गोमती-सागर संगम स्नान और चक्रतीर्थ का माहात्म्य

श्लोक 1 (skanda.7.455.1)

॥ प्रह्लाद उवाच ॥ मा गच्छध्वं सुरनदीं कालिंदीं मा सरस्वतीम्। गच्छध्वं च द्विजश्रेष्ठा गोमत्युदधिसंगमे॥

prahlāda uvāca| mā gacchadhvaṁ suranadīṁ kāliṁdīṁ mā sarasvatīm| gacchadhvaṁ ca dvijaśreṣṭhā gomatyudadhisaṅgame||

प्रह्लाद ने कहा — देवनदी गंगा को मत जाओ, कालिन्दी को मत जाओ, सरस्वती को भी मत जाओ; हे द्विजश्रेष्ठो! गोमती-सागर संगम में ही जाओ।

श्लोक 2 (skanda.7.455.2)

प्राप्यते हेलया यत्र सर्वे कामा न संशयः। गोमतीजलकल्लोलैः क्रीडते यत्र सागरः॥

prāpyate helayā yatra sarve kāmā na saṁśayaḥ| gomatījalakallolaiḥ krīḍate yatra sāgaraḥ||

जहाँ सहज ही समस्त कामनाएँ प्राप्त हो जाती हैं, इसमें संशय नहीं; जहाँ समुद्र गोमती के जल की लहरों से क्रीड़ा करता है।

श्लोक 3 (skanda.7.455.3)

पापघ्नं गोमतीतीरं प्राप्यते पुण्यवन्नरैः। सागरेण च संमिश्रं महापातकनाशनम्॥

pāpaghnaṁ gomatītīraṁ prāpyate puṇyavannaraiḥ| sāgareṇa ca saṁmiśraṁ mahāpātakanāśanam||

गोमती का पापनाशक तट पुण्यवान् मनुष्यों को ही प्राप्त होता है; समुद्र के साथ मिश्रित होने पर वह महापातकों का नाशक बन जाता है।

श्लोक 4 (skanda.7.455.4)

गोमती संगता यत्र सागरेण द्विजोत्तमाः। मुक्तिद्वारं तु तत्प्रोक्तं कलिकाले न संशयः॥

gomatī saṅgatā yatra sāgareṇa dvijottamāḥ| muktidvāraṁ tu tatproktaṁ kalikāle na saṁśayaḥ||

हे द्विजोत्तमो! जहाँ गोमती समुद्र से मिलती है, वह कलिकाल में मुक्ति का द्वार कहा गया है, इसमें संशय नहीं।

श्लोक 5 (skanda.7.455.5)

यत्पुण्यं लभते तूर्णं गंगासागरसंगमे। तत्पुण्यं समवाप्नोति गोमत्युदधिसंगमे॥

yatpuṇyaṁ labhate tūrṇaṁ gaṅgāsāgarasaṅgame| tatpuṇyaṁ samavāpnoti gomatyudadhisaṅgame||

गंगासागर संगम में शीघ्र जो पुण्य प्राप्त होता है, वही पुण्य गोमती-सागर संगम में प्राप्त हो जाता है।

श्लोक 6 (skanda.7.455.6)

नमस्कृत्य च तोयेशं गोमतीं च सरिद्वराम्। अर्घ्यं दद्याद्विधानेन कृत्वा च करयोः कुशान्॥

namaskṛtya ca toyeśaṁ gomatīṁ ca saridvarām| arghyaṁ dadyādvidhānena kṛtvā ca karayoḥ kuśān||

जल के स्वामी को तथा श्रेष्ठ नदी गोमती को नमस्कार करके, हाथों में कुश धारण करके, विधिपूर्वक अर्घ्य अर्पित करे।

श्लोक 7 (skanda.7.455.7)

मंत्रेणानेन विप्रेंद्रा दद्यादर्घ्यं विधानतः। ब्राह्मणैः सह संगत्य सदा तत्तीर्थवासिभिः॥

mantreṇānena viprendrā dadyādarghyaṁ vidhānataḥ| brāhmaṇaiḥ saha saṅgatya sadā tattīrthavāsibhiḥ||

हे विप्रेन्द्रो! इस मंत्र से विधिपूर्वक अर्घ्य अर्पित करे, सदा उस तीर्थ में निवास करने वाले ब्राह्मणों के साथ मिलकर।

श्लोक 8 (skanda.7.455.8)

भक्त्या चार्घ्यं प्रदास्यामि देवाय परमात्मने। त्राहि मां पापिनं घोरं नमस्ते सुररूपिणे॥

bhaktyā cārghyaṁ pradāsyāmi devāya paramātmane| trāhi māṁ pāpinaṁ ghoraṁ namaste sururūpiṇe||

'मैं भक्तिपूर्वक परमात्मा देव को अर्घ्य अर्पित करता हूँ। मुझ घोर पापी की रक्षा करो; हे देवरूपिणे! तुम्हें नमस्कार है।'

श्लोक 9 (skanda.7.455.9)

तीर्थराज नमस्तुभ्यं रत्नाकर महार्णव। गोमत्या सह गोविंद गृहाणार्घ्यं नमोऽस्तु ते॥

tīrtharāja namastubhyaṁ ratnākara mahārṇava| gomatyā saha govinda gṛhāṇārghyaṁ namo'stu te||

'हे तीर्थराज! हे रत्नाकर! हे महार्णव! तुम्हें नमस्कार है। हे गोविन्द! गोमती के साथ यह अर्घ्य ग्रहण करो, तुम्हें नमस्कार है।'

श्लोक 10 (skanda.7.455.10)

