अजापालेश्वरीमाहात्म्यवर्णनम्

श्लोक 1 (skanda.7.58.1)

ईश्वर उवाच। अथ द्वितीयां ते वच्मि शक्तिं देवि क्रियात्मिकाम्। प्रभासस्थां महादेवीं देवानां प्रीतिदायिनीम्

īśvara uvāca| atha dvitīyāṁ te vacmi śaktiṁ devi kriyātmikām| prabhāsasthāṁ mahādevīṁ devānāṁ prītidāyinīm

ईश्वर ने कहा—अब मैं तुम्हें दूसरी शक्ति, हे देवि, क्रियात्मिका शक्ति के विषय में बताता हूँ—प्रभास में स्थित वह महादेवी जो देवताओं को प्रीति प्रदान करने वाली है।

श्लोक 2 (skanda.7.58.2)

सोमेशाद्वायवे भागे षष्टिधन्वंतरे स्थिता। तत्र पीठं महादेवि योगिनीगणवन्दितम्

someśādvāyave bhāge ṣaṣṭidhanvaṁtare sthitā| tatra pīṭhaṁ mahādevi yoginīgaṇavaṁditam

वह सोमेश से वायव्य दिशा में साठ धनुष की दूरी पर स्थित है। वहाँ हे महादेवि, योगिनीगणों द्वारा वंदित एक पीठ है।

श्लोक 3 (skanda.7.58.3)

तस्मिन्स्थाने स्थितं देवि पातालविवरं महत्। तस्मिन्महाप्रभे स्थाने रक्षारूपेण संस्थिताम्

tasminsthāne sthitaṁ devi pātālavivaraṁ mahat| tasminmahāprabhe sthāne rakṣārūpeṇa saṁsthitām

उस स्थान में, हे देवि, पाताल का एक विशाल विवर स्थित है; उस महाप्रभावशाली स्थान में वह रक्षा के रूप में स्थित है,

श्लोक 4 (skanda.7.58.4)

पातालनिधि निक्षेपदिव्यौषधिरसायनम्। क्षेत्रमध्ये स्थितं सर्वं तदर्चनरतो लभेत्

pātālanidhi nikṣepadivyauṣadhirasāyanam| kṣetramadhye sthitaṁ sarvaṁ tadarcanarato labhet

पाताल के निधि, निक्षेप, दिव्य औषधियों और रसायनों की रक्षा करती हुई। क्षेत्र के मध्य में स्थित यह सब, उसकी पूजा में तत्पर व्यक्ति प्राप्त कर लेता है।

श्लोक 5 (skanda.7.58.5)

भैरवीति च तद्देव्याः पूर्वं नाम प्रकीर्त्तितम्। अस्मिन्पुनश्चांतरे तु अष्टाविंशे चतुर्युगे। त्रेतायुगमुखे राजा अजापालो बभूव ह

bhairavīti ca taddevyāḥ pūrvaṁ nāma prakīrttitam| asminpunaścāṁtare tu aṣṭāviṁśe caturyuge| tretāyugamukhe rājā ajāpālo babhūva ha

पहले उस देवी का नाम भैरवी कहा गया था। इसी अंतराल में पुनः, अट्ठाईसवें चतुर्युग में, त्रेतायुग के आरंभ में, अजापाल नामक एक राजा हुए।

श्लोक 6 (skanda.7.58.6)

तेन चागत्य क्षेत्रेऽस्मिन्पंचवर्षशतानि च। भैरवी पूजिता देवी व्याधिग्रस्तेन भामिनि

tena cāgatya kṣetre'sminpaṁcavarṣaśatāni ca| bhairavī pūjitā devī vyādhigrastena bhāmini

हे भामिनि, उसने इस क्षेत्र में आकर, रोग से ग्रस्त होते हुए भी, पाँच सौ वर्षों तक देवी भैरवी की पूजा की।

श्लोक 7 (skanda.7.58.7)

