वरारोहामाहात्म्यवर्णनम्

श्लोक 1 (skanda.7.57.1)

ईश्वर उवाच। पंचैवं सिद्धलिंगानि कथितानि तव प्रिये। यश्चैनं वेद संकेतं क्षेत्रवासी स उच्यते

īśvara uvāca| paṁcaivaṁ siddhaliṁgāni kathitāni tava priye| yaścainaṁ veda saṁketaṁ kṣetravāsī sa ucyate

ईश्वर ने कहा—हे प्रिये, इस प्रकार पाँच सिद्धलिंग तुम्हें बताए गए; जो इस संकेत को जानता है, वही क्षेत्रवासी कहलाता है।

श्लोक 2 (skanda.7.57.2)

अथ शक्तित्रयाणां ते रौद्रीणां वच्मि विस्तरम्। इच्छाक्रियाज्ञानशक्त्यस्तिस्रस्ताः परिकीर्त्तिताः

atha śaktitrayāṇāṁ te raudrīṇāṁ vacmi vistaram| icchākriyājñānaśaktyastisrastāḥ parikīrttitāḥ

अब मैं तुम्हें रुद्र की तीन शक्तियों का विस्तार से वर्णन करता हूँ; इच्छाशक्ति, क्रियाशक्ति और ज्ञानशक्ति—ये तीन कही गई हैं।

श्लोक 3 (skanda.7.57.3)

पुनस्तासां पूजनायानुक्रमं क्रमतः शृणु। चतुर्दश तथा पंच पूर्वमुक्तानि यानि तु

punastāsāṁ pūjanāyānukramaṁ kramataḥ śṛṇu| caturdaśa tathā paṁca pūrvamuktāni yāni tu

पुनः उनकी पूजा के क्रम को क्रमशः सुनो। पूर्व में जो चौदह और पाँच लिंग कहे गए थे,

श्लोक 4 (skanda.7.57.4)

चत्वारि त्रीणि चैकं वा यथाशक्त्याभिपूज्य च। लिंगानि तानि संपूज्य शक्तीस्तिस्रस्ततोऽर्चयेत्

catvāri trīṇi caikaṁ vā yathāśaktyābhipūjya ca| liṁgāni tāni saṁpūjya śaktīstisrastato'rcayet

चार, तीन अथवा एक को भी यथाशक्ति पूजकर, उन लिंगों की पूजा करके तत्पश्चात् तीनों शक्तियों की पूजा करनी चाहिए।

श्लोक 5 (skanda.7.57.5)

सोमेशादीशदिग्भागे वरारोहेति या स्मृता। अमा कला सा सोमस्य उमा पश्चात्प्रकीर्त्तिता

someśādīśadigbhāge varāroheti yā smṛtā| amā kalā sā somasya umā paścātprakīrttitā

सोमेश से ईशान दिशा में जो वरारोहा नाम से स्मृत है, वह सोम की अमा नामक कला है, जो बाद में उमा नाम से प्रकीर्तित हुई।

श्लोक 6 (skanda.7.57.6)

इच्छाशक्तिस्तु सा ज्ञेया प्रभासक्षेत्रसंस्थिता। तत्र देवि हितार्थाय सर्वेषां प्राणिनां भुवि

icchāśaktistu sā jñeyā prabhāsakṣetrasaṁsthitā| tatra devi hitārthāya sarveṣāṁ prāṇināṁ bhuvi

वह इच्छाशक्ति के रूप में जाननी चाहिए, जो प्रभासक्षेत्र में स्थित है; वहाँ हे देवि, पृथ्वी के समस्त प्राणियों के हित के लिए,

श्लोक 7 (skanda.7.57.7)

तस्या माहात्म्यमखिलं कथयामि तवाधुना। पुरा सोमेन त्यक्ताभिर्भार्याभिस्तु वरानने

tasyā māhātmyamakhilaṁ kathayāmi tavādhunā| purā somena tyaktābhirbhāryābhistu varānane

अब मैं तुम्हें उसका सम्पूर्ण माहात्म्य कहता हूँ। हे वरानने, प्राचीन काल में सोम द्वारा त्यागी गई पत्नियों ने,