दत्त्वा चार्घ्यं शिखां बद्ध्वा संस्मृत्य जलशायिनम्। कुर्याच्च प्राङ्मुखः स्नानं ततः प्रत्यङ्मुखस्तथा॥

dattvā cārghyaṁ śikhāṁ baddhvā saṁsmṛtya jalaśāyinam| kuryācca prāṅmukhaḥ snānaṁ tataḥ pratyaṅmukhastathā||

अर्घ्य अर्पित करके, शिखा बाँधकर, जलशायी भगवान् का स्मरण करके, पूर्वाभिमुख होकर स्नान करे, फिर पश्चिमाभिमुख होकर भी।

श्लोक 11 (skanda.7.455.11)

स्नात्वा च परया भक्त्या पितॄन्संतर्पयेत्ततः। विश्वेदेवादि संपूज्य पितॄणां श्राद्धमाचरेत्॥

snātvā ca parayā bhaktyā pitṝnsaṁtarpayettataḥ| viśvedevādi sampūjya pitṝṇāṁ śrāddhamācaret||

स्नान करके अत्यंत भक्तिपूर्वक पितरों को तृप्त करे; विश्वेदेव आदि की पूजा करके पितरों का श्राद्ध करे।

श्लोक 12 (skanda.7.455.12)

यथोक्तां दक्षिणां दद्याद्विष्णुर्मे प्रीयतामिति। विशेषतः प्रदातव्यं सुवर्णं विप्रसत्तमाः॥

yathoktāṁ dakṣiṇāṁ dadyādviṣṇurme prīyatāmiti| viśeṣataḥ pradātavyaṁ suvarṇaṁ viprasattamāḥ||

यथोक्त दक्षिणा दे — 'विष्णु मुझ पर प्रसन्न हों' — ऐसा कहते हुए। हे विप्रसत्तमो! विशेष रूप से स्वर्ण देना चाहिए।

श्लोक 13 (skanda.7.455.13)

दंपत्योर्वाससी चैव कंचुकोष्णीषमेव च। लक्ष्म्या सह जगन्नाथो विष्णुर्मे प्रीयतामिति॥

daṁpatyorvāsasī caiva kañcukoṣṇīṣameva ca| lakṣmyā saha jagannātho viṣṇurme prīyatāmiti||

पति-पत्नी दोनों के वस्त्र, अंगरखा और पगड़ी भी दे — 'लक्ष्मी सहित जगन्नाथ विष्णु मुझ पर प्रसन्न हों' — ऐसा कहते हुए।

श्लोक 14 (skanda.7.455.14)

महादानानि सर्वाणि गोमत्युदधिसंगमे। सप्तद्वीपपतिर्भूत्वा विष्णुलोके महीयते॥

mahādānāni sarvāṇi gomatyudadhisaṅgame| saptadvīpapatirbhūtvā viṣṇuloke mahīyate||

गोमती-सागर संगम में सभी महादान करने वाला मनुष्य सप्तद्वीपों का स्वामी होकर विष्णुलोक में महिमा को प्राप्त होता है।

श्लोक 15 (skanda.7.455.15)

यस्तुलापुरुषं दद्याद्गोमत्युदधिसंगमे। सप्तद्वीपपतिर्भूत्वा विष्णुलोके महीयते॥

yastulāpuruṣaṁ dadyādgomatyudadhisaṅgame| saptadvīpapatirbhūtvā viṣṇuloke mahīyate||

जो गोमती-सागर संगम में तुलापुरुष-दान करता है, वह भी सप्तद्वीपों का स्वामी होकर विष्णुलोक में महिमा को प्राप्त होता है।

श्लोक 16 (skanda.7.455.16)

आत्मानं तोलयेद्यस्तु स्वर्णेन रजतेन वा। वस्त्रैर्वा कुंकुमैर्वापि फलैर्वापि तथा रसैः॥

ātmānaṁ tolayedyastu svarṇena rajatena vā| vastrairvā kuṅkumairvāpi phalairvāpi tathā rasaiḥ||

जो अपने आपको स्वर्ण से, चाँदी से, वस्त्रों से, केसर से, फलों से या रसों से तौलता है,

श्लोक 17 (skanda.7.455.17)

भुक्त्वा भोगान्सुविपुलांस्तथा कामान्मनोहरान्। संपूज्यमानस्त्रिदशैर्याति विष्ण्वालयं नरः॥

bhuktvā bhogānsuvipulāṁstathā kāmānmanoharān| sampūjyamānastridaśairyāti viṣṇvālayaṁ naraḥ||

वह मनुष्य विपुल भोगों और मनोहर कामनाओं का भोग करके, देवताओं द्वारा पूजित होते हुए, विष्णु के धाम को जाता है।

श्लोक 18 (skanda.7.455.18)

हिरण्यरूप्यदानं च ह्यश्वं धेनुं तथैव च। गोमतीसंगमे दत्त्वा सर्वान्कामानवाप्नुयात्॥

hiraṇyarūpyadānaṁ ca hyaśvaṁ dhenuṁ tathaiva ca| gomatīsaṅgame dattvā sarvānkāmānavāpnuyāt||

गोमती के संगम पर सोना, चाँदी, घोड़ा और गाय का दान करके मनुष्य अपनी समस्त कामनाओं को प्राप्त करता है।

श्लोक 19 (skanda.7.455.19)

भूमिदानं च यो दद्याद्गोमत्युदधिसंगमे। स्नात्वा शुचिर्हरिं स्मृत्वा तस्माद्धन्यतरो नहि॥

bhūmidānaṁ ca yo dadyādgomatyudadhisaṅgame| snātvā śucirhariṁ smṛtvā tasmāddhanyataro nahi||

जो गोमती-सागर संगम में स्नान करके, शुद्ध होकर, हरि का स्मरण करते हुए भूमि का दान करता है, उससे बढ़कर कोई धन्य नहीं है।

