वराहतीर्थ माहात्म्य वर्णन

श्लोक 1 (skanda.7.403.1)

पुलस्त्य उवाच ततो गच्छेन्नृपश्रेष्ठ तीर्थं पापप्रणाशनम् वाराहस्य हरेरिष्टं सदा वाससुखप्रदम्

pulastya uvāca tato gacchennṛpaśreṣṭha tīrthaṁ pāpapraṇāśanam varāhasya hareriṣṭaṁ sadā vāsasukhapradam

पुलस्त्य जी ने कहा — हे नृपश्रेष्ठ, तदनन्तर उस पापनाशक तीर्थ में जाना चाहिए, जो वराहरूपी हरि को प्रिय है और सदा सुखद निवास प्रदान करने वाला है।

श्लोक 2 (skanda.7.403.2)

वाराहेणावतारेण पृथ्वी तत्र समुद्धृता हरिणोक्ता स्थिरा तिष्ठ न भेतव्यं कदाचन

vārāheṇāvatāreṇa pṛthvī tatra samuddhṛtā hariṇoktā sthirā tiṣṭha na bhetavyaṁ kadācana

वराह अवतार द्वारा वहीं पृथ्वी का उद्धार हुआ था; हरि ने उससे कहा — स्थिर रहो, कभी भय मत करो।

श्लोक 3 (skanda.7.403.3)

अहं चेतो गमिष्यामि वैकुण्ठे च पुनः शुभे वरं वरय कल्याणि यद्यदिष्टं सुदुर्लभम्

ahaṁ ceto gamiṣyāmi vaikuṇṭhe ca punaḥ śubhe varaṁ varaya kalyāṇi yadyadiṣṭaṁ sudurlabham

मैं अब पुनः शुभ वैकुण्ठ को जाऊँगा। हे कल्याणी, वर माँगो — जो भी तुम्हें अभीष्ट हो, चाहे वह कितना ही दुर्लभ क्यों न हो।

श्लोक 4 (skanda.7.403.4)

पृथिव्युवाच यदि देयो वरो मह्यं शंखचक्रगदाधर अनेन वपुषा तिष्ठ ह्यस्मिंस्तीर्थे सदा हरे

pṛthivyuvāca yadi deyo varo mahyaṁ śaṅkhacakragadādhara anena vapuṣā tiṣṭha hyasmiṁstīrthe sadā hare

पृथ्वी ने कहा — हे शंखचक्रगदाधर! यदि मुझे वर देना है, तो हे हरे, आप सदा इसी शरीर में इस तीर्थ में विराजमान रहें।

श्लोक 5 (skanda.7.403.5)

हरिरुवाच अनेन वपुषा देवि पर्वतेऽर्बुदसंज्ञके अहं स्थास्यामि ते वाक्यात्सदा लोकहिते रतः

hariruvāca anena vapuṣā devi parvate'rbudasaṁjñake ahaṁ sthāsyāmi te vākyātsadā lokahite rataḥ

हरि ने कहा — हे देवि, तुम्हारे वचन से मैं इसी शरीर में अर्बुद नामक पर्वत पर सदा लोकहित में तत्पर होकर स्थित रहूँगा।

श्लोक 6 (skanda.7.403.6)

ममाग्रे यो ह्रदः पुण्यः सुनिर्मलजलान्वितः माघमासे सिते पक्ष एकादश्यां समाहितः

mamāgre yo hradaḥ puṇyaḥ sunirmalajalānvitaḥ māghamāse site pakṣa ekādaśyāṁ samāhitaḥ

मेरे सामने जो पुण्य सरोवर है, जो अत्यन्त निर्मल जल से युक्त है — माघ मास के शुक्ल पक्ष की एकादशी को, एकाग्रचित्त होकर,

श्लोक 7 (skanda.7.403.7)

तत्र स्नात्वा नरो भक्त्या मुच्यते ब्रह्महत्यया तत्र श्राद्धं करिष्यंति मनुष्याः श्रद्धयान्विताः

tatra snātvā naro bhaktyā mucyate brahmahatyayā tatra śrāddhaṁ kariṣyaṁti manuṣyāḥ śraddhayānvitāḥ

