नारायणगृह माहात्म्य वर्णन

श्लोक 1 (skanda.7.337.1)

ईश्वर उवाच। ततो गच्छेन्महादेवि नारायणगृहं परम्। गोष्पदाद्दक्षिणे भागे सागरस्य तटे शुभे

īśvara uvāca| tato gacchenmahādevi nārāyaṇagṛhaṁ param| goṣpadāddakṣiṇe bhāge sāgarasya taṭe śubhe

ईश्वर ने कहा—हे महादेवि, फिर गोष्पद से दक्षिण दिशा में, सागर के शुभ तट पर स्थित परम नारायणगृह को जाना चाहिए।

श्लोक 2 (skanda.7.337.2)

न्यंकुमत्याः समीपे तु सर्वपातकनाशने। तत्रकल्पांतरस्थायी स्वयं तिष्ठति केशवः

nyaṁkumatyāḥ samīpe tu sarvapātakanāśane| tatrakalpāṁtarasthāyī svayaṁ tiṣṭhati keśavaḥ

सर्वपापनाशक न्यंकुमती के समीप वहाँ केशव स्वयं कल्पांतर तक स्थित रहते हैं।

श्लोक 3 (skanda.7.337.3)

पितॄणामुद्धरणार्थाय ह्यस्मिन्रौद्रे कलौ युगे। यदा दैत्यविनाशं स कुरुते भगवान्हरिः

pitṝṇāmuddharaṇārthāya hyasminraudre kalau yuge| yadā daityavināśaṁ sa kurute bhagavānhariḥ

इस भीषण कलियुग में पितरों के उद्धार हेतु, जब भगवान् हरि दैत्यों का विनाश करते हैं,

श्लोक 4 (skanda.7.337.4)

विश्रामार्थं तदा तत्र गृहे तिष्ठति नित्यशः। नारायणगृहं तेन विख्यातं जगतीतले

viśrāmārthaṁ tadā tatra gṛhe tiṣṭhati nityaśaḥ| nārāyaṇagṛhaṁ tena vikhyātaṁ jagatītale

तब विश्राम के लिए वे सदैव उस गृह में निवास करते हैं; इसीसे वह पृथ्वीतल पर नारायणगृह नाम से विख्यात है।

श्लोक 5 (skanda.7.337.5)

कृते जनार्दनोनाम त्रेतायां मधुसूदनः। द्वापरे पुण्डरीकाक्षः कलौ नारायणः स्मृतः

kṛte janārdanonāma tretāyāṁ madhusūdanaḥ| dvāpare puṇḍarīkākṣaḥ kalau nārāyaṇaḥ smṛtaḥ

कृतयुग में जनार्दन नाम से, त्रेता में मधुसूदन, द्वापर में पुण्डरीकाक्ष, कलियुग में नारायण नाम से वे स्मरण किए जाते हैं।

श्लोक 6 (skanda.7.337.6)

एवं चतुर्युगे प्राप्ते पुनःपुनररिन्दम। कृत्वा धर्मव्यवस्थानं तत्स्थानं प्रतिपद्यते

evaṁ caturyuge prāpte punaḥpunararindama| kṛtvā dharmavyavasthānaṁ tatsthānaṁ pratipadyate

इस प्रकार, हे अरिंदम, प्रत्येक चतुर्युग में बारंबार धर्म की व्यवस्था करके वे उसी स्थान को प्राप्त होते हैं।

श्लोक 7 (skanda.7.337.7)

एकादश्यां निराहारो यस्तं देवं प्रपश्यति। स पश्यति ध्रुवं स्थाने प्रत्यानन्तं हरेः पदम्

ekādaśyāṁ nirāhāro yastaṁ devaṁ prapaśyati| sa paśyati dhruvaṁ sthāne pratyānantaṁ hareḥ padam

एकादशी को निराहार रहकर जो उस देव के दर्शन करता है, वह उसी स्थान में हरि के अविनाशी चरणों के दर्शन निश्चय ही पाता है।

श्लोक 8 (skanda.7.337.8)

तेन पीतानि वस्त्राणि देयानि द्विजपुंगवे। स्नानं श्राद्धं च कर्तव्यं सम्यग्यात्राफलेप्सुभिः

tena pītāni vastrāṇi deyāni dvijapuṁgave| snānaṁ śrāddhaṁ ca kartavyaṁ samyagyātrāphalepsubhiḥ

उसके द्वारा श्रेष्ठ ब्राह्मण को पीले वस्त्र देने चाहिए; यात्रा का सम्यक् फल चाहने वालों को स्नान और श्राद्ध करना चाहिए।

श्लोक 9 (skanda.7.337.9)

इति ते कथितं महाप्रभावं हरिसंकेतनिकेतनोद्भवम्। शृणुते वा प्रयतस्तु यः सुधीः पठते वा लभते स सद्गतिम्

iti te kathitaṁ mahāprabhāvaṁ harisaṁketaniketanodbhavam| śṛṇute vā prayatastu yaḥ sudhīḥ paṭhate vā labhate sa sadgatim

इस प्रकार तुम्हें हरि के इस चिह्नित निवास से उत्पन्न महाप्रभाव कहा गया; जो संयमी सुधी पुरुष इसे सुनता या पढ़ता है, वह सद्गति पाता है।