श्लोक 20 (skanda.7.455.20)

कन्यादानं च यः कुर्याद्विद्यादानमथापि वा। गोमत्याः संगमे स्नात्वा याति ब्रह्मपदं नरः॥

kanyādānaṁ ca yaḥ kuryādvidyādānamathāpi vā| gomatyāḥ saṅgame snātvā yāti brahmapadaṁ naraḥ||

जो कन्यादान करता है या विद्यादान करता है, वह गोमती के संगम में स्नान करके ब्रह्मपद को प्राप्त होता है।

श्लोक 21 (skanda.7.455.21)

यो दद्यात्स्वर्णधेनुं च घृतधेनुं समाहितः। ब्रह्माण्डदानमपि वा तस्य पुण्यमनंतकम्॥

yo dadyātsvarṇadhenuṁ ca ghṛtadhenuṁ samāhitaḥ| brahmāṇḍadānamapi vā tasya puṇyamanaṁtakam||

जो एकाग्रचित्त होकर स्वर्णधेनु, घृतधेनु अथवा ब्रह्माण्डदान भी करता है, उसका पुण्य अनन्त होता है।

श्लोक 22 (skanda.7.455.22)

तथा लवणधेनुं च जलधेनुमथापि वा। दत्त्वा याति परं स्थानं गोमत्युदधिसंगमे॥

tathā lavaṇadhenuṁ ca jaladhenumathāpi vā| dattvā yāti paraṁ sthānaṁ gomatyudadhisaṅgame||

और गोमती-सागर संगम में लवणधेनु या जलधेनु का दान करके मनुष्य परम स्थान को प्राप्त होता है।

श्लोक 23 (skanda.7.455.23)

युगादिषु च सर्वेषु गोमत्युदधिसंगमे। स्नात्वा संतर्प्य च पितॄनक्षयं लोकमाप्नुयात्॥

yugādiṣu ca sarveṣu gomatyudadhisaṅgame| snātvā saṁtarpya ca pitṝnakṣayaṁ lokamāpnuyāt||

समस्त युगादि तिथियों पर गोमती-सागर संगम में स्नान करके और पितरों को तर्पण देकर मनुष्य अक्षय लोक को प्राप्त होता है।

श्लोक 24 (skanda.7.455.24)

आषाढ्यां च तथा माघ्यां कार्तिक्यां संगमे नरः। पितॄणां तर्पणं स्नानं श्राद्धं पावकपूजनम्। कुर्याच्चैव तथा दानं यदीच्छेदक्षयं पदम्॥

āṣāḍhyāṁ ca tathā māghyāṁ kārtikyāṁ saṅgame naraḥ| pitṝṇāṁ tarpaṇaṁ snānaṁ śrāddhaṁ pāvakapūjanam| kuryāccaiva tathā dānaṁ yadīcchedakṣayaṁ padam||

आषाढ़, माघ और कार्तिक मास में संगम पर मनुष्य पितृतर्पण, स्नान, श्राद्ध, अग्नि-पूजन और दान करे, यदि वह अक्षय पद की इच्छा रखता हो।

श्लोक 25 (skanda.7.455.25)

पितॄणां चाक्षया तृप्तिर्गयाश्राद्धेन वै यथा। तद्वच्छ्राद्धान्महाभाग गोमत्युदधिसंगमे॥

pitṝṇāṁ cākṣayā tṛptirgayāśrāddhena vai yathā| tadvacchrāddhānmahābhāga gomatyudadhisaṅgame||

जैसे गया-श्राद्ध से पितरों की अक्षय तृप्ति होती है, हे महाभाग! वैसे ही गोमती-सागर संगम में श्राद्ध करने से भी होती है।

श्लोक 26 (skanda.7.455.26)

कुर्य्यात्स्नानं तथा दानं पितॄणां तर्पणं तथा। पञ्चकासु द्विजश्रेष्ठास्तथा चैवाष्टकासु च॥

kuryātsnānaṁ tathā dānaṁ pitṝṇāṁ tarpaṇaṁ tathā| pañcakāsu dvijaśreṣṭhāstathā caivāṣṭakāsu ca||

हे द्विजश्रेष्ठो! पंचक तिथियों में तथा अष्टका तिथियों में भी स्नान, दान और पितृतर्पण करना चाहिए।

श्लोक 27 (skanda.7.455.27)

वैधृतौ च व्यतीपाते छायायां कुंजरस्य च। षष्ठ्यां च कपिलाख्यायां तथा हि द्वादशीषु च॥

vaidhṛtau ca vyatīpāte chāyāyāṁ kuñjarasya ca| ṣaṣṭhyāṁ ca kapilākhyāyāṁ tathā hi dvādaśīṣu ca||

वैधृति और व्यतीपात योग में, हाथी की छाया के समय, कपिला षष्ठी में, तथा द्वादशी तिथियों में भी,

श्लोक 28 (skanda.7.455.28)

गोमत्यां संगमे स्नात्वा दद्याद्दानं विशेषतः। निर्मलं स्थानमाप्नोति यत्र गत्वा न शोचति॥

gomatyāṁ saṅgame snātvā dadyāddānaṁ viśeṣataḥ| nirmalaṁ sthānamāpnoti yatra gatvā na śocati||

गोमती के संगम में स्नान करके विशेष रूप से दान देना चाहिए; इससे वह निर्मल स्थान प्राप्त होता है, जहाँ जाकर मनुष्य शोक नहीं करता।

श्लोक 29 (skanda.7.455.29)

श्राद्धपक्षे त्वमावास्यां गोमत्युदधिसंगमे। हेलया प्राप्यते पुण्यं दत्त्वा पिण्डं गयासमम्॥

