जालेश्वर माहात्म्य वर्णन (आपस्तंब-नाभाग आख्यान)

श्लोक 1 (skanda.7.338.1)

ईश्वर उवाच। ततो गच्छेन्महादेवि देविकातटसंस्थितम्। जालेश्वरेति विख्यातं सुरासुरनमस्कृतम्

īśvara uvāca| tato gacchenmahādevi devikātaṭasaṁsthitam| jāleśvareti vikhyātaṁ surāsuranamaskṛtam

ईश्वर ने कहा—हे महादेवि, फिर देविका के तट पर स्थित, देव-दानवों द्वारा नमस्कृत जालेश्वर नामक लिंग के पास जाना चाहिए।

श्लोक 2 (skanda.7.338.2)

मन्वन्तरे चाक्षुषे च सम्प्राप्ते द्वापरे युगे। नाम्ना जालेश्वरं लिंगं देविकातटसंस्थितम्

manvantare cākṣuṣe ca samprāpte dvāpare yuge| nāmnā jāleśvaraṁ liṁgaṁ devikātaṭasaṁsthitam

चाक्षुष मन्वन्तर में, द्वापर युग आने पर, देविका के तट पर स्थित जालेश्वर नामक लिंग प्रकट हुआ,

श्लोक 3 (skanda.7.338.3)

पूज्यते नागकन्याभिर्न तत्पश्यंति मानवाः। महा तेजोमणिमयं चंद्रबिंबसमप्रभम्। स्मरणात्तस्य देवस्य ब्रह्महत्या प्रणश्यति

pūjyate nāgakanyābhirna tatpaśyaṁti mānavāḥ| mahā tejomaṇimayaṁ caṁdrabiṁbasamaprabham| smaraṇāttasya devasya brahmahatyā praṇaśyati

जिसकी नागकन्याएँ पूजा करती हैं, जिसे मनुष्य नहीं देख पाते—वह महातेजस्वी, मणिमय, चंद्रबिंब के समान प्रभावाला है; उस देव के स्मरणमात्र से ब्रह्महत्या नष्ट हो जाती है।

श्लोक 4 (skanda.7.338.4)

देव्युवाच। कथं जालेश्वरं नाम कस्मिन्काले बभूव तत्

devyuvāca| kathaṁ jāleśvaraṁ nāma kasminkāle babhūva tat

देवी ने कहा—यह जालेश्वर नाम कैसे पड़ा, और किस काल में यह हुआ?

श्लोक 5 (skanda.7.338.5)

साधुभिः सह संवासात्के गुणाः परिकीर्त्तिताः। के लोकाः कानि पुण्यानि तत्सर्वं शंस मे प्रभो

sādhubhiḥ saha saṁvāsātke guṇāḥ parikīrttitāḥ| ke lokāḥ kāni puṇyāni tatsarvaṁ śaṁsa me prabho

साधुओं के साथ निवास से कौन-से गुण कहे गए हैं? कौन-से लोक, कौन-से पुण्य—हे प्रभो, वह सब मुझे बताइए।

श्लोक 6 (skanda.7.338.6)

ईश्वर उवाच। अत्रैवोदाहरंतीममितिहासं पुरातनम्। नाभागस्य च संवादमापस्तंबतपोनिधेः

īśvara uvāca| atraivodāharaṁtīmamitihāsaṁ purātanam| nābhāgasya ca saṁvādamāpastaṁbataponidheḥ

ईश्वर ने कहा—इस विषय में लोग इस पुरातन इतिहास को उदाहरणस्वरूप कहते हैं—तपोनिधि आपस्तंब और नाभाग का यह संवाद।

श्लोक 7 (skanda.7.338.7)

महर्षिरात्मवान्पूर्वमापस्तंबो द्विजाग्रणीः। उपावसन्सदा रम्भो बभूव भगवांस्तदा

maharṣirātmavānpūrvamāpastaṁbo dvijāgraṇīḥ| upāvasansadā rambho babhūva bhagavāṁstadā

पूर्वकाल में आत्मवान्, द्विजों में अग्रणी महर्षि आपस्तंब थे; वे सदा प्रसन्नचित्त होकर वहाँ निवास करते थे, वे भगवान् थे।

श्लोक 8 (skanda.7.338.8)

नित्यं क्रोधं च लोभं च मोहं द्रोहं विसृज्य सः। देविकासरितो मध्ये विवेश सलिलाशये

nityaṁ krodhaṁ ca lobhaṁ ca mohaṁ drohaṁ visṛjya saḥ| devikāsarito madhye viveśa salilāśaye

क्रोध, लोभ, मोह और द्रोह को सदा के लिए त्यागकर उन्होंने देविका नदी के मध्य जलाशय में प्रवेश किया,

श्लोक 9 (skanda.7.338.9)

क्षेत्रे प्राभासिके रम्ये सम्यग्ज्ञात्वा शिवप्रिये। तत्रास्य वसतः कालः समतीतो महांस्तदा

kṣetre prābhāsike ramye samyagjñātvā śivapriye| tatrāsya vasataḥ kālaḥ samatīto mahāṁstadā

शिवप्रिय रमणीय प्राभासिक क्षेत्र को भलीभाँति जानकर; वहाँ निवास करते हुए उनका बहुत लंबा समय बीत गया,

श्लोक 10 (skanda.7.338.10)

परेण ध्यानयोगेन स्थाणुभूतस्य तिष्ठतः। ततः कदाचिदागत्य तं देशं मत्स्यजीविनः

pareṇa dhyānayogena sthāṇubhūtasya tiṣṭhataḥ| tataḥ kadācidāgatya taṁ deśaṁ matsyajīvinaḥ

