तलस्वामी माहात्म्य वर्णन

श्लोक 1 (skanda.7.334.1)

देव्युवाच। भगवन्देवदेवेश संसारार्णवतारक। पृच्छामि त्वामहं भक्त्या किञ्चित्कौतूहलात्पुनः

devyuvāca| bhagavandevadeveśa saṁsārārṇavatāraka| pṛcchāmi tvāmahaṁ bhaktyā kiñcitkautūhalātpunaḥ

देवी ने कहा—हे भगवन्, देवाधिदेव, संसार-सागर से पार उतारने वाले, मैं भक्तिपूर्वक और कुछ कौतूहलवश आपसे पुनः पूछती हूँ,

श्लोक 2 (skanda.7.334.2)

यत्त्वया कथितं देव तलस्वामिमहोदयम्। किं तत्र कारणं देव तलो येन निपातितः

yattvayā kathitaṁ deva talasvāmimahodayam| kiṁ tatra kāraṇaṁ deva talo yena nipātitaḥ

आपने जो तलस्वामी की महिमा कही, उसमें क्या कारण था जिससे तल का वध हुआ?

श्लोक 3 (skanda.7.334.3)

कोऽसौ तलः समाख्यातः किंवीर्यः किंपरायणः। कस्मात्स्थानात्समुत्पन्नः कथं जातश्च मे वद

ko'sau talaḥ samākhyātaḥ kiṁvīryaḥ kiṁparāyaṇaḥ| kasmātsthānātsamutpannaḥ kathaṁ jātaśca me vada

यह तल कौन कहा गया है? किस पराक्रम वाला, किसमें तत्पर है? किस स्थान से उत्पन्न हुआ और कैसे जन्मा—मुझे बताइए।

श्लोक 4 (skanda.7.334.4)

ईश्वर उवाच। शृणु देवि प्रवक्ष्यामि रहस्यं पापनाशनम्। यन्न कस्यचिदाख्यातं तत्ते वक्ष्याम्यशेषतः

īśvara uvāca| śṛṇu devi pravakṣyāmi rahasyaṁ pāpanāśanam| yanna kasyacidākhyātaṁ tatte vakṣyāmyaśeṣataḥ

ईश्वर ने कहा—हे देवि, सुनो, मैं पापनाशक रहस्य कहता हूँ, जो किसी को नहीं बताया गया; वह सब मैं तुम्हें कहूँगा।

श्लोक 5 (skanda.7.334.5)

देवा अपि न जानंति तलस्योत्पत्तिकारणम्। पूर्वं कृतयुगे देवि गोविन्देति प्रकीर्तितः

devā api na jānaṁti talasyotpattikāraṇam| pūrvaṁ kṛtayuge devi govindeti prakīrtitaḥ

देवता भी तल की उत्पत्ति का कारण नहीं जानते। पूर्वकाल में कृतयुग में वह गोविन्द नाम से विख्यात था।

श्लोक 6 (skanda.7.334.6)

त्रेतायां वामनः स्वामी स्तुतिस्वामी तृतीयके। कलौ युगे महादेवि तलस्वामी प्रकीर्तितः

tretāyāṁ vāmanaḥ svāmī stutisvāmī tṛtīyake| kalau yuge mahādevi talasvāmī prakīrtitaḥ

त्रेता में वामनस्वामी, तीसरे (द्वापर) युग में स्तुतिस्वामी; कलियुग में, हे महादेवि, वह तलस्वामी कहलाता है।

श्लोक 7 (skanda.7.334.7)

तथा तप्तोदकस्वामी तस्य नामांतरं प्रिये। अधुना संप्रवक्ष्यामि तलोत्पत्तिं तव प्रिये

tathā taptodakasvāmī tasya nāmāṁtaraṁ priye| adhunā saṁpravakṣyāmi talotpattiṁ tava priye

तथा तप्तोदकस्वामी उसका दूसरा नाम है, हे प्रिये। अब मैं तुम्हें तल की उत्पत्ति का वर्णन विस्तार से करता हूँ, हे प्रिये।

श्लोक 8 (skanda.7.334.8)

आसीन्महेन्द्रनामा च दानवो रौद्ररूपधृक्। कोटिवर्षाणि तेनैव तपस्तप्तं पुरा प्रिये

āsīnmahendranāmā ca dānavo raudrarūpadhṛk| koṭivarṣāṇi tenaiva tapastaptaṁ purā priye

महेन्द्र नामक एक रौद्ररूपधारी दानव था; उसने पूर्वकाल में, हे प्रिये, करोड़ों वर्षों तक तप किया था।

श्लोक 9 (skanda.7.334.9)

स तपोबलमाविष्टो जिग्ये देवान्सवासवान्। जित्वा देवांस्ततः सर्वांस्ततः काले समागतः

sa tapobalamāviṣṭo jigye devānsavāsavān| jitvā devāṁstataḥ sarvāṁstataḥ kāle samāgataḥ

तपोबल से युक्त होकर उसने वासव सहित देवताओं को जीत लिया; सब देवताओं को जीतकर वह समय आने पर मेरे पास आया।

श्लोक 10 (skanda.7.334.10)

