ललितोमाविशालाक्षीमाहात्म्यवर्णनम्

श्लोक 1 (skanda.7.61.1)

ईश्वर उवाच। ततो गच्छेन्महादेवीं क्षेत्रदूतीं तु वैष्णवीम्। श्रीदैत्यसूदनाद्देवि पूर्वभागे व्यवस्थिताम्

īśvara uvāca| tato gacchenmahādevīṁ kṣetradūtīṁ tu vaiṣṇavīm| śrīdaityasūdanāddevi pūrvabhāge vyavasthitām

ईश्वर ने कहा—तत्पश्चात् उस महादेवी वैष्णवी क्षेत्रदूती के पास जाना चाहिए, जो हे देवि, श्रीदैत्यसूदन से पूर्व दिशा में स्थित है।

श्लोक 2 (skanda.7.61.2)

योगेश्वर्यास्तथैशान्यां धनुषां सप्तके स्थिताम्। महादौर्भाग्यदग्धानां स्थितां भेषजरूपिणीम्

yogeśvaryāstathaiśānyāṁ dhanuṣāṁ saptake sthitām| mahādaurbhāgyadagdhānāṁ sthitāṁ bheṣajarūpiṇīm

वह योगेश्वरी से ईशान दिशा में, सात धनुष की दूरी पर स्थित है; वह महान् दुर्भाग्य से दग्ध लोगों के लिए औषधि-स्वरूपा है।

श्लोक 3 (skanda.7.61.3)

चाक्षुषस्यांतरे देवि यदा दैत्या बलोत्कटाः। हन्यमाना विष्णुनाऽथ दक्षिणां दिशमाविशन्

cākṣuṣasyāṁtare devi yadā daityā balotkaṭāḥ| hanyamānā viṣṇunā'tha dakṣiṇāṁ diśamāviśan

हे देवि, चाक्षुष मन्वंतर में, जब अत्यंत बलशाली दैत्य विष्णु द्वारा मारे जाते हुए दक्षिण दिशा में प्रविष्ट हुए,

श्लोक 4 (skanda.7.61.4)

तत्र वर्षशतं साग्रं दैत्याश्चक्रुर्महाहवम्। विष्णुना सह देवेशि दिव्यास्त्रैश्च पृथग्विधैः

tatra varṣaśataṁ sāgraṁ daityāścakrurmahāhavam| viṣṇunā saha deveśi divyāstraiśca pṛthagvidhaiḥ

वहाँ हे देवेशि, दैत्यों ने विष्णु के साथ सौ से अधिक वर्षों तक विविध दिव्य अस्त्रों से महायुद्ध किया।

श्लोक 5 (skanda.7.61.5)

दुःखवध्यांस्ततो ज्ञात्वा विष्णुः कमललोचनः। सस्मार भैरवीं शक्तिं महामायां महाप्रभाम्

duḥkhavadhyāṁstato jñātvā viṣṇuḥ kamalalocanaḥ| sasmāra bhairavīṁ śaktiṁ mahāmāyāṁ mahāprabhām

तब कमलनयन विष्णु ने उन्हें दुःख से वध करने योग्य जानकर महामाया, महाप्रभावशाली भैरवी शक्ति का स्मरण किया।

श्लोक 6 (skanda.7.61.6)

सा स्मृता क्षणमात्रेण विष्णुना प्रभविष्णुना। तत्रागता महादेवी आनंदस्फुरितेक्षणा

sā smṛtā kṣaṇamātreṇa viṣṇunā prabhaviṣṇunā| tatrāgatā mahādevī ānaṁdasphuritekṣaṇā

प्रभावशाली विष्णु द्वारा क्षणमात्र में स्मरण की गई वह महादेवी, आनंद से चमकते नेत्रों के साथ, वहाँ आईं।

श्लोक 7 (skanda.7.61.7)

विशाले तु कृते देव्या लोचने विष्णुदर्शनात्। विशालाक्षी ततो जाता तत्रस्था दैत्यनाशिनी

viśāle tu kṛte devyā locane viṣṇudarśanāt| viśālākṣī tato jātā tatrasthā daityanāśinī

विष्णु के दर्शन से जब देवी के नेत्र विशाल हो गए, तब वह विशालाक्षी नाम से प्रकट हुईं, वहीं स्थित दैत्यनाशिनी।

श्लोक 8 (skanda.7.61.8)

अस्मिन्कल्पे समाख्याता ललितोमा वरानने। उमाद्वयं समाख्यातं सोमेशे दैत्यसूदने

asminkalpe samākhyātā lalitomā varānane| umādvayaṁ samākhyātaṁ someśe daityasūdane

हे वरानने, इस कल्प में वह ललितोमा नाम से प्रसिद्ध है। सोमेश और दैत्यसूदन में उमा के दो रूप कहे गए हैं।

श्लोक 9 (skanda.7.61.9)

पूर्वं सोमेश्वरे पश्येत्पश्चाच्छ्रीदैत्यसूदने। उमा द्वयं पूजयित्वा तीर्थयात्राफलं लभेत्

pūrvaṁ someśvare paśyetpaścācchrīdaityasūdane| umā dvayaṁ pūjayitvā tīrthayātrāphalaṁ labhet

पहले सोमेश्वर में दर्शन करना चाहिए, फिर श्रीदैत्यसूदन में। उमा के दोनों रूपों की पूजा करके तीर्थयात्रा का फल प्राप्त होता है।

श्लोक 10 (skanda.7.61.10)

माघे मासि तृतीयायां विधिना योऽर्चयेत्तु ताम्। न संततिविहीनः स्यात्तस्यकोट्यन्वये नरः

māghe māsi tṛtīyāyāṁ vidhinā yo'rcayettu tām| na saṁtativihīnaḥ syāttasyakoṭyanvaye naraḥ

माघ मास की तृतीया को जो विधिपूर्वक उसकी पूजा करता है, उसके वंश में करोड़ों पीढ़ियों तक कोई मनुष्य संतानहीन नहीं होगा।

श्लोक 11 (skanda.7.61.11)

यो नित्यमीक्षते तत्र भक्त्या परमया युतः। आरोग्यसुखसौभाग्यसंयुक्तोऽसौ भवेच्चिरम्

yo nityamīkṣate tatra bhaktyā paramayā yutaḥ| ārogyasukhasaubhāgyasaṁyukto'sau bhavecciram

जो नित्य परम भक्ति से युक्त होकर वहाँ दर्शन करता है, वह चिरकाल तक आरोग्य, सुख और सौभाग्य से संयुक्त रहता है।

श्लोक 12 (skanda.7.61.12)

इति संक्षेपतः प्रोक्तं माहात्म्यं ललितोद्भवम्। श्रुतं यत्पापनाशाय जायते धर्मवृद्धये

iti saṁkṣepataḥ proktaṁ māhātmyaṁ lalitodbhavam| śrutaṁ yatpāpanāśāya jāyate dharmavṛddhaye

इस प्रकार संक्षेप में ललिता से उत्पन्न यह माहात्म्य कहा गया, जिसे सुनने से पाप का नाश और धर्म की वृद्धि होती है।