रता

jñānādvā yadi vājñānādyeneyaṁ dūṣaṇā kṛtā| so'dyaiva paṁcatāṁ yātu yadyahaṁ syāṁ pativratā

"चाहे जानकर या अनजाने में जिसने भी यह दोष किया हो, यदि मैं पतिव्रता हूँ, तो वह आज ही मृत्यु को प्राप्त हो।

श्लोक 16 (skanda.7.32.16)

यद्यहं मनसा वापि कामये नापरं पतिम्। एतेन सत्यवाक्येन यातु जारः स्वयं क्षयम्

yadyahaṁ manasā vāpi kāmaye nāparaṁ patim| etena satyavākyena yātu jāraḥ svayaṁ kṣayam

यदि मैंने मन से भी किसी अन्य पति की कामना नहीं की है, तो इस सत्यवचन से वह जार स्वयं ही नष्ट हो जाए।"

श्लोक 17 (skanda.7.32.17)

एवं शप्त्वा तु तं देवी ह्यज्ञात्वा गर्भकारिणम्। पुनर्यातुं समारब्धा तद्दधीचिनिकेतनम्

evaṁ śaptvā tu taṁ devī hyajñātvā garbhakāriṇam| punaryātuṁ samārabdhā taddadhīciniketanam

गर्भ के कर्ता को न जानते हुए इस प्रकार शाप देकर, वह देवी पुनः उसी दधीचि के निवास-स्थान की ओर जाने के लिए प्रवृत्त हुई।

श्लोक 18 (skanda.7.32.18)

तत्र चार्कप्रतीकाशं गर्भमुत्सृज्य सा तदा। प्राप्ता तपोवनं रम्यं यत्रासौ मुनिपुंगवः

tatra cārkapratīkāśaṁ garbhamutsṛjya sā tadā| prāptā tapovanaṁ ramyaṁ yatrāsau munipuṁgavaḥ

वहाँ, सूर्य के समान तेजस्वी उस गर्भ को त्यागकर, वह उस रमणीय तपोवन में पहुँची जहाँ वह मुनिश्रेष्ठ (दधीचि) रहते थे।

श्लोक 19 (skanda.7.32.19)

अत्रांतरे सर्वदेवा लोकपाला महाबलाः। अस्त्राणां कारणार्थाय मुनेराश्रममागताः

atrāṁtare sarvadevā lokapālā mahābalāḥ| astrāṇāṁ kāraṇārthāya munerāśramamāgatāḥ

इसी बीच, समस्त महाबली देव और लोकपाल, अस्त्रों को प्राप्त करने के प्रयोजन से मुनि के आश्रम में आए।

श्लोक 20 (skanda.7.32.20)

उवाच तं मुनिं शक्रो न्यासो यस्तव सुव्रत। दत्तोऽस्माभिस्तु शस्त्राणां तानि क्षिप्रं प्रयच्छ नः

uvāca taṁ muniṁ śakro nyāso yastava suvrata| datto'smābhistu śastrāṇāṁ tāni kṣipraṁ prayaccha naḥ

शक्र (इंद्र) ने उस मुनि से कहा—"हे सुव्रत! हमारे द्वारा तुम्हें जो अमानत दी गई थी, वह शीघ्र हमें लौटा दो।"

श्लोक 21 (skanda.7.32.21)

ऋषिराह पुरा यत्र स्थापितानि ममाश्रमे। तत्रैव तानि तिष्ठंति न चानीतानि वासव

ṛṣirāha purā yatra sthāpitāni mamāśrame| tatraiva tāni tiṣṭhaṁti na cānītāni vāsava

ऋषि ने कहा—"वे पहले मेरे आश्रम में जहाँ रखे गए थे, वहीं स्थित हैं; हे वासव! उन्हें कहीं ले जाया नहीं गया।

श्लोक 22 (skanda.7.32.22)

यत्तु तेषां बलं वीर्यं संग्रामे शत्रुसूदन। तन्मया पीतमखिलं सह तोयेन वासव

yattu teṣāṁ balaṁ vīryaṁ saṁgrāme śatrusūdana| tanmayā pītamakhilaṁ saha toyena vāsava

किंतु हे शत्रुसूदन, हे वासव! युद्ध में उनका जो बल और वीर्य था, वह सब मैंने जल सहित पी लिया है।

श्लोक 23 (skanda.7.32.23)

एवं स्थिते मयाऽस्त्राणि यदि देयानि तेऽनघ। ततोस्थीनि प्रयच्छामि तदाकाराणि सुव्रत

evaṁ sthite mayā'strāṇi yadi deyāni te'nagha| tatosthīni prayacchāmi tadākārāṇi suvrata

ऐसी स्थिति में, हे अनघ, हे सुव्रत! यदि तुम्हें अस्त्र देने ही हैं, तो मैं तुम्हें उन्हीं आकारों वाली अपनी अस्थियाँ प्रदान करता हूँ।"

श्लोक 24 (skanda.7.32.24)

एवमुक्तः सहस्राक्षस्तमाह मुनिसत्तमम्। नान्येषु तद्बलं रौद्रं यत्तु तेषु व्यवस्थितम्

evamuktaḥ sahasrākṣastamāha munisattamam| nānyeṣu tadbalaṁ raudraṁ yattu teṣu vyavasthitam

ऐसा कहे जाने पर सहस्राक्ष (इंद्र) ने उस श्रेष्ठ मुनि से कहा—"वह भयंकर बल उनमें ही व्यवस्थित है, अन्यत्र नहीं है।

श्लोक 25 (skanda.7.32.25)

यस्मात्तेषु विनिक्षिप्य सहस्रांशं स्वतेजसाम्। अस्माकं दत्तवान्रुद्रो रक्षार्थं जगतां शिवः

yasmātteṣu vinikṣipya sahasrāṁśaṁ svatejasām| asmākaṁ dattavānrudro rakṣārthaṁ jagatāṁ śivaḥ

क्योंकि रुद्र (शिव), जगत् की रक्षा के लिए, अपने तेज का सहस्रांश उनमें डालकर, हमें दे चुके हैं।

श्लोक 26 (skanda.7.32.26)

तद्वयं तानि सर्वाणि गृहीत्वा च व्यवस्थिताः। लोकस्य रक्षणार्थाय संज्ञेयं तेन लोकपाः

tadvayaṁ tāni sarvāṇi gṛhītvā ca vyavasthitāḥ| lokasya rakṣaṇārthāya saṁjñeyaṁ tena lokapāḥ

इसलिए हम उन सबको ग्रहण करके, लोक की रक्षा के लिए स्थापित हुए हैं; उसी कारण हमें 'लोकपाल' कहा जाता है।

श्लोक 27 (skanda.7.32.27)

अमीषामपि शस्त्राणा मुत्तमं वज्रमिष्यते। तद्धारणाद्यतोऽस्माकं देवराजत्वमिष्यते

amīṣāmapi śastrāṇā muttamaṁ vajramiṣyate| taddhāraṇādyato'smākaṁ devarājatvamiṣyate

इन शस्त्रों में भी वज्र सर्वोत्तम माना जाता है; उसे धारण करने से ही हमें देवराज-पद प्राप्त होता है।

श्लोक 28 (skanda.7.32.28)

वज्रादप्युत्तमं चक्रं यत्तद्विष्णुपरिग्रहे। दैत्यदानवसंघानां तदायत्तो जयोऽभवत्

vajrādapyuttamaṁ cakraṁ yattadviṣṇuparigrahe| daityadānavasaṁghānāṁ tadāyatto jayo'bhavat

वज्र से भी उत्तम चक्र है, जो विष्णु के पास है; उसी के आधार पर दैत्य-दानव-समूहों पर विजय प्राप्त हुई थी।

श्लोक 29 (skanda.7.32.29)

तस्मात्तानि यथास्माभिः प्राप्यते मुनिसत्तम। तथा कुरुष्व संचिन्त्य कार्यं कार्यविदां वर

tasmāttāni yathāsmābhiḥ prāpyate munisattama| tathā kuruṣva saṁcintya kāryaṁ kāryavidāṁ vara

इसलिए, हे मुनिश्रेष्ठ! जिस प्रकार वे हमें प्राप्त हों, हे कार्यविदों में श्रेष्ठ! भलीभाँति सोचकर वैसा ही कीजिए।"

श्लोक 30 (skanda.7.32.30)