युद्धं स प्रार्थयामास मया सार्द्धं सुभीषणम्। ततोऽभवन्महायुद्धं ब्रह्माण्डक्षयकारकम्

yuddhaṁ sa prārthayāmāsa mayā sārddhaṁ subhīṣaṇam| tato'bhavanmahāyuddhaṁ brahmāṇḍakṣayakārakam

उसने मुझसे अत्यंत भीषण युद्ध की याचना की; तब ब्रह्माण्ड का नाश करने वाला महायुद्ध हुआ।

श्लोक 11 (skanda.7.334.11)

ततः कोपान्महायुद्धे मम देहाद्वरानने। ज्वाला तत्र समुत्पन्ना तन्मध्ये स तलोऽभवत्

tataḥ kopānmahāyuddhe mama dehādvarānane| jvālā tatra samutpannā tanmadhye sa talo'bhavat

तब, हे वरानने, उस महायुद्ध में क्रोधवश मेरे शरीर से एक ज्वाला उत्पन्न हुई, और उसी के मध्य से वह तल उत्पन्न हुआ।

श्लोक 12 (skanda.7.334.12)

तेन दृष्टो महेन्द्रोऽसौ गर्जन्गिरिगुहाश्रयः

tena dṛṣṭo mahendro'sau garjangiriguhāśrayaḥ

उसने महेन्द्र को गिरिगुफा में छिपकर गरजते हुए देखा।

श्लोक 13 (skanda.7.334.13)

कथं गर्जसि हे मूढ युद्धं कुरु मया सह। इत्युक्ते तत्र देवेशि तेन युद्धमवर्तत

kathaṁ garjasi he mūḍha yuddhaṁ kuru mayā saha| ityukte tatra deveśi tena yuddhamavartata

(तल ने कहा) "अरे मूर्ख, क्यों गरजता है? मुझसे युद्ध कर।" ऐसा कहने पर, हे देवेशि, उन दोनों में युद्ध छिड़ गया।

श्लोक 14 (skanda.7.334.14)

तत्र प्रवर्त्तिते युद्धे तलमाहेन्द्रयोस्तयोः

tatra pravarttite yuddhe talamāhendrayostayoḥ

वहाँ तल और महेन्द्र के बीच युद्ध आरंभ हो गया।

श्लोक 15 (skanda.7.334.15)

रुद्रवीर्यस्य युक्तेन तलेनोदारकर्मणा। मल्लयुद्धेन बलिना महेन्द्रो विनिपातितः

rudravīryasya yuktena talenodārakarmaṇā| mallayuddhena balinā mahendro vinipātitaḥ

रुद्र के बल से युक्त, उदार कर्म वाले, बलवान तल ने मल्लयुद्ध में महेन्द्र को गिरा दिया।

श्लोक 16 (skanda.7.334.16)

ततस्तं पतितं दृष्ट्वा विस्मयं स तलो गतः। गतप्राणं तदा ज्ञात्वा हर्षान्नृत्यमथाकरोत्

tatastaṁ patitaṁ dṛṣṭvā vismayaṁ sa talo gataḥ| gataprāṇaṁ tadā jñātvā harṣānnṛtyamathākarot

उसे गिरा हुआ देखकर तल को विस्मय हुआ; और उसे प्राणहीन जानकर वह हर्ष से नाचने लगा।

श्लोक 17 (skanda.7.334.17)

तस्मिन्संनृत्यमाने तु सर्वे स्थावरजंगमम्। चकंपे तु वरारोहे प्रभावात्तस्य वीर्यतः

tasminsaṁnṛtyamāne tu sarve sthāvarajaṁgamam| cakaṁpe tu varārohe prabhāvāttasya vīryataḥ

उसके नाचते ही, हे वरारोहे, उसके प्रभाव और बल से सभी स्थावर-जंगम काँप उठे।

श्लोक 18 (skanda.7.334.18)

ततो भारभराकान्ता धरणी तलपीडिता। अतीवभयसंत्रस्ताः सदेवासुरमानुषाः

tato bhārabharākāntā dharaṇī talapīḍitā| atīvabhayasaṁtrastāḥ sadevāsuramānuṣāḥ

तब भार से पीड़ित पृथ्वी तल के दबाव से पीड़ित हो गई; देव, असुर और मनुष्य सभी अत्यंत भयभीत हो उठे।

श्लोक 19 (skanda.7.334.19)

क्षुभिता गिरयः सर्वे विद्रुताश्च महार्णवाः। तरवो निधनं जग्मुर्नद्यो वाहांश्च तत्यजुः

kṣubhitā girayaḥ sarve vidrutāśca mahārṇavāḥ| taravo nidhanaṁ jagmurnadyo vāhāṁśca tatyajuḥ

सभी पर्वत क्षुब्ध हो गए, महासागर अपनी सीमा छोड़कर भाग गए, वृक्ष मृत्यु को प्राप्त हुए, और नदियों ने अपनी धाराएँ त्याग दीं।

श्लोक 20 (skanda.7.334.20)

गतप्रभावाः सूर्याद्या ज्योतींषि न विरेजिरे। त्रैलोक्यं व्याकुलीभूतं तलनृत्यप्रभावतः

gataprabhāvāḥ sūryādyā jyotīṁṣi na virejire| trailokyaṁ vyākulībhūtaṁ talanṛtyaprabhāvataḥ

