गोमती नदी की उत्पत्ति

श्लोक 1 (skanda.7.452.1)

॥ प्रह्लाद उवाच ॥ ततो गच्छेद्द्विजश्रेष्ठा गोमतीं कृष्णसंश्रयाम्। यस्या दर्शनमात्रेण मुच्यते सर्वपातकैः। सर्वपापविनिर्मुक्तः कृष्णसायुज्यमाप्नुयात्॥

prahlāda uvāca| tato gacchedvijaśreṣṭhā gomatīṁ kṛṣṇasaṁśrayām| yasyā darśanamātreṇa mucyate sarvapātakaiḥ| sarvapāpavinirmuktaḥ kṛṣṇasāyujyamāpnuyāt||

प्रह्लाद ने कहा — हे द्विजश्रेष्ठो! तत्पश्चात् कृष्ण के आश्रय वाली गोमती नदी के पास जाना चाहिए, जिसके दर्शन मात्र से मनुष्य समस्त पापों से मुक्त हो जाता है और सम्पूर्ण पापों से रहित होकर कृष्ण के सायुज्य को प्राप्त करता है।

श्लोक 2 (skanda.7.452.2)

दुरितौघक्षयकरममंगल्यविनाशनम्। सर्वकामप्रदं नॄणां प्रणमेद्गोमतीजलम्॥

duritaughakṣayakaramamaṅgalyavināśanam| sarvakāmapradaṁ nṝṇāṁ praṇamedgomatījalam||

जो पापों के समूह का नाश करने वाला, अमंगल का विनाशक और मनुष्यों की समस्त कामनाओं को पूर्ण करने वाला है, उस गोमती के जल को प्रणाम करे।

श्लोक 3 (skanda.7.452.3)

महापापक्षयकरमगतीनांगतिप्रदम्। पूर्वपुण्यवशात्प्राप्तं प्रणमेद्गोमतीजलम्॥

mahāpāpakṣayakaramagatīnāṁgatipradam| pūrvapuṇyavaśātprāptaṁ praṇamedgomatījalam||

जो महापापों का नाश करने वाला और शरणहीनों को शरण देने वाला है, तथा जो पूर्वजन्म के पुण्य से प्राप्त होता है, उस गोमती के जल को प्रणाम करे।

श्लोक 4 (skanda.7.452.4)

॥ ऋषय ऊचुः ॥ दैत्येन्द्र संशयोऽस्माकं तं त्वं छेत्तुमिहार्हसि। इयं का गोमती तत्र केनानीता महामते॥

ṛṣaya ūcuḥ| daityendra saṁśayo'smākaṁ taṁ tvaṁ chettumihārhasi| iyaṁ kā gomatī tatra kenānītā mahāmate||

ऋषियों ने कहा — हे दैत्येन्द्र! हमें एक संशय है, आप उसे दूर करने योग्य हैं। यह गोमती कौन है और उसे वहाँ, हे महामते! कौन लाया?

श्लोक 5 (skanda.7.452.5)

केन कार्यवशेनेह संप्राप्ता वरुणालयम्। सर्वं भागवतश्रेष्ठ ह्येतद्विस्तरतो वद॥

kena kāryavaśeneha samprāptā varuṇālayam| sarvaṁ bhāgavataśreṣṭha hyetadvistarato vada||

किस प्रयोजन से वह वरुणालय को प्राप्त हुई? हे भागवतश्रेष्ठ! यह सब हमें विस्तारपूर्वक बताइए।

श्लोक 6 (skanda.7.452.6)

॥ प्रह्लाद उवाच ॥ एकार्णवे पुरा भूते नष्टे स्थावरजंगमे। तदा ब्रह्मा समभवद्विष्णोर्नाभिसरोरुहात्॥

prahlāda uvāca| ekārṇave purā bhūte naṣṭe sthāvarajaṅgame| tadā brahmā samabhavadviṣṇornābhisaroruhāt||