śrāddhapakṣe tvamāvāsyāṁ gomatyudadhisaṅgame| helayā prāpyate puṇyaṁ dattvā piṇḍaṁ gayāsamam||

श्राद्धपक्ष में अमावस्या के दिन गोमती-सागर संगम में पिण्डदान करके, सहज ही गया के समान पुण्य प्राप्त होता है।

श्लोक 30 (skanda.7.455.30)

तस्मात्सर्वं प्रयत्नेन त्वमावास्यां द्विजोत्तमाः। श्राद्धं हि पितृपक्षांते कार्य्यं गोमतिसंगमे॥

tasmātsarvaṁ prayatnena tvamāvāsyāṁ dvijottamāḥ| śrāddhaṁ hi pitṛpakṣānte kāryaṁ gomatisaṅgame||

अतः, हे द्विजोत्तमो! अमावस्या के दिन सब कुछ प्रयत्नपूर्वक करना चाहिए; पितृपक्ष के अन्त में गोमती के संगम में श्राद्ध अवश्य करना चाहिए।

श्लोक 31 (skanda.7.455.31)

यद्यप्यश्रोत्रियं श्राद्धं यद्यप्युपहतं भवेत्। पक्षश्राद्धकृतं पुण्यं दिनेनैकेन लभ्यते॥

yadyapyaśrotriyaṁ śrāddhaṁ yadyapyupahataṁ bhavet| pakṣaśrāddhakṛtaṁ puṇyaṁ dinenaikena labhyate||

यद्यपि श्राद्ध वेदज्ञ ब्राह्मण के बिना हुआ हो, या कहीं त्रुटिपूर्ण भी हुआ हो, फिर भी पूरे पक्ष का श्राद्ध-पुण्य एक ही दिन में प्राप्त हो जाता है।

श्लोक 32 (skanda.7.455.32)

श्रद्धाहीनं मन्त्रहीनं पात्रहीनमथापि वा। द्रव्यहीनं कालहीनं मनसः स्वास्थ्यवर्जितम्॥

śraddhāhīnaṁ mantrahīnaṁ pātrahīnamathāpi vā| dravyahīnaṁ kālahīnaṁ manasaḥ svāsthyavarjitam||

श्रद्धाविहीन, मन्त्रविहीन, सुपात्र से रहित, अथवा द्रव्यविहीन, कालविहीन, मानसिक स्वस्थता से रहित भी श्राद्ध हो,

श्लोक 33 (skanda.7.455.33)

श्राद्धपक्षे ह्यमायां तु गोमत्युदधिसंगमे। परिपूर्णं भवेत्सर्वं पितॄणां तृप्तिरक्षया॥

śrāddhapakṣe hyamāyāṁ tu gomatyudadhisaṅgame| paripūrṇaṁ bhavetsarvaṁ pitṝṇāṁ tṛptirakṣayā||

फिर भी श्राद्धपक्ष में अमावस्या के दिन गोमती-सागर संगम में यह सब पूर्ण हो जाता है, और पितरों को अक्षय तृप्ति प्राप्त होती है।

श्लोक 34 (skanda.7.455.34)

गोमती कमला चैव चंद्रभागा तथैव च। तिस्रस्तु संगता नद्यः प्रविष्टा वरुणालयम्॥

gomatī kamalā caiva caṁdrabhāgā tathaiva ca| tisrastu saṅgatā nadyaḥ praviṣṭā varuṇālayam||

गोमती, कमला और चन्द्रभागा — ये तीनों नदियाँ एक साथ मिलकर वरुणालय में प्रविष्ट हुई हैं।

श्लोक 35 (skanda.7.455.35)

गयायां पिंडदानेन प्रयागे ह्यस्थिपातने। तत्पुण्यं समवाप्नोति पक्षांते श्राद्धकृन्नरः॥

gayāyāṁ piṇḍadānena prayāge hyasthipātane| tatpuṇyaṁ samavāpnoti pakṣānte śrāddhakṛnnaraḥ||

गया में पिण्डदान से और प्रयाग में अस्थि-विसर्जन से जो पुण्य प्राप्त होता है, वही पुण्य पक्ष के अन्त में श्राद्ध करने वाला मनुष्य प्राप्त करता है।

श्लोक 36 (skanda.7.455.36)

यदीच्छेत्सर्वतीर्थेषु हेलया त्वभिषेचनम्। स्नानं कुर्वीत भक्त्या वै गोमत्युदधिसंगमे॥

yadīcchetsarvatīrtheṣu helayā tvabhiṣecanam| snānaṁ kurvīta bhaktyā vai gomatyudadhisaṅgame||

यदि कोई सभी तीर्थों में सहज ही अभिषेक चाहता हो, तो उसे भक्तिपूर्वक गोमती-सागर संगम में स्नान करना चाहिए।

श्लोक 37 (skanda.7.455.37)

पक्षेपक्षे समग्रा तु पितृपूजा कृता च यैः। सम्पूर्णा जायते तेषां गोमत्युदधिसंगमे॥

pakṣepakṣe samagrā tu pitṛpūjā kṛtā ca yaiḥ| sampūrṇā jāyate teṣāṁ gomatyudadhisaṅgame||

जिन्होंने प्रत्येक पक्ष में पितृपूजा का सम्पूर्ण अनुष्ठान किया है, उनके लिए वह गोमती-सागर संगम में पूर्ण हो जाती है।

श्लोक 38 (skanda.7.455.38)

श्राद्धे कृते त्वमावस्यां पितृपक्षे च वै द्विजाः। अपुत्रा चैव या नारी काकवंध्या च या भवेत्॥

śrāddhe kṛte tvamāvasyāṁ pitṛpakṣe ca vai dvijāḥ| aputrā caiva yā nārī kākavaṁdhyā ca yā bhavet||

