नृगतीर्थ (कृकलास तीर्थ) का माहात्म्य

श्लोक 1 (skanda.7.457.1)

॥ प्रह्लाद उवाच ॥ ततो गच्छेद्द्विजश्रेष्ठास्तीर्थं पापप्रणाशनम्। कृकलासमिति ख्यातं नृगतीर्थमनुत्तमम्॥

prahlāda uvāca| tato gacchedvijaśreṣṭhāstīrthaṁ pāpapraṇāśanam| kṛkalāsamiti khyātaṁ nṛgatīrthamanuttamam||

प्रह्लाद ने कहा — तत्पश्चात्, हे द्विजश्रेष्ठो! पापनाशक उस तीर्थ के पास जाना चाहिए, जो कृकलास के नाम से विख्यात है — वह अनुपम नृगतीर्थ है।

श्लोक 2 (skanda.7.457.2)

नृगो यत्र महीपालः कृकलासवपुर्धरः। कृष्णेन सह संगत्य संप्राप परमां गतिम्॥

nṛgo yatra mahīpālaḥ kṛkalāsavapurdharaḥ| kṛṣṇena saha saṅgatya samprāpa paramāṁ gatim||

जहाँ राजा नृग, गिरगिट का शरीर धारण किए हुए, कृष्ण से मिलकर परम गति को प्राप्त हुए।

श्लोक 3 (skanda.7.457.3)

॥ ऋषय ऊचुः ॥ नृगो नाम नृपः कोऽयं कथं कृष्णेन संगतः। कर्मणा कृकलासत्वं केन तद्वद विस्तरात्॥

ṛṣaya ūcuḥ| nṛgo nāma nṛpaḥ ko'yaṁ kathaṁ kṛṣṇena saṅgataḥ| karmaṇā kṛkalāsatvaṁ kena tadvada vistarāt||

ऋषियों ने कहा — यह नृग नाम का राजा कौन था? वह कृष्ण से कैसे मिला? किस कर्म के कारण उसे गिरगिट-योनि प्राप्त हुई? यह सब विस्तार से बताओ।

श्लोक 4 (skanda.7.457.4)

॥ प्रह्लाद उवाच ॥ नृगो नाम नृपो विप्राः सार्वभौमो बलान्वितः। बुद्धिमान्धृतिमान्दक्षः श्रीमान्सर्वगुणान्वितः॥

prahlāda uvāca| nṛgo nāma nṛpo viprāḥ sārvabhaumo balānvitaḥ| buddhimāndhṛtimāndakṣaḥ śrīmānsarvaguṇānvitaḥ||

प्रह्लाद ने कहा — हे विप्रो! नृग नाम का राजा एक सार्वभौम सम्राट् था, जो बलशाली, बुद्धिमान्, धैर्यवान्, कुशल, श्रीसम्पन्न और सर्वगुणसम्पन्न था।

श्लोक 5 (skanda.7.457.5)

अनेकशतसाहस्रा भूमिपा अपि तद्वशाः। हस्त्यश्वरथसंघैश्च पत्तिभिर्बहुभिर्वृतः॥

anekaśatasāhasrā bhūmipā api tadvaśāḥ| hastyaśvarathasaṅghaiśca pattibhirbahubhirvṛtaḥ||

अनेक सैकड़ों-हजारों राजा भी उसके अधीन थे। वह हाथियों, घोड़ों, रथों के समूहों और अनेक पैदल सैनिकों से घिरा रहता था।

श्लोक 6 (skanda.7.457.6)

सैन्यं च तस्य नृपतेः कोशं चैवाक्षयं तथा। स नित्यं गुरुभक्तश्च देवताराधने रतः॥

sainyaṁ ca tasya nṛpateḥ kośaṁ caivākṣayaṁ tathā| sa nityaṁ gurubhaktaśca devatārādhane rataḥ||

उस राजा की सेना और कोष दोनों अक्षय थे। वह सदा गुरुभक्त और देवाराधन में रत रहता था।

श्लोक 7 (skanda.7.457.7)

महादानानि विप्रेन्द्रा ददात्यनुदिनं नृपः। शश्वत्स गोसहस्रं तु ददाति नृपसत्तमः॥

mahādānāni viprendrā dadātyanudinaṁ nṛpaḥ| śaśvatsa gosahasraṁ tu dadāti nṛpasattamaḥ||

हे विप्रेन्द्रो! वह राजा प्रतिदिन महादान करता था; वह श्रेष्ठ राजा सदा एक सहस्र गौओं का दान देता था।

श्लोक 8 (skanda.7.457.8)

प्रक्षाल्य चरणौ भक्त्या ह्युपविश्यासने शुभे। परिधाप्य शुभे क्षौमे सुगन्धेनोपलिप्य च॥

prakṣālya caraṇau bhaktyā hyupaviśyāsane śubhe| paridhāpya śubhe kṣaume sugandhenopalipya ca||

भक्तिपूर्वक चरण धोकर, शुभ आसन पर बैठाकर, शुभ रेशमी वस्त्र पहनाकर, और सुगन्ध से लेप करके,

श्लोक 9 (skanda.7.457.9)

