श्रीमाता माहात्म्य वर्णन

श्लोक 1 (skanda.7.406.1)

पुलस्त्य उवाच ततो गच्छेन्नृपश्रेष्ठ श्रीमातां देववंदिताम् सर्वकामप्रदां नृणामिहलोके परत्र च

pulastya uvāca tato gacchennṛpaśreṣṭha śrīmātāṁ devavaṁditām sarvakāmapradāṁ nṛṇāmihaloke paratra ca

पुलस्त्य जी ने कहा — हे नृपश्रेष्ठ, तदनन्तर देवताओं द्वारा वन्दित श्रीमाता के स्थान में जाना चाहिए, जो मनुष्यों को इस लोक और परलोक में सभी कामनाएँ प्रदान करने वाली हैं।

श्लोक 2 (skanda.7.406.2)

या च सर्वमयी शक्तिर्यया व्याप्तमिदं जगत् सा तस्मिन्पर्वते साक्षात्स्वयं वासमरोचयत्

yā ca sarvamayī śaktiryayā vyāptamidaṁ jagat sā tasminparvate sākṣātsvayaṁ vāsamarocayat

जो सर्वमयी शक्ति है, जिससे यह सम्पूर्ण जगत् व्याप्त है, वह स्वयं साक्षात् उसी पर्वत पर निवास करना पसन्द करती थी।

श्लोक 3 (skanda.7.406.3)

पुरा देवयुगे राजा कलिंगोनाम दानवः जरामरणहीनोसौ देवानां च भयंकरः

purā devayuge rājā kaliṁgonāma dānavaḥ jarāmaraṇahīnosau devānāṁ ca bhayaṁkaraḥ

पूर्वकाल में देवयुग में कलिंग नामक एक दानव राजा था, जो जरा-मृत्यु से रहित और देवताओं के लिए भयंकर था।

श्लोक 4 (skanda.7.406.4)

तेन सर्वमिदं व्याप्तं त्रैलोक्यं सचराचरम् बलप्रभावतः स्वर्गो जितस्तेन सुराधिपः ब्रह्मलोकमनुप्राप्तो देवैः सर्वैः समन्वितः

tena sarvamidaṁ vyāptaṁ trailokyaṁ sacarācaram balaprabhāvataḥ svargo jitastena surādhipaḥ brahmalokamanuprāpto devaiḥ sarvaiḥ samanvitaḥ

उसने अपने बल के प्रभाव से इस चराचर त्रैलोक्य को व्याप्त कर लिया और स्वर्ग को जीत लिया, जिससे देवताओं के अधिपति इन्द्र सभी देवताओं सहित ब्रह्मलोक को चले गए।

श्लोक 5 (skanda.7.406.5)

तेन दैत्येन सर्वेऽपि त्रासिताः सुरमानवाः कलिंगोनाम दैत्यः स स्वयमिन्द्रो बभूव ह

tena daityena sarve'pi trāsitāḥ suramānavāḥ kaliṁgonāma daityaḥ sa svayamindro babhūva ha

उस दैत्य ने सभी देवताओं और मनुष्यों को त्रस्त कर दिया। कलिंग नामक वह दैत्य स्वयं इन्द्र बन गया।

श्लोक 6 (skanda.7.406.6)

वसवो मरुतः साध्या विश्वेदेवाः सुरर्षयः तेन सर्वे कृता दैत्या यथायोग्यं नराधिप

vasavo marutaḥ sādhyā viśvedevāḥ surarṣayaḥ tena sarve kṛtā daityā yathāyogyaṁ narādhipa

हे नराधिप, वसु, मरुत, साध्य, विश्वेदेव और देवर्षि — इन सभी को उसने यथायोग्य दैत्य बना दिया।

श्लोक 7 (skanda.7.406.7)

यज्ञभागान्स्वयं सर्वे बुभुजुस्ते च दानवाः तपोऽर्थे च ततो देवा गताः सर्वेऽर्बुदाचलम्

yajñabhāgānsvayaṁ sarve bubhujuste ca dānavāḥ tapo'rthe ca tato devā gatāḥ sarve'rbudācalam

वे सभी दानव स्वयं यज्ञभागों का भोग करने लगे। तब तप के लिए सभी देवता अर्बुद पर्वत पर गए।

श्लोक 8 (skanda.7.406.8)

अद्यापि देवताखातं त्रैलोक्ये ख्यातिमागतम् तत्र व्रतपराः सर्वे पत्रमूलफलाशिनः

adyāpi devatākhātaṁ trailokye khyātimāgatam tatra vrataparāḥ sarve patramūlaphalāśinaḥ

आज भी वह देवताखात त्रैलोक्य में प्रसिद्ध है; वहाँ सभी व्रतपरायण देवता पत्र-मूल-फल का आहार करते हुए,

श्लोक 9 (skanda.7.406.9)

अव्यक्ताः परमत्रासाद्ध्यायंतस्ते च संस्थिताः पंचाग्निसाधकाः केचित्तत्र व्रतपरायणाः

avyaktāḥ paramatrāsāddhyāyaṁtaste ca saṁsthitāḥ paṁcāgnisādhakāḥ kecittatra vrataparāyaṇāḥ

अत्यन्त भय से अव्यक्त होकर ध्यान करते हुए स्थित रहे। कुछ पंचाग्नि साधना करने वाले, व्रतपरायण थे,

श्लोक 10 (skanda.7.406.10)

एकाहारा निराहारा वायुभक्षास्तथा परे अन्ये मासोपवासाश्च चान्द्रायणपरायणाः

ekāhārā nirāhārā vāyubhakṣāstathā pare anye māsopavāsāśca cāndrāyaṇaparāyaṇāḥ

कुछ एकाहारी, कुछ निराहारी, कुछ वायुभक्षी थे; अन्य मासोपवास करने वाले और चान्द्रायण व्रत में तत्पर थे।

श्लोक 11 (skanda.7.406.11)

कृच्छ्रसांतपने निष्ठा महापाराकिणः परे अंबुभक्षा वायुभक्षाः फेनपाश्चोष्मपाः परे

kṛcchrasāṁtapane niṣṭhā mahāpārākiṇaḥ pare aṁbubhakṣā vāyubhakṣāḥ phenapāścoṣmapāḥ pare

कुछ कृच्छ्र-सांतपन व्रत में निष्ठ, कुछ महापाराकी (कठोर तपस्वी) थे; कुछ जलाहारी, कुछ वायुभक्षी, कुछ फेनपायी, कुछ उष्मपायी थे।

श्लोक 12 (skanda.7.406.12)