परम ध्यानयोग से स्थाणुवत् स्थिर रहते हुए। तब किसी समय मछुआरे उस स्थान पर आए,

श्लोक 11 (skanda.7.338.11)

प्रसार्य सुमहज्जालं सर्वे चाकर्षयन्बलात्। अथ तं च महामत्स्यं निषादा बलदर्पिताः

prasārya sumahajjālaṁ sarve cākarṣayanbalāt| atha taṁ ca mahāmatsyaṁ niṣādā baladarpitāḥ

और विशाल जाल फैलाकर सब बलपूर्वक उसे खींचने लगे; तब बलगर्वित निषादों ने, उसे महामत्स्य समझकर,

श्लोक 12 (skanda.7.338.12)

तस्मादुत्तारयामासुः सलिलाद्ब्रह्मनंदनम्। तं दृष्ट्वा तपसा दीप्तं कैवर्त्ता भयविह्वलाः। शिरोभिः प्रणिपत्योच्चैरिदं वचनमब्रुवन्

tasmāduttārayāmāsuḥ salilādbrahmanaṁdanam| taṁ dṛṣṭvā tapasā dīptaṁ kaivarttā bhayavihvalāḥ| śirobhiḥ praṇipatyoccairidaṁ vacanamabruvan

जल से ब्रह्मनंदन को बाहर निकाला; तप से देदीप्यमान उन्हें देखकर भयविह्वल मछुआरे सिर झुकाकर प्रणाम करते हुए उच्च स्वर से यह वचन बोले—

श्लोक 13 (skanda.7.338.13)

निषादा ऊचुः। अज्ञानात्कृतपापानामस्माकं क्षन्तुमर्हसि। किं वा कार्यं प्रियं तेऽद्य तदाज्ञापय सुव्रत

niṣādā ūcuḥ| ajñānātkṛtapāpānāmasmākaṁ kṣantumarhasi| kiṁ vā kāryaṁ priyaṁ te'dya tadājñāpaya suvrata

निषादों ने कहा—"अज्ञानवश किए गए पापों के लिए हमें क्षमा करें। आज आपको जो प्रिय कार्य हो, वह आज्ञा दीजिए, हे सुव्रत।"

श्लोक 14 (skanda.7.338.14)

स मुनिस्तन्महद्दृष्ट्वा मत्स्यानां कदनं कृतम्। कृपया परयाविष्टो दाशान्प्रोवाच दुःखितः

sa munistanmahaddṛṣṭvā matsyānāṁ kadanaṁ kṛtam| kṛpayā parayāviṣṭo dāśānprovāca duḥkhitaḥ

उस मुनि ने मछलियों का वह महान वध देखकर, परम करुणा से आविष्ट होकर, दुःखी होते हुए मछुआरों से कहा—

श्लोक 15 (skanda.7.338.15)

केन मे स्यादुपायो हि सर्वे स्वार्थे बत स्थिताः। ज्ञानिनामपि यच्चेतः केवलात्महिते रतम्

kena me syādupāyo hi sarve svārthe bata sthitāḥ| jñānināmapi yaccetaḥ kevalātmahite ratam

"मेरा क्या उपाय हो सकता है? हाय, सभी प्राणी स्वार्थ में ही स्थित हैं; ज्ञानियों का चित्त भी केवल अपने ही हित में रत रहता है।

श्लोक 16 (skanda.7.338.16)

ज्ञानिनोपि यदा स्वार्थमाश्रित्य ध्यानमास्थिताः। दुःखार्त्तानीह सत्त्वानि क्व यास्यंति सुखं ततः

jñāninopi yadā svārthamāśritya dhyānamāsthitāḥ| duḥkhārttānīha sattvāni kva yāsyaṁti sukhaṁ tataḥ

जब ज्ञानी भी स्वार्थ का आश्रय लेकर ध्यान में स्थित रहते हैं, तो दुःखी प्राणियों को सुख कहाँ से मिलेगा?

श्लोक 17 (skanda.7.338.17)

योऽभिवांछति भोक्तुं वै दुःखान्येकांततो जनः। पापात्पापतरं तं हि प्रवदंति मुमुक्षवः

yo'bhivāṁchati bhoktuṁ vai duḥkhānyekāṁtato janaḥ| pāpātpāpataraṁ taṁ hi pravadaṁti mumukṣavaḥ

जो मनुष्य दूसरों को दुःखी छोड़कर स्वयं ही एकांत सुख भोगना चाहता है, मुमुक्षुजन उसे पाप से भी बढ़कर पापी कहते हैं।

श्लोक 18 (skanda.7.338.18)

को नु मे स्यादुपायो हि येनाहं दुःखितात्मवान्। अंतः प्रविष्टः सत्त्वानां भवेयं सर्वदुःखभुक्

ko nu me syādupāyo hi yenāhaṁ duḥkhitātmavān| aṁtaḥ praviṣṭaḥ sattvānāṁ bhaveyaṁ sarvaduḥkhabhuk

मेरे लिए ऐसा क्या उपाय हो, जिससे मैं दुःखी होकर सब प्राणियों के भीतर प्रवेश कर, उन सबका दुःख स्वयं भोग लूँ?

