मयनिर्मित सरोवर (मयसर) का माहात्म्य

श्लोक 1 (skanda.7.459.1)

॥ प्रह्लाद उवाच ॥ ततो गच्छेद्द्विजश्रेष्ठा गोप्रचारमतः परम्। यत्र स्नात्वा नरो भक्त्या लभेद्गोदानजं फलम्॥

prahlāda uvāca| tato gacchedvijaśreṣṭhā gopracāramataḥ param| yatra snātvā naro bhaktyā labhedgodānajaṁ phalam||

प्रह्लाद ने कहा — तत्पश्चात्, हे द्विजश्रेष्ठो! गोप्रचार नामक तीर्थ के पास जाना चाहिए, जहाँ भक्तिपूर्वक स्नान करके मनुष्य गोदान का फल प्राप्त करता है।

श्लोक 2 (skanda.7.459.2)

यत्र स्नातो जगन्नाथो नभस्ये दैवतैर्वृतः। कटदानं च तत्प्रोक्तं द्वादश्यां द्विजसत्तमाः॥

yatra snāto jagannātho nabhasye daivatairvṛtaḥ| kaṭadānaṁ ca tatproktaṁ dvādaśyāṁ dvijasattamāḥ||

जहाँ जगन्नाथ, भाद्रपद मास में देवताओं से घिरे हुए, स्नान करते हैं। हे द्विजसत्तमो! द्वादशी को यहाँ कटदान करना कहा गया है।

श्लोक 3 (skanda.7.459.3)

॥ ऋषय ऊचुः ॥ कथं तु तत्र दैत्येन्द्राऽभवद्वै गोप्रचारकम्। तीर्थं कथय तत्त्वेन यत्र स्नातो जनार्द्दनः॥

ṛṣaya ūcuḥ| kathaṁ tu tatra daityendrā'bhavadvai gopracārakam| tīrthaṁ kathaya tattvena yatra snāto janārdanaḥ||

ऋषियों ने कहा — हे दैत्येन्द्र! यह गोप्रचार नामक तीर्थ वहाँ कैसे बना? हमें सत्यरूप में बताइए, जहाँ जनार्दन ने स्नान किया।

श्लोक 4 (skanda.7.459.4)

॥ प्रह्लाद उवाच ॥ हते कंसे भोजराजे कृष्णेनामिततेजसा। उग्रसेने चाभिषिक्ते मधुपुर्य्यां महात्मना॥

prahlāda uvāca| hate kaṁse bhojarāje kṛṣṇenāmitatejasā| ugrasene cābhiṣikte madhupuryāṁ mahātmanā||

प्रह्लाद ने कहा — जब अमित तेजस्वी कृष्ण ने भोजराज कंस का वध किया, और उग्रसेन को उस महात्मा ने मथुरापुरी में अभिषिक्त किया,

श्लोक 5 (skanda.7.459.5)

उद्धवं प्रेषयामास गोकुले गोकुलप्रियः। सुहृदां प्रियकामार्थं गोपगोपीजनस्य च॥

uddhavaṁ preṣayāmāsa gokule gokulapriyaḥ| suhṛdāṁ priyakāmārthaṁ gopagopījanasya ca||

गोकुलप्रिय कृष्ण ने उद्धव को गोकुल भेजा, अपने प्रिय मित्रों, गोपों और गोपियों को प्रसन्न करने के लिए।

श्लोक 6 (skanda.7.459.6)

नमस्कृत्य च गोविदं प्रययौ नंदगोकुलम्। स तत्सदृशवेषेण वस्त्रालंकारभूषणैः॥

namaskṛtya ca govidaṁ prayayau naṁdagokulam| sa tatsadṛśaveṣeṇa vastrālaṁkārabhūṣaṇaiḥ||

गोविन्द को नमस्कार करके वह नन्द के गोकुल को गया, उन्हीं के समान वेष में, वस्त्रों और आभूषणों से सुसज्जित।

श्लोक 7 (skanda.7.459.7)

तं दृष्ट्वा दिवसस्यांते गोविंदानुचरं प्रियम्। उद्धवं पूजयामास वस्त्रालंकारभूषणैः॥

taṁ dṛṣṭvā divasasyānte govindānucaraṁ priyam| uddhavaṁ pūjayāmāsa vastrālaṁkārabhūṣaṇaiḥ||

दिन के अन्त में उसे, गोविन्द के प्रिय अनुचर उद्धव को देखकर, वस्त्रों और आभूषणों से उसकी पूजा की गई।

श्लोक 8 (skanda.7.459.8)

तं भुक्तवंतं विश्रांतं यशोदा पुत्रवत्सला। आनंदबाष्पपूर्णाक्षी पप्रच्छानामयं हरेः॥

taṁ bhuktavantaṁ viśrāntaṁ yaśodā putravatsalā| ānaṁdabāṣpapūrṇākṣī papracchānāmayaṁ hareḥ||

भोजन कर चुके और विश्राम कर रहे उससे, पुत्रवत्सला यशोदा ने, आनन्द के अश्रुओं से भरे नेत्रों के साथ, हरि की कुशलक्षेम पूछी।

श्लोक 9 (skanda.7.459.9)

कच्चिद्धि स्तः सुखं पुत्रौ रामकृष्णौ यदूत्तमौ। कच्चित्स्मरति गोविंदो वयस्यान्गोपबालकान्॥

kacciddhi staḥ sukhaṁ putrau rāmakṛṣṇau yadūttamau| kaccitsmarati govindo vayasyāngopabālakān||

'क्या मेरे दोनों पुत्र, यदुश्रेष्ठ राम और कृष्ण, कुशल से हैं? क्या गोविन्द अपने बचपन के मित्र गोपबालकों को याद करते हैं?'

श्लोक 10 (skanda.7.459.10)

कच्चिदेष्यति गोविंदो गोकुलं मधुरेश्वरः। तारयिष्यति पुत्रोऽसौ गोकुलं वृजिनार्णवात्॥

kaccideṣyati govindo gokulaṁ madhureśvaraḥ| tārayiṣyati putro'sau gokulaṁ vṛjinārṇavāt||

'क्या गोविन्द, वह मथुरा का स्वामी, गोकुल आएगा? क्या मेरा वह पुत्र गोकुल को दुःख-सागर से तार देगा?'

