धनदेश्वरमाहात्म्यवर्णनम्

श्लोक 1 (skanda.7.56.1)

ईश्वर उवाच। अथ ते पञ्चमं वच्मि सिद्धलिंगं महाप्रभम्। ब्रह्मणो नैर्ऋते भागे धनुषां षोडशे स्थितम्

īśvara uvāca| atha te paṁcamaṁ vacmi siddhaliṁgaṁ mahāprabham| brahmaṇo nairṛte bhāge dhanuṣāṁ ṣoḍaśe sthitam

ईश्वर ने कहा—अब मैं तुम्हें पाँचवाँ महाप्रभावशाली सिद्धलिंग बताता हूँ, जो ब्रह्मा से नैर्ऋत्य दिशा में सोलह धनुष की दूरी पर स्थित है।

श्लोक 2 (skanda.7.56.2)

राहुलिंगस्य चाभ्याशे लिंगं धनदनिर्मितम्। धनदत्वं च संप्राप्तो यत्र तप्त्वा महत्तपः

rāhuliṁgasya cābhyāśe liṁgaṁ dhanadanirmitam| dhanadatvaṁ ca saṁprāpto yatra taptvā mahattapaḥ

राहु के लिंग के समीप धनद (कुबेर) द्वारा निर्मित लिंग है; वहाँ महान् तप करके उन्होंने धनद-पद प्राप्त किया।

श्लोक 3 (skanda.7.56.3)

संस्थाप्य विधिवत्पूज्य लिंगं वर्षसहस्रकम्। अलकाधिपतिर्जातस्तत्र शंभोः प्रसादतः

saṁsthāpya vidhivatpūjya liṁgaṁ varṣasahasrakam| alakādhipatirjātastatra śaṁbhoḥ prasādataḥ

लिंग को स्थापित करके, हजार वर्षों तक विधिपूर्वक पूजन करने पर, शम्भु की कृपा से वे वहाँ अलकापुरी के अधिपति हो गए।

श्लोक 4 (skanda.7.56.4)

जातिं स्मृत्वा पूर्विकां तु ज्ञात्वा दीपदशाफलम्। शिवरात्रे प्रभावं तु प्रभासं पुनरागतः

jātiṁ smṛtvā pūrvikāṁ tu jñātvā dīpadaśāphalam| śivarātre prabhāvaṁ tu prabhāsaṁ punarāgataḥ

अपने पूर्व जन्म को स्मरण करके, दीपदान के फल को और शिवरात्रि के प्रभाव को जानकर, वे पुनः प्रभास लौट आए।

श्लोक 5 (skanda.7.56.5)

प्रभावातिशयं ज्ञात्वा स्थापयामास शंकरम्। तत्र प्रत्यक्षतां नीतस्तपसा येन शंकरः

prabhāvātiśayaṁ jñātvā sthāpayāmāsa śaṁkaram| tatra pratyakṣatāṁ nītastapasā yena śaṁkaraḥ

उस स्थान की महिमा की श्रेष्ठता जानकर उन्होंने शंकर को स्थापित किया; जहाँ उनके तप से शंकर साक्षात् प्रकट हुए।

श्लोक 6 (skanda.7.56.6)

महाभक्त्या महादेवि तस्मिँल्लिंगेऽवतारितः। तं दृष्ट्वा मानवो भक्त्या पूजयित्वा यथाविधि

mahābhaktyā mahādevi tasmiṁlliṁge'vatāritaḥ| taṁ dṛṣṭvā mānavo bhaktyā pūjayitvā yathāvidhi

हे महादेवि, महान् भक्ति के द्वारा शंकर को उस लिंग में अवतरित किया गया। जो मनुष्य उसका दर्शन करके भक्तिपूर्वक विधिवत् पूजन करता है,

श्लोक 7 (skanda.7.56.7)

पञ्चोपचारैः सद्भक्त्या गन्धधूपानुलेपनैः। तस्यान्वये दरिद्रश्च कदापि न भविष्यति

paṁcopacāraiḥ sadbhaktyā gaṁdhadhūpānulepanaiḥ| tasyānvaye daridraśca kadāpi na bhaviṣyati

पंचोपचार से सच्ची भक्ति सहित गंध, धूप और अनुलेपन से पूजा करता है, उसके वंश में कभी दरिद्रता उत्पन्न नहीं होगी।

श्लोक 8 (skanda.7.56.8)

ये चैतत्पूजयिष्यंति लिंगं भक्तियुता नराः। अजेयास्ते भविष्यंति शत्रूणां दर्पनाशनाः

ye caitatpūjayiṣyaṁti liṁgaṁ bhaktiyutā narāḥ| ajeyāste bhaviṣyaṁti śatrūṇāṁ darpanāśanāḥ

और जो भक्तियुक्त मनुष्य इस लिंग की पूजा करेंगे, वे अजेय होंगे और शत्रुओं के दर्प का नाश करने वाले होंगे।

श्लोक 9 (skanda.7.56.9)

इति ते कथितं सर्वं धनदेशमहोदयम्। श्रुत्वानुमोद्य यत्नेन दरिद्रो नैव जायते

iti te kathitaṁ sarvaṁ dhanadeśamahodayam| śrutvānumodya yatnena daridro naiva jāyate

इस प्रकार तुम्हें धनद के इस सम्पूर्ण महान् माहात्म्य को बताया गया। इसे सुनकर और यत्नपूर्वक अनुमोदन करके मनुष्य कभी दरिद्र नहीं होता।