श्लोक 19 (skanda.7.338.19)

यन्ममास्ति शुभं किचित्तदेनानुपगच्छतु। यत्कृतं दुष्कृतं तैश्च तदशेषमुपेतु माम्

yanmamāsti śubhaṁ kicittadenānupagacchatu| yatkṛtaṁ duṣkṛtaṁ taiśca tadaśeṣamupetu mām

मेरे पास जो भी शुभ है, वह इन्हें प्राप्त हो; और इन्होंने जो भी दुष्कर्म किया है, वह सब मुझ पर आ जाए।

श्लोक 20 (skanda.7.338.20)

दृष्ट्वांधान्कृपणान्व्यंगाननाथान्रोगिणस्तथा। दया न जायते यस्य स रक्ष इति मे मतिः

dṛṣṭvāṁdhānkṛpaṇānvyaṁgānanāthānrogiṇastathā| dayā na jāyate yasya sa rakṣa iti me matiḥ

अंधों, दीनों, विकलांगों, अनाथों और रोगियों को देखकर जिसके मन में दया नहीं उपजती, वह राक्षस है—ऐसा मेरा मत है।

श्लोक 21 (skanda.7.338.21)

प्राणसंशयमापन्नान्प्राणिनो भयविह्वलान्। यो न रक्षति शक्तोपि स तत्पापं समश्नुते

prāṇasaṁśayamāpannānprāṇino bhayavihvalān| yo na rakṣati śaktopi sa tatpāpaṁ samaśnute

प्राण-संकट में पड़े, भय से व्याकुल प्राणियों की रक्षा जो समर्थ होते हुए भी नहीं करता, वह उसी पाप का भागी होता है।

श्लोक 22 (skanda.7.338.22)

आहुर्जनानामार्त्तानां सुखं यदुपजायते। तस्य स्वर्गोऽपवर्गो वा कलां नार्हति षोडशीम्

āhurjanānāmārttānāṁ sukhaṁ yadupajāyate| tasya svargo'pavargo vā kalāṁ nārhati ṣoḍaśīm

कहा गया है कि दुःखी लोगों की रक्षा से जो सुख उत्पन्न होता है, उसकी सोलहवीं कला के बराबर भी स्वर्ग या मोक्ष नहीं है।

श्लोक 23 (skanda.7.338.23)

तस्मान्नैतानहं दीनांस्त्यक्त्वा मीनान्सुदुःखितान्। पदमात्रं तु यास्यामि किं पुनस्त्रिदशालयम्

tasmānnaitānahaṁ dīnāṁstyaktvā mīnānsuduḥkhitān| padamātraṁ tu yāsyāmi kiṁ punastridaśālayam

इसलिए इन दीन, अत्यंत दुःखी मछलियों को त्यागकर मैं एक पग भी आगे नहीं जाऊँगा, स्वर्गलोक की तो बात ही क्या।"

श्लोक 24 (skanda.7.338.24)

ईश्वर उवाच। निशम्यैतदृषेर्वाक्यं दाशास्ते जातसंभ्रमाः। यथावृत्तं तु तत्सर्वं नाभागाय न्यवेदयन्

īśvara uvāca| niśamyaitadṛṣervākyaṁ dāśāste jātasaṁbhramāḥ| yathāvṛttaṁ tu tatsarvaṁ nābhāgāya nyavedayan

ईश्वर ने कहा—ऋषि के इस वचन को सुनकर वे भयभीत मछुआरे, जो कुछ हुआ था वह सब नाभाग को यथावत् निवेदन करने गए।

श्लोक 25 (skanda.7.338.25)

नाभागोऽपि ततः श्रुत्वा तं द्रष्टुं ब्रह्मनन्दनम्। त्वरितः प्रययौ तत्र सामात्यः सपुरोहितः

nābhāgo'pi tataḥ śrutvā taṁ draṣṭuṁ brahmanandanam| tvaritaḥ prayayau tatra sāmātyaḥ sapurohitaḥ

नाभाग भी यह सुनकर उस ब्रह्मनंदन के दर्शन हेतु अमात्यों और पुरोहित सहित शीघ्र वहाँ गए।

श्लोक 26 (skanda.7.338.26)

स सम्यक्पूजयित्वा तं देवकल्पमुनिं नृपः। प्रोवाच भगवन्ब्रूहि किं करोमि तवाज्ञया

sa samyakpūjayitvā taṁ devakalpamuniṁ nṛpaḥ| provāca bhagavanbrūhi kiṁ karomi tavājñayā

उस देवतुल्य मुनि की भलीभाँति पूजा कर राजा ने कहा—"हे भगवन्, कहिए, आपकी आज्ञा से मैं क्या करूँ?"

श्लोक 27 (skanda.7.338.27)

आपस्तंब उवाच। श्रमेण महताविष्टाः कैवर्त्ता दुःखजीविनः। मम मूल्यं प्रयच्छेति यद्योग्यं मन्यसे नृप

āpastaṁba uvāca| śrameṇa mahatāviṣṭāḥ kaivarttā duḥkhajīvinaḥ| mama mūlyaṁ prayaccheti yadyogyaṁ manyase nṛpa

आपस्तंब ने कहा—"बड़े परिश्रम से पीड़ित, दुःखपूर्वक जीवन बिताने वाले मछुआरों के लिए मेरा मूल्य दो, जो तुम्हें उचित लगे, हे राजन्।"

श्लोक 28 (skanda.7.338.28)

नाभाग उवाच। सहस्राणां शतं मूल्यं निषादेभ्यो ददाम्यहम्। निग्रहाख्यस्य भगवन्यथाह ब्रह्मनंदनः

nābhāga uvāca| sahasrāṇāṁ śataṁ mūlyaṁ niṣādebhyo dadāmyaham| nigrahākhyasya bhagavanyathāha brahmanaṁdanaḥ