श्लोक 8 (skanda.7.57.8)

षड्विंशद्भिस्तपस्तप्तं क्षेत्रे प्राभासिके शुभे। गौरी सा ऽऽराध्यमानाथ दिव्यवर्षगणान्बहून्

ṣaḍviṁśadbhistapastaptaṁ kṣetre prābhāsike śubhe| gaurī sārādhyamānātha divyavarṣagaṇānbahūn

जो छब्बीस थीं, उन्होंने शुभ प्राभासिक क्षेत्र में तप किया। तब गौरी, उनके द्वारा अनेक दिव्य वर्षों तक आराधित होकर,

श्लोक 9 (skanda.7.57.9)

तासां प्रत्यक्षतां प्राप्ता पार्वती परमेश्वरी। उवाच वरदा ब्रूत यद्वो मनसि संस्थितम्

tāsāṁ pratyakṣatāṁ prāptā pārvatī parameśvarī| uvāca varadā brūta yadvo manasi saṁsthitam

परमेश्वरी पार्वती उनके सम्मुख प्रकट हुईं और वरदान देते हुए बोलीं—जो तुम्हारे मन में हो, वह कहो।

श्लोक 10 (skanda.7.57.10)

अथ ताश्चाब्रुवन्देवि यदि तुष्टासि पार्वति। सौभाग्यं देहि नो भूरि लावण्यं परमं तथा

atha tāścābruvandevi yadi tuṣṭāsi pārvati| saubhāgyaṁ dehi no bhūri lāvaṇyaṁ paramaṁ tathā

तब उन्होंने कहा—हे देवि, यदि तुम प्रसन्न हो, हे पार्वति, तो हमें प्रचुर सौभाग्य और परम लावण्य प्रदान करो।

श्लोक 11 (skanda.7.57.11)

त्यक्ताः सर्वा वयं देवि निर्दोषाः स्वामिना शुभे। दौर्भाग्यदोषसंदग्धा दौर्भाग्येण तु पीडिताः

tyaktāḥ sarvā vayaṁ devi nirdoṣāḥ svāminā śubhe| daurbhāgyadoṣasaṁdagdhā daurbhāgyena tu pīḍitāḥ

हे शुभे, हम सब निर्दोष होते हुए भी स्वामी द्वारा त्याग दी गई हैं, दौर्भाग्य के दोष से दग्ध और दुर्भाग्य से पीड़ित हैं।

श्लोक 12 (skanda.7.57.12)

गौर्युवाच। अद्यप्रभृति सर्वा वः समं द्रक्ष्यति रात्रिपः। प्रसादान्मम चार्वंग्यो नैतन्मिथ्या भविष्यति

gauryuvāca| adyaprabhṛti sarvā vaḥ samaṁ drakṣyati rātripaḥ| prasādānmama cārvaṁgyo naitanmithyā bhaviṣyati

गौरी ने कहा—आज से रात्रि का स्वामी (चन्द्रमा) मेरी कृपा से तुम सबको समान दृष्टि से देखेगा, हे सुन्दरांगियो; यह असत्य नहीं होगा।

श्लोक 13 (skanda.7.57.13)

वरदा चेति मन्नाम वरदानाद्भविष्यति। इहागत्य तु या नारी पूजयिष्यति मां शुभाम्

varadā ceti mannāma varadānādbhaviṣyati| ihāgatya tu yā nārī pūjayiṣyati māṁ śubhām

वरदान देने के कारण 'वरदा' यह मेरा नाम होगा। इस स्थान पर आकर जो स्त्री मुझ शुभा की पूजा करेगी,

श्लोक 14 (skanda.7.57.14)

न दौर्भाग्यं कुले तस्याः क्वचित्प्राप्स्यंति योषितः। माघमासे तृतीयायामुपवासपरायणा

na daurbhāgyaṁ kule tasyāḥ kvacitprāpsyaṁti yoṣitaḥ| māghamāse tṛtīyāyāmupavāsaparāyaṇā

उसके कुल की स्त्रियों को कभी दुर्भाग्य प्राप्त नहीं होगा। माघ मास की तृतीया को उपवासपरायण होकर,