ततः प्रोवाच तं देवी संतुष्टा राजसत्तमम्। अलं क्लेशेन राजर्षे तुष्टाहं तव भक्तितः

tataḥ provāca taṁ devī saṁtuṣṭā rājasattamam| alaṁ kleśena rājarṣe tuṣṭāhaṁ tava bhaktitaḥ

तब संतुष्ट हुई देवी ने उस श्रेष्ठ राजा से कहा—हे राजर्षे, क्लेश पर्याप्त है, मैं तुम्हारी भक्ति से प्रसन्न हूँ।

श्लोक 8 (skanda.7.58.8)

इत्युक्तः स तदा राजा कृताञ्जलिपुटः सुधीः। प्रणम्योवाच तां देवीमानंदास्राविलेक्षणः

ityuktaḥ sa tadā rājā kṛtāñjaliputaḥ sudhīḥ| praṇamyovāca tāṁ devīmānaṁdāsrāvilekṣaṇaḥ

ऐसा कहे जाने पर वह बुद्धिमान राजा हाथ जोड़कर, आनंद के आँसुओं से भरे नेत्रों के साथ, देवी को प्रणाम करके बोला।

श्लोक 9 (skanda.7.58.9)

यदि तुष्टासि मे देवि वरार्हो यदि वाप्यहम्। सर्वे रोगाः शरीरान्मे नाशं यांतु बहिः कृताः

yadi tuṣṭāsi me devi varārho yadi vāpyaham| sarve rogāḥ śarīrānme nāśaṁ yāṁtu bahiḥ kṛtāḥ

हे देवि, यदि तुम मुझसे प्रसन्न हो और यदि मैं वरदान के योग्य हूँ, तो मेरे शरीर के सभी रोग बाहर निकलकर नष्ट हो जाएँ।

श्लोक 10 (skanda.7.58.10)

एवमुक्ता तु सा देवी पुनः प्रोवाच तं नृपम्। सर्वमेव महाराज यथोक्तं ते भविष्यति

evamuktā tu sā devī punaḥ provāca taṁ nṛpam| sarvameva mahārāja yathoktaṁ te bhaviṣyati

ऐसा कहे जाने पर उस देवी ने पुनः उस राजा से कहा—हे महाराज, जैसा तुमने कहा है, वैसा ही सब कुछ होगा।

श्लोक 11 (skanda.7.58.11)

इत्युक्ते तु तदा देव्या तस्य राज्ञः कलेवरात्। निर्गता व्याधयस्तत्र अजारूपेण वै पृथक्

ityukte tu tadā devyā tasya rājñaḥ kalevarāt| nirgatā vyādhayastatra ajārūpeṇa vai pṛthak

देवी के ऐसा कहते ही उस राजा के शरीर से वे रोग बकरियों के रूप में अलग-अलग निकल गए।

श्लोक 12 (skanda.7.58.12)

सहस्राणां तु पञ्चैव नियतं सार्द्धमेव च। इति वृत्ते महादेव्या पुनः प्रोक्तो नराधिपः

sahasrāṇāṁ tu paṁcaiva niyataṁ sārddhameva ca| iti vṛtte mahādevyā punaḥ prokto narādhipaḥ

वे ठीक साढ़े पाँच हजार की संख्या में थे। ऐसा होने पर महादेवी ने राजा से पुनः कहा।

श्लोक 13 (skanda.7.58.13)

राजन्नेतानजारूपान्व्याधीन्पालय कृत्स्नशः। किंकुर्वाणा भविष्यंति तवैवादेशकारिणः

rājannetānajārūpānvyādhīnpālaya kṛtsnaśaḥ| kiṁkurvāṇā bhaviṣyaṁti tavaivādeśakāriṇaḥ

हे राजन्, बकरियों के रूप में इन सभी रोगों का पूरी तरह पालन करो; वे क्या करेंगे? वे सदैव तुम्हारी ही आज्ञा का पालन करेंगे।