श्लोक 11 (skanda.7.459.11)

इत्युक्त्वा बाष्पपूर्णाक्षौ यशोदा नंद एव च। दीर्घं रुरुदतुर्दीनौ पुत्रस्नेहवशंगतौ॥

ityuktvā bāṣpapūrṇākṣau yaśodā naṁda eva ca| dīrghaṁ rurudaturdīnau putrasnehavaśaṁgatau||

यह कहकर, अश्रुओं से भरे नेत्रों वाले यशोदा और नन्द दोनों, पुत्र-स्नेह के वशीभूत होकर, दीनतापूर्वक लम्बे समय तक रोते रहे।

श्लोक 12 (skanda.7.459.12)

उद्धवस्तौ ततो दृष्ट्वा प्राणसंशयमागतौ। मधुरैः कृष्णसंदेशैः स्नेहयुक्तैरजीवयत्॥

uddhavastau tato dṛṣṭvā prāṇasaṁśayamāgatau| madhuraiḥ kṛṣṇasaṁdeśaiḥ snehayuktairajīvayat||

उन्हें प्राणों के संकट में देखकर, उद्धव ने कृष्ण के मधुर और स्नेहयुक्त संदेशों से उन्हें पुनः जीवित किया।

श्लोक 13 (skanda.7.459.13)

नमस्करोति भवतीं भवंतं च सहाग्रजः। अनामयं पृष्टवांश्च तौ च क्षेमेण तिष्ठतः॥

namaskaroti bhavatīṁ bhavantaṁ ca sahāgrajaḥ| anāmayaṁ pṛṣṭavāṁśca tau ca kṣemeṇa tiṣṭhataḥ||

'वे, अपने अग्रज सहित, आप दोनों को नमस्कार करते हैं और आपकी कुशलक्षेम पूछते हैं; और वे दोनों कुशलतापूर्वक हैं।'

श्लोक 14 (skanda.7.459.14)

क्षिप्रमेष्यति दाशार्हो रामेण सहितो विभुः। अत्रागत्य जगन्नाथो विधास्यति च वो हितम्॥

kṣiprameṣyati dāśārho rāmeṇa sahito vibhuḥ| atrāgatya jagannātho vidhāsyati ca vo hitam||

'शीघ्र ही वह दाशार्ह प्रभु, राम सहित, यहाँ आएँगे; जगन्नाथ यहाँ आकर आपका हित सम्पादन करेंगे।'

श्लोक 15 (skanda.7.459.15)

इत्येवं कृष्णसंदेशैः समाश्वास्योद्धवस्तदा। सुखं सुष्वाप शयने नन्दाद्यैरभिनंदितः॥

ityevaṁ kṛṣṇasaṁdeśaiḥ samāśvāsyoddhavastadā| sukhaṁ suṣvāpa śayane nandādyairabhinaṁditaḥ||

इस प्रकार कृष्ण के संदेशों से उन्हें सांत्वना देकर, उद्धव ने नन्द आदि द्वारा सम्मानित होकर सुखपूर्वक शय्या पर विश्राम किया।

श्लोक 16 (skanda.7.459.16)

गोप्यस्तदा रथं दृष्ट्वा द्वारे नंदस्य विस्मिताः। कोऽयं कोऽयमिति प्राहुः कृष्णागमनशंकया॥

gopyastadā rathaṁ dṛṣṭvā dvāre naṁdasya vismitāḥ| ko'yaṁ ko'yamiti prāhuḥ kṛṣṇāgamanaśaṅkayā||

उस समय गोपियाँ नन्द के द्वार पर रथ देखकर विस्मित हो गईं; कृष्ण के आगमन की आशंका से वे कहने लगीं — 'यह कौन है, यह कौन है?'

श्लोक 17 (skanda.7.459.17)

गोपालराजस्य गृहे रथेनादित्यवर्चसा। समागतो महाबाहुः कृष्णवेषानुगस्तथा॥

gopālarājasya gṛhe rathenādityavarcasā| samāgato mahābāhuḥ kṛṣṇaveṣānugastathā||

गोपराज के घर में, सूर्य के समान तेजस्वी रथ पर, मायाबाहु उद्धव कृष्ण के वेष में आया हुआ था।

श्लोक 18 (skanda.7.459.18)

परस्परं समागम्य सर्वास्ता व्रजयोषितः। विविक्ते कृष्णदूतं तं पप्रच्छुः शोककर्षिताः॥

parasparaṁ samāgamya sarvāstā vrajayoṣitaḥ| vivikte kṛṣṇadūtaṁ taṁ papracchuḥ śokakarṣitāḥ||

आपस में मिलकर, सभी व्रज-स्त्रियाँ, शोक से पीड़ित होकर, उस कृष्ण-दूत से एकान्त में पूछने लगीं।

श्लोक 19 (skanda.7.459.19)

॥ श्रीगोप्य ऊचुः ॥ कस्मात्त्वमिह संप्राप्तः किं ते कार्य्यमिहाद्य वै। दस्युरूपप्रतिच्छन्नो ह्यस्मान्संहर्तुमिच्छसि॥

śrīgopya ūcuḥ| kasmāttvamiha samprāptaḥ kiṁ te kāryamihādya vai| dasyurūpapraticchanno hyasmānsaṁhartumicchasi||

गोपियों ने कहा — 'तुम यहाँ किसलिए आए हो? आज यहाँ तुम्हारा क्या कार्य है? क्या तुम डाकू के भेष में छिपकर हमें मार डालना चाहते हो?'

श्लोक 20 (skanda.7.459.20)

पूर्वमेव हतं तेन कृष्णेन हृदयादिकम्। पाययित्वाऽधरविषं योषिद्व्रातं पलायितः॥

pūrvameva hataṁ tena kṛṣṇena hṛdayādikam| pāyayitvā'dharaviṣaṁ yoṣidvrātaṁ palāyitaḥ||

'हमारे हृदय आदि तो पहले ही उस कृष्ण ने नष्ट कर दिए थे; अपने अधर के विष को हम स्त्रियों को पिलाकर वह भाग गया।'

श्लोक 21 (skanda.7.459.21)

इत्येवमुक्त्वा ता गोप्यो मुमुहुः शोकविह्वलाः। ईक्षंत्यः कृष्णदासं तं निपेतुर्धरणीतले॥

ityevamuktvā tā gopyo mumuhuḥ śokavihvalāḥ| īkṣantyaḥ kṛṣṇadāsaṁ taṁ nipeturdharaṇītale||

यह कहकर वे गोपियाँ शोक से व्याकुल होकर मूर्च्छित हो गईं; उस कृष्ण-दूत को देखते ही वे भूमि पर गिर पड़ीं।

