भीमेश्वर (श्वेतकेत्वीश्वर) माहात्म्य वर्णन

श्लोक 1 (skanda.7.40.1)

ईश्वर उवाच॥ ततो गच्छेन्महादेवि श्वेतकेतुप्रतिष्ठितम्॥ लिंगं महाप्रभावं तु भीमेनाराधितं पुरा

īśvara uvāca|| tato gacchenmahādevi śvetaketupratiṣṭhitam|| liṁgaṁ mahāprabhāvaṁ tu bhīmenārādhitaṁ purā

ईश्वर ने कहा - फिर श्वेतकेतु द्वारा प्रतिष्ठित, महाप्रभावशाली, पूर्वकाल में भीम द्वारा आराधित लिंग के पास जाना चाहिए, हे महादेवि!

श्लोक 2 (skanda.7.40.2)

केदारेश्वरसांनिध्ये नातिदूरे व्यवस्थितम्॥ पूजयते त्तद्विधानेन क्षीरस्नानादिभिः क्रमात् ॥ यात्राफलमभिप्रेप्सुः प्रेत्य स्वर्गफलाय वै

kedāreśvarasāṁnidhye nātidūre vyavasthitam|| pūjayate ttadvidhānena kṣīrasnānādibhiḥ kramāt || yātrāphalamabhiprepsuḥ pretya svargaphalāya vai

यह केदारेश्वर के सांनिध्य में, अधिक दूर नहीं, स्थित है। यात्रा-फल की इच्छा करने वाले को क्रमशः दूध-स्नान आदि से विधिपूर्वक इसकी पूजा करनी चाहिए, जिससे मृत्यु के बाद स्वर्ग-फल प्राप्त हो।

श्लोक 3 (skanda.7.40.3)

॥ देव्युवाच ॥ श्वेतकेतोस्तु यद्देव लिंगं प्रोक्तं त्वया मम ॥ तस्य जातं कथं देव नाम भीमेश्वरेति च

|| devyuvāca || śvetaketostu yaddeva liṁgaṁ proktaṁ tvayā mama || tasya jātaṁ kathaṁ deva nāma bhīmeśvareti ca

देवी ने कहा - हे देव! श्वेतकेतु का जो यह लिंग आपने मुझे बताया, हे देव! उसका नाम भीमेश्वर कैसे हुआ?

श्लोक 4 (skanda.7.40.4)

कथं विनिर्मितं पूर्वं तस्मिन्दृष्टे तु किं फलम्

kathaṁ vinirmitaṁ pūrvaṁ tasmindṛṣṭe tu kiṁ phalam

यह पूर्वकाल में किस प्रकार निर्मित हुआ, और इसके दर्शन का क्या फल है?

श्लोक 5 (skanda.7.40.5)

॥ ईश्वर उवाच ॥ आसीत्त्रेतायुगे पूर्वं राजा स्वायंभुवेंतरे ॥ श्वेतकेतुरिति ख्यातो राजर्षिः सुमहातपाः

|| īśvara uvāca || āsīttretāyuge pūrvaṁ rājā svāyaṁbhuveṁtare || śvetaketuriti khyāto rājarṣiḥ sumahātapāḥ

ईश्वर ने कहा - त्रेतायुग में पूर्वकाल में, स्वायंभुव मन्वंतर में, श्वेतकेतु नामक अत्यंत महातपस्वी राजर्षि था।

श्लोक 6 (skanda.7.40.6)

स प्रभासं समागत्य प्रतिष्ठाप्य महे श्वरम् ॥ तपस्तेपे सुविपुलं सागरस्य तटे शुभे

sa prabhāsaṁ samāgatya pratiṣṭhāpya mahe śvaram || tapastepe suvipulaṁ sāgarasya taṭe śubhe

वह प्रभास में आकर महेश्वर की स्थापना कर, सागर के शुभ तट पर विपुल तपस्या करने लगा।

श्लोक 7 (skanda.7.40.7)

पंचाग्निसाधको ग्रीष्मे वर्षास्वाकाशगस्तथा ॥ हेमंते जलमध्यस्थो नव वर्षाणि पंच च

paṁcāgnisādhako grīṣme varṣāsvākāśagastathā || hemaṁte jalamadhyastho nava varṣāṇi paṁca ca

ग्रीष्म ऋतु में पंचाग्नि-साधना करता हुआ, वर्षा ऋतु में आकाश के नीचे खुले में, हेमंत ऋतु में जल के मध्य खड़ा होकर - चौदह वर्षों तक यह तप करता रहा।

श्लोक 8 (skanda.7.40.8)

ततश्चतुर्द्दशे देवि तपसा नियमेन च ॥ तुष्टेनोक्तो मया देवि वरं वरय सुव्रत

tataścaturddaśe devi tapasā niyamena ca || tuṣṭenokto mayā devi varaṁ varaya suvrata

