विमलेश्वरमाहात्म्यवर्णनम्

श्लोक 1 (skanda.7.55.1)

ईश्वर उवाच। ततो गच्छेन्महादेवि तत्पूर्वे विमलेश्वरम्। गौर्याः पूर्वं समीपस्थं नातिदूरे व्यवस्थितम्

īśvara uvāca| tato gacchenmahādevi tatpūrve vimaleśvaram| gauryāḥ pūrvaṁ samīpasthaṁ nātidūre vyavasthitam

ईश्वर ने कहा—तदनन्तर हे महादेवि, वहाँ से पूर्व दिशा में, गौरी के स्थान के पूर्व में निकट, न अधिक दूर स्थित विमलेश्वर को जाना चाहिए।

श्लोक 2 (skanda.7.55.2)

गुरोर्नैर्ऋत्यदिग्भागे स्थितं पापप्रणाशनम्। अपि कृत्वा महापापं नारी वा पुरुषोऽपि वा

gurornairṛtyadigbhāge sthitaṁ pāpapraṇāśanam| api kṛtvā mahāpāpaṁ nārī vā puruṣo'pi vā

यह गुरु से नैर्ऋत्य (दक्षिण-पश्चिम) दिशा में स्थित है और पाप का नाश करने वाला है; चाहे स्त्री हो या पुरुष, महापाप करके भी,

श्लोक 3 (skanda.7.55.3)

क्षयाभिभूतदेहो वा तं समभ्यर्च्य भक्तितः। सर्वदुःखान्तगो भूत्वा निर्मलं पदमाप्नुयात्

kṣayābhibhūtadeho vā taṁ samabhyarcya bhaktitaḥ| sarvaduḥkhāntago bhūtvā nirmalaṁ padamāpnuyāt

अथवा क्षयरोग से पीड़ित शरीर वाला व्यक्ति भी, उसकी भक्तिपूर्वक पूजा करके समस्त दुःखों के अन्त को प्राप्त होकर निर्मल पद को प्राप्त करता है।

श्लोक 4 (skanda.7.55.4)

गंधर्वसेना यत्रैव विमलाऽभूत्क्षयान्विता। विमलेश्वरनाम्ना वै तल्लिंगं प्रथितं क्षितौ

gaṁdharvasenā yatraiva vimalā'bhūtkṣayānvitā| vimaleśvaranāmnā vai talliṅgaṁ prathitaṁ kṣitau

जहाँ क्षयरोग से ग्रस्त गन्धर्वसेना निर्मल (विमल) हो गई थी, वहीं वह लिंग पृथ्वी पर विमलेश्वर नाम से प्रसिद्ध हुआ।

श्लोक 5 (skanda.7.55.5)

इति ते कथितं सर्वं विमलेश्वरसूचकम्। माहात्म्यं सर्वपापघ्नं तुरीयं भवसुन्दरि

iti te kathitaṁ sarvaṁ vimaleśvarasūcakam| māhātmyaṁ sarvapāpaghnaṁ turīyaṁ bhavasundari

हे भवसुन्दरि, इस प्रकार विमलेश्वर को सूचित करने वाला यह सम्पूर्ण, समस्त पापों का नाशक चतुर्थ माहात्म्य तुम्हें कहा गया।