प्रह्लाद ने कहा — पूर्वकाल में जब सम्पूर्ण संसार एक महासागर में परिणत हो गया था और सभी चराचर नष्ट हो चुके थे, तब विष्णु की नाभि-कमल से ब्रह्मा प्रकट हुए।

श्लोक 7 (skanda.7.452.7)

आदिष्टः प्रभुणा ब्रह्मा सृजस्व विविधाः प्रजाः। इति धाता समादिष्टो हरिणा सृष्टिकारणे॥

ādiṣṭaḥ prabhuṇā brahmā sṛjasva vividhāḥ prajāḥ| iti dhātā samādiṣṭo hariṇā sṛṣṭikāraṇe||

प्रभु ने ब्रह्मा को आदेश दिया — 'विविध प्रजाओं की सृष्टि करो।' इस प्रकार हरि ने सृष्टिकार्य के लिए विधाता को आदेश दिया।

श्लोक 8 (skanda.7.452.8)

उक्त्वा बाढमिति ब्रह्मा ततः सृष्टौ मनो दधे। ससर्ज मानसात्सद्यः सनकाद्यान्कुमारकान्। उवाच वचनं ब्रह्मा प्रजाः सृजत पुत्रकाः॥

uktvā bāḍhamiti brahmā tataḥ sṛṣṭau mano dadhe| sasarja mānasātsadyaḥ sanakādyānkumārakān| uvāca vacanaṁ brahmā prajāḥ sṛjata putrakāḥ||

'ऐसा ही हो' कहकर ब्रह्मा ने सृष्टि में अपना मन लगाया। उन्होंने तत्काल अपने मानस से सनक आदि कुमारों को उत्पन्न किया, और कहा — 'हे पुत्रो! प्रजाओं की सृष्टि करो।'

श्लोक 9 (skanda.7.452.9)

ब्रह्मणो वचनं श्रुत्वा ते कृतांजलयोऽब्रुवन्। भगवन्भगवद्रूपं द्रष्टुकामा वयं प्रभो॥

brahmaṇo vacanaṁ śrutvā te kṛtāñjalayo'bruvan| bhagavanbhagavadrūpaṁ draṣṭukāmā vayaṁ prabho||

ब्रह्मा का यह वचन सुनकर उन्होंने हाथ जोड़कर कहा — हे भगवन्! हे प्रभो! हम तो भगवान् के रूप का दर्शन करना चाहते हैं।

श्लोक 10 (skanda.7.452.10)

न बन्धमनुवर्त्तामः सृष्टिरूपं दुरासदम्। इत्युक्त्वा ते ययुः सर्वे सनकाद्या कुमारकाः॥

na bandhamanuvartāmaḥ sṛṣṭirūpaṁ durāsadam| ityuktvā te yayuḥ sarve sanakādyā kumārakāḥ||

हम बन्धनकारी और दुर्गम सृष्टिकार्य का अनुसरण नहीं करेंगे — ऐसा कहकर वे सब सनक आदि कुमार वहाँ से चले गए।

श्लोक 11 (skanda.7.452.11)

पश्चिमां दिशमास्थाय तीरे नदनदीपतेः। तेजोमयस्य रूपस्य द्रष्टुकामा महात्मनः। तस्मिन्मानसमाधाय तेपिरे परमं तपः॥

paścimāṁ diśamāsthāya tīre nadanadīpateḥ| tejomayasya rūpasya draṣṭukāmā mahātmanaḥ| tasminmānasamādhāya tepire paramaṁ tapaḥ||

वे पश्चिम दिशा में जाकर, नद-नदीपति के तट पर, उस महात्मा के तेजोमय रूप का दर्शन करने की इच्छा से, उसी में मन लगाकर परम तपस्या करने लगे।

श्लोक 12 (skanda.7.452.12)

बहुवर्षसहस्रैस्तु प्रसन्ने धरणीधरे। भित्त्वा जलं समुत्तस्थौ तेजोरूपं दुरासदम्॥

bahuvarṣasahasraistu prasanne dharaṇīdhare| bhittvā jalaṁ samuttasthau tejorūpaṁ durāsadam||