एवमुक्ते मुनिः प्राह तं शक्रं पुरतः स्थितम्। तत्प्राप्त्यर्थमुपायं तु कथयामि तवापरम्

evamukte muniḥ prāha taṁ śakraṁ purataḥ sthitam| tatprāptyarthamupāyaṁ tu kathayāmi tavāparam

ऐसा कहे जाने पर मुनि ने सामने खड़े उस शक्र से कहा—"मैं तुम्हें उन्हें प्राप्त करने का एक और उपाय बताता हूँ।

श्लोक 31 (skanda.7.32.31)

यान्येतानि ममास्थीनि यूयं तैस्तानि सर्वशः। निर्मापयध्वं शस्त्राणि तदाकाराणि सर्वशः

yānyetāni mamāsthīni yūyaṁ taistāni sarvaśaḥ| nirmāpayadhvaṁ śastrāṇi tadākārāṇi sarvaśaḥ

मेरी ये जो अस्थियाँ हैं, इन्हीं से तुम सब उन्हीं आकारों वाले सभी अस्त्रों का निर्माण कर लो।

श्लोक 32 (skanda.7.32.32)

एतानि तत्समुत्थानि तेषामप्यधिकं बलम्। साधयिष्यति भवतां संग्रामे यन्ममेहितम्

etāni tatsamutthāni teṣāmapyadhikaṁ balam| sādhayiṣyati bhavatāṁ saṁgrāme yanmamehitam

इनसे उत्पन्न ये (अस्त्र) उनसे भी अधिक बल रखेंगे, और युद्ध में तुम्हारा वह अभीष्ट कार्य सिद्ध करेंगे, जो मेरी इच्छा है।"

श्लोक 33 (skanda.7.32.33)

तमुवाच ततः शक्रो दधीचिं तपसोनिधिम्। प्राणहारं प्रकर्तुं ते नाहं शक्तो यमिच्छसि

tamuvāca tataḥ śakro dadhīciṁ tapasonidhim| prāṇahāraṁ prakartuṁ te nāhaṁ śakto yamicchasi

तब शक्र ने तपोनिधि दधीचि से कहा—"तुम जो चाहते हो, वह तुम्हारे प्राण लेना है; मैं ऐसा करने में समर्थ नहीं हूँ।

श्लोक 34 (skanda.7.32.34)

न चामृतस्य तेऽस्थीनि ग्रहीतुं शक्तिरस्ति नः। तस्मात्सर्वं समालोच्य यत्कर्तव्यं तदुच्यताम्

na cāmṛtasya te'sthīni grahītuṁ śaktirasti naḥ| tasmātsarvaṁ samālocya yatkartavyaṁ taducyatām

और हमारे पास तुम्हारी, जो अमृतस्वरूप हो, अस्थियाँ लेने की भी शक्ति नहीं है। इसलिए सब कुछ सोचकर बताओ कि क्या करना चाहिए।"

श्लोक 35 (skanda.7.32.35)

एवमुक्तो मुनिः प्राह एतदेव कलेवरम्। त्यजामि स्वयमेवाहं देव कार्यार्थसिद्धये

evamukto muniḥ prāha etadeva kalevaram| tyajāmi svayamevāhaṁ deva kāryārthasiddhaye

ऐसा कहे जाने पर मुनि ने कहा—"मैं स्वयं ही, देवकार्य की सिद्धि के लिए, इस शरीर को त्याग दूँगा।

श्लोक 36 (skanda.7.32.36)

अध्रुवं सर्वदुःखानामाश्रयं सुजुगुप्सितम्। यदा ह्येतत्तदा युक्तः परित्यागोऽस्य सांप्रतम्

adhruvaṁ sarvaduḥkhānāmāśrayaṁ sujugupsitam| yadā hyetattadā yuktaḥ parityāgo'sya sāṁpratam

यह अस्थिर, समस्त दुःखों का आश्रय, अत्यंत निंदनीय शरीर—जब यह ऐसा ही है, तो अभी इसका परित्याग करना ही उचित है।

श्लोक 37 (skanda.7.32.37)

अस्य त्यागेन मे दुःखं संसारोत्थं न जायते। यस्माज्जन्मांतरे जातो मृतोपि हि भवेत्पुनः

asya tyāgena me duḥkhaṁ saṁsārotthaṁ na jāyate| yasmājjanmāṁtare jāto mṛtopi hi bhavetpunaḥ

इसके त्याग से मुझे संसार से उत्पन्न होने वाला दुःख नहीं होता; क्योंकि मरा हुआ प्राणी भी अन्य जन्म में पुनः उत्पन्न हो जाता है।

श्लोक 38 (skanda.7.32.38)

भार्या भगिनी दुहिता स्वकर्मफलयोजनात्। जाता तेनैव संसारे रतिकार्ये जुगुप्सिता

bhāryā bhaginī duhitā svakarmaphalayojanāt| jātā tenaiva saṁsāre ratikārye jugupsitā

पत्नी, बहन, पुत्री—ये सब अपने-अपने कर्मफल के संयोग से इसी संसार में रति-कार्य के निमित्त, निंदनीय रूप में उत्पन्न होती हैं।

श्लोक 39 (skanda.7.32.39)

यस्माच्च स्वयमेवैतद्वपुस्त्यजति वै ध्रुवम्। तस्मादस्य परित्यागो वरः कार्योऽचिरात्स्वयम्

yasmācca svayamevaitadvapustyajati vai dhruvam| tasmādasya parityāgo varaḥ kāryo'cirātsvayam

और चूँकि यह शरीर अपने आप भी निश्चित रूप से (एक दिन) त्यक्त हो ही जाता है, इसलिए स्वयं ही शीघ्र इसका परित्याग करना ही श्रेष्ठ है।

श्लोक 40 (skanda.7.32.40)

एवं पुरंदरस्याग्रे संकीर्त्य स महामुनिः। दधीचिः प्राणसंहारं कृतवान्सत्वरं तदा

evaṁ puraṁdarasyāgre saṁkīrtya sa mahāmuniḥ| dadhīciḥ prāṇasaṁhāraṁ kṛtavānsatvaraṁ tadā

इस प्रकार पुरंदर (इंद्र) के समक्ष यह कहकर, उस महामुनि दधीचि ने उसी समय शीघ्रतापूर्वक अपने प्राणों का त्याग कर दिया।

श्लोक 41 (skanda.7.32.41)

गतासुं तं विदित्वैवं विबुधास्तत्कलेवरम्। मांसशोणितनिर्मुक्तं कथं कार्यं व्यचिंतयन्

gatāsuṁ taṁ viditvaivaṁ vibudhāstatkalevaram| māṁsaśoṇitanirmuktaṁ kathaṁ kāryaṁ vyaciṁtayan

उसे प्राणरहित हुआ जानकर, देवगण उस शरीर को—मांस और रक्त से रहित कैसे किया जाए, इस विषय पर विचार करने लगे।

श्लोक 42 (skanda.7.32.42)

ततस्तदस्थिशुद्ध्यर्थमुवाचेदं सुरेश्वरः। गौरीणां कर्कशा जिह्वा ता एतदुत्खिदंत्विति

tatastadasthiśuddhyarthamuvācedaṁ sureśvaraḥ| gaurīṇāṁ karkaśā jihvā tā etadutkhidaṁtviti

तब उन अस्थियों की शुद्धि के लिए देवेश्वर (इंद्र) ने कहा—"गौओं की कठोर जिह्वाएँ इसे चाट लें।"

श्लोक 43 (skanda.7.32.43)

ततस्तैर्विबुधैर्नंदा यदा लोकेषु संस्थिता। ध्याता तदोपयाता सा सखीभिः परिवारिता

tatastairvibudhairnaṁdā yadā lokeṣu saṁsthitā| dhyātā tadopayātā sā sakhībhiḥ parivāritā

इसके बाद, जब उन देवों ने लोकों में स्थित नंदा का ध्यान किया, तब वह अपनी सखियों से घिरी हुई वहाँ आ उपस्थित हुई।

श्लोक 44 (skanda.7.32.44)

नंदा सुभद्रा सुरभिः सुशीला सुमनास्तथा। इति गोमातरः पंच गोलोकाच्च समागताः

naṁdā subhadrā surabhiḥ suśīlā sumanāstathā| iti gomātaraḥ paṁca golokācca samāgatāḥ

नंदा, सुभद्रा, सुरभि, सुशीला और सुमना—इस प्रकार ये पाँच गोमाताएँ गोलोक से आईं।

श्लोक 45 (skanda.7.32.45)

ऊचुस्तान्विबुधान्सर्वानस्माभिर्यत्प्रयोजनम्। कर्त्तव्यं तत्करिष्यामः कथ्यतां सुविचारितम्