श्लोक 14 (skanda.7.58.14)

अजापालेति ते नाम ख्यातं लोके भविष्यति। तव नाम्ना मम नाम अजापालेश्वरीति च। भविष्यति धरापृष्ठे तच्च यावच्चतुर्युगम्

ajāpāleti te nāma khyātaṁ loke bhaviṣyati| tava nāmnā mama nāma ajāpāleśvarīti ca| bhaviṣyati dharāpṛṣṭhe tacca yāvaccaturyugam

लोक में तुम्हारा नाम अजापाल के रूप में विख्यात होगा। तुम्हारे नाम से मेरा नाम अजापालेश्वरी होगा, और यह चतुर्युग-पर्यन्त पृथ्वी पर रहेगा।

श्लोक 15 (skanda.7.58.15)

अष्टम्यां च चतुर्द्दश्यां योऽत्र मां पूजयिष्यति। तस्याष्टगुणमैश्वर्यं दास्ये तुष्टा न संशयः

aṣṭamyāṁ ca caturddaśyāṁ yo'tra māṁ pūjayiṣyati| tasyāṣṭaguṇamaiśvaryaṁ dāsye tuṣṭā na saṁśayaḥ

जो यहाँ अष्टमी और चतुर्दशी को मेरी पूजा करेगा, उसे मैं प्रसन्न होकर निःसंदेह आठ गुना ऐश्वर्य दूँगी।

श्लोक 16 (skanda.7.58.16)

अश्वयुक्छुक्लाष्टम्यां च त्रिः कृत्वा तु प्रदक्षिणाम्। सोमेशं मध्यतः कृत्वा संस्नाप्याभ्यर्च्य मां पृथक्। तस्य वर्षत्रयं राजन्न भीः शोको भविष्यति

aśvayukchuklāṣṭamyāṁ ca triḥ kṛtvā tu pradakṣiṇām| someśaṁ madhyataḥ kṛtvā saṁsnāpyābhyarcya māṁ pṛthak| tasya varṣatrayaṁ rājanna bhīḥ śoko bhaviṣyati

अश्विन मास की शुक्ल अष्टमी को सोमेश को मध्य में रखकर तीन बार प्रदक्षिणा करके, स्नान कराकर अलग से मेरी पूजा करने वाले को, हे राजन्, तीन वर्षों तक न भय होगा न शोक।

श्लोक 17 (skanda.7.58.17)

या तु वंध्या भवेन्नारी रोगिणी दुर्भगा तथा। तयोक्ता नवमी कार्या ममाग्रे तुष्टिवर्द्धिनी

yā tu vaṁdhyā bhavennārī rogiṇī durbhagā tathā| tayoktā navamī kāryā mamāgre tuṣṭivarddhinī

जो स्त्री बाँझ हो, रोगिणी हो अथवा दुर्भाग्यशालिनी हो, उसे मेरे समक्ष नवमी का व्रत करना चाहिए, जो संतोष को बढ़ाने वाला है।

श्लोक 18 (skanda.7.58.18)

ईश्वर उवाच। इत्युक्त्वा तु तदा देवी तत्रैवांतर्हिताऽभवत्। प्रभासक्षेत्रमध्यस्थः स राजातुलविक्रमः

īśvara uvāca| ityuktvā tu tadā devī tatraivāṁtarhitā'bhavat| prabhāsakṣetramadhyasthaḥ sa rājātulavikramaḥ

ईश्वर ने कहा—ऐसा कहकर वह देवी वहीं अंतर्धान हो गईं। प्रभासक्षेत्र के मध्य में स्थित वह अतुल पराक्रमी राजा,

श्लोक 19 (skanda.7.58.19)

पालयामास धर्मात्मा तानजान्व्याधिरूपिणः। औषधीर्विविधाकारास्तेषां याः पुष्टिहेतवः

pālayāmāsa dharmātmā tānajānvyādhirūpiṇaḥ| auṣadhīrvividhākārāsteṣāṁ yāḥ puṣṭihetavaḥ