सूर्य आदि ज्योतियाँ अपना प्रभाव खोकर शोभाहीन हो गईं; तल के नृत्य के प्रभाव से तीनों लोक व्याकुल हो गए।

श्लोक 21 (skanda.7.334.21)

ततो देवगणाः सर्वे शरणं रुद्रमाययुः। वृत्तं यथावत्कथितं ततो रुद्र उवाच तान्

tato devagaṇāḥ sarve śaraṇaṁ rudramāyayuḥ| vṛttaṁ yathāvatkathitaṁ tato rudra uvāca tān

तब सभी देवगण रुद्र की शरण में गए; जब सारा वृत्तांत यथावत् कहा गया, तब रुद्र ने उनसे कहा—

श्लोक 22 (skanda.7.334.22)

अवध्यो मे तलो देवाः पुत्रत्वे हि प्रतिष्ठितः। एवमुक्त्वा हृषीकेशं प्रभासक्षेत्रवासिनम्

avadhyo me talo devāḥ putratve hi pratiṣṭhitaḥ| evamuktvā hṛṣīkeśaṁ prabhāsakṣetravāsinam

"तल मेरे द्वारा अवध्य है, हे देवगण, क्योंकि वह मेरे पुत्र रूप में प्रतिष्ठित है।" ऐसा कहकर, प्रभासक्षेत्र-वासी हृषीकेश (विष्णु) से (उसने कहा)—

श्लोक 23 (skanda.7.334.23)

स्तुतिस्वामीतिनामानं स्थितं दुर्वाससः पुरः। प्रभासक्षेत्रसामीप्ये पूर्वभागे प्रतिष्ठितम्

stutisvāmītināmānaṁ sthitaṁ durvāsasaḥ puraḥ| prabhāsakṣetrasāmīpye pūrvabhāge pratiṣṭhitam

जो दुर्वासा के सम्मुख स्तुतिस्वामी नाम से प्रभासक्षेत्र के समीप पूर्व भाग में प्रतिष्ठित थे,

श्लोक 24 (skanda.7.334.24)

तप्तोदकुंडसामीप्ये तत्र गच्छत भोः सुराः। कल्पेकल्पे तु तेनैव विध्यतेऽसौ हि दानवः

taptodakuṁḍasāmīpye tatra gacchata bhoḥ surāḥ| kalpekalpe tu tenaiva vidhyate'sau hi dānavaḥ

(और कहा) "तप्तोदकुण्ड के समीप वहाँ जाओ, हे सुरगण; प्रत्येक कल्प में वह दानव उन्हीं (विष्णु) के द्वारा मारा जाता है।"

श्लोक 25 (skanda.7.334.25)

एवमुक्ते तदा देवाः प्रभासं क्षेत्रमागताः। तत्र ते विबुधा जग्मुर्यत्र तप्तोदकाधिपः

evamukte tadā devāḥ prabhāsaṁ kṣetramāgatāḥ| tatra te vibudhā jagmuryatra taptodakādhipaḥ

ऐसा कहे जाने पर देवता प्रभासक्षेत्र में आए; वे विबुध वहाँ गए जहाँ तप्तोदक के अधिपति (विष्णु) थे।

श्लोक 26 (skanda.7.334.26)

दृष्ट्वा नारायणं तत्र देवाः श्रद्धासमन्विताः। तुष्टुवुः परया भक्त्या देवदेवं जनार्द्दनम्

dṛṣṭvā nārāyaṇaṁ tatra devāḥ śraddhāsamanvitāḥ| tuṣṭuvuḥ parayā bhaktyā devadevaṁ janārddanam

वहाँ नारायण को देखकर श्रद्धायुक्त देवताओं ने परम भक्ति से देवाधिदेव जनार्दन की स्तुति की।

श्लोक 27 (skanda.7.334.27)

वैकुंठ त्राहि नो देवांस्तलेनोच्चाटिता वयम्। महेन्द्रक्रोधसंभूतरुद्रतेजोद्भवेन वै

vaikuṁṭha trāhi no devāṁstalenoccāṭitā vayam| mahendrakrodhasaṁbhūtarudratejodbhavena vai

"हे वैकुण्ठ, हमारी रक्षा करो! हम देवता महेन्द्र के क्रोध से उत्पन्न रुद्र-तेज से बने तल के द्वारा भगा दिए गए हैं।

श्लोक 28 (skanda.7.334.28)

अस्माभी रुद्रसामीप्ये कार्यं सर्वं निवेदितम्। ततः प्रस्थापिताः सर्वे रुद्रेण परमेष्ठिना। तव पार्श्वे महादेव नस्त्वं देव गतिर्भव

asmābhī rudrasāmīpye kāryaṁ sarvaṁ niveditam| tataḥ prasthāpitāḥ sarve rudreṇa parameṣṭhinā| tava pārśve mahādeva nastvaṁ deva gatirbhava

हमने रुद्र के समीप सब कुछ निवेदन किया; तब परमेष्ठी रुद्र ने हम सबको भेजा—'तुम महादेव के पास जाओ, तुम्हीं हमारी गति बनो, हे देव।'

श्लोक 29 (skanda.7.334.29)