जपहोमपराश्चान्ये ध्यानासक्तास्तथा परे बलिनैवद्यदानैश्च गंधधूपैर्नराधिप

japahomaparāścānye dhyānāsaktāstathā pare balinaivadyadānaiśca gaṁdhadhūpairnarādhipa

कुछ जप-होम में तत्पर, कुछ ध्यान में आसक्त थे। हे नराधिप, बलि, नैवेद्य-दान, गन्ध और धूप से

श्लोक 13 (skanda.7.406.13)

पूजयंतः परां शक्तिं देवीं स्वकार्यहेतवे एवं तेषां व्रतस्थानां तपसा भावितात्मनाम् विमुक्तिरभवद्राजन्सर्वेषां कर्मबन्धनात्

pūjayaṁtaḥ parāṁ śaktiṁ devīṁ svakāryahetave evaṁ teṣāṁ vratasthānāṁ tapasā bhāvitātmanām vimuktirabhavadrājansarveṣāṁ karmabandhanāt

वे अपने प्रयोजन के लिए परा शक्ति देवी की पूजा करते थे। इस प्रकार तपस्या से भावित अन्तःकरण वाले, व्रतस्थ उन सभी को, हे राजन्, कर्मबन्धन से मुक्ति प्राप्त हुई।

श्लोक 14 (skanda.7.406.14)

ततः पूर्णे सहस्रांते वर्षाणां नृपसत्तम देवी प्रत्यक्षतां प्राप्ता कन्यकारूपधारिणी

tataḥ pūrṇe sahasrāṁte varṣāṇāṁ nṛpasattama devī pratyakṣatāṁ prāptā kanyakārūpadhāriṇī

हे नृपसत्तम, तब पूरे एक सहस्र वर्ष बीत जाने पर देवी कन्या-रूप धारण कर साक्षात् प्रकट हुईं।

श्लोक 15 (skanda.7.406.15)

पूर्वं जाता महाराज धूममूर्तिर्भयावहा ततो ज्वाला ततः कन्या शुक्लवासोऽनुलेपना दृष्ट्वा तां तुष्टुवुर्देवाः कृतांजलिपुटास्ततः

pūrvaṁ jātā mahārāja dhūmamūrtirbhayāvahā tato jvālā tataḥ kanyā śuklavāso'nulepanā dṛṣṭvā tāṁ tuṣṭuvurdevāḥ kṛtāṁjaliputāstataḥ

हे महाराज, पहले वे धूम की भयावह मूर्ति के रूप में प्रकट हुईं, फिर ज्वाला के रूप में, फिर श्वेत वस्त्र और अनुलेपन से युक्त कन्या के रूप में। उन्हें देखकर देवताओं ने अंजलि बाँधकर उनकी स्तुति की।

श्लोक 16 (skanda.7.406.16)

नमोऽस्तु सर्वगे देवि नमस्ते सर्वपूजिते कामगेऽचिन्त्ये नमस्ते त्रिदशाश्रये

namo'stu sarvage devi namaste sarvapūjite kāmage'ciṁtye namaste tridaśāśraye

हे सर्वव्यापिनी देवि, आपको नमस्कार है; हे सर्वपूजिते, आपको नमस्कार है। हे इच्छानुसार गमन करने वाली, अचिन्त्य, त्रिदशों की आश्रय-भूता देवि, आपको नमस्कार है।

श्लोक 17 (skanda.7.406.17)

नमस्ते परमादेवि ब्रह्मयोने नमोनमः अर्धमात्रेक्षरे चैव तस्यार्धार्धे नमोनमः

namaste paramādevi brahmayone namonamaḥ ardhamātrekṣare caiva tasyārdhārdhe namonamaḥ

हे परमा देवि, आपको नमस्कार है; हे ब्रह्मयोनि, आपको बार-बार नमस्कार है। हे ॐकार के अर्धमात्रा-स्वरूपे, तथा उसके अर्धार्ध-स्वरूपे, आपको बार-बार नमस्कार है।

श्लोक 18 (skanda.7.406.18)

नमस्ते पद्मपत्राक्षि विश्वमातर्नमोनमः नमस्ते वरदे देवि रजःसत्त्वतमोमयि

namaste padmapatrākṣi viśvamātarnamonamaḥ namaste varade devi rajaḥsattvatamomayi

हे पद्मपत्राक्षि, आपको नमस्कार है; हे विश्वमातः, आपको बार-बार नमस्कार है। हे वरदे देवि, हे रजः-सत्त्व-तमोमयि, आपको नमस्कार है।

श्लोक 19 (skanda.7.406.19)

स्वस्वरूपस्थिते देवि त्वं च संसारलक्षणम् त्वं बुद्धिस्त्वं धृतिः क्षांतिस्त्वं स्वाहा त्वं स्वधा क्षमा

svasvarūpasthite devi tvaṁ ca saṁsāralakṣaṇam tvaṁ buddhistvaṁ dhṛtiḥ kṣāṁtistvaṁ svāhā tvaṁ svadhā kṣamā

हे देवि, आप अपने स्वरूप में स्थित होकर संसार का लक्षण हैं; आप बुद्धि हैं, आप धृति हैं, आप क्षान्ति हैं, आप स्वाहा हैं, आप स्वधा हैं, आप क्षमा हैं।

श्लोक 20 (skanda.7.406.20)

त्वं वृद्धिस्त्वं गतिः कर्त्री शची लक्ष्मीश्च पार्वती सावित्री त्वं च गायत्री अजेया पापनाशिनी

tvaṁ vṛddhistvaṁ gatiḥ karttrī śacī lakṣmīśca pārvatī sāvitrī tvaṁ ca gāyatrī ajeyā pāpanāśinī

आप वृद्धि हैं, आप गति हैं, आप कर्त्री हैं, आप शची, लक्ष्मी और पार्वती हैं; आप सावित्री और गायत्री हैं, अजेया और पापनाशिनी हैं।

श्लोक 21 (skanda.7.406.21)

यच्चान्यदत्र देवेशि त्रैलोक्येऽस्तीतिसंज्ञितम् तद्रूपं तावकं देवि पर्वतेषु च संस्थितम्

yaccānyadatra deveśi trailokye'stītisaṁjñitam tadrūpaṁ tāvakaṁ devi parvateṣu ca saṁsthitam

हे देवेशि, त्रैलोक्य में जो कुछ भी अन्य नाम से प्रसिद्ध है, हे देवि, वह सब रूप आपका ही है, जो पर्वतों में भी स्थित है।

श्लोक 22 (skanda.7.406.22)