संपूज्य पुष्पमालाभि धूपेन च सुगन्धिना। ददौ दक्षिणया सार्द्धं प्रतिविप्राय गां तदा। तांबूलसहितां भक्त्या विष्णुर्मे प्रीयतामिति॥

sampūjya puṣpamālābhi dhūpena ca sugandhinā| dadau dakṣiṇayā sārddhaṁ prativiprāya gāṁ tadā| tāṁbūlasahitāṁ bhaktyā viṣṇurme prīyatāmiti||

पुष्पमालाओं और सुगन्धित धूप से पूजा करके, वह प्रत्येक ब्राह्मण को दक्षिणा सहित गौ, ताम्बूल सहित, भक्तिपूर्वक देता था — 'विष्णु मुझ पर प्रसन्न हों' — ऐसा कहते हुए।

श्लोक 10 (skanda.7.457.10)

एवं प्रददतस्तस्य यजतश्च तथा मखैः। ययौ कालो द्विजश्रेष्ठा भोगांश्चैवानुभुञ्जतः॥

evaṁ pradadatastasya yajataśca tathā makhaiḥ| yayau kālo dvijaśreṣṭhā bhogāṁścaivānubhuñjataḥ||

इस प्रकार दान देते हुए और यज्ञों द्वारा यजन करते हुए, हे द्विजश्रेष्ठो! उसका समय भोगों का भी उपभोग करते हुए व्यतीत होने लगा।

श्लोक 11 (skanda.7.457.11)

एकदा तु द्विजश्रेष्ठं जैमिनिं संशितव्रतम्। श्रद्धया तं च नृपतिः प्रतिग्रहपराङ्मुखम्। उवाच वाक्यं नृपतिः कृतांजलिपुटः स्थितः॥

ekadā tu dvijaśreṣṭhaṁ jaiminiṁ saṁśitavratam| śraddhayā taṁ ca nṛpatiḥ pratigrahaparāṅmukham| uvāca vākyaṁ nṛpatiḥ kṛtāñjaliputaḥ sthitaḥ||

एक बार राजा ने श्रद्धापूर्वक, कठोर व्रतधारी और दान स्वीकार करने से विमुख द्विजश्रेष्ठ जैमिनि के प्रति हाथ जोड़कर यह वचन कहा —

श्लोक 12 (skanda.7.457.12)

मामुद्धर महाभाग कृपां कुरु तपोनिधे। गृहाण गां मया दत्तां दयां कृत्वा ममोपरि॥

māmuddhara mahābhāga kṛpāṁ kuru taponidhe| gṛhāṇa gāṁ mayā dattāṁ dayāṁ kṛtvā mamopari||

'हे महाभाग! मेरा उद्धार करो, कृपा करो; हे तपोनिधे! मुझ पर दया करके मेरे द्वारा दी गई गाय स्वीकार करो।'

श्लोक 13 (skanda.7.457.13)

तच्छ्रुत्वा वचनं तस्य अनिच्छन्नपि गौरवात्। नृपस्य चाब्रवीद्विप्र एवमस्त्विति लज्जितः॥

tacchrutvā vacanaṁ tasya anicchannapi gauravāt| nṛpasya cābravīdvipra evamastviti lajjitaḥ||

उसकी यह बात सुनकर, न चाहते हुए भी, राजा के प्रति सम्मान के कारण, उस ब्राह्मण ने लज्जित होते हुए 'ऐसा ही हो' कहा।

श्लोक 14 (skanda.7.457.14)

अवनिज्य ततः पादौ शिरसा धारयज्जलम्। सुवर्णशृंगसहितां रौप्यखुरविभूषिताम्॥

avanijya tataḥ pādau śirasā dhārayajjalam| suvarṇaśṛṅgasahitāṁ raupyakhuravibhūṣitām||

तब उसके चरण धोकर, वह उस जल को अपने सिर पर धारण करने लगा; और स्वर्ण-सींगों से युक्त, चाँदी के खुरों से सुसज्जित गाय —

श्लोक 15 (skanda.7.457.15)

रत्नपुच्छां कांस्यदोहां सितवस्त्रावगुंठिताम्। समभ्यर्च्य च विप्रेन्द्रं ददौ दक्षिणयान्विताम्॥

ratnapucchāṁ kāṁsyadohāṁ sitavastrāvaguṁṭhitām| samabhyarcya ca viprendraṁ dadau dakṣiṇayānvitām||

रत्नजटित पूँछ वाली, काँसे के पात्र में दुही जाने वाली, श्वेत वस्त्र से आवृत उस गाय की पूजा करके, उसने उस श्रेष्ठ ब्राह्मण को दक्षिणा सहित उसे दिया।

श्लोक 16 (skanda.7.457.16)

आसीमान्तमनुव्रज्य हृष्टो राजा बभूव ह। तरुणीं हंसवर्णां च हंसीनामेति विश्रुताम्॥

āsīmāntamanuvrajya hṛṣṭo rājā babhūva ha| taruṇīṁ haṁsavarṇāṁ ca haṁsīnāmeti viśrutām||

उसे सीमा तक विदा करके राजा हर्षित हुआ। वह गाय युवा, हंस के समान श्वेतवर्णा और 'हंसी' नाम से विख्यात थी।