नाभाग ने कहा—"मैं निषादों की मुक्ति के लिए एक लाख स्वर्णमुद्राएँ मूल्यस्वरूप देता हूँ, जैसा कि आप ब्रह्मनंदन ने ही कहा है, हे भगवन्।"

श्लोक 29 (skanda.7.338.29)

आपस्तंब उवाच। नाहं शतसहस्रैश्च नियम्यः पार्थिव त्वया। सदृशं दीयतां मूल्यममात्यैः सह चिंतय

āpastaṁba uvāca| nāhaṁ śatasahasraiśca niyamyaḥ pārthiva tvayā| sadṛśaṁ dīyatāṁ mūlyamamātyaiḥ saha ciṁtaya

आपस्तंब ने कहा—"मैं एक लाख से मुक्त नहीं किया जा सकता, हे राजन्। उचित मूल्य दो—अपने अमात्यों के साथ विचार करो।"

श्लोक 30 (skanda.7.338.30)

नाभाग उवाच। कोटिः प्रदीयतां मूल्यं निषादेभ्यो द्विजोत्तम। यद्येतदपि ते मूल्यं ततो भूयः प्रदीयते

nābhāga uvāca| koṭiḥ pradīyatāṁ mūlyaṁ niṣādebhyo dvijottama| yadyetadapi te mūlyaṁ tato bhūyaḥ pradīyate

नाभाग ने कहा—"निषादों को एक करोड़ मूल्य दिया जाए, हे द्विजोत्तम। यदि यह भी आपका मूल्य नहीं है, तो और अधिक दिया जाएगा।"

श्लोक 31 (skanda.7.338.31)

आपस्तंब उवाच। नार्हं मूल्यं च मे कोटिरधिकं वापि पार्थिव। सदृशं दीयतां मूल्यं ब्राह्मणैः सह चिंतय

āpastaṁba uvāca| nārhaṁ mūlyaṁ ca me koṭiradhikaṁ vāpi pārthiva| sadṛśaṁ dīyatāṁ mūlyaṁ brāhmaṇaiḥ saha ciṁtaya

आपस्तंब ने कहा—"न करोड़ और न उससे अधिक भी मेरे लिए उचित मूल्य है, हे राजन्। उचित मूल्य दो—ब्राह्मणों के साथ विचार करो।"

श्लोक 32 (skanda.7.338.32)

महर्षेस्तद्वचः श्रुत्वा नाभागः स विषादवान्। चिन्तयामास दुःखार्तः सामात्यः सपुरोहितः

maharṣestadvacaḥ śrutvā nābhāgaḥ sa viṣādavān| cintayāmāsa duḥkhārtaḥ sāmātyaḥ sapurohitaḥ

महर्षि के इस वचन को सुनकर विषादग्रस्त नाभाग अमात्यों और पुरोहित सहित दुःखार्त होकर चिंतन करने लगे।

श्लोक 33 (skanda.7.338.33)

ततः कश्चिदृषिस्तत्र लोमशस्तु महातपाः। नाभागमब्रवीन्मा भैस्तोषयिष्यामि तं मुनिम्

tataḥ kaścidṛṣistatra lomaśastu mahātapāḥ| nābhāgamabravīnmā bhaistoṣayiṣyāmi taṁ munim

तब वहाँ महातपस्वी लोमश नामक एक ऋषि ने नाभाग से कहा—"मत डरो, मैं उस मुनि को संतुष्ट कर दूँगा।"

श्लोक 34 (skanda.7.338.34)

नाभाग उवाच। ब्रूहि मूल्यं महाभाग मुनेरस्य महात्मनः। परित्रायस्व मामस्मात्सज्ञातिकुलबांधवम्

nābhāga uvāca| brūhi mūlyaṁ mahābhāga munerasya mahātmanaḥ| paritrāyasva māmasmātsajñātikulabāṁdhavam

नाभाग ने कहा—"हे महाभाग, इस महात्मा मुनि का मूल्य बताइए; मुझे और मेरे सगे-संबंधियों को इससे बचाइए।

श्लोक 35 (skanda.7.338.35)

निर्दहेद्भगवान्रुद्रस्त्रैलोक्यं सचराचरम्। किं पुनर्मानुषं हीनमत्यंतविषयात्मकम्

nirdahedbhagavānrudrastrailokyaṁ sacarācaram| kiṁ punarmānuṣaṁ hīnamatyaṁtaviṣayātmakam

भगवान् रुद्र तो चराचर सहित तीनों लोकों को क्षणभर में भस्म कर सकते हैं, फिर विषयासक्त तुच्छ मनुष्य की तो बात ही क्या।"

श्लोक 36 (skanda.7.338.36)

लोमश उवाच। त्वमीड्यो हि महाराज जगत्पूज्यो द्विजोत्तमः। गावश्च दिव्यास्तस्माद्गौर्मूल्यमम्यै प्रदीयताम्

lomaśa uvāca| tvamīḍyo hi mahārāja jagatpūjyo dvijottamaḥ| gāvaśca divyāstasmādgaurmūlyamamyai pradīyatām

लोमश ने कहा—"हे महाराज, तुम स्तुत्य और जगत्पूज्य द्विजोत्तम हो; और गौएँ दिव्य हैं, इसलिए उनके मूल्यस्वरूप एक गौ दी जाए।"

श्लोक 37 (skanda.7.338.37)

तच्छ्रुत्वा वचनं राजा सामात्यः सपुरोहितः। हर्षेण महताविष्टः प्रोवाचेदं वचोमुनिम्

tacchrutvā vacanaṁ rājā sāmātyaḥ sapurohitaḥ| harṣeṇa mahatāviṣṭaḥ provācedaṁ vacomunim