ūcustānvibudhānsarvānasmābhiryatprayojanam| karttavyaṁ tatkariṣyāmaḥ kathyatāṁ suvicāritam

उन्होंने उन समस्त देवों से कहा—"जो भी प्रयोजन हमसे सिद्ध कराना हो, वह हम कर देंगे; भलीभाँति विचार करके बताइए।"

श्लोक 46 (skanda.7.32.46)

देवा ऊचुः। यदेतदृषिणा त्यक्तं स्वयमेव कलेवरम्। एतन्मांसादिनिर्मुक्तं क्रियतामस्थिपंजरम्

devā ūcuḥ| yadetadṛṣiṇā tyaktaṁ svayameva kalevaram| etanmāṁsādinirmuktaṁ kriyatāmasthipaṁjaram

देवों ने कहा—"यह शरीर जिसे उस ऋषि ने स्वयं ही त्याग दिया है, इसे मांस आदि से रहित करके अस्थि-पंजर मात्र बना दिया जाए।"

श्लोक 47 (skanda.7.32.47)

तत्कृत्वा गर्हितं कर्म देवादेशात्सुदारुणम्। पुनः पितामहं द्रष्टुं गतास्ताः सुरसत्तमाः

tatkṛtvā garhitaṁ karma devādeśātsudāruṇam| punaḥ pitāmahaṁ draṣṭuṁ gatāstāḥ surasattamāḥ

देवाज्ञा से वह अत्यंत भयंकर, निंदनीय कार्य करके, वे श्रेष्ठ देव पुनः पितामह के दर्शन के लिए गए।

श्लोक 48 (skanda.7.32.48)

ततस्तु दारुणं कर्म यच्च ताभिरनुष्ठितम्। पितामहस्य तत्सर्वं समाचख्युर्यथातथम्

tatastu dāruṇaṁ karma yacca tābhiranuṣṭhitam| pitāmahasya tatsarvaṁ samācakhyuryathātatham

फिर जो भयंकर कार्य उनके (गौओं के) द्वारा संपन्न किया गया था, वह सब उन्होंने पितामह को यथावत् बता दिया।

श्लोक 49 (skanda.7.32.49)

तच्छ्रुत्वा विबुधान्सर्वान्समाहूय पितामहः। सर्वगात्रेष्वस्पृशत सुरभीः शुद्धिकाम्यया

tacchrutvā vibudhānsarvānsamāhūya pitāmahaḥ| sarvagātreṣvaspṛśata surabhīḥ śuddhikāmyayā

यह सुनकर पितामह ने समस्त देवों को बुलाकर, उन गौओं (सुरभि आदि) के सभी अंगों को उनकी शुद्धि की कामना से स्पर्श किया।

श्लोक 50 (skanda.7.32.50)

तास्तु तैर्विबुधैः स्पृष्टाः सुपूताः समवस्थिताः। मुखमेकं परं तासां न स्पृष्टमशुचि स्मृतम्

tāstu tairvibudhaiḥ spṛṣṭāḥ supūtāḥ samavasthitāḥ| mukhamekaṁ paraṁ tāsāṁ na spṛṣṭamaśuci smṛtam

देवों द्वारा स्पर्श की गई वे गौएँ भलीभाँति पवित्र होकर स्थित हुईं; केवल उनका एक मुख ही अस्पृष्ट रहकर अशुद्ध स्मृत हुआ।

श्लोक 51 (skanda.7.32.51)

अपवित्रं भवेत्तासां मुखमेकं जुगुप्सितम्। शेषं शरीरं सर्वासां विशिष्टं तु सुरैः कृतम्

apavitraṁ bhavettāsāṁ mukhamekaṁ jugupsitam| śeṣaṁ śarīraṁ sarvāsāṁ viśiṣṭaṁ tu suraiḥ kṛtam

उनका वह एक मुख अपवित्र और निंदित होगा; उन सबका शेष शरीर देवों द्वारा विशिष्ट (श्रेष्ठ) बनाया गया।

श्लोक 52 (skanda.7.32.52)

सरस्वत्या तु ताः प्रोक्ता भवंत्यो ब्रह्मघातिकाः। अन्यथा कारणात्कस्मान्न स्पृष्टममरैर्मुखम्

sarasvatyā tu tāḥ proktā bhavaṁtyo brahmaghātikāḥ| anyathā kāraṇātkasmānna spṛṣṭamamarairmukham

तब सरस्वती ने उनसे कहा—"तुम ब्रह्महत्यारिणी हो गई हो; अन्यथा किस कारण से देवों ने तुम्हारे मुख को स्पर्श नहीं किया?"

श्लोक 53 (skanda.7.32.53)

ततस्ताभिस्तु सा प्रोक्ता देवी तत्र सरस्वती। नैतत्ते वचनं युक्तं वक्तुमेवंविधं मुखम्

tatastābhistu sā proktā devī tatra sarasvatī| naitatte vacanaṁ yuktaṁ vaktumevaṁvidhaṁ mukham

तब उन गौओं ने वहाँ उस देवी सरस्वती से कहा—"यह वचन कहना तुम्हारे लिए उचित नहीं है, इस मुख के विषय में इस प्रकार कहना।

श्लोक 54 (skanda.7.32.54)

अस्माकमेव हृदयमनेन वचसा त्वया। निर्दग्धं येन तस्मात्त्वमचिराद्दाहमाप्स्यसि

asmākameva hṛdayamanena vacasā tvayā| nirdagdhaṁ yena tasmāttvamacirāddāhamāpsyasi

तुमने अपने इस वचन से हमारे ही हृदय को जला दिया है; इसलिए तुम भी शीघ्र ही दाह को प्राप्त होगी।"

श्लोक 55 (skanda.7.32.55)

शापं दत्त्वा ततस्तस्याः सरस्वत्यास्तु तास्तदा। गोलोकं गतवत्यस्तु सुरभ्यः सुरपूजिताः

śāpaṁ dattvā tatastasyāḥ sarasvatyāstu tāstadā| golokaṁ gatavatyastu surabhyaḥ surapūjitāḥ

सरस्वती को यह शाप देकर, देवताओं द्वारा पूजित वे सुरभि (आदि गौएँ) तब गोलोक को चली गईं।

श्लोक 56 (skanda.7.32.56)

आहूय विश्वकर्माणं तक्षाणं सुरसत्तमाः। अस्माकं कुरु शस्त्राणि तमाहुर्युद्धकारणात्

āhūya viśvakarmāṇaṁ takṣāṇaṁ surasattamāḥ| asmākaṁ kuru śastrāṇi tamāhuryuddhakāraṇāt

श्रेष्ठ देवों ने विश्वकर्मा, उस शिल्पकार को बुलाकर, युद्ध के प्रयोजन से उससे कहा—"हमारे लिए अस्त्र बनाओ।"

श्लोक 57 (skanda.7.32.57)

एतद्वचनमाकर्ण्य तानि पूतैर्नवैर्दृढैः। अस्त्राणि कारयामास दर्धोचेरस्थिसंचयैः

etadvacanamākarṇya tāni pūtairnavairdṛḍhaiḥ| astrāṇi kārayāmāsa dardhocerasthisaṁcayaiḥ

यह वचन सुनकर उसने दधीचि की पवित्र, नवीन और दृढ़ अस्थियों के संचय से उन अस्त्रों का निर्माण किया।

श्लोक 58 (skanda.7.32.58)

प्रमाणाकारयुक्तानि देवानां तानि संयुगे। अजेयानि यथा चासंस्तथा चासौ विनिर्ममे

pramāṇākārayuktāni devānāṁ tāni saṁyuge| ajeyāni yathā cāsaṁstathā cāsau vinirmame

युद्ध में देवताओं के लिए उचित माप और आकार से युक्त, जैसे वे पहले अजेय थे, वैसे ही उसने उन्हें पुनः बना दिया।

श्लोक 59 (skanda.7.32.59)

वज्रमिंद्रस्य शक्तिं च वह्नेर्दंडं यमस्य च। खड्गं तु निऋतेः पाशं सम्यक्चक्रे प्रचेतसः

vajramiṁdrasya śaktiṁ ca vahnerdaṁḍaṁ yamasya ca| khaḍgaṁ tu niṛteḥ pāśaṁ samyakcakre pracetasaḥ

इंद्र का वज्र, अग्नि की शक्ति, यम का दंड, निर्ऋति की तलवार, तथा वरुण (प्रचेता) का पाश—इन सबका उसने भलीभाँति निर्माण किया।