हे द्विजो! अमावस्या के दिन पितृपक्ष में श्राद्ध किए जाने पर, जो स्त्री पुत्रहीन हो या जो 'काकवंध्या' हो,

श्लोक 39 (skanda.7.455.39)

मृतपुत्रा तथा विप्राः संगमे स्नानमाचरेत्। दोषैः प्रमुच्यते सर्वैर्गोमप्युदधिसंगमे। स्नात्वा सुखमवाप्नोति प्रजां च चिरजीविनीम्॥

mṛtaputrā tathā viprāḥ saṅgame snānamācaret| doṣaiḥ pramucyate sarvairgomatyudadhisaṅgame| snātvā sukhamavāpnoti prajāṁ ca cirajīvinīm||

या मृतपुत्रा हो, हे विप्रो! उसे संगम में स्नान करना चाहिए; गोमती-सागर संगम में स्नान करके वह समस्त दोषों से मुक्त हो जाती है, और सुख तथा दीर्घजीवी संतान प्राप्त करती है।

श्लोक 40 (skanda.7.455.40)

यानि कानि च दानानि पृथिव्यां सम्भवंति हि। तानि सर्वाणि देयानि गोमत्युदधिसंगमे॥

yāni kāni ca dānāni pṛthivyāṁ sambhavanti hi| tāni sarvāṇi deyāni gomatyudadhisaṅgame||

पृथ्वी पर जितने भी प्रकार के दान होते हैं, वे सभी गोमती-सागर संगम में देने चाहिए।

श्लोक 41 (skanda.7.455.41)

सर्वदैव च विप्रेन्द्रा विशेषात्सर्वपर्वसु। स्नानं कुर्वीत नियतो गोमत्युदधिसंगमे॥

sarvadaiva ca viprendrā viśeṣātsarvaparvasu| snānaṁ kurvīta niyato gomatyudadhisaṅgame||

हे विप्रेन्द्रो! सदैव, और विशेष रूप से सभी पर्वों पर, नियमपूर्वक गोमती-सागर संगम में स्नान करना चाहिए।

श्लोक 42 (skanda.7.455.42)

दर्शनादेव पापस्य क्षयो भवति भो द्विजाः। प्रणामे मनसस्तुष्टिर्मुक्तिश्चैवावगाहने॥

darśanādeva pāpasya kṣayo bhavati bho dvijāḥ| praṇāme manasastuṣṭirmuktiścaivāvagāhane||

हे द्विजो! दर्शन मात्र से ही पाप का क्षय हो जाता है; प्रणाम से मन को संतोष प्राप्त होता है, और अवगाहन से मुक्ति मिलती है।

श्लोक 43 (skanda.7.455.43)

श्राद्धे कृते पितॄणां तु तृप्तिर्भवति शाश्वती। दाने मनोरथावाप्तिर्जायते नात्र संशयः॥

śrāddhe kṛte pitṝṇāṁ tu tṛptirbhavati śāśvatī| dāne manorathāvāptirjāyate nātra saṁśayaḥ||

श्राद्ध करने से पितरों को शाश्वत तृप्ति प्राप्त होती है; दान करने से मनोरथ की सिद्धि होती है, इसमें संशय नहीं।

श्लोक 44 (skanda.7.455.44)

कृतकृत्यास्तु ते धन्या यैः कृतं पितृतर्पणम्। श्राद्धं च ऋषिशार्दूला गोमत्युदधिसंगमे॥

kṛtakṛtyāstu te dhanyā yaiḥ kṛtaṁ pitṛtarpaṇam| śrāddhaṁ ca ṛṣiśārdūlā gomatyudadhisaṅgame||

हे ऋषिश्रेष्ठो! वे धन्य और कृतकृत्य हैं, जिन्होंने गोमती-सागर संगम में पितृतर्पण और श्राद्ध किया है।

श्लोक 45 (skanda.7.455.45)

पितृपक्षे च वै केचिन्मातृपक्षे तथैव च। तथा श्वशुरपक्षे च ये चान्ये मित्रबांधवाः॥

pitṛpakṣe ca vai kecinmātṛpakṣe tathaiva ca| tathā śvaśurapakṣe ca ye cānye mitrabāṁdhavāḥ||

जो पितृपक्ष में, जो मातृपक्ष में, जो श्वशुरपक्ष में, तथा जो अन्य मित्र और बन्धु-बान्धव हैं,

श्लोक 46 (skanda.7.455.46)

स्थावरत्वं गता ये च पुद्गलत्वं च ये गताः। पिशाचत्वं गता ये च ये च प्रेतत्वमागताः॥

sthāvaratvaṁ gatā ye ca pudgalatvaṁ ca ye gatāḥ| piśācatvaṁ gatā ye ca ye ca pretatvamāgatāḥ||

जो स्थावरत्व को प्राप्त हुए हैं, जो पुद्गलत्व को प्राप्त हुए हैं, जो पिशाचत्व को प्राप्त हुए हैं, और जो प्रेतत्व को प्राप्त हुए हैं,

श्लोक 47 (skanda.7.455.47)

तिर्य्यग्योनिगता ये च ये च कीटत्वमागताः। स्नानमात्रेण ते सर्वे मुक्तिं यांति न संशयः॥

tiryyagyonigatā ye ca ye ca kīṭatvamāgatāḥ| snānamātreṇa te sarve muktiṁ yānti na saṁśayaḥ||

जो पशु-पक्षी योनि को प्राप्त हुए हैं, और जो कीट-योनि को प्राप्त हुए हैं — ये सब केवल स्नान मात्र से मुक्ति को प्राप्त होते हैं, इसमें संशय नहीं।

श्लोक 48 (skanda.7.455.48)

किं पुनः श्राद्धदानादि गोमतीसंगमे तथा। कृत्वा मुक्तिमवाप्नोति मानवो नात्र संशयः॥

kiṁ punaḥ śrāddhadānādi gomatīsaṅgame tathā| kṛtvā muktimavāpnoti mānavo nātra saṁśayaḥ||

फिर श्राद्ध, दान आदि गोमती के संगम में करके मनुष्य मुक्ति प्राप्त करे, इसमें तो कहना ही क्या!