श्लोक 17 (skanda.7.457.17)

गां गृह्य स्वगृहं प्राप्तो दाम्ना बद्धां सवत्सकाम्। स तस्यै यवसं चार्द्रं ददौ ब्राह्मणसत्तमः॥

gāṁ gṛhya svagṛhaṁ prāpto dāmnā baddhāṁ savatsakām| sa tasyai yavasaṁ cārdraṁ dadau brāhmaṇasattamaḥ||

उस गाय को, जो रस्सी से बंधी हुई और बछड़े सहित थी, लेकर वह ब्राह्मणश्रेष्ठ अपने घर पहुँचा, और उसे ताजी हरी घास खिलाई।

श्लोक 18 (skanda.7.457.18)

सुतृप्ता यवसेनैव मध्याह्ने तृषितां तदा। गृहीत्वा निर्ययौ विप्रो दामबद्धां जलाशयम्॥

sutṛptā yavasenaiva madhyāhne tṛṣitāṁ tadā| gṛhītvā niryayau vipro dāmabaddhāṁ jalāśayam||

उस घास से भलीभाँति तृप्त होकर, मध्याह्न में प्यासी होने पर, उस ब्राह्मण ने रस्सी से बंधी हुई गाय को लेकर जलाशय की ओर प्रस्थान किया।

श्लोक 19 (skanda.7.457.19)

मार्गे गजाश्वसंबाधे त्रस्ता सा उष्ट्रदर्शनात्। हस्तादाच्छिद्य सा धेनुर्ब्राह्मणस्य ययौ तदा॥

mārge gajāśvasaṁbādhe trastā sā uṣṭradarśanāt| hastādācchidya sā dhenurbrāhmaṇasya yayau tadā||

मार्ग में, हाथियों और घोड़ों की भीड़ में, ऊँट को देखकर भयभीत होकर, वह गाय ब्राह्मण के हाथ से छूटकर भाग गई।

श्लोक 20 (skanda.7.457.20)

विचिन्वन्सकलामुर्वीं नापश्यत्तां द्विजर्षभः। सा ययौ विद्रुता धेनुस्तन्महद्राजगोधनम्॥

vicinvansakalāmurvīṁ nāpaśyattāṁ dvijarṣabhaḥ| sā yayau vidrutā dhenustanmahadrājagodhanam||

सारी पृथ्वी को खोजते हुए भी वह श्रेष्ठ ब्राह्मण उसे न पा सका। वह भागी हुई गाय, राजा के उस विशाल गोधन में जा मिली।

श्लोक 21 (skanda.7.457.21)

द्वितीयेऽह्नि पुनर्विप्रमाहूय नृपसत्तमः। संपूज्य विधिवद्भक्त्या वस्त्रालंकारभूषणैः॥

dvitīye'hni punarvipramāhūya nṛpasattamaḥ| sampūjya vidhivadbhaktyā vastrālaṁkārabhūṣaṇaiḥ||

दूसरे दिन उस उत्तम राजा ने फिर एक ब्राह्मण को बुलाकर विधिपूर्वक भक्तिभाव से वस्त्र, आभूषणों से पूजा की,

श्लोक 22 (skanda.7.457.22)

विधिवद्गां ददौ तां च स नृपः सोमशर्मणे। गृहीत्वा राजभवनान्निर्ययौ गां द्विजर्षभः॥

vidhivadgāṁ dadau tāṁ ca sa nṛpaḥ somaśarmaṇe| gṛhītvā rājabhavanānniryayau gāṁ dvijarṣabhaḥ||

और उस राजा ने वही गाय विधिपूर्वक सोमशर्मा नामक ब्राह्मण को दे दी। उस गाय को लेकर वह श्रेष्ठ ब्राह्मण राजभवन से निकल पड़ा।

श्लोक 23 (skanda.7.457.23)

आशंसमानो राजानं धर्मज्ञमिति कोविदम्। स च विप्रो विचिन्वानः सर्वतो गां सुदुःखितः॥

āśaṁsamāno rājānaṁ dharmajñamiti kovidam| sa ca vipro vicinvānaḥ sarvato gāṁ suduḥkhitaḥ||

वह राजा को धर्मज्ञ और विद्वान् मानते हुए प्रशंसा कर रहा था। इधर वह पहला ब्राह्मण अत्यंत दुःखी होकर सब ओर उस गाय को ढूँढ़ रहा था।

श्लोक 24 (skanda.7.457.24)

ददर्श पथि गच्छन्तीं पृष्ठतः सोमशर्मणः। दृष्ट्वा तां गां च स मुनिर्जैमिनिस्तमभाषत॥

dadarśa pathi gacchantīṁ pṛṣṭhataḥ somaśarmaṇaḥ| dṛṣṭvā tāṁ gāṁ ca sa munirjaiministamabhāṣata||

उसने उसी गाय को मार्ग में सोमशर्मा के पीछे-पीछे जाते हुए देखा। उस गाय को देखकर मुनि जैमिनि ने उससे कहा —

श्लोक 25 (skanda.7.457.25)