अनेक सहस्र वर्षों के बाद, जब पृथ्वी को धारण करने वाला प्रसन्न हुआ, तब वह दुर्गम तेजोरूप जल को भेदकर ऊपर उठ खड़ा हुआ।

श्लोक 13 (skanda.7.452.13)

अनेकदैत्यदमनं बहुयंत्रविदारणम्। सूर्यकोटिप्रभाभासं सहस्रारं सुदर्शनम्॥

anekadaityadamanaṁ bahuyantravidāraṇam| sūryakoṭiprabhābhāsaṁ sahasrāraṁ sudarśanam||

अनेक दैत्यों को दमन करने वाला, अनेक यन्त्रों को विदीर्ण करने वाला, करोड़ों सूर्यों के समान प्रकाशमान, सहस्र आरों वाला — वह सुदर्शन चक्र था।

श्लोक 14 (skanda.7.452.14)

तं दृष्ट्वा विस्मिताः सर्वे ब्रह्मपुत्राः परस्परम्। वीक्षमाणा भगवतः परमायुधमुत्तमम्॥

taṁ dṛṣṭvā vismitāḥ sarve brahmaputrāḥ parasparam| vīkṣamāṇā bhagavataḥ paramāyudhamuttamam||

उस भगवान् के सर्वोत्तम परम आयुध को देखकर वे सभी ब्रह्मपुत्र विस्मित होकर आपस में देखने लगे।

श्लोक 15 (skanda.7.452.15)

तान्विलोक्य तथाभूतान्वागुवाचाशरीरिणी। भो ब्रह्मपुत्रा भगवाञ्छीघ्रमाविर्भविष्यति॥

tānvilokya tathābhūtānvāguvācāśarīriṇī| bho brahmaputrā bhagavāñchīghramāvirbhaviṣyati||

उन्हें उस दशा में देखकर एक अशरीरी वाणी ने कहा — हे ब्रह्मपुत्रो! भगवान् शीघ्र ही प्रकट होंगे।

श्लोक 16 (skanda.7.452.16)

अर्हणार्थं भगवतः शीघ्रमर्घ्यं प्रकल्प्यताम्। आयुधं लोकनाथस्य द्विजाः शीघ्रं प्रसाद्यताम्॥

arhaṇārthaṁ bhagavataḥ śīghramarghyaṁ prakalpyatām| āyudhaṁ lokanāthasya dvijāḥ śīghraṁ prasādyatām||

भगवान् के सम्मान हेतु शीघ्र अर्घ्य तैयार करो; हे द्विजो! लोकनाथ के आयुध को शीघ्र प्रसन्न करो।

श्लोक 17 (skanda.7.452.17)

तच्छ्रुत्वाऽऽकाशवचनं तुष्टुवुस्ते सुदर्शनम्॥

tacchrutvākāśavacanaṁ tuṣṭuvuste sudarśanam||

आकाशवाणी को सुनकर उन्होंने सुदर्शन चक्र की स्तुति की।

श्लोक 18 (skanda.7.452.18)

॥ ऋषय ऊचुः ॥ ज्योतिर्मय नमस्तेऽस्तु नमस्ते हरिवल्लभ। सुदर्शन नमस्तेऽस्तु सहस्राराऽक्षराऽव्यय॥

ṛṣaya ūcuḥ| jyotirmaya namaste'stu namaste harivallabha| sudarśana namaste'stu sahasrārā'kṣarā'vyaya||

ऋषियों ने कहा — हे ज्योतिर्मय! तुम्हें नमस्कार है। हे हरिप्रिय! तुम्हें नमस्कार है। हे सुदर्शन! सहस्र आरों वाले, अक्षर, अव्यय! तुम्हें नमस्कार है।

श्लोक 19 (skanda.7.452.19)