इति श्रुत्वा वचस्तेषां देवदेवो जनार्द्दनः। दानवस्यवधार्थाय देवानां रक्षणाय च। चक्रे यत्नं महाबाहुः प्रभासक्षेत्रवल्लभः

iti śrutvā vacasteṣāṁ devadevo janārddanaḥ| dānavasyavadhārthāya devānāṁ rakṣaṇāya ca| cakre yatnaṁ mahābāhuḥ prabhāsakṣetravallabhaḥ

उनके ये वचन सुनकर देवाधिदेव जनार्दन ने, दानव के वध और देवताओं की रक्षा के लिए, महाबाहु और प्रभासक्षेत्र के प्रिय भगवान् ने प्रयत्न किया।

श्लोक 30 (skanda.7.334.30)

समाहूय तदा दैत्यं प्रभासक्षेत्रमध्यतः। युद्धं चक्रे ततो देवि विश्वप्रलयकारकम्

samāhūya tadā daityaṁ prabhāsakṣetramadhyataḥ| yuddhaṁ cakre tato devi viśvapralayakārakam

तब उस दैत्य को प्रभासक्षेत्र के मध्य बुलाकर, हे देवि, उन्होंने विश्व का प्रलय करने वाला युद्ध किया।

श्लोक 31 (skanda.7.334.31)

ततस्तु देवाः सर्वे च स्वसैन्यपरिवारिताः। चक्रुर्युद्धं च दैत्येन सुमहल्लोमहर्षणम्

tatastu devāḥ sarve ca svasainyaparivāritāḥ| cakruryuddhaṁ ca daityena sumahallomaharṣaṇam

तब अपनी-अपनी सेनाओं से घिरे सभी देवताओं ने उस दैत्य के साथ अत्यंत रोमांचकारी युद्ध किया।

श्लोक 32 (skanda.7.334.32)

ततः पर्वतसंकाशं दृष्ट्वा दैत्यं महाबलम्। उवाच चपलापांगो गरुडकृतवाहनः

tataḥ parvatasaṁkāśaṁ dṛṣṭvā daityaṁ mahābalam| uvāca capalāpāṁgo garuḍakṛtavāhanaḥ

तब पर्वत के समान महाबली दैत्य को देखकर, चंचल दृष्टि वाले, गरुड़वाहन (विष्णु) ने कहा—

श्लोक 33 (skanda.7.334.33)

अहो दैत्य महाबाहो मल्लयुद्धं ददस्व मे। त्वद्बाहुयुगलं दृष्ट्वा न युद्धे वांछितं मम

aho daitya mahābāho mallayuddhaṁ dadasva me| tvadbāhuyugalaṁ dṛṣṭvā na yuddhe vāṁchitaṁ mama

"अरे दैत्य महाबाहो, मुझसे मल्लयुद्ध कर; तेरी भुजाओं को देखकर मुझे साधारण युद्ध की इच्छा नहीं रही।"

श्लोक 34 (skanda.7.334.34)

नारायणवचः श्रुत्वा करमुद्यम्य दानवः। अभ्यधावत्तदा दैत्यः कालान्तकसमप्रभः

nārāyaṇavacaḥ śrutvā karamudyamya dānavaḥ| abhyadhāvattadā daityaḥ kālāntakasamaprabhaḥ

नारायण के वचन सुनकर वह दानव हाथ उठाकर दौड़ा, वह दैत्य कालान्तक के समान तेजस्वी था।

श्लोक 35 (skanda.7.334.35)

ततः प्रवर्तितं युद्धमन्योन्यं जयकांक्षिणोः। जंघाभ्यां पादबन्धेन बाहुभ्यां बाहुबंधनम्

tataḥ pravartitaṁ yuddhamanyonyaṁ jayakāṁkṣiṇoḥ| jaṁghābhyāṁ pādabandhena bāhubhyāṁ bāhubaṁdhanam

तब दोनों में परस्पर विजय की इच्छा से युद्ध छिड़ गया—जंघाओं से पैरों को बाँधकर, भुजाओं से भुजाओं को बाँधकर,

श्लोक 36 (skanda.7.334.36)

कंठेन बन्धयन्कंठमुदरेणोदरं तथा। एतस्मिन्नन्तरे देवाः सभयाः संबभूविरे

kaṁṭhena bandhayankaṁṭhamudareṇodaraṁ tathā| etasminnantare devāḥ sabhayāḥ saṁbabhūvire

कण्ठ से कण्ठ को और उदर से उदर को बाँधते हुए। इस बीच देवता भयभीत हो गए।

श्लोक 37 (skanda.7.334.37)

ततः पीडासमाक्रांतो विष्णुः संस्मरते हरम्। तत्क्षणादागतो रुद्रः किं करोमि महाबलः

tataḥ pīḍāsamākrāṁto viṣṇuḥ saṁsmarate haram| tatkṣaṇādāgato rudraḥ kiṁ karomi mahābalaḥ

तब पीड़ा से आक्रांत विष्णु ने हर का स्मरण किया; उसी क्षण महाबली रुद्र आ गए—"मैं क्या करूँ?"