मम गां चापि हृत्वा त्वं नयसे दस्युवत्कथम्। स तस्य वचनं श्रुत्वा विस्मयं दस्युकीर्त्तनात्॥

mama gāṁ cāpi hṛtvā tvaṁ nayase dasyuvatkatham| sa tasya vacanaṁ śrutvā vismayaṁ dasyukīrtanāt||

'तुम मेरी गाय को चुराकर डाकू की तरह कैसे ले जा रहे हो?' यह सुनकर सोमशर्मा 'डाकू' कहे जाने से आश्चर्यचकित हो गया।

श्लोक 26 (skanda.7.457.26)

राजतो हि मया लब्धां गां नयामि स्वमन्दिरम्। गोहर्त्तेति च मां कस्माद्ब्रवीषि द्विजसत्तम॥

rājato hi mayā labdhāṁ gāṁ nayāmi svamandiram| gohartteti ca māṁ kasmādbravīṣi dvijasattama||

'मैं तो राजा से प्राप्त इस गाय को अपने घर ले जा रहा हूँ। हे द्विजसत्तम! तुम मुझे गोचोर क्यों कहते हो?'

श्लोक 27 (skanda.7.457.27)

॥ ब्राह्मण उवाच ॥ मयापि राजतो लब्धा ममेयं गौर्न संशयः। कथं नयसि विप्र त्वं मयि जीवति मन्दिरम्॥

brāhmaṇa uvāca| mayāpi rājato labdhā mameyaṁ gaurna saṁśayaḥ| kathaṁ nayasi vipra tvaṁ mayi jīvati mandiram||

ब्राह्मण ने कहा — 'मुझे भी यह गाय राजा से ही प्राप्त हुई थी; यह निश्चय ही मेरी गाय है। हे विप्र! मेरे जीवित रहते तुम इसे अपने घर कैसे ले जा सकते हो?'

श्लोक 28 (skanda.7.457.28)

सोऽब्रवीदद्य मे लब्धा कथं मां वदसे मृषा। सोऽब्रवीद्ध्यो मया लब्धा बलान्नेतुं त्वमिच्छसि॥

so'bravīdadya me labdhā kathaṁ māṁ vadase mṛṣā| so'bravīddhyo mayā labdhā balānnetuṁ tvamicchasi||

उसने कहा — 'यह गाय आज ही मुझे मिली है; तुम मुझसे झूठ क्यों बोलते हो?' दूसरे ने कहा — 'मुझे तो यह कल ही मिली थी; तुम बलपूर्वक इसे ले जाना चाहते हो!'

श्लोक 29 (skanda.7.457.29)

ममेयमिति संक्रुद्धः सोमशर्माऽब्रवीद्वचः। प्रज्वलत्क्रोधरक्ताक्षो ममेयमिति सोऽपरः॥

mameyamiti saṁkruddhaḥ somaśarmā'bravīdvacaḥ| prajvalatkrodharaktākṣo mameyamiti so'paraḥ||

'यह मेरी है' — क्रुद्ध होकर सोमशर्मा ने कहा। क्रोध से लाल नेत्र किए हुए दूसरे ने भी कहा — 'यह मेरी है।'

श्लोक 30 (skanda.7.457.30)

विवदतौ तथा विप्रौ राजद्वारमुपागतौ। कुर्वाणौ कलहं घोरं त्यक्तुकामौ स्वजीवितम्॥

vivadatau tathā viprau rājadvāramupāgatau| kurvāṇau kalahaṁ ghoraṁ tyaktukāmau svajīvitam||

इस प्रकार विवाद करते हुए वे दोनों ब्राह्मण राजद्वार पर पहुँचे, भयंकर कलह करते हुए, अपने प्राण त्यागने को तत्पर।

श्लोक 31 (skanda.7.457.31)

संक्रुद्धौ ब्राह्मणौ दृष्ट्वा शपन्तौ तौ परस्परम्। राज्ञे निवेदयामास द्वास्थं प्रणयपूर्वकम्॥

saṁkruddhau brāhmaṇau dṛṣṭvā śapantau tau parasparam| rājñe nivedayāmāsa dvāsthaṁ praṇayapūrvakam||

उन दोनों क्रुद्ध ब्राह्मणों को एक-दूसरे को शाप देते देखकर, द्वारपाल ने विनयपूर्वक राजा को सूचना दी।

श्लोक 32 (skanda.7.457.32)

अवज्ञाय तदा विप्रौ विवदन्तौ रुषान्वितौ। कामव्याकुलचेतस्को न बहिर्निःसृतो नृपः॥

avajñāya tadā viprau vivadantau ruṣānvitau| kāmavyākulacetasko na bahirniḥsṛto nṛpaḥ||

उस समय, वासना में व्याकुलचित्त होने के कारण, राजा ने उन क्रुद्ध और विवाद करते हुए ब्राह्मणों की उपेक्षा कर दी, और बाहर नहीं निकला।

श्लोक 33 (skanda.7.457.33)

एवं विवदमानौ तौ त्रिरात्रं समुपस्थितौ। अवज्ञातौ नृपेणाथ राजानं प्रति च क्रुधा॥

evaṁ vivadamānau tau trirātraṁ samupasthitau| avajñātau nṛpeṇātha rājānaṁ prati ca krudhā||

