चन्द्रप्रभासतीर्थ माहात्म्य वर्णन

श्लोक 1 (skanda.7.404.1)

पुलस्त्य उवाच ततो गच्छेत चंद्रेशं प्रभासं नृपसत्तम प्रभा तत्र पुरा प्राप्ता चंद्रेण सुमहात्मना

pulastya uvāca tato gaccheta caṁdreśaṁ prabhāsaṁ nṛpasattama prabhā tatra purā prāptā caṁdreṇa sumahātmanā

पुलस्त्य जी ने कहा — हे नृपसत्तम, तदनन्तर चन्द्रेश प्रभास में जाना चाहिए, जहाँ पूर्वकाल में महात्मा चन्द्रमा ने प्रभा (कान्ति) प्राप्त की थी।

श्लोक 2 (skanda.7.404.2)

दक्षस्य कन्यका राजन्सप्तविंशतिसंख्यया ऊढाश्चंद्रेण ताः सर्वा अश्विनीप्रमुखाः पुरा

dakṣasya kanyakā rājansaptaviṁśatisaṁkhyayā ūḍhāścaṁdreṇa tāḥ sarvā aśvinīpramukhāḥ purā

हे राजन्, दक्ष की सत्ताईस कन्याएँ, जिनमें अश्विनी प्रमुख थीं, पूर्वकाल में चन्द्रमा द्वारा सब विवाही गई थीं।

श्लोक 3 (skanda.7.404.3)

तासां मध्ये च रोहिण्या सह रेमे स नित्यदा

tāsāṁ madhye ca rohiṇyā saha reme sa nityadā

उनमें से वह सदैव केवल रोहिणी के साथ ही रमण करता था।

श्लोक 4 (skanda.7.404.4)

त्यक्ताः सर्वाश्च चंद्रेण दक्षकन्याः सुदुःखिताः गत्वा स्वपितरं नत्वा प्राहुरस्राविलेक्षणाः

tyaktāḥ sarvāśca caṁdreṇa dakṣakanyāḥ suduḥkhitāḥ gatvā svapitaraṁ natvā prāhurasrāvilekṣaṇāḥ

चन्द्रमा द्वारा त्यागी गई दक्ष की वे सभी कन्याएँ अत्यन्त दुःखी होकर अपने पिता के पास गईं और प्रणाम कर अश्रुपूर्ण नेत्रों से बोलीं।

श्लोक 5 (skanda.7.404.5)

वयं त्यक्ताः प्रजानाथ निर्दोषाः पतिना ततः शरणं त्वामनुप्राप्ता दुःखेन महतान्विताः

vayaṁ tyaktāḥ prajānātha nirdoṣāḥ patinā tataḥ śaraṇaṁ tvāmanuprāptā duḥkhena mahatānvitāḥ

हे प्रजानाथ, हम निर्दोष होते हुए भी अपने पति द्वारा त्याग दी गई हैं; अत्यन्त दुःख से युक्त होकर हम आपकी शरण में आई हैं।

श्लोक 6 (skanda.7.404.6)

गतिर्भव सुरश्रेष्ठ सर्वेषां त्वं हितं कुरु अस्माकमुपदिश्यैनं चंद्रं च रोहिणीरतम्

gatirbhava suraśreṣṭha sarveṣāṁ tvaṁ hitaṁ kuru asmākamupadiśyainaṁ caṁdraṁ ca rohiṇīratam

हे सुरश्रेष्ठ, आप हम सबकी गति बनें और हमारा हित करें — रोहिणी में रत इस चन्द्रमा को समझाइए।

श्लोक 7 (skanda.7.404.7)

पुलस्त्य उवाच स तासां वचनं श्रुत्वा गतो यत्र निशाकरः अब्रवीच्च समं पश्य सर्वासु तनयासु मे

pulastya uvāca sa tāsāṁ vacanaṁ śrutvā gato yatra niśākaraḥ abravīcca samaṁ paśya sarvāsu tanayāsu me

पुलस्त्य जी ने कहा — उनका वचन सुनकर वे (दक्ष) वहाँ गए जहाँ चन्द्रमा था, और बोले — मेरी सब पुत्रियों को समान दृष्टि से देखो।

श्लोक 8 (skanda.7.404.8)

अथ व्रीडासमायुक्तश्चंद्रस्तं प्रत्यभाषत तव वाक्यं करिष्यामि दक्ष गच्छ नमोस्तु ते

atha vrīḍāsamāyuktaścaṁdrastaṁ pratyabhāṣata tava vākyaṁ kariṣyāmi dakṣa gaccha namo'stu te