वह्निना च यथा काष्ठं तंतुना च यथा पटः तथा त्वया जगद्व्याप्तं गुप्ता त्वं सर्वतः स्थिता

vahninā ca yathā kāṣṭhaṁ taṁtunā ca yathā paṭaḥ tathā tvayā jagadvyāptaṁ guptā tvaṁ sarvataḥ sthitā

जैसे अग्नि से काष्ठ और तन्तु से वस्त्र व्याप्त होता है, वैसे ही आपसे यह जगत् व्याप्त है; आप गुप्त रहकर सर्वत्र स्थित हैं।

श्लोक 23 (skanda.7.406.23)

पुलस्त्य उवाच एवं स्तुता जगन्माता तानुवाच सुरोत्तमान् वरो मे याच्यतां शीघ्रमभीष्टः सुरसत्तमाः

pulastya uvāca evaṁ stutā jaganmātā tānuvāca surottamān varo me yācyatāṁ śīghramabhīṣṭaḥ surasattamāḥ

पुलस्त्य जी ने कहा — इस प्रकार स्तुति की गई जगन्माता ने उन श्रेष्ठ देवताओं से कहा — हे सुरसत्तमों, मुझसे शीघ्र अभीष्ट वर माँगो।

श्लोक 24 (skanda.7.406.24)

किमत्र गुप्तभावेन तिष्ठथ श्वभ्रमध्यगाः मद्भक्तानां भयं नास्ति त्रैलोक्येपि चराचरे

kimatra guptabhāvena tiṣṭhatha śvabhramadhyagāḥ madbhaktānāṁ bhayaṁ nāsti trailokyepi carācare

यहाँ गुहाओं के मध्य गुप्तभाव से क्यों स्थित हो? त्रैलोक्य में चराचर में भी मेरे भक्तों को कोई भय नहीं है।

श्लोक 25 (skanda.7.406.25)

देवा ऊचुः कलिंगेन वयं देवि निरस्ताः संगरे मुहुः तेन व्याप्तमिदं सर्वं त्रैलोक्यं सचराचरम्

devā ūcuḥ kaliṁgena vayaṁ devi nirastāḥ saṁgare muhuḥ tena vyāptamidaṁ sarvaṁ trailokyaṁ sacarācaram

देवताओं ने कहा — हे देवि, हम बार-बार संग्राम में कलिंग द्वारा पराजित हुए हैं; उसने इस सम्पूर्ण चराचर त्रैलोक्य को व्याप्त कर लिया है।

श्लोक 26 (skanda.7.406.26)

यज्ञभागो हृतोऽस्माकं दैत्यानां स प्रकल्पितः तेन स्वर्गः समाक्रान्तः सुराः सर्वे निराकृताः

yajñabhāgo hṛto'smākaṁ daityānāṁ sa prakalpitaḥ tena svargaḥ samākrāntaḥ surāḥ sarve nirākṛtāḥ

हमारा यज्ञभाग हरकर उसने दैत्यों के लिए निश्चित कर दिया; उससे स्वर्ग आक्रान्त हो गया और सभी देवता निकाल दिए गए।

श्लोक 27 (skanda.7.406.27)

हत्वा दैत्यान्यथा भूयः शक्रः स्वपदमाप्नुयात् तथा कुरु महाभागे वर एषोऽस्मदीप्सितः

hatvā daityānyathā bhūyaḥ śakraḥ svapadamāpnuyāt tathā kuru mahābhāge vara eṣo'smadīpsitaḥ

जैसे पहले दैत्यों का वध कर इन्द्र ने अपना पद पुनः प्राप्त किया था, हे महाभागे, वैसा ही कीजिए — यही हमारा अभीष्ट वर है।

श्लोक 28 (skanda.7.406.28)

देव्युवाच यथा यूयं मया सृष्टास्तथैवायं महासुरः विशेषो नास्ति मे कश्चिदुभयोः सुरसत्तमाः

devyuvāca yathā yūyaṁ mayā sṛṣṭāstathaivāyaṁ mahāsuraḥ viśeṣo nāsti me kaścidubhayoḥ surasattamāḥ

देवी ने कहा — जैसे तुम मेरे द्वारा सृजित हो, वैसे ही यह महासुर भी; हे सुरसत्तमों, मुझे दोनों में कोई भेद प्रतीत नहीं होता।

श्लोक 29 (skanda.7.406.29)

तस्मात्तान्वारयिष्यामि शक्राद्यांस्त्रिदिवात्पुनः एवमुक्त्वा वरारोहा प्रेषयामास पार्थिव

tasmāttānvārayiṣyāmi śakrādyāṁstridivātpunaḥ evamuktvā varārohā preṣayāmāsa pārthiva

इसलिए मैं इन्द्र आदि को पुनः त्रिदिव से रोकूँगी। हे राजन्, ऐसा कहकर उस वराङ्गना ने भेजा —

श्लोक 30 (skanda.7.406.30)

दूतं कलिंगदैत्याय त्यज त्वं त्रिदिवं द्रुतम् स गत्वा बाष्कलिं दैत्यं सामपूर्वं वचोऽब्रवीत्

dūtaṁ kaliṁgadaityāya tyaja tvaṁ tridivaṁ drutam sa gatvā bāṣkaliṁ daityaṁ sāmapūrvaṁ vaco'bravīt

कलिंग दैत्य के पास एक दूत — तू त्रिदिव को शीघ्र त्याग दे। वह जाकर बाष्कलि दैत्य से सामनीति-पूर्वक वचन बोला।

श्लोक 31 (skanda.7.406.31)

दूत उवाच या सा सर्वगता देवी शक्तिरूपा शुचि स्मिता श्रीमाता जगतां माता देवैराराधिता परा तेषां तुष्टा च देवी त्वामिदं वचनमब्रवीत्

dūta uvāca yā sā sarvagatā devī śaktirūpā śuci smitā śrīmātā jagatāṁ mātā devairārādhitā parā teṣāṁ tuṣṭā ca devī tvāmidaṁ vacanamabravīt

दूत ने कहा — जो वह सर्वगता देवी, शक्तिरूपा, शुचिस्मिता, श्रीमाता, जगन्माता, देवताओं द्वारा सर्वोपरि आराधित है, उन देवताओं पर प्रसन्न होकर उस देवी ने तुझसे यह वचन कहलाया है —

श्लोक 32 (skanda.7.406.32)

स्वस्थानं गच्छ शीघ्रं त्वं शक्रो यातु त्रिविष्टपम् मद्वाक्याद्दानवश्रेष्ठ देवत्वं न भवेत्तव

svasthānaṁ gaccha śīghraṁ tvaṁ śakro yātu triviṣṭapam madvākyāddānavaśreṣṭha devatvaṁ na bhavettava