यह सुनकर राजा ने अमात्यों और पुरोहित सहित अत्यंत हर्षित होकर मुनि से यह वचन कहा—

श्लोक 38 (skanda.7.338.38)

उत्तिष्ठोत्तिष्ठ भगवन्क्रीत एव न संशयः। एतद्योग्यतमं मूल्यं भवतो मुनिसत्तम

uttiṣṭhottiṣṭha bhagavankrīta eva na saṁśayaḥ| etadyogyatamaṁ mūlyaṁ bhavato munisattama

"उठिए, उठिए, हे भगवन्! आप निश्चय ही मुक्त हो गए हैं; हे मुनिसत्तम, यही आपके लिए सर्वथा उचित मूल्य है।"

श्लोक 39 (skanda.7.338.39)

आपस्तंब उवाच। उत्तिष्ठाम्येष सुप्रीतः सम्यक्क्रीतोऽस्मि पार्थिव। गोभ्यो मूल्यं न पश्यामि पवित्रं परमं भुवि

āpastaṁba uvāca| uttiṣṭhāmyeṣa suprītaḥ samyakkrīto'smi pārthiva| gobhyo mūlyaṁ na paśyāmi pavitraṁ paramaṁ bhuvi

आपस्तंब ने कहा—"मैं प्रसन्न होकर उठता हूँ, हे राजन्, मैं भलीभाँति मुक्त हो गया हूँ। गौओं से बढ़कर पृथ्वी पर मुझे कोई परम पवित्र मूल्य नहीं दिखता।

श्लोक 40 (skanda.7.338.40)

गावः प्रदक्षिणीकार्याः पूजनीयाश्च नित्यशः। मंगलायतनं देव्यः सृष्टा ह्येताः स्वयंभुवा

gāvaḥ pradakṣiṇīkāryāḥ pūjanīyāśca nityaśaḥ| maṁgalāyatanaṁ devyaḥ sṛṣṭā hyetāḥ svayaṁbhuvā

गौओं की सदा प्रदक्षिणा और पूजा करनी चाहिए; ये मंगल की आधारभूमि, स्वयंभू द्वारा सृजित देवियाँ हैं।

श्लोक 41 (skanda.7.338.41)

अग्न्यगाराणि विप्राणां देवतायतनानि च। यद्गोमयेन शुद्ध्यंति किंभूतमधिकं ततः

agnyagārāṇi viprāṇāṁ devatāyatanāni ca| yadgomayena śuddhyaṁti kiṁbhūtamadhikaṁ tataḥ

ब्राह्मणों के अग्निगृह और देवालय भी गोबर से शुद्ध होते हैं—उससे अधिक पवित्र और क्या है?

श्लोक 42 (skanda.7.338.42)

गोमूत्रं गोमयं क्षीरं दधि सर्पिस्तथैव च। गवां पंच पवित्राणि पुनंति सकलं जगत्

gomūtraṁ gomayaṁ kṣīraṁ dadhi sarpistathaiva ca| gavāṁ paṁca pavitrāṇi punaṁti sakalaṁ jagat

गोमूत्र, गोबर, दूध, दही और घृत—गौ के ये पाँच पवित्र पदार्थ संपूर्ण जगत् को पवित्र करते हैं।

श्लोक 43 (skanda.7.338.43)

गावो ममाग्रतो नित्यं गावः पृष्ठत एव च। गावो मे ह्रदये चैव गवां मध्ये वसाम्यहम

gāvo mamāgrato nityaṁ gāvaḥ pṛṣṭhata eva ca| gāvo me hradaye caiva gavāṁ madhye vasāmyahama

गौएँ सदा मेरे आगे हैं, गौएँ मेरे पीछे भी हैं; गौएँ मेरे हृदय में हैं, और मैं गौओं के मध्य निवास करता हूँ।

श्लोक 44 (skanda.7.338.44)

एवं जपन्नरो मंत्रं त्रिसंध्यं नियतः शुचिः। मुच्यते सर्वपापेभ्यः स्वर्गलोकं च गच्छति

evaṁ japannaro maṁtraṁ trisaṁdhyaṁ niyataḥ śuciḥ| mucyate sarvapāpebhyaḥ svargalokaṁ ca gacchati

इस मंत्र को त्रिसंध्या नियमपूर्वक पवित्र होकर जपने वाला मनुष्य सब पापों से मुक्त होकर स्वर्गलोक जाता है।

श्लोक 45 (skanda.7.338.45)

तृणाहारपरा गावः कर्त्तव्या भक्तितोऽन्वहम्। अकृत्वा स्वयमाहारं कुर्वन्प्राप्नोति दुर्गतिम्

tṛṇāhāraparā gāvaḥ karttavyā bhaktito'nvaham| akṛtvā svayamāhāraṁ kurvanprāpnoti durgatim

गौओं को प्रतिदिन भक्तिपूर्वक तृणाहार देना चाहिए; जो स्वयं भोजन कर, पहले उन्हें खिलाए बिना करता है, वह दुर्गति पाता है।

श्लोक 46 (skanda.7.338.46)

तेनाग्नयो हुताः सम्यक्पितरश्चापि तर्पिताः। देवाश्च पूजितास्तेन यो ददाति गवाह्निकम्

tenāgnayo hutāḥ samyakpitaraścāpi tarpitāḥ| devāśca pūjitāstena yo dadāti gavāhnikam

जो गौओं की नित्य सेवा करता है, उसके द्वारा अग्नियों में भलीभाँति हवन किया गया, पितर तृप्त हुए और देवता पूजित हुए, ऐसा समझना चाहिए।