तब लज्जायुक्त चन्द्रमा ने उनसे कहा — हे दक्ष, मैं आपकी आज्ञा का पालन करूँगा; आप जाइए, आपको नमस्कार है।

श्लोक 9 (skanda.7.404.9)

गते दक्षे ततो भूयश्चंद्रमा रोहिणीरतः त्यक्त्वा च कन्यकाः सर्वाः प्रजापतिसमुद्भवाः

gate dakṣe tato bhūyaścaṁdramā rohiṇīrataḥ tyaktvā ca kanyakāḥ sarvāḥ prajāpatisamudbhavāḥ

किन्तु दक्ष के चले जाने पर चन्द्रमा पुनः रोहिणी में रत होकर प्रजापति की उन सभी कन्याओं को फिर त्याग बैठा।

श्लोक 10 (skanda.7.404.10)

अथ गत्वा पुनः सर्वा दक्षमूचुः सुदुःखिताः न कृतं तव वाक्यं वै चंद्रेणैव दुरात्मना

atha gatvā punaḥ sarvā dakṣamūcuḥ suduḥkhitāḥ na kṛtaṁ tava vākyaṁ vai caṁdreṇaiva durātmanā

तब वे सब पुनः अत्यन्त दुःखी होकर दक्ष के पास गईं और बोलीं — उस दुरात्मा चन्द्रमा ने आपकी आज्ञा का पालन नहीं किया।

श्लोक 11 (skanda.7.404.11)

दौर्भाग्यदुःखसंतप्ता मरिष्याम न संशयः अनेन जीवितेनापि मरणं निश्चयं भवेत्

daurbhāgyaduḥkhasaṁtaptā mariṣyāma na saṁśayaḥ anena jīvitenāpi maraṇaṁ niścayaṁ bhavet

दुर्भाग्य के दुःख से संतप्त होकर हम निश्चय ही मर जाएँगी; इस जीवन से भी हमारे लिए मरण ही निश्चित है।

श्लोक 12 (skanda.7.404.12)

पुलस्त्य उवाच अथ रोषसमायुक्तो दक्षो गत्वाऽब्रवीद्विधुम् मम वाक्यं त्वया चंद्र यस्मात्पाप कृतं न हि

pulastya uvāca atha roṣasamāyukto dakṣo gatvā'bravīdvidhum mama vākyaṁ tvayā caṁdra yasmātpāpa kṛtaṁ na hi

पुलस्त्य जी ने कहा — तब क्रोध से भरे दक्ष ने जाकर चन्द्रमा से कहा — हे पापी चन्द्र, चूँकि तूने मेरी आज्ञा का पालन नहीं किया,

श्लोक 13 (skanda.7.404.13)

क्षयमेष्यसि तस्मात्त्वं यक्ष्मणा नास्ति संशयः एवं दत्त्वा ततः शापं गतो दक्षः स्वमालयम्

kṣayameṣyasi tasmāttvaṁ yakṣmaṇā nāsti saṁśayaḥ evaṁ dattvā tataḥ śāpaṁ gato dakṣaḥ svamālayam

इसलिए तू क्षयरोग (यक्ष्मा) से क्षीण हो जाएगा, इसमें संशय नहीं है। ऐसा शाप देकर दक्ष अपने धाम को चले गए।

श्लोक 14 (skanda.7.404.14)

यक्ष्मणा व्यापितश्चंद्रः क्षयं याति दिनेदिने क्षीणो द्युतिविहीनस्तु चिंतयामास चंद्रमाः

yakṣmaṇā vyāpitaścaṁdraḥ kṣayaṁ yāti dinedine kṣīṇo dyutivihīnastu ciṁtayāmāsa caṁdramāḥ

यक्ष्मा से व्याप्त चन्द्रमा प्रतिदिन क्षीण होने लगा; कान्तिहीन और क्षीण होकर चन्द्रमा चिन्तन करने लगा।

श्लोक 15 (skanda.7.404.15)

कि कर्त्तव्यं मया तत्र ह्यस्मिञ्छापे सुदारुणे अथ किं पूजयिष्यामि सर्वकामप्रदं शिवम्

ki karttavyaṁ mayā tatra hyasmiñchāpe sudāruṇe atha kiṁ pūjayiṣyāmi sarvakāmapradaṁ śivam

इस अत्यन्त भयंकर शाप में मुझे क्या करना चाहिए? क्यों न मैं सर्वकामप्रद शिव की पूजा करूँ?