श्लोक 60 (skanda.7.32.60)

वायोर्ध्वजं कुबेरस्य गदां गुर्वीं च निर्ममे। विश्वकर्मा तथा शूलमीशानस्य च निर्ममे

vāyordhvajaṁ kuberasya gadāṁ gurvīṁ ca nirmame| viśvakarmā tathā śūlamīśānasya ca nirmame

वायु की ध्वजा, कुबेर की भारी गदा भी उसने बनाई; और विश्वकर्मा ने ईशान (शिव) का त्रिशूल भी बनाया।

श्लोक 61 (skanda.7.32.61)

गृहीत्वैतानि वै देवाः शस्त्राण्यस्त्रबलं तदा। विजेतुं च ततो दैत्यान्दानवांश्च गतास्तदा

gṛhītvaitāni vai devāḥ śastrāṇyastrabalaṁ tadā| vijetuṁ ca tato daityāndānavāṁśca gatāstadā

इन अस्त्रों को, उस अस्त्र-बल को ग्रहण करके, देवगण तब दैत्यों और दानवों पर विजय पाने के लिए प्रस्थान कर गए।

श्लोक 62 (skanda.7.32.62)

अत्रांतरे सुभद्रापि दधीचेरौर्ध्वदैहिकम्। कृत्वा तैर्मुनिभिः सार्धमन्वेष्टुं सा गता सुतम्

atrāṁtare subhadrāpi dadhīceraurdhvadaihikam| kṛtvā tairmunibhiḥ sārdhamanveṣṭuṁ sā gatā sutam

इसी बीच सुभद्रा ने भी दधीचि का ऊर्ध्वदैहिक (अंत्येष्टि-संस्कार) उन मुनियों के साथ मिलकर संपन्न किया, और अपने पुत्र को ढूँढने के लिए चल पड़ी।

श्लोक 63 (skanda.7.32.63)

अश्वत्थवाटिकायां च तमपश्य न्मनोरमम्। दृष्ट्वा रोदिति जीवंतं मुक्त्वा बाष्पमथाचिरम्

aśvatthavāṭikāyāṁ ca tamapaśya nmanoramam| dṛṣṭvā roditi jīvaṁtaṁ muktvā bāṣpamathāciram

अश्वत्थ-वाटिका में उसने उस मनोहर बालक को देखा; उसे जीवित देखकर वह रो पड़ी और तुरंत ही अश्रु बहाने लगी।

श्लोक 64 (skanda.7.32.64)

अंबेत्याभाष्य तेनोक्ता मा रोदीस्त्वं यशस्विनि। सर्वं पुराकृतस्यैतत्फलं तव ममापि हि

aṁbetyābhāṣya tenoktā mā rodīstvaṁ yaśasvini| sarvaṁ purākṛtasyaitatphalaṁ tava mamāpi hi

"माँ!" कहकर संबोधित करके उस (बालक) ने कहा—"मत रोओ, हे यशस्विनी! यह सब तुम्हारे और मेरे भी पूर्वजन्म के कर्मों का फल है।

श्लोक 65 (skanda.7.32.65)

यद्यथा यत्र येनेह कर्म जन्मांतरार्जितम्। तदवश्यं हि भोक्तव्यं त्यज शोकमतोऽखिलम्

yadyathā yatra yeneha karma janmāṁtarārjitam| tadavaśyaṁ hi bhoktavyaṁ tyaja śokamato'khilam

जो भी कर्म जहाँ, जिसके द्वारा, इस प्रकार जन्मांतर में अर्जित किया गया है, वह अवश्य ही भोगना पड़ता है; इसलिए यह समस्त शोक त्याग दो।

श्लोक 66 (skanda.7.32.66)

मत्परित्यागलज्जा च न ते कार्येह सुन्दरि। फलं पुराकृतस्यैतद्भोक्तव्यं तन्मयापि हि

matparityāgalajjā ca na te kāryeha sundari| phalaṁ purākṛtasyaitadbhoktavyaṁ tanmayāpi hi

हे सुंदरि! मुझे त्याग देने की लज्जा तुम्हें यहाँ नहीं करनी चाहिए; यह पूर्वकृत का फल है, जिसे मुझे भी भोगना है।

श्लोक 67 (skanda.7.32.67)

मातर्ममोपरि कुरु पुत्रस्नेहं यशस्विनि। बालस्य हि परित्यागा न्माता दोषेण लिप्यते

mātarmamopari kuru putrasnehaṁ yaśasvini| bālasya hi parityāgā nmātā doṣeṇa lipyate

हे माता! हे यशस्विनि! मुझ पर पुत्र-स्नेह करो; बालक को त्यागने से माता दोष से लिप्त नहीं होती।"

श्लोक 68 (skanda.7.32.68)

बालेनाभिहिता सा तु ध्यात्वा देवं जनार्द्दनम्। कृतांजलिरुवाचेदं कथ्यतां मे सुनिश्चितम्

bālenābhihitā sā tu dhyātvā devaṁ janārddanam| kṛtāṁjaliruvācedaṁ kathyatāṁ me suniścitam

बालक द्वारा ऐसा कहे जाने पर, देव जनार्दन का ध्यान करते हुए, उसने हाथ जोड़कर कहा—"मुझे यह निश्चित रूप से बताइए—

श्लोक 69 (skanda.7.32.69)

न विजानाम्यहं तथ्यं कस्यायं वीर्यसंभवः। तस्मात्कथय देवेश मम ते निश्चितं वचः

na vijānāmyahaṁ tathyaṁ kasyāyaṁ vīryasaṁbhavaḥ| tasmātkathaya deveśa mama te niścitaṁ vacaḥ

—मैं सच में नहीं जानती कि यह किसके वीर्य से उत्पन्न हुआ है। इसलिए, हे देवेश! मुझसे अपना निश्चित वचन कहिए।"

श्लोक 70 (skanda.7.32.70)

आहोक्ते मातरं कृष्णः सुभद्रां वै जनार्द्दनः। दधीचेस्तनयश्चायं भर्तुस्ते क्षेत्रसंभवः

āhokte mātaraṁ kṛṣṇaḥ subhadrāṁ vai janārddanaḥ| dadhīcestanayaścāyaṁ bhartuste kṣetrasaṁbhavaḥ

ऐसा कहे जाने पर जनार्दन कृष्ण ने माता सुभद्रा से कहा—"यह दधीचि का ही पुत्र है, तुम्हारे पति के (वीर्य) क्षेत्र से उत्पन्न।

श्लोक 71 (skanda.7.32.71)

तस्योत्पत्तिं विदित्वैवं सुभद्रा हृष्टमानसा। बालमंके समारोप्य अरोदीदार्तया गिरा

tasyotpattiṁ viditvaivaṁ subhadrā hṛṣṭamānasā| bālamaṁke samāropya arodīdārtayā girā

इस प्रकार उसकी उत्पत्ति को जानकर, प्रसन्न-हृदय सुभद्रा ने बालक को गोद में बिठाकर, दुःखभरी वाणी में रुदन किया।

श्लोक 72 (skanda.7.32.72)

आह बालक उत्पन्नः शोकस्य वद कारणम्। अथोक्तः स्तन्यरहितं कथं ते जीवितं धृतम्

āha bālaka utpannaḥ śokasya vada kāraṇam| athoktaḥ stanyarahitaṁ kathaṁ te jīvitaṁ dhṛtam

उसने कहा—"हे बालक, उत्पन्न हुए (मेरे पुत्र)! शोक का कारण बताओ।" फिर उससे कहा गया—"स्तन्य (दूध) के बिना तुमने अपना जीवन कैसे धारण किया?"

