शंखावर्त तीर्थ माहात्म्य वर्णन

श्लोक 1 (skanda.7.335.1)

ईश्वर उवाच। ततः पश्चिमतो गच्छेन्न्यंकुमत्यास्तटे शुभे। दक्षिणां दिशमाश्रित्य स्थितं तीर्थं महाप्रभम्

īśvara uvāca| tataḥ paścimato gacchennyaṁkumatyāstaṭe śubhe| dakṣiṇāṁ diśamāśritya sthitaṁ tīrthaṁ mahāprabham

ईश्वर ने कहा—फिर पश्चिम दिशा में न्यंकुमती नदी के शुभ तट पर, दक्षिण दिशा का आश्रय लेकर स्थित महाप्रभावशाली तीर्थ में जाना चाहिए।

श्लोक 2 (skanda.7.335.2)

शंखावर्त्तमितिख्यातं यत्र चित्रांकिता शिला। स्वयंभूता महादेवि रक्तगर्भा सुशोभना

śaṁkhāvarttamitikhyātaṁ yatra citrāṁkitā śilā| svayaṁbhūtā mahādevi raktagarbhā suśobhanā

वह शंखावर्त नाम से विख्यात है, जहाँ चित्रांकित, स्वयंभू, रक्तगर्भा और सुशोभित शिला है, हे महादेवि।

श्लोक 3 (skanda.7.335.3)

छिन्ने त्वद्यापि तत्रैव सुरक्तं संप्रदृश्यते। विष्णुक्षेत्रं हि तत्प्रोक्तं शंखो यत्र हतः पुरा

chinne tvadyāpi tatraiva suraktaṁ saṁpradṛśyate| viṣṇukṣetraṁ hi tatproktaṁ śaṁkho yatra hataḥ purā

उसे काटने पर आज भी वहाँ गहरा लाल रंग दिखाई देता है। वह विष्णुक्षेत्र कहा गया है, जहाँ पूर्वकाल में शंख (दैत्य) मारा गया था।

श्लोक 4 (skanda.7.335.4)

वेदापहारी देवेशि विष्णुना प्रभविष्णुना। कृतं शखोदकं तीर्थं शंखाकारं तु दृश्यते

vedāpahārī deveśi viṣṇunā prabhaviṣṇunā| kṛtaṁ śakhodakaṁ tīrthaṁ śaṁkhākāraṁ tu dṛśyate

हे देवेशि, वेदों का अपहरण करने वाले उस (शंख) को सर्वशक्तिमान् विष्णु ने मारा; वहाँ शंखोदक तीर्थ बना, जो शंख के आकार का दिखाई देता है।

श्लोक 5 (skanda.7.335.5)

तत्र स्नात्वा नरो देवि मुच्यते ब्रह्महत्यया। सप्त जन्मानि विप्रत्वं शूद्रस्यापि प्रजा यते

tatra snātvā naro devi mucyate brahmahatyayā| sapta janmāni vipratvaṁ śūdrasyāpi prajā yate

हे देवि, वहाँ स्नान कर मनुष्य ब्रह्महत्या के पाप से मुक्त हो जाता है; शूद्र को भी सात जन्मों तक ब्राह्मणत्व प्राप्त होता है।

श्लोक 6 (skanda.7.335.6)

पूर्वं तत्रैव गत्वा च ततो रुद्रगयां व्रजेत्। गोदानं तत्र देयं तु सम्यग्यात्राफलेप्सुभिः

pūrvaṁ tatraiva gatvā ca tato rudragayāṁ vrajet| godānaṁ tatra deyaṁ tu samyagyātrāphalepsubhiḥ

पहले वहीं जाकर फिर रुद्रगया को जाना चाहिए; यात्रा का सम्यक् फल चाहने वालों को वहाँ गोदान करना चाहिए।