तब हे देवि! चौदहवें वर्ष में उसकी तपस्या और संयम से संतुष्ट होकर मैंने उससे कहा - हे सुव्रत! वर माँगो।

श्लोक 9 (skanda.7.40.9)

श्वेतकेतुरथोवाच भक्तिं देहि सुनिश्चलाम् ॥ स्थानेऽस्मिन्स्थीयतां देव यदि तुष्टोऽसि मे प्रभो

śvetaketurathovāca bhaktiṁ dehi suniścalām || sthāne'sminsthīyatāṁ deva yadi tuṣṭo'si me prabho

तब श्वेतकेतु ने कहा - मुझे सुदृढ़ भक्ति प्रदान कीजिए; हे प्रभो! यदि आप मुझसे प्रसन्न हैं, तो इसी स्थान पर निवास कीजिए।

श्लोक 10 (skanda.7.40.10)

एवमस्त्वित्यथोक्त्वाऽहं तस्यांतर्द्धानमागतः ॥ ततः कालांतरेऽतीते श्वेतकेतुर्महाप्रभः

evamastvityathoktvā'haṁ tasyāṁtarddhānamāgataḥ || tataḥ kālāṁtare'tīte śvetaketurmahāprabhaḥ

"ऐसा ही हो" कहकर मैं उसके समक्ष से अंतर्धान हो गया। फिर कुछ काल बीतने पर वह महातेजस्वी श्वेतकेतु -

श्लोक 11 (skanda.7.40.11)

समाराध्य त्विदं लिंगं प्राप्तः स्थानं महोदयम् ॥ ततो जातं नाम तस्य श्वेतकेत्वीश्वरं श्रुतम्

samārādhya tvidaṁ liṁgaṁ prāptaḥ sthānaṁ mahodayam || tato jātaṁ nāma tasya śvetaketvīśvaraṁ śrutam

- इस लिंग की भलीभाँति आराधना कर महान पद को प्राप्त हुआ। तब इसका नाम श्वेतकेत्वीश्वर के रूप में प्रसिद्ध हुआ।

श्लोक 12 (skanda.7.40.12)

अग्नितीर्थे महापुण्ये सर्वपातकनाशने ॥ ततः कलियुगे प्राप्ते भ्रातृभिश्च समन्वितः

agnitīrthe mahāpuṇye sarvapātakanāśane || tataḥ kaliyuge prāpte bhrātṛbhiśca samanvitaḥ

यह महापुण्यमय, सर्वपापनाशक अग्नितीर्थ में है। फिर कलियुग के आने पर, भाइयों सहित -

श्लोक 13 (skanda.7.40.13)

तीर्थयात्राप्रसंगेन यदा प्रभासमागतः ॥ भीमसेनो महाबाहुर्वायुपुत्रो ममांशजः

tīrthayātrāprasaṁgena yadā prabhāsamāgataḥ || bhīmaseno mahābāhurvāyuputro mamāṁśajaḥ

- जब तीर्थयात्रा के प्रसंग में महाबाहु भीमसेन, वायुपुत्र, मेरे अंश से उत्पन्न, प्रभास में आया -

श्लोक 14 (skanda.7.40.14)

तल्लिंगं पूजयामास कृत्वा जागेश्वरं निजम् ॥ मत्वा तीर्थं महापुण्यं सागरस्य समीपतः

talliṁgaṁ pūjayāmāsa kṛtvā jāgeśvaraṁ nijam || matvā tīrthaṁ mahāpuṇyaṁ sāgarasya samīpataḥ

- तब उसने उस लिंग की पूजा की, उसे अपना निजी जागरण-स्थल बनाकर, सागर के समीप स्थित महापुण्य तीर्थ मानकर।

श्लोक 15 (skanda.7.40.15)

तदा प्रभृति भीमेशं पुनर्नामाऽभवच्छुभम् ॥ दृष्टमात्रेण तेनैव सकृल्लिंगेन भामिनि

tadā prabhṛti bhīmeśaṁ punarnāmā'bhavacchubham || dṛṣṭamātreṇa tenaiva sakṛlliṁgena bhāmini

तभी से इसका शुभ नाम पुनः भीमेश हो गया। हे भामिनि! उस लिंग के दर्शनमात्र से, एक ही बार -

श्लोक 16 (skanda.7.40.16)

अन्यजन्मकृतान्येव पापानि सुबहून्यपि ॥ नाशमायांति सर्वाणि तथैवामुष्मिकाणि तु

anyajanmakṛtānyeva pāpāni subahūnyapi || nāśamāyāṁti sarvāṇi tathaivāmuṣmikāṇi tu

- अन्य जन्म में किए गए अनेक पाप, तथा परलोक-संबंधी पाप भी, वे सभी उसी प्रकार नष्ट हो जाते हैं।