धर्मात्मा होते हुए उन रोगरूपी बकरियों का पालन करने लगा, विविध प्रकार की उन औषधियों से जो उनके पोषण का कारण थीं।

श्लोक 20 (skanda.7.58.20)

तत्र वर्षशतं साग्रं पुष्टिं नीता अजाः पृथक्। महानिधानसंस्थानमजापालेन निर्मिंतम्

tatra varṣaśataṁ sāgraṁ puṣṭiṁ nītā ajāḥ pṛthak| mahānidhānasaṁsthānamajāpālena nirmiṁtam

वहाँ सौ वर्षों से अधिक समय तक बकरियों को अलग-अलग पोषित किया गया। अजापाल ने वहाँ एक महान् निधि-भंडार का निर्माण किया।

श्लोक 21 (skanda.7.58.21)

अथ तस्याः प्रसादेन स राजा पृथुविक्रमः। सप्तद्वीपाधिपो जातः सूर्यवंशविभूषणः

atha tasyāḥ prasādena sa rājā pṛthuvikramaḥ| saptadvīpādhipo jātaḥ sūryavaṁśavibhūṣaṇaḥ

तत्पश्चात् उसकी कृपा से वह विशाल पराक्रमी राजा सूर्यवंश का भूषण बनकर सप्तद्वीपों का अधिपति हो गया।

श्लोक 22 (skanda.7.58.22)

देव्युवाच। अत्याश्चर्यमिदं देव अजा देव्याः समुद्भवम्। पुनश्च श्रोतुमिच्छामि तस्य राज्ञोद्भुतं महत्

devyuvāca| atyāścaryamidaṁ deva ajā devyāḥ samudbhavam| punaśca śrotumicchāmi tasya rājñodbhutaṁ mahat

देवी ने कहा—हे देव, यह बकरियों की देवी से उत्पत्ति अत्यंत आश्चर्यजनक है। मैं उस राजा के महान् और अद्भुत चरित्र को पुनः सुनना चाहती हूँ।

श्लोक 23 (skanda.7.58.23)

कथं राजा स देवेश सप्तद्वीपां वसुन्धराम्। शशास एक एवासौ कथं ते व्याधयः कृताः

kathaṁ rājā sa deveśa saptadvīpāṁ vasuṁdharām| śaśāsa eka evāsau kathaṁ te vyādhayaḥ kṛtāḥ

हे देवेश, वह राजा अकेला ही सप्तद्वीपों वाली पृथ्वी पर कैसे शासन करता था? उसने उन रोगों को बकरियों में कैसे परिवर्तित किया?

श्लोक 24 (skanda.7.58.24)

ईश्वर उवाच। पुरा बभूव राजर्षिर्दिलीप इति विश्रुतः। दीर्घो नाम सुतस्तस्य रघुस्तस्मादजायत

īśvara uvāca| purā babhūva rājarṣirdilīpa iti viśrutaḥ| dīrgho nāma sutastasya raghustasmādajāyata

ईश्वर ने कहा—प्राचीन काल में दिलीप नाम से विख्यात एक राजर्षि हुए। उनका पुत्र दीर्घ नाम से हुआ, और उससे रघु का जन्म हुआ।

श्लोक 25 (skanda.7.58.25)

अजःपुत्रो रघोश्चापि तस्माद्यश्चातिवीर्यवान्। स भैरवीं समाराध्य कृत्वा व्याधीनजागणान्

ajaḥputro raghoścāpi tasmādyaścātivīryavān| sa bhairavīṁ samārādhya kṛtvā vyādhīnajāgaṇān

रघु के पुत्र अज हुए, और उनसे अत्यंत पराक्रमी एक पुत्र उत्पन्न हुआ। उसने भैरवी की भलीभाँति आराधना करके रोगों को बकरियों के समूह में बदल दिया,

