महोदय माहात्म्य वर्णन

श्लोक 1 (skanda.7.327.1)

ईश्वर उवाच। ततो महोदयं गच्छेत्तस्मादीशानसंस्थितम्

īśvara uvāca| tato mahodayaṁ gacchettasmādīśānasaṁsthitam

ईश्वर ने कहा—फिर उससे ईशान दिशा में स्थित महोदय को जाना चाहिए।

श्लोक 2 (skanda.7.327.2)

विधिना तत्र यः स्नाति तर्पयेत्पितृदेवताः। प्रतिग्रहकृताद्दोषान्न भयं तस्य विद्यते

vidhinā tatra yaḥ snāti tarpayetpitṛdevatāḥ| pratigrahakṛtāddoṣānna bhayaṁ tasya vidyate

जो वहाँ विधिपूर्वक स्नान कर पितृदेवताओं का तर्पण करता है, उसे प्रतिग्रह (दान ग्रहण) से उत्पन्न दोषों का कोई भय नहीं रहता।

श्लोक 3 (skanda.7.327.3)

महोदयं महानन्ददायकं च द्विजन्मनाम्। प्रतिग्रहप्रसक्तानां विषयासक्तचेतसाम्। तेषामपि ददेन्मुक्तिं तेन ख्यातं महोदयम्

mahodayaṁ mahānandadāyakaṁ ca dvijanmanām| pratigrahaprasaktānāṁ viṣayāsaktacetasām| teṣāmapi dadenmuktiṁ tena khyātaṁ mahodayam

महोदय द्विजों को महान आनन्द देने वाला है; प्रतिग्रह में आसक्त और विषयों में लिप्तचित्त वालों को भी यह मुक्ति प्रदान करता है, इसीलिए यह महोदय नाम से विख्यात है।

श्लोक 4 (skanda.7.327.4)

तस्य वै रक्षणार्थाय महाकालस्य चोत्तरे। नियुक्ताश्च महादेवि मातरस्तत्र संस्थिताः। तस्मिन्स्नात्वा नरः पूर्वं मातॄस्ताश्च प्रपूजयेत्

tasya vai rakṣaṇārthāya mahākālasya cottare| niyuktāśca mahādevi mātarastatra saṁsthitāḥ| tasminsnātvā naraḥ pūrvaṁ mātṝstāśca prapūjayet

उसकी रक्षा के लिए महाकाल के उत्तर में, हे महादेवि, मातृगण नियुक्त होकर स्थित हैं; वहाँ स्नान कर मनुष्य को पहले उन मातृगण की पूजा करनी चाहिए।

श्लोक 5 (skanda.7.327.5)

एवं देवि मया ख्यातं महोदयमहोदयम्। सर्वपापहरं नृणामभिषेकाच्च मुक्तिदम्

evaṁ devi mayā khyātaṁ mahodayamahodayam| sarvapāpaharaṁ nṛṇāmabhiṣekācca muktidam

इस प्रकार, हे देवि, मैंने महोदय का वर्णन किया, जो मनुष्यों के सभी पापों को हरने वाला और अभिषेक से मुक्ति देने वाला है।

श्लोक 6 (skanda.7.327.6)

अर्धक्रोशे च तत्तीर्थं समंतात्परिमंडलम्। एतन्मध्यं महासारं सदैव मुनिवल्लभम्

ardhakrośe ca tattīrthaṁ samaṁtātparimaṁḍalam| etanmadhyaṁ mahāsāraṁ sadaiva munivallabham

वह तीर्थ चारों ओर आधा क्रोश तक मंडलाकार फैला है; इसका मध्य भाग अत्यंत सारभूत और सदा मुनियों को प्रिय है।