शुक्लतीर्थ माहात्म्य वर्णन

श्लोक 1 (skanda.7.407.1)

पुलस्त्य उवाच ततो गच्छेन्नृपश्रेष्ठ शुक्लतीर्थमनुत्तमम् यत्ख्यातिमगमत्पूर्वं सकाशाद्दाशवर्गतः

pulastya uvāca tato gacchennṛpaśreṣṭha śuklatīrthamanuttamam yatkhyātimagamatpūrvaṁ sakāśāddāśavargataḥ

पुलस्त्य जी ने कहा — हे नृपश्रेष्ठ, तदनन्तर उस परम उत्तम शुक्लतीर्थ में जाना चाहिए, जिसने पूर्वकाल में धीवरों के परिवार से ख्याति प्राप्त की थी।

श्लोक 2 (skanda.7.407.2)

पुराऽऽसीद्रजको नाम्ना शमिलाक्षो महीपते नीलीमध्ये तु वस्त्राणि प्रक्षिप्तानि महीपते

purā''sīdrajako nāmnā śamilākṣo mahīpate nīlīmadhye tu vastrāṇi prakṣiptāni mahīpate

हे महीपते, पूर्वकाल में शमिलाक्ष नामक एक धोबी था; हे महीपते, उसके वस्त्र नील (रंग) की टंकी में डाले गए थे।

श्लोक 3 (skanda.7.407.3)

अथासौ भयमापन्नो ज्ञात्वा वस्त्रविडंबनम् देशांतरं प्रस्थितोऽसौ स्वकुटुम्बसमावृतः

athāsau bhayamāpanno jñātvā vastraviḍambanam deśāṁtaraṁ prasthito'sau svakuṭumbasamāvṛtaḥ

तब वस्त्रों के बिगड़ जाने की बात जानकर भयभीत होकर वह अपने कुटुम्ब सहित देशान्तर को चल पड़ा।

श्लोक 4 (skanda.7.407.4)

अथ तस्य सुता राजन्दाशकन्यासखी शुभा दुःखेन महताविष्टा दाश्यंतिकमुपाद्रवत्

atha tasya sutā rājandāśakanyāsakhī śubhā duḥkhena mahatāviṣṭā dāśyaṁtikamupādravat

हे राजन्, तब उसकी पुत्री, जो एक धीवर-कन्या की सखी थी, अत्यन्त दुःखी होकर उस धीवर-कन्या के पास दौड़ी गई,

श्लोक 5 (skanda.7.407.5)

तस्यै निवेदयामास भयं वस्त्रसमुद्भवम् विदेशचलनं चैव बाष्पगद्गदया गिरा

tasyai nivedayāmāsa bhayaṁ vastrasamudbhavam videśacalanaṁ caiva bāṣpagadgadayā girā

और अश्रुगद्गद वाणी से उसे वस्त्रों से उत्पन्न भय और विदेश-गमन की बात बताई।

श्लोक 6 (skanda.7.407.6)

दाशकन्यापि दुःखेन तस्या दुःखसमन्विता अब्रवीद्वाष्संक्लिन्नां निश्वसंती मुहुर्मुहुः

dāśakanyāpi duḥkhena tasyā duḥkhasamanvitā abravīdvāṣsaṁklinnāṁ niśvasaṁtī muhurmuhuḥ

उसके दुःख से दुःखी होकर धीवर-कन्या भी आँसुओं से भीगी हुई, बार-बार लम्बी साँसें लेती हुई बोली।

श्लोक 7 (skanda.7.407.7)

दाशकन्योवाच अस्त्युपायो महानत्र विदितो मम शोभने ध्रुवं तेन कृतेनैव निर्भयं ते च ते पितुः

dāśakanyovāca astyupāyo mahānatra vidito mama śobhane dhruvaṁ tena kṛtenaiva nirbhayaṁ te ca te pituḥ

धीवर-कन्या ने कहा — हे शोभने, यहाँ मुझे ज्ञात एक महान् उपाय है; उसी के करने से निश्चय ही तू और तेरा पिता निर्भय हो जाओगे।

श्लोक 8 (skanda.7.407.8)

अत्रास्ति निर्झरं सुभ्रूरर्बुदे वरवर्णिनि तत्र मे भ्रातरश्चैव तथान्ये मत्स्यजीविनः

atrāsti nirjharaṁ subhrūrarbude varavarṇini tatra me bhrātaraścaiva tathānye matsyajīvinaḥ

हे सुभ्रु, हे वरवर्णिनि, यहाँ अर्बुद पर्वत पर एक झरना है; वहाँ मेरे भाई तथा अन्य मछुआरे रहते हैं,

श्लोक 9 (skanda.7.407.9)

यच्चान्यदपि तत्रैव क्षिप्यते सलिले शुभे तत्सर्वं शुक्लतामेति पश्य मे वपुरीदृशम्

yaccānyadapi tatraiva kṣipyate salile śubhe tatsarvaṁ śuklatāmeti paśya me vapurīdṛśam

और वहाँ उस शुभ जल में जो भी कुछ डाला जाता है, वह सब श्वेत हो जाता है — देख, मेरा यह शरीर भी ऐसा ही है!