श्लोक 26 (skanda.7.58.26)

पालयामास संहृष्टो ह्यजापालस्ततोऽभवत्। तस्मिन्काले बभूवाथ रावणो राक्षसेश्वरः

pālayāmāsa saṁhṛṣṭo hyajāpālastato'bhavat| tasminkāle babhūvātha rāvaṇo rākṣaseśvaraḥ

और प्रसन्नतापूर्वक उनका पालन किया; इस प्रकार वह अजापाल बना। उसी काल में राक्षसों के स्वामी रावण विद्यमान थे।

श्लोक 27 (skanda.7.58.27)

लंकास्थितः सुरगणान्नियुयोज स्वकर्मसु। अखंडमंडलं चन्द्रमातपत्रं चकार ह

laṁkāsthitaḥ suragaṇānniyuyoja svakarmasu| akhaṁḍamaṁḍalaṁ caṁdramātapatraṁ cakāra ha

लंका में स्थित रावण ने देवताओं के समूहों को अपने कार्यों में नियुक्त कर लिया था। उसने चंद्रमा के अखंड मंडल को अपना छत्र बना लिया था।

श्लोक 28 (skanda.7.58.28)

इन्द्रं सेनापतिं चक्रे वायुं पांसुप्रमार्जकम्। वरुणं दूतकर्मस्थं धनदं धनरक्षकम्

iṁdraṁ senāpatiṁ cakre vāyuṁ pāṁsupramārjakam| varuṇaṁ dūtakarmasthaṁ dhanadaṁ dhanarakṣakam

उसने इंद्र को सेनापति, वायु को धूल साफ करने वाला, वरुण को दूत-कर्म में नियुक्त, धनद को धन का रक्षक बनाया।

श्लोक 29 (skanda.7.58.29)

यमं संयमनेऽरीणां युयुजे मन्त्रणे मनुम्। मेघाश्छर्दंति लिंपंति द्रुमाः पुष्पाणि चिक्षिपुः

yamaṁ saṁyamane'rīṇāṁ yuyuje maṁtraṇe manum| meghāśchardaṁti liṁpaṁti drumāḥ puṣpāṇi cikṣipuḥ

यम को शत्रुओं के दमन में और मनु को परामर्श में नियुक्त किया। मेघ जल छिड़कते और लीपते थे, वृक्ष पुष्प बिखेरते थे।

श्लोक 30 (skanda.7.58.30)

सप्तर्षयः शांतिपरा ब्राह्मणाः शंसिनः प्रियाः। नागा यामककक्षायां गन्धर्वा गीततत्पराः

saptarṣayaḥ śāṁtiparā brāhmaṇāḥ śaṁsinaḥ priyāḥ| nāgā yāmakakakṣāyāṁ gaṁdharvā gītatatparāḥ

सप्तर्षि शांति-कर्म में तत्पर थे, ब्राह्मण प्रिय स्तुतिपाठक थे; नाग प्रहरी के रूप में तैनात थे, गंधर्व गायन में तत्पर थे।

श्लोक 31 (skanda.7.58.31)

प्रेक्षणीयेऽप्सरोवृंदं वाद्ये विद्याधरा वृताः। गंगाद्याः सरितः पाने गार्हपत्ये हुताशनः

prekṣaṇīye'psarovṛṁdaṁ vādye vidyādharā vṛtāḥ| gaṁgādyāḥ saritaḥ pāne gārhapatye hutāśanaḥ

अप्सराओं का समूह नृत्य-प्रदर्शन में, विद्याधर वाद्य बजाने में नियुक्त थे; गंगा आदि नदियाँ पेयजल के लिए और अग्नि गार्हपत्य कर्म में उपस्थित थे।

श्लोक 32 (skanda.7.58.32)