इस प्रकार विवाद करते हुए वे दोनों तीन रातों तक वहाँ उपस्थित रहे। राजा द्वारा उपेक्षित होकर वे क्रोधित हो उठे।

श्लोक 34 (skanda.7.457.34)

ऊचतुः कुपितो वाक्यं सामर्षौ नृपतिं प्रति। अवमन्यसे नौ यस्मात्त्वं न निर्गच्छसि मन्दिरात्॥

ūcatuḥ kupito vākyaṁ sāmarṣau nṛpatiṁ prati| avamanyase nau yasmāttvaṁ na nirgacchasi mandirāt||

क्रुद्ध और रोषयुक्त होकर उन दोनों ने राजा के प्रति यह वचन कहा — 'चूँकि तुम अपने भवन से बाहर नहीं निकलते, इसलिए हम दोनों का अपमान करते हो।'

श्लोक 35 (skanda.7.457.35)

शास्ता भवान्प्रजानां हि न न्यायेन नियोक्ष्यति। भविष्यति भवांस्तस्मात्कृकलासो न संशयः॥

śāstā bhavānprajānāṁ hi na nyāyena niyokṣyati| bhaviṣyati bhavāṁstasmātkṛkalāso na saṁśayaḥ||

प्रजा के शासक होते हुए भी तुम न्यायपूर्वक व्यवस्था नहीं करते; इसलिए तुम निश्चय ही गिरगिट बन जाओगे।

श्लोक 36 (skanda.7.457.36)

एवं शप्त्वा तदा विप्रावन्यस्मै गां प्रदाय तौ। क्षुधितौ खेदसंयुक्तौ स्वगृहं गन्तुमुद्यतौ॥

evaṁ śaptvā tadā viprāvanyasmai gāṁ pradāya tau| kṣudhitau khedasaṁyuktau svagṛhaṁ gantumudyatau||

इस प्रकार शाप देकर, उस गाय को किसी अन्य को सौंपकर, भूखे और थके हुए वे दोनों ब्राह्मण अपने-अपने घर जाने को उद्यत हुए।

श्लोक 37 (skanda.7.457.37)

प्रस्थितौ तौ नृगो द्वार आगत्य समुपस्थितः। दंडवत्प्रणिपत्याऽऽशु कृतांजलिरभाषत॥

prasthitau tau nṛgo dvāra āgatya samupasthitaḥ| daṇḍavatpraṇipatyāśu kṛtāñjalirabhāṣata||

जैसे ही वे दोनों चल पड़े, नृग द्वार पर आकर उपस्थित हुआ; तुरन्त दण्डवत् प्रणाम कर हाथ जोड़कर वह बोला —

श्लोक 38 (skanda.7.457.38)

अमोघवचना यूयं तत्तथा न तदन्यथा। ममोपरि कृपां कृत्वा शापांत उपदिश्यताम्॥

amoghavacanā yūyaṁ tattathā na tadanyathā| mamopari kṛpāṁ kṛtvā śāpānta upadiśyatām||

'तुम्हारे वचन अमोघ हैं, वह वैसे ही होगा, अन्यथा नहीं। मुझ पर कृपा करके शाप का अन्त बताओ।'

श्लोक 39 (skanda.7.457.39)

तस्य तद्वचनं श्रुत्वा ऊचतुर्वचनं नृपम्। द्वापरस्य युगस्यान्तं भगवान्देवकीसुतः॥

tasya tadvacanaṁ śrutvā ūcaturvacanaṁ nṛpam| dvāparasya yugasyāntaṁ bhagavāndevakīsutaḥ||

उसका यह वचन सुनकर उन दोनों ने राजा से कहा — 'द्वापरयुग के अन्त में भगवान् देवकीनन्दन,'

श्लोक 40 (skanda.7.457.40)

वसुदेवगृहे राजन्हरिराविर्भविष्यति। तस्य संस्पर्शनादेव शापमुक्तिर्भविष्यति॥

vasudevagṛhe rājanhariravirbhaviṣyati| tasya saṁsparśanādeva śāpamuktirbhaviṣyati||

'हे राजन्! वसुदेव के घर में हरि प्रकट होंगे; उनके स्पर्श मात्र से ही तुम्हें शाप से मुक्ति मिलेगी।'

श्लोक 41 (skanda.7.457.41)

इत्युक्त्वा तौ तदा विप्रौ प्रयातौ स्वनिवेशनम्। राजा बहुविधान्भोगान्भुक्त्वा दत्त्वा च भूरिशः॥

ityuktvā tau tadā viprau prayātau svaniveśanam| rājā bahuvidhānbhogānbhuktvā dattvā ca bhūriśaḥ||

यह कहकर वे दोनों ब्राह्मण अपने-अपने घर चले गए। राजा नाना प्रकार के भोगों को भोगता हुआ और प्रचुर दान देता हुआ,

श्लोक 42 (skanda.7.457.42)

इष्ट्वा च विविधैर्यज्ञैः कालधर्ममुपेयिवान्। ततः स गतवान्विप्रा धर्मराजनिवेशनम्॥

iṣṭvā ca vividhairyajñaiḥ kāladharmamupeyivān| tataḥ sa gatavānviprā dharmarājaniveśanam||