श्लोक 22 (skanda.7.459.22)

उद्धवस्तं जनं दृष्ट्वा कृष्णस्नेहहृताशयम्। आश्वासयामास तदा वाक्यैः श्रोत्रसुखावहैः॥

uddhavastaṁ janaṁ dṛṣṭvā kṛṣṇasnehahṛtāśayam| āśvāsayāmāsa tadā vākyaiḥ śrotrasukhāvahaiḥ||

उन लोगों को, कृष्ण-स्नेह से हृदय हरे जाने की दशा में देखकर, उद्धव ने तब कर्णप्रिय वचनों से उन्हें सांत्वना दी।

श्लोक 23 (skanda.7.459.23)

॥ उद्धव उवाच ॥ भगवानपि दाशार्हः कन्दर्पशरपीडितः। न भुंक्ते न स्वपिति च चिन्तयन्वस्त्वहर्निशम्॥

uddhava uvāca| bhagavānapi dāśārhaḥ kandarpaśarapīḍitaḥ| na bhuṅkte na svapiti ca cintayanvastvaharniśam||

उद्धव ने कहा — 'भगवान् दाशार्ह भी कामदेव के बाण से पीड़ित होकर, तुम्हारे विषय में दिन-रात चिन्तन करते हुए न भोजन करते हैं, न सोते हैं।'

श्लोक 24 (skanda.7.459.24)

तच्छ्रुत्वा वचनं तस्य ललिता क्रोधमूर्छिता। उद्धवं ताम्रनयना प्रोवाच रुदती तदा॥

tacchrutvā vacanaṁ tasya lalitā krodhamūrchitā| uddhavaṁ tāmranayanā provāca rudatī tadā||

उसका यह वचन सुनकर, ललिता, क्रोध से मूर्च्छित-सी होकर, ताम्रवर्ण नेत्रों से रोती हुई उद्धव से बोली —

श्लोक 25 (skanda.7.459.25)

॥ ललितोवाच ॥ असत्यो भिन्नमर्य्यादः क्रूरः क्रूरजनप्रियः। त्वं मा कृथा नः पुरतः कथां तस्याऽकृतात्मनः॥

lalitovāca| asatyo bhinnamaryādaḥ krūraḥ krūrajanapriyaḥ| tvaṁ mā kṛthā naḥ purataḥ kathāṁ tasyā'kṛtātmanaḥ||

ललिता ने कहा — 'वह असत्यवादी, मर्यादाभंजक, क्रूर और क्रूर लोगों का प्रिय है। तुम हमारे सामने उस निष्ठुर के बारे में बात मत करो।'

श्लोक 26 (skanda.7.459.26)

धिग्धिक्पापसमाचारो धिग्धिग्वै निष्ठुराशयः। हित्वा यः स्त्रीजनं मूढो गतो द्वारवतीं हरिः॥

dhigdhikpāpasamācāro dhigdhigvai niṣṭhurāśayaḥ| hitvā yaḥ strījanaṁ mūḍho gato dvāravatīṁ hariḥ||

'धिक्कार है उसके पापपूर्ण आचरण पर, धिक्कार है उसके निष्ठुर हृदय पर! वह मूर्ख हरि स्त्रियों को त्यागकर द्वारावती चला गया।'

श्लोक 27 (skanda.7.459.27)

॥ श्यामलोवाच ॥ किं तस्य मन्दभाग्यस्य अल्पपुण्यस्य दुर्मतेः। मा कुरुध्वं कथाः साध्व्यः कथां कथयताऽपराम्॥

śyāmalovāca| kiṁ tasya mandabhāgyasya alpapuṇyasya durmateḥ| mā kurudhvaṁ kathāḥ sādhvyaḥ kathāṁ kathayatā'parām||

श्यामला ने कहा — 'उस अभागे, अल्पपुण्य, दुर्बुद्धि के विषय में क्या कहें? हे साध्वियो! उसकी बात मत करो, कोई और बात करो।'

श्लोक 28 (skanda.7.459.28)

॥ धन्योवाच ॥ केनायं हि समानीतो दूतो दुष्टजनस्य च। यातु तेन पथा पापः पुनर्नायाति येन च॥

dhanyovāca| kenāyaṁ hi samānīto dūto duṣṭajanasya ca| yātu tena pathā pāpaḥ punarnāyāti yena ca||

धन्या ने कहा — 'इस दुष्टजन के दूत को यहाँ कौन लाया? यह पापी उसी मार्ग से चला जाए, जिससे वह फिर कभी न लौटे।'

श्लोक 29 (skanda.7.459.29)

॥ विशाखोवाच ॥ न शीलं न कुलं यस्य नास्ति पापकृतं भयम्। तस्य स्त्रीहनने साध्व्यो ज्ञायते जन्म कर्म च। हीनस्य पुरुषार्थेन तेन संगो निरर्थकः॥

viśākhovāca| na śīlaṁ na kulaṁ yasya nāsti pāpakṛtaṁ bhayam| tasya strīhanane sādhvyo jñāyate janma karma ca| hīnasya puruṣārthena tena saṅgo nirarthakaḥ||

विशाखा ने कहा — 'जिसका न शील है, न कुल, और जिसे पाप करने का भय नहीं, हे साध्वियो! स्त्रियों को कष्ट देने से उसके जन्म और कर्म का पता चलता है। पुरुषार्थ से हीन उसके साथ संग व्यर्थ है।'

श्लोक 30 (skanda.7.459.30)

॥ राधोवाच ॥ भूतानां घातने यस्य नास्ति पापकृतं भयम्। तस्य स्त्रीहनने साध्व्यः शंका कापि न विद्यते॥

rādhovāca| bhūtānāṁ ghātane yasya nāsti pāpakṛtaṁ bhayam| tasya strīhanane sādhvyaḥ śaṅkā kāpi na vidyate||

राधा ने कहा — 'जिसे प्राणियों को मारने में पाप का भय नहीं, हे साध्वियो! उसे स्त्रियों को कष्ट देने में भी कोई संकोच नहीं होता।'

श्लोक 31 (skanda.7.459.31)

॥ शैब्योवाच ॥ सत्यं ब्रूहि महाभाग किं करोति यदूत्तमः। संगतो नागरस्त्रीभिरस्माकं किं कथां स्मरेत्॥

śaibyovāca| satyaṁ brūhi mahābhāga kiṁ karoti yadūttamaḥ| saṅgato nāgarastrībhirasmākaṁ kiṁ kathāṁ smaret||

शैब्या ने कहा — 'हे महाभाग! सत्य बताओ, वह यदुश्रेष्ठ क्या कर रहा है? नगर की स्त्रियों में रम गया होगा, हमारी बात कहाँ याद रखेगा?'