विश्वकर्मांगसंस्कारे तेन शिल्पी नियोजितः। तिष्ठंति पार्थिवाः सर्वे पुरः सेवाविधायिनः

viśvakarmāṁgasaṁskāre tena śilpī niyojitaḥ| tiṣṭhaṁti pārthivāḥ sarve puraḥ sevāvidhāyinaḥ

विश्वकर्मा को उसने भवन-निर्माण के कार्य में नियुक्त किया था; सभी राजा उसके समक्ष सेवा करते हुए खड़े रहते थे।

श्लोक 33 (skanda.7.58.33)

दृश्यंते भास्वरै रत्नैः प्रस्खलंतो विभूषणैः। तान्दृष्ट्वा रावणः प्राह प्रहस्तं प्रतिहारकम्

dṛśyaṁte bhāsvarai ratnaiḥ praskhalaṁto vibhūṣaṇaiḥ| tāndṛṣṭvā rāvaṇaḥ prāha prahastaṁ pratihārakam

वे चमकते रत्नों और आभूषणों के भार से लड़खड़ाते हुए दिखाई देते थे। उन्हें देखकर रावण ने द्वारपाल प्रहस्त से कहा,

श्लोक 34 (skanda.7.58.34)

सेवां कर्त्तुं मम स्थाने ब्रूहि केऽत्र समागताः। उवाच स प्रणम्याग्रे दण्डपाणिर्निशाचरः

sevāṁ karttuṁ mama sthāne brūhi ke'tra samāgatāḥ| uvāca sa praṇamyāgre daṇḍapāṇirniśācaraḥ

"यहाँ मेरी सेवा करने के लिए कौन-कौन आए हैं, मुझे बताओ।" तब निशाचर दण्डपाणि ने आगे बढ़कर प्रणाम करके कहा।

श्लोक 35 (skanda.7.58.35)

एष काकुत्स्थो मांधाता धुन्धुमारो नलोऽर्जुनः। ययातिर्नहुषो भीमो राघवोऽयं विदूरथः

eṣa kākutstho māṁdhātā dhuṁdhumāro nalo'rjunaḥ| yayātirnahuṣo bhīmo rāghavo'yaṁ vidūrathaḥ

यह काकुत्स्थ, माँधाता, धुन्धुमार, नल, अर्जुन, ययाति, नहुष, भीम, यह राघव, और विदूरथ हैं।

श्लोक 36 (skanda.7.58.36)

एते चान्ये च बहवो राजान इह चागताः। सेवाकरास्तव स्थाने नाजापाल इहो गतः

ete cānye ca bahavo rājāna iha cāgatāḥ| sevākarāstava sthāne nājāpāla iho gataḥ

"ये और भी अनेक राजा यहाँ आपकी सेवा करने आए हैं; केवल अजापाल यहाँ नहीं आया है।"

श्लोक 37 (skanda.7.58.37)

रावणः कुपितः प्राह शीघ्रं दूत विसर्जय। इत्युक्त्वा प्रहितो दूतो धूम्राक्षो नाम राक्षसः

rāvaṇaḥ kupitaḥ prāha śīghraṁ dūta visarjaya| ityuktvā prahito dūto dhūmrākṣo nāma rākṣasaḥ

रावण क्रोधित होकर बोला—शीघ्र दूत भेजो। ऐसा कहकर धूम्राक्ष नामक राक्षस को दूत बनाकर भेजा गया।

श्लोक 38 (skanda.7.58.38)

धूम्राक्ष गच्छ ब्रूहि त्वमजापालं ममाज्ञया। सेवां कर्त्तुं ममागच्छ करं वा यच्छ पार्थिव

dhūmrākṣa gaccha brūhi tvamajāpālaṁ mamājñayā| sevāṁ karttuṁ mamāgaccha karaṁ vā yaccha pārthiva

"हे धूम्राक्ष, जाओ और मेरी आज्ञा से अजापाल से कहो—हे राजन्, मेरी सेवा करने आओ अथवा कर (भेंट) दो,"