श्लोक 73 (skanda.7.32.73)

यस्माच्चतुर्विधा सृष्टिर्जीवानां ब्रह्मणा कृता। जरायुजांडजोद्भिज्ज स्वेदजाश्च तथा स्मृताः

yasmāccaturvidhā sṛṣṭirjīvānāṁ brahmaṇā kṛtā| jarāyujāṁḍajodbhijja svedajāśca tathā smṛtāḥ

"चूँकि ब्रह्मा द्वारा प्राणियों की चार प्रकार की सृष्टि की गई है—जरायुज (गर्भज), अंडज, उद्भिज्ज और स्वेदज, ऐसा स्मृत है—

श्लोक 74 (skanda.7.32.74)

नरस्त्रीनपुंसकाख्याश्च जातिभेदा जरायुजाः। चतुष्पदाश्च पशवो ग्राम्याश्चारण्यजास्तथा

narastrīnapuṁsakākhyāśca jātibhedā jarāyujāḥ| catuṣpadāśca paśavo grāmyāścāraṇyajāstathā

—पुरुष, स्त्री और नपुंसक नामक जाति-भेद जरायुज (गर्भज) हैं, तथा चतुष्पद पशु, ग्राम्य और वन्य दोनों, (भी जरायुज हैं)—

श्लोक 75 (skanda.7.32.75)

अण्डजाः पक्षिणः सर्वे मीनाः कूर्मसरीसृपाः। स्वेदजा मत्कुणा यूका दंशाश्च मशकास्तथा

aṇḍajāḥ pakṣiṇaḥ sarve mīnāḥ kūrmasarīsṛpāḥ| svedajā matkuṇā yūkā daṁśāśca maśakāstathā

—सभी पक्षी, मछलियाँ, कछुए और सरीसृप अंडज हैं; खटमल, जूँ, डाँस और मच्छर स्वेदज हैं—

श्लोक 76 (skanda.7.32.76)

उद्भिज्जाः स्थावराः प्रोक्तास्तृणगुल्मलता दयः। अन्येऽप्येवं यथायोगमंतर्भूताः सहस्रशः

udbhijjāḥ sthāvarāḥ proktāstṛṇagulmalatā dayaḥ| anye'pyevaṁ yathāyogamaṁtarbhūtāḥ sahasraśaḥ

—घास, झाड़ियाँ, लताएँ आदि स्थावर उद्भिज्ज कहे गए हैं; इसी प्रकार अन्य भी अपने-अपने योग के अनुसार सहस्रों प्रकार के अंतर्भूत हैं।

श्लोक 77 (skanda.7.32.77)

अण्डजाः पक्षपातेन जीवंति शिशवो भुवि। ऊष्मणा स्वेदजाः सर्वे उद्भिज्जाः सलिलेन हि

aṇḍajāḥ pakṣapātena jīvaṁti śiśavo bhuvi| ūṣmaṇā svedajāḥ sarve udbhijjāḥ salilena hi

अंडज बच्चे पृथ्वी पर (माता के) पंख के सहारे जीवित रहते हैं; सभी स्वेदज ऊष्मा से जीते हैं, उद्भिज्ज जल से ही जीते हैं—

श्लोक 78 (skanda.7.32.78)

समुदायेन भूतानां पञ्चानामुद्भिजं भुवि। जरायुजाश्च स्तन्येन विना जीवितुमक्षमाः

samudāyena bhūtānāṁ pañcānāmudbhijaṁ bhuvi| jarāyujāśca stanyena vinā jīvitumakṣamāḥ

—पृथ्वी पर पाँचों भूतों के समुदाय से उद्भिज्ज (जीते हैं); किंतु जरायुज दूध के बिना जीवित रहने में असमर्थ होते हैं।

श्लोक 79 (skanda.7.32.79)

विना तेन कथं पुत्र त्वया प्राणा विधारिताः। तां तथा जननीं प्राह स च बाष्पाविलेक्षणाम्

vinā tena kathaṁ putra tvayā prāṇā vidhāritāḥ| tāṁ tathā jananīṁ prāha sa ca bāṣpāvilekṣaṇām

हे पुत्र! उसके बिना तुमने अपने प्राण कैसे धारण किए?" उसने अपनी अश्रुपूर्ण नेत्रों वाली माता से इस प्रकार कहा—

श्लोक 80 (skanda.7.32.80)

अश्वत्थफलनिर्यासपानात्प्राणा मया धृताः। गौणं तदा तया तस्य पिप्पलादेति कल्पितम्

aśvatthaphalaniryāsapānātprāṇā mayā dhṛtāḥ| gauṇaṁ tadā tayā tasya pippalādeti kalpitam

—"अश्वत्थ (पीपल) के फल के रस को पीकर मैंने अपने प्राण धारण किए हैं।" तब उसके द्वारा उसका गौण नाम "पिप्पलाद" रखा गया।

श्लोक 81 (skanda.7.32.81)

नाम तेन जगत्यस्मिन्नित्यं ख्यातं महात्मनः। तत्रस्थैर्मुनिभिस्तस्य कृताः सर्वैर्यथाक्रमम्

nāma tena jagatyasminnityaṁ khyātaṁ mahātmanaḥ| tatrasthairmunibhistasya kṛtāḥ sarvairyathākramam

उस नाम से वह महात्मा इस जगत् में सदा के लिए विख्यात हो गया। वहाँ रहने वाले मुनियों ने उसके सभी संस्कार यथाक्रम संपन्न किए—

श्लोक 82 (skanda.7.32.82)

संस्काराः पिप्पलादस्य वेदोक्ता वेद पारगैः। षडंगोपांगसंयुक्ता वेदास्तेन समुद्धृताः। तदाश्रमनिवासिभ्यो मुनिभ्यश्च सुपुष्कलाः

saṁskārāḥ pippalādasya vedoktā veda pāragaiḥ| ṣaḍaṁgopāṁgasaṁyuktā vedāstena samuddhṛtāḥ| tadāśramanivāsibhyo munibhyaśca supuṣkalāḥ

—पिप्पलाद के वेदोक्त संस्कार, वेद-पारंगत मुनियों द्वारा (संपन्न किए गए)। उसने षड्अंग-उपांग सहित वेदों का उद्धार किया, और वहाँ आश्रम में रहने वाले मुनियों को अत्यंत प्रचुर मात्रा में प्रदान किया।

श्लोक 83 (skanda.7.32.83)

पुनस्तत्र स्थितश्चासौ दृष्ट्वा मुनिकुमारकान्। स्वपित्रंकगतान्प्राह जननीं तां शुचिस्मिताम्

punastatra sthitaścāsau dṛṣṭvā munikumārakān| svapitraṁkagatānprāha jananīṁ tāṁ śucismitām

फिर वहाँ रहते हुए, मुनि-पुत्रों को अपने-अपने पिताओं की गोद में बैठा देखकर, उसने अपनी पवित्र-हास्य वाली माता से कहा—

श्लोक 84 (skanda.7.32.84)

पिता मे कुत्र भद्रं ते सुभद्रे कथय स्फुटम्। तदेकांतस्थितो येन बालक्रीडां करोम्यहम्

pitā me kutra bhadraṁ te subhadre kathaya sphuṭam| tadekāṁtasthito yena bālakrīḍāṁ karomyaham

—"हे सुभद्रे! मेरे पिता कहाँ हैं? स्पष्ट रूप से बताओ, जिससे मैं उनके साथ एकांत में बाल-क्रीड़ा कर सकूँ।"

श्लोक 85 (skanda.7.32.85)

एवं सा जननी तेन यदा पृष्टा तपस्विनी। तदा रोदितुमारब्धा नोत्तरं किञ्चिदब्रवीत्

evaṁ sā jananī tena yadā pṛṣṭā tapasvinī| tadā roditumārabdhā nottaraṁ kiñcidabravīt

जब उस तपस्विनी माता से उसने इस प्रकार पूछा, तब वह रोने लगी और कोई भी उत्तर नहीं दे सकी।

श्लोक 86 (skanda.7.32.86)

रुदन्तीं तां समालोक्य कुद्धोऽसौ मुनिदारकः। किमसौ कुत्सितः कश्चिद्येन नाख्यासि तं मम

rudantīṁ tāṁ samālokya kuddho'sau munidārakaḥ| kimasau kutsitaḥ kaścidyena nākhyāsi taṁ mama

उसे रोती हुई देखकर वह मुनि-पुत्र क्रुद्ध हो गया—"क्या मेरा पिता कोई निंदनीय व्यक्ति है, जिस कारण तुम मुझे उसके बारे में नहीं बताती?"