श्लोक 32 (skanda.7.459.32)

॥ पद्मोवाच ॥ कदोद्धव महाभाग नागरीजनवल्लभः। समेष्यतीह दाशार्हः पद्मपत्रायतेक्षणः॥

padmovāca| kadoddhava mahābhāga nāgarījanavallabhaḥ| sameṣyatīha dāśārhaḥ padmapatrāyatekṣaṇaḥ||

पद्मा ने कहा — 'हे महाभाग उद्धव! अब नगरवासिनियों का प्रिय बन चुका वह कमलपत्र-सम विशाल नेत्रों वाला दाशार्ह यहाँ कब आएगा?'

श्लोक 33 (skanda.7.459.33)

॥ भद्रोवाच ॥ हा कृष्ण हा गोपवर हा गोपीजनवल्लभ। समुद्धर महाबाहो गोपीः संसारसागरात्॥

bhadrovāca| hā kṛṣṇa hā gopavara hā gopījanavallabha| samuddhara mahābāho gopīḥ saṁsārasāgarāt||

भद्रा ने कहा — 'हा कृष्ण! हा गोपवर! हा गोपीजनों के प्रिय! हे महाबाहो! हम गोपियों को संसार-सागर से उद्धार करो।'

श्लोक 34 (skanda.7.459.34)

॥ प्रह्लाद उवाच ॥ इति ता विविधैर्वाक्यैर्विलपंत्यो व्रजस्त्रियः। रुरुदुः सुस्वरं देव्यः स्मरंत्यः कृष्ण चेष्टितम्॥

prahlāda uvāca| iti tā vividhairvākyairvilapantyo vrajastriyaḥ| rurudu susvaraṁ devyaḥ smarantyaḥ kṛṣṇa ceṣṭitam||

प्रह्लाद ने कहा — इस प्रकार नाना प्रकार के वचनों से विलाप करती हुई वे व्रज-स्त्रियाँ, कृष्ण की लीलाओं का स्मरण करते हुए, मधुर स्वर में रोने लगीं।

श्लोक 35 (skanda.7.459.35)

तासां तद्रुदितं श्रुत्वा भक्तिस्नेहसमन्वितः। विस्मयं परमं गत्वा साधुसाध्विति चाब्रवीत्॥

tāsāṁ tadruditaṁ śrutvā bhaktisnehasamanvitaḥ| vismayaṁ paramaṁ gatvā sādhusādhviti cābravīt||

उनका वह रुदन सुनकर, भक्ति और स्नेह से युक्त उद्धव अत्यंत विस्मित होकर 'साधु-साधु' कहने लगे।

श्लोक 36 (skanda.7.459.36)

॥ उद्धव उवाच ॥ यं न ब्रह्मा न च हरो न देवा न महर्षयः। स्वभावमनुगच्छंति सर्वा धन्या व्रजस्त्रियः॥

uddhava uvāca| yaṁ na brahmā na ca haro na devā na maharṣayaḥ| svabhāvamanugacchanti sarvā dhanyā vrajastriyaḥ||

उद्धव ने कहा — 'जिस भगवान् के स्वभाव को न ब्रह्मा, न शिव, न देवता, न महर्षि जान पाए, उसे ये सब व्रज-स्त्रियाँ धन्य होकर प्राप्त कर चुकी हैं।'

श्लोक 37 (skanda.7.459.37)

सर्वासां सफलं जन्म जीवितं यौवनं धनम्। यासां भवेद्भगवति भक्तिरव्यभिचारिणी॥

sarvāsāṁ saphalaṁ janma jīvitaṁ yauvanaṁ dhanam| yāsāṁ bhavedbhagavati bhaktiravyabhicāriṇī||

उन सबका जन्म, जीवन, यौवन और धन सफल है, जिनकी भक्ति भगवान् के प्रति अटल है।

श्लोक 38 (skanda.7.459.38)

॥ गोप्य ऊचुः ॥ साधु दर्शय गोविंदं साधु दर्शय वल्लभम्। नयास्मान्साधु तत्रैव यत्र तिष्ठति सोऽच्युतः॥

gopya ūcuḥ| sādhu darśaya govindaṁ sādhu darśaya vallabham| nayāsmānsādhu tatraiva yatra tiṣṭhati so'cyutaḥ||

गोपियों ने कहा — 'कृपया गोविन्द को दिखाओ, कृपया हमारे प्रियतम को दिखाओ। हमें वहीं ले चलो, जहाँ वह अच्युत विराजमान हैं।'

श्लोक 39 (skanda.7.459.39)

॥ प्रह्लाद उवाच ॥ तासां तद्भाषितं श्रुत्वा तथा विलपितं बहु। बाढमित्येव ता ऊच उद्धवः स्नेहविह्वलाः॥

prahlāda uvāca| tāsāṁ tadbhāṣitaṁ śrutvā tathā vilapitaṁ bahu| bāḍhamityeva tā ūca uddhavaḥ snehavihvalāḥ||

प्रह्लाद ने कहा — उनकी इस बात और उनके इतने विलाप को सुनकर, स्नेह से विह्वल हुए उद्धव ने उन्हें 'ऐसा ही हो' कहकर उत्तर दिया।

श्लोक 40 (skanda.7.459.40)

उद्धवेन समं सर्वास्ततस्ता व्रजयोषितः। अनुजग्मुर्मुदा युक्ताः कृष्णदर्शनलालसाः॥

uddhavena samaṁ sarvāstatastā vrajayoṣitaḥ| anujagmurmudā yuktāḥ kṛṣṇadarśanalālasāḥ||

तब वे सभी व्रज-स्त्रियाँ, कृष्ण के दर्शन की लालसा से युक्त होकर, हर्षपूर्वक उद्धव के साथ चल पड़ीं।

श्लोक 41 (skanda.7.459.41)

गायन्त्यः प्रियगीतानि तद्बालचरितानि च। जग्मुः सहैव शनकैरुद्धवेन व्रजांगनाः॥

gāyantyaḥ priyagītāni tadbālacaritāni ca| jagmuḥ sahaiva śanakairuddhavena vrajāṅganāḥ||