वहाँ भक्तिपूर्वक स्नान करने से मनुष्य ब्रह्महत्या के पाप से भी मुक्त हो जाता है; जो श्रद्धायुक्त मनुष्य वहाँ श्राद्ध करते हैं,

श्लोक 8 (skanda.7.403.8)

पितॄणां जायते तृप्तिर्यावदाभूतसंप्लवम् तस्मात्सर्वप्रयत्नेन स्नानं तत्र समाचरेत्

pitṝṇāṁ jāyate tṛptiryāvadābhūtasaṁplavam tasmātsarvaprayatnena snānaṁ tatra samācaret

उनके पितरों को प्रलयपर्यन्त तृप्ति प्राप्त होती है। इसलिए सब प्रकार से प्रयत्नपूर्वक वहाँ स्नान करना चाहिए।

श्लोक 9 (skanda.7.403.9)

पुलस्त्य उवाच इत्युक्त्वांतर्दधे राजन्गोविंदो गरुडध्वजः तस्मिन्दिने नृपश्रेष्ठ स्नात्वा व्रतं समाचरेत्

pulastya uvāca ityuktvāṁtardadhe rājangoviṁdo garuḍadhvajaḥ tasmindine nṛpaśreṣṭha snātvā vrataṁ samācaret

पुलस्त्य जी ने कहा — हे राजन्, ऐसा कहकर गरुड़ध्वज गोविन्द अन्तर्धान हो गए। हे नृपश्रेष्ठ, उस दिन स्नान करके व्रत का पालन करना चाहिए।

श्लोक 10 (skanda.7.403.10)

तर्पणं पिंडदानं च यः कुर्याद्भक्तितत्परः स याति विष्णुसालोक्यं पूर्वजैः सह पार्थिव

tarpaṇaṁ piṁḍadānaṁ ca yaḥ kuryādbhaktitatparaḥ sa yāti viṣṇusālokyaṁ pūrvajaiḥ saha pārthiva

जो भक्तिपरायण होकर तर्पण और पिण्डदान करता है, वह हे राजन्, अपने पूर्वजों सहित विष्णुलोक को प्राप्त होता है।

श्लोक 11 (skanda.7.403.11)

तत्र दानं प्रशंसंति गत्वा ब्राह्मणसत्तमे अस्मिंस्तीर्थे नृपश्रेष्ठ गोदानं च करोति यः

tatra dānaṁ praśaṁsaṁti gatvā brāhmaṇasattame asmiṁstīrthe nṛpaśreṣṭha godānaṁ ca karoti yaḥ

वहाँ श्रेष्ठ ब्राह्मण को दिए गए दान की प्रशंसा की जाती है; हे नृपश्रेष्ठ, जो इस तीर्थ में गोदान करता है,

श्लोक 12 (skanda.7.403.12)

रोमसंख्यानि वर्षाणि स्वर्गे तिष्ठति मानवः तस्मात्सर्वात्मना राजन्गोदानं च समाचरेत्

romasaṁkhyāni varṣāṇi svarge tiṣṭhati mānavaḥ tasmātsarvātmanā rājangodānaṁ ca samācaret

वह मनुष्य गाय के रोमों की संख्या के बराबर वर्षों तक स्वर्ग में निवास करता है। इसलिए हे राजन्, सर्वात्मना गोदान करना चाहिए।

श्लोक 13 (skanda.7.403.13)

एकादश्यां विशेषेण कर्त्तव्यं स्नानमुत्तमम् दानं कुर्याद्यथाशक्त्या स याति परमां गतिम्

ekādaśyāṁ viśeṣeṇa karttavyaṁ snānamuttamam dānaṁ kuryādyathāśaktyā sa yāti paramāṁ gatim

विशेषतः एकादशी को उत्तम स्नान करना चाहिए; यथाशक्ति दान करना चाहिए — इस प्रकार मनुष्य परम गति को प्राप्त होता है।