और विविध यज्ञों से यजन करता हुआ, अन्त में काल-धर्म को प्राप्त हुआ। हे विप्रो! तत्पश्चात् वह धर्मराज के निवास-स्थान को गया।

श्लोक 43 (skanda.7.457.43)

सत्कृत्योक्तो यमेनाथ स्वागतेन नृपोत्तमः। प्रथमं सुकृतं राजन्नथवा दुष्कृतं त्वया। भोक्तव्यमिति मे ब्रूहि तत्ते संपाद्यते मया॥

satkṛtyokto yamenātha svāgatena nṛpottamaḥ| prathamaṁ sukṛtaṁ rājannathavā duṣkṛtaṁ tvayā| bhoktavyamiti me brūhi tatte sampādyate mayā||

यम ने उस श्रेष्ठ राजा का स्वागत करते हुए सत्कारपूर्वक कहा — 'हे राजन्! तुम पहले अपना सुकृत भोगना चाहते हो या दुष्कृत — यह मुझे बताओ, मैं वही तुम्हारे लिए प्रबन्ध करूँगा।'

श्लोक 44 (skanda.7.457.44)

॥ नृग उवाच ॥ यद्यस्ति दुष्कृतं किंचित्प्रथमं प्रतिपादय। अनुज्ञातो यमेनैवं कृकलासो भवेति वै। ततो वर्षसहस्राणि कृकलासत्वमाप्तवान्॥

nṛga uvāca| yadyasti duṣkṛtaṁ kiñcitprathamaṁ pratipādaya| anujñāto yamenaivaṁ kṛkalāso bhaveti vai| tato varṣasahasrāṇi kṛkalāsatvamāptavān||

नृग ने कहा — 'यदि मेरा कोई भी दुष्कृत हो, तो पहले वही दो।' यम की इस अनुमति से वह गिरगिट बन गया, और तत्पश्चात् सहस्र वर्षों तक गिरगिट-योनि में रहा।

श्लोक 45 (skanda.7.457.45)

एकस्मिन्दिवसे विप्राः सर्वे यदुकुमारकाः। वनं जग्मुर्मृगान्हन्तुं सर्वे कृष्णसमन्विताः॥

ekasmindivase viprāḥ sarve yadukumārakāḥ| vanaṁ jagmurmṛgānhantuṁ sarve kṛṣṇasamanvitāḥ||

हे विप्रो! एक दिन सभी यदुकुमार, कृष्ण सहित, वन में मृगों का शिकार करने गए।

श्लोक 46 (skanda.7.457.46)

तृषार्द्दिताश्च मध्याह्ने विचिन्वंतो जलं ह्रदे। सत्वं च सुमहत्तत्र कृकलासं च संस्थितम्॥

tṛṣārdditāśca madhyāhne vicinvanto jalaṁ hrade| satvaṁ ca sumahattatra kṛkalāsaṁ ca saṁsthitam||

मध्याह्न में प्यास से पीड़ित होकर वे एक ह्रद में जल खोज रहे थे, तभी उन्होंने वहाँ एक अत्यंत विशाल प्राणी, गिरगिट, को स्थित देखा।

श्लोक 47 (skanda.7.457.47)

चक्रुश्चोद्धरणे तस्य यत्नं यदुकुमारकाः। आकृष्यमाणः स तदा गुरुत्वान्न चचाल ह॥

cakruścoddharaṇe tasya yatnaṁ yadukumārakāḥ| ākṛṣyamāṇaḥ sa tadā gurutvānna cacāla ha||

उन यदुकुमारों ने उसे बाहर निकालने का प्रयत्न किया, किन्तु खींचे जाने पर भी अपने भारीपन के कारण वह टस से मस न हुआ।

श्लोक 48 (skanda.7.457.48)

यदा न शेकुस्ते सर्व आचख्युः कृष्णरामयोः। ददर्श तं तदा कृष्णो नृगं मत्वा हसन्निव॥

yadā na śekuste sarva ācakhyuḥ kṛṣṇarāmayoḥ| dadarśa taṁ tadā kṛṣṇo nṛgaṁ matvā hasanniva||

जब वे सब असमर्थ हो गए, तो उन्होंने कृष्ण और बलराम को सूचित किया। तब कृष्ण ने उसे देखा, और मानो नृग को पहचानते हुए हँसते हुए,

श्लोक 49 (skanda.7.457.49)

चिक्षेप वामहस्तेन लीलयैव जगत्पतिः। स संस्पृष्टो भगवता विमुक्तः शापबंधनात्॥

cikṣepa vāmahastena līlayaiva jagatpatiḥ| sa saṁspṛṣṭo bhagavatā vimuktaḥ śāpabandhanāt||

जगत्पति ने अपने बाएँ हाथ से केवल लीलामात्र में उसे उठा फेंका। भगवान् द्वारा स्पर्श किए जाने पर वह शाप-बन्धन से मुक्त हो गया।

श्लोक 50 (skanda.7.457.50)