श्लोक 10 (skanda.7.407.10)

सर्वेषामेव दाशानां तस्य तोयस्य मज्जनात् तानि वस्त्राणि तत्रैव तातस्तव सुमध्यमे जले प्रक्षालयेत्क्षिप्रं प्रयास्यंति सुशुक्लताम्

sarveṣāmeva dāśānāṁ tasya toyasya majjanāt tāni vastrāṇi tatraiva tātastava sumadhyame jale prakṣālayetkṣipraṁ prayāsyaṁti suśuklatām

उस जल में सभी धीवरों के स्नान करने के कारण — हे सुमध्यमे, तू अपने पिता से कह कि वे उन वस्त्रों को वहीं उस जल में शीघ्र धो लें, वे तुरन्त अत्यन्त श्वेत हो जाएँगे।

श्लोक 11 (skanda.7.407.11)

त्वयाऽत्र न भयं कार्यं गत्वा तातं निवारय प्रस्थितं परदेशाय नात्र कार्या विचारणा

tvayā'tra na bhayaṁ kāryaṁ gatvā tātaṁ nivāraya prasthitaṁ paradeśāya nātra kāryā vicāraṇā

तुझे इस विषय में भय नहीं करना चाहिए; जाकर परदेश जाने के लिए निकले हुए अपने पिता को रोक ले — इसमें विचार करने की आवश्यकता नहीं है।

श्लोक 12 (skanda.7.407.12)

पुलस्त्य उवाच सा तस्या वचनं श्रुत्वा गत्वा सर्वं न्यवेदयत् जनकाय सुता तूर्णं ततोऽसौ तुष्टिमाप्तवान्

pulastya uvāca sā tasyā vacanaṁ śrutvā gatvā sarvaṁ nyavedayat janakāya sutā tūrṇaṁ tato'sau tuṣṭimāptavān

पुलस्त्य जी ने कहा — उसका वचन सुनकर उस पुत्री ने जाकर तुरन्त अपने पिता से सब कुछ निवेदन किया; तब वह प्रसन्न हो गया।

श्लोक 13 (skanda.7.407.13)

प्रातरुत्थाय तूर्णं स निर्झरं तमुपाद्रवत् क्षिप्तमात्राणि राजेन्द्र तानि वस्त्राणि तेन वै

prātarutthāya tūrṇaṁ sa nirjharaṁ tamupādravat kṣiptamātrāṇi rājendra tāni vastrāṇi tena vai

हे राजेन्द्र, प्रातःकाल शीघ्र उठकर वह उस झरने की ओर दौड़ा और उसने उन वस्त्रों को उस जल में डाल दिया।

श्लोक 14 (skanda.7.407.14)

तस्मिंस्तोयेतिशुक्लत्वं गतानि बहुलां ततः कांतिमापुश्च परमां तथा दृष्ट्वांबराणि च

tasmiṁstoyetiśuklatvaṁ gatāni bahulāṁ tataḥ kāntimāpuśca paramāṁ tathā dṛṣṭvāṁbarāṇi ca

उस जल में वे वस्त्र अत्यन्त श्वेत हो गए और परम कान्ति को प्राप्त हुए; उन वस्त्रों को देखकर,

श्लोक 15 (skanda.7.407.15)

अथासौ विस्मयाविष्टस्तानि चादाय सत्वरः राज्ञे निवेदयामास वृत्तांतं च तदुद्भवम्

athāsau vismayāviṣṭastāni cādāya satvaraḥ rājñe nivedayāmāsa vṛttāṁtaṁ ca tadudbhavam

वह विस्मित होकर उन्हें शीघ्र लेकर राजा के पास गया और उसे इस घटना का सम्पूर्ण वृत्तान्त सुनाया।

श्लोक 16 (skanda.7.407.16)

ततो विस्मयमापन्नः स राजा तत्र निर्झरे अन्यानि नीलीरक्तानि वस्त्राणि चाक्षिपज्जले

tato vismayamāpannaḥ sa rājā tatra nirjhare anyāni nīliraktāni vastrāṇi cākṣipajjale

तब राजा भी विस्मित होकर उस झरने में नील और लाल रंग के अन्य वस्त्र डालने लगा।

श्लोक 17 (skanda.7.407.17)

सर्वाणि शुक्लतां यांति विशिष्टानि भवंति च ज्ञात्वा ततः परं तीर्थं स्नानं चक्रे यथाविधि

sarvāṇi śuklatāṁ yāṁti viśiṣṭāni bhavaṁti ca jñātvā tataḥ paraṁ tīrthaṁ snānaṁ cakre yathāvidhi

सभी वस्त्र श्वेत हो गए और विशिष्ट बन गए। इसे परम तीर्थ जानकर उसने विधिपूर्वक वहाँ स्नान किया।

श्लोक 18 (skanda.7.407.18)

त्यक्त्वा राज्यं स तत्रैव तपस्तेपे महीपतिः ततः सिद्धिं परां प्राप्तस्तीर्थस्यास्य प्रभावतः

tyaktvā rājyaṁ sa tatraiva tapastepe mahīpatiḥ tataḥ siddhiṁ parāṁ prāptastīrthasyāsya prabhāvataḥ

उस राजा ने अपना राज्य त्यागकर वहीं तप किया; तब इस तीर्थ के प्रभाव से उसे परम सिद्धि प्राप्त हुई।

श्लोक 19 (skanda.7.407.19)

एकादश्यां नरस्तत्र यः श्राद्धं कुरुते नृप स कुलानि समुद्धृत्य दश याति दिवं ततः स्नानेनव विपापत्वं तत्क्षणादेव जायते

ekādaśyāṁ narastatra yaḥ śrāddhaṁ kurute nṛpa sa kulāni samuddhṛtya daśa yāti divaṁ tataḥ snānenava vipāpatvaṁ tatkṣaṇādeva jāyate

हे राजन्, जो मनुष्य वहाँ एकादशी को श्राद्ध करता है, वह अपने दस कुलों का उद्धार कर स्वर्ग को जाता है; केवल स्नान से ही उसी क्षण पापरहितता प्राप्त हो जाती है।