श्लोक 38 (skanda.7.334.38)

विष्णुरुवाच। श्रांतोऽहं देवदेवेश मल्लयुद्धेन शंकर। तप्तोदकं कुरुष्वेह श्रमनाशाय सांप्रतम्

viṣṇuruvāca| śrāṁto'haṁ devadeveśa mallayuddhena śaṁkara| taptodakaṁ kuruṣveha śramanāśāya sāṁpratam

विष्णु ने कहा—"हे देवाधिदेव शंकर, मैं इस मल्लयुद्ध से थक गया हूँ; अभी यहाँ थकान दूर करने हेतु जल को तप्त कर दो,

श्लोक 39 (skanda.7.334.39)

ततस्तलं हनिष्यामि क्षणमात्रेण भैरवम्

tatastalaṁ haniṣyāmi kṣaṇamātreṇa bhairavam

तब मैं क्षणमात्र में भैरव तल का वध करूँगा।"

श्लोक 40 (skanda.7.334.40)

ईश्वर उवाच। आदौ कृतयुगे कृष्ण उमया यत्कृतं पुरा। ऋषीणां श्रमनाशार्थं तप्तोदं तत्र निर्मितम्

īśvara uvāca| ādau kṛtayuge kṛṣṇa umayā yatkṛtaṁ purā| ṛṣīṇāṁ śramanāśārthaṁ taptodaṁ tatra nirmitam

ईश्वर ने कहा—"कृतयुग के आरंभ में, हे कृष्ण, जो पूर्वकाल में उमा ने ऋषियों की थकान दूर करने हेतु वहाँ तप्तोदक बनाया था,

श्लोक 41 (skanda.7.334.41)

तद्दैत्यपापमाहात्म्यात्पुनः शीतलतां गतम्। पुनस्तदुष्णतां नीतं ततः कल्पांतसंस्थितौ

taddaityapāpamāhātmyātpunaḥ śītalatāṁ gatam| punastaduṣṇatāṁ nītaṁ tataḥ kalpāṁtasaṁsthitau

वह उस दैत्य के पाप-प्रभाव से फिर शीतल हो गया; फिर उसे उष्ण किया गया, और तब से वह कल्पान्त तक वैसा ही बना रहा।

श्लोक 42 (skanda.7.334.42)

एवमुक्त्वा तदा देवं वीक्षांचक्रे महेश्वरः। तृतीयलोचनेनैव ज्वालामालोपशोभिना

evamuktvā tadā devaṁ vīkṣāṁcakre maheśvaraḥ| tṛtīyalocanenaiva jvālāmālopaśobhinā

यह देव से कहकर महेश्वर ने अपने तीसरे नेत्र से ही, ज्वाला-माला से सुशोभित होकर, दृष्टिपात किया।

श्लोक 43 (skanda.7.334.43)

तेन ज्वालासमूहेन व्याप्तं कुण्डं चतुर्दिशम्। तप्तोदकुण्डमभवत्तेन ख्यातं धरातले

tena jvālāsamūhena vyāptaṁ kuṇḍaṁ caturdiśam| taptodakuṇḍamabhavattena khyātaṁ dharātale

उस ज्वालासमूह से कुण्ड चारों ओर व्याप्त हो गया; इसीसे वह तप्तोदकुण्ड कहलाया और पृथ्वी पर विख्यात हुआ।

श्लोक 44 (skanda.7.334.44)

ततो नारायणेनेह क्षालितं गात्रमुत्तमम्। क्षालनात्तस्य देवस्य श्रमो नाशमुपागमत्

tato nārāyaṇeneha kṣālitaṁ gātramuttamam| kṣālanāttasya devasya śramo nāśamupāgamat

तब नारायण ने वहाँ अपने उत्तम शरीर को धोया; उस स्नान से उस देव की थकान नष्ट हो गई।

श्लोक 45 (skanda.7.334.45)

ततस्तुष्टमना देवस्तीर्थानां दशकोटिकाः। स स्मृत्वा तत्र विधिवत्क्षिप्त्वा स्नात्वा वरानने

tatastuṣṭamanā devastīrthānāṁ daśakoṭikāḥ| sa smṛtvā tatra vidhivatkṣiptvā snātvā varānane

तब प्रसन्नचित्त देव ने वहाँ दस करोड़ तीर्थों का स्मरण कर, विधिपूर्वक उन्हें डालकर स्नान किया, हे वरानने।

श्लोक 46 (skanda.7.334.46)

ततश्चक्रे महायुद्धं तलेनातिभयंकरम्। जघान स तलं दैत्यं मुष्टिघातेन मस्तके

tataścakre mahāyuddhaṁ talenātibhayaṁkaram| jaghāna sa talaṁ daityaṁ muṣṭighātena mastake

तब उन्होंने तल के साथ अत्यंत भयंकर महायुद्ध किया; उन्होंने मुष्टिप्रहार से दैत्य तल के मस्तक पर आघात किया।

श्लोक 47 (skanda.7.334.47)

तस्मिन्प्रवृत्ते तुमुले तु युद्धे चकंपिरे भूभिसमेतलोकाः। वित्रस्तदेवा न दिशो विरेजुर्महांधकारावृतमूर्छितं जगत्

tasminpravṛtte tumule tu yuddhe cakaṁpire bhūbhisametalokāḥ| vitrastadevā na diśo virejurmahāṁdhakārāvṛtamūrchitaṁ jagat

उस भीषण युद्ध के छिड़ने पर पृथ्वीसहित सभी लोक काँप उठे; भयभीत देवताओं को दिशाएँ नहीं सूझीं, और जगत् महान अंधकार से आवृत होकर मूर्च्छित हो गया।