तू शीघ्र अपने स्थान को जा, इन्द्र त्रिविष्टप (स्वर्ग) को जाए; हे दानवश्रेष्ठ, मेरे वचन से तुझे देवत्व नहीं मिलेगा।

श्लोक 33 (skanda.7.406.33)

पुलस्त्य उवाच स दूतवचनं श्रुत्वा दानवो मदगर्वितः अहं लोकेश्वरो मत्वा सगर्वमिदमब्रवीत्

pulastya uvāca sa dūtavacanaṁ śrutvā dānavo madagarvitaḥ ahaṁ lokeśvaro matvā sagarvamidamabravīt

पुलस्त्य जी ने कहा — दूत के वचन सुनकर वह मदगर्वित दैत्य, स्वयं को लोकेश्वर मानकर गर्वपूर्वक यह बोला।

श्लोक 34 (skanda.7.406.34)

बाष्कलिरुवाच का श्रीमातेति के देवा नास्मात्स्वर्गं त्यजाम्यहम् न तां जानामि तांश्चैव गत्वा ब्रूहि ममाज्ञया

bāṣkaliruvāca kā śrīmāteti ke devā nāsmātsvargaṁ tyajāmyaham na tāṁ jānāmi tāṁścaiva gatvā brūhi mamājñayā

बाष्कलि ने कहा — कौन है वह श्रीमाता? कौन हैं वे देवता? मैं उनके लिए स्वर्ग नहीं त्यागूँगा। न मैं उसे जानता हूँ, न उन्हें — जाकर मेरी आज्ञा से उनसे कह दे,

श्लोक 35 (skanda.7.406.35)

न भवद्भ्यस्वहं स्वर्गं प्रयच्छामि कथंचन दूतोऽवध्यो भवेद्राज्ञामपि वैरे सुदारुणे एतस्मात्कारणाद्दूत न त्वां प्राणैर्वियोजये

na bhavadbhyasvahaṁ svargaṁ prayacchāmi kathaṁcana dūto'vadhyo bhavedrājñāmapi vaire sudāruṇe etasmātkāraṇāddūta na tvāṁ prāṇairviyojaye

मैं किसी भी प्रकार तुम्हारे लिए स्वर्ग नहीं दूँगा। दूत तो राजाओं के लिए भी घोर वैर में अवध्य होता है — इसी कारण, हे दूत, मैं तुझे प्राणों से वियुक्त नहीं करता।

श्लोक 36 (skanda.7.406.36)

श्रीमातां यदि मे दूत दर्शयिष्यसि चेत्ततः अभीष्टान्संप्रदास्यामि सत्यमेव ब्रवीम्यहम्

śrīmātāṁ yadi me dūta darśayiṣyasi cettataḥ abhīṣṭānsaṁpradāsyāmi satyameva bravīmyaham

परन्तु, हे दूत, यदि तू मुझे श्रीमाता को दिखा दे, तो मैं उसकी सब अभीष्ट वस्तुएँ दूँगा — यह मैं सत्य ही कहता हूँ।

श्लोक 37 (skanda.7.406.37)

अहं त्वया समं तत्र यास्ये यत्र स्थिता च सा निग्रहं च करिष्यामि वाक्यं मे सत्यकारणम्

ahaṁ tvayā samaṁ tatra yāsye yatra sthitā ca sā nigrahaṁ ca kariṣyāmi vākyaṁ me satyakāraṇam

मैं स्वयं तेरे साथ वहाँ जाऊँगा, जहाँ वह स्थित है, और उसका निग्रह करूँगा — मेरा वचन सत्य पर आधारित है।

श्लोक 38 (skanda.7.406.38)

पुलस्त्य उवाच एवमुक्त्वा मदोन्मत्तो दूतेन च स दानवः अर्बुदं प्रययौ तूर्णं रोषेण महता वृतः

pulastya uvāca evamuktvā madonmatto dūtena ca sa dānavaḥ arbudaṁ prayayau tūrṇaṁ roṣeṇa mahatā vṛtaḥ

पुलस्त्य जी ने कहा — ऐसा कहकर दूत के वचन से मदोन्मत्त वह दानव, क्रोध से भरकर शीघ्र ही अर्बुद पर्वत की ओर चल पड़ा।

श्लोक 39 (skanda.7.406.39)

दृष्ट्वा बाष्कलिमायांतं देवाः शक्रपुरोगमाः वार्यमाणास्तदा देव्या पलायनपरायणाः

dṛṣṭvā bāṣkalimāyāṁtaṁ devāḥ śakrapurogamāḥ vāryamāṇāstadā devyā palāyanaparāyaṇāḥ

बाष्कलि को आते देखकर इन्द्र-प्रमुख देवता, तब देवी द्वारा रोके जाने पर, भाग खड़े हुए,

श्लोक 40 (skanda.7.406.40)

भयेन महताविष्टा दिशो भेजुः समंततः अथासौ बाष्कलिः प्राप्तः सैन्येन महता वृतः

bhayena mahatāviṣṭā diśo bhejuḥ samaṁtataḥ athāsau bāṣkaliḥ prāptaḥ sainyena mahatā vṛtaḥ

अत्यन्त भय से आविष्ट होकर वे चारों दिशाओं में भाग गए। तब वह बाष्कलि विशाल सेना से घिरा हुआ वहाँ पहुँचा,

श्लोक 41 (skanda.7.406.41)

श्रीमाता तिष्ठते यत्र पर्वतेर्बुदसंज्ञके दूतं च प्रेषयामास तमुवाच नराधिपः

śrīmātā tiṣṭhate yatra parvaterbudasaṁjñake dūtaṁ ca preṣayāmāsa tamuvāca narādhipaḥ

जहाँ अर्बुद नामक पर्वत पर श्रीमाता विराजमान थीं। उस राजा ने दूत भेजा और उससे कहा।

श्लोक 42 (skanda.7.406.42)

बाष्कलिरुवाच गच्छ दूतवर ब्रूहि श्रीमातां चारुहासिनीम् भार्या मे भव सुश्रोणि अहं ते वशगः सदा

bāṣkaliruvāca gaccha dūtavara brūhi śrīmātāṁ cāruhāsinīm bhāryā me bhava suśroṇi ahaṁ te vaśagaḥ sadā

बाष्कलि ने कहा — हे श्रेष्ठ दूत, जाकर मधुर हास्य वाली श्रीमाता से कह — हे सुश्रोणि, तू मेरी भार्या बन, मैं सदा तेरे वश में रहूँगा।

