विष्णुपद तीर्थ का माहात्म्य

श्लोक 1 (skanda.7.458.1)

॥ प्रह्लाद उवाच ॥ ततो गच्छेद्द्विजश्रेष्ठास्तीर्थं विष्णुपदोद्भवम्। यस्य दर्शनमात्रेण गंगास्नानफलं लभेत्॥

prahlāda uvāca| tato gacchedvijaśreṣṭhāstīrthaṁ viṣṇupadodbhavam| yasya darśanamātreṇa gaṅgāsnānaphalaṁ labhet||

प्रह्लाद ने कहा — तत्पश्चात्, हे द्विजश्रेष्ठो! उस तीर्थ के पास जाना चाहिए, जो विष्णु के चरण से उत्पन्न हुआ है, जिसके दर्शन मात्र से गंगा-स्नान का फल प्राप्त होता है।

श्लोक 2 (skanda.7.458.2)

यस्योत्पत्तिर्मया पूर्वं कथिता द्विजसत्तमाः। यस्य संस्मरणादेव कीर्तनात्पापनाशनम्॥

yasyotpattirmayā pūrvaṁ kathitā dvijasattamāḥ| yasya saṁsmaraṇādeva kīrtanātpāpanāśanam||

हे द्विजसत्तमो! इसकी उत्पत्ति मैं पहले बता चुका हूँ; इसके स्मरण मात्र से और कीर्तन से पाप का नाश होता है।

श्लोक 3 (skanda.7.458.3)

हरिणा या समानीता रुक्मिण्यर्थे महात्मना। यस्या गण्डूषमात्रेण हयमेधफलं लभेत्॥

hariṇā yā samānītā rukmiṇyarthe mahātmanā| yasyā gaṇḍūṣamātreṇa hayamedhaphalaṁ labhet||

जिसे महात्मा हरि ने रुक्मिणी के लिए लाया था, जिसके केवल एक कुल्ले भर से अश्वमेध यज्ञ का फल प्राप्त होता है।

श्लोक 4 (skanda.7.458.4)

विष्णोः पादप्रसूताया वैष्णवीति च विश्रुता। तत्र गत्वा महाभाग गृहीत्वाऽर्घ्यं विधानतः॥

viṣṇoḥ pādaprasūtāyā vaiṣṇavīti ca viśrutā| tatra gatvā mahābhāga gṛhītvārghyaṁ vidhānataḥ||

विष्णु के चरण से उत्पन्न होने के कारण यह 'वैष्णवी' नाम से विख्यात है। हे महाभाग! वहाँ जाकर विधिपूर्वक अर्घ्य लेकर,

श्लोक 5 (skanda.7.458.5)

नमस्ये त्वां भगवति विष्णुपादतलोद्भवे। गृहाणार्घ्यमिदं देवि गंगे त्वं हरिणा सह॥

namasye tvāṁ bhagavati viṣṇupādatalodbhave| gṛhāṇārghyamidaṁ devi gaṅge tvaṁ hariṇā saha||

'हे भगवती! विष्णु के चरणतल से उत्पन्न तुम्हें नमस्कार है। हे देवी गंगे! हरि के साथ यह अर्घ्य ग्रहण करो।'

श्लोक 6 (skanda.7.458.6)

इत्युच्चार्य द्विजश्रेष्ठा मृदमालभ्य पाणिना। प्राङ्मुखः संयतो भूत्वा स्नानं कुर्यादतन्द्रितः॥

ityuccārya dvijaśreṣṭhā mṛdamālabhya pāṇinā| prāṅmukhaḥ saṁyato bhūtvā snānaṁ kuryādatandritaḥ||

यह उच्चारण करके, हे द्विजश्रेष्ठो! हाथ में मिट्टी लेकर, पूर्वाभिमुख और संयत होकर, बिना आलस्य के स्नान करे।

श्लोक 7 (skanda.7.458.7)

देवान्पितॄन्मनुष्यांश्च तर्पितव्यं तिलाक्षतैः। उपहृत्योपहारांश्च ह्याहूय ब्राह्मणांस्ततः॥

devānpitṝnmanuṣyāṁśca tarpitavyaṁ tilākṣataiḥ| upahṛtyopahārāṁśca hyāhūya brāhmaṇāṁstataḥ||

देवताओं, पितरों और मनुष्यों को तिल और अक्षत से तर्पण देना चाहिए; फिर उपहार अर्पित करके ब्राह्मणों को बुलाकर,

श्लोक 8 (skanda.7.458.8)

श्रद्धया परया युक्तः श्राद्धं कुर्याद्विचक्षणः। यथोक्तां दक्षिणां दद्यात्सुवर्णं रजतं तथा॥

śraddhayā parayā yuktaḥ śrāddhaṁ kuryādvicakṣaṇaḥ| yathoktāṁ dakṣiṇāṁ dadyātsuvarṇaṁ rajataṁ tathā||