श्लोक 48 (skanda.7.334.48)

नष्टाश्च सिद्धा जगतोऽस्य शांतिं करोतु वै पापविनाशनो हरिः। त्राहीति देवेशि महर्षिसंघा भूतानि भीतानि तथा वदन्ति

naṣṭāśca siddhā jagato'sya śāṁtiṁ karotu vai pāpavināśano hariḥ| trāhīti deveśi maharṣisaṁghā bhūtāni bhītāni tathā vadanti

इस जगत् के सिद्ध नष्ट हो गए; "पापनाशक हरि शांति करें!", "रक्षा करो!"—ऐसा महर्षिगण और भयभीत प्राणी कहने लगे।

श्लोक 49 (skanda.7.334.49)

ततो वै मल्लयुद्धेन पातितो भुवि दानवः। कंठमाक्रम्य पादेन खङ्गेन परिपीडितः

tato vai mallayuddhena pātito bhuvi dānavaḥ| kaṁṭhamākramya pādena khaṅgena paripīḍitaḥ

तब मल्लयुद्ध से वह दानव भूमि पर गिरा दिया गया; पैर से उसका कण्ठ दबाकर तलवार से उसे पीड़ित किया गया।

श्लोक 50 (skanda.7.334.50)

हास्यं चकार दैत्योऽथ विष्णुनाऽऽक्रांतकंधरः। तमाह पुण्डरीकाक्ष किमेतद्धास्यकारणम्

hāsyaṁ cakāra daityo'tha viṣṇunā''krāṁtakaṁdharaḥ| tamāha puṇḍarīkākṣa kimetaddhāsyakāraṇam

तब विष्णु द्वारा कण्ठ दबाए जाने पर भी वह दैत्य हँस पड़ा। विष्णु ने उससे कहा—"हे पुण्डरीकाक्ष, इस हँसी का क्या कारण है?"

श्लोक 51 (skanda.7.334.51)

वृद्धौ हर्षमवाप्नोति क्षये भवति दुःखितः। इत्येषा लौकिकी गाथा तत्ते दैत्य विपर्ययः

vṛddhau harṣamavāpnoti kṣaye bhavati duḥkhitaḥ| ityeṣā laukikī gāthā tatte daitya viparyayaḥ

"उन्नति में हर्ष होता है, पतन में दुःख होता है—यह लौकिक कहावत है; पर तुझमें, हे दैत्य, यह उलटा है।"

श्लोक 52 (skanda.7.334.52)

इत्युक्तस्तु तदा दैत्यः प्रत्युवाच जनार्द्दनम्। अग्निष्टोमादिभिर्यज्ञैर्वेदाभ्यासैरनेकधा

ityuktastu tadā daityaḥ pratyuvāca janārddanam| agniṣṭomādibhiryajñairvedābhyāsairanekadhā

ऐसा कहे जाने पर दैत्य ने जनार्दन को उत्तर दिया—"अग्निष्टोम आदि यज्ञों से, अनेक प्रकार के वेदाभ्यास से,

श्लोक 53 (skanda.7.334.53)

नित्योपवासनियमैः स्नानदानैर्जपादिभिः। निर्मलैर्योगयुक्तैश्च प्राप्यते यत्परं पदम्

nityopavāsaniyamaiḥ snānadānairjapādibhiḥ| nirmalairyogayuktaiśca prāpyate yatparaṁ padam

नित्य उपवास-नियमों से, स्नान-दान-जप आदि से, निर्मल योगयुक्त पुरुषों को जो परम पद प्राप्त होता है,

श्लोक 54 (skanda.7.334.54)

तन्मया दुष्टभावेन प्राप्तं विष्णोः परं पदम्। इत्युक्ते भगवान्विष्णुर्वरदानपरोऽभवत्

tanmayā duṣṭabhāvena prāptaṁ viṣṇoḥ paraṁ padam| ityukte bhagavānviṣṇurvaradānaparo'bhavat

"वह विष्णु का परम पद मैंने दुष्टभाव से (शत्रुरूप में युद्ध द्वारा) प्राप्त कर लिया।" ऐसा कहे जाने पर भगवान् विष्णु वरदान देने को उद्यत हुए।

श्लोक 55 (skanda.7.334.55)

उवाच परमं वाक्यं तलं दैत्याधिनायकम्। वरं वरय दैत्येंद्र यत्ते मनसि संस्थितम्

uvāca paramaṁ vākyaṁ talaṁ daityādhināyakam| varaṁ varaya daityeṁdra yatte manasi saṁsthitam

उन्होंने दैत्यों के स्वामी तल से परम वचन कहा—"हे दैत्येन्द्र, जो तेरे मन में हो, वह वर माँग।"

श्लोक 56 (skanda.7.334.56)

इति विष्णोर्वचः श्रुत्वा प्रार्थयामास दानवः। ममाख्या वर्त्तते लोके तथा कुरु महीधर

iti viṣṇorvacaḥ śrutvā prārthayāmāsa dānavaḥ| mamākhyā varttate loke tathā kuru mahīdhara

विष्णु के ये वचन सुनकर दानव ने प्रार्थना की—"मेरा नाम लोक में बना रहे, ऐसा करो, हे महीधर।