त्यक्त्वा कलेवरं राजा दिव्यमाल्यानुलेपनः। कृतांजलिरुवाचेदं भक्त्या परमया युतः॥

tyaktvā kalevaraṁ rājā divyamālyānulepanaḥ| kṛtāñjaliruvācedaṁ bhaktyā paramayā yutaḥ||

उस देह को त्यागकर, दिव्य माल्य और अनुलेपन से युक्त वह राजा हाथ जोड़कर परम भक्ति से युक्त होकर यह कहने लगा —

श्लोक 51 (skanda.7.457.51)

नमस्ते जगदाधार सर्गस्थित्यंतकारिणे। सहस्रशिरसे तुभ्यं ब्रह्मणेऽनंतशक्तये॥

namaste jagadādhāra sargasthityantakāriṇe| sahasraśirase tubhyaṁ brahmaṇe'nantaśaktaye||

'हे जगत् के आधार! सृष्टि, स्थिति और संहार करने वाले! सहस्रशीर्षा! अनन्तशक्तिमान् ब्रह्मस्वरूप! तुम्हें नमस्कार है।'

श्लोक 52 (skanda.7.457.52)

एवं संस्तुवतः प्राह भगवान्देवकीसुतः। ददामि ते वरं तुष्टो यत्ते मनसि वर्त्तते॥

evaṁ saṁstuvataḥ prāha bhagavāndevakīsutaḥ| dadāmi te varaṁ tuṣṭo yatte manasi varttate||

इस प्रकार स्तुति करते हुए राजा से भगवान् देवकीनन्दन ने कहा — 'मैं प्रसन्न होकर तुम्हें वह वर देता हूँ, जो तुम्हारे मन में है।'

श्लोक 53 (skanda.7.457.53)

याहि पुण्यकृताँल्लोकान्दर्शनात्स्पर्शनाच्च मे। एवमुक्तः स देवेन संप्रहृष्टतनूरुहः॥

yāhi puṇyakṛtāllokāndarśanātsparśanācca me| evamuktaḥ sa devena saṁprahṛṣṭatanūruhaḥ||

'मेरे दर्शन और स्पर्श से जाओ, उन लोकों को जो पुण्यकर्मियों के लिए हैं।' इस प्रकार भगवान् द्वारा कहे जाने पर, हर्ष से रोमांचित होकर,

श्लोक 54 (skanda.7.457.54)

उवाच यदि तुष्टोऽसि यदि देयो वरो मम। गर्त्तेयं मम नाम्ना तु ख्यातिं गच्छतु केशव॥

uvāca yadi tuṣṭo'si yadi deyo varo mama| gartteyaṁ mama nāmnā tu khyātiṁ gacchatu keśava||

उसने कहा — 'हे केशव! यदि आप मुझ पर प्रसन्न हैं, यदि मुझे वर देना चाहते हैं, तो यह गर्त मेरे ही नाम से विख्यात हो।'

श्लोक 55 (skanda.7.457.55)

यः स्नात्वा परया भक्त्या पितॄन्संतर्पयिष्यति। त्वत्प्रसादेन गोविंद विष्णुलोकं स गच्छतु॥

yaḥ snātvā parayā bhaktyā pitṝnsaṁtarpayiṣyati| tvatprasādena govinda viṣṇulokaṁ sa gacchatu||

'हे गोविन्द! जो कोई इसमें भक्तिपूर्वक स्नान करके पितरों को तर्पण देगा, वह आपकी कृपा से विष्णुलोक को प्राप्त हो।'

श्लोक 56 (skanda.7.457.56)

एवमुक्त्वा स भगवान्पुनर्द्वारावतीमगात्॥

evamuktvā sa bhagavānpunardvārāvatīmagāt||

इतना कहकर वह भगवान् पुनः द्वारावती को चले गए।

श्लोक 57 (skanda.7.457.57)

स च राजा विमानेन दिव्यमाल्यानुलेपनः। जगाम भवनं विष्णोर्विबुधैरनुसंस्तुतः॥

sa ca rājā vimānena divyamālyānulepanaḥ| jagāma bhavanaṁ viṣṇorvibudhairanusaṁstutaḥ||

और वह राजा दिव्य माल्य और अनुलेपन से सुशोभित होकर, विमान में सवार होकर, देवताओं द्वारा स्तुत होते हुए विष्णु के भवन को गया।

श्लोक 58 (skanda.7.457.58)

॥ प्रह्लाद उवाच ॥ तदाप्रभृति विप्रेंद्राः स कूपो नृगसंज्ञया। वरदानाच्च कृष्णस्य पावनः सर्वदेहिनाम्॥

prahlāda uvāca| tadāprabhṛti viprendrāḥ sa kūpo nṛgasaṁjñayā| varadānācca kṛṣṇasya pāvanaḥ sarvadehinām||

प्रह्लाद ने कहा — तभी से, हे विप्रेन्द्रो! वह कूप 'नृग' नाम से जाना जाने लगा, और कृष्ण के वरदान से समस्त प्राणियों के लिए पावन हो गया।

श्लोक 59 (skanda.7.457.59)

तत्र गत्वा द्विजश्रेष्ठा ह्यर्घ्यं दद्याद्यथाविधि। फलपुष्पाक्षतैर्युक्तं चंदनेन च भूसुराः॥

tatra gatvā dvijaśreṣṭhā hyarghyaṁ dadyādyathāvidhi| phalapuṣpākṣatairyuktaṁ candanena ca bhūsurāḥ||