श्लोक 43 (skanda.7.406.43)

भविष्यति हि मे राज्यं सर्वं वशगतं तव अन्यथा धर्षयिष्यामि सर्वैः सार्द्धं सुरोत्तमैः

bhaviṣyati hi me rājyaṁ sarvaṁ vaśagataṁ tava anyathā dharṣayiṣyāmi sarvaiḥ sārddhaṁ surottamaiḥ

मेरा सारा राज्य तेरे अधीन हो जाएगा। अन्यथा मैं समस्त श्रेष्ठ देवताओं सहित तुझे बलपूर्वक पराजित करूँगा।

श्लोक 44 (skanda.7.406.44)

किमिंद्रेणाल्पवीर्येण किमन्यैश्च वरानने सहस्राक्षो न मे तुल्यो न मे तुल्याः सुरासुराः

kimiṁdreṇālpavīryeṇa kimanyaiśca varānane sahasrākṣo na me tulyo na me tulyāḥ surāsurāḥ

इन्द्र में क्या बल है, हे वरानने, और अन्य ही क्या? सहस्राक्ष भी मेरे समान नहीं है, न सुर-असुर मेरे समान हैं।

श्लोक 45 (skanda.7.406.45)

पुलस्त्य उवाच एतच्छ्रुत्वा ततो गत्वा स दूतः संन्यवेदयत् तस्य सर्वं यथावाक्यं तेनोक्तं च महीपते

pulastya uvāca etacchrutvā tato gatvā sa dūtaḥ saṁnyavedayat tasya sarvaṁ yathāvākyaṁ tenoktaṁ ca mahīpate

पुलस्त्य जी ने कहा — यह सुनकर वह दूत जाकर, हे महीपते, उसने जैसा कहा था वह सब यथावत् निवेदन किया।

श्लोक 46 (skanda.7.406.46)

ततः श्रुत्वा स्मितं कृत्वा चिंतयामास भामिनी जरा मरणहीनोयं दैत्येन्द्रः शंभुना कृतः

tataḥ śrutvā smitaṁ kṛtvā ciṁtayāmāsa bhāminī jarā maraṇahīnoyaṁ daityendraḥ śaṁbhunā kṛtaḥ

यह सुनकर वह भामिनी (देवी) मुस्कुराकर विचार करने लगीं — इस दैत्येन्द्र को शम्भु ने ही जरा-मरण से रहित बनाया है।

श्लोक 47 (skanda.7.406.47)

कथमस्य मया कार्यो निग्रहो देवताकृते पुनश्चिंतयते यावत्सा देवी दानवं प्रति तावत्तत्रागतः शीघ्रं स कामेन परिप्लुतः

kathamasya mayā kāryo nigraho devatākṛte punaściṁtayate yāvatsā devī dānavaṁ prati tāvattatrāgataḥ śīghraṁ sa kāmena pariplutaḥ

भला मुझसे देवताओं के हित के लिए इसका निग्रह कैसे हो सकेगा? जब तक देवी उस दानव के विषय में इस प्रकार सोच ही रही थीं, तब तक कामातुर होकर वह शीघ्र ही वहाँ आ पहुँचा।

श्लोक 48 (skanda.7.406.48)

अथ दृष्टिनिपातेन सा देवी दानवाधिपम् व्यलोकयत्ततस्तस्या निश्चयः संबभूव ह

atha dṛṣṭinipātena sā devī dānavādhipam vyalokayattatastasyā niścayaḥ saṁbabhūva ha

तब देवी ने एक दृष्टिपात से उस दानवाधिप को देखा, और तत्क्षण उनका निश्चय हो गया।

श्लोक 49 (skanda.7.406.49)

ततो जहास सा देवीशनकैर्वृपसत्तम मुखात्तस्यास्ततः सैन्यं निष्क्रांतमतिभीषणम्

tato jahāsa sā devīśanakairvṛpasattama mukhāttasyāstataḥ sainyaṁ niṣkrāṁtamatibhīṣaṇam

हे नृपसत्तम, तब देवी धीरे से मुस्कुराईं, और उनके मुख से अत्यन्त भीषण सेना निकल पड़ी —

श्लोक 50 (skanda.7.406.50)

हस्तिनो हयवर्याश्च पादाताश्च पृथग्विधाः रथसाहस्रमारूढा योधाश्चापि सहस्रशः

hastino hayavaryāśca pādātāśca pṛthagvidhāḥ rathasāhasramārūḍhā yodhāścāpi sahasraśaḥ

हाथी, श्रेष्ठ घोड़े, विविध प्रकार के पैदल सैनिक, सहस्रों रथों पर आरूढ़ तथा सहस्रों योद्धा।

श्लोक 51 (skanda.7.406.51)

तैः सैन्यं दानवेशस्य सर्वं शस्त्रैर्निपातितम् पश्यतस्तस्य दैत्यस्य निश्चलस्यासुरस्य च

taiḥ sainyaṁ dānaveśasya sarvaṁ śastrairnipātitam paśyatastasya daityasya niścalasyāsurasya ca

उन सबने दानवेश की सम्पूर्ण सेना को शस्त्रों से गिरा दिया, जबकि वह दैत्य स्वयं निश्चल होकर यह देखता रहा।

श्लोक 52 (skanda.7.406.52)

हते सैन्य बले तस्मिन्निंद्राद्यास्त्रिदिवौकसः तामूचुर्वचनं देवि दानवं हन्तुमर्हसि नास्मिञ्जीवति नो राज्यं स्वर्गे देवि भविष्यति

hate sainya bale tasminniṁdrādyāstridivaukasaḥ tāmūcurvacanaṁ devi dānavaṁ hantumarhasi nāsmiñjīvati no rājyaṁ svarge devi bhaviṣyati

सेना-बल के नष्ट हो जाने पर इन्द्र आदि देवताओं ने देवी से कहा — हे देवि, इस दानव का वध करना उचित है; इसके जीवित रहते हमारा स्वर्ग में राज्य नहीं हो सकेगा।

श्लोक 53 (skanda.7.406.53)

पुलस्त्य उवाच श्रुत्वा तद्वचनं तेषां ज्ञात्वा तं मृत्युवर्जितम् पर्वतस्य महाशृंगं दत्त्वा तस्योपरि स्वयम्

pulastya uvāca śrutvā tadvacanaṁ teṣāṁ jñātvā taṁ mṛtyuvarjitam parvatasya mahāśṛṁgaṁ dattvā tasyopari svayam

पुलस्त्य जी ने कहा — उनका यह वचन सुनकर और उसे मृत्युवर्जित जानकर, देवी ने पर्वत के महाशिखर को देकर स्वयं उस पर