श्लोक 57 (skanda.7.334.57)

मार्गमासे तु शुक्लायामेकादश्यां समाहितः। यस्त्वां पश्यति भावेन तस्य पापं विनश्यतु

mārgamāse tu śuklāyāmekādaśyāṁ samāhitaḥ| yastvāṁ paśyati bhāvena tasya pāpaṁ vinaśyatu

मार्गशीर्ष मास की शुक्ल एकादशी को जो एकाग्रचित्त होकर श्रद्धा से तुम्हारे दर्शन करे, उसका पाप नष्ट हो जाए।"

श्लोक 58 (skanda.7.334.58)

एवं भविष्यतीत्युक्त्वा देवो हर्षमुपागतः। नानादुंदुभयो नेदुः पुष्पवर्षं पपात च

evaṁ bhaviṣyatītyuktvā devo harṣamupāgataḥ| nānāduṁdubhayo neduḥ puṣpavarṣaṁ papāta ca

"ऐसा ही होगा" कहकर देव प्रसन्न हुए; अनेक दुंदुभियाँ बज उठीं और पुष्पवर्षा हुई।

श्लोक 59 (skanda.7.334.59)

विष्णोर्मूर्ध्नि महाभागे लोकाः स्वस्था बभूविरे। ततो देवगणाः सर्वे नृत्यंति च मुदान्विताः। वदंति हर्षसंयुक्ता नारायणपरायणाः

viṣṇormūrdhni mahābhāge lokāḥ svasthā babhūvire| tato devagaṇāḥ sarve nṛtyaṁti ca mudānvitāḥ| vadaṁti harṣasaṁyuktā nārāyaṇaparāyaṇāḥ

महाभाग विष्णु के मस्तक पर (आनंद बरसने से) सब लोक स्वस्थ हो गए; तब सभी देवगण हर्षित होकर नाचने लगे और नारायण-परायण होकर आनंदपूर्वक बोलने लगे—

श्लोक 60 (skanda.7.334.60)

एतत्तीर्थं महातीर्थं सर्वपापप्रणाशनम्। श्रमापनोदनं विष्णोर्ब्रह्महत्यादिशोधनम्

etattīrthaṁ mahātīrthaṁ sarvapāpapraṇāśanam| śramāpanodanaṁ viṣṇorbrahmahatyādiśodhanam

"यह तीर्थ महातीर्थ है, सब पापों का नाशक, विष्णु की थकान दूर करने वाला, ब्रह्महत्या आदि को शुद्ध करने वाला है।

श्लोक 61 (skanda.7.334.61)

स्थितो नारायणस्तत्र भैरवस्तत्र शंकरः। क्षेत्रपालस्वरूपेण कालमेघेति विश्रुतः

sthito nārāyaṇastatra bhairavastatra śaṁkaraḥ| kṣetrapālasvarūpeṇa kālamegheti viśrutaḥ

वहाँ नारायण स्थित हैं, वहीं भैरव शंकर भी क्षेत्रपाल-रूप में कालमेघ नाम से विख्यात हैं।

श्लोक 62 (skanda.7.334.62)

तस्य यात्राविधिं वक्ष्ये गत्वा तत्र शुचिर्नरः। स्मरेद्विष्णुं महादेवि तलस्वामीति यः श्रुतः

tasya yātrāvidhiṁ vakṣye gatvā tatra śucirnaraḥ| smaredviṣṇuṁ mahādevi talasvāmīti yaḥ śrutaḥ

अब मैं उसकी यात्रा-विधि कहता हूँ—वहाँ जाकर पवित्र होकर मनुष्य को विष्णु का स्मरण करना चाहिए, जो तलस्वामी नाम से विख्यात हैं, हे महादेवि।

श्लोक 63 (skanda.7.334.63)

स्तुयाद्विष्णुं महादेवि इदं विष्णुऋचा प्रिये। सहस्रशीर्षामंत्रेण तर्पणादि प्रकारयेत्

stuyādviṣṇuṁ mahādevi idaṁ viṣṇuṛcā priye| sahasraśīrṣāmaṁtreṇa tarpaṇādi prakārayet

हे महादेवि, इस विष्णु-ऋचा से विष्णु की स्तुति करनी चाहिए, हे प्रिये; सहस्रशीर्ष मंत्र से तर्पण आदि करना चाहिए।

श्लोक 64 (skanda.7.334.64)

एवं स्नात्वा विधानेन दत्त्वा चार्घ्यं जनार्द्दने। संपूज्य गंधपुष्पैश्च वस्त्रैः पुष्पानुलेपनैः

evaṁ snātvā vidhānena dattvā cārghyaṁ janārddane| saṁpūjya gaṁdhapuṣpaiśca vastraiḥ puṣpānulepanaiḥ

इस प्रकार विधिपूर्वक स्नान कर, जनार्दन को अर्घ्य देकर, गंध-पुष्पों, वस्त्रों तथा पुष्पानुलेपनों से उनकी पूजा कर,

श्लोक 65 (skanda.7.334.65)