श्लोक 87 (skanda.7.32.87)

इत्युक्ते सुतमाहैवं विबुधैस्ते पिता हतः। कोपं त्यजस्व भद्रं ते दधीचिः कथितो मया

ityukte sutamāhaivaṁ vibudhaiste pitā hataḥ| kopaṁ tyajasva bhadraṁ te dadhīciḥ kathito mayā

ऐसा कहे जाने पर उसने अपने पुत्र से कहा—"तुम्हारे पिता को देवताओं ने मार डाला। क्रोध त्यागो, तुम्हारा कल्याण हो; वे दधीचि थे, यह मैंने तुम्हें बता दिया।"

श्लोक 88 (skanda.7.32.88)

कोपवह्निप्रदीप्तात्मा प्राह तां जननीं पुनः। किमपकृतं सुराणां मत्पित्रा कथयस्व तत्

kopavahnipradīptātmā prāha tāṁ jananīṁ punaḥ| kimapakṛtaṁ surāṇāṁ matpitrā kathayasva tat

क्रोध की अग्नि से प्रज्वलित होकर उसने पुनः अपनी माता से पूछा—"मेरे पिता ने देवों का क्या अपराध किया था? वह मुझे बताओ।"

श्लोक 89 (skanda.7.32.89)

सुभद्रोवाच। शस्त्राणां कारणान्मूढैर्हतोऽसौ मुनिपुंगवः। प्रयच्छन्नपि चान्यानि तदाकाराणि सुव्रत

subhadrovāca| śastrāṇāṁ kāraṇānmūḍhairhato'sau munipuṁgavaḥ| prayacchannapi cānyāni tadākārāṇi suvrata

सुभद्रा ने कहा—"अस्त्रों के लिए मूर्खों ने उस मुनिश्रेष्ठ को मार डाला, यद्यपि वे उन्हें उन्हीं आकारों वाले अन्य अस्त्र भी दे रहे थे, हे सुव्रत!"

श्लोक 90 (skanda.7.32.90)

श्रुत्वैतद्वचनं सोऽपि मुनिरुग्रतपास्तदा। पिता मे यो हतो देवैस्तेषां कृत्यां महाबलाम्

śrutvaitadvacanaṁ so'pi munirugratapāstadā| pitā me yo hato devaisteṣāṁ kṛtyāṁ mahābalām

यह वचन सुनकर, अत्यंत उग्र तप वाला वह मुनि तब (बोला)—"मेरे पिता, जो देवों द्वारा मारे गए हैं, उनके विरुद्ध मैं महान् बलशाली कृत्या (जादुई शक्ति) उत्पन्न करूँगा—

श्लोक 91 (skanda.7.32.91)

उत्थाप्य पातयिष्यामि मूर्द्ध्नि प्राणापहारिकाम्। पितामहमहं मुक्त्वा नैव हन्यो भवेद्यदि

utthāpya pātayiṣyāmi mūrddhni prāṇāpahārikām| pitāmahamahaṁ muktvā naiva hanyo bhavedyadi

—और उसे उठाकर, उनके सिर पर प्राणहारी रूप में गिराऊँगा—जब तक वे पितामह की शरण में न जाएँ, तभी तक वे न मारे जाएँगे।

श्लोक 92 (skanda.7.32.92)

अन्यान्प्रमथयिष्यामि कृत्याशस्त्रेण संगतान्। शरणं यदि यास्यंति गीर्वाणा मद्भयातुराः। तथापि पातयिष्यामि तेनैव सह संगतान्

anyānpramathayiṣyāmi kṛtyāśastreṇa saṁgatān| śaraṇaṁ yadi yāsyaṁti gīrvāṇā madbhayāturāḥ| tathāpi pātayiṣyāmi tenaiva saha saṁgatān

मैं अन्य सबको भी उस कृत्या-अस्त्र से नष्ट कर दूँगा; यदि देवगण मुझसे भयभीत होकर किसी की शरण में जाएँ, तो भी मैं उसके साथ शरणागत हुए उन्हें भी गिरा दूँगा।"

श्लोक 93 (skanda.7.32.93)

मत्वैवं तमृषिं कुद्धं सर्वे ते सुरसत्तमाः। ब्रह्माणं शरणं प्राप्ता भयेन महताऽर्द्दिताः

matvaivaṁ tamṛṣiṁ kuddhaṁ sarve te surasattamāḥ| brahmāṇaṁ śaraṇaṁ prāptā bhayena mahatā'rdditāḥ

उस मुनि को इस प्रकार क्रुद्ध जानकर, वे समस्त श्रेष्ठ देव, महान् भय से पीड़ित होकर ब्रह्मा की शरण में गए।

श्लोक 94 (skanda.7.32.94)

तांस्तस्य शरणं प्राप्ताञ्ज्ञात्वा देवः कृपान्वितः। तत्रैव गत्वा त्वरितं प्राह देवाञ्जनार्द्दनः

tāṁstasya śaraṇaṁ prāptāñjñātvā devaḥ kṛpānvitaḥ| tatraiva gatvā tvaritaṁ prāha devāñjanārddanaḥ

उन्हें अपनी शरण में आया जानकर, करुणायुक्त देव जनार्दन तुरंत वहीं गए और देवों से कहा—

श्लोक 95 (skanda.7.32.95)

भवतां रक्षणोपायश्चिंतितोऽत्र मयाऽधुना। तेन तां मोहयिष्यामि कृत्यां हंतुमुपस्थिताम्

bhavatāṁ rakṣaṇopāyaściṁtito'tra mayā'dhunā| tena tāṁ mohayiṣyāmi kṛtyāṁ haṁtumupasthitām

—"तुम्हारी रक्षा का उपाय अब मेरे द्वारा सोच लिया गया है। उसी से मैं उस विनाश के लिए उद्यत कृत्या को मोहित कर दूँगा।"

श्लोक 96 (skanda.7.32.96)

अत्रांतरे पिप्पलादः पितुर्वैरमनुस्मरन्। हंतुं सुरान्व्यवसितः प्रविवेश हिमाचलम्

atrāṁtare pippalādaḥ piturvairamanusmaran| haṁtuṁ surānvyavasitaḥ praviveśa himācalam

इसी बीच पिप्पलाद, अपने पिता के वैर का स्मरण करते हुए, देवों को मारने का निश्चय करके हिमालय में प्रविष्ट हुआ।

श्लोक 97 (skanda.7.32.97)

श्रुत्वा तदप्रियं वाक्यं मातुर्वक्त्राद्विनिर्गतम्। पिप्पलादः पुनर्यातस्तस्मात्स्थानाद्धिमाचलम्

śrutvā tadapriyaṁ vākyaṁ māturvaktrādvinirgatam| pippalādaḥ punaryātastasmātsthānāddhimācalam

अपनी माता के मुख से निकले उस अप्रिय वचन को सुनकर, पिप्पलाद उस स्थान से पुनः हिमालय की ओर चला गया।

श्लोक 98 (skanda.7.32.98)

स्वर्गसोपानवत्पुंसां स्थलीभूतमिवांबरम्। शेषस्याभोगसंकाशं प्राप्तोऽसौ तुहिनाचलम्

svargasopānavatpuṁsāṁ sthalībhūtamivāṁbaram| śeṣasyābhogasaṁkāśaṁ prāpto'sau tuhinācalam

मनुष्यों के लिए मानो स्वर्ग की सीढ़ी के समान, आकाश को मानो स्थल बना देने वाले, शेषनाग के फण-विस्तार के समान उस हिम-पर्वत को उसने प्राप्त किया।

श्लोक 99 (skanda.7.32.99)

प्रतिज्ञां कुरुते यत्र स्थितः स्थाणुरिवाचलः। हंतारो ये मम पितुस्तान्हनिष्यामि चारणात्

pratijñāṁ kurute yatra sthitaḥ sthāṇurivācalaḥ| haṁtāro ye mama pitustānhaniṣyāmi cāraṇāt

वहाँ स्थिर होकर, खंभे के समान अचल स्थित रहते हुए, उसने प्रतिज्ञा की—"मेरे पिता के जो हत्यारे हैं, उन्हें मैं तप से मार डालूँगा—

श्लोक 100 (skanda.7.32.100)

कृत्याशस्त्रेण सकलानमरत्वेन गर्वितान्। तस्मिन्स्थितः प्रकुपितः शिवायतनसंसदि

kṛtyāśastreṇa sakalānamaratvena garvitān| tasminsthitaḥ prakupitaḥ śivāyatanasaṁsadi

—कृत्या-शस्त्र द्वारा, उन सबको जो अपनी अमरता पर गर्वित हैं।" वहाँ स्थित होकर, अत्यंत क्रुद्ध होकर, शिव के मंदिर के प्रांगण में—

श्लोक 101 (skanda.7.32.101)

अत्रस्थः साधयिष्यामि तां कृत्यां चिंतयन्हृदि। कृत्यां वा साधयिष्यामि यास्ये वा यमसादनम्

atrasthaḥ sādhayiṣyāmi tāṁ kṛtyāṁ ciṁtayanhṛdi| kṛtyāṁ vā sādhayiṣyāmi yāsye vā yamasādanam

—यहीं स्थित रहकर मैं उस कृत्या को सिद्ध करूँगा, हृदय में यही सोचते हुए—या तो कृत्या को सिद्ध करूँगा, या यमलोक को चला जाऊँगा।