अपने प्रिय के गीत और उसके बचपन की लीलाएँ गाती हुई, व्रज की स्त्रियाँ धीरे-धीरे उद्धव के साथ चल पड़ीं।

श्लोक 42 (skanda.7.459.42)

यदुपुर्य्यां ततो दृष्ट्वा उद्यानविपिनावलीः। अद्य देवं प्रपश्यामः कृष्णाख्यं नंदनंदनम्॥

yadupuryāṁ tato dṛṣṭvā udyānavipināvalīḥ| adya devaṁ prapaśyāmaḥ kṛṣṇākhyaṁ nandanandanam||

यदुपुरी में गार्डनों और उपवनों की पंक्तियों को देखकर वे कहने लगीं — 'आज हम कृष्ण नामक नन्दनन्दन देव का दर्शन करेंगी।'

श्लोक 43 (skanda.7.459.43)

द्वारवत्यां तु गमनाद्ध्यानाल्लक्ष्मीपतेस्तदा। अशेषकल्मषान्मुक्ता विध्वस्ताखिलबन्धनाः॥

dvāravatyāṁ tu gamanāddhyānāllakṣmīpatestadā| aśeṣakalmaṣānmuktā vidhvastākhilabandhanāḥ||

द्वारावती की ओर जाने से और लक्ष्मीपति के ध्यान से, वे समस्त पापों से मुक्त और सभी बन्धनों से रहित हो गईं।

श्लोक 44 (skanda.7.459.44)

संप्राप्तास्तास्ततः सर्वास्तीरे मयसरस्य च। प्रणिपत्योद्धवः प्राह गोपिकाः कृष्णदेवताः॥

samprāptāstāstataḥ sarvāstīre mayasarasya ca| praṇipatyoddhavaḥ prāha gopikāḥ kṛṣṇadevatāḥ||

फिर वे सब मयसर के तट पर पहुँचीं। उद्धव ने प्रणाम करके उन गोपिकाओं से, जो कृष्ण को ही देवता मानती थीं, कहा —

श्लोक 45 (skanda.7.459.45)

स्थीयतां मातरश्चात्रात्रैवेष्यति महाभुजः। कृष्णः कमलपत्राक्षो विधास्यति च वो हितम्॥

sthīyatāṁ mātaraścātrātraiveṣyati mahābhujaḥ| kṛṣṇaḥ kamalapatrākṣo vidhāsyati ca vo hitam||

'हे माताओ! यहीं ठहरो; यहीं वह महाभुज कमलपत्राक्ष कृष्ण आएँगे, और तुम्हारा हित सम्पादन करेंगे।'

श्लोक 46 (skanda.7.459.46)

॥ गोप्य ऊचुः ॥ कस्योद्धव इदं चात्र सरः सारसशोभितम्। संपूर्णं पंकजैश्चित्रैः कल्हारकुमुदोत्पलैः॥

gopya ūcuḥ| kasyoddhava idaṁ cātra saraḥ sārasaśobhitam| sampūrṇaṁ paṅkajaiścitraiḥ kalhārakumudotpalaiḥ||

गोपियों ने कहा — 'हे उद्धव! यहाँ यह सारसों से सुशोभित, विचित्र कमलों, कह्लार, कुमुद और उत्पलों से भरा हुआ सरोवर किसका है?'

श्लोक 47 (skanda.7.459.47)

॥ उद्धव उवाच ॥ मयो नाम महादैत्यो मायावी लोकविश्रुतः। कृतं तेन सरः शुभ्रं तस्य नाम्ना च विश्रुतम्॥

uddhava uvāca| mayo nāma mahādaityo māyāvī lokaviśrutaḥ| kṛtaṁ tena saraḥ śubhraṁ tasya nāmnā ca viśrutam||

उद्धव ने कहा — 'माया नामक महादैत्य, जो लोक-विख्यात मायावी था, उसने इस शुभ्र सरोवर को बनाया, और यह उसी के नाम से विख्यात है।'

श्लोक 48 (skanda.7.459.48)

॥ श्रीगोप्य ऊचुः ॥ शीघ्रमानय गोविंदं साधु दर्शय चाच्युतम्। नयनानंदजननं तापत्रयविनाशनम्॥

śrīgopya ūcuḥ| śīghramānaya govindaṁ sādhu darśaya cācyutam| nayanānaṁdajananaṁ tāpatrayavināśanam||

गोपियों ने कहा — 'गोविन्द को शीघ्र लाओ, कृपया उस अच्युत को दिखाओ, जो नेत्रों को आनन्द देने वाले और तीनों तापों का नाश करने वाले हैं।'

श्लोक 49 (skanda.7.459.49)

तच्छ्रुत्वा वचनं तासां गोपिकानां तदोद्धवः। दूतैः समानयामास श्रीकृष्णं शीघ्रयायिभिः॥

tacchrutvā vacanaṁ tāsāṁ gopikānāṁ tadoddhavaḥ| dūtaiḥ samānayāmāsa śrīkṛṣṇaṁ śīghrayāyibhiḥ||

उन गोपिकाओं का यह वचन सुनकर, उद्धव ने शीघ्रगामी दूतों द्वारा श्रीकृष्ण को बुला भेजा।

श्लोक 50 (skanda.7.459.50)

आयांतं शीघ्रयानेन दृष्ट्वा देवकिनंदनम्। भ्राजमानं सुवपुषा वनमालाविभूषितम्॥

āyāntaṁ śīghrayānena dṛṣṭvā devakinaṁdanam| bhrājamānaṁ suvapuṣā vanamālāvibhūṣitam||

देवकीनन्दन को शीघ्रगामी वाहन से आते हुए, अपने सुन्दर शरीर से चमकते हुए, वनमाला से विभूषित देखकर,

श्लोक 51 (skanda.7.459.51)

ज्वलत्किरीटमुकुटं स्फुरन्मकरकुण्डलम्। श्रीवत्सांकं महाबाहुं पीतकौशेयवाससम्॥

jvalatkirīṭamukuṭaṁ sphuranmakarakuṇḍalam| śrīvatsāṅkaṁ mahābāhuṁ pītakauśeyavāsasam||

प्रज्वलित मुकुट, चमकते मकराकार कुण्डल, श्रीवत्स-चिह्न, विशाल भुजाएँ, और पीत रेशमी वस्त्र धारण किए हुए,

श्लोक 52 (skanda.7.459.52)

आतपत्रैर्वृतं मूर्ध्नि संवृतं वृष्णिपुंगवैः। संस्तुतं बंदिमुख्यैश्च गीतवादित्रनिस्वनैः॥