श्लोक 54 (skanda.7.406.54)

निविष्टा सा जगन्माता श्रीमाता कामरूपिणी हिताय जगतां राजन्नद्यापि वरपर्वते तत्रैव वसते साक्षान्नृणां कामप्रदायिनी

niviṣṭā sā jaganmātā śrīmātā kāmarūpiṇī hitāya jagatāṁ rājannadyāpi varaparvate tatraiva vasate sākṣānnṛṇāṁ kāmapradāyinī

जगन्माता श्रीमाता, कामरूपिणी, विराजमान हो गईं — जगत् के हित के लिए, हे राजन्, आज भी उस उत्तम पर्वत पर वे साक्षात् वहीं मनुष्यों को कामनाएँ प्रदान करती हुई निवास करती हैं।

श्लोक 55 (skanda.7.406.55)

एतस्मिन्नेव काले तु सर्वे देवाः सवासवाः तुष्टुवुस्तां महाशक्तिं भयहन्त्रीं प्रहर्षिताः

etasminneva kāle tu sarve devāḥ savāsavāḥ tuṣṭuvustāṁ mahāśaktiṁ bhayahantrīṁ praharṣitāḥ

उसी समय सभी देवता, इन्द्र सहित, हर्षित होकर उस भयनाशिनी महाशक्ति की स्तुति करने लगे।

श्लोक 56 (skanda.7.406.56)

प्रसन्नाऽभूत्ततो देवी तेषां तत्र नराधिप स्वंस्वं स्थानं सुराः सर्वे परियांतु गतव्यथाः गत्वा स्थानं स्वकं सर्वे परिपांतु गतव्यथाः

prasannā'bhūttato devī teṣāṁ tatra narādhipa svaṁsvaṁ sthānaṁ surāḥ sarve pariyāṁtu gatavyathāḥ gatvā sthānaṁ svakaṁ sarve paripāṁtu gatavyathāḥ

हे नराधिप, तब देवी उनसे वहाँ प्रसन्न हुईं — सभी देवता व्यथारहित होकर अपने-अपने स्थान को जाएँ; अपने स्थान को जाकर सभी व्यथारहित होकर रहें।

श्लोक 57 (skanda.7.406.57)

वरं वरय देवेन्द्र ब्रूहि यत्ते मनोगतम् तत्सर्वं संप्रदास्यामि तुष्टाहं भक्तितस्तव

varaṁ varaya devendra brūhi yatte manogatam tatsarvaṁ saṁpradāsyāmi tuṣṭāhaṁ bhaktitastava

हे देवेन्द्र, वर माँगो, तुम्हारे मन में जो हो वह कहो; तुम्हारी भक्ति से प्रसन्न होकर मैं वह सब तुम्हें दूँगी।

श्लोक 58 (skanda.7.406.58)

इन्द्र उवाच यदि तुष्टासि मे देवि शाश्वते भक्तिवत्सले अत्रैव स्थीयतां तावत्स्वर्गे यावदहं विभुः

indra uvāca yadi tuṣṭāsi me devi śāśvate bhaktivatsale atraiva sthīyatāṁ tāvatsvarge yāvadahaṁ vibhuḥ

इन्द्र ने कहा — हे शाश्वत, भक्तवत्सल देवि, यदि आप मुझसे प्रसन्न हैं, तो तब तक यहीं रहिए, जब तक मैं स्वर्ग में

श्लोक 59 (skanda.7.406.59)

प्रशास्मि राज्यं देवेशि शाश्वते भक्तवत्सले अजरश्चामरश्चैव यतो दैत्यः सुरेश्वरि

praśāsmi rājyaṁ deveśi śāśvate bhaktavatsale ajaraścāmaraścaiva yato daityaḥ sureśvari

हे देवेशि, हे शाश्वत भक्तवत्सले, राज्य का शासन करता हूँ — क्योंकि हे सुरेश्वरि, वह दैत्य अजर और अमर है,

श्लोक 60 (skanda.7.406.60)

हरेण निर्मितः पूर्वं येन तिष्ठति निश्चलः प्रसादात्तव लोकाश्च त्रयः संतु निरामयाः

hareṇa nirmitaḥ pūrvaṁ yena tiṣṭhati niścalaḥ prasādāttava lokāśca trayaḥ saṁtu nirāmayāḥ

जो पहले हर (शिव) द्वारा उस प्रकार बनाया गया था कि वह अचल रहे। आपकी कृपा से तीनों लोक निरामय (रोगरहित) हों।

श्लोक 61 (skanda.7.406.61)

अत्र त्वां पूजयिष्यामो वयं सर्वे समेत्य च चैत्रशुक्लचतुर्द्दश्यां दृष्ट्वा त्वां यांतु सद्गतिम्

atra tvāṁ pūjayiṣyāmo vayaṁ sarve sametya ca caitraśuklacaturddaśyāṁ dṛṣṭvā tvāṁ yāṁtu sadgatim

यहाँ हम सब एकत्र होकर आपकी पूजा करेंगे; चैत्र शुक्ल चतुर्दशी को आपका दर्शन कर सद्गति को प्राप्त हों।

श्लोक 62 (skanda.7.406.62)

पुलस्त्य उवाच एवमुक्त्वा सहस्राक्षः सर्वदेवैः समन्वितः हृष्टस्त्रिविष्टपं प्राप्तो देव्यास्तस्याः प्रभावतः

pulastya uvāca evamuktvā sahasrākṣaḥ sarvadevaiḥ samanvitaḥ hṛṣṭastriviṣṭapaṁ prāpto devyāstasyāḥ prabhāvataḥ

पुलस्त्य जी ने कहा — ऐसा कहकर सहस्राक्ष (इन्द्र), सभी देवताओं सहित, उस देवी के प्रभाव से हर्षित होकर स्वर्ग को प्राप्त हुआ।

श्लोक 63 (skanda.7.406.63)

सापि तत्र स्थिता देवी देवानां हितकाम्यया

sāpi tatra sthitā devī devānāṁ hitakāmyayā

वे देवी भी वहाँ देवताओं के हित के लिए ही स्थित रहीं।

श्लोक 64 (skanda.7.406.64)

यस्तां पश्यति चैत्रस्य चतुर्द्दश्यां सिते नृप स याति परमं स्थानं जरामरणवर्ज्जितम्

yastāṁ paśyati caitrasya caturddaśyāṁ site nṛpa sa yāti paramaṁ sthānaṁ jarāmaraṇavarjjitam