श्लोक 49 (skanda.7.455.49)

श्रवणद्वादशीयोगे गोमत्युदधिसंगमे। स्नात्वा मुक्तिमवाप्नोति यत्र गत्वा न शोचति॥

śravaṇadvādaśīyoge gomatyudadhisaṅgame| snātvā muktimavāpnoti yatra gatvā na śocati||

श्रवण नक्षत्र और द्वादशी के योग में गोमती-सागर संगम में स्नान करके मनुष्य मुक्ति प्राप्त करता है, जहाँ जाकर वह पुनः शोक नहीं करता।

श्लोक 50 (skanda.7.455.50)

सन्त्यज्य सर्वतीर्थानि गोमत्युदधिसंगमे। स्नानं कृत्वा तथा श्राद्धं कृतकृत्यो भवेन्नरः। परं लोकमवाप्नोति ह्यर्चयित्वा तु वामनम्॥

santyajya sarvatīrthāni gomatyudadhisaṅgame| snānaṁ kṛtvā tathā śrāddhaṁ kṛtakṛtyo bhavennaraḥ| paraṁ lokamavāpnoti hyarcayitvā tu vāmanam||

समस्त तीर्थों को छोड़कर, गोमती-सागर संगम में स्नान और श्राद्ध करके मनुष्य कृतकृत्य हो जाता है; वामन की पूजा करके वह परम लोक को प्राप्त होता है।

श्लोक 51 (skanda.7.455.51)

सम्यक्स्नात्वा नरो यस्तु पूजयेद्गरुडध्वजम्। पीतांबरधरो भूत्वा दिव्याभरणभूषितः॥

samyaksnātvā naro yastu pūjayedgaruḍadhvajam| pītāṁbaradharo bhūtvā divyābharaṇabhūṣitaḥ||

जो मनुष्य भलीभाँति स्नान करके गरुड़ध्वज की पूजा करता है, वह पीतवस्त्रधारी और दिव्य आभूषणों से भूषित होकर,

श्लोक 52 (skanda.7.455.52)

वीक्ष्यमाणः सुरस्त्रीभिर्नागारिकृतकेतनः। चतुर्भुजधरो भूत्वा वनमालाविभूषितः। संस्तूयमानो मुनिभिर्याति विष्ण्वालयं नरः॥

vīkṣyamāṇaḥ surastrībhirnāgārikṛtaketanaḥ| caturbhujadharo bhūtvā vanamālāvibhūṣitaḥ| saṁstūyamāno munibhiryāti viṣṇvālayaṁ naraḥ||

अप्सराओं द्वारा देखा जाता हुआ, नागारि (गरुड़) के ध्वज को धारण किए, चतुर्भुजधारी और वनमाला से विभूषित होकर, मुनियों द्वारा स्तुत होता हुआ वह मनुष्य विष्णु के धाम को जाता है।

श्लोक 53 (skanda.7.455.53)

गोमतीसंगमे स्नात्वा कृतकृत्यो भवेन्नरः। यत्र दैत्यवधं कृत्वा विष्णुना प्रभविष्णुना॥

gomatīsaṅgame snātvā kṛtakṛtyo bhavennaraḥ| yatra daityavadhaṁ kṛtvā viṣṇunā prabhaviṣṇunā||

गोमती के संगम में स्नान करके मनुष्य कृतकृत्य हो जाता है — जिस स्थान पर सर्वशक्तिमान् विष्णु ने दैत्य का वध किया था,

श्लोक 54 (skanda.7.455.54)

चक्रं प्रक्षालितं पूर्वं कृष्णेन स्वयमेव हि। तेनैव चक्रतीर्थं हि ख्यातं लोकत्रये द्विजाः॥

cakraṁ prakṣālitaṁ pūrvaṁ kṛṣṇena svayameva hi| tenaiva cakratīrthaṁ hi khyātaṁ lokatraye dvijāḥ||

और स्वयं कृष्ण ने अपने चक्र को पहले वहीं धोया था; इसीलिए, हे द्विजो! वह तीनों लोकों में चक्रतीर्थ के नाम से विख्यात हुआ।

श्लोक 55 (skanda.7.455.55)

भवंति यत्र पाषाणाश्चक्रांका मुक्तिदायकाः। यैः पूजितैर्जगन्नाथः कृष्णः सांनिध्यमाव्रजेत्॥

bhavanti yatra pāṣāṇāścakrāṅkā muktidāyakāḥ| yaiḥ pūjitairjagannāthaḥ kṛṣṇaḥ sāṁnidhyamāvrajet||

जहाँ चक्र-चिह्नित पत्थर हैं, जो मुक्ति प्रदान करने वाले हैं, जिनकी पूजा करने से जगन्नाथ कृष्ण की समीपता प्राप्त होती है।

श्लोक 56 (skanda.7.455.56)

तत्रैव यदि लभ्येत चक्रैर्द्वादशभिः सह॥

tatraiva yadi labhyeta cakrairdvādaśabhiḥ saha||

यदि वहीं बारह चक्रों से युक्त पाषाण प्राप्त हो जाए,

श्लोक 57 (skanda.7.455.57)

