अजादेवीमाहात्म्यवर्णनम्

श्लोक 1 (skanda.7.59.1)

ईश्वर उवाच। अथ वच्मि तृतीयां ते ज्ञानशक्तिं शिवात्मिकाम्। प्रभासक्षेत्रमध्यस्थां दारिद्र्यौघविनाशिनीम्

īśvara uvāca| atha vacmi tṛtīyāṁ te jñānaśaktiṁ śivātmikām| prabhāsakṣetramadhyasthāṁ dāridryaughavināśinīm

ईश्वर ने कहा—अब मैं तुम्हें तीसरी, शिवस्वरूपा ज्ञानशक्ति के विषय में बताता हूँ; प्रभासक्षेत्र के मध्य में स्थित, दारिद्र्य के प्रवाह का नाश करने वाली।

श्लोक 2 (skanda.7.59.2)

अजेति नाम्नीं तां देवीं राह्वीशाद्दक्षिणे स्थिताम्। मम वक्त्राद्विनिष्क्रांता षष्ठाद्वै विष्णुपूजितात्

ajeti nāmnīṁ tāṁ devīṁ rāhvīśāddakṣiṇe sthitām| mama vaktrādviniṣkrāṁtā ṣaṣṭhādvai viṣṇupūjitāt

राहु के स्थान से दक्षिण में स्थित उस देवी का नाम अजा है; वह मेरे छठे मुख से प्रकट हुई, जो विष्णु द्वारा पूजित है।

श्लोक 3 (skanda.7.59.3)

देव्युवाच। पंचवक्त्राणि देवेश प्रसिद्धानि तव प्रभौ। षष्ठं यद्वदनं देव तस्य किं नाम संस्मृतम्। समुत्पन्ना कथं तस्मादजादेवीति या श्रुता

devyuvāca| paṁcavaktrāṇi deveśa prasiddhāni tava prabho| ṣaṣṭhaṁ yadvadanaṁ deva tasya kiṁ nāma saṁsmṛtam| samutpannā kathaṁ tasmādajādevīti yā śrutā

देवी ने कहा—हे देवेश, हे प्रभो, आपके पाँच मुख प्रसिद्ध हैं। छठा जो मुख है, हे देव, उसका क्या नाम स्मृत है? उससे यह अजादेवी नाम से सुनी जाने वाली देवी कैसे उत्पन्न हुई?

श्लोक 4 (skanda.7.59.4)

ईश्वर उवाच। साधु पृष्टं त्वया देवि यद्गोप्यं स्वसुतेष्वपि। तत्तेऽहं संप्रवक्ष्यामि अप्रसिद्धागमोदितम्

īśvara uvāca| sādhu pṛṣṭaṁ tvayā devi yadgopyaṁ svasuteṣvapi| tatte'haṁ saṁpravakṣyāmi aprasiddhāgamoditam

ईश्वर ने कहा—हे देवि, तुमने अच्छा प्रश्न पूछा है, जो अपने ही पुत्रों से भी गुप्त रखा जाता है। वह मैं तुम्हें बताता हूँ, जो एक अप्रसिद्ध आगम में कहा गया है।

श्लोक 5 (skanda.7.59.5)

वक्त्राणि मम देवेशि सप्तासन्पूर्वमेव हि। सद्योजातादिपंचैव षष्ठं स्मृतमजेति च

vaktrāṇi mama deveśi saptāsanpūrvameva hi| sadyojātādipaṁcaiva ṣaṣṭhaṁ smṛtamajeti ca

हे देवेशि, पूर्वकाल में मेरे सात मुख थे। सद्योजात आदि पाँच, और छठा 'अज' नाम से स्मृत है।

श्लोक 6 (skanda.7.59.6)

सप्तमं पिचुनामेति सप्तैवं वदनानि मे। तेभ्योऽजं ब्रह्मणे दत्तं पिचुवक्त्रं तु विष्णवे

saptamaṁ picunāmeti saptaivaṁ vadanāni me| tebhyo'jaṁ brahmaṇe dattaṁ picuvaktraṁ tu viṣṇave