श्लोक 16 (skanda.7.404.16)

स एवं निश्चयं कृत्वा गतोर्बुदमथाचलम् तपस्तेपे जितक्रोधो जपहोमपरायणः

sa evaṁ niścayaṁ kṛtvā gatorbudamathācalam tapastepe jitakrodho japahomaparāyaṇaḥ

ऐसा निश्चय कर वह अर्बुद पर्वत पर गया और क्रोध को जीतकर जप-होम में तत्पर होकर तप करने लगा।

श्लोक 17 (skanda.7.404.17)

तस्मै तुष्टो महादेवो वर्षाणामयुते गते अब्रवीद्वरदोऽस्मीति ततोऽस्मै दर्शनं ददौ

tasmai tuṣṭo mahādevo varṣāṇāmayute gate abravīdvarado'smīti tato'smai darśanaṁ dadau

दस हजार वर्ष बीत जाने पर महादेव उस पर प्रसन्न हुए और मैं वरदाता हूँ — यह कहकर उसे दर्शन दिया।

श्लोक 18 (skanda.7.404.18)

ईश्वर उवाच वरं वरय भद्रं ते यत्ते मनसि वर्तते तव दास्याम्यहं चंद्र यद्यपि स्यात्सुदुर्ल्लभम्

īśvara uvāca varaṁ varaya bhadraṁ te yatte manasi vartate tava dāsyāmyahaṁ caṁdra yadyapi syātsudurllabham

ईश्वर ने कहा — हे कल्याणकारी, वर माँगो, जो कुछ तुम्हारे मन में हो; हे चन्द्र, चाहे वह कितना ही दुर्लभ क्यों न हो, मैं तुम्हें दूँगा।

श्लोक 19 (skanda.7.404.19)

चंद्र उवाच व्याधिक्षयं सुरश्रेष्ठ कुरु मे त्रिपुरांतक यक्ष्मणा व्यापितो देहो ममायं च जगत्पते

caṁdra uvāca vyādhikṣayaṁ suraśreṣṭha kuru me tripurāṁtaka yakṣmaṇā vyāpito deho mamāyaṁ ca jagatpate

चन्द्रमा ने कहा — हे सुरश्रेष्ठ, हे त्रिपुरान्तक, मेरे रोग का नाश कीजिए; हे जगत्पते, मेरा यह शरीर यक्ष्मा से व्याप्त हो गया है।

श्लोक 20 (skanda.7.404.20)

ईश्वर उवाच दक्षशापेन ते चंद्र यक्ष्मा काये व्यवस्थितः न शक्तो ह्यन्यथा कर्तुं शापस्तस्य महात्मनः

īśvara uvāca dakṣaśāpena te caṁdra yakṣmā kāye vyavasthitaḥ na śakto hyanyathā kartuṁ śāpastasya mahātmanaḥ

ईश्वर ने कहा — हे चन्द्र, दक्ष के शाप से तुम्हारे शरीर में यक्ष्मा स्थित हो गया है; उस महात्मा के शाप को अन्यथा करने में मैं समर्थ नहीं हूँ।

श्लोक 21 (skanda.7.404.21)

तस्मात्त्वं तस्य ताः सर्वाः कन्यका मम वाक्यतः निशाकर समं पश्य तव व्याधिर्गमिष्यति

tasmāttvaṁ tasya tāḥ sarvāḥ kanyakā mama vākyataḥ niśākara samaṁ paśya tava vyādhirgamiṣyati

इसलिए, हे निशाकर, मेरे वचन से उसकी उन सभी कन्याओं को समान दृष्टि से देखो; तब तुम्हारा रोग दूर हो जाएगा।

श्लोक 22 (skanda.7.404.22)

कृष्णे क्षयश्च ते चंद्र शुक्ले वृद्धिर्भविष्यति वरं वरय भद्रं ते अन्यमिष्टं सुदुर्ल्लभम्

kṛṣṇe kṣayaśca te caṁdra śukle vṛddhirbhaviṣyati varaṁ varaya bhadraṁ te anyamiṣṭaṁ sudurllabham

हे चन्द्र, कृष्णपक्ष में तुम्हारा क्षय होगा और शुक्लपक्ष में वृद्धि होगी। हे कल्याणकारी, चाहे कितना ही दुर्लभ क्यों न हो, कोई अन्य अभीष्ट वर माँगो।