श्लोक 47 (skanda.7.338.47)

सौरभेयी जगत्पूज्या देवी विष्णुपदे स्थिता। सर्वमेव मया दत्तं प्रतीच्छतु सुतोषिता

saurabheyī jagatpūjyā devī viṣṇupade sthitā| sarvameva mayā dattaṁ pratīcchatu sutoṣitā

मंत्र—"जगत्पूज्या सौरभेयी देवी, जो विष्णु के चरणों में स्थित है, वह संतुष्ट होकर मेरे द्वारा अर्पित यह सब स्वीकार करे।"

श्लोक 48 (skanda.7.338.48)

रक्षणाद्बालपुत्राणां गवां कण्डूयनात्तथा। क्षीणार्तरक्षणाच्चैव नरः स्वर्गे महीयते

rakṣaṇādbālaputrāṇāṁ gavāṁ kaṇḍūyanāttathā| kṣīṇārtarakṣaṇāccaiva naraḥ svarge mahīyate

बालकों की रक्षा से, गौओं को खुजलाने से, तथा दुर्बल और पीड़ितों की रक्षा से मनुष्य स्वर्ग में पूजित होता है।

श्लोक 49 (skanda.7.338.49)

आदिर्गावो हि मर्त्यस्य मध्ये चांते प्रकीर्तिताः। रक्षंति तास्तु देवानां क्षीराज्यममृतं सदा

ādirgāvo hi martyasya madhye cāṁte prakīrtitāḥ| rakṣaṁti tāstu devānāṁ kṣīrājyamamṛtaṁ sadā

गौ मनुष्य के आदि, मध्य और अंत में सहायक कही गई है; वे देवताओं के दूध, घृत और अमृत की सदा रक्षा करती हैं।

श्लोक 50 (skanda.7.338.50)

तस्माद्गावः प्रदातव्याः पूजनीयाश्च नित्यशः। स्वर्गस्य संगमा ह्येताः सोपानमिव निर्मिताः

tasmādgāvaḥ pradātavyāḥ pūjanīyāśca nityaśaḥ| svargasya saṁgamā hyetāḥ sopānamiva nirmitāḥ

इसलिए गौएँ सदा दान करने योग्य और पूजनीय हैं; ये स्वर्ग तक पहुँचाने वाली सीढ़ी के समान बनी हुई हैं।"

श्लोक 51 (skanda.7.338.51)

एतच्छ्रुत्वा निषादास्ते गवां माहात्म्यमुत्त मम्। प्रणिपत्य महात्मानमापस्तंबमथाब्रुवन्

etacchrutvā niṣādāste gavāṁ māhātmyamutta mam| praṇipatya mahātmānamāpastaṁbamathābruvan

यह सुनकर निषादों ने गौ की इस उत्तम महिमा को जानकर महात्मा आपस्तंब को प्रणाम कर कहा—

श्लोक 52 (skanda.7.338.52)

निषादा ऊचुः। संभाषो दर्शनं स्पर्शः कीर्तनं स्मरणं तथा। पावनानि किलैतानि साधूनामिति च श्रुतम्

niṣādā ūcuḥ| saṁbhāṣo darśanaṁ sparśaḥ kīrtanaṁ smaraṇaṁ tathā| pāvanāni kilaitāni sādhūnāmiti ca śrutam

निषादों ने कहा—"संभाषण, दर्शन, स्पर्श, कीर्तन और स्मरण—ये सब साधुओं के संपर्क में पवित्र करने वाले सुने गए हैं।

श्लोक 53 (skanda.7.338.53)

संभाषो दर्शनं चैव सहास्माभिः कृतं त्वया। कुरुष्वानुग्रहं तस्माद्गौरेषा प्रतिगृह्यताम्

saṁbhāṣo darśanaṁ caiva sahāsmābhiḥ kṛtaṁ tvayā| kuruṣvānugrahaṁ tasmādgaureṣā pratigṛhyatām

संभाषण और दर्शन तो आपने हमें दे ही दिए हैं; अतः कृपा करें—यह गौ स्वीकार कीजिए।"

श्लोक 54 (skanda.7.338.54)

आपस्तंब उवाच। एता वः प्रतिगृह्णामि गां यूयं मुक्तकिल्विषाः। निषादा गच्छत स्वर्गं सह मत्स्यैर्जलोद्धृतैः

āpastaṁba uvāca| etā vaḥ pratigṛhṇāmi gāṁ yūyaṁ muktakilviṣāḥ| niṣādā gacchata svargaṁ saha matsyairjaloddhṛtaiḥ

आपस्तंब ने कहा—"मैं यह गौ तुमसे स्वीकार करता हूँ; तुम पापमुक्त हो गए। हे निषादो, जल से निकाली गई इन मछलियों सहित स्वर्ग जाओ।

श्लोक 55 (skanda.7.338.55)

प्राणिनां प्रीतिमुत्पाद्य निन्दिते नापि कर्मणा। नरकं यदि पश्यामि वत्स्यामि स्वर्ग एव तत्

prāṇināṁ prītimutpādya nindite nāpi karmaṇā| narakaṁ yadi paśyāmi vatsyāmi svarga eva tat

प्राणियों को प्रसन्नता पहुँचाकर, चाहे वह निंदित कर्म से ही क्यों न हो—यदि मुझे उससे नरक भी मिले, तो मैं उसे स्वर्ग के समान ही मानकर वहाँ निवास करूँगा।

श्लोक 56 (skanda.7.338.56)