सातवाँ 'पिचु' नाम से है; इस प्रकार मेरे सात मुख हैं। उनमें से अज-मुख ब्रह्मा को और पिचु-मुख विष्णु को दिया गया।

श्लोक 7 (skanda.7.59.7)

तस्मादहं महादेवि पंचवक्त्रोऽधुनाऽभवम्। अजस्तु ब्रह्मा सञ्जज्ञे पिचुर्विष्णुरजायत

tasmādahaṁ mahādevi paṁcavaktro'dhunā'bhavam| ajastu brahmā saṁjajñe picurviṣṇurajāyata

इसीलिए, हे महादेवि, मैं अब पाँच मुख वाला हो गया। अज ब्रह्मा के रूप में उत्पन्न हुए, और पिचु विष्णु के रूप में।

श्लोक 8 (skanda.7.59.8)

अजवक्त्रान्महादेवि अजा जाता महाप्रभा। अन्धासुररणे घोरे मम क्रोधेन भामिनि

ajavaktrānmahādevi ajā jātā mahāprabhā| andhāsurarane ghore mama krodhena bhāmini

हे महादेवि, अज-मुख से महाप्रभावशाली अजा देवी उत्पन्न हुईं—अंधासुर के साथ हुए घोर युद्ध में, हे भामिनि, मेरे क्रोध से।

श्लोक 9 (skanda.7.59.9)

खड्गचर्मधरादेवी सुरूपा सिंहवाहिनी। मर्द्दयन्ती महादैत्यान्देवीकोटिसमन्विता

khaḍgacarmadharādevī surūpā siṁhavāhinī| marddayaṁtī mahādaityāndevīkoṭisamanvitā

वह देवी खड्ग और ढाल धारण किए, सुंदर रूप वाली, सिंह पर सवार, अनगिनत देवियों से युक्त होकर महादैत्यों का मर्दन करती थी।

श्लोक 10 (skanda.7.59.10)

तस्या भयेन ये दैत्या विद्रुता दक्षिणार्णवम्। पृष्ठतोऽनुययौ तान्वै सा देवी सिंहवाहिनी

tasyā bhayena ye daityā vidrutā dakṣiṇārṇavam| pṛṣṭhato'nuyayau tānvai sā devī siṁhavāhinī

उसके भय से जो दैत्य दक्षिण समुद्र की ओर भाग गए, उन्हें वह सिंहवाहिनी देवी पीछे से खदेड़ती चली गई।

श्लोक 11 (skanda.7.59.11)

इतस्ततस्ते धावन्तो मार्यमाणाश्च तद्गणैः। प्रभासक्षेत्रसंप्राप्ता नश्यमाना महार्णवम्

itastataste dhāvaṁto māryamāṇāśca tadgaṇaiḥ| prabhāsakṣetrasaṁprāptā naśyamānā mahārṇavam

वे इधर-उधर भागते हुए और उसके गणों द्वारा मारे जाते हुए प्रभासक्षेत्र में पहुँचे, विनष्ट होते हुए महासागर की ओर।

श्लोक 12 (skanda.7.59.12)

केचित्तत्र हता दैत्याः केचित्पातालमाययुः। निःशेषान्निहतान्दृष्ट्वा सा देवी सिंहवाहिनी

kecittatra hatā daityāḥ kecitpātālamāyayuḥ| niḥśeṣānnihatāndṛṣṭvā sā devī siṁhavāhinī

कुछ दैत्य वहीं मारे गए, कुछ पाताल को चले गए। उन सभी को पूर्णतः मारा गया देखकर वह सिंहवाहिनी देवी,

श्लोक 13 (skanda.7.59.13)

क्षेत्रं पवित्रमाज्ञाय तत्र स्थाने स्थिता शुभा। सोमेशादीशकोणस्था सौरीशादुत्तरे स्थिता

kṣetraṁ pavitramājñāya tatra sthāne sthitā śubhā| someśādīśakoṇasthā saurīśāduttare sthitā