ātapatrairvṛtaṁ mūrdhni saṁvṛtaṁ vṛṣṇipuṅgavaiḥ| saṁstutaṁ bandimukhyaiśca gītavāditraniśvanaiḥ||

छत्रों से आवृत मस्तक, वृष्णिवंश के श्रेष्ठ पुरुषों से घिरे हुए, स्तुतिपाठकों द्वारा स्तुत होते हुए, गीत-वाद्य की ध्वनियों के साथ,

श्लोक 53 (skanda.7.459.53)

पौरजानपदैर्लोकैर्वैष्णवैः सर्वतो वृतम्। पश्यन्तं हंसमिथुनैः सरः सारसशोभितम्॥

paurajānapadairlokairvaiṣṇavaiḥ sarvato vṛtam| paśyantaṁ haṁsamithunaiḥ saraḥ sārasaśobhitam||

नगर और देश के वैष्णव लोगों से चारों ओर घिरे हुए, हंस-युगलों से और सारसों से सुशोभित उस सरोवर को देखते हुए,

श्लोक 54 (skanda.7.459.54)

तं दृष्ट्वाऽच्युतमायांतं लोककांतं मनोहरम्। प्रियं प्रियाश्चिराद्दृष्ट्वा मुमुहुस्ता व्रजांगनाः॥

taṁ dṛṣṭvācyutamāyāntaṁ lokakāntaṁ manoharam| priyaṁ priyāścirāddṛṣṭvā mumuhustā vrajāṅganāḥ||

उस अच्युत को, जगत् के लिए प्रिय और मनोहर, आते हुए देखकर, अपने प्रियतम को दीर्घकाल बाद देखकर, वे व्रज-स्त्रियाँ मूर्च्छित हो गईं।

श्लोक 55 (skanda.7.459.55)

चिराय संज्ञां संप्राप्य विलेपुश्च सुदुःखिताः। हा नाथ कांत हा कृष्ण हा व्रजेश मनोहर॥

cirāya saṁjñāṁ samprāpya vilepuśca suduḥkhitāḥ| hā nātha kānta hā kṛṣṇa hā vrajeśa manohara||

बड़ी देर बाद होश में आकर, वे अत्यंत दुःखित होकर विलाप करने लगीं — 'हा नाथ! हा प्रियतम! हा कृष्ण! हा व्रजेश! हा मनोहर!'

श्लोक 56 (skanda.7.459.56)

संवर्धितोऽसि यैर्बाल्ये क्रीडितो वत्सपालकैः। तेऽपि त्वया परित्यक्ताः कथं दुष्टोऽसि निर्घृणः॥

saṁvardhito'si yairbālye krīḍito vatsapālakaiḥ| te'pi tvayā parityaktāḥ kathaṁ duṣṭo'si nirghṛṇaḥ||

'जिन बछड़े चराने वाले बालकों के साथ तुम बड़े हुए, खेले, उन्हें भी तुमने त्याग दिया — तुम इतने निर्दय और दुष्ट कैसे हो?'

श्लोक 57 (skanda.7.459.57)

न ते धर्मो न सौहार्द्दं न सत्यं सख्यमेव च। पितृमातृपरित्यागी कथं यास्यसि सद्गतिम्॥

na te dharmo na sauhārdaṁ na satyaṁ sakhyameva ca| pitṛmātṛparityāgī kathaṁ yāsyasi sadgatim||

'तुममें न धर्म है, न सौहार्द, न सत्य, न मित्रता। माता-पिता को त्यागने वाला तुम भला सद्गति को कैसे प्राप्त करोगे?'

श्लोक 58 (skanda.7.459.58)

स्वामिन्भक्तपरित्यागः सर्वशास्त्रेषु गर्हितः। त्यजताऽस्मान्वने वीर धर्मो नावेक्षितस्त्वया॥

svāminbhaktaparityāgaḥ sarvaśāstreṣu garhitaḥ| tyajatā'smānvane vīra dharmo nāvekṣitastvayā||

'हे स्वामी! भक्त का परित्याग सभी शास्त्रों में निन्दित है। हे वीर! जब तुमने हमें वन में त्याग दिया, तब तुमने धर्म पर दृष्टि ही नहीं डाली।'

श्लोक 59 (skanda.7.459.59)

॥ प्रह्लाद उवाच ॥ श्रुत्वा तासां विलपितं गोपीनां नंद नंदन। अनन्यशरणाः सर्वा भावज्ञो भगवान्विभुः। सांत्वयामास वचनैर्व्रजेशस्ता व्रजांगनाः॥

prahlāda uvāca| śrutvā tāsāṁ vilapitaṁ gopīnāṁ naṁda naṁdana| ananyaśaraṇāḥ sarvā bhāvajño bhagavānvibhuḥ| sāṁtvayāmāsa vacanairvrajeśastā vrajāṅganāḥ||

प्रह्लाद ने कहा — उन गोपियों का विलाप सुनकर, जो अनन्यशरण थीं, हृदय के भावों को जानने वाले भगवान् नन्दनन्दन, व्रज के स्वामी, ने उन व्रज-स्त्रियों को वचनों से सांत्वना दी।

श्लोक 60 (skanda.7.459.60)

अध्यात्मशिक्षया गोपीः प्रभुस्ता अन्वशिक्षयत्॥

adhyātmaśikṣayā gopīḥ prabhustā anvaśikṣayat||

प्रभु ने उन गोपियों को अध्यात्म-शिक्षा से समझाया।

श्लोक 61 (skanda.7.459.61)

॥ श्रीभगवानुवाच ॥ भवतीनां वियोगो मे न हि सर्वात्मना क्वचित्। वसामि हृदये शश्वद्भूतानामविशेषतः॥

śrībhagavānuvāca| bhavatīnāṁ viyogo me na hi sarvātmanā kvacit| vasāmi hṛdaye śaśvadbhūtānāmaviśeṣataḥ||

श्रीभगवान् ने कहा — 'मैं तुम सबसे कभी भी पूर्णतः वियुक्त नहीं हूँ; मैं सदा सभी प्राणियों के हृदय में समान रूप से निवास करता हूँ।'

श्लोक 62 (skanda.7.459.62)

अहं सर्वस्य प्रभवो मत्तो देवाः सवासवाः। आदित्या वसवो रुद्राः साध्या विश्वे मरुद्गणाः॥

ahaṁ sarvasya prabhavo matto devāḥ savāsavāḥ| ādityā vasavo rudrāḥ sādhyā viśve marudgaṇāḥ||