श्लोक 102 (skanda.7.32.102)

निर्द्वन्द्वो निर्भयो भूत्वा निराहारो ह्यहर्निशम्। सव्येन पाणिना सव्यं निर्मथ्योरुमहं पुनः

nirdvandvo nirbhayo bhūtvā nirāhāro hyaharniśam| savyena pāṇinā savyaṁ nirmathyorumahaṁ punaḥ

द्वंद्वों से रहित, निर्भय होकर, रात-दिन निराहार रहकर, बाएँ हाथ से अपनी ही बाईं जाँघ को मथते हुए—

श्लोक 103 (skanda.7.32.103)

तस्मादुत्पादयिष्यामि महाकृत्यामिति स्थितः। संवत्सरे तस्य गते ऊरुगात्राद्विनिःसृता

tasmādutpādayiṣyāmi mahākṛtyāmiti sthitaḥ| saṁvatsare tasya gate ūrugātrādviniḥsṛtā

—मैं इससे एक महान् कृत्या उत्पन्न करूँगा—ऐसा निश्चय करके वह स्थित रहा। उसका एक वर्ष बीत जाने पर उसकी जाँघ से निकली—

श्लोक 104 (skanda.7.32.104)

वडवा गुरुभारार्त्ता वाडवेनान्विता तदा। ऊरो र्निर्गत्य सा तस्मात्सुषुवे सुमहाबलम्

vaḍavā gurubhārārttā vāḍavenānvitā tadā| ūro rnirgatya sā tasmātsuṣuve sumahābalam

—एक वडवा (अश्विनी/घोड़ी), भारी बोझ से पीड़ित, उस समय वाडवाग्नि से युक्त; वह जाँघ से निकलकर उसी से एक अत्यंत बलशाली संतान को जन्म देने लगी।

श्लोक 105 (skanda.7.32.105)

वडवा स्वोदराद्गर्भं ज्वालामालासमाकुलम्। विमुच्य तमृषेस्तस्य पुरो गर्भं समुज्जवलम्

vaḍavā svodarādgarbhaṁ jvālāmālāsamākulam| vimucya tamṛṣestasya puro garbhaṁ samujjavalam

वह वडवा अपने उदर से ज्वालाओं की माला से व्याप्त उस देदीप्यमान गर्भ को मुक्त करके, उसे उस ऋषि के सामने रखकर—

श्लोक 106 (skanda.7.32.106)

पुनर्गता क्वापि तदा न ज्ञाता मुनिना हि सा। वडवानलो नरस्तस्याः स गर्भो निःसृतस्तदा

punargatā kvāpi tadā na jñātā muninā hi sā| vaḍavānalo narastasyāḥ sa garbho niḥsṛtastadā

—पुनः न जाने कहाँ चली गई, जिसे उस मुनि ने भी नहीं जान पाया; उस समय उससे निकला हुआ वह गर्भ वडवानल (नामक) पुरुष था।

श्लोक 107 (skanda.7.32.107)

कल्पांत इव भूतानां कालाग्निरिव वर्चसा। विद्युत्पुञ्जप्रतीकाशं तं दृष्ट्वा पुरतः स्थितम्

kalpāṁta iva bhūtānāṁ kālāgniriva varcasā| vidyutpuñjapratīkāśaṁ taṁ dṛṣṭvā purataḥ sthitam

प्रलयकाल की अग्नि के समान, काल की अग्नि के समान तेजस्वी, बिजलियों के समूह के समान चमकीले उस (शिशु) को अपने सामने खड़ा देखकर—

श्लोक 108 (skanda.7.32.108)

स चापि विस्मितोऽत्यंतं किमेतदिति चिंतयन्। ततस्तेन पुरःस्थेन वाडवेन च वह्निना

sa cāpi vismito'tyaṁtaṁ kimetaditi ciṁtayan| tatastena puraḥsthena vāḍavena ca vahninā

—वह भी अत्यंत विस्मित होकर सोचने लगा—"यह क्या है?" तब सामने खड़े उस वाडवाग्नि ने—

श्लोक 109 (skanda.7.32.109)

ऋषिः प्रोक्तः पिप्पलादः साधितोऽहं त्वया बलात्। इदानीं ते मया कार्यं कर्त्तव्यं यत्समाहितम्

ṛṣiḥ proktaḥ pippalādaḥ sādhito'haṁ tvayā balāt| idānīṁ te mayā kāryaṁ karttavyaṁ yatsamāhitam

—ऋषि पिप्पलाद से कहा—"मैं तुम्हारे द्वारा बलपूर्वक उत्पन्न किया गया हूँ। अब मुझसे जो कार्य निश्चित करके करवाना हो, वह बताओ।"

श्लोक 110 (skanda.7.32.110)

करिष्यामीह तत्सर्वम साध्यमपि साध्यताम्। स्वोरुं निर्मथ्य जनितो येन संवत्सरादहम्। तातोरुणा विहीनोऽपि करिष्ये त्वत्समीहितम्

kariṣyāmīha tatsarvama sādhyamapi sādhyatām| svoruṁ nirmathya janito yena saṁvatsarādaham| tātoruṇā vihīno'pi kariṣye tvatsamīhitam

"मैं यहाँ वह सब कर दूँगा, चाहे वह असाध्य ही क्यों न हो—वह सिद्ध हो जाए। जिसने तुम्हारी अपनी जाँघ को मथकर मुझे एक वर्ष में उत्पन्न किया है, वह पिता की जाँघ से रहित होकर भी तुम्हारा अभीष्ट कार्य कर दूँगा।"

श्लोक 111 (skanda.7.32.111)

तच्छ्रुत्वा वचनं तस्य मुनिः कोपसमन्वितः। प्रोवाच विबुधान्सर्वान्मद्दत्तान्भक्षय स्वयम्

tacchrutvā vacanaṁ tasya muniḥ kopasamanvitaḥ| provāca vibudhānsarvānmaddattānbhakṣaya svayam

यह वचन सुनकर वह मुनि क्रोधयुक्त होकर बोला—"मेरे द्वारा तुम्हें सौंपे गए समस्त देवताओं को स्वयं ही भक्षण कर लो।"

श्लोक 112 (skanda.7.32.112)

पितुर्वधात्क्रोधकृतावधानं मत्वा सुरा रौद्रमतीव घोरम्। समेत्य सर्वे पुरुषं पुराणं समाश्रितास्ते सहसा सभार्याः

piturvadhātkrodhakṛtāvadhānaṁ matvā surā raudramatīva ghoram| sametya sarve puruṣaṁ purāṇaṁ samāśritāste sahasā sabhāryāḥ

पिता के वध के कारण उस मुनि को अत्यंत भयंकर और रौद्र रूप में क्रोधाविष्ट जानकर, समस्त देवगण अपनी-अपनी पत्नियों सहित तुरंत मिलकर, उस पुरातन पुरुष (विष्णु) की शरण में गए।

श्लोक 113 (skanda.7.32.113)

स तान्समाश्वास्य सुरान्वरिष्ठं कोपानलं तत्र ययौ प्रहृष्टः। दृष्ट्वा च तं वै रविपुंजकाशमुवाच विष्णुर्वचनं वरिष्ठम्

sa tānsamāśvāsya surānvariṣṭhaṁ kopānalaṁ tatra yayau prahṛṣṭaḥ| dṛṣṭvā ca taṁ vai ravipuṁjakāśamuvāca viṣṇurvacanaṁ variṣṭham

उन देवों को आश्वस्त करके, वे प्रसन्नतापूर्वक उस श्रेष्ठ क्रोधाग्नि के पास गए। सूर्यमंडल के समान तेजस्वी उसे देखकर विष्णु ने यह श्रेष्ठ वचन कहा—

श्लोक 114 (skanda.7.32.114)

अहं सुरेशान तवैव पार्श्वं विसर्जितो जातभयैश्च देवैः। मत्तः शृणु त्वं वचनं हि पथ्यं यच्चारणानां भवतोऽपि पथ्यम्

ahaṁ sureśāna tavaiva pārśvaṁ visarjito jātabhayaiśca devaiḥ| mattaḥ śṛṇu tvaṁ vacanaṁ hi pathyaṁ yaccāraṇānāṁ bhavato'pi pathyam

—"मैं भयभीत हुए देवों द्वारा तुम्हारे ही समीप भेजा गया हूँ, हे सुरेश! मुझसे एक हितकारी वचन सुनो, जो चारणों के लिए और तुम्हारे लिए भी हितकारी है।