नमस्ते सूर्यरूपाय ब्रह्मरूपाय ते नमः। अमोघाय नमस्तुभ्यं रथांगाय नमोनमः॥

namaste sūryarūpāya brahmarūpāya te namaḥ| amoghāya namastubhyaṁ rathāṅgāya namonamaḥ||

सूर्यरूप को नमस्कार है, ब्रह्मरूप को नमस्कार है, अमोघ को नमस्कार है, हे रथांग! तुम्हें बार-बार नमस्कार है।

श्लोक 20 (skanda.7.452.20)

एवं ते पूजयामासुः सुमनोभिस्तथाऽक्षतैः। स्तवैर्नानाविधैः स्तुत्वा प्रणेमुर्हरिवल्लभम्॥

evaṁ te pūjayāmāsuḥ sumanobhistathā'kṣataiḥ| stavairnānāvidhaiḥ stutvā praṇemurharivallabham||

इस प्रकार उन्होंने सुमनों और अक्षतों से उसकी पूजा की, और नाना प्रकार के स्तोत्रों से स्तुति करके हरिप्रिय को प्रणाम किया।

श्लोक 21 (skanda.7.452.21)

तत्प्रसाद्य सुनाभं तु प्रभुसंदर्शनोत्सुकाः। अस्मरन्मनसा देवं ब्रह्माणं पितरं स्वकम्॥

tatprasādya sunābhaṁ tu prabhusaṁdarśanotsukāḥ| asmaranmanasā devaṁ brahmāṇaṁ pitaraṁ svakam||

इस प्रकार उस सुन्दर नाभि वाले चक्र को प्रसन्न करके, प्रभु के दर्शन के लिए उत्सुक होकर, उन्होंने मन में अपने पिता देव ब्रह्मा का स्मरण किया।

श्लोक 22 (skanda.7.452.22)

तेषां तु चिंतितं ज्ञात्वा ब्रह्मा गंगामथाब्रवीत्। याहि शीघ्रं सरिच्छ्रेष्ठे पृथिव्यां हरिकारणात्॥

teṣāṁ tu cintitaṁ jñātvā brahmā gaṅgāmathābravīt| yāhi śīghraṁ saricchreṣṭhe pṛthivyāṁ harikāraṇāt||

उनके मन की बात जानकर ब्रह्मा ने गंगा से कहा — हे नदियों में श्रेष्ठ! हरि के प्रयोजन से शीघ्र पृथ्वी पर जाओ।

श्लोक 23 (skanda.7.452.23)

गां गता त्वं महाभागे ततो बहुमताऽसि मे। उर्व्यां ते गोमती नाम सुप्रसिद्धं भविष्यति॥

gāṁ gatā tvaṁ mahābhāge tato bahumatā'si me| urvyāṁ te gomatī nāma suprasiddhaṁ bhaviṣyati||

हे महाभागे! पृथ्वी पर जाने से तुम मुझे और अधिक प्रिय हो जाओगी; पृथ्वी पर तुम्हारा नाम 'गोमती' के रूप में सुप्रसिद्ध होगा।

श्लोक 24 (skanda.7.452.24)

वसिष्ठस्यानुगा भूत्वा याहि शीघ्रं धरातलम्। तातं पुत्रीवानुयाता वसिष्ठतनया भव॥

vasiṣṭhasyānugā bhūtvā yāhi śīghraṁ dharātalam| tātaṁ putrīvānuyātā vasiṣṭhatanayā bhava||

वसिष्ठ का अनुसरण करती हुई शीघ्र पृथ्वीतल पर जाओ; जैसे पुत्री पिता का अनुसरण करती है, वैसे ही तुम वसिष्ठ की पुत्री बनकर उनके पीछे-पीछे चलो।

श्लोक 25 (skanda.7.452.25)