द्वादशात्मा स विज्ञेयो मोक्षदः सर्वदेहिनाम्। एकचक्रांकितो यस्तु द्वारवत्यां सुशोभनः॥

dvādaśātmā sa vijñeyo mokṣadaḥ sarvadehinām| ekacakrāṅkito yastu dvāravatyāṁ suśobhanaḥ||

उसे 'द्वादशात्मा' जानना चाहिए, जो समस्त प्राणियों को मोक्ष देने वाला है। द्वारका में जो एक चक्र से चिह्नित सुन्दर पत्थर है,

श्लोक 58 (skanda.7.455.58)

सुदर्शनाभिधानोऽसौ मोक्षैकफलदो हि सः। लक्ष्मीनारायणो द्वाभ्यां भुक्तिमुक्तिफलप्रदः॥

sudarśanābhidhāno'sau mokṣaikaphalado hi saḥ| lakṣmīnārāyaṇo dvābhyāṁ bhuktimuktiphalapradaḥ||

उसका नाम 'सुदर्शन' है, जो केवल मोक्ष ही फल देता है। जो पत्थर दो चक्रों से चिह्नित है, वह लक्ष्मीनारायण है, भोग और मोक्ष दोनों फल देने वाला।

श्लोक 59 (skanda.7.455.59)

त्रिभिस्त्रिविक्रमश्चैव त्रिवर्गफलदायकः। श्रीप्रदो रिपुहन्ता च चतुर्भिः संयुतः स हि॥

tribhistrivikramaścaiva trivargaphaladāyakaḥ| śrīprado ripuhantā ca caturbhiḥ saṁyutaḥ sa hi||

तीन चक्रों से चिह्नित त्रिविक्रम है, जो त्रिवर्ग का फल देने वाला है। चार चक्रों से युक्त वह श्रीप्रद और शत्रुनाशक है।

श्लोक 60 (skanda.7.455.60)

पञ्चभिर्वासुदेवस्तु जन्ममृत्युभयापहः। प्रद्युम्नः षड्भिरेवासौ लक्ष्मीं कांतिं ददाति यः॥

pañcabhirvāsudevastu janmamṛtyubhayāpahaḥ| pradyumnaḥ ṣaḍbhirevāsau lakṣmīṁ kāntiṁ dadāti yaḥ||

पाँच चक्रों से युक्त वासुदेव है, जो जन्म-मृत्यु के भय को दूर करता है। छह चक्रों से युक्त वह प्रद्युम्न है, जो लक्ष्मी और कान्ति प्रदान करता है।

श्लोक 61 (skanda.7.455.61)

सप्तभिर्बलभद्रश्च चक्रगोऽत्र प्रकीर्तितः। लाच्छितश्चाष्टभिर्भक्तिं ददाति पुरुषोत्तमः॥

saptabhirbalabhadraśca cakrago'tra prakīrtitaḥ| lāñchitaścāṣṭabhirbhaktiṁ dadāti puruṣottamaḥ||

सात चक्रों से युक्त बलभद्र कहा गया है। आठ चक्रों से चिह्नित पुरुषोत्तम भक्ति प्रदान करते हैं।

श्लोक 62 (skanda.7.455.62)

सर्वं दद्यान्नवव्यूहो दुर्लभो यः सुरैरपि। दशावतारो दशमी राज्यदो नात्र संशयः॥

sarvaṁ dadyānnavavyūho durlabho yaḥ surairapi| daśāvatāro daśamī rājyado nātra saṁśayaḥ||

नौ चक्रों से युक्त 'नवव्यूह' सब कुछ प्रदान करता है, जो देवताओं के लिए भी दुर्लभ है। दस चक्रों से युक्त 'दशावतार' निश्चय ही राज्य प्रदान करता है।

श्लोक 63 (skanda.7.455.63)

एकादशभिरैश्वर्यं चक्रगः संप्रयच्छति। निर्वाणं द्वादशात्मा च द्वादशभिर्ददाति च॥

ekādaśabhiraiśvaryaṁ cakragaḥ samprayacchati| nirvāṇaṁ dvādaśātmā ca dvādaśabhirdadāti ca||

जो चक्रांकित पत्थर ग्यारह चक्रों से युक्त है, वह ऐश्वर्य प्रदान करता है; और द्वादशात्मा, जो बारह चक्रों से युक्त है, निर्वाण प्रदान करता है।

श्लोक 64 (skanda.7.455.64)

अत ऊर्ध्वं महाभागाः सौख्यमोक्षप्रदायकाः। यतोऽत्र ते च पाषाणाः कृष्णचक्रेण चित्रिताः॥

ata ūrdhvaṁ mahābhāgāḥ saukhyamokṣapradāyakāḥ| yato'tra te ca pāṣāṇāḥ kṛṣṇacakreṇa citritāḥ||

इससे ऊपर, हे महाभागो! वे सब सुख और मोक्ष देने वाले हैं, क्योंकि यहाँ ये पत्थर कृष्ण के चक्र से चिह्नित हैं।

श्लोक 65 (skanda.7.455.65)

तेषां स्पर्शनमात्रेण मुच्यते सर्वकिल्बिषैः। चक्रतीर्थे नरः स्नात्वा कृष्णचक्रेण चिह्नितः॥

teṣāṁ sparśanamātreṇa mucyate sarvakilbiṣaiḥ| cakratīrthe naraḥ snātvā kṛṣṇacakreṇa cihnitaḥ||

उनके स्पर्श मात्र से मनुष्य समस्त पापों से मुक्त हो जाता है। चक्रतीर्थ में स्नान करके मनुष्य कृष्ण के चक्र से चिह्नित हो जाता है।

श्लोक 66 (skanda.7.455.66)