'मैं सबका उद्भव-स्थान हूँ; मुझसे ही इन्द्र सहित देवता, आदित्य, वसु, रुद्र, साध्य, विश्वेदेव और मरुद्गण उत्पन्न होते हैं।'

श्लोक 63 (skanda.7.459.63)

ब्रह्मा रुद्रश्च विष्णुश्च सनकाद्या महर्षयः। इंद्रियाणि मनो बुद्धिस्तथा सत्त्वं रजस्तमः॥

brahmā rudraśca viṣṇuśca sanakādyā maharṣayaḥ| indriyāṇi mano buddhistathā sattvaṁ rajastamaḥ||

'ब्रह्मा, रुद्र, विष्णु, सनक आदि महर्षि, इन्द्रियाँ, मन, बुद्धि, तथा सत्त्व, रज और तम —'

श्लोक 64 (skanda.7.459.64)

कामः क्रोधश्च लोभश्च मोहोऽहंकार एव च। एतत्सर्वमशेषेण मत्तो गोप्यः प्रवर्त्तते॥

kāmaḥ krodhaśca lobhaśca moho'haṅkāra eva ca| etatsarvamaśeṣeṇa matto gopyaḥ pravartate||

'कामना, क्रोध, लोभ, मोह और अहंकार — हे गोपियो! यह सब बिना किसी अपवाद के मुझसे ही उत्पन्न होता है।'

श्लोक 65 (skanda.7.459.65)

एतज्ज्ञात्वा महाभागा मा स्म कृध्वं मनः शुचि। सर्वभूतेषु मां नित्यं भावयध्वमकल्मषाः॥

etajjñātvā mahābhāgā mā sma kṛdhvaṁ manaḥ śuci| sarvabhūteṣu māṁ nityaṁ bhāvayadhvamakalmaṣāḥ||

'हे महाभागाओ! यह जानकर अपने शुद्ध मन को दुःखी मत करो। निष्पाप होकर सदा समस्त प्राणियों में मुझे ही अनुभव करो।'

श्लोक 66 (skanda.7.459.66)

॥ प्रह्लाद उवाच ॥ ताः कृष्णवचनं श्रुत्वा गोप्यो विध्वस्तबन्धनाः। विमुक्तसंशयक्लेशा दर्शनानन्दसंप्लुताः। ऊचुश्च गोपवध्वस्ताः कृष्णं निर्मलमानसाः॥

prahlāda uvāca| tāḥ kṛṣṇavacanaṁ śrutvā gopyo vidhvastabandhanāḥ| vimuktasaṁśayakleśā darśanānandasamplutāḥ| ūcuśca gopavadhvastāḥ kṛṣṇaṁ nirmalamānasāḥ||

प्रह्लाद ने कहा — कृष्ण का यह वचन सुनकर वे गोपियाँ बन्धनरहित हो गईं, संशय और क्लेश से मुक्त होकर दर्शन के आनन्द में डूब गईं, और वे निर्मल मन वाली गोपियाँ कृष्ण से बोलीं —

श्लोक 67 (skanda.7.459.67)

॥ गोप्य ऊचुः ॥ अद्य नः सफलं जन्म अद्य नः सफला दृशः। यत्त्वां पश्याम गोविन्द नागरीजनवल्लभम्॥

gopya ūcuḥ| adya naḥ saphalaṁ janma adya naḥ saphalā dṛśaḥ| yattvāṁ paśyāma govinda nāgarījanavallabham||

गोपियों ने कहा — 'आज हमारा जन्म सफल हुआ, आज हमारे नेत्र सफल हुए, क्योंकि हम तुम्हें, हे गोविन्द, नगरजनों के प्रिय, देख रही हैं।'

श्लोक 68 (skanda.7.459.68)

पुण्यहीना न पश्यंति कृष्णाख्यं पुरुषं परम्। वाक्यैर्हेत्वर्थसंयुक्तैर्यदि संबोधिता वयम्। तथापि माया हृदयान्नापैति मधुसूदन॥

puṇyahīnā na paśyanti kṛṣṇākhyaṁ puruṣaṁ param| vākyairhetvarthasaṁyuktairyadi saṁbodhitā vayam| tathāpi māyā hṛdayānnāpaiti madhusūdana||

'पुण्यहीन लोग कृष्ण नामक परम पुरुष को नहीं देख पाते। हे मधुसूदन! भले ही हमें तर्कसंगत वचनों से समझाया गया हो, फिर भी हमारे हृदय से यह मोह दूर नहीं होता।'

श्लोक 69 (skanda.7.459.69)

॥ श्रीकृष्ण उवाच ॥ दर्शनात्स्पर्शनाच्चास्य विमुक्ताऽशेषबन्धनाः। स्नात्वा च सकलान्कामानवाप्स्यथ व्रजांगनाः॥

śrīkṛṣṇa uvāca| darśanātsparśanāccāsya vimuktā'śeṣabandhanāḥ| snātvā ca sakalānkāmānavāpsyatha vrajāṅganāḥ||

श्रीकृष्ण ने कहा — 'हे व्रजांगनाओ! इस सरोवर के दर्शन और स्पर्श मात्र से तुम समस्त बन्धनों से मुक्त हो जाओगी, और यहाँ स्नान करके अपनी सभी कामनाओं को प्राप्त करोगी।'

श्लोक 70 (skanda.7.459.70)

॥ गोप्य ऊचुः ॥ अद्भुतो हि प्रभावस्ते सरसोऽस्य उदाहृतः। विधिं ब्रूहि जगन्नाथ विस्तराद्वृष्णिनन्दन॥

gopya ūcuḥ| adbhuto hi prabhāvaste saraso'sya udāhṛtaḥ| vidhiṁ brūhi jagannātha vistarādvṛṣṇinandana||

गोपियों ने कहा — 'इस सरोवर का जो प्रभाव आपने बताया, वह अद्भुत है। हे जगन्नाथ! हे वृष्णिनन्दन! इसकी विधि विस्तार से बताइए।'

श्लोक 71 (skanda.7.459.71)

॥ श्रीकृष्ण उवाच ॥ भवतीनां मया सार्द्धं सञ्जातमत्र दर्शनम्। तस्मान्मया सदा ह्यत्र स्नातव्यं नियमेन हि॥