श्लोक 39 (skanda.7.58.39)

अथवा चन्द्रहासेन त्वां करिष्ये विकंधरम्। रावणेनैवमुक्तस्तु धूम्राक्षो गरुडो यथा

athavā caṁdrahāsena tvāṁ kariṣye vikaṁdharam| rāvaṇenaivamuktastu dhūmrākṣo garuḍo yathā

"अन्यथा मैं चन्द्रहास से तुम्हें शिरविहीन कर दूँगा।" रावण द्वारा ऐसा कहे जाने पर धूम्राक्ष गरुड़ के समान वेग से,

श्लोक 40 (skanda.7.58.40)

संप्राप्तस्तां पुरीं रम्यां तव राजकुलं गतः। ददर्शायांतमेकं स अजापालमजावृतम्

saṁprāptastāṁ purīṁ ramyāṁ tava rājakulaṁ gataḥ| dadarśāyāṁtamekaṁ sa ajāpālamajāvṛtam

उस रमणीय नगरी में पहुँचकर उसके राजमहल में गया। उसने बकरियों से घिरे हुए अजापाल को अकेले आते हुए देखा,

श्लोक 41 (skanda.7.58.41)

मुक्तकेशं मुक्तकच्छं स्वर्णकंबलधारिणम्। यष्टिस्कंधं रेणुवृतं व्याधिभिः परिवारितम्

muktakeśaṁ muktakacchaṁ svarṇakaṁbaladhāriṇam| yaṣṭiskaṁdhaṁ reṇuvṛtaṁ vyādhibhiḥ parivāritam

बिखरे केशों वाला, ढीले वस्त्र वाला, स्वर्ण का कम्बल धारण किए हुए, कंधे पर लाठी लिए, धूल से आवृत, रोगों (बकरियों) से घिरा हुआ,

श्लोक 42 (skanda.7.58.42)

निघ्नंतमिव शार्दूलं सर्वोपद्रवनाशनम्। मह्यामालिख्य नामानि विनिघ्नंतं द्विषां गणम्

nighnaṁtamiva śārdūlaṁ sarvopadravanāśanam| mahyāmālikhya nāmāni vinighnaṁtaṁ dviṣāṁ gaṇam

मानो सिंह की भाँति संहार करता हुआ, समस्त उपद्रवों का नाशक, पृथ्वी पर नाम लिखकर शत्रुओं के समूह का विनाश करता हुआ।

श्लोक 43 (skanda.7.58.43)

स्नातं भुक्तं निजस्थाने कृतकृत्यं मनुं यथा। दृष्ट्वा हृष्टमनाः प्राह धूम्राक्षो रावणोदितम्

snātaṁ bhuktaṁ nijasthāne kṛtakṛtyaṁ manuṁ yathā| dṛṣṭvā hṛṣṭamanāḥ prāha dhūmrākṣo rāvaṇoditam

स्नान करके, भोजन करके, अपने स्थान में मनु के समान कृतकृत्य—ऐसे उसे देखकर धूम्राक्ष प्रसन्न मन से रावण का संदेश कह सुनाया।

श्लोक 44 (skanda.7.58.44)

अजापालोऽपि साक्षेपं प्रत्युक्त्वा कारणोत्तरम्। प्रेषयामास धूम्राक्षं ततः कृत्यं समादधे

ajāpālo'pi sākṣepaṁ pratyuktvā kāraṇottaram| preṣayāmāsa dhūmrākṣaṁ tataḥ kṛtyaṁ samādadhe

अजापाल ने भी उलाहने सहित तर्कसंगत उत्तर देकर धूम्राक्ष को विदा किया; तत्पश्चात् उसने एक अभिचार-कर्म आरंभ किया।

श्लोक 45 (skanda.7.58.45)