पूजयित्वा चक्रधरं हरिं ध्यायेत्सनातनम्। नापुत्रो नाधनो रोगी न स संजायते नरः॥

pūjayitvā cakradharaṁ hariṁ dhyāyetsanātanam| nāputro nādhano rogī na sa saṁjāyate naraḥ||

चक्रधारी हरि की पूजा करके सनातन का ध्यान करे; वह मनुष्य न पुत्रहीन होता है, न धनहीन, न रोगी।

श्लोक 67 (skanda.7.455.67)

ब्रह्महत्यादिकं पापं मनोवाक्कायकर्मजम्। तत्सर्वं विलयं याति सकृच्चक्रांकदर्शनात्॥

brahmahatyādikaṁ pāpaṁ manovākkāyakarmajam| tatsarvaṁ vilayaṁ yāti sakṛccakrāṅkadarśanāt||

ब्रह्महत्या आदि पाप, तथा मन, वाणी और शरीर से उत्पन्न कर्मजन्य पाप — वह सब चक्र-चिह्न के एक ही बार दर्शन से नष्ट हो जाता है।

श्लोक 68 (skanda.7.455.68)

म्लेच्छ देशे शुभे वापि चक्रांको दृश्यते यदि। तत्र चैव हरिक्षेत्रं मुक्तिदं नात्र संशयः॥

mleccha deśe śubhe vāpi cakrāṅko dṛśyate yadi| tatra caiva harikṣetraṁ muktidaṁ nātra saṁśayaḥ||

यदि म्लेच्छ देश में हो या शुभ देश में, जहाँ भी चक्र का चिह्न दिखाई दे, वहीं हरि का क्षेत्र है, जो मुक्तिदायक है, इसमें संशय नहीं।

श्लोक 69 (skanda.7.455.69)

मृत्युकालेऽपि सम्प्राप्ते यदि ध्यायेद्धरिं नरः। चक्रांकं धारयेदंगे स याति परमं पदम्॥

mṛtyukāle'pi samprāpte yadi dhyāyeddhariṁ naraḥ| cakrāṅkaṁ dhārayedaṅge sa yāti paramaṁ padam||

यदि मृत्युकाल आने पर भी मनुष्य हरि का ध्यान करे और अपने अंग पर चक्र-चिह्न धारण करे, तो वह परम पद को प्राप्त होता है।

श्लोक 70 (skanda.7.455.70)

हृदयस्थे च चक्रांके पूतो भवति तत्क्षणात्। नोपसर्पंति तं भीता दूताः कृष्णायुधं तदा। वैष्णवं लोकमाप्नोति नात्र कार्या विचारणा॥

hṛdayasthe ca cakrāṅke pūto bhavati tatkṣaṇāt| nopasarpanti taṁ bhītā dūtāḥ kṛṣṇāyudhaṁ tadā| vaiṣṇavaṁ lokamāpnoti nātra kāryā vicāraṇā||

हृदय में चक्र-चिह्न होने पर मनुष्य उसी क्षण पवित्र हो जाता है; उस समय कृष्ण के आयुध के भय से यमदूत भी उसके निकट नहीं आते; वह वैष्णव लोक को प्राप्त होता है, इसमें विचार करने की आवश्यकता नहीं।

श्लोक 71 (skanda.7.455.71)

अपि पापसमाचारः किं पुनर्धार्मिकः शुचिः। गोमती संगमे स्नात्वा चक्रतीर्थे तथैव च। मुच्यते पातकैर्घोरैर्मानवो नात्र संशयः॥

api pāpasamācāraḥ kiṁ punardhārmikaḥ śuciḥ| gomatī saṅgame snātvā cakratīrthe tathaiva ca| mucyate pātakairghorairmānavo nātra saṁśayaḥ||

यहाँ तक कि पापाचारी भी, फिर धार्मिक और शुद्ध मनुष्य की तो बात ही क्या — गोमती के संगम में और चक्रतीर्थ में स्नान करके मनुष्य घोर पापों से मुक्त हो जाता है, इसमें संशय नहीं।

श्लोक 72 (skanda.7.455.72)

राजसाः सत्त्वमायांति विष्णुधर्मं सनातनम्। क्षेत्रस्य तस्य माहात्म्यात्सत्यमेतत्प्रकीर्तितम्॥

rājasāḥ sattvamāyānti viṣṇudharmaṁ sanātanam| kṣetrasya tasya māhātmyātsatyametatprakīrtitam||

उस क्षेत्र के माहात्म्य से रजोगुणी लोग भी सत्त्वगुण को प्राप्त होकर सनातन विष्णुधर्म को प्राप्त करते हैं — यह सत्य कहा गया है।

श्लोक 73 (skanda.7.455.73)

तामसं राजसं चापि यत्किञ्चिद्विष्णुपूजने। तच्च सत्त्वत्वमायाति निम्नगा च यथार्णवे॥

tāmasaṁ rājasaṁ cāpi yatkiñcidviṣṇupūjane| tacca sattvatvamāyāti nimnagā ca yathārṇave||

विष्णु की पूजा में जो भी तामसिक या राजसिक भाव हो, वह भी सत्त्वभाव में परिणत हो जाता है, जैसे नदी समुद्र में मिलकर उसी में विलीन हो जाती है।

श्लोक 74 (skanda.7.455.74)

दुर्लभा द्वारका विप्र दुर्लभं गोमतीजलम्। दुर्लभं जागरो रात्रौ दुर्लभं कृष्णदर्शनम्॥

durlabhā dvārakā vipra durlabhaṁ gomatījalam| durlabhaṁ jāgaro rātrau durlabhaṁ kṛṣṇadarśanam||

हे विप्र! द्वारका दुर्लभ है, गोमती का जल दुर्लभ है, रात्रि में जागरण दुर्लभ है, और कृष्ण का दर्शन दुर्लभ है।