मधुनेक्षुरसेनैव कुंकुमेन विलेपयेत्। कर्पूरोशीरमिश्रेण मृगनाभियुतेन च

madhunekṣurasenaiva kuṁkumena vilepayet| karpūrośīramiśreṇa mṛganābhiyutena ca

मधु, इक्षुरस और कुंकुम से, तथा कर्पूर-उशीर मिश्रित मृगनाभि (कस्तूरी) से उनका विलेपन करना चाहिए।

श्लोक 66 (skanda.7.334.66)

वस्त्रैः संवेष्टयेत्पश्चाद्दद्यान्नैवेद्यमुत्तमम्। धर्मश्रवणसंयुक्तं कार्यं जागरणं ततः

vastraiḥ saṁveṣṭayetpaścāddadyānnaivedyamuttamam| dharmaśravaṇasaṁyuktaṁ kāryaṁ jāgaraṇaṁ tataḥ

फिर वस्त्रों से लपेटकर उत्तम नैवेद्य अर्पित करना चाहिए; उसके बाद धर्मश्रवण सहित जागरण करना चाहिए।

श्लोक 67 (skanda.7.334.67)

वृषभस्तत्र दातव्यः सुवर्णं वस्त्रयुग्मकम्। विप्राय वेदयुक्ताय श्रोत्रियाय प्रदापयेत्

vṛṣabhastatra dātavyaḥ suvarṇaṁ vastrayugmakam| viprāya vedayuktāya śrotriyāya pradāpayet

वहाँ वृषभ, सुवर्ण और वस्त्रयुगल वेदयुक्त श्रोत्रिय ब्राह्मण को देना चाहिए।

श्लोक 68 (skanda.7.334.68)

उपवासं ततः कुर्यात्तस्मिन्नहनि भामिनि। रुक्मिणीं च प्रपश्येत नमस्कृत्य जनार्द्दनम्

upavāsaṁ tataḥ kuryāttasminnahani bhāmini| rukmiṇīṁ ca prapaśyeta namaskṛtya janārddanam

उस दिन उपवास करना चाहिए, हे भामिनि, और जनार्दन को नमस्कार कर रुक्मिणी के दर्शन करने चाहिए।

श्लोक 69 (skanda.7.334.69)

एवं कृत्वा नरो भक्त्या लभते जन्मजं फलम्। सर्वेषामेव यज्ञानां दानानां लभते फलम्

evaṁ kṛtvā naro bhaktyā labhate janmajaṁ phalam| sarveṣāmeva yajñānāṁ dānānāṁ labhate phalam

इस प्रकार भक्तिपूर्वक करने वाला मनुष्य जन्म-जन्म का फल पाता है; उसे सभी यज्ञों और दानों का फल प्राप्त होता है,

श्लोक 70 (skanda.7.334.70)

तथा च सर्वतीर्थानां व्रतानां लभते फलम्। उद्धरेत्तु पितुर्वर्गं मातृवर्गं तथैव च

tathā ca sarvatīrthānāṁ vratānāṁ labhate phalam| uddharettu piturvargaṁ mātṛvargaṁ tathaiva ca

तथा सभी तीर्थों और व्रतों का फल प्राप्त होता है; वह अपने पितृ-वर्ग और मातृ-वर्ग का उद्धार करता है।

श्लोक 71 (skanda.7.334.71)

जन्मप्रभृतिपापानां कृतानां नाशनं भवेत्। न दुःखं च न दारिद्र्यं दुर्भगत्वं न जायते

janmaprabhṛtipāpānāṁ kṛtānāṁ nāśanaṁ bhavet| na duḥkhaṁ ca na dāridryaṁ durbhagatvaṁ na jāyate

जन्म से किए गए पापों का नाश हो जाता है; न दुःख होता है, न दरिद्रता, न दुर्भाग्य प्राप्त होता है।

श्लोक 72 (skanda.7.334.72)

सप्त जन्मांतरं यावत्तलस्वामिप्रदर्शनात्। सुवर्णानां सहस्रेण ब्राह्मणे वेदपारगे। दत्तेन यत्फलं देवि तत्कुण्डे स्नानतो लभेत्

sapta janmāṁtaraṁ yāvattalasvāmipradarśanāt| suvarṇānāṁ sahasreṇa brāhmaṇe vedapārage| dattena yatphalaṁ devi tatkuṇḍe snānato labhet

सात जन्मों तक तलस्वामी के दर्शनमात्र से—वेदपारगामी ब्राह्मण को सहस्र स्वर्ण देने से जो फल मिलता है, हे देवि, वही फल उस कुण्ड में स्नान करने से प्राप्त होता है।

श्लोक 73 (skanda.7.334.73)

एवं तलस्वामिचरित्रमुत्तमं श्रुतं पुरा सिद्धमहर्षिसंघैः। श्रुत्वा प्रभावं तलदेवसन्निधौ प्राप्नोति सर्वं मनसा यदीप्सितम्

evaṁ talasvāmicaritramuttamaṁ śrutaṁ purā siddhamaharṣisaṁghaiḥ| śrutvā prabhāvaṁ taladevasannidhau prāpnoti sarvaṁ manasā yadīpsitam

इस प्रकार पूर्वकाल में सिद्धों और महर्षियों के समूह द्वारा सुना गया तलस्वामी का यह उत्तम चरित्र—जो कोई तल देव के समीप इस प्रभाव को सुनता है, वह मन से चाहा हुआ सब कुछ प्राप्त करता है।