हे भूसुरो! वहाँ जाकर, हे द्विजश्रेष्ठो! विधिपूर्वक फल, पुष्प, अक्षत और चन्दन से युक्त अर्घ्य अर्पित करे।

श्लोक 60 (skanda.7.457.60)

नमस्ते विश्वरूपाय विष्णवे परमात्मने। अर्घ्यं गृहाण देवेश कूपेऽस्मिन्नृगसंज्ञके॥

namaste viśvarūpāya viṣṇave paramātmane| arghyaṁ gṛhāṇa deveśa kūpe'sminnṛgasaṁjñake||

'हे विश्वरूप, परमात्मा विष्णु! तुम्हें नमस्कार है। हे देवेश! इस नृग नामक कूप में यह अर्घ्य ग्रहण करो।'

श्लोक 61 (skanda.7.457.61)

ततः स्नायाद्द्विजश्रेष्ठा मृदमालिप्य पाणिना। संतर्पयेत्पितॄन्देवान्मनुष्यांश्च यथाक्रमात्॥

tataḥ snāyāddvijaśreṣṭhā mṛdamālipya pāṇinā| saṁtarpayetpitṝndevānmanuṣyāṁśca yathākramāt||

फिर, हे द्विजश्रेष्ठो! हाथ में मिट्टी लगाकर स्नान करे, और क्रमशः पितरों, देवताओं और मनुष्यों को तर्पित करे।

श्लोक 62 (skanda.7.457.62)

ततः श्राद्धं प्रकुर्वीत पितॄणां श्रद्धयान्वितः। विप्रेभ्यो भोजनं दद्याद्दक्षिणां च स्वशक्तितः॥

tataḥ śrāddhaṁ prakurvīta pitṝṇāṁ śraddhayānvitaḥ| viprebhyo bhojanaṁ dadyāddakṣiṇāṁ ca svaśaktitaḥ||

फिर श्रद्धापूर्वक पितरों का श्राद्ध करे, और ब्राह्मणों को अपनी शक्ति के अनुसार भोजन और दक्षिणा दे।

श्लोक 63 (skanda.7.457.63)

विशेषतः प्रदातव्या सवत्सा गौः स्वलंकृता। शय्या सोपस्करां दद्याद्विष्णुर्मे प्रीयतामिति॥

viśeṣataḥ pradātavyā savatsā gauḥ svalaṁkṛtā| śayyā sopaskarāṁ dadyādviṣṇurme prīyatāmiti||

विशेष रूप से एक सुसज्जित गाय, बछड़े सहित, और उपकरणों सहित एक शय्या भी देनी चाहिए — 'विष्णु मुझ पर प्रसन्न हों' — ऐसा कहते हुए।

श्लोक 64 (skanda.7.457.64)

दीनांधकृपणानां च सदा तत्तीरवासिनाम्। दद्याद्दानं स्वशक्त्या च वित्तशाठ्यविवर्जितः॥

dīnāndhakṛpaṇānāṁ ca sadā tattīravāsinām| dadyāddānaṁ svaśaktyā ca vittaśāṭhyavivarjitaḥ||

उस तट पर सदा निवास करने वाले दीन, अन्ध और दरिद्रों को, बिना कंजूसी किए, अपनी शक्ति के अनुसार दान देना चाहिए।

श्लोक 65 (skanda.7.457.65)

स्नानमात्रेण विप्रेन्द्रा लभेद्गोदानजं फलम्। पितृणां श्राद्धदानेन वियोनिं न च गच्छति॥

snānamātreṇa viprendrā labhedgodānajaṁ phalam| pitṛṇāṁ śrāddhadānena vayoniṁ na ca gacchati||

हे विप्रेन्द्रो! केवल स्नान मात्र से गोदान का फल प्राप्त होता है; और पितरों के लिए श्राद्ध और दान करने से मनुष्य निम्न योनि में नहीं जाता।

श्लोक 66 (skanda.7.457.66)

कृकलासे कृतं श्राद्धं येनैव तर्पणं तथा। स गच्छेद्विष्णुलोकं तु पितृभिः सहितो नरः॥

kṛkalāse kṛtaṁ śrāddhaṁ yenaiva tarpaṇaṁ tathā| sa gaccedviṣṇulokaṁ tu pitṛbhiḥ sahito naraḥ||

जिसने कृकलास तीर्थ में श्राद्ध और तर्पण किया है, वह मनुष्य अपने पितरों सहित विष्णुलोक को जाता है।

श्लोक 67 (skanda.7.457.67)

तथा मनोरथावाप्तिर्यात्रा च सफला भवेत्। सर्वतीर्थफलावाप्तिं लभते नात्र संशयः॥

tathā manorathāvāptiryātrā ca saphalā bhavet| sarvatīrthaphalāvāptiṁ labhate nātra saṁśayaḥ||

इसके साथ ही मनोरथ की सिद्धि होती है और यात्रा सफल होती है; वह समस्त तीर्थों के फल को प्राप्त करता है, इसमें संशय नहीं।