हे राजन्, जो भी चैत्र शुक्ल चतुर्दशी को उनका दर्शन करता है, वह जरा-मृत्यु से रहित परम स्थान को प्राप्त होता है।

श्लोक 65 (skanda.7.406.65)

किं व्रतैर्नियमैर्वापि दानैर्दत्ते नराधिप सर्वे तद्दर्शनस्यापि कलां नार्हंति षोडशीम्

kiṁ vratairniyamairvāpi dānairdatte narādhipa sarve taddarśanasyāpi kalāṁ nārhaṁti ṣoḍaśīm

हे नराधिप, व्रतों, नियमों या दान से क्या लाभ? वे सब उनके दर्शन की सोलहवीं कला के भी योग्य नहीं हैं।

श्लोक 66 (skanda.7.406.66)

तत्रैव पादुके दिव्ये तया न्यस्ते नराधिप यस्ते पश्यति भूयोऽसौ संसारं न हि पश्यति सर्वान्कामानवाप्नोति इह लोके परत्र च

tatraiva pāduke divye tayā nyaste narādhipa yaste paśyati bhūyo'sau saṁsāraṁ na hi paśyati sarvānkāmānavāpnoti iha loke paratra ca

हे नराधिप, वहीं उन्होंने अपनी दो दिव्य पादुकाएँ स्थापित कीं; जो पुनः उन्हें देखता है, वह संसार को नहीं देखता — वह इस लोक और परलोक में सब कामनाओं को प्राप्त कर लेता है।

श्लोक 67 (skanda.7.406.67)

ययातिरुवाच कस्मिन्काले द्विजश्रेष्ठ देव्या मुक्तेऽत्र पादुके कस्माच्च कारणाद्ब्रूहि सर्वं विस्तरतो मम

yayātiruvāca kasminkāle dvijaśreṣṭha devyā mukte'tra pāduke kasmācca kāraṇādbrūhi sarvaṁ vistarato mama

ययाति ने कहा — हे द्विजश्रेष्ठ, किस काल में देवी ने यहाँ पादुकाएँ छोड़ीं? किस कारण से — मुझे सब विस्तारपूर्वक कहिए।

श्लोक 68 (skanda.7.406.68)

पुलस्त्य उवाच तां देवीं मानवाः सर्वे संवीक्ष्य नृपसत्तम प्राप्नुवंति परां सिद्धिं द्विविधां धर्मकारिणः

pulastya uvāca tāṁ devīṁ mānavāḥ sarve saṁvīkṣya nṛpasattama prāpnuvaṁti parāṁ siddhiṁ dvividhāṁ dharmakāriṇaḥ

पुलस्त्य जी ने कहा — हे नृपसत्तम, उस देवी का दर्शन कर सभी धर्मपरायण मनुष्य द्विविध परम सिद्धि को प्राप्त होते हैं।

श्लोक 69 (skanda.7.406.69)

एतस्मिन्नेव काले तु यज्ञदानादिकाः क्रियाः प्रणष्टा भूतले राजंस्तीर्थयात्राव्रतोद्भवाः

etasminneva kāle tu yajñadānādikāḥ kriyāḥ praṇaṣṭā bhūtale rājaṁstīrthayātrāvratodbhavāḥ

उसी समय पृथ्वी पर यज्ञ-दान आदि क्रियाएँ, तथा तीर्थयात्रा-व्रत से उत्पन्न कार्य नष्ट हो गए, हे राजन्।

श्लोक 70 (skanda.7.406.70)

शून्यास्ते नरकाः सर्वे संबभूवुर्यमस्य ये यज्ञभागविहीनाश्च देवाः कष्टमुपागताः

śūnyāste narakāḥ sarve saṁbabhūvuryamasya ye yajñabhāgavihīnāśca devāḥ kaṣṭamupāgatāḥ

यम के वे सभी नरक शून्य हो गए, और यज्ञभाग से रहित होकर देवता कष्ट को प्राप्त हुए।

श्लोक 71 (skanda.7.406.71)

अथ सर्वे नृपश्रेष्ठ देवास्तत्र समागताः ऊचुर्गत्वाऽर्बुदं तत्र श्रीमातां परमेश्वरीम्

atha sarve nṛpaśreṣṭha devāstatra samāgatāḥ ūcurgatvā'rbudaṁ tatra śrīmātāṁ parameśvarīm

हे नृपश्रेष्ठ, तब सभी देवता वहाँ एकत्र होकर अर्बुद पर्वत पर गए और परमेश्वरी श्रीमाता से बोले।

श्लोक 72 (skanda.7.406.72)

देवा ऊचुः अग्निष्टोमादिकाः सर्वाः क्रिया नष्टाः सुरेश्वरि मर्त्यलोके वयं तेन कर्मणातीव पीडिताः

devā ūcuḥ agniṣṭomādikāḥ sarvāḥ kriyā naṣṭāḥ sureśvari martyaloke vayaṁ tena karmaṇātīva pīḍitāḥ

देवताओं ने कहा — हे सुरेश्वरि, अग्निष्टोम आदि सभी क्रियाएँ नष्ट हो गई हैं; हम मृत्युलोक में उस कर्म के अभाव से अत्यन्त पीड़ित हैं।

श्लोक 73 (skanda.7.406.73)

दृष्ट्वा त्वां देवि पाप्मानः सिद्धिं यांति सपूर्वजाः तस्माद्यथा वयं पुष्टिं व्रजामस्ते प्रसादतः

dṛṣṭvā tvāṁ devi pāpmānaḥ siddhiṁ yāṁti sapūrvajāḥ tasmādyathā vayaṁ puṣṭiṁ vrajāmaste prasādataḥ

हे देवि, पापी लोग भी आपका दर्शन कर पूर्वजों सहित सिद्धि प्राप्त करते हैं; इसलिए जिस प्रकार हम भी आपकी कृपा से पुष्टि को प्राप्त हों,

श्लोक 74 (skanda.7.406.74)

न निष्क्रामति दैत्यश्च बाष्कलिस्त्वं तथा कुरु

na niṣkrāmati daityaśca bāṣkalistvaṁ tathā kuru

वैसा कीजिए, कि वह दैत्य बाष्कलि पुनः न निकल सके।

श्लोक 75 (skanda.7.406.75)

पुलस्त्य उवाच तेषां तद्वचनं श्रुत्वा संचिंत्य सुचिरं तदा मुक्त्वा स्वे पादुके तत्र कृत्वा चाश्मसमुद्भवे देवानुवाच राजेंद्र सर्वानर्त्तिमुपागतान्

pulastya uvāca teṣāṁ tadvacanaṁ śrutvā saṁciṁtya suciraṁ tadā muktvā sve pāduke tatra kṛtvā cāśmasamudbhave devānuvāca rājeṁdra sarvānarttimupāgatān