श्लोक 15 (skanda.7.57.15)

या मां द्रक्ष्यति सुश्रोणी मत्तुल्या सा भविष्यति। दम्पती षोडशैवात्र परिधाप्य प्रयत्नतः

yā māṁ drakṣyati suśroṇī mattulyā sā bhaviṣyati| dampatī ṣoḍaśaivātra paridhāpya prayatnataḥ

जो सुन्दर स्त्री मेरा दर्शन करेगी, वह मेरे समान हो जाएगी। यहाँ यत्नपूर्वक सोलह दम्पतियों को वस्त्र पहनाकर,

श्लोक 16 (skanda.7.57.16)

फलानि भक्ष्यभोज्यं च पक्वान्नानि च षोडश। या प्रदास्यति वै नारी सा तूमैव भविष्यति

phalāni bhakṣyabhojyaṁ ca pakvānnāni ca ṣoḍaśa| yā pradāsyati vai nārī sā tūmaiva bhaviṣyati

फल, भक्ष्य-भोज्य और सोलह पक्वान्न जो स्त्री भेंट करेगी, वह स्वयं उमा ही हो जाएगी।

श्लोक 17 (skanda.7.57.17)

एतद्गौरीव्रतंनाम तृतीयायां तु कारयेत्। अप्रसूता च या नारी या नारी दुर्भगा भवेत्

etadgaurīvrataṁnāma tṛtīyāyāṁ tu kārayet| aprasūtā ca yā nārī yā nārī durbhagā bhavet

यह गौरीव्रत नामक व्रत तृतीया को करना चाहिए। जो स्त्री सन्तानहीन हो अथवा जो स्त्री दुर्भाग्यशालिनी हो,

श्लोक 18 (skanda.7.57.18)

पुमानसकृदप्यैवं कृत्वा प्राप्स्यत्यभीप्सितम्। एवमुक्त्वा स्थिता तत्र सा देवी चारुलोचना

pumānasakṛdapyaivaṁ kṛtvā prāpsyatyabhīpsitam| evamuktvā sthitā tatra sā devī cārulocanā

अथवा पुरुष भी, एक बार भी ऐसा करके अपनी अभीष्ट वस्तु प्राप्त कर लेता है। ऐसा कहकर वह सुनयना देवी वहीं ठहर गईं।

श्लोक 19 (skanda.7.57.19)

पश्यते रात्रिनाथश्च सर्वास्ता रोहिणीं यथा। अन्यापि दुःखसंदग्धा दौर्भाग्येण तु पीडिता

paśyate rātrināthaśca sarvāstā rohiṇīṁ yathā| anyāpi duḥkhasaṁdagdhā daurbhāgyena tu pīḍitā

और रात्रि का स्वामी (चन्द्रमा) उन सबको वैसे ही देखता है जैसे रोहिणी को। एक अन्य स्त्री भी, जो दुःख से दग्ध और दुर्भाग्य से पीड़ित थी,

श्लोक 20 (skanda.7.57.20)

अपूजयदुमां देवीं सुभगा साऽभवत्ततः। इति संक्षेपतः प्रोक्तं माहात्म्यं शक्तिसंभवम्

apūjayadumāṁ devīṁ subhagā sā'bhavattataḥ| iti saṁkṣepataḥ proktaṁ māhātmyaṁ śaktisaṁbhavam

उसने उमा देवी की पूजा की और तब वह सुभगा (सौभाग्यशालिनी) हो गई। इस प्रकार संक्षेप में शक्ति से उत्पन्न यह माहात्म्य कहा गया।

श्लोक 21 (skanda.7.57.21)

सोमेश्वरे वरारोहा नामेति कथितं तव। सर्वपापक्षयकरं सर्वदारिद्र्यनाशनम्

someśvare varārohā nāmeti kathitaṁ tava| sarvapāpakṣayakaraṁ sarvadāridryanāśanam

सोमेश्वर में उसका नाम वरारोहा है, ऐसा तुम्हें बताया गया; यह समस्त पापों का क्षय करने वाला और समस्त दारिद्र्य का नाशक है।