अत्यंत श्रद्धा से युक्त होकर विवेकपूर्ण मनुष्य श्राद्ध करे, और यथोक्त दक्षिणा, सोना और चाँदी दे।

श्लोक 9 (skanda.7.458.9)

दीनान्ध कृपणानाञ्च दानं देयं स्वशक्तितः। विशेषतः प्रदातव्यं सुवर्णं द्विजसत्तमाः॥

dīnāndha kṛpaṇānāñca dānaṁ deyaṁ svaśaktitaḥ| viśeṣataḥ pradātavyaṁ suvarṇaṁ dvijasattamāḥ||

दीन, अन्ध और दरिद्रों को अपनी शक्ति के अनुसार दान देना चाहिए। हे द्विजसत्तमो! विशेष रूप से सोना देना चाहिए।

श्लोक 10 (skanda.7.458.10)

उपानहौ ततो देये जलकुम्भं द्विजातये। दध्योदनं सलवणं शाकजीरकसंयुतम्॥

upānahau tato deye jalakumbhaṁ dvijātaye| dadhyodanaṁ salavaṇaṁ śākajīrakasaṁyutam||

फिर द्विज को जूते और जल का कलश देना चाहिए, तथा नमकयुक्त और जीरे तथा साग से युक्त दही-भात भी।

श्लोक 11 (skanda.7.458.11)

रक्तवस्त्रैः कंचुकीभी रुक्मिणीं परिधापयेत्। विप्रपत्नीश्च विप्रांश्च विष्णुर्मेप्रीयतामिति॥

raktavastraiḥ kañcukībhī rukmiṇīṁ paridhāpayet| viprapatnīśca viprāṁśca viṣṇurmeprīyatāmiti||

रुक्मिणी को लाल वस्त्रों और अंगरखों से सुसज्जित करे, तथा ब्राह्मण-पत्नियों और ब्राह्मणों को भी — 'विष्णु मुझ पर प्रसन्न हों' — ऐसा कहते हुए।

श्लोक 12 (skanda.7.458.12)

एवं कृते द्विज श्रेष्ठाः कृतकृत्यो भवेन्नरः। पितॄणामक्षया तृप्तिर्गयाश्राद्धेन वै यथा॥

evaṁ kṛte dvija śreṣṭhāḥ kṛtakṛtyo bhavennaraḥ| pitṝṇāmakṣayā tṛptirgayāśrāddhena vai yathā||

हे द्विजश्रेष्ठो! इस प्रकार करने से मनुष्य कृतकृत्य हो जाता है, और जैसे गया-श्राद्ध से पितरों की अक्षय तृप्ति होती है, वैसी ही यहाँ भी होती है।

श्लोक 13 (skanda.7.458.13)

वैष्णवं लोकमायान्ति पितरस्त्रिकुलोद्भवाः। जीवते स श्रियायुक्तः पुत्रपौत्रसमन्वितः॥

vaiṣṇavaṁ lokamāyānti pitarastrikulodbhavāḥ| jīvate sa śriyāyuktaḥ putrapautrasamanvitaḥ||

उसके त्रिकुल में उत्पन्न पितर वैष्णव लोक को प्राप्त होते हैं; वह स्वयं समृद्धि से युक्त, पुत्र-पौत्रों सहित जीवन जीता है।

श्लोक 14 (skanda.7.458.14)

प्रीतः सदा भवेत्तस्य रुक्मिण्या सह केशवः। यच्छते वाञ्छितान्सर्वानैहिकामुष्मिकान्प्रभुः॥

prītaḥ sadā bhavettasya rukmiṇyā saha keśavaḥ| yacchate vāñchitānsarvānaihikāmuṣmikānprabhuḥ||

केशव रुक्मिणी सहित उस पर सदा प्रसन्न रहते हैं; प्रभु उसे इस लोक और परलोक की सभी इच्छित वस्तुएँ प्रदान करते हैं।

श्लोक 15 (skanda.7.458.15)

एतन्माहात्म्यमतुलं विष्णुपादोद्भवं तथा। यः शृणोति हरौ भक्त्या सर्वपापैः स मुच्यते॥

etanmāhātmyamatulaṁ viṣṇupādodbhavaṁ tathā| yaḥ śṛṇoti harau bhaktyā sarvapāpaiḥ sa mucyate||

जो कोई हरि के प्रति भक्तिपूर्वक इस अतुल, विष्णु के चरण से उत्पन्न तीर्थ का माहात्म्य सुनता है, वह समस्त पापों से मुक्त हो जाता है।

श्लोक 16 (skanda.7.458.16)

श्रुत्वाऽध्यायमिमं पुण्यं सर्वपापैः प्रमुच्यते॥

śrutvā'dhyāyamimaṁ puṇyaṁ sarvapāpaiḥ pramucyate||

इस पुण्य अध्याय को सुनकर मनुष्य समस्त पापों से मुक्त हो जाता है।