śrīkṛṣṇa uvāca| bhavatīnāṁ mayā sārddhaṁ sañjātamatra darśanam| tasmānmayā sadā hyatra snātavyaṁ niyamena hi||

श्रीकृष्ण ने कहा — 'चूँकि यहाँ तुम्हारा मेरे साथ मिलन हुआ है, इसलिए मुझे भी सदा यहाँ नियमपूर्वक स्नान करना चाहिए।'

श्लोक 72 (skanda.7.459.72)

यः स्नात्वा परया भक्त्या पितॄन्सन्तर्पयिष्यति। श्रावणस्य सिते पक्षे द्वादश्यां नियतः शुचिः॥

yaḥ snātvā parayā bhaktyā pitṝnsantarpayiṣyati| śrāvaṇasya site pakṣe dvādaśyāṁ niyataḥ śuciḥ||

'जो कोई भक्तिपूर्वक स्नान करके, श्रावण के शुक्ल पक्ष की द्वादशी को, नियमपूर्वक शुद्ध होकर पितरों को तर्पण देगा,'

श्लोक 73 (skanda.7.459.73)

दत्त्वा दानं स्वशक्त्या च मामुद्दिश्य तथा पितॄन्। लभते वैष्णवं लोकं पितृभिः परिवारितः॥

dattvā dānaṁ svaśaktyā ca māmuddiśya tathā pitṝn| labhate vaiṣṇavaṁ lokaṁ pitṛbhiḥ parivāritaḥ||

'और अपनी शक्ति के अनुसार, मुझे और पितरों को उद्दिष्ट करके दान देगा, वह पितरों से घिरा हुआ वैष्णव लोक को प्राप्त करेगा।'

श्लोक 74 (skanda.7.459.74)

मय तीर्थं समासाद्य कृत्वा च करयोः कुशान्। फलमेकं गृहीत्वा तु मन्त्रेणार्घ्यं प्रदापयेत्॥

maya tīrthaṁ samāsādya kṛtvā ca karayoḥ kuśān| phalamekaṁ gṛhītvā tu mantreṇārghyaṁ pradāpayet||

'माया द्वारा निर्मित इस तीर्थ में पहुँचकर, हाथों में कुश लेकर, एक फल ग्रहण करके, मंत्र द्वारा अर्घ्य अर्पित करे —'

श्लोक 75 (skanda.7.459.75)

गृहान्धकूपे पतितं माया पाशशतैर्वृतम्। मामुद्धर महीनाथ गृहाणार्घ्यं नमोऽस्तु ते॥

gṛhāndhakūpe patitaṁ māyā pāśaśatairvṛtam| māmuddhara mahīnātha gṛhāṇārghyaṁ namo'stu te||

'हे पृथ्वीनाथ! मुझ माया के सैकड़ों पाशों से बंधे हुए, घर रूपी अन्धकूप में गिरे हुए को उद्धार करो। यह अर्घ्य ग्रहण करो, तुम्हें नमस्कार है।'

श्लोक 76 (skanda.7.459.76)

॥ अर्घ्यमन्त्रः ॥ स्नात्वा यः परया भक्त्या पितॄन्संतर्प्य भावतः। कुर्याच्छ्राद्धं च परया पितृभक्त्या समन्वितः॥

arghyamantraḥ| snātvā yaḥ parayā bhaktyā pitṝnsaṁtarpya bhāvataḥ| kuryācchrāddhaṁ ca parayā pitṛbhaktyā samanvitaḥ||

[अर्घ्य-मंत्र] — जो कोई अत्यंत भक्तिपूर्वक स्नान करके, भावपूर्वक पितरों को तर्पण देकर, अत्यंत पितृभक्ति से युक्त होकर श्राद्ध करेगा,

श्लोक 77 (skanda.7.459.77)

दक्षिणां च ततो दद्याद्रजतं रुक्ममेव च। विशेषतः प्रदातव्यं पायसं च सशर्करम्॥

dakṣiṇāṁ ca tato dadyādrajataṁ rukmameva ca| viśeṣataḥ pradātavyaṁ pāyasaṁ ca saśarkaram||

फिर दक्षिणा के रूप में चाँदी और सोना दे। विशेष रूप से शक्कर मिश्रित खीर भी देनी चाहिए।

श्लोक 78 (skanda.7.459.78)

नवनीतं घृतं छत्रं कंबलाजिनमेव च। भवतीभिः समं यस्मात्संजातं मम दर्शनम्। आगंतव्यं मया तस्मात्सदा ह्यस्मिञ्जलाशये॥

navanītaṁ ghṛtaṁ chatraṁ kambalājinameva ca| bhavatībhiḥ samaṁ yasmātsaṁjātaṁ mama darśanam| āgaṁtavyaṁ mayā tasmātsadā hyasmiñjalāśaye||

मक्खन, घी, छत्र, कम्बल और मृगचर्म भी दे। चूँकि तुम्हारे साथ यहाँ मेरा मिलन हुआ है, इसलिए मैं भी सदा इस जलाशय में आता रहूँगा।

श्लोक 79 (skanda.7.459.79)

योऽत्र स्नानं प्रकुरुते मयस्य सरसि प्रियाः। गंगास्नानफलं तस्य विष्णुलोकस्तथाऽक्षयः॥

yo'tra snānaṁ prakurute mayasya sarasi priyāḥ| gaṅgāsnānaphalaṁ tasya viṣṇulokastathā'kṣayaḥ||

'हे प्रिये गोपियो! जो कोई इस मय-सरोवर में स्नान करता है, उसे गंगा-स्नान का फल और विष्णुलोक की अक्षय प्राप्ति होती है।'

श्लोक 80 (skanda.7.459.80)

मुक्तिं प्रयांति तस्यैव पितरस्त्रिकुलोद्भवाः। पुत्रपौत्रसमायुक्तो धनधान्यसमन्वितः। यावज्जीवं सुखं भुक्त्वा चान्ते हरिपुरं व्रजेत्॥

muktiṁ prayānti tasyaiva pitarastrikulodbhavāḥ| putrapautrasamāyukto dhanadhānyasamanvitaḥ| yāvajjīvaṁ sukhaṁ bhuktvā cānte haripuraṁ vrajet||

उसके त्रिकुल में उत्पन्न पितर मुक्ति को प्राप्त होते हैं; वह स्वयं पुत्र-पौत्रों से युक्त, धन-धान्य से सम्पन्न होकर, जीवनभर सुख भोगकर अन्त में हरि के धाम को प्राप्त होता है।