बाढमित्येव सा देवी प्रस्थिता वरुणालयम्। वसिष्ठस्त्वग्रतो याति तं गंगा पृष्ठतोऽन्वगात्॥

bāḍhamityeva sā devī prasthitā varuṇālayam| vasiṣṭhastvagrato yāti taṁ gaṅgā pṛṣṭhato'nvagāt||

'ऐसा ही हो' कहकर वह देवी वरुणालय की ओर प्रस्थान कर गई। वसिष्ठ आगे-आगे चलते थे और गंगा उनके पीछे-पीछे चलती थी।

श्लोक 26 (skanda.7.452.26)

तां दृष्ट्वा मनुजाः सर्वे वसिष्ठेन समन्विताम्। नमश्चक्रुर्महाभागां गच्छतो पश्चिमार्णवम्॥

tāṁ dṛṣṭvā manujāḥ sarve vasiṣṭhena samanvitām| namaścakrurmahābhāgāṁ gacchato paścimārṇavam||

उस महाभागा को, वसिष्ठ के साथ पश्चिम समुद्र की ओर जाते हुए देखकर, सभी मनुष्यों ने उसे नमस्कार किया।

श्लोक 27 (skanda.7.452.27)

आविर्बभूव तत्रैव यत्र ते मुनयः स्थिताः। द्रष्टुकामा हरे रूपं श्रिया जुष्टं चतुर्भुजम्॥

āvirbabhūva tatraiva yatra te munayaḥ sthitāḥ| draṣṭukāmā hare rūpaṁ śriyā juṣṭaṁ caturbhujam||

वह ठीक वहीं प्रकट हुई, जहाँ वे मुनि स्थित थे, जो हरि के श्रीयुक्त चतुर्भुज रूप का दर्शन करने के इच्छुक थे।

श्लोक 28 (skanda.7.452.28)

दृष्ट्वा वसिष्ठमनुगामायान्तीं सुरपावनीम्। अवाकिरन्महाभागां सुमनोभिश्च सर्वशः॥

dṛṣṭvā vasiṣṭhamanugāmāyāntīṁ surapāvanīm| avākiranmahābhāgāṁ sumanobhiśca sarvaśaḥ||

वसिष्ठ का अनुसरण करते हुए आती हुई उस देवपावनी को देखकर, उन्होंने उस महाभागा पर चारों ओर से पुष्प बिखेरे।

श्लोक 29 (skanda.7.452.29)

दिव्यैर्माल्यैः सुगन्धैश्च गन्धधूपैस्तथाऽक्षतैः। संपूज्य हृष्टमनसः साधुसाध्विति चाब्रुवन्॥

divyairmālyaiḥ sugandhaiśca gandhadhūpaistathā'kṣataiḥ| sampūjya hṛṣṭamanasaḥ sādhusādhviti cābruvan||

दिव्य सुगन्धित मालाओं, चन्दन, धूप और अक्षतों से उसकी पूजा करके, वे हर्षित मन से 'साधु-साधु' कहने लगे।

श्लोक 30 (skanda.7.452.30)

वसिष्ठं तेऽग्रगं दृष्ट्वा ह्युदतिष्ठंस्ततो द्विजाः। अर्घ्यादिसत्क्रियां कृत्वा प्रहृष्टा इदमब्रुवन्॥

vasiṣṭhaṁ te'gragaṁ dṛṣṭvā hyudatiṣṭhaṁstato dvijāḥ| arghyādisatkriyāṁ kṛtvā prahṛṣṭā idamabruvan||

वसिष्ठ को आगे आता देखकर वे ब्राह्मण उठ खड़े हुए, अर्घ्य आदि सत्कार करके प्रसन्नतापूर्वक यह कहने लगे —

श्लोक 31 (skanda.7.452.31)

यस्मात्त्वया समानीता ह्यस्मिँल्लोके सरिद्वरा। तस्मात्तव सुतेत्येवं ख्यातिं लोके गमिष्यति॥

yasmāttvayā samānītā hyasmilloke saridvarā| tasmāttava sutetyevaṁ khyātiṁ loke gamiṣyati||