उस क्षेत्र को पवित्र जानकर वहीं शुभा देवी स्थिर हो गईं—सोमेश से ईशान कोण में, सूर्येश से उत्तर दिशा में स्थित।

श्लोक 14 (skanda.7.59.14)

यस्तां तत्र स्थितां पश्येद्योषिद्वाथ नरोऽपि वा। स भूयात्सत्त्वसौभाग्यैः सप्तजन्मानि संयुतः

yastāṁ tatra sthitāṁ paśyedyoṣidvātha naro'pi vā| sa bhūyātsattvasaubhāgyaiḥ saptajanmāni saṁyutaḥ

जो स्त्री अथवा पुरुष भी वहाँ स्थित उस देवी का दर्शन करता है, वह सात जन्मों तक सत्त्व और सौभाग्य से युक्त होता है।

श्लोक 15 (skanda.7.59.15)

गीतवाद्यादिकं नृत्यं यस्तत्र कुरुते नरः। तस्यान्वये न दौर्भाग्यं भूयात्तस्याः प्रसादतः

gītavādyādikaṁ nṛtyaṁ yastatra kurute naraḥ| tasyānvaye na daurbhāgyaṁ bhūyāttasyāḥ prasādataḥ

जो मनुष्य वहाँ गीत, वाद्य आदि के साथ नृत्य करता है, उसके वंश में उसकी कृपा से कभी दुर्भाग्य नहीं होगा।

श्लोक 16 (skanda.7.59.16)

घृतेन दीपकं तत्र या नारी संप्रयच्छति। रक्तवर्त्या महादेवि यावंतस्तत्र तंतवः। तावज्जन्मांतराण्येव सा सौभाग्यमवाप्नुयात्

ghṛtena dīpakaṁ tatra yā nārī saṁprayacchati| raktavartyā mahādevi yāvaṁtastatra taṁtavaḥ| tāvajjanmāṁtarāṇyeva sā saubhāgyamavāpnuyāt

जो स्त्री वहाँ घी और लाल बत्ती से दीपक अर्पित करती है, हे महादेवि, उस दीपक में जितने तंतु (बत्ती के धागे) होते हैं, उतने ही जन्मों तक वह सौभाग्य प्राप्त करती है।

श्लोक 17 (skanda.7.59.17)

यश्चैतत्तु पठेन्नित्यं तृतीयायां विशेषतः। शृणुयाद्वाऽपि यो भक्त्या स कामानखिलाँल्लभेत्

yaścaitattu paṭhennityaṁ tṛtīyāyāṁ viśeṣataḥ| śṛṇuyādvāpi yo bhaktyā sa kāmānakhilāḻlabheta

जो इसे नित्य, विशेषतः तृतीया को पढ़ता है, अथवा जो भक्तिपूर्वक इसे सुनता है, वह समस्त कामनाओं को प्राप्त करता है।

श्लोक 18 (skanda.7.59.18)

इति संक्षेपतः प्रोक्तो रुद्रशक्तित्रयक्रमः

iti saṁkṣepataḥ prokto rudraśaktitrayakramaḥ

इस प्रकार संक्षेप में रुद्र की तीन शक्तियों का क्रम बताया गया।

श्लोक 19 (skanda.7.59.19)

एताः शक्तीः पूजयित्वा सोमेशं पूजयेत्ततः। सम्यग्यात्राफलापेक्षी एकां वा वरदामथ

etāḥ śaktīḥ pūjayitvā someśaṁ pūjayettataḥ| samyagyātrāphalāpekṣī ekāṁ vā varadāmatha

इन शक्तियों की पूजा करके तत्पश्चात् सोमेश की पूजा करनी चाहिए—यात्रा के सम्पूर्ण फल की अपेक्षा रखने वाले को, अथवा एक ही वरदायिनी की पूजा करनी चाहिए।