यन्मया सुकृतं किञ्चिन्मनोवाक्कायकर्मभिः। कृतं स्यात्तेन दुःखार्ताः सर्वे यांतु शुभां गतिम्

yanmayā sukṛtaṁ kiñcinmanovākkāyakarmabhiḥ| kṛtaṁ syāttena duḥkhārtāḥ sarve yāṁtu śubhāṁ gatim

मन, वचन और काया से मैंने जो भी सुकृत किया हो, उससे ये सब दुःखी प्राणी शुभ गति को प्राप्त हों।"

श्लोक 57 (skanda.7.338.57)

ततस्तस्य प्रसादेन महर्षेर्भावितात्मनः। निषादास्तेन वाक्येन सह मत्स्यैर्दिवं गताः

tatastasya prasādena maharṣerbhāvitātmanaḥ| niṣādāstena vākyena saha matsyairdivaṁ gatāḥ

तब उस पवित्रात्मा महर्षि की कृपा से, उनके इस वचन के प्रभाव से निषाद मछलियों सहित स्वर्ग को गए।

श्लोक 58 (skanda.7.338.58)

तान्दृष्ट्वा व्रजतः स्वर्गं समत्स्यान्मत्स्यजीविनः। सामात्यभृत्यो नृपतिर्विस्मयादिदमब्रवीत्

tāndṛṣṭvā vrajataḥ svargaṁ samatsyānmatsyajīvinaḥ| sāmātyabhṛtyo nṛpatirvismayādidamabravīt

उन्हें मछलियों सहित स्वर्ग जाते देखकर अमात्यों और सेवकों सहित राजा ने विस्मित होकर यह कहा—

श्लोक 59 (skanda.7.338.59)

सेव्याः श्रेयोऽर्थिभिः सन्तः पुण्यतीर्थे जलोपमाः। क्षणोपासनमप्यत्र न येषां निष्फलं भवेत्

sevyāḥ śreyo'rthibhiḥ santaḥ puṇyatīrthe jalopamāḥ| kṣaṇopāsanamapyatra na yeṣāṁ niṣphalaṁ bhavet

"कल्याण चाहने वालों को संतों की सेवा करनी चाहिए, जो पुण्यतीर्थ के जल के समान हैं; यहाँ क्षणभर की उपासना भी निष्फल नहीं होती।

श्लोक 60 (skanda.7.338.60)

सद्भिः सह सदासीत सद्भिः कुर्वीत सत्कथाम्। सतां व्रतेन वर्तेत नासद्भिः किञ्चिदाचरेत्

sadbhiḥ saha sadāsīta sadbhiḥ kurvīta satkathām| satāṁ vratena varteta nāsadbhiḥ kiñcidācaret

सज्जनों के साथ ही सदा रहना चाहिए, सज्जनों के साथ सत्संग करना चाहिए, सज्जनों के व्रत का पालन करना चाहिए, असज्जनों के साथ कुछ भी आचरण न करना चाहिए।

श्लोक 61 (skanda.7.338.61)

सतां समागमादेते समत्स्या मत्स्यजीविनः। त्रिविष्टपमनुप्राप्ता नराः पुण्यकृतो यथा

satāṁ samāgamādete samatsyā matsyajīvinaḥ| triviṣṭapamanuprāptā narāḥ puṇyakṛto yathā

संतों के संग से ही ये मत्स्यजीवी निषाद, मछलियों सहित, पुण्यकर्मियों के समान स्वर्ग को प्राप्त हुए।"

श्लोक 62 (skanda.7.338.62)

आपस्तंबो मुनिस्तत्र लोमशश्च महामनाः। वरैस्तं विविधैरिष्टैश्छंदयामासतुर्नृपम्

āpastaṁbo munistatra lomaśaśca mahāmanāḥ| varaistaṁ vividhairiṣṭaiśchaṁdayāmāsaturnṛpam

वहाँ मुनि आपस्तंब और महामना लोमश ने राजा को विविध इच्छित वरों से प्रसन्न करने का प्रयत्न किया।

श्लोक 63 (skanda.7.338.63)

ततः स वरयामास धर्मबुद्धिं सुदुर्लभाम्। तथेति चोक्त्वा तौ प्रीत्या तं नृपं वै शशंसतुः

tataḥ sa varayāmāsa dharmabuddhiṁ sudurlabhām| tatheti coktvā tau prītyā taṁ nṛpaṁ vai śaśaṁsatuḥ

तब उन्होंने अत्यंत दुर्लभ धर्मबुद्धि का वरण किया; "तथास्तु" कहकर उन दोनों ने प्रेमपूर्वक राजा की प्रशंसा की—

श्लोक 64 (skanda.7.338.64)

अहो धन्योऽसि राजेन्द्र यत्ते धर्मपरा मतिः। धर्मः सुदुर्लभः पुंसां विशेषेण महीक्षिताम्

aho dhanyo'si rājendra yatte dharmaparā matiḥ| dharmaḥ sudurlabhaḥ puṁsāṁ viśeṣeṇa mahīkṣitām

"हे राजेन्द्र, तुम धन्य हो कि तुम्हारी बुद्धि धर्मपरायण है; धर्म पुरुषों के लिए, विशेषतः राजाओं के लिए, अत्यंत दुर्लभ है।

श्लोक 65 (skanda.7.338.65)

यदि राजा मदाविष्टः स्वधर्मं न परि त्यजेत्। ततो जगति कस्तस्मात्पुमानभ्यधिको भवेत्

yadi rājā madāviṣṭaḥ svadharmaṁ na pari tyajet| tato jagati kastasmātpumānabhyadhiko bhavet

यदि मद से आविष्ट राजा भी अपने धर्म का त्याग न करे, तो जगत् में उससे बढ़कर पुरुष कौन होगा?