ज्वरमाकारयित्वा तु प्रोवाचेदं महीपतिः। गच्छ लंकाधिपस्थानमाचर त्वं यथोदितम्

jvaramākārayitvā tu provācedaṁ mahīpatiḥ| gaccha laṁkādhipasthānamācara tvaṁ yathoditam

ज्वर को आवाहित करके राजा ने यह कहा—जाओ, लंकापति के स्थान पर, जैसा कहा गया वैसा आचरण करो।

श्लोक 46 (skanda.7.58.46)

नियुक्तस्त्वजपालेन ज्वरो दिवि जगाम ह। गत्वा च कंपयामास रावणं राक्षसेश्वरम्

niyuktastvajapālena jvaro divi jagāma ha| gatvā ca kaṁpayāmāsa rāvaṇaṁ rākṣaseśvaram

अजापाल द्वारा नियुक्त ज्वर आकाश-मार्ग से गया, और जाकर उसने राक्षसराज रावण को कँपा दिया।

श्लोक 47 (skanda.7.58.47)

रावणस्तं विदित्वा तु ज्वरं परमदारुणम्। प्रोवाच तिष्ठतु नृपः तेन मे न प्रयोजनम्

rāvaṇastaṁ viditvā tu jvaraṁ paramadāruṇam| provāca tiṣṭhatu nṛpaḥ tena me na prayojanam

उस अत्यंत भयंकर ज्वर को पहचानकर रावण ने कहा—राजा जैसा है वैसा ही रहे, मुझे उससे कोई प्रयोजन नहीं।

श्लोक 48 (skanda.7.58.48)

ततः स विज्वरो राजा बभूव धनदानुजः। एवं तस्य चरित्राणि संति चान्यानि कोटिशः

tataḥ sa vijvaro rājā babhūva dhanadānujaḥ| evaṁ tasya caritrāṇi saṁti cānyāni koṭiśaḥ

तब धनद के अनुज वह राजा (रावण) ज्वर-मुक्त हो गया। इस प्रकार उसके और भी करोड़ों चरित्र हैं।

श्लोक 49 (skanda.7.58.49)

अजापालस्य देवेशि सूर्यवत्त्विट्किरीटिनः। तेनैषाऽऽराधिता देवी अजापालेन धीमता। सर्वरोगप्रशमनी सर्वोपद्रवनाशिनी

ajāpālasya deveśi sūryavattviṭkirīṭinaḥ| tenaiṣārādhitā devī ajāpālena dhīmatā| sarvarogapraśamanī sarvopadravanāśinī

हे देवेशि, सूर्य के समान तेजस्वी और मुकुटधारी अजापाल द्वारा ही यह देवी आराधित हुई—वह समस्त रोगों को शांत करने वाली और समस्त उपद्रवों का नाश करने वाली है।

श्लोक 50 (skanda.7.58.50)

पूजयेत्तां विधानेन भोगेप्सुर्यदि मानवः। गंधैर्धूपैरलंकारैर्वस्त्रैरन्यैश्च भक्तितः

pūjayettāṁ vidhānena bhogepsuryadi mānavaḥ| gaṁdhairdhūpairalaṁkārairvastrairanyaiśca bhaktitaḥ

भोग की इच्छा रखने वाला मनुष्य विधिपूर्वक गंध, धूप, आभूषण, वस्त्र आदि से भक्तिपूर्वक उसकी पूजा करे।

श्लोक 51 (skanda.7.58.51)

इति ते कथितं सर्वमजादेव्याः समुद्भवम्। सर्वदुःखोपशमनं सर्वपातकनाशनम्

iti te kathitaṁ sarvamajādevyāḥ samudbhavam| sarvaduḥkhopaśamanaṁ sarvapātakanāśanam

इस प्रकार तुम्हें बकरी-देवी (अजादेवी) की सम्पूर्ण उत्पत्ति-कथा बताई गई, जो समस्त दुःखों को शांत करने वाली और समस्त पापों का नाश करने वाली है।