चूँकि तुमने इस उत्तम नदी को इस लोक में लाया है, इसलिए यह संसार में 'तुम्हारी पुत्री' के नाम से विख्यात होगी।

श्लोक 32 (skanda.7.452.32)

गोः स्वर्गादागता यस्मादिदं स्थानं मती मता। तस्माद्धि गोमतीनाम ख्यातिं लोके गमिष्यति॥

goḥ svargādāgatā yasmādidaṁ sthānaṁ matī matā| tasmāddhi gomatīnāma khyātiṁ loke gamiṣyati||

चूँकि यह गौ के मार्ग से इस स्थान पर आई है और इस स्थान को श्रेष्ठ माना गया है, इसलिए यह 'गोमती' नाम से संसार में विख्यात होगी।

श्लोक 33 (skanda.7.452.33)

अस्या दर्शनमात्रेण मुक्तिं यास्यंति मानवाः। किं पुनः स्नानदानादि कृत्वा यांति हरेः पदम्॥

asyā darśanamātreṇa muktiṁ yāsyanti mānavāḥ| kiṁ punaḥ snānadānādi kṛtvā yānti hareḥ padam||

इसके दर्शन मात्र से मनुष्य मुक्ति को प्राप्त होंगे; फिर स्नान, दान आदि करने से तो वे हरि के धाम को प्राप्त होते ही हैं, इसमें क्या कहना।

श्लोक 34 (skanda.7.452.34)

तामेव चार्घ्यं दत्त्वा ते योगींद्रा ईडिरे हरिम्। परं पुरुषसूक्तेन पुरुषं शेषशायिनम्॥

tāmeva cārghyaṁ dattvā te yogīndrā īḍire harim| paraṁ puruṣasūktena puruṣaṁ śeṣaśāyinam||

उसी को अर्घ्य अर्पित करके उन योगीन्द्रों ने पुरुषसूक्त द्वारा शेषशायी परम पुरुष हरि की स्तुति की।

श्लोक 35 (skanda.7.452.35)

इति संस्तुवतां तेषां हरिराविर्बभूव ह। पीतकौशेयवसनो वनमालाविभूषितः। दिव्यमाल्यानुलिप्तांगो दिव्याभरणभूषितः॥

iti saṁstuvatāṁ teṣāṁ harirāvirbabhūva ha| pītakauśeyavasano vanamālāvibhūṣitaḥ| divyamālyānuliptāṅgo divyābharaṇabhūṣitaḥ||

इस प्रकार उनकी स्तुति करते-करते हरि प्रकट हुए — पीले रेशमी वस्त्र धारण किए, वनमाला से विभूषित, दिव्य माल्यों से लिप्त अंगों वाले, और दिव्य आभूषणों से सुसज्जित।

श्लोक 36 (skanda.7.452.36)

शेषासनगतं देवं दिव्यानेकोद्यतायुधम्। ज्वलत्किरीटमुकुटं स्फुरन्मकरकुंडलम्॥

śeṣāsanagataṁ devaṁ divyānekodyatāyudham| jvalatkirīṭamukuṭaṁ sphuranmakarakuṇḍalam||

वह देव शेष के आसन पर विराजमान थे, अनेक दिव्य आयुध धारण किए हुए, प्रज्वलित मुकुट वाले, तथा चमकते मकराकार कुण्डलों से युक्त थे।

श्लोक 37 (skanda.7.452.37)

भक्ताभयप्रदं शांतं श्रीवत्सांकं महाभुजम्। सदा प्रसन्नवदनं घनश्यामं चतुर्भुजम्॥

bhaktābhayapradaṁ śāntaṁ śrīvatsāṅkaṁ mahābhujam| sadā prasannavadanaṁ ghanaśyāmaṁ caturbhujam||

वह भक्तों को अभय देने वाले, शान्त, श्रीवत्स-चिह्नधारी, विशाल भुजाओं वाले, सदा प्रसन्नमुख, सघन मेघ के समान श्याम, चतुर्भुज थे।