पुलस्त्य जी ने कहा — उनका वह वचन सुनकर, बहुत देर तक विचार कर, देवी ने वहाँ अपनी दो पादुकाएँ पत्थर की बनाकर छोड़ दीं, और हे राजेन्द्र, संकट में पड़े उन सभी देवताओं से कहा।

श्लोक 76 (skanda.7.406.76)

श्रीदेव्युवाच युष्मद्वाक्येन त्यक्तो हि मयाऽयं पर्वतोत्तमः विन्यस्ते पादुके तस्य रक्षार्थं बाष्कलेः सुराः

śrīdevyuvāca yuṣmadvākyena tyakto hi mayā'yaṁ parvatottamaḥ vinyaste pāduke tasya rakṣārthaṁ bāṣkaleḥ surāḥ

श्रीदेवी ने कहा — तुम्हारे वचन से ही मैंने इस उत्तम पर्वत को त्याग दिया है; हे देवगण, बाष्कलि के नियन्त्रण के लिए मेरी पादुकाएँ यहाँ स्थापित की गई हैं।

श्लोक 77 (skanda.7.406.77)

मत्पादुकाभराक्रांतो न स दैत्यः सुरोत्तमाः स्थानात्प्रचलितुं शक्तः स्तंभितः स्याद्यथा मया

matpādukābharākrāṁto na sa daityaḥ surottamāḥ sthānātpracalituṁ śaktaḥ staṁbhitaḥ syādyathā mayā

हे सुरोत्तमों, मेरी पादुकाओं के भार से दबा हुआ वह दैत्य अपने स्थान से हिलने में समर्थ नहीं होगा, क्योंकि वह मेरे द्वारा स्तम्भित कर दिया गया है।

श्लोक 78 (skanda.7.406.78)

एतच्छास्त्रं मया कृत्स्नं पादुकार्थं विनिर्मितम् अध्यात्मकं हितार्थाय प्राणिनां पृथिवीतले

etacchāstraṁ mayā kṛtsnaṁ pādukārthaṁ vinirmitam adhyātmakaṁ hitārthāya prāṇināṁ pṛthivītale

यह सम्पूर्ण शास्त्र मैंने पादुकाओं के विषय में रचा है, जो अध्यात्मिक है और पृथ्वी पर प्राणियों के हित के लिए है।

श्लोक 79 (skanda.7.406.79)

शास्त्रमार्गेण चानेन भक्त्या यः पादुके मम पूजयिष्यति सिद्धिः स्यात्तस्य मद्दर्शनोद्भवा

śāstramārgeṇa cānena bhaktyā yaḥ pāduke mama pūjayiṣyati siddhiḥ syāttasya maddarśanodbhavā

इस शास्त्रमार्ग से जो भक्तिपूर्वक मेरी पादुकाओं की पूजा करेगा, उसे मेरे दर्शन से उत्पन्न सिद्धि प्राप्त होगी।

श्लोक 80 (skanda.7.406.80)

चैत्रशुक्लचतुर्द्दश्यामहमत्रार्बुदे सदा अहोरात्रे वसिष्यामि सुगुप्ता गिरिगह्वरे

caitraśuklacaturddaśyāmahamatrārbude sadā ahorātre vasiṣyāmi suguptā girigahvare

चैत्र शुक्ल चतुर्दशी को मैं सदा यहाँ अर्बुद में, अहोरात्र, गुफा में सुगुप्त होकर निवास करूँगी।

श्लोक 81 (skanda.7.406.81)

पर्वतोऽयं ममाभीष्टो न च त्यक्तुं मनो दधे तथापि संपरित्यक्तो युष्माकं हितकाम्यया

parvato'yaṁ mamābhīṣṭo na ca tyaktuṁ mano dadhe tathāpi saṁparityakto yuṣmākaṁ hitakāmyayā

यह पर्वत मुझे अत्यन्त प्रिय है और इसे त्यागने का मेरा मन नहीं है; फिर भी तुम्हारे हित के लिए मैं इसे त्याग रही हूँ।

श्लोक 82 (skanda.7.406.82)

पुलस्त्य उवाच एवमुक्त्वा तु सा देवी समंताद्देवकिंनरैः स्तूयमाना ययौ स्वर्गं मुक्त्वा ते पादुके शुभे

pulastya uvāca evamuktvā tu sā devī samaṁtāddevakiṁnaraiḥ stūyamānā yayau svargaṁ muktvā te pāduke śubhe

पुलस्त्य जी ने कहा — ऐसा कहकर वह देवी, चारों ओर देवताओं और किन्नरों द्वारा स्तुति की जाती हुई, अपनी दोनों शुभ पादुकाएँ छोड़कर स्वर्ग को चली गईं।

श्लोक 83 (skanda.7.406.83)

अद्यापि सिद्धिमायांति योगिनो ध्यानतत्पराः तन्निष्ठास्तद्गतप्राणा यथा देव्याः प्रदर्शनात्

adyāpi siddhimāyāṁti yogino dhyānatatparāḥ tanniṣṭhāstadgataprāṇā yathā devyāḥ pradarśanāt

आज भी ध्यानपरायण योगी, उन्हीं में निष्ठ और उन्हीं में प्राण लगाए, देवी के उस प्रदर्शन के अनुसार सिद्धि प्राप्त करते हैं।

श्लोक 84 (skanda.7.406.84)

एतत्ते सर्वमाख्यातं यन्मां त्व परिपृच्छसि श्रीमातासंभवं पुण्यं पादुकाभ्यां च भूमिप

etatte sarvamākhyātaṁ yanmāṁ tva paripṛcchasi śrīmātāsaṁbhavaṁ puṇyaṁ pādukābhyāṁ ca bhūmipa

हे भूमिप, यह सब मैंने आपको बताया, जो आपने मुझसे पूछा था — श्रीमाता की उत्पत्ति और पादुकाओं का पवित्र वृत्तान्त।

श्लोक 85 (skanda.7.406.85)

यस्त्वेतत्पठते भक्त्या श्लाघते वाऽथ यो नरः सर्वपापैर्महाराज मुच्यते ज्ञानतत्परः

yastvetatpaṭhate bhaktyā ślāghate vā'tha yo naraḥ sarvapāpairmahārāja mucyate jñānatatparaḥ

हे महाराज, जो मनुष्य इसे भक्तिपूर्वक पढ़ता है या इसकी प्रशंसा करता है, वह ज्ञानपरायण होकर सब पापों से मुक्त हो जाता है।