श्लोक 23 (skanda.7.404.23)

चंद्र उवाच चंद्रग्रहे नरो योऽत्र सोमवारे च शंकर भक्त्या स्नानं करोत्येव स यातु परमां गतिम्

caṁdra uvāca caṁdragrahe naro yo'tra somavāre ca śaṁkara bhaktyā snānaṁ karotyeva sa yātu paramāṁ gatim

चन्द्रमा ने कहा — हे शंकर, यहाँ जो मनुष्य चन्द्रग्रहण के समय अथवा सोमवार को भक्तिपूर्वक स्नान करे, वह परम गति को प्राप्त हो।

श्लोक 24 (skanda.7.404.24)

पिण्डदानेन देवेश स्वर्गं गच्छंतु पूर्वजाः प्रसादात्तव देवेश तीर्थं भवतु मुक्तिदम्

piṁḍadānena deveśa svargaṁ gacchaṁtu pūrvajāḥ prasādāttava deveśa tīrthaṁ bhavatu muktidam

हे देवेश, पिण्डदान से पूर्वज स्वर्ग को जाएँ; हे देवेश, आपकी कृपा से यह तीर्थ मुक्तिदायक हो।

श्लोक 25 (skanda.7.404.25)

ईश्वर उवाच भविष्यंति नरोऽत्रैव विपाप्मानो निशाकर यस्मात्प्रभा त्वया प्राप्ता तीर्थेऽस्मिन्विमलोदके

īśvara uvāca bhaviṣyaṁti naro'traiva vipāpmāno niśākara yasmātprabhā tvayā prāptā tīrthe'sminvimalodake

ईश्वर ने कहा — हे निशाकर, यहाँ के मनुष्य निष्पाप हो जाएँगे, क्योंकि इस निर्मल जल वाले तीर्थ में तुमने प्रभा (कान्ति) प्राप्त की।

श्लोक 26 (skanda.7.404.26)

प्रभासतीर्थं विख्यातं तस्मादेतद्भविष्यति यत्र सोमग्रहे प्राप्ते सोमवारे विशेषतः

prabhāsatīrthaṁ vikhyātaṁ tasmādetadbhaviṣyati yatra somagrahe prāpte somavāre viśeṣataḥ

इसलिए यह तीर्थ प्रभासतीर्थ के नाम से विख्यात होगा — जहाँ विशेषतः सोमवार को चन्द्रग्रहण पड़ने पर,

श्लोक 27 (skanda.7.404.27)

करिष्यंति नराः स्नानं ते यास्यंति परां गतिम् येऽत्र श्राद्धं करिष्यंति पिंडदानं तथा नराः

kariṣyaṁti narāḥ snānaṁ te yāsyaṁti parāṁ gatim ye'tra śrāddhaṁ kariṣyaṁti piṁḍadānaṁ tathā narāḥ

स्नान करने वाले मनुष्य परम गति को प्राप्त होंगे; जो मनुष्य यहाँ श्राद्ध तथा पिण्डदान करेंगे,

श्लोक 28 (skanda.7.404.28)

गयाश्राद्धसमं पुण्यं तेषां चंद्र भविष्यति तथा दानं प्रकर्तव्यं सोम लोकैर्ग्रहे तव

gayāśrāddhasamaṁ puṇyaṁ teṣāṁ caṁdra bhaviṣyati tathā dānaṁ prakartavyaṁ soma lokairgrahe tava

हे चन्द्र, उनके लिए गया में किए गए श्राद्ध के समान पुण्य होगा; तथा हे सोम, तुम्हारे ग्रहण के समय लोगों को दान करना चाहिए।

श्लोक 29 (skanda.7.404.29)

पुलस्त्य उवाच एवमुक्त्वा विरूपाक्षस्तत्रैवांतरधीयत चन्द्रोऽपि बुभुजे सर्वाः पत्नीश्च दक्षसंभवाः

pulastya uvāca evamuktvā virūpākṣastatraivāṁtaradhīyata candro'pi bubhuje sarvāḥ patnīśca dakṣasaṁbhavāḥ

पुलस्त्य जी ने कहा — ऐसा कहकर विरूपाक्ष (शिव) वहीं अन्तर्धान हो गए। और चन्द्रमा ने भी दक्ष की उन सभी कन्याओं का सुखपूर्वक उपभोग किया।