श्लोक 38 (skanda.7.452.38)

पादसंवाहनासक्तलक्ष्म्या जुष्टं मनोहरम्। तं दृष्ट्वा मुनयः सर्वे हर्षोत्कर्षसमन्विताः। विष्णुं ते विष्णुसूक्तैश्च तुष्टुवुर्वेदसंभवैः॥

pādasaṁvāhanāsaktalakṣmyā juṣṭaṁ manoharam| taṁ dṛṣṭvā munayaḥ sarve harṣotkarṣasamanvitāḥ| viṣṇuṁ te viṣṇusūktaiśca tuṣṭuvurvedasaṁbhavaiḥ||

वे मनोहर देव लक्ष्मी द्वारा पादसेवा में तत्पर होकर सेवित थे। उन्हें देखकर सभी मुनि अत्यंत हर्षित हुए, और उन्होंने वेदोत्पन्न विष्णुसूक्तों द्वारा विष्णु की स्तुति की।

श्लोक 39 (skanda.7.452.39)

एवं संस्तुवता तेषां विष्णुर्दीनानुकंपकः। उवाच सुप्रसन्नेन मनसा द्विजसत्तमान्॥

evaṁ saṁstuvatā teṣāṁ viṣṇurdīnānukampakaḥ| uvāca suprasannena manasā dvijasattamān||

इस प्रकार उनके द्वारा स्तुत होने पर, दीनों पर कृपा करने वाले विष्णु ने अत्यंत प्रसन्न मन से उन द्विजश्रेष्ठों से कहा —

श्लोक 40 (skanda.7.452.40)

॥ श्रीभगवानुवाच ॥ भोभोः कुमारास्तुष्टोऽहं प्रदास्यामि यथेप्सितम्। भविष्यथ ज्ञानयुता अस्पृष्टा मम मायया॥

śrībhagavānuvāca| bhobhoḥ kumārāstuṣṭo'haṁ pradāsyāmi yathepsitam| bhaviṣyatha jñānayutā aspṛṣṭā mama māyayā||

श्रीभगवान् ने कहा — हे कुमारो! मैं प्रसन्न हूँ, मैं तुम्हें इच्छानुसार वर दूँगा। तुम ज्ञानयुक्त हो जाओगे और मेरी माया से अस्पृष्ट रहोगे।

श्लोक 41 (skanda.7.452.41)

यस्मान्मोक्षार्थिभिर्विप्रा जलेनाहं प्रसादितः। तस्मादिदं परं तीर्थं सर्वकामप्रदं परम्॥

yasmānmokṣārthibhirviprā jalenāhaṁ prasāditaḥ| tasmādidaṁ paraṁ tīrthaṁ sarvakāmapradaṁ param||

चूँकि मोक्षार्थी ब्राह्मणों ने मुझे इस जल से प्रसन्न किया है, इसलिए यह परम तीर्थ, समस्त कामनाओं को पूर्ण करने वाला श्रेष्ठ तीर्थ होगा।

श्लोक 42 (skanda.7.452.42)

अनुग्रहाय भवतां यत्र चक्रं सुदर्शनम्। निःसृतं प्रथमं विप्रा जलं भित्त्वा ममाग्रतः॥

anugrahāya bhavatāṁ yatra cakraṁ sudarśanam| niḥsṛtaṁ prathamaṁ viprā jalaṁ bhittvā mamāgrataḥ||

हे विप्रो! तुम्हारे अनुग्रह के लिए ही जहाँ सुदर्शन चक्र सबसे पहले जल को भेदकर मेरे आगे प्रकट हुआ,

श्लोक 43 (skanda.7.452.43)

चक्रतीर्थमिति ख्यातं तस्मादेतद्भविष्यति। ममापि नियतं वासो भविष्यति महार्णवे॥

cakratīrthamiti khyātaṁ tasmādetadbhaviṣyati| mamāpi niyataṁ vāso bhaviṣyati mahārṇave||