श्लोक 66 (skanda.7.338.66)

ध्रुवं जन्म सदा राज्ञां मोहश्चापि सदा ध्रुवः। मोहाद्ध्रुवश्च नरको राज्यं निन्दन्त्यतो बुधाः

dhruvaṁ janma sadā rājñāṁ mohaścāpi sadā dhruvaḥ| mohāddhruvaśca narako rājyaṁ nindantyato budhāḥ

राजाओं का जन्म सदा निश्चित है, और मोह भी सदा निश्चित है; मोह से निश्चित नरक होता है, इसीलिए विद्वान् राज्य की निंदा करते हैं।

श्लोक 67 (skanda.7.338.67)

राज्यं हि बहु मन्यंते नरा विषयलोलुपाः। मनीषिणस्तु पश्यन्ति तदेव नरकोपमम्

rājyaṁ hi bahu manyaṁte narā viṣayalolupāḥ| manīṣiṇastu paśyanti tadeva narakopamam

विषयलोलुप मनुष्य राज्य को बहुत महत्त्व देते हैं; किंतु बुद्धिमान् उसे नरक के समान ही देखते हैं।

श्लोक 68 (skanda.7.338.68)

तस्माल्लोकद्वयध्वंसी न कर्त्तव्यो मदस्त्वया। यदीच्छसि महाराज शाश्वतीं गतिमात्मनः

tasmāllokadvayadhvaṁsī na karttavyo madastvayā| yadīcchasi mahārāja śāśvatīṁ gatimātmanaḥ

इसलिए दोनों लोकों को नष्ट करने वाला मद तुम्हें कभी नहीं करना चाहिए, यदि तुम, हे महाराज, अपनी शाश्वत गति चाहते हो।"

श्लोक 69 (skanda.7.338.69)

ईश्वर उवाच। इत्युक्त्वा तौ महात्मानौ जग्मतुः स्वं स्वमाश्रमम्। नाभागोऽपि वरं लब्ध्वा प्रहृष्टः प्राविशत्पुरम्

īśvara uvāca| ityuktvā tau mahātmānau jagmatuḥ svaṁ svamāśramam| nābhāgo'pi varaṁ labdhvā prahṛṣṭaḥ prāviśatpuram

ईश्वर ने कहा—ऐसा कहकर वे दोनों महात्मा अपने-अपने आश्रम को चले गए; नाभाग भी वर पाकर प्रसन्नतापूर्वक अपने नगर में प्रविष्ट हुआ।

श्लोक 70 (skanda.7.338.70)

एतत्ते कथितं देवि प्रभावं देविकोद्भवम्। ऋषिणा स्थापितश्चापि भवो जालेश्वरस्तदा

etatte kathitaṁ devi prabhāvaṁ devikodbhavam| ṛṣiṇā sthāpitaścāpi bhavo jāleśvarastadā

हे देवि, यह देविका से उत्पन्न प्रभाव तुम्हें कहा गया; और उसी समय ऋषि द्वारा भव (शिव) का वह लिंग जालेश्वर नाम से स्थापित किया गया।

श्लोक 71 (skanda.7.338.71)

जाले निपतितो यस्माद्दाशानामृषिसत्तमः। जालेश्वरेति नामासौ विख्यातः पृथिवीतले

jāle nipatito yasmāddāśānāmṛṣisattamaḥ| jāleśvareti nāmāsau vikhyātaḥ pṛthivītale

चूँकि वह श्रेष्ठ ऋषि मछुआरों के जाल में गिरा था, इसलिए वह पृथ्वी पर जालेश्वर नाम से विख्यात हुआ।

श्लोक 72 (skanda.7.338.72)

तत्र स्नात्वा महादेवि जालेश्वरसमर्चनात्। आपस्तंबश्च नाभागो निषादा मत्स्यजीविनः

tatra snātvā mahādevi jāleśvarasamarcanāt| āpastaṁbaśca nābhāgo niṣādā matsyajīvinaḥ

हे महादेवि, वहाँ स्नान कर जालेश्वर की पूजा करने से आपस्तंब, नाभाग और मत्स्यजीवी निषाद,

श्लोक 73 (skanda.7.338.73)

मत्स्यैः सह गताः स्वर्गं देविकायाः प्रभावतः। चैत्रस्यैव तु मासस्य शुक्लपक्षे त्रयोदशीम्

matsyaiḥ saha gatāḥ svargaṁ devikāyāḥ prabhāvataḥ| caitrasyaiva tu māsasya śuklapakṣe trayodaśīm

मछलियों सहित देविका के प्रभाव से स्वर्ग गए—यह चैत्र मास के शुक्लपक्ष की त्रयोदशी को हुआ।

श्लोक 74 (skanda.7.338.74)

दद्यात्पिण्डं पितृभ्यो यस्तस्यांतो नैव विद्यते। गोदानं तत्र देयं तु ब्राह्मणे वेदपारगे। श्रोतव्यं चैव माहात्म्यं द्रष्टव्यो जालकेश्वरः

dadyātpiṇḍaṁ pitṛbhyo yastasyāṁto naiva vidyate| godānaṁ tatra deyaṁ tu brāhmaṇe vedapārage| śrotavyaṁ caiva māhātmyaṁ draṣṭavyo jālakeśvaraḥ

जो वहाँ पितरों को पिंडदान करता है, उसका (पुण्य का) अंत नहीं होता; वहाँ वेदपारगामी ब्राह्मण को गोदान करना चाहिए; उसकी महिमा सुननी चाहिए और जालकेश्वर के दर्शन करने चाहिए।