श्लोक 115 (skanda.7.32.115)

ज्ञातं बलं ते विबुधैरचिंत्यं विनाशनं चात्मवतां ह्यवश्यम्। एवं स्थिते कुरु वाक्यं सुराणामेकैकमद्धि प्रतिवासरं त्वम्

jñātaṁ balaṁ te vibudhairaciṁtyaṁ vināśanaṁ cātmavatāṁ hyavaśyam| evaṁ sthite kuru vākyaṁ surāṇāmekaikamaddhi prativāsaraṁ tvam

—देवों ने तुम्हारा बल अचिंत्य जान लिया है, और अपने शरीरधारियों के लिए विनाश निश्चित ही अवश्यंभावी है। ऐसी स्थिति में, मेरा वचन मानो—तुम प्रतिदिन एक-एक देवता को खा लो।

श्लोक 116 (skanda.7.32.116)

मुख्यानां कोटयस्त्रिंशत्सुराणां बलशालिनाम्। कथं तु भक्षणं तेषां युगपत्त्वं करिष्यसि

mukhyānāṁ koṭayastriṁśatsurāṇāṁ balaśālinām| kathaṁ tu bhakṣaṇaṁ teṣāṁ yugapattvaṁ kariṣyasi

—बलशाली प्रमुख देवों की संख्या तीस करोड़ है; उन सबका भक्षण तुम एक ही साथ कैसे कर पाओगे?

श्लोक 117 (skanda.7.32.117)

तस्मादेकैकशस्तेषां कर्त्तव्यं भक्षणं त्वया। नैकेन भवता शक्या विधातुं भक्षणक्रिया

tasmādekaikaśasteṣāṁ karttavyaṁ bhakṣaṇaṁ tvayā| naikena bhavatā śakyā vidhātuṁ bhakṣaṇakriyā

—इसलिए उनका भक्षण तुम्हें एक-एक करके ही करना चाहिए; अकेले तुम्हारे द्वारा उन सबका भक्षण-कार्य एक साथ संपन्न नहीं हो सकता।

श्लोक 118 (skanda.7.32.118)

तथा च पांडुरोगित्वं हुतभुक्प्राप्तवान्पुरा। अतिभक्षणं न युक्तं तस्मात्कुरु मतिं मम

tathā ca pāṁḍurogitvaṁ hutabhukprāptavānpurā| atibhakṣaṇaṁ na yuktaṁ tasmātkuru matiṁ mama

—इसी प्रकार पूर्वकाल में अग्निदेव को भी अतिशय भक्षण से पांडु-रोग (पीलिया) हो गया था; अत्यधिक भक्षण उचित नहीं है, इसलिए मेरी बुद्धि का अनुसरण करो।

श्लोक 119 (skanda.7.32.119)

तथा च युगपत्तेषु भक्षितेषु पुनस्त्वया। प्रत्यहं भक्षणोपायश्चिंतितव्यो बुभुक्षया

tathā ca yugapatteṣu bhakṣiteṣu punastvayā| pratyahaṁ bhakṣaṇopāyaściṁtitavyo bubhukṣayā

—और इसी प्रकार, यदि तुम उन्हें एक साथ भक्षण कर लोगे, तो तुम्हें भूख के कारण प्रतिदिन नए भक्षण-उपाय के बारे में सोचना पड़ेगा।

श्लोक 120 (skanda.7.32.120)

सफलैव प्रतिज्ञा ते नानृतं मुनिभाषितम्। एवं कृतेऽपि ते सर्वं भविष्यति समीहितम्

saphalaiva pratijñā te nānṛtaṁ munibhāṣitam| evaṁ kṛte'pi te sarvaṁ bhaviṣyati samīhitam

—तुम्हारी प्रतिज्ञा इस प्रकार भी सफल ही होगी; मुनि का कहा हुआ वचन कभी मिथ्या नहीं होता। इस प्रकार करने पर भी तुम्हारा समस्त अभीष्ट पूर्ण हो जाएगा।"

श्लोक 121 (skanda.7.32.121)

तत्करिष्यायहं सर्वमाहैवं स जनार्दनः। एकैकशः स विबुधान्भक्षयिष्यति वाडवः

tatkariṣyāyahaṁ sarvamāhaivaṁ sa janārdanaḥ| ekaikaśaḥ sa vibudhānbhakṣayiṣyati vāḍavaḥ

"मैं यह सब वैसा ही करूँगा"—ऐसा उस जनार्दन से कहकर, वह वाडवाग्नि एक-एक करके देवताओं का भक्षण करने लगा।

श्लोक 122 (skanda.7.32.122)

ततः सुराः सुरेशानं तं विष्णुममितौजसम्। प्रणम्याहुर्यथायुक्तं शोभनं भवता कृतम्

tataḥ surāḥ sureśānaṁ taṁ viṣṇumamitaujasam| praṇamyāhuryathāyuktaṁ śobhanaṁ bhavatā kṛtam

तब देवताओं ने अपार तेजस्वी उन देवेश्वर विष्णु को प्रणाम करके कहा—"आपने यथोचित और शुभ कार्य किया है।

श्लोक 123 (skanda.7.32.123)

भूयोऽद्य पुनरेवास्य दोषस्योपशमक्रियाम्। कर्तुं त्वमेव शक्तोऽसि नान्यस्त्राता दिवौक साम्

bhūyo'dya punarevāsya doṣasyopaśamakriyām| kartuṁ tvameva śakto'si nānyastrātā divauka sām

—अब पुनः, इस दोष की शांति के लिए कार्य करने में आप ही समर्थ हैं; देवताओं के लिए और कोई रक्षक नहीं है।"

श्लोक 124 (skanda.7.32.124)

ततः पीतांबरधरः शंखचक्रगदाधरः। युष्मद्भयं हरिष्यामि तत्सुरानाह माधवः

tataḥ pītāṁbaradharaḥ śaṁkhacakragadādharaḥ| yuṣmadbhayaṁ hariṣyāmi tatsurānāha mādhavaḥ

तब पीत वस्त्र धारण किए हुए, शंख-चक्र-गदा को धारण करने वाले माधव ने देवताओं से कहा—"मैं तुम्हारा भय दूर करूँगा।"

श्लोक 125 (skanda.7.32.125)

श्रुत्वैतद्विबुधाः सर्वे हर्षेणोत्फुल्ल लोचनाः

śrutvaitadvibudhāḥ sarve harṣeṇotphulla locanāḥ

यह सुनकर समस्त देवगण हर्ष से प्रफुल्ल-नेत्र हो गए।

श्लोक 126 (skanda.7.32.126)

ततस्तान्विबुधान्दृष्ट्वा प्रोवाच स तु वाडवः। किमिदानीं मया कार्यं भवतां कथ्यतां हि तत्

tatastānvibudhāndṛṣṭvā provāca sa tu vāḍavaḥ| kimidānīṁ mayā kāryaṁ bhavatāṁ kathyatāṁ hi tat

फिर उन देवताओं को देखकर उस वाडवाग्नि ने कहा—"अब मुझे क्या करना है? आप ही यह बताइए।"

श्लोक 127 (skanda.7.32.127)

अत्रान्तरे विश्वतनुर्महौजा विमोहयंस्तं ज्वलनं स्वबुद्ध्या। प्रोवाच पूर्वं विहिता यदापस्ता भक्षयस्वेति महानुभावः

atrāntare viśvatanurmahaujā vimohayaṁstaṁ jvalanaṁ svabuddhyā| provāca pūrvaṁ vihitā yadāpastā bhakṣayasveti mahānubhāvaḥ

इसी बीच सर्वस्वरूप, महातेजस्वी वह महानुभाव विष्णु, अपनी बुद्धि से उस अग्नि को मोहित करते हुए बोला—"पहले जो जल व्यवस्थित किए गए थे, उन्हें ही तुम भक्षण करो।"

श्लोक 128 (skanda.7.32.128)

एतद्व्यवसितं विष्णोर्यः शृणोति समाहितः। सोऽतिचारभयान्मुक्तो ज्ञानं मुक्तिमवाप्नुयात्

etadvyavasitaṁ viṣṇoryaḥ śṛṇoti samāhitaḥ| so'ticārabhayānmukto jñānaṁ muktimavāpnuyāt

जो कोई, चित्त को एकाग्र करके, विष्णु के इस निश्चय को सुनता है, वह अतिचार के भय से मुक्त हो जाता है और ज्ञान द्वारा मुक्ति प्राप्त करता है।