वह 'चक्रतीर्थ' के नाम से विख्यात होगा; और उस महासागर में मेरा भी नियत निवास होगा।

श्लोक 44 (skanda.7.452.44)

येऽत्र स्नानं प्रकुर्वंति प्रसंगेनापि मानवाः। चक्रतीर्थे द्विजश्रेष्ठास्तेषां मुक्तिः करे स्थिता॥

ye'tra snānaṁ prakurvanti prasaṅgenāpi mānavāḥ| cakratīrthe dvijaśreṣṭhāsteṣāṁ muktiḥ kare sthitā||

हे द्विजश्रेष्ठो! जो मनुष्य चक्रतीर्थ में केवल प्रसंगवश भी स्नान करते हैं, उनकी मुक्ति उनके हाथ में ही रहती है।

श्लोक 45 (skanda.7.452.45)

भवतोऽपि सदा ह्यत्र तिष्ठध्वं च द्विजर्षभाः। वायुभूतांतरिक्षस्थाः सर्वकामस्य दायकाः॥

bhavato'pi sadā hyatra tiṣṭhadhvaṁ ca dvijarṣabhāḥ| vāyubhūtāntarikṣasthāḥ sarvakāmasya dāyakāḥ||

हे द्विजर्षभो! तुम भी सदा यहीं रहो, वायुरूप होकर अन्तरिक्ष में स्थित रहते हुए समस्त कामनाओं को प्रदान करने वाले बनो।

श्लोक 46 (skanda.7.452.46)

॥ प्रह्लाद उवाच ॥ तच्छ्रुत्वा हृष्टमनसः कृत्वार्घ्यं सुरपावनीम्। अवनिज्य हरेः पादौ मूर्ध्नाऽपश्चाप्यधारयन्॥

prahlāda uvāca| tacchrutvā hṛṣṭamanasaḥ kṛtvārghyaṁ surapāvanīm| avanijya hareḥ pādau mūrdhnā'paścāpyadhārayan||

प्रह्लाद ने कहा — यह सुनकर वे प्रसन्नचित्त होकर, उस देवपावनी को अर्घ्य अर्पित करके, हरि के चरण धोकर उस जल को अपने मस्तक पर धारण करने लगे।

श्लोक 47 (skanda.7.452.47)

प्रक्षाल्य सा हरेः पादौ प्रविष्टा वरुणालयम्। तस्मिन्महापापहरा गोमती सागरं गता॥

prakṣālya sā hareḥ pādau praviṣṭā varuṇālayam| tasminmahāpāpaharā gomatī sāgaraṁ gatā||

हरि के चरणों को धोकर वह वरुणालय में प्रविष्ट हो गई; इस प्रकार महापापहारिणी गोमती सागर में जा मिली।

श्लोक 48 (skanda.7.452.48)

वरं दत्त्वा ततो विष्णुस्तत्रैवान्तरधीयत। सनकाद्या ब्रह्मसुतास्तस्थुस्तत्र समाहिताः॥

varaṁ dattvā tato viṣṇustatraivāntaradhīyata| sanakādyā brahmasutāstasthustatra samāhitāḥ||

वर देकर विष्णु वहीं अन्तर्धान हो गए; और सनक आदि ब्रह्मपुत्र वहीं स्थिर होकर बने रहे।

श्लोक 49 (skanda.7.452.49)

एवं सा गोमती तत्र संजाता सागरंगमा। सर्वपापहरा प्रोक्ता पूर्वगंगेति या श्रुता॥

evaṁ sā gomatī tatra saṁjātā sāgaraṁgamā| sarvapāpaharā proktā pūrvagaṅgeti yā śrutā||

इस प्रकार वह गोमती वहाँ उत्पन्न होकर सागर में मिल गई; वह सम्पूर्ण पापों को हरने वाली, 'पूर्वगंगा' के